رواية لعنة جمالي - احداث حقيقية مشوقة

صفاء النعمان

ادارة الموقع
طاقم الإدارة
2/11/13
19,559
2
#لعنة_جمالي

#الجزء_السابع_عشر

حطت نقطة ع السطر لاحزانها .. بس احزانها مصرة تفتح سطور بصفحات جديدة بحياتها .... لايمت هالحزن والوجع والصدمات رح ترافقها ... معقول كلو بسبب لعنة هالجمال يلي ابتلتها
.............
لما بلشت استكشاف هالملحق اكتشفت انو فيه كتير شغلات ومنها تلفزيون ليسليها باوقات الممل الكثير
جهزت فنجان قهوة واجت لقدامو وفتحتو وبلشت تقلب بهالقنوات .. من يوم صارت تفتحو كل يوم نفس الشي بتضل تقلب فيه لتمل منو وتسكرو وتطفيه
اندق الباب وعرفت انو سليم وبكون جايب شي او بدو ياخد شي ظبطت قعدتها وقالت :تفضل
انفتح الباب ودخل .. كان متلبك كعادتو
سليم بتحجج : بدي غسل ايدي
هايدي : البيت بيتك تفضل
دخل ع الحمام غسل ايديه وطلع وهو بدو حجة ليقعد ويحكي معها ، ويكون قريب منها
سليم وهو عم ينشف ايديه :عم تشربي قهوة
هايدي :اي .. تشرب
سليم :لا لا مابدي دايقك
هايدي : مافي مدايقة .. جيب فنجان وتعا
سليم عم يلطف جو :فكرت رح تقومي تجيبيلي انت
هايدي :ههههه ماهو عم قلك هيك مشان ماتنحرج وتاخد ع الجو ومشان ماتفكر انك عم تعذبني
سليم : هههه اذا هيك رح جيب واجي اذا مافيها ازعاج طبعا
هايدي :مافي ازعاج .. بنتسلى لانو طقت خلاقي من هالاربع حيطان
سليم : وين الفناجين
هايدي : بالمطبخ بحبش بهالرفوف بتلاقي
____________________
كلشي بهالمكان بدل انو فخم وراقي وباهظ الثمن ...
هالمكان هو عبارة عن جناح بأحد الاوتيلات في دولة غربية .. وعلى الشرفة واقف صبية بروب نوم عرايسي من الحرير الابيض والفضي .. ياترى مين هالصبية
التفتت وهية مشغولة بموبايلها واذا هي روز
قربت وقعدت ع كنبة ولفت رجل ع رجل
وتابعت محادثتها
دانيال : شو كيفكن
روز : تمام مكيفين
دانيال : وينو يعرب
روز : كنت نايمة فقت مالقيتو .. هو بالعادة متل هالوقت بحب ينزل ويتمشى ع البحر
دانيال :من دونك
روز :نزلت مرة .. ماحبيت
دانيال :له ليش .. شوبدك احسن من هيك مشي ع البحر وتحت ضو القمر شوبدك اكتر من هيك رومانسية
روز :مابحب الرومانسية الصامتة
دانيال: ههههه هي مو صامتة اسمها تأمل .. يعني رومنسية متأملة
روز :ماناقصني بايختك .. قلي ليش عم تحكيني مالك بالعادة
دانيال :ولا رح تكون عادة اتطمني .. كنت مابطيق يعرب وهلق مابطيقو لاهو ولا مرتو
روز :لكن ليش متنازل وعم تحكيني
دانيال :ماعرفتي وين هايدي
روز :عرفت مشان هيك عم تحكي
دانيال :المهم عرفتي شي
روز :خايف عليها
دانيال :طبعا لأ .. بس فضول ما اكتر
روز : يلي عرفتو انها محبوسة عندو بالفيلا
دانيال : عم تحكي جد
روز : والله .. وانا من وقت عرفت رح جن .. المشكلة ماعم يخليني افتح موضوعها نهائيا
دانيال : طيب شوبدو منها ليش حابسها
روز : ماخلص انتقامو
دانيال : جوزك مريض يعني
روز : دانيال
روز : بس اول ما ارجع رح لاقي طريقة وهربها .. ناقصني انا لأنو
دانيال : بس انتبهي عحالك مكانك لسه مادفي
روز : وحياتك دفي وكتر
دانيال : اي احطي لكن
روز : خلصت المصلحة
دانيال : فشرتي يكون الي عندك مصلحة ولاتنسي بفضل مين انت وينك هلق
رمت الموبايل وقالت : بفضلك ولا بفضل غيرك المهم انا هلق مع حبيبي ومافي شي رح يفرقنا
انفتح الباب ودخل يعرب كان لابس بجامة وبوط رياضيين
يعرب : شو فقتي
روز : اي فقت مالقيتك
يعرب : شو رأيك نتعشى
روز : والله رح موت من جوعي
يعرب : هون ولا تحت
روز :لا هون
يعرب : لكن ظبطي الوضع لاطلب عشا رومنسي
روز : من عيوني
________________________
بالملحق
الفناجين فاضية قدامن وهدوء .. مافي غير التلفزيون عم يحكي لحالو
حكت هايدي : سليم خبرت شي عن اهلي
سليم :اي صح منيح زكرتيني
هايدي بفرح يعني خبرت عنن شي
سليم :اي خبرت .. اهلك مناح وبخير وصحة جيدة
هايدي :اي الحمد لله طمنتني .. خفت كتير على البابا يصيبو شي من ورا راسي
سليم :قصدك من ورا راسن
هايدي: المهم الله شايف وعارف .. شو رأيك زدلك
سليم : لا حاج هلق مابقدر نام
هايدي : غريب .. بقولو القهوة بتصحصح وانا اول مابشربها بنعس
سليم : نعستي هلق
هايدي : لا لا .. بس انو مابسهر اذا شربت قهوة
سليم : حسب طبيعة الجسم بس انو بشكل عام القهوة فيها كافيين والكافيين بنشط خلايا الجسم وبخليه مستيقظ
هايدي : انا بقول كلو حكي
سليم : لا مو حكي ما انا دارسن
هايدي :شو دارس انت
سليم :مخبر
هايدي:عنجد
سليم :والله
هايدي :وعم تشتغل بادي جارد
سليم :اي جسمي سمحلي اشتغل هالشغلة والراتب ضعف
هايدي :مشان المصاري اشتغلت بادي جارد
سليم :مو بس بادي جارد وشوفير كمان هههه
هايدي :هههه يلي هو
سليم :اي بصراحة .. يعني مخبر انكترت بصير ممرض بمخبر بشي مشفى والراتب يادوب يكفي اول اسبوع .. صرلي هالشغلة تركت الجامعة وصرت يلي انت شايفتيه
هايدي :يعني مانك مخلص دراسة
سليم :لا
هايدي :ومانك ناوي تكمل
سليم :ممكن مع الايام حتى الله يرزقني وافتح مخبر لحالي
هايدي :الله كريم
سليم :اي والله
هايدي :كم واحد انتو
سليم : شبين وبنت
هايدي :وابوك وامك عايشين
سليم :اي الله يطولي بعمرن
هايدي :آمين ...
سكتو شوي وحكت هايدي : بظن بتعرف عني كلشي ماهيك
سليم : هههه اي
هايدي :وفرت علي
ضحك سليم .. ورجعو سكتو
هايدي: شو الاخبار برا
سليم :قصدك الفيلا
هايدي :اي
سليم : يعرب بيك لسه ما اجا من شهر العسل هو ومرتو
هايدي :وين عم يعملو شهر العسل
سليم : قال جولة حول العالم
هايدي :اممم
سليم : وعيشة تركت الشغل مبارح
هايدي :عنجد .. ليش
سليم :قال مابتحبا لروز .. ومارح تتحملا مشان هيك تركت
هايدي :معها حق
سليم :انزعج من اخر حديث انو عم تسال عم يعرب فقرر ينسحب مشان ماتسأل اكتر
سليم :انا بدي روح اقعد مع الشباب بدك شي قبل ماروح
هايدي:لا شكرا
______________________
بعد شهر تقريبا
بالملحق والدنيا ليل
عم يندق الباب
هايدي : فوت سليم
انفتح الباب ودخل سليم معو شوية أكياس وراح حطهن بالمطبخ واجا ع الصالون كانت هايدي قاعدة ومعها كتاب
سليم : جبتلك كل الاغراض يلي وصيتيني عليها
هايدي : شكرا ..عم عزبك
سليم :ولو شو هالعذاب
هايدي : صحي من وين دفعت حقن
سليم : لاتاكلي هم
هايدي : لا عنجد من وين اذا من راتبك مابقبل
سليم : شو مفكرة انت ليش
هايدي : ماعم يعطوني شي مصروف لألي
سليم : لا
سكتت وحبست بقلبها مع كتير شغلات محبوسة
هايدي :خلص اول ما اطلع من هون وعد وفيك كل ديوني
سليم : لا تحكي هيك (وبمزاح) لا تنسي انو انا زوجك ومجبور فيكي ههههه
هايدي :هههههه .. اي تعا اقعود بلا حكي فاضي .. لقوم اعمل فنجان قهوة
سليم : لا لاخليكي مرتاحة انا بعملو
هايدي : بس
سليم : بس شو .. خلص ولو مو بيناتنا
هايدي : طيب ماشي
دخل سليم ع المطبخ وهية رجعت تقلب بالكتاب
____________________
برا بالفيلا
وصلو السيارات عباب الفيلا ونزل منهن يعرب وروز وريان نزل من السيارة التانية
والحرس دخلو الشناتي
روز : واخيرا رجعنا .. ماني مصدقة
ريان : يعني ما انبسطتي
روز : شو ما انبسطت بالعكس .. بس مافي احلى من بيتو الواحد
وصلو ع الصالون وقعدو وطلعت خادمة من جوا وهية خديجة
خديجة :الحمد لله عسلامتكن
اتطلع عليها يعرب وقال :وينا عيشة
ريان : تركت قال تعبت ومعد تقدر ع الشغل
يعرب :بعرف همتها قوية
ريان :والله مابعرف .. مع انو حاولت معها بس ماقبلت قام جبت خديجة .. نشيطة ورح تعجبكن
روز : اهلين يا خديجة
خديجة :اهلين فيكي ياخانم .. بتحبو اعمللكن شي تشربوه
روز :لا انا تعبانة من السفر وقايمة اخد شور وارتاح .. شوفي الشباب
يعرب : قهوة
خديجة : امركن
خديجة راحت ع المطبخ وروز طلعت ع غرفتها
يعرب : شو الاخبار
ريان : الشغل متراكم عليك بشكل فظيع والوزير سأل عنك مرتين
يعرب : يعني راحت جمعة زمان غرقان بالشغل
ريان : هه قول شهر شهرين
يعرب بملل : لا ولوو
ريان : خلص لاتتأفأف بساعدك
يعرب فرك اديه ببعضن وقال : والملحق
ريان : مافي شي جديد
يعرب :انتبهلي ع سليم ليكون عم يلعب بديلو
ريان :ليش بيسترجي
يعرب :يعني كيف وضعا شو عم تعمل
ريان :ولا شي عم تاكل تشرب وتنام .. واوقات بتطلب شي غرض بيجي سليم بخبرني وانا بعطيه يجيب المطلوب
يعرب :ماحاولت تهرب
ريان:كيف بدا تهرب اذا محبوسة بالملحق واذا طلعت منو مارح تنفد من الحرس يلي محاوطين الفيلا
يعرب :بهالفترة فكرت كتير
ريان :اي وعشو وصلت
يعرب :اوقات بقول اتركها وخليها تروح
ريان :واوقات ؟؟؟
يعرب : لك كانت مرتي .. مرتي عم تفهم وماعم اقدر مرقلا اياها
ريان :انا بقول اتركها ... انا مرتين ومرتين يخطر عبالي افتحلا هالباب واتركها تروح بس والله خوفي منك ماعم اعمل هيك
يعرب :مابعرف مابعرف
ريان :طيب اذا بدك تعاقبا عاقبا وخلصنا يعني لايمت او شو ناوي
يعرب :ماعم تفهم علي .. ماعم تفهم عليي
ريان : فهمان والله فهمان .. بدك اياها تكون تحت نظرك وبنفس الوقت مابدك اياها ... ومابدك تحبسا بلا سبب وجوزتا لسليم ماهيك
يعرب : ع الورق .. يعني مانو جوزا
ريان :وعم تغار عليها
يعرب : هايدي الي .. ماضروري تكون مرتي بس هايدي الي عم تفهم اصلا ما ضللا حدا غيري .. بس لافضى رح قلع سليم وشوف شوبدي اعمل فيها
ريان : يلي عم تعملو الو اسم واحد وهو جنون
____________________
بالملحق
طفا تحت القهوة .. وسكبها بالفناجين يلي مجهزا على الصينية .. وطلع من جيبتو علبة حب واخد منها حبة وحطها بفنجان من الفناجين وحركها منيح واخد الصينية وطلع
وصل لعندها ضيفها الفنجان يلي فيه الحبة وقعد مقبالها
سليم :اي صح خبرتي
هايدي :شوفي
سليم :العرسان اجو من شهر العسل
سكتت وما ردت وتصرفت بتجاهل .. اخدت الفنجان وصارت تشرب
____________________
ببيت معتصم
قاعد ومادد رجليه ع الطاولة وقدامو كاس مشروب وصحن مقبلات وعم يتفرج ع فيلم اكشن
سمع الباب عم يندق .. هو ما تحرك بس وطا الصوت وسمع الباب انفتح
مدير اعمالو : معصتم بيك هون
الخادمة : اي جوا تفضل
دخل عليه وقرب وقعد جنبو
معتصم : شو في شي؟؟
: وصلتني اخبار وماحبيت نيمها
معتصم : ويلي هية ؟؟
: عن يعرب
نزل معتصم رجليه وركز قعدتو وشبك ايديه ببعضن : عم اسمعك
: قدرنا نشتري واحد من رجالو يلي بالفيلا .. هاد يعرب اكتشف انو خطيبتو عم تخونو .. قصدي يلي كانت خطيبتو
معتصم :هايدي ؟؟؟
: اي هايدي ... وحبسها عندو بالملحق وحاطط عليها سليم حارس
معتصم : عم تحكي جد
: والله .. والاخبار مأكدة
معتصم : سليم الكلب ... بس انابفرجيه اذا مابفصل راسو عن جسمو مابكون اسمي معتصم .... ماعم تقدرو تلقطوه لهالحشرة
: بصراحة معلم نحنا ماعم نقرب عليه ... عمهل شوي ليأمن خايف يكون في ادلة ضدك انو كان يشتغل معك ويقدمها
معتصم :اممم ... طيب هلق ازبلوه
:اي صح واليوم يعرب اجا مع شهر العسل
معتصم :اهلا اهلا بالعريس
:ناوي تعمل شي
معتصم :اي ... بتبلغ انو يعرب خاطف المدعوة هايدي وحابسها عندو .. والله لاعملك فضيحة ماصارت يا حضرة المدير العام وخبر متل هاد بيضربلو سمعتو ومستحيل يصير وزير ههههههه
اجت ع ايديها ورجليها
:يعني نبلغ عنو
معتصم :وهلق كمان ... بس اهم شي يكون الخبر مأكد
: والله مأكد يا معلم ... حتى من شوي كان الشب عم يحكي معي وقلي سليم هلق جايبلا غراض وممنوع تطلع نهائيا وسليم بيقفل عليها بالمفتاح عطول
معتصم : لكن لا تأجلها ..خلينا نقدملو هدية شهر العسل هههه
: امرك معلم ... ان شاء الله مابتفيق الا عأخبار حلوة
معتصم :مابدي نام بدي اسمعها قبل ما نام
_______________________
بالملحق
قاعد عم يدخن وعيونو عليها .. عيونو عم تصدر نظرات غريبة
وهية متكورة على الكرسي يلي قاعدة عليه ونايمة بعمق .. سحب اخر نفس من السيجارة وطفاها بالنفاضة وهو عم يضغط عليها لتفتت نهائيا.. قام وحملها واخدها ع غرفة النوم
______________________
بالفيلا بغرفة يعرب
متسطح جنب زوجتو واديه تحت راسو وصافن بالسقف .. التفت ع جهة روز كانت نايمة بعمق اتطلع فيها مدة ورجع قلب عالجنب التاني
ياترى بشو عم يفكر .. معقول حتى العقل صامت عن التفكير .. صح اوقات بيصمت بس بضل قلقان .. او عاجز يشرح او يعبر ... ماحس عحالو الا عم يرفع الغطا وقام وطلع من الغرفة وبعدها من الفيلا كلا
طلع ووقف عباب الفيلا من برا .. قرب منو واحد من الحرس وقال : امرني يعرب بيك
يعرب : مافي شي .. بدي شم هوا
: اسف .. فكرت بدك شي (واتراجع بخطواتو )
صار يعرب ينقل نظرو بين الحرس .. وكأنو عم يدور ع سليم بيناتن ..بس مالو اثر .. ويمكن ما اهتم اذا موجود او لأ
حط اديه ورا ضهرو وتوجه لعند الملحق .... هو عن نفسو مانو عرفان شو رايح يعمل ... يلي بيفهمو انو لاحق عقلو او الاصح نقول قلبو
ماكمل كم خطوة الا سمع ضجة عند البوابة الخارجية .. لتوقفو عن وجهتو ويروح لعند البوابة ويشوف شو المشكلة
وصل وشاف سيارات الشرطة وفي شرطي عم يتناقش مع الحارس يلي ع الباب
الشرطي :عم قلك افتاح البوابة
الحارس :مشان شو .. وبعدين شو الامر يلي معك
الشرطي :معي امر بتفتيش الفيلا .. افتااح البوابة
قرب يعرب والحرس تنحو على جنب
يعرب :خير شوفي
الشرطي :ومين حضرتك
يعرب :صاحب الفيلا .. خير
الشرطي : معنا امر بتفتيش الفيلا
يعرب :بتعرف مين انا
الشرطي :مين ما كنت تكون .. معنا امر بتفتيش الفيلا
يعرب : طيب عشو بدكن تفتشو
الشرطي :اجانا خبر انو في بنت مخطوفة ومحبوسبة بالملحق .. واسمها هايدي الجمال لو سمحت اتركنا نشوف شغلنا
يعرب انصدم من يلي قالو الشرطي .. وبلش يفكر مين يلي خبر .. ومين الو مصلحة
الشرطي :اذا مافتحتو البوابة رح نكسرها
يعرب :فتحو البوابة
__________________
بالملحق
كان طالع من غرفتها وسمع ضجة برا .. فورا راح ع الحمام وقف قدام المراي اتفقد وجهو وظبط هندامو .. وطلع فورا وهو ماشي ناح الصوت بيطلع قدامو الشرطة وويعرب ماشي معن
الشرطي :هاد هو الملحق
يعرب :قبل ما تخطي خطوة .. لازم تعرف انو هاد الملحق مسكون
سليم :خير يعرب بيك شوفي
الشرطي :بنعرف انو مسكون وجاين نشوف مين ساكنو
يعرب :هاد الشب هو ومرتو (واشر ع سليم )
وقف الشرطي ومعد يعرف شو يحكي
يعرب :انا جبتك لهون بعيد عن الحرس لخبرك انو البيت يلي قلت اسمها بتكون زوجتو للشب ..
الشرطي(بتلبك):شو الدليل انها مرتو
يعرب :سليم وين عقد الزواج
سليم :معي معي
طلع العقد من جيبتو وعطاه للشرطي
اخدو الشرطي وقراه وهو خجلان
يعرب :واذا بتحبو بنخليكن تسألو زوجتو ... سليم وينها مرتك
سليم :نايمة يعرب بيك بتحبو فيقها
الشرطي :لا لا مافي داعي .. بعتذر ع الازعاج
يعرب :ولا يهمك .. بس تاني مرة اتأكدو من البلاغ قبل ما تقتحمو بيوت الناس ومنيح زوجتو للرجل نايمة ولا كنتو سببتولها رعبةغير شكل
الشرطي :لا تواخذنا يا ؟؟..
يعرب :المدير العام يعرب الشعار
الشرطي :لا تواخذنا سيادتك .. وبنوعدك هالشي مارح يتكرر
يعرب :حصل خير .. الله معكن
هز براسو واتراجع هو وعناصرو وراحو ..
ضل سيلم ويعرب واقفين جنب بعض .. ويعرب ضل عم يتطلع عليها لركبو بسيارتن ومشو .. وبعدها التفت ع سليم وكمشو من رقبتو
يعرب :شو كنت عم تعمل بالملحق ولااه ... ولا صدقت انها مرتك
سليم بلش يسعل :لا والله يامعلم ... العين مابتعلى على الحاجب . وانا عم نفذ اوامركن وبس والله اح اح اح
يعرب :شو عم تعمل لكن هووون
سليم : كنت اح اح كنت بالتواليت يلي ورا الملحق ماكنت بالملحق
ارتخت ايد يعرب عن رقبتو وسليم اتراجع خطوتين لورا وصار يفرك رقبتو
يعرب :يا ويلي وتلعب بديلك
سليم :امرك .. امرك .. ولابعمري بفكر
يعرب : شو اخبارها ؟
سليم : مالها اخبار .. بس بجي اوقات بطمن عليها لاتعمل بحالها شي وبشوف شوبدها اغراض وبس صدقني يامعلم .. لابحكي معا ولا بتحكي معي
: يعربب.... يعرببب
اتطلع عمصدر الصوت وكانت روز واقفة ع شرفة غرفة النوم وعم تندهلو
يعرب : جاي حبيبتي
مشي وهو عم يزور سليم .. وسليم صار يحكي بين سنانو
:يكسر ايدك يا واطي ... مافشرت اتركلك اياها هه
رجع يعرب لعند روز
روز :شوفي شو صاير برا
يعرب :مافي شي ارجعي نامي
روز :اسمعت صوت سيارات شرطة
يعرب :مخربطين بالفيلا
روز :معقول
يعرب : كلشي معقول
راح وتمدد بمكانو وهية قربت وتمددت جنبو
روز : كان يوم طويل
يعرب : معك حق تصبحي على خير
والتفت عالجنب التاني .. وهية قربت منو وحضنتو من ضهرو وقالت : انت من اهلو حبيبي
________________________
الضهر بالملحق
فتحت هايدي عيونا بصعوبة وكأنو فيهن تقل وعم يمنعن يفتحو بس بعد مقاومة كبيرة فتحتن بألم .. تجلست بتعب ومدت ايدها على راسها لانو كان في صداع قوي .. وهية هيك بقعدتها بتنعكس صورتها على مراية معلقة بالخزانة .. ولاحظت انو ازرار كنزتها مو مركبين صح ومركبين بطريقة عشوائية .. وقفت وقربت من المراي اكتر
هايدي :معقول ما عم انتبه عحالي وانا عم البس .. هي تالت مرة بفيق وبلاقي هيك تيابي ... شو القصة
التفتت ع الساعة ولا الساعة وحدة
هايدي :شو عم يصير معي انا معقول لهلق نايمة .. وشو قصة هالصداع ووجع بكل جسمي ... انا بعرف؟؟ يمكن كلها ضغوط نفسية منيح ما جنيت .. الله يجازيهن بس
بلشت بفك ازار البلوزة لترجع تعدلها ... لتنصدم من البقع الحمرا يلي عرقبتها وصدرها .. قربت اكتر لتشوف شو هدول
وصار تتحسسهن .. علامات الخوف بلشت تتسلل عجوفها
وبلشت ترجع بزاكرتا للتذكر شو صار اخر الشي قبل ما تنام .. واتذكرت انها كانت مع سليم قاعدين
فتحت الباب وطلعت ع الصالون .. لقتو فاضي وفناجين القهوة مكانها ..
مليون فكرة عم تخطر عبالها ومعد عرفت شو تعمل ..قعدت ومسكت راسها وبلشت تعصر مخها بركي بتوصل لشي ..
رجعت بذاكرتها لورا واتذكرت انو فاقت عنفس الحالة مرتين غير هي المرة متأخرة وراسها عم يوجعها وتيابها غير منظمين .. وبنفس الوقت اتذكرت انها كانت قاعدة مع سليم المسا
رفعت راسها وقالت :صح انا مبارح نمت هون مين اخدني ع الغرفة ... يارب مايكون يلي ببالي يارب ... والله مو متحملة
اندق الباب وفورا وقفت بأستعداد :فوت
انفتح الباب ودخل سليم
سليم :صباح الخير .. شو لهلق النوم
كشفت عن رقبتها وقالت سلييييم شوو هدول
سليم :شو هدول ؟؟(قرب ليتفحصن )هدول يمكن
هية رجعت لورا قبل مايقرب منها
هايدي : مبارح كنا سهرانين هون انا وانت ... انا نمت عالكنبة مين شالني عالغرفة .. ليش تيابي مفشكلين ... وليش هي العلامات عرقبتي ... وكمان هي مو اول مرة
راح سليم وقعد وقال :واخيرا فقتي عحالك
هايدي :يعني انت ؟؟؟
سليم : مين في غيري ليش
هايدي : ياحقير يا واطي .. كلكن كلااب .. لك شو عامل فيني .. ما عاساس اوثق فيك وانا متل اختك
سليم :هههههههه اختي ... بس هنن قالولي خود هي مرى الك كيف بدك اياني اقنع حالي انو كل هالجمال يكون عندي واعتبرو اختي
هايدي :بس ماني مرتك حرام عليك .. حرام عليك .. لك حراام عليكن شو عم تعملو فيني
طلع من جيبتو العقد الزواج وقال :بس هي بتقول انك مرتي وكل العالم بقولو هيك
هايدي :بس انا ماوافقت عليك .. وهاد زواج باطل
سليم : مابهمني
هايدي : لوين وصلت معي .. شو عامل فيني يا كلب يا حقير
سليم بخبث : عملت فيكي كلللشي .. كللشي .. كلشي بصير بين الزلمة ومرتو
هجمت عليه بدا تضربو بس مسكها من ايديها لتنهار وتوقع بالارض ودموعا شلال
هايدي :يا واطي ياحقير .. حررام عليك .. حررام عليك
سليم :والشي يلي كنتي تعمليه مع يعرب ما حرام
هايدي :ابوك على ابو يعرب لك ينعنكن وسخين .. لك كيف ماكنت حس عليك .. كيف
رفعت وجها بعيونها المجمرين وقالت كنت تشربني شي يا ابن الحرام
سليم : صاير عندك التركيز بطيء هههه هلق لحتى دارتلك
هايدي :الله ينتقم منكن .. الله ينتقم منكن .. لك شو عملتلكن .. شو عاملة لهالعالم .. الكل بدو يكسرني والكل بدو يدمرني ...
تركها وقام من قدامها مشي شوي ووقف والتفت عليها
سليم :مابعرف شو عاملة معن بس يلي عملتيه معي غيير ..دبحتيني بجمالك .. متت بعشقك ... كنت شوفك حلم بعيد وبعييد كتير ... وليش مانو بعيد وانت خطيبة يعرب بيك وانا مجرد شوفير او حارس ... هه لك اذا اسمي اكتر من مرة تخربطي فيه .... وانا مع هيك كنت عم حبك .. مابعرف شو عاملتيتي بس حبيتك ومع انو انت من نفس طبقتي كنت تشوفي حالك علي وكأني كومبرس بحياتك ...
فجأة هايدي قلبت ع الارض مغمى عليها
سليم : هايدي... هاايديي
قرب بسرعة لعندا رفعها وبلش يفيقها
____________________
برا بالفيلا
انفتح باب الفيلا والخادمة خديجة جنبو حاملة شنتة السفر وروز خلفو تماما
روز :ضرورية هالسفرة حبيبي
يعرب :اي والله ضرورية
روز :طيب ليش هيك فجأة .. لسه مبارح جينا
يعرب :المشكلة انا متأخر ع الشغل كتير .. وهي السفرة ضرورية انت انتبهي عحالك
روز :وانت كمان
قرب قبلها من جبينها ومشي لعند سيارتو يلي ناطرتو قدامو تماما والشوفير فاتحلو الباب وحارس اجا اخد الشنتة وحطها بالطبون
مشت السيارة ويعرب عمل اتصال
يعرب :الو
جوى :الحمد لله عسلامتك يعرب بيك قال جيت من السفر
يعرب :وهلق مسافر
جوى : تروح وترجع بالسلامة
يعرب :جوى ما انا ماطلبت منك محقق خاص
جوى :مظبوط والمحقق اجا مرتين وانت ماكنت فاضي تقابلو وخبرتني انت بتبقى بتخبرني ايمت بدك تقابلو وبعدها اتزوجت وسافرت
يعرب :اي اي صح ..عقلي معد جمع شي
جوى :سلامتك يعرب بيك .. قلي في شي
يعرب : الوضع معد يطمن حياتي كلها مراقبة والكل بدو يوقعني ...
جوى : جهزلك موعد مع المحقق
يعرب :عم قلك مسافر
جوى :ااه سووري نسيت .. طيب شو بتحب اعمل
يعرب :مافي غيرو معتصم
جوى :وشو ناوي تعمل
يعرب :لازم شيلو من طريقي ... رتبيلي موعد معو لارجع من السفر
جوى :امرك .. شقد رح تطول بالسفرة
يعرب : المشكلة بعد هي السفرة عندي سفرة تانية مباشرة .. خلص خلينا عتواصل
جوى :اوك
_____________________
عند معتصم بشركتو
خبط باديه التنين على الطاولة ووقف وقال :عأساس خاطفها وحابسهاااا؟؟...
:والله يا معلم هيك قلنا الشب
معتصم :تضرب منك الووو ... وسليم الكلب طلع متزوجها ... انا بفرجيه ... لكن ياعمي وانا عم قول سليم ليش مجحش تاريه متزوج .. ومييين .. هايدي... هايدي ملكة الجمال ... لكن ياعمي هي هايدي مو حيلا ... هايدي تروح لسليم والله مارح خليك تتهنى ... بسيطة والله لاحرقكن كلكن
اسمااع هالكلمتين ... سليم بدي راسو عم تفهم
: حاضر
_____________________
بالملحق
بلشت تفيق وهية عم تحس بوخذة ابرة بوريدها .. فتحت عيونا ولقت سليم عم يحقنها بحقنة بايدها
اتجلست بسرعة وصرخت :بعدد عنيي... بعدد عنننييي يا كلب يا حقيرر
سليم : اي طولي بالك يا عيني ... ماعم نعملك شي كلها ابرة مغذية
هايدي :مغذية ولا شي تاني يا ابن الحرام
سليم :ههههه ... يلا روقي لسمعك الاخبار الحلوة
هايدي :مابدي اسمع منك شيي .. اطلاااع برااا
سليم :لا لا لازم تسمعي
هايدي :....
سليم :اغمى عليكي حاولت فيقك مافقتي رحت جبتلك دكتور عطاكي ابرة غير هي وقال خليها ترتاح وكمان سحب منك شوية دم وطلب مني اخدهن ع المخبر نحللن مشان نشوف شو صايبك ومشان اذا بدو يكتبلك وصفة يعرف اذا بتناسبك او لأ ..
اتطلعت ع الساعة كانت الساعة خمسة
سليم :شو مانك مصدقة حكيي ... المهم سحبتلك دم ورحت انا ع المخبر بذات نفسي اشرفت ع التحليل طبعا انا دارس مخبر .. واحزري شو طلع معك ... طلعتي حامل يا حبي ..
هايدي :شوووو
سليم : هالفرحة فرحتي طبعا .. اتخيلي رح صير اب .. ماتخيلت هالشي يصير بهالسرعة
مسكت راسها وقالت :لا ياربي ... لاااا ياربي ... بكفي .. بكفي .. بكفيييي .... لاااااا .... لاااااا
قرب لعندا يحاول يهديها دفشتو وقامت وقفت فوق التحت وقالت :قوول انو هالحكي كذذب .. قووول انو هاد كابوس... قووول
سليم خاف عليها وقال :اهدي .. اهدي
هايدي :حررراام عليكن .... والله حرااام عليكن ... لك شو يلي وصلني لهون ... شووو انا شوووعاملة يارب ... شووو عاملة
سليم :خلص اهدي بعدين بنحكي
هايدي :لبرااا يا حقير .. يا ندل ... يا وسخ ... يا وسخييين ... يا وسخيينن .... لبرااا ... لبرااااا
سليم :رح اطلع .. رح اطلع بس انت اهدي وبنرجع بنحكي
انسحب وطلع لبرا وهية نزلت ع الارض كانت عم تتصرف متل المجنونة وحركاتا وتصرفاتو مو موزونة ... بلشت تفتح بالجرارات وتنبش فيهن بشكل عشوائي.. لطلع قدامها مقص
طلعتو وصوبتو ناح بطنها .. رفعتو وهية شادة عليه وناوية تطعن بطنها
هايدي :الموت اشرف من هيك عيشة ..
######بااااااااااك#####
((في الوقت الحالي ))
: هايدي... هايديي ... وين شاردة
فاقت من شرودها وكأنها كانت نايمة وعم تحلم اتلفتت حواليها ولقت حالها بالحديقة .. اتطلعت ع جهة الصوت ..شافت صبية ومعها طفل صغير .. قامت بسرعة واخدت الطفل بلهفة وبلشت تبوسو وتبكي
: هايدي :يا عمرييي .. يا رووحي اشتقتلك ... اشتقتلك يا قلبيي
تركتن الصبية وقربت قعدت على المقعد
ربى :لتخلصي اشتياق خبريني
قربت وقعدت جنبها وبعدها عم تقبل وجنتي ابنها .. يلي كان نسخة مصغرة عنها
هايدي :رووحي انت يا ماما ... روووحي
الولد كان صغير كتير وعمرو بالاشهر بس عم يناغي
هايدي :عنجد شكرا .. شكراا كتير .. هالمعروف مارح انسالك اياه
ربى :انو شو خطرلك هللق هلق بدك تشوفي علوشي
هايدي :الحنين يلي بقلبي فاض ومعد اقدر بدي شوفو وشم ريحتو معد اقدر .. انت لسه مابتعرفي شعور الام
ربى :يا حبيبة قلبي .. الله يصبر قلبك على فراقو .. والله يسامح اهلي احسن الشي
ما اكترثت زيادة لهالحكي هايدي ضمت ابنها عحضنا ورجعت تبوسو
________________________________
رجعت ع البيت المسا دخلت ع غرفتها لقتها فاضية
.. رجعت طلعت ونزلت لعند ام العبد
ام العبد كانت بالمطبخ عم تجلي
هايدي :مسالخير ام العبد
ام العبد :اهلا مسالنور
هايدي :شو وين الحجة امون مالقيتها بالغرفة فوق
ام العبد :لمت غراضها وراحت
هايدي :عنجد .. طيب ع وين ماخبرتك
ام العبد : لا والله بس خبرتني قلك انو خليكي بالغرفة لانو دفعتلي اجارها لمدة ستة اشهر .. يعني انبسطي ستة اشهر مارح طالبك
هايدي :ماقلتلك شي غير هيك
ام العبد :لا
طلعت هايدي وقعدت على كرسي بأرض الدار ..
هايدي بقلبا :وين رحتي .. ويين ... انا بحاجتك
رن موبايلها سحبتو من جيبتها وردت
هايدي :الو
ابو شريف :مرحبا يا بنتي انا ابو شريف
هايدي :اي اهلين عمو .. لاتواخذيني ماصرلي ارجع ع المحل
ابو شريف :مو مشكلة اصلا مو مشان هيك انا عم اتصل
هايدي :خير
ابو شريف :الشب يلي اجا اليوم ورحتي معو
هايدي :اي شبو
ابو شريف :بعد مارحتو بمدة رجع لعندي وطلب مني انو قلعك من الشغل اذا ارجعتي ... والله يابنتي انا ماني حابب قلعك بس هاد الشخص باينتو واصل وانا والله ماناقصني مشاكل
هايدي: لا تاكل هم عمو .. مو مشكلة شغلة فاضية
ابو شريف :يعني ما زعلتي مني
هايدي :لا لا .. انت مادخلك وكمان مابدي دخلك بمشاكلي .. وعكل حال شكرا على شي ومعروفك مارح انساه
ابو شريف :تسلمي يابنتي .. الله يوفقك يارب
هايدي :وانت كمان ... سلام
سكرت الخط وصارت تضرب بالموبايل على كفها التاني
هايدي بنفاذ صبر : كل هالمدة وانا عم حاول بعد وما استفدت شي .. وانتو مصرين تحاربوني .. اتقلعت من الشغل بسببكن وهلق بقلي ريان نحنا مادخلنا .... الحجة راحت .. هلق ساكنة هون بس بكرا اذا مادفعت لام العبد رح ترميني بالشارع ... مصاري مافي شغل مافي راحة بال مافي ابني مافي ... لايمت .. لايمت ... معقول لازم واجه .. معقول لازم قرب لبعد .. لانو كل مابقول بدي بعد بقرب ... رح قرب هالمرة بركي ببعد عنكن للأبد
ام العبد من المطبخ :هايدي عم تحكيني
هايدي :لا عم حكي حالي ... جنيت بعيد عنك
طلعت موبايلها وطلبت رقم ريان
هايدي :الو ... ريان ... اي هايدي ... انا موافقة ارجع ع الشغل ... ايمت ... بكرا ؟ تمام .. بكرا بكون بالشركة
يتبع...........
do.php
 

صفاء النعمان

ادارة الموقع
طاقم الإدارة
2/11/13
19,559
2
#لعنة_جمالي

#الجزء_الثامن_عشر

ببيت ام يعرب..
قاعدة ام يعرب وامها يلي بالحقيقة اسمها مرفت .. قاعدين قدام موقدة النار
مرفت : هاد يلي حكتلي اياه البنت
ام يعرب :ماما ماعرفتي منها مين يلي الو مصلحة يتهمها هيك اتهام
مرفت :لا ماهو لو كملت القصة اكيد كنت عرفت
ام يعرب : خفت من يعرب او ريان يكشفوكي
مرفت : اخر همي
ام يعرب :حتى لو بالفعل مظلومة ماطالع بايدنا نعنل شي يعرب عايش حياتو هو ومرتو وهية صار عندا ولد اصلا كلو مجرد حكي ومافي دليل عبراءتها
مرفت:معك حق .. كنت حابة ساعدها ..بس ماطالع بايدي شي
ام يعرب : بس بدي افهم كيف بهالسرعة حملت من سليم
مرفت : لو اليوم انا معها كنت اكيد عرفت .. بس انت بصلتك محروقة
ام يعرب : فكرت فيها قلت مزال الولد مانو ابن يعرب معد يهمني كيف حملت فيه
مرفت : وانت من وين جايبة احتمال انو يكون الولد ابن يعرب
ام يعرب : لانو وانا عم اسال عنها من بعيد لبعيد خبرت انها مخلفة وعندا ولد وعمرو شهر .. وهالشي بعد عشرة اشهر من زواج يعرب
مرفت : ليش هو يعرب بعد مافسخ الخطبة فورا تزوج
ام يعرب : شبك ماما .. لا بعد شي اسبوع تقريبا بس مافرقت كتير
مرفت : معقول بهالسرعة عملت علاقة مع سليم وحملت منو .. اصلا زواجن كان باطل ومابصير يقرب منها
ام يعرب : مين دايرلك هالايام على الحلال والحرام .. كل واحد بيعمل يلي براسو
مرفت : الله يجيرنا صرنا بأخر وقت
___________________
انفتح باب بيت يعرب ودخل منو .. كان شالح الجاكيت وماسكو بأيدو ومبين عليه منهك .. فورا طلعت قدامو روز ورمت حالها عليه وقالت :مبروووك ياعمري .. الف الف مبروك ... حاولت دقلك وباركلك بس عطول مشغول
يعرب : الله يبارك فيكي .. اي والله .. فرططت اليوم المهنئين والمباركين شي ع الموبايل شي ع الوزارة شي جايين شخصيا
روز : يعطيك الف عافية .. هدول كلن محبين
يعرب : ان شاء الله يكونو هيك ... بتصدقي امي بالزور لحكيت معها دقيقتين
روز : طيب شو رأيك بتعمل حفلة ويلي بدو يبارك من خلال هالحفلة وقامت وخلصت
يعرب :فكرة معقولة
روز : لكن انت قرر واترك الباقي علي
يعرب :خلص موافق .. اعمليها باسرع وقت بدي ريح راسي
روز : حاضر حبيبي .. بعد بكرا احلى حفلة وبخلي ريان يتكفل بالمعازيم
لما سمع اسم ريان برقو عيونو وصفن
روز : تتعشى
يعرب :لا لا .. متعشي .. طلعي جهزيلي بجامتي بدي اعمل هالتلفون واعمل شور ونام لانو فارط
روز : من عيوني
طلعت روز ويعرب اتناول موبايلو واتصل على ريان
يعرب :الو .. كيفك
ريان :هلا يعرب .. مبروك يا مان
يعرب:الله يبارك فيك .. قلي انت شو صار معك
ريان:من بكرا رح تبلش شغل
يعرب :بهالسرعة ... مارفضت وما عارضت
ريان :هايدي اضعف بكتير انو ترفض
يعرب :لهالدرجة
ريان :لهالدرجة واكتر .. هيك انا شفت
يعرب :معلش بتستاهل هاد كلو من اشغالها الوسخة
ريان : مابعرف احسن الشي .. يلا بدك شي
يعرب :شبك انت
ريان :ولا شي تعبان .. وهي وصلتي ع البيت بدي اطلع ارتاح
يعرب :ماشي .. بس اعمل حسابك بعد بكرا عامل حفلة
ريان :مشان المنصب الجديد
يعرب :اي .. اقل منها
ريان :هههه الف مبروك .. بكرا بشوفك
يعرب :سلام
____________________
سكر الموبايل وفتح باب السيارة ونزل على بيتو
فتح ودخل وبيلتقى بامو وستو قاعدين قرب موقدة النار
ريان :تيتا عنا يا مرحبا يا مرحبا
قرب سلم عليها وباسها من راسها ومن ايدها
مرفت :الله يرضى عليك يا حبيبي ويفرحني فيك
ريان :تسلميلي
ام يعرب :شو وين كنت حبيبي مع اخوك
ريان :لا والله اليوم ماشفتو .. هو مشغول وانا مشغول
مرفت :هو مشغول بالوزارة انت بشو مشغول
ريان :شغل تيتا شغل
ام يعرب :ماكنت عم تبحبش ورا هايدي لكن ؟
ريان :شو عرفك
ام يعرب :اسمعتكن ليلة مبارح وانتو عم تحكو سوا .. امي تركو هالبنت بحالها
ريان :انا تاركها اصلا مابتهمني بس ابنك المعقد
ام يعرب :شو لسه بدو منها
ريان : معد بدو شي قال .. بعد ماخبر يلي صابها سامحها بس بدو يرجعها على الشغل
ام يعرب :ورجعتا
ريان :حكيت معها وبكرا راجعة
ام يعرب :انت شو رأيك بهايدي
ريان :من ايو ناحية
ام يعرب : معقول تكون عنجد خاينة
ريان : ما اخي مسكها مسك اليد
ام يعرب : وبركي كلو ملعوب
ريان : ماما ليش حاسك متضامنة معها
ام يعرب : لانو حاسة هالبنت مظلومة
سكت وسحب كرسي وقعد معن وشرد
مرفت :بشو عم تفكر تيتا
ريان :اليوم حكيتا عن موضوع حملها من سليم بهالسرعة .. بتعرفو شو جاوبتني
ام يعرب :شو
ريان : قالتلي انو سليم اغتصبا
امو وستو :شووو
ريان : بس ما اقتنعت كتير بهالحكي .. لك انا معد صدقت حدا ... واوقات بفكر انو مادخلني بس اااخ منك يا يعرب
ريان :شبعرفني ولووووو (انتفض وقام من مكانو )
مرفت : وهي عرفنا كيف حملت بأبنها بهالسرعة .. بس معقول سليم عمل هيك
ام يعرب :لا تستغربي شي يا امي .. كلو معقول ... وهي انكشف كلشي وصار كلشي واضح
مرفت : لسه شغلة
ام يعرب : شو هية ؟؟
مرفت : سليم وينو؟؟؟؟؟؟!!!!!
_______________________
بصباح يوم جديد
يعرب راح عشغلو بالوزارة لازم يبلش بهمة ونشاط .. وروز بلشت تحضر للحفلة ... بنروح لعند ام يعرب ومرفت يلي قاعدين عم يشربو قهوة الصباح .. ودانا راحت عجامعتها .. وريان نزل ع الشركة
...................
بالشركة
مشيت بخطواتها داخل الشركة وماتوقعت انو تفوتها مرة تانية ... بس مضطرة اغلب الموظفين بتعرفن وبيعرفوها
سلمت عليهن وكملت طريقها .. وهنن يردو السلام تحت اشارات استفهام ... وهية داخلة التقت بغادة
غادة :هايديييي؟؟؟؟ لك وينك وكيفك
هايدي ببرود :كيفك
غادة :انا منيحة انت وين اختفيتي فجأة والله صرت شك انو الارض انشقت وبلعتك ... وحتى سعاد عم تسالني عنك عطول حاولنا كتير نبحبش عنك بس مالك اثر
هايدي : ليش تركت هية ومدحت
غادة :اي تركتو .. بس شو عرفك
هايدي :هه توقعت .. لانو قلتي عم تسأل عني
غادة : مافهمت
هايدي :مو مهم
غادة : متغيرة شوية صغيرة
هايدي :وشو متغير فيني
غادة : نحفانة شوي بس لساكي قمر
هايدي : شكرا
غادة :شو شايفتك بالشركة
هايدي :اي والله رجعت ع الشغل
غادة : امممم
هايدي :بشوفك
تركتها كمان تحت اشارات استفهام .. سالت ع ريان وعرفت انو بغرفة المدير يلي هية كانت غرفة يعرب ..
وصلت ع مكتب السكرتيرة لقتو فاضي .. كملت ع غرفة المدير ودقت الباب
ريان :ادخل
فتحت الباب وكان ريان وجوى عم يدققو شوية وراق
هايدي : مرحبا
جوى : هلا هايدي كيفك
قربت منها وسلمت عليها
هايدي : تمام مشتاقتلك كيفك انت
جوى : الحمد لله
ريان : تفضلي ارتاحي هايدي
قربت وقعدت .. وجوى حكت ريان :في شي تاني مو فهمانو
ريان :طيب انت وين رايحة يعرب طالبك شي
جوى :لا بدي روح لعند مدامتو مشان نجهز للحفلة
هايدي عيونا بالارض وما ابدت اي ردة فعل .. بس الله اعلم شو عم تحس من جواها
ريان :اي .. طيب روحي
جوى :عكل حال اذا احتجت شي اتصل فيني
ريان :تمام
جوى :بالاذن هايدي
هايدي :اذنك معك
طلعت جوى وريان التفت لعند هايدي وقال : شو بتحبي تشربي
هايدي : ولا شي .. جاي احكي معك قبل ما بلش شغل
ريان :عم اسمعك
هايدي :بدي دفعة ع الحساب
ريان :ههههههههه ... فورا بدك دفعة
هايدي :اي .. وكمان مافي شي بضحك
سكت وتنحنح وقال : واذا ماعطيناكي
هايدي : لكن على اي اساس دابحين حالكن ارجع ع الشغل ...مابدك تعطيني اتركوني بحال سبيلي .. ولاتحاربوني بشغلي .. خلوني دبر حالي ولاتوقفو بطريقي
ريان : برجع بقلك نحنا ما دخلنا
هايدي :وابو شريف ابو الفروج مين قلو لاتشغلا
ريان :بس هاد
هايدي :هه ... المهم شو قلت
ريان : بدي اسئل يعرب لانو كلو الو بالنهاية
هايدي :اسألو .. انا ناطرة
طلع موبايلو من جيبة جاكيتو الداخلية واتصل بيعرب
ريان :الو كيفك
يعرب :منيح ... شو ليش متصل
ريان :هايدي اجت ع الشغل
يعرب :......
ريان :بدا سلفة
يعرب :هههههههههه
ريان :شو
يعرب :ليش
ريان :بدون ليش .. اعطيها او لأ
يعرب :واذا ماعطيناها
ريان :مارح تشتغل وترجع محل ما اجت
يعرب :عطيها
ريان :ماشي
يعرب : سلام
سكر السماعة واتطلع ع هايدي وقال :شقد بدك
___________________
يعرب بمكتبو بعد ماسكر الخط ابتسم ابتسامة جانبية وقال : من الاول يا هايدي و بلاها هالاقنعة ... يلا هانت
_______________________
بلشت هايدي شغل بالشركة وكان وظيفتا المترجمة الخاصة بالشركة .. غير المترجمين يلي برافقو الكروبات
مرق اول يوم والتاني وكانو عاديات ..
بمساء اليوم التاني .. جمع ريان الموظفين كلن ليحكي معن
ريان :يا جماعة متل مابتعرفو اليوم في حفلة للأحتفال بمنصب يعرب الجديد والكل معزومين .. هلق رح ابعتلكن العنوان ع كروب الواتس
انبسطو كتير انو رح يحضرو حفلة
جوى :لكن خلينا نروح مشان نلحق
ريان :هههه اي طبعا انتو البنات يا دوب تلحقو .. يلا انصرفو
مشو كلن باستعجال .. الا هايدي ضلت واقفة وقربت من ريان وقال :بس انا موبايلي قديم وماعليه واتس
ريان:بدك تحضري ؟
هايدي :اي ليش لأ ماني من الموظفين ولا لأ
ريان :طبعا من الموظفين ... بسس
هايدي : بس شو .. اعطيني العنوان لاكتبو ع ورقة او بعتلي اياه مسج عادي
ريان : اذا عنجد جاي .. انا بجي باخدك
هايدي : لا ميرسي مابدي عذبك
ريان : عم احكي جد
هايدي :امممم ... بتعرف وين ساكنة انا
ريان :طبعا
هايدي :اصبح لخلص ببعتلك مسج
ريان :وعندك شي خرج الحفلة
هايدي :اي مبارح اشتريت بالسلفة .. يلا باي
ريان:باي
______________________
كانت الحفلة باهم الاوتيلات التابعة ليعرب .. وروز حسب تفكيرها هية سيدة الحفلة .. كانت جنب يعرب على طول وماعم تفارقو ... وع طاولة بالصدر قاعدة مرفت وام يعرب ودانا ... وطبعا كان دانيال وامو والموظفين بالشركة ومسؤولين كبار واصدقاء واصحاب والكل جاي يهني يعرب بالمنصب الجديد
يعرب عم يتطلع بالحضور وحكي : ريان وينو مو مبين
روز :هلق بيجي بكون هون او هون
اتطلع ع البوابة وشافو دخل .. وروز قالت :هاه ليكو
دخل ريان كم خطوة ومد ايدو لشخص جاي وراه
يعرب كانت عيونو على الباب وكلشي عم يتطلع عيعرب صار يتطلع ع وين يعرب مسلط نظرو .. حطت ايدا بايدو ودخلت على القاعة وكأنها اميرة جاي من شي قصة خيالية .. كانت حلوة كتير .. يعرب جمد حجر عينو عليها ... من هداك اليوم ما شافها ... فكر حالو تخطاها ونسيها ومعد تهمو بس اليوم شعلت فيه نار كبيرة .. متل ماشعلت نار بقلب كل شخص بهالحفلة دون استثناء نساء ورجال .. الرجال اعجاب فيها والنساء غيرة منها ... واولهن دانيال وروز
روز :هي شو جابا
يعرب يمكن من السحر يلي سببتلو اياه ماسمع شو حكت روز
ام يعرب ومرفت ابتسمو لما شافوها ..دانا عيونا على دانيال يلي مبهور متلو متل غيرو فيها .. وهالشي زاد من حزنها
ساعدها ريان لنزلت ع الدرجات يلي عند البوابة ولما وصلو ع الارض تركلها ايدها ومشو جنب بعض
ريان : وين بتحبي تقعدي
هايدي :مالازم بارك لحضرة الوزير .. هيك بتقول الاصول
ريان : اعملي يلي بريحك تركها وراح لعند اهلو
قربت منو بخطى واثقة ومدت اديها لتصافحو وقالت :مبروك حضرة الوزير
روز :انت شو عم تعملي هون .. وباي عين جاي .. العمى ما اوقحك
يعرب ليسكت روز مد ايدو لهايدي وصافحها وقال : شكرا
مع مسكت هاليد والمصافحة النار مابس شعلت بقلب يعرب حتى بحواسو وكانت الزروة من كفو يلي عم يعانق كفها .. عيونو سرحو بعيونها وكانو ضاع بين تفاصيلها ونظرة عيونها ولمسة كفها ... هية كانت مسيطرة ع الوضع وسحبت ايدها بكل هدوء وقالت :ان شاء الله منها للأعلى
تركتو ومشت وهية عم تحكي بقلبها :انا لما دعيت انو صير حلوة دعيت انو مافي رجال يقاومني والكل يحبني وهالشي مخليني متأكدة مية بالمية شعور الكل اتجاهي هه ... طول عمرها النار تلعب فيني خليني جرب انا شي مرة العب فيها
مشت شوي ووقفت انو وين بدا تروح .. لشافت ايد انرفعت واشرتلا .. وكانت هالايد ايد ام يعرب وجنبها الحجة امون
هايدي :الحجة اموون ؟؟؟؟
قربت لعندن وعيونا على الحجة : هايدي مسالخير
الكل :مسا النور
هايدي :الحجة...
قاطعتها ام يعرب :اهلا حبيبتي .. تفضلي ارتاحي .. بعرفك على امي .. الست مرفت
هايدي :الست مرفت ؟؟؟!!!!!(وبقلبها) كنت حاسة انو في شي غلط بشخصيتها هه
مرفت :بتني اقعدي خلينا نتعرف على هالوجه الحلو
قعدت بعد مافهمت قصدن انو ناوين يسكتوها قدام ريان ودانا .. قعدت بحيرتها وعيونا كلها شك على الحجة امون او مرفت
دانا :كيفك هايدي
هزت براسها بضياع وقالت :الحمد لله
دانا :انا بستأذن اجو رفقاتي
ريان : وانا رح شوف يعرب
واول ماراحو حكت هايدي : ممكن اعرف شو يلي عم يصير ...
ام يعرب : حبيتي والله كنت شاكة انك مظلومة ومافي غير هالطريقة لنعرف
هايدي : وعرفتو ؟؟
ام يعرب : اي عرفنا بس ماعرفنا مين يلي عمل هيك معك
هايدي اتطلعت بمرفت وقالت:وليش الحجة امون ما ضلت لتسمع كمالة القصة .. بما اني كنت متل الجدبة عم احكيلا
ام يعرب :خفت ريان او يعرب يشوفوها لانو اخر فترة صارو يراقبوكي
هايدي :بس اخر فترة ؟
ام يعرب :اي .. يعرب كان نسيانك اصلا كان مشغول كتير اخر فترة
هايدي :وليش كل هاد .. مابظن كل هالقد همكن اذا كنت مظلومة او لأ
ام يعرب : وابنك
هايدي :اييييي..... هلق فهمت كلشي .. انت شكيتي انو الولد ممكت يكون ابن ابنك
ام يعرب :بالضبط
هايدي :اي اطمني مانو ابنو ... علي ابن سليم واصلا لو مانو ابن سليم مابخليه عند بيت جدو وانا بطلع بعيش لحالي
ام يعرب :للأسف
هايدي :عنجد ماعم صدق .. ماعد صدقت شي ... حياتي كلها اكاذيب وناس خادعة .. والكل بدو يستغلني لمصالحو
مرفت :مو هيك القصة
هايدي : حجة امون .. ااه قصدي ست مرفت .. بترجاكي ماتحكي
وقفت لتمشي بتجي روز قدامها
روز :انت شو عم تعملي هون يا وقحة يا فاجرة
هايدي :ههههه انت الوحيدة يلي عرفتك على حقيقتك من الاول
روز: شو يعني
هايدي :هه
تركتن ومشت وهية طالعة صادفت بطريقها معتصم داخل ع الحفلة ... اجت عينا بعينو .. وقفت شوي اتطلعت عليه ورجعت كملت طريقها وعيونها معلقة فيه وهو كذلك الامر
_______________________
سكرت الباب وراها ودخلت قعدت وهية شاردة
هايدي : شو عم يصير ... ماعد فهمت شي .. معتصم ويعرب مع بعض ....ولا الحجة امون لك شو هالحياة يلي عم عيشا
مدت اديها وبلشت تشلح السكربينة وصوت سليم عم يتردد بأذانها
سليم : خدي ابنك وبعدي ... مارح يتركوكي بحالك
هايدي :مين هدول
سليم : معتصم ويعرب
قامت لقدام المراية وصفنت بانعكاس صورتها
###فلاااش_باااك###
كانت ماشية بالشارع .. لتقطع طريقها سيارة سودة .. انفتح بابها الخلفي ونزل منها معتصم
معتصم : مرحبا مدام هايدي
هايدي : اهلين .. مين حضرتك
معتصم : اسمي معتصم .. حكيت معك من قبل وطلبت نتقابل وانت رفضتي
هايدي : اي مابدي قابل حدا انا
معتصم :بس انا بدي ساعدك
هايدي :ماني بحاجة مساعدة حدا
معتصم :خبرت انك عم تبرمي ع شغل .. بقدر ساعدك
ضحكت ضحكة كبيرة من اعماق قلبها .. لانو بتعرف منيح شوفي لبعدين
هايدي :العبو غيرها
معتصم :فهمتيني غلط .. بس بعد ماسمعت شو صار مع سليم حبيت ساعدك .. سليم كان يشتغل عندي .. وكان مخلص كتير بشغلو مشان هيك حابب ساعد عيلتو من بعدو
هايدي :يكتر خيرك بس انا مابحاجة مساعدة حدا
طلع من جيبتو ظرف وقال :طيب تفضلي هدول
هايدي :شو هدول
معتصم :حساب قديم بيني وبين سليم
هايدي :روح عطيهن لاهلو بكون افضل
معتصم طيب متل مابدك .. (رجع الظرف ع جيبتو وطلع كرت )تفضلي هاد رقمي اذا احتجتي شي اتصلي فيني
سكتت شوي ... ومدت ايدها اخدتو وقالت :ان شاء الله
معتصم :بالاذن
هايدي :اذنك معك
######بااااااااك######
فاقت من شرودا وهية ماسكة كرتو وعم تقلبو بأيدها
هايدي : هه
____________________
بالحفلة
واقف يعرب مع مجموعة اشخاص وعيونو عم تتنقل بارجاء الصالة وكأنو عم يدرو عليها ... شاف ريان قاعد مع اهلو .. اشرلو براسو انو يجي لعندو
قرب منو ريان ووقف جنبو .. ويعرب همس بأدنو
يعرب : وينا ضيفتك
ريان : راحت
يعرب : شو صار
ريان :مابعرف
يعرب :وليش لتجيبها
ريان :هية طلبت
يعرب :ماشي .. روح شوف وضع الناس مابدي ينقص شي
ريان :لا تاكل هم
مشي ريان وقرب معتصم منو وقال : الف الف مبروك يا يعرب بيك .. والله بيلبقلك المناصب
يعرب :شكرا معتصم بيك .. وانت بيلبقلك الهدوء
معتصم :ههههههه ... دمك خفيف حضرة الوزير
يعرب :شو اخبار الشغل
معتصم :طول ما انت رضيان علينا الشغل تمام
يعرب :هههههه بس يمكن راسي يكبر بعد الوزارة
معتصم :بنرجع للعبة القط والفار
يعرب : ههههه اهلا وسهلا فيك نورت المكان
معتصم : منور بصحابو .. بالاذن
..........................
بعيد عن الانظار واقفة روز ودانيال عشرفة الصالة
روز : العما ما اوقحا .. وشو يلي جايبها
دانيال عم يدخن وشارد بالفراغ يلي قدامو وقال : جوزك جابها ووظفها بالشركة
روز : عم تمزح ماهيك
دانيال : بس لاتخافي ما عد تشكل عليكي خطر
روز :ليش
دانيال :طلع جوزك مزوجها لسليم هداك اليوم وهربت هية وسليم من الفيلا وجابت منو ولد
روز بفرح :عنجد .. يعني هايدي هلق متزوجة
سليم :لا
روز :لكن شو
_____________________
تاني يوم بمطعم فخم
وعلى طاولة بين هالطاولات قاعدة هايدي ومعتصم مع بعض
معتصم : تفاجئت كتير مبارح لما اتصلتي فيني وطلبتي تقابليني
هايدي :متل ما انا تفاجئت لما شفتك بحفلة يعرب
معتصم : شو قصدك
هايدي : معتصم بيك انا بعرفك منيح وبعرف نيتك اتجاهي مشان هيك خلينا نحكي ع المكشوف وانسالي هداك اليوم يلي جيت وعرضت علي فيه شغل لانو مبين انو تمثيل ... قلي شو كان بدك مني
معتصم :بصراحة كان بس هلق مابدي شي
هايدي :شو كان ؟؟
معتصم :كنت بوقتها اعداء انا ويعرب وكان بدي جيبك لصالحي وجاكر فيكي يعرب ... بس هلق مشي الحال
هايدي :شو هو يلي مشي ..يعني صرت تحبو ليعرب ومعد بدك تأذيه ..
معتصم : انت لوين بدك توصلي
هايدي : انا بعرف كلشي وعلاقتك مع سليم
معتصم بقلق : شو قلك سليم
هايدي : انك كنت حاطو جاسوس على يعرب .. كان بدك توقع يعرب بأي طريقة لانو كان واقف شوكة بحلقك
معتصم :....
هايدي : اذا عندك نفس النوايا اتجاه يعرب انا مستعدة ساعدك
معتصم : انت ؟؟
هايدي :اي .. انا هلق صرت جوا الشركة وبقدر جبلك المعلومات يلي بدي اياها
معتصم : يعرب سلم الشركة لاخوه .. والشركة كلا مابتهمني
.. انا مشاكلي مع مناصب يعرب مو مع شغلو
هايدي : اممم .. طيب .. انا بدي روح
معتصم : لحظة ... انت ليش بدك تعملي هيك
هايدي : بدي انتقم .. فكرت انو عنا نفس النية بتدمير يعرب بس طلعت غلطانة
معتصم :شو بيطلع بأيدك تعملي
هايدي :مابعرف ... رح اعمل كلشي بقدر عليه .. حتى لو وصلت معي اسرقو مارح قصر ..
معتصم : يعرب مبارح بالسهرة لمحلي انو ممكن يغدرني ويبطل يمشيلي اموري بأي لحظة .. مشان هيك لازم اخد احتياطاتي وظبط وضعي
هايدي : مافهمت
معتصم : يعني انا بدي ممسك على يعرب مشان ضل ماسكو من الايد يلي بتوجعو
هايدي : اصبح خلينا نتفق ونوقعو
معتصم : بس المشكلة يعرب مانو سهل وصعب نلاقي نقطة ضعف
هايدي :اذا مالقينا انا عندي شي بنقدر نمسكو من خلال
معتصم بأهتمام.: شو هو ؟؟
هايدي :اذا مالقينا رح نستخدم هالورقة
وقفت وقالت : ناطرة منك اتصال بعد ماتفكر
طلعت واخدت تاكسي ومشت .. صارت تطلع ع الشوارع والسيارات وعقلا مو معا وتقول بقلبا :معقول غلطت لما قلتلو ... بس مايروح ويخبر يعرب ... معقول انا خبصت خبصة كبيرة ... لا لا مارح يقلو وانا عندي سرو .. انو سليم كان جاسوس عندو ... بس لاا معتصم مصلحتو ضدد يعرب وانا متأكدة انو رح بتصل فيني ... لا تخافي هايدي غامري واطبشيها هيك هيك ماعندي شي اخسرو ... خليها تخرب ... بس كمان ما لازم اعتمد ع معتصم يمكن يرفض .. رح شوف شو فيني اعمل .. بس اهم شي حاليا اسحب مصاري ... لازم غير البيت .. بدي عيش يومين حلوين وظبط وضعي وجيب ابني لعندي بكفي شنططة
........................
بنرجع للمطعم
معصتم لافف رجل ع رجل وعم يشرب قهوتو باستمتاع
دخل لعندو مدير اعمالو يلي كان ناطرو بالسيارة برا ولما شاف هايدي طلعت دخل
: شو كان بدها
معتصم : بدا تتعاون معي لنقضي ع يعرب
: وشو قلتلا
معتصم : بدي فكر
:انا بقول هي فرصتك .. ماشفت يعرب شو قلك مبارح
معتصم :يعرب وقت كان مدير عام ماكنت اقدرلو هلق بدي اقدرلو ... يعرب اذا كان معي احسن مايكون ضدي .. ماشفت شو عملنا معو وماكان شي يأثر فيه لك حتى الموت ماقرب منو .. هاد جني
سكت شوي بعدين حكي : بس حابب كمل مع هايدي .. بنت الحرام حلوووة ... عندا سحر خاص ... حلوة بكل حالاتها هية كانت عم تحكي معي وانا عم راقب حركة شفافها ورمشة عيونها معقول في هيك بنات .. مابلوم سليم لما هرب فيها .. بس هية كيف اتطلعت فيه ... هالبنت غير غير كل البنات يلي شفتن
: شو ناوي هلق
معتصم : صح هايدي حلوة وما بيتفرط فيها ... بس مصالحي اهم ... ومزال يعرب رضيان علينا رح اختار يعرب
:وشو عشان حكيو مبارح
معتصم : مابتتذكر انا كنت مسببلو وجع راس مشان هيك بعت وراي واتفق معي .. يعني مشان يرتاح مني عم يمشيلي اموري .. مابدو وجع راس وكمان مشان اكسبو اكتر رح خبرو على هايدي شو طلبت مني
: متأكد
معتصم : مو كتير بس اتركني مخمخا
: بدك نمشي
معتصم : لا خليني اشرب قهوتي ع رواق وفكر شوي
: ماشي .. انا رح روح في عندي شوية شغل
هز براسو معتصم وراح بزاكرتو
#####فلاااااااش_بااااااااك####
باحدى الاوتيلات .. بسويت بطل ع البحر
قاعد يعرب ومعتصم على طاولة على الشرفة وفي خادم جبلن قهوة وراح
معتصم : صرلنا حصة قاعدين ناطرك تحكي
يعرب اخد رشفة من الفنجان وقال : حاططلي جاسوس حاولت تقتلني .. غير رسائل التهديد .. واخر الشي بتجيب الشرطة عبيتي بدك تجلي الفضايح بخصوص خطيبتي القديمة ..وشايفني مشغول كتير وماعم اقدر اتفضالك وانت كل مالك عم تتمادى ... انا هلق اذا بدي بتفضالك بس الك وبدمرك حرفيا .. بس انت كلك عبعضك مابتهمني لا انت ولا العابك مشان اترك اشغالي واقدر العب معك العابك الوسخة
معتصم : والله حضرتك موقفلي شغلي ومصفي لا شغلة ولاعملة قلت مافي غيرك اتسلى فيه لبين ما الله يفرجها علي
يعرب :ملفك كلو عندي وبعرف انك عم تمشي كل شغلك تهريب
معتصم :بس انا شغلة التهريب مابحبا وعم مشي وضعي تمشاية
يعرب :طيب تعا نعقد اتفاق .. انت اشغالك الغير قانونية لا انا ولا حدا غيري رح يقدر يمنعك انك توقفا .. مشان هيك اعميل يلي بدك اياه بس بعد عني وانساني
معتصم : معاملتي بدا تمر من عندك
يعرب : معامالتك نظامية مو هيك
معتصم :هيك
يعرب :وانا رح مشيها ...مزالها نظامية رح مشيها وشو بدك تعمل من خلالها انت حر تسطفل منيح هيك
معتصم بفرح :منيح كتير
يعرب : معتصم انا وعدتك .. وانت بالمقابل اتركني بحالي جواسيسك اسحبن وحياتي مادخلك فيها ... عندي شغل وماني فاضيلك ... لا ببيتي ولا مرتي ولا اهلي ولا حتى سليم ومرتو
معتصم سكت وقال بقلبو :سلييم!!!! .. ليش ما معو خبر انو
يعرب :شووو وين شارد
وقف معتصم ومدلو ايدو وقال :اتفقنا
وقف يعرب وصافحو
#####بااااااك#####
اخد فنجانو وكمل شرب قهوة وفتح موبايلو وصار يقلب فيه
_____________________
بالشركة
ماشية هايدي بأتجاه مكتب ريان .. التقت بجوى وطلبت منها تقابل ريان وفورا دخلتها
هايدي : مرحبا
ريان : اهلا تفضلي ارتاحي
قربت قعدت وتظاهرت بالخجل
ريان : شو تشربي
هايدي :ولا شي شكرا
ريان :وين اختفيتي مبارح
هايدي: بصراحة اتصلت فيني صاحبة البيت واضطريت روح
ريان :خير صاير شي
هايدي :هية شافتني وانا طالعة مبارح .. ويمكن صارت تفكر يمين وشمال واتصلت فيني لتخبرني انو هالشي مابناسب سمعة البيت ... مع انو انا قلتلا بس هالمرة بس قال اخدت قرار وبدها اتطالعني من البيت
ريان : اي طلعي اريح لراسك وراسها
هايدي : هو انا فعلا قررت اطلع بس ما معي ولا ليرة .. اذا بدي استأجر مابدي يكون معي مصاري
ريان :والمصاري يلي اخدتيها امس
هايدي :صرفتها
ريان :كلهاا؟؟؟
هايدي : اي ليش مستغرب .. كان ناقصني كتير اغراض وكمان اشتريت شوية اغراض لابني .. ولا نسيت انو عندي ولد
سكت شوي وبعدها حكي : عفكرة المبلغ يلي اخدتيه بفوق راتبك يلي لازم تاخديه
هايدي :بس انا مضطرة ع المصاري .... وكمان بتخصمو المصاري من الاشهر الجاي ماضروري من شهر واحد
ريان : انا رح احكي مع يعرب والمسا برد عليكي خبر
هايدي :اوك
_______________________
بفيلا يعرب
قاعد بتيابو الرسمية بالصالون وعم يشرب قهوتو مع الجريدة ... القى نظرة على الساعة يلي بأيدو كانت عم تأشر ع ١٢
يعرب :خديجة
اجت خديجة من المطبخ وقالت :امرك يا بيك
يعرب :المدام عطول هيك بتطول بالنومة
خديجة : حسب يا بيك
يعرب :طلعي فيقيها وخليها تنزل لعندي
روز :حاضر
طلعت خديجة وقعد يعرب ينتظر .. وبعد ربع ساعة نزلت روز بروب النوم وهية عم تتاوب .. اجت لعند يعرب وباستو على خدو ولفت وقعدت مقبالو
روز :صباحو حبيبي
يعرب :لهلق نوم
روز :فكرتك رحت .. لو بعرف انك هون كنت فقت من بكير .. بس انت مالك بالعادة .. يعني مافي شغل اليوم
يعرب : الشغل عطول موجود .. بس صار لازم التفت لحالي ولحياتي
روز :مافهمت
يعرب : خلص امنت ع الوزارة صار لازم اخد استراحة واكسب وقتي مع عيلتي شو الحياة بس شغل
روز بحماس :انا عطول بقلك هيك بس انت مابترد علي .. قلي وين بدنا نروح او شو بدنا نعمل
يعرب :اول شغلة رح نعملها هية نروح ع الدكتور
روز :خير فيك شي حبيبي
يعرب :لا مشان الولاد
يتبع .....
do.php
 

صفاء النعمان

ادارة الموقع
طاقم الإدارة
2/11/13
19,559
2
#لعنة_جمالي
#الجزء_التاسع_عشر
انفتح الباب ودخل يعرب ومعو ريان على مكتب يعرب بالوزارة
ريان :وين كنت .. دقيتلك ومارديت قلت بجيك ع الوزارة
يعرب :كنت بمشوار صغير قلي شوفي
قعدو وحكي ريان : هايدي
يعرب :شبا
ريان :بدا مصاري
يعرب :ليش
ريان :بدا تستأجر بيت
يعرب :يعني معد شبعت
ريان : بعد جوع كبير يمكن ..
لوى بتمو يعرب :امممم
ريان :شو اعطيها
يعرب :اعطيها لشوف شوبدا
ريان : طيب ماشي
_______________________
مرق هاليوم عادي متلو متل غيرو على ابطالنا وكل واحد في هم شايلو بقلبو وعم يفكر فيه
___________________
تاني يوم بنفس عيادة الدكتور
قاعد الدكتور وحدو وعم يراقب عقارب الساعة يلي بالحيط
وقف ومشي لعند الشباك وهو عم يحكي بقلبو : معد الا يجي .. شو اتصرف او شو اعمل ... مرتو هددتني .. بس كمان هيك انا بكون عم خون القسم يلي اقسمتو ... شو اعمل .. شو اعمل ... اقبل بالمصاري يلي عرضتن علي واكذب على جوزها .. ولا ماخون مهنتي واحكي الحقيقة ويلي بدو يصير يصير
صوت روز بأدنو : اذا ماحكيت يلي بدي قلك عليه وطلبت من المخبر يغير التحاليل والله لافضحك ونزل عنك خبر بالجرايد والمجلات انك متحرش بالنساء .. ولخليهن يسحبو منك الشهادة ويحبسوك
حرك راسو بدو يبعد صوتها عن مسامعو ..
اندق الباب .. من دقة الباب زادت دقات قلبو .. اخد نفس عميق
وقال : ادخل
دخلت الممرضة وقالت : حضرة الوزير هو ومدامتو برا
الدكتور : دخليهن
طلعت الممرضة .. وهو قعد ورا مكتبو ومسك بأيديه ظرفين فيهن تحاليل واحد مزور والتاني الاصلي ..ضل يتطلع عليهن وكأنو بدو ياخد قرار ..
سمع خطواتن داخلة .. اخد نفس عميق وفتح الدرج وخبى ظرف وخلا التاني على الطاولة
يعرب وروز : مرحبا دكتور
وقف ليستقبلن : اهلا اهلا تفصلو ارتاحو
قربو وقعدو قدامو وهو كمان قعد : شو تشربو
يعرب : لو سمحت انا مستعجل ..سألت تحت عن التحليل وخبروني انو عندك فجينا نعرف شو النتيجة
روز بين خوف وقلق .. بس هالشي ما اثر على نظراتها النارية المهددة يلي عم ترمق فيها الدكتور
روز : اي دكتور خبرنا .. بصراحة طول الليل ما نمنا.. ياريت تخبرنا خبر حلو
الدكتور : بصراحة مابعرف من وين بدي بلش
يعرب : بلش من وين مابدك .. المهم نعرف شو المشكلة
نزل راسو الدكتور وقال : للأسف المشكلة عندك يعرب بيك
روز شهقت وعأساس مصدومة على جوزها
يعرب : كيف يعني ممكن توضحلي
الدكتور : بصراحة عندك ضعف كبير بالحيوانات
يعرب : يعني مافي امل
الدكتور : طبعا في امل .. والامل برب العالمين .. بس بدك علاج ووقت
يعرب قلبو كان حاسو ومجهز حالو للصدمة .. وهالشي خلاه يسيطر على اعصابو ويخفي حزنو
وروز كمان تدريبها على الدور خلاها تعرف تمثلو مظبوط وتعمل حالها حزنانة ..
مسكت ايد جوزها وقالت : حبيبي لاتزعل الله كريم .. وانا معك بكل قرار رح تاخدو ... ومستعدة عيش معك طول العمر بلا ولاد
يعرب: بكير على هالحكي (وقف) طيب دكتور مشكور .. نحنا بنشوف شو بنقرر وبنرجع بنحكي معك
____________________
تاني يوم بالشركة
دخلت جوى لعند ريان وقالت: ريان وينو يعرب بيك
ريان : اكيد بالوزارة
جوى :اكيد ولا يمكن
ريان :في شي
جوى : لازم يجي ع الشركة في شوية وراق لازم يوقع عليها شخصيا
ريان :مابيمشي الحال وقعها انا
جوى :لا التوكيل يلي معك مابفيد لهي المعامالات لازم يكون هو شخصيا .. وكمان في معتصم مبارح واليوم عم يتصل بدو يقابلو ضروري
ريان :اي صح
جوى :شوفي
ريان :اتصل فيني وطلب مني يشوف يعرب ضروري
جوى :اصبح اكيد شي مهم
ريان :رح اتصل فيه
جوى :لا تعذب حالك عم اتصل وماعم يرد
ريان :رح جرب واذا مارد رح اتصل بالبيت واذا مارد رح اتصل بالوزارة .. الا ما اعرف وينو
حمل موبايلو واتصل .. وفورا اجاه رد
ريان :يعرب
يعرب :نعم
ريان :وينك مبارح واليوم مو مبين
يعرب :شوفي
ريان :عايزينك ضروري بالشركة
يعرب : انا بالوزارة بخلص شغلي وبجي
ريان :شبو صوتك مانو عاجبني
يعرب :ولا انا عاجبني هه
ريان :هههههههه طيب لاتطول في شي مهم
يعرب :عطيني رؤوس اقلام
ريان :معتصم مصر انو يشوفك ويحكي معك
يعرب :قحطلو
ريان :الظاهر شي مهم كتير .. فضي حالك شوي وشوف شوبدو
يعرب :وينا جوى
ريان :هون ليش
يعرب :خليها تظبط الشغل ومقابلة مع معتصم كلن بمدة ساعتين
ريان :لحظة لاسألها
ريان لجوى : بمدة خلالها ساعتين بتنظمي شغل يعرب ومقابلة مع معتصم بصير ؟
جوى :هو يجي وكلو متل مابدو بصير
ريان :اسمعت
يعرب :طيب انا ساعة وبجي
ريان :ناطرينك
_____________________________
وصل ع الشركة ودخل .. ومبين انو مدايق ومو على بعضو
مشي بين الموظفين ... وكانو يسلمو عليه ومايرد على حدا ...
بس لما صادفها رجليه اجبرتو على الوقوف .. عيونو تركزت عليها وكأنو مابدو يشوف شي غيرها .. وهية تفاجئت فيه ..
بس تصرفت بطبيعية ... معقول هاللامبالاه ..ولا هاد كلو سببو حزن وحقد مكبوت ...
تعمدت تحرك شعرها بطريقة جذابة وقطعتو ومشت ولا كأنو موجود .. تحولت نظراتو لنظرات تحدي ونظرات انتقام .. هز براسو بتوعد ومشي ع مكتب الادارة
فتح الباب ودخل وشاف معتصم قاعد هو وريان عم يشربو قهوة
يعرب : شكلو رح نبلش بمعتصم
وقف معتصم ومد ايدو وقال : اهلا يعرب بيك .. بس مافهمت شو قلت
يعرب : هه لا تهتم .. (صافحو) اهلا .. تفضل ارتاح
وراح يعرب لمكان المدير يلي ريان اول مادخل اتنحالو عنو
قعد وشبك اديه وقال : معتصم بيك شو عندك
اتطلع معتصم على ريان وماحكي
يعرب : احكي .. ريان اخي وماعم خبي عليه شي
معتصم : طيب رح احكي
يعرب ظن انو موضوع مو مهم وما اعطى اهمية للشي يلي بدو يحكيه وحب يرجع لهديك اللحظة يلي مرت من دقايق .. وكأنو عيونو كانت كاميرا سريعة واحتفظت بملامحها .. وصار يسترجع هالذاكرة ليتأمل ملامحها
ريان : يعررررب
ارتعش : شو
ريان : اسمعت شو قال معتصم بيك
يعرب : شو
ريان : عن هايدي
يعرب : هايدي ؟؟؟
معتصم : اي هايدي
يعرب هالمرة اهتم وقال :عم اسمعك
.....................
بعد جلسة حوار دامت ساعة .. معتصم عم يغادر مكتب يعرب وعلى وجهو ابتسامة فرح .. وهو طالع شافتو هايدي بس هو ماشافها ... طلعت ووقفت بالكوريدر يلي مشي منو وشعور الشك تسلل لقلبا
هايدي : شو عم يعمل هون .. وبنفس الوقت يلي يعرب فيه .. معقول قلو شي ... لا لا مابظن ... مو لهالدرجة ... لأ لهالدرجة اذا الو مصالح عند يعرب .. ياربي انا على كل خبصة بخبصها .. ان شاء الله مايكون خبرو .. يلا رح انطر يعرب ليروح وببين اذا قلو شي او لأ .. الله يستر
تنهدت ودخلت على شغلها
..............
بمكتب يعرب
يعرب عم يدور على كرسيه الدوار وهو ساكت .. وريان ناطرو ليحكي
فجأة يعرب ضحك ضحكة كبيرة
يعرب: ههههههههههههههه.. ههههههههههههه... غبية هالبنت ... غبية ... بدا تنتقم ... من شو .. فوق ما انا يلي لازم انتقم هههههه وكمان شوبدا تقدر تمسك علي .. اااااخ يا بطني هههههههه
ريان : معقول مشان حبسك الها وتزوجيها لسليم
يعرب : ههههه جابت منو ولد وبدا تنتقم ههههههه دخلك لو مابدا تنتقم كم ولد كانت خلفت
ريان : ....
سكت يعرب ووقف على رجليه وقال :انا حبستا لحتى انتقم منها لبعدين بس بعد ماشفت حالتها عفيت عنها ... بس هلق جاي بدا تلعب علي اي مافشرت ... بسيطة يا هايدي لفرجيكي اللعب مع يعرب كيف بدو يكون
ريان : شوبدك تعمل
يعرب : ابنها وين
ريان : يعرب طفل صغير عمرو اشهر شوبدك منو
يعرب :مابدي شي يضرب منو لامو .. بس وينو
ريان :عند بيت جدو
يعرب :اكيد في دكتور بياخدوه لعندو وقت بيمرض او بيسخن
ريان : مابعرف
يعرب :لأ في .. بتعرفيلي مين هو فورا
ريان :ليش
يعرب :بعدين بتعرف .. يلا روح بدي اياه اليوم
ريان :طيب كيف
يعرب :روح اسال بيت جدو الجيران .. مابعرف .. المهم بدي اسم الدكتور
ريان :وبركي مافي دكتور
يعرب :بتجبلي اسم دكتور مقرب من العيلة
ريان :تمام ..
____________________
بفيلا اهل يعرب
وقفت سيارتها روز قدام الفيلا واتطلعت بالمراية عم تظبط حالها وقالت لازم اكسب ثقتن يحبوني متل ماكسبت ثقة ابنن ههههه
دخلت ولقت ام يعرب وستو قاعدين مع بعض
روز: ماتبلى قعدة هالصبايا
مرفت : تمسيح الجوخ هاد انا مابحبو
روز : تمسيح جوخ ؟؟ والله عم احكي الصدق .. والله انتو اصبى من مية صبية
ام يعرب :اهلين روز
روز:اهلا فيكي طنط
قربت بوستن وقعدت معن
ام يعرب :روز من الاخر شوفي عندك
روز :له يا طنط .. وبعدين ليش هيك عم تعاملوني
ام يعرب :مابتجي غير اذا في شي وراكي مشان هيك هاتي من الاخر
روز :صدقوني مافي شي .. بس اشتقتلكن وجيت شوفكن
مرفت وقفت وقالت :انا صار وقت الدوا تبعي بالاذن
روز بتهكم :دوا الضغط
مرفت :لا دوا المغص لانو في شي بيمغص

روز : اي شو طابخين اليوم طنط..
ام يعرب : خير الله في اكل محدد بتحبيه لنعملك اياه
روز:لا انا الحمد لله باكل كلشي بس مشان يعرب .. عم فكر قلو يجي وبنقضي اليوم عندكن
ام يعرب:اذا مشان يعرب لاتاكلي همو .. كل الاكل يلي بطبخو يقبر قلبي بحبو
روز مع ابتسامة خبيثة حكت بقلبا :آمين
مافي شوي الا واجت دانا ومبين عليها الفرح صوتها طلع من اول مادخلت الفيلا عم تنده : مااامااا ... مااامااا
ام يعرب :اي ماما .. قوليلي
دانا :باركيلي ماما .. باركيلي
ام يعري :علقو النتائج ؟؟
دانا :وناجحة بكل الموااد
ام يعرب: الف مبروك ياعمري .. هدول هنن ولادي عطول رافعين راسي.. تعي هاتي بوسة
راحت قعدت جنب امها وضمو بعض
روز : مبروك دندون
دانا : الله يبارك فيكي
ام يعرب :صار بدها حفلة .. انا قايمة شوف الغدا ونوصي ع حلو
قامت ام يعرب .. وروز ركزت قعدتها وقالت : شكلك كنت مركزة منيح بالدراسة
دانا : وليش لحتى ماركز
روز :يعني مافي حدا يشغل بالك
دانا :مركزة ع دراستي وبس
روز :ودخلك لسه قلبك عم يدق لدانيال
دانا :روز لوين بدك توصلي
روز :معقول نسيتيه بهالسرعة
دانا :اي نسيتو لانو ماكان شي مهم اصلا
روز : اي منيح .. اصلا بالحفلة شفت عيونو على هايدي ما انشالت يمكن يرجعلا
دانا :هو وهايدي ع شكالات بعض ومابهموني
وقفت دانا وقالت :بالاذن مرت اخي
مشت دانا وروز حكت :كيف نسيت موضوع دانا ودانيال .. لازم فتحلو عيونو لدانيال عليها لشوف شو ردة فعلو
______________________
بالمطعم
قاعدة هايدي على طاولة وقدامها غدا محترم .. كانت عم تاكل بتأني وكل لقمة تاكلها تاخد صفنة طويل ..
هايدي بعقلها :اكيد ماحكالو ... يعرب طلع طبيعي من الشركة واصلا ريان كمان طبيعي وتصرف معي طبيعي .. خلص حاج تفكري هايدي .. بعدين شوبدو يعمل اذا عرف .. ماضل شي الا وعملوه معي معد يأثر فيني شي هه
رجعت تكمل اكلها وكانت عم تستمتع بكل لقمة يمكن صرلا زمان ما دللت حالها بهل الشكل
خلصت غداها وطلبت بوظة ولما خلصت طلبت الحساب
اجا الكرسون
هايدي :لو سمحت شقد الحساب
الكرسون :الحساب اندفع
هايدي :كيف .. ومين
الكرسون :الاستاذ يلي هنيك .. واشرلا عطاولة كان قاعد عليها شخصين مابتعرفن صارو يبتسمولا
هايدي :شو يعني
الكرسون : عفوا
هايدي : انو شو يعني دفعو الحساب شو لازم اعمل
الكرسون : مابعرف
هايدي :طيب انا بشكل عام شو لازم اتصرف
الكرسون :ههه يا اما بتقبلي العزيمة وبتقومي بتقعدي معن او بتبعتيلن رقمك معي .. يا اما بترفضيها وبتقومي بتحطي الحساب عطاولتن
هايدي :مافي خيار تالت
الكرسون :نعم ؟؟
هايدي : ههههههههه .. خلص انسى روح
الكرسون : بتحبي وصلن شي
هايدي :لا انا بتصرف .. شكرا الك
الكرسون :صحة وهنا
وقفت هايدي ولبست جزدانا بكل ثقة وطلعت من المحل
والكرسون فرط من الضحك .. والشباب كان عندن صدمة مع خجلة اكلوها
ماشية بالشارع عم تضحك عم منظرن
هايدي :بتستاهلو .. كلكن كلاب
رن موبايلها برقم غريب
ردت :الو
:مرحبا مدام هايدي
هايدي :اي تفضل
:انا الدكتور سامي .. دكتور ابنك علي الله يخليلك اياه .. يمكن التقينا قبل مرة
هايدي :اي دكتور في شي ابني ؟؟؟
_______________________
دخلت ع العيادة ولون وجها مخطوف .. قابلت السكرتيرة
السكرتيرة :تفضلي الدكتور ناطرك
دخلتها فورا قبل ماتعرف عن حالها هايدي
دخلت لعندو كان قاعد ورا مكتبو ولابس نضارتو عم يقرا شي قدامو .. لما دخلت سكر يلي معو وشلح النضارات وقام لعندا
هايدي :دكتور شوفي ابني .. ماعرفت كيف وصلت لعندك .. خبرني شوصاير لابني .. ابني بخير
الدكتور :اهدي وارتاحي .. ابنك بخير اطمني
هايدي :كيف بدي اهدى وانت قلتلي موضوع ما بيتأجل .. خير شوفي
الدكتور :طيب ارتاحي لنحكي
.................
الدكتور :سؤال ابنك ليش مانو معك .. او انت معو
هايدي :بترجاك ادخل بالموضوع
الدكتور : ابنك لما عم يجيبوه بيت جدو يتعاين عندي لاحظت عندو شي بالحركة وطلبت منن يعرضوه عطبيب اعصاب
هايدي :اييي
الدكتور :بس يمكن ما اخدو حكي عمحمل الجد .. وانا خبرتن اكتر من مرة وهنن مايسمعو مني ... وانا كل مرة عم يجي فيها ابنك لعندي عم اتأكد انو في شي مو طبيعي
هايدي :هنن ليش عم يجيبوه فيه شي ابني .. عم يمرض
الدكتور :بشكل عام لا صحتو جيدة .. اوقات حرارة ومشان اللقاحات .
هايدي :شو هو يلي مانو طبيعي دكتور
الدكتور :ابنك حركة جسمو كتير ضعيفة هلق يمكن ماعم تنتبهو عليه بس مع الايام بصير هالشي واضح .. وانا بشك انو في شي بالاعصاب او بالدماغ .. يعني الدماغ ماعم يعطي اوامر للجسم بالحركة او عم يعطيها بس بشكل بطيئ.. يعني عندو نمو بالدماغ بطيء
هايدي :والله ماعم افهم عليك
اتنهد الدكتور وقال : مارح خبي عليكي ... هي الحالات مافي علاج الها .. بس طبعا في امل .. رح حولك عدكتور ببيروت دكتور اعصاب كتير شاطر وعندو مركز علاج فيزيائي .. رح يشوف حالة ابنك واحتمال كبير يدخلو ع المركز ليتعالج .. انا حكيت هالشي لبيت عمك بس هنن طنشو يمكن لانو هالشي مكلف .. فانا جبت رقمك من ملف ابنك
هايدي :اي بتذكر .. المهم هلق شو اعمل بترجاك دكتور نورني
الدكتور : انا رح اعطيكي رقم الدكتور تحكي معو وبتتفاهمي انت واياه ...
هايدي :بترجاك احكي معو انت مشان تشرحلو وضع ابني
الدكتور :طيب انا رح احكي معو وهو اكيد رح يقلي بدو يشوفو ... بس هايدي لازم حطك بالصورة ... قبل اية شغلة لازم تدبري مصاري .. انت بتعرفي الدكاترة ببيروت وشقد كلفة العلاج هنيك ... يعني بدك تحكي بالدولار ... وكمان ابنك نسبة الشفاء عندو كتير كبيرة لانو لساتو صغير وعمو بالاشهر
هايدي عم تبكي :ياربي انا ضايعة ..
الدكتور : لازم تكوني قوية ماوقت ضياعك هلق .. لازم نستغل الوقت ... انت جهزي المصاري وجهزي ابنك للسفر وانا رح اتواصل مع الدكتور
هايدي مسحت دموعا بتحدي وقالت:رح دبر المصاري
الدكتور :بس لاتجيبي شي سيرة لبيت عمك انو انا يلي قلتلك
هايدي :ولا يهمك (اصلا مافكرت انو ليش ماتخبرن هي حالة مابينسكت عنها)
قامت وطلعت من عند الدكتور والدكتور نزل راسو بأسف وحزن عليها :اسف
____________________
عم تدق الباب بقوة على بيت اهلو لسليم
فتحت الباب ربى
هايدي :بعددي من وجهي .. وينن اهلك يلي مافيهن شفقة ولا رحمة
ربى :هايدي شبك
بعدتها من طريقها ودخلت
هايدي :ويننك يا ام سليم .. وينك يا ابو سليم ..
طلعو عليها
ام سليم :والك عين تجي لهون
هايدي :وينووو ابني
ام سليم :مالك عنا ولد
هايدي : عاملين حالكن حناين وبتحبوه ... وابني رح يروح من بين ايدي وانتو حارميني منو .. لك كيف اجا من قلبكن تعملو فيه هيك كيييف
ام سليم :عن شوو عم تحكي انت
هايدي :والله مارح خليه معكن ولا دقيقة
ام سليم :فشرتي تاخديه
هايدي :ابني وحقي ...مارح اتركو يموت بين اديكن
ابو سليم :طلعي من هون يا فاجرة
هايدي :بدي ابنيييي
سمعت صوتو عم يبكي من احد الغرف .. وركضت ع الغرفة يلي طالع منها الصوت حاولو يمنعوها بس هية كانت اسرع .. دخلت لعندو كان نايم بتختو .. حملتو وضمتو عصدرها وصارت تبكي
هايدي :عمررري انت ... عمررري ... يا الله بتحمل كلشي .. بس الا علي لا تأذيني فيه مالي غيرو يارب ..
ام سليم :عن شو عم تحكي هي
ربى:بتكون مشتاقتلو حرام عليكن خلوها تشوفو شوي
ام سليم برمت ضهرا ومشت وابو سليم لحقها
دخلت عليها ربى : شبك هايدي شو صاير معك
هايدي عم تبكي وتضم علي عصدرها
ربى : صاير شي
هايدي :ضبيلي غراضو بدي اخدو معي
ربى : ع وين بدك تاخديه
هايدي : ابني مريض وبدو علاج
ربى : مررريض
هايدي :اي مريض واهلك مهملين محدا فكر فيه
ربى :مين قال هيك وايمت صار هالحكي
هايدي :مابدي احكي وماني طالبة منن شي بس ليش ماخبروني وحطوني بالصورة
ربى :شو هالتخبيص يلي عم تقوليه .. وعلوشي شبو .. انا قايمة اسئلن
هايدي :لا لاتسأليهن شي مانن مجبروين هاد ابني .. انا رح اخد ابني
ربى : ع وين بدك تاخديه ..
سكتت هايدي شوي وصارت تفكر بحكي الدكتور :جهزي المصاري وجهزي ابنك للسفر
ربى : طيب فهمني شو صاير
هايدي :....
ربى :هايديييي
هايدي : اتركيني شوي لحالي
ربى : رح اعملك شي تشربيه
هايدي : مابدي شي .. بس اتركيني شوي مع ابني
ربى : روح اسأل اهلي ع الدكتور
هايدي : لا لا .. مافي شي من هالحكي .. كنت شايفة كابوس وفقت وجيت فورا
ربى : اوووه كابوس وانا عم قول شو صاير
تركتا وطلعت لبرا .. وهايدي قعدت بالارض وحطت علي بحضنها وصار تراقبو وعيونو عم تزرف .. وترفعلو اديه الصغار وتبوسن .. وصارت تراقب حركاتو ... كانت طبيعية ... ومع هيك كانت متأكدة من كلام الدكتور وفكرت انو هية شايفتن طبيعية ..
هايدي بقلبها : رح دبر مصاري واجي اخدك ياعمري .. بس مافيني اخدك هلق مامعي مصاري ومافي مكان حطك فيه .. مارح طول عليك ياعمري
رجعت ضمتو وصارت تشم ريحتو ... وهو كان هادي بحضنها .. وكيف مابدو يكون هادي وهو عم يشم ريحة امو يلي بميزها من بين مية ريحة
........... ..........
الدنيا ليل
حطتو بتختو بعد ما نام وغطتو واخدت بوسة من خدودو الناعمين .. وطلعت كانت ربى وام سليم ناطرينها برا الغرفة
هايدي لربى :انتبهي عليه بترجاكي
ام سليم :ابن ابني بنعرف كيف ننتبه عليه
هايدي :واضح كتير
تركتن وطلعت ... اول ماطلعت اخدت موبايلها وطلبت رقم ريان
هايدي : الو ريان ... لازم شوف يعرب ضروري
_____________________
الكل مجتمع وعم يحكو ويمزحو .. ريان عجنب عم يحكي ع الموبايل .. ويعرب قاعد وشارد وكأنو ناطر شي
وروز ودانا وام يعرب ومرفت عم ياكلو كيك ... وشوي يضحكو وشوي يتشاحنو مع روز بالكلام الملغوم
ام يعرب :ماما يعرب ماتاكل كيك
يعرب :والله معد فيني تقلت بالعشا
اجا ريان وقال :يعرب ممكن شوي
قام يعرب لعندو فورا .. وراحو ع جنب وصارو يتهامسو
خلصو تهامس ورجعو لعند العيلة
يعرب : انا بدي امشي ياجماعة .. روز بدك تضلي هون ولاتروحي ع البيت
روز :ليش مانك جاي
يعرب :مو هلق عندي شغل مستعجل
روز :خلص انابروح
يعرب :ماشي .. يلا ريان
دانا :طيب وين رايحين .. والله مبسوطين
يعرب :الشغل مابيرحم
دانا :هيك بدكن تنزعو فرحتي
يعرب غمزها وقال :مانك حاسة انو فرحتك ناقصة بدا هدية
دانا :ياااعمررري انت ..
يعرب : حبيبتي واصلا هي مابتمشي معي عأساس انها حفلة .. الك مني احلى حفلة واحلى هدية منيح هيك
دانا :منيح كتير
يغرب :يلا سلااام
طلع هو وريان سوا من باب الفيلا
يعرب : جيبا والحقني
ريان : ماشي
ومشو كل واحد اتجاه سيارتو
________________________
وقفت سيارة ريان قدام اوتيل كبير ومعو هايدي
هايدي : ليش اوتيل
ريان : يعرب كان عندو شغل هون ولما اتصلت فيه قال رح ينطرنا هون
هايدي :امم ... رح انزل لحالي ولا شو
ريان :لا نازل معك .. بس ماقلتيلي شوبدك من يعرب
هايدي :ابني مريض وبدو علاج والعلاج بدو مصاري .. واذا رح اطلب منك رح تصير تقلي يعرب ومايعرب .. مشان هيك قلت بشوفو وبطلب منو انا
ريان :شبو ابنك
هايدي :مريض وبس
ريان :وبركي يعرب مارضي يعطيكي
هايدي :انا بعرف كيف اقنعو
ريان :اممم ... تفضلي لوصلك لعندو
________________
بداخل سويت كبير .. وجواتو في مكتب كبير وفخم ومكتبات ع الحيطان اكترها كتب وملفات .. وبالصدر قاعد يعرب وقدامو لعبة شطرنج .. وعم يحرك هالاحجار وابتسامة نصر على وجهو
اندق الباب وانفتح ودخلو ريان وهايدي
صوت خطواتا رنو بادنو قبل مايرفع راسو .. لحتى صارت جنبو .. رفع راسو واتطلع فيها وماحكي
ريان : انا رح انطركن برا لبين ماتخلصو
تركهن وطلع .. ويعرب قام ومشي ووقف قدامها واتطلع بعيونا
هية مع انها كانت حزينة ومكسورة الا نظراتها بتعكس هالشي
يعرب :تفضلي ارتاحي
قربت وقعدت بهدوء وصمت .. وهو قعد مقبالا
يعرب :قال بدك تشوفيني ... بعد زمان والله
هايدي : يعرب انا ..
يعرب بحزم :يعرب بيك او استاذ يعرب
هايدي : يعرب بيك انا جيت اليوم لاطلب منك مصاري
يعرب :عحد علمي صايرة ساحبة مرتين وكل مرة مبلغ منيح
هايدي :هالمرة غير
يعرب : شوفي هالمرة
هايدي :ابني مريض وبدو علاج
يعرب :وانا شو دخلني
هايدي : بترجاك مالي غيرك
يعرب : الو اهل
هايدي : ماهنن منتوفين اكتر مني
يعرب : اسف
نزلت ع الارض لعند رجليه ومسكت ايدو وقالت : والله برجعن .. وبعمل يلي بدك اياه .. بس لازم انقذ ابني
يعرب : تعملي يلي بدي اياه .. ليش شو بيطلع بايدك تعملي
هايدي : بس يشفى ابني مستعدة اشتغل لاخر يوم بعمري عندك بالشركة بلا راتب
يعرب : هههه وبركي ماشفي
هايدي : رح يشفى ... لاتحكي هيك.. لا يكون قلبك قاسي .. تارك معي انا ابني مادخلك فيه
يعرب : طيب مزال هيك .. رح اعطيكي المصاري بس بالمقابل بدي كمل انتقامي او تاري متل ماعم تقولي
هايدي : وانا جاهزة لاي شي بس بالاول لازم ابني يسافر ويتعالج
يعرب : مابدك تعرفي كيف
هايدي :....
يعرب : رح قلك .... بدي اياكي
هايدي : تتزوجني
يعرب : هههههه شو مجنون انا .. بدي اياكي عشيقة
هايدي : حراام عليك .. حرااام
قام من قدامها وراح وقف ع الشباك وقال : هاد يلي عندي .. واذا مستعجلة ع المصاري بنبلش من هلق دوبنا بالاوتيل
هايدي وقفت وراه وقالت : بس انت مجبور تساعدني
يغرب : وليش بقا
هايدي : مجبور تساعد وتعالج ابنكككك
ابنك .. ابنك ... ابنك
هالكلمة يلي قلبت كل الموازين .. لما سمعها حس شي نفضو نفض
التفت عليها بعيون حمرا مجمرة
هايدي : اي علي ابنك وانت لازم تعالجو قبل مايفوت الاواان
(((((ستووووب لهون صار لازم نرجع ع الفلاش بااااك))))
#####فلااااااش_باااااااك#####
بالمحلق
ماسكة المقص ومصوبتو ناح بطنها ... رفعتو وناوية تنتحر
هايدي : الموووت اشرفلي من هالعيشة ... الموت اشرفلي من هالعيشة
فورا انفتح الباب ودخل سليم
سليم : هاااايدي
هايدي : لااااتقرب
سليم : شو عم تعملي يامجنونة
هايدي : بدي موت وارتاح .. الموت علي اشرف من هيك عيشة .. لسه كل واحد عم يلعب فيني عكيفو ... انا بكرهكن
سليم : اصحك لا تتهوري
هايدي : اذا ضليت عايشة هاد هو التهور
شدت قبضتا ع المقص
سليم : هايدي اصحك .. لاتعملي هيك
هايدي : لييش ياكلب مشان تضل تتسلى فيني
سليم : والله مالمستك ... نزلي المقص من ايدك
هايدي :كذاااب ... كنت تسقيني منوم وتعمل يلي بدك اياه
سليم :مو هيك .. والله مو هيك ... نزلي المقص لاحكيلك الحقيقة
هايدي : مافي شي اسمو حقيقة .. مافي شي .. كلوو كذب .. كلووو كذب ... حياتي اكبر كذبة
سليم :لأ في حقيقة وهية انك حامل من يعرب مو مني .. انا مالمستك
وقع المقص من ايدها من صدمة الخبر
وسليم راح فورا اخدو من الارض مشان ماترجع تاخدو
هجمت عليه وقالت :شو عم تحكي انت
سليم :اهدي ورح احكيلك كلشي
.......................
قاعدين مقابيل معضن وهايدي منزلة راسها وساندتو بين كفوفها
سليم: انا اسف .. والله اسف .. لما رحت مع يعرب هداك اليوم ولقطك مع الدكتور واخدك وطلع .. يعرب قلي نضف وراي .. دخلت ولقيت التحاليل بأسمك وباسم يعرب .. فتحت تحاليلك واكشتفت وشفت بالتحاليل انك حامل ... حملت هالسر بقلبي وجيت ع الفيلا لحتى لحقك من بين ايدن يعرب .. واول ما جيت عرض علي انو اتزوجك .. ماكان فيني ارفض ...
هايدي : ليش ماخبرتني من الاول .. ليش كذبت علي
سليم :كل ماكنت بدي قلك في شي بيمنعني يمكن لانو شك انو هالسر يبعدك عني... قلت لازم اعمل شي اثبتلك انو هالولد ابني وتضلي مجبورة عايشة معي .. كنت حطلك منوم وخربلك بلوزتك وبس لحتى تحسي انو في حدا مقرب عليكي .. بس انت ما كنت تنتبهي .. قلت لازم اعملك علامات برقبتك لحتى تشكي .. قبل ما تكتشفي انك حامل ...صدقيني كل هاد عملتو لانو بحبك وبدي اياكي تكوني معي ..
هايدي : احلف انو مالمستني
سليم :وحياتك عندي ما لمستك
مدت ايدها عبطنها وقالت :يعني انا هلق حامل
سليم : اي حامل .. وهي التحاليل من يوم الحادث فيكي تشوفيهن وتتأكدي
هايدي : بس كيف هيك وانا كنت اخد حب منع حمل
سليم :كنتي منتظمة عليهن
هايدي :كيف يعني
سليم :يعني كل يوم كنت تشربي حبة
هايدي :لا .. بس قبل(وسكتت)
سليم : هاد هو السبب ... الدوا لازم يتفاعل مع هرومانات الجسم طول الشهر .. وماتشربي حبة وجمعة لأ
هايدي : اتركني لحالي
نزل راسو وقال :انا اسف سامحيني .. وهي عرفتي انك حامل منو القرار الك اذا بتحبي بروح وبخبرو
هايدي بتعب وترجي :اتركني بحالي بترجاك
#####باااااااك#####
الصمت عامم المكان .. العيون عم تبادل بعضها نفس النظرات.. نظرات صادقة ويلي هية نظرات هايدي .. ونظرات يعرب ؟؟؟.......
يتبع .....
do.php
 

صفاء النعمان

ادارة الموقع
طاقم الإدارة
2/11/13
19,559
2
#لعنة_جمالي

#الجزء_العشرون

الصمت عامم المكان .. العيون عم تبادل بعضها نفس النظرات.. نظرات صادقة ويلي هية نظرات هايدي .. ونظرات يعرب يلي مليانة شك
مشي اتجاها باندفاع وهمجية وصار يبعد كلشي قدامو برجليه .. استغربت من ردة فعلو .. اتراجعت خطوتين لورا بخوف بس هو كان اسرع ومسكها من شعرها بقوة
يعرب :ما كفاكي كذب ... ماااكفاكي لف ودوران ... مفكرة رح صدق كذبتك الوسخة ..
هايدي عم تتوجع :والله ماعم اكذب ... ماعم اكذب ... ابني هو ابنك
ضربها كف :بكفي خرسي.. خرسي ... خررسييي... لسه بتقلي ابنك ... كيف ابني وانا مابجيب ولاااد
سحبها من شعرا ورماها ع الارض ..
يعرب : ما تغيرتي ولا واحد بالمية .. لساكي حقيرة وكذابة وخاينة وخداعة .
ساندة اديها عالارض وشارد بصدمة قدامها
هايدي بقلبها :كيف .. وعلي ..
(شك دخل عقلبها .. معقول يكون سليم .. بس هية شافت التحاليل بنفسها وهية حامل من قبل ماتتزوج سليم )
يعرب :شو شايفك ساكتة ... ماعرفتي تلعبيها هالمرة صح ههههههههه
هايدي بقلبها :اكيد في شي غلط .. علي ابن يعرب ... مين قايلو انو مابجيب ولاد ... لازم اقوى هلق ماوقت ضعفي قومي يا هايدي .. قومي في نقط لازم تنحط على حروفها
وقفت بهدوء ولفت لتمشي
يعرب :ع وين ... انا ماسمحتلك تمشي
هايدي :شوبدك
يعرب :مابدك مصاري
هايدي : بدك تعطيني
يعرب :بشروطي
هايدي :اذا بدي جيب مصاري بهي الطريقة .. فبعملا مع غيرك ولاتحلم تطولني
انصدم من جوابها .. هالجواب دايقو وشعل جواتو نار الغيرة
حاول يتعدل بوقفتو وقال :محدا بيدفعلك قدي
هايدي :واحد مابيدفع اما اذا كانو كتار بيدفعو .. هه
بس سماع هالكلمتين .. رح يجي يوم وتاكل اصابيعك ندم
يعرب :كلام التهديد والتخويف بعد الخسارة مابيمشي علي
هايدي :اغبياء
طلعت من عندو وكان ريان واقف برا ..
ريان :شو صار
هايدي :مادخلك
ريان :نعمم
فتحت جزدانا وطلعت كلشي مصاري معها
هايدي :ناقصين شي بسيط .. هدول مصرياتكن وحلو عني
ريان :مافهمت
هايدي :شوبدك تفهم .. انا معد اجي ع الشركة ومعد اشتغل عندكن وهدول المصريات يلي سحبتن رجعولكن.. في شي تاني
ريان :...
تركتو ومشت .. وهو لحقها
ريان :طيب لحظة خليني وصلك
هايدي :بعرف الطريق لحالي
مشت بقوة واصرار .. ومع هيك في حبات دمع مستقرة على خدها ... مشت وبعيونها في توعد .. في اصرار .. ياترى بشو عم تفكري يا هايدي ..
بدنا نرجع ع الفلااش باك لنشوف شو صار معها ومع سليم ونعرف سليم وين مختفي لنرجع ونشوف هايدي شو رح تعمل لتنقذ حياة ابنها
####فلااااااش_بااااااك#####
فتحت عيونا بتقل وتعب .. اتجلست وملامح وجهها متعكرة .. مافي شوي الا وحطت ايدها عتمها وقامت تركض على الحمام وبلشت تستفرغ
طلعت بعد شوي مغسلة وجها وعم تنشفو .. شافت ظرف حب وكاسة مي جنب التخت ماكانو وقت فاقت .. وظرف الحب كان فيه فقط حبتين
ابتسمت وراحت اخدت حبة .. وطلعت من الغرفة .. لقت الفطور جاهز ومافي حدا .. راحت لعند الشباك شافتو طالع من الملحق ورايح ع المحرس تبعو
بعدت عن الشباك وراحت ع الكومادينا يلي جنب التلفزيون .. رفعت شوية كتب واخدت من تحتن دفتر وبقلبو قلم
قربت قعدت على طاولة الفطور وفتحت الدفتر وبلشت تكتب
6 : صباح جديد لكن لايوجد شيء جديد سواه .. نفس الروتين نفس الالم ونفس التعب نفس الدواء ونفس الفطور ونفس الصمت الذي بيني وبين سليم .. مع اليوم اكمل الثلاثة اشهر في هذا الملحق .. كل يوم استيقظ على امل ان يكون صباح مختلف لكن لاشيء يتغير سوى الصباح
سكرت الدفتر وبلشت تاكل بتأني ...
..................
برا بالحديقة
قاعد سليم عحرف السور وعم يدخن .. وبالجهة التانية روز عم تتمشى بالحديقة ... شافتو واجت لعندو .. وهو فورا نزل ووقف قدامها
روز :انت سليم مو هيك
سليم :اي صح أمريني
روز :انت الحارس على هايدي
سليم : اي في شي
روز : بدي شوفا
سليم : يعرب وريان منبهين علي انو محدا يشوفا او يحكي معا
روز : طيب ممكن اطلب منك طلب
سليم : حسب الطلب
روز :مستعدة ادفعلك المبلغ يلي بدك اياه المهم هربها من هون
سليم :.....
روز: فكر ورد علي خبر
تركتو ومشت
سليم : مالازم استغرب .. اصلا هايدي لازم تطلع من هون مشانها
سحب موبايلو من جيبتو وطلب رقم
سليم :الو .. ريان بيك ... لازم قابلك ضروري
_____________________
واقف عباب الملحق وعم ياخد نفس عميق .. تشجع ودق ناوي هالمرة يحكيها ... بعد يلي صار معد حكاها لانو خجلان كتير منها
صوتها من جوا :المفتاح معك افتح وفوت
طلع المفتاح من جيبتو فتح ودخل .. كانت واقفة ورا الباب .. اتطلع فيها كتير اتلبك وعرق وماعرف من وين بدو يبلش
هايدي :صاير شي
سليم :بدي احكي معك
هايدي : تفضل
سليم :اعمل قهوة
هايدي :ههه لا بفضل تكون القعدة ع الناشف
سليم :ههه حقك
قربو وقعدو على الكنب
سليم :بدي احكي معك بخصوص طلعتك من هون
هايدي : وانا كمان كان بدي افتح معك نفس الموضوع .. انا لايمت بدي ضل هون ... لايمت بدي ضل ناطرة يعرب بييك لينزل علي قصاصو .. انا ماني مضطرة ضل لا تحت رحمتو ولا رحمتك ... انا خلقت حرة وبدي عيش حرة ... هالفترة هي قضيتها تفكير وتفكير .. بس خلص وقت التفكير انا من هون لازم اطلع حكيه قلو هايدي بدا تقابلك .. انا لو عم يصحلي اهرب ماكنت ضليت ولا ثانية بس الحمد لله مافي ولا منفذ .. انا ماني عبدة عند حدا عم تفهم علييي
حكت بقهر حكت يلي بقلبها وكأنها ناطرة حدا يقلا شبك لتحكي يلي بقلبها ..
سليم : طيب طولي بالك واهدي انا هون مشان هالخصوص
هايدي :كيف بدك اياني اهدى .. كييف وانا هوون صرلي ٣ اشهر محبوسة عند واحد مريض ... وحابسني عند واحد (وسكتت)
سليم :كملي عند واحد مريض اكتر منو ماهيك
هايدي :انا ماعملت شي .. ماعملت شي ليصير فيني هيك ... بكفي رح اختنق ... انا صابرة وهديانة بس مشان ابني يمكن كنت ناطرة امل بسيط انو يعرب يعرف الحقيقة .. بس لا مابيستاهلني ولا بيستاهل ابنو ... يعرب ظلمني بدون مايسأل ... انا اصلا مجنونة عم فكر فيه وهو راح عاش حياتو وكملها عادي ... وانا جمدلي حياتي هون بهالمكان
تقريبا حكيتها عم تحكيه بدون ما ترتبو عم تحكي بتخبيص ماعم تعرف شو تحكي .. او كيف تعبر
سليم :رح ساعدك لتطلعي من هون
هايدي :هههه متل ماكنت بدك تساعدني
سليم :ولساتني عند كلامي
هدت شوي وقالت :طيب انا بدي اطلع من هون
سليم : تكرمي .. انا رح احكي مع ريان واكيد رح يساعدنا
هايدي :ليش يعرب باشا وينو
سليم : صرلو شهر ونص متواصل مسافر
هايدي :الله لا يردو ... المهم احكي مع مين مابدك انا بدي اطلع
سليم :بس اكيد اذا عرفو مارح يتركوكي بحالك
هايدي :اخر همي
سليم :وابنك ؟
سكتت
سليم : اسف ع الشي يلي بدي احكيه .. بس انا لما كذبت عليكي هديك المرة كان قصدي كمان احمي ابنك
هايدي :على انو ابنك ؟
سليم :اي .. ولساتني بدي احميكي انت واياه
هايدي :مابدي حداا ... مشااان الله فهموني مابدي حدا
سليم :بعرف وحقك ... بس شوبدك تقوليلن اذا مع الايام شافوكي وانت حامل او وانت معك ولد
هايدي:مارح اسمحلن يشوفوني بدي اخد ابني وروح عمكان بعيد
سليم :اذا حطوكي براسن بلاقوكي
سكتت بقلة حيلة
سليم :انا اتصلت مع ريان وخبرتو انو بدي شوفو وهو قلي المسا بنتقابل ... انا رح قلو انو انك حامل مني .. وانو انت مرتي ومحدا دخلو فينا .. هالشي رح اعملو مبدئيا وبعد مانطلع من هون انت حرة ..شو رأيك
ساكتة وبقلبها :ماعم اقدر اوثق بحدا ولا حتى فيك ... بس حاليا انت الوحيد يلي ممكن يساعدني حتى لو مانك قد الثقة لازم اوثق فيك لازم اطلع من هون
وقف سليم وقال فكري ع مهلك .. المسا بمر عليكي قبل ماشوف ريان وبسمع رأيك ... بس القرار يلي قلتلك افضل قرار ... وحتى اذا عرف يعرب رح تثبتيلو انك مانك مهتم فيه وعشت حياتك وانك رديتي ع الاهانة يلي سببلك اياها
هايدي :وانت الصادق اذا خبر رح اثبتلو انو انا وحدة خاينة
سليم : بالعكس تماما ... اذا عرف بكون هو الخسران واصلا انت بنظرو هيك هيك خاينة ... وبهي الطريقة كأنك طعنتيه مرة تانية
هايدي.: ماني مصدقة يلي عم اسمعو عم حاليا
سليم : صدقيني مابيستاهلو تفكري كيف بفكرو فيكي .. فكري بابنك وبس ... انا اصلا لو في امل واحد بالمية اذا يعرب عرف انك حامل وقرر يدور ع الحقيقة ويسامحك كنت من اول يوم خبرتو .. بس مابيستاهل ... بالعكس كان رح يحبسك بحبس مشدد وينطرك لتولدي وياخد ابنك ويحرمك منو طول العمر ... ولما يكبر ابنك يقلو امك خاينة ويكرهو فيكي
حطت ايدها ع ادانها وقالت :بكفييي ... بكفييي
سليم :اسف ع الكلام القاسي ... بس هاد يلي رح يصير اذا ماتصرفنا من هلق .. ووعد انت بحمايتي ومارح خلي حدا يأذيكي انت او ابنك
هايدي عم تمنع دموعها ينزلو وقالت : خلص قلو يلي بدك اياه
سليم :ومع هيك رح قلك فكري
_________________________
صوت طلع من ورا الشجر بالحديقة
ريان :كيييييف ... حامل ؟؟؟!!ومنك
سليم منزل راسو وماعم يحكي
ريان :لك كيف عملتو هيك .. شوبدي قول ليعرب ... شو موقفكن من يعرب ... لك .. لك انت كذبت الكذبة وصدقتها
سليم بتلبك مصطنع : مابعرف كيف صار هيك ... ما قدرت سيطر على حالي
ريان : لك العمااا ... عنجد العما .. تف عليك وعليها
سيلم :صدقني غصب عني يا ريان بيك ... هية راودتني عن نفسي
ريان :ماعم قلك تفه ... لك مابتعرف انها خاينة كيف بتسمحلا .. استغلتك ياحيوان ... استغلتك
سليم : لو سمحت لاتحكي عليها بتضل مرتي وام ابني قريبا
ريان :هههههه وحبيتها كمان
سليم : مرتي وحقي حبها
ريان : مجنوون انت
سليم : ورضيان ... لو سمحت ريان بيك انا عم خبرك لانو بدي اخد مرتي ونطلع من الفيلا
ريان : روح الله لايردك ولا يردها انشاء الله مفكر انو رح ضل متمسك فيكن .. روحو انقبرو تضربو بشكلكن
سليم :شو عشان يعرب بيك
ريان :يعرب اذا خبر رح يقتلك ويقتلها ... وانا مابدي هالشي يصير مو مشانكن ... مشانو مايتهور ويروح حالو بشوي وسخ ... هلق بتروح بتنقبر بتاخد وسخك وبتنقلعو من هون ومابدي شوف وجهك ولا بدي اسمع بسيرتك مرة تانية عم تفهممم
سليم :امرك ريان بيك ... بس ياريت ماتخبر يعرب بيك
ريان :اكيد مارح خبرو ... روح انقلع .. شو مجنون انا لحتى ورطو .. روحو انقبرو اصلا هو غلط لما زوجك اياها
نزل راسو سليم وقال : بالاذن
راح وهو مبتسم يمكن عم يبتسم عحالو كيف كان عم يحكي مع ريان وكأنو واحد مضحوك عليه
ريان : اووف منك يا يعرب ... اوووف عكل مصيبة بتجبلنا اياها ... رح حاول غطي عليهن لحتى الله يفرجها بركي بكون نسيهن اصلا .. اااخ ياراسي
______________________
طالع سليم من الملحق ومعو شنتة سفر متوسطة الحجم .. وهايدي طلعت وراه .. السيارة كانت قريبة
حاطة راسها بالارض وماشية .. لما شخص بغادر مكان بيتطلع فيه نظرات طويلة وكأنو عم يودعو .. بس هايدي ابدا ما اتطلعت وراها وكأنو مابدا تتذكر اي شي بخص هالمكان بدا بس تطلع من هون .. فتحت باب السيارة وركبت وهية مركزة نظرها قدامها او يمكن عم تبحث عن مكان بعيد تتطلع عليه
ركب سليم ورا المقود بعد ما حط الشنتة بالطبون
سليم :ونحنا طالعين حاولي تنزلي لتحت مشان محدا يشوفك من الحرس
هزت براسا فقط
دعس ع البنزين وطلعو وهية عملت متل ماقلها ... نزلت لتحت الكرسي مشان محدا يشوفها... وهنن طالعين كان في سيارة داخله ع الفيلا ... شهق سليم وقال :يعرب بييك ؟؟؟
تواجهو السيارتين مقابيل بعضن
سليم : خليكي لاترفعي راسك
طبعا وضع هايدي يرثى له لانها كانت ميتة من خوفها بعد ماسمعت سليم قال اسم يعرب ..
سيارة يعرب طلعت صوت زمور صغير مع اشارة بالغماز
سليم : انا نازل شوف شوبدو اصحك ترفعي راسك
هايدي : وبركي شافني
سليم :مارح يشوفك خليكي مكانك
فتح الباب ونزل .. واقترب من شباك الخلفي لسيارة يعرب ... نزل البلور وظهر وجه يعرب
سليم : الحمد لله عسلامتك يعرب بيك
يعرب : شو وين رايح بهالوقت
سليم :هو .. بصراحة
يعرب : شوفي
سليم :كنت طالع
يعرب : بعرف انك طالع .. بس ع وين .... هايدي فيها شي
سليم :لا لا ... بس كنت رايح جيب شوية نقرشات للشباب
يعرب بنظرة عدم رضا :اي لاتطول
سليم :امرك .. امرك
رجع سليم ع سيارتو .. ضربات قلبو عم تتخبط ببعضها
حرك السيارة ومشي وقطع سيارة يعرب ... وبعد ما بعدو تنهدو بأرتياح وكأنو حمل وانزاح عن قلبن
تنهضت هايدي وقعدت محلها ..
هايدي :ع وين اخدني
سليم بسرعة بديهة :كنت بدي اسألك نفس السؤال .. وين بتحبي وصلك
هايدي : خلص نزلني عندك وانا بدبر حالي
سليم : بس ريان يمكن عم يراقبنا
هايدي : ما بظنو بهالذكاء
سليم :ومع هيك لازم ناخد حذرنا
هايدي :يعني
سليم :تروحي لعندي ع البيت حاليا
هايدي :نعمم
سليم :بيت اهلي .. لبين مانلاقي طريقة وتتواصلي مع اهلك
هايدي :ساكتة
سليم :فكري ع مهلك لنوصل عشي مكان نقعد فيه
هايدي:اهلك بيعرفو شي عني
سليم :لا
هايدي :وشوبدك تقلن
سليم :انك مرتي وحامل بأبني
هايدي :عم تحكي من كل عقلك
سليم :اذا لازم نستمر بهالكذبة لازم الكل مايكون بيعرف غيرها
هايدي شردت وصارت تفكر : وين بدا تروح ماضللا حدا .. وعأهلا يمكن مايستقبلوها ... ما معها مصاري وحامل وبنفس الوقت لازم تكون بعيدة عن الانظار
هايدي : موافقة بس بشرط محدا يعرف بموضوع حملي .
سليم : ماشي
______________________/
ماما ... بابا .. اخي سالم ... اختي ربى .... وهي بتكون
ام سليم :اي سليم كمل مين هالضيفة يلي معك
قاعدين كلن بغرفة الضيوف وعيون اهل سليم عليه ناطرينو يحكي ويعرفن عم هايدي
سليم :وهي بتكون هايدي مرتي
الكل : شوووو
ابوه :انت شو عم تحكي
سليم :متل ماسمعتو
نزلت راسها هايدي بضجر لانو بدا تسمع حوار يأذيها ويمكن يمس بكرامتها
امو :ليش لتعمل هيك بدون محدا يخبر .. لييش.. ومين بتكون هي البنت ومين اهلا
سليم :ماما هايدي بنت عيلة وبنت حسب ونسب
سالم :وبنت الحسب والنسب بتتزوج هيك زواجة
سليم : حبيتا وحبتني بس اهلا وقفو بطريقنا وقررت اخطفا
امو :وخطيفة كمان ... يا مصيبتك يا حنان
سليم : يعني شو المفروض اعمل واهلا واقفين بطريقنا
ابوه بعصبية :بتعمل انو تخبرنا تحطنا بالصورة
سليم :ماخطر عبالي ويلي صار صار .. وهي مرتي بتستقبلوني انا واياها عنكن ولا لأ
سكتو وماردو
سليم :شو ناطر ردكن
ربى :شو الدليل انها مرتك
طلع عقد الزواج من جيبتو وقال: تفضلو
ام سليم :لا ماا...
ابو سليم :ام سليم
سكتت
ابوسليم : ربى خدي مرت اخوكي عغرفة تانية .. وانت سليم اقعد خلينا نحكي
طلعت هايدي من الغرفة مع ربى وضل باقي العيلة
ام سليم :هات احكيلي شو قصة هالبنت
سليم :عم قلكن مرتي
ام سليم :غلطان معها يعني
سليم :لا والله .. زواجنا نظامي وماكان في بيناتنا اي شي قبل الزواج
ام سليم :هيك بتعمل فينا يا ابني .. كنت متمنية زوجك عكيفي واعملك عرس ماصار
سليم :ماصار شي هي سالم قدامك وربى .. وهايدي والله مافي منها
نزلت راسها بعجز وراحت قعدت مكانها
ام سليم :شو بدي قول لقرايبنا لعمامك وخوالك .. شو بدي قول للناس
سليم : قوليلن يلي صار
راح قعد جنبها ولف ايدو عكتفها وقال :المهم كيف لقيتها ... حلوة ماهيك
ام سيلم: حلووة . بس ليش هيك مصفرنة ؟؟ لتكون حامل
سليم تلبك وصار يتأتأ
ام سليم :شبك .. حامل مو هيك ؟؟
سليم :بصراحة..
ام سليم :شو صراحة وماصراحة انا نظرتي مابتخيب
سليم :والله محدا بيطلعلو معك
ام سليم :هه مشان تعرف مين امك ... يلا مزال في ولد ع الطريق لازم نرضخ للأمر الواقع .. يلا احكيلنا كيف اتعرفت عليها وشقد صرلكن متزوجين
سليم :طيب رح احكيلكن بس لروح وصل السيارة ع الفيلا وبرجع
سالم :ليش .. بالعادة بتضل معك
سليم :اي صح بس انا تركت الشغل
ام سليم :شووو ... ليش
سليم :قلعوني
ام سليم :كلو من وجه هالنحس ... انا ما ارتحتلا من وقت جبتا
سليم :ماما شو دخلا هايدي
ام سليم :لسه مادخلت ع البيت والمصايب سابقتا
سليم :بقهر : بالاذن
طلع سليم وقامت ام سليم شكلا بدا تروح تبهدل هايدي
ابو سليم :ام سلييم
تم سليم :نعم
ابو سليم :مابتحكي مع البنت ولا حرف ليرجع سليم ونسمع القصة
ام سليم : الله ياخدني وارتاح .. كل واحد عايش عكيفو .. بدي اطفش وماخلوكن تشوفو وجهي وعيشو عكيفكن
سالم :ههههه روقي ام السلم ... لك انت زينتنا وتاج راسنا
ام سليم :انا رجل كرسي ... لك ماسمعتو قلك قلعوه ... لك شغلو كان مافي منو وراتبو اكتر من راتب دكتور او مهندس
سالم :كمان فيها مخاطرة
ام سليم :الحامي الله ... بس كلو من وجه هالنحس الله يستر لقدام شوبدو يصير فينا
___________________
المسا
دخلت هايدي وربى عغرفة نوم وهالغرفة لسليم
ربى :هي غرفة سليم .. يعني هلق صارت غرفتكن
هايدي هزت براسها فقط
ربى :زعلانة من امي ماهيك .. صح هية عصبت وصرخت بس والله قلبا طيب وبكرا بتروق
قعدت هايدي عطرف التخت وقالت :لا معها حق .. انا عنجد غلطت
ربى :اصحك تحكي هيك .. دغري استسلمتي وبعتي حبكن .. لازم تدافعي عن هالحب للرمق الاخير
هايدي :ايو حب ؟؟
ربى : لك انت وسليم
هايدي :اييي ... لا توخذيني شردت شوي
ربى :الله يصلحك يا ماما .. خلص انت ارتاحي وانا بحكي معها
طلعت ربى .. وهايدي بلشت تتفحص الغرفة بعيونا ..
اندق الباب
هايدي :تفضل
انفتح الباب ودخل سيلم
دخل بخطوات بطيئة خجولة
سليم :اسف
هايدي :اسف؟؟؟!!!
سليم :اي اسف
هايدي :بس ما لازم تتأسف .. انا يلي اسفة .. سببتلك مشكلة كبيرة مع اهلك
سليم :لا تفكري فيني نهائيا
هايدي :كيف مافكر ... امك معها حق بكل كلمة ... حقا تفرح فيك وتزوجك ... لك كلو كوم والبهادل يلي عم تسمعها بسببي كوم تاني .... عنجد سليم انت ليش عم تعمل كل هاد
ابتسم وقال :بدك الصراحة
ابتسمت تلقائيا على ابتسامتو يمكن لانها بتعرف الجواب نزلت نظرها وماحكت
سليم : بدي اياكي مابدي تفارقيني بدي تبقي جنبي على طول ... هايدي انا بحبك
راحت الابتسامة عن وجها وماردت
سليم :مارح اجبرك على شي نهائيا ... والقرار الك ... واهلك انا رح حاول اتواصل معن واشرحلن القصة بس حاليا مافيني اعمل شي طول مايعرب بالبلد.
هايدي : ليش
سليم : مافي شي بس بشكل عام اذا كان بالبلد بشكل خطر علينا .. لازم ناخد حذرنا
هايدي : سلمت السيارة
سليم :لا .. شفت ريان وقلي انو خليك بالفيلا ليسافر يعرب .. مشان يضل يشوفني قدامو
هايدي :وشافك يعرب اليوم
سليم :اي بس ماحكاني .. كان واقف ع البلكون هو ومرتو
بعدم اهتمام :المهم شيلنا منن ... اهلك مفكرينا متزوجين .. وهي غرفتك .. كيف بدنا انام
سليم : الغرفة غرفتك وانا لا تاكلي همي ... رح نام ع الارض هاليومين بس ليسافر يعرب ودبر شغل وبخبر اهلي انو لقيت شغل بدوام مسائي
هايدي : وبالنهار
سليم : بالشغل
هايدي :كيف هيك
ابتسم: وقال لاتفكري هههه
لف ليطلع من الغرفة بس وقف والتفت عليها وقال : ماما عرفت انك حامل
هايدي :شووو ... كيف
سليم :شكلن النسوان الكبار مابيخفى عليهن شي
هايدي :بسس
سليم :الولد ابنك ... او البنت .. المهم حاليا صار ما صار اتطلقنا والحضانة الك وبعد الحضانة مسامحك فيه.. بس مابصير حدا يعرف انو الولد مو ابني مشانك ومشان سمعتك
______________
______________
بعداشهر
قاعدة بغرفتها بطنها متكور قدامها وشكلها متوترة .. وكل شوي تقوم توقف على الشباك ... سمعت صوت باب البيت انفتح .. قامت بسرعة وطلعت تشوف مين ... وكان سليم ضلت واقفة مكانها وهو اجا لعندها
دخلو وسكرو الباب
هايدي : شو صار معك
سليم :وليش هيك خايفة
هايدي : يعني مالازم خاف
سليم : اي لاتخافي
هايدي :شوبدو ريان
سليم :يعرب بالفيلا
هايدي :ايي... شافك
سليم :اي وحكينا
هايدي :شو حكيتو
سليم : سألني عنك ...انو شو عم تعملي كيف بتقضي يومك
هايدي :وشو جابتو
سليم :قلتلو انك متأقلمة على الوضع .. وقلتلو انو عم طالعك ع الحديقة تشمي شوية هوا ... وانو انت استسلمتي للأمر الواقع لانو اهلك رافضينك ومافي محل تروحي عليه ... وطول الوقت ماسك قلبي بايدي انو يطلب يشوفك... بس ريان من قبل قلي انو اذا طلب هو بيتصرف ... عم يعبيلو براسو عليكي وانو مابتستاهلي يشوفك ... وقال يعرب انو هو رح يخليكي محبوسة لتطبقي السنة وبعدها رح يخليكي تروحي بعد مايخبر اهلك انو الشب يلي هربتي معو ضحك عليكي ورماكي
هايدي :شو حقير..
سليم :خلص لاتفكري وتهزي بدنك ... المهم انك خلصتي من هداك الحبس
بقلبها :عأساس هون مو حبس لاطلعة ولافوتة وامو واقفتلي متل الضابط وعلى تسميع حكي
سليم: وين شردتي
هايدي :هون
سليم :اشتقتلك
هايدي ابتسمت وماردت
سليم :هي العادة ابتسامة ووراها صمت طويل
هايدي :برد عليك لما بصير الوقت
سليم: وشقد لسه
حطت ايدها عبطنها وقالت :ليشرف الافدني بفكر
سليم :هو هلق شهرك ماهيك
هايدي :اي هيك
سليم :اي تمام
هايدي :شكلك مستعجل
سليم :كيف مابدي كون مستعجل وانا رح اتزوج وصير اب بنفس الوقت
هايدي :ومارح لاقي اب لابني احسن منك
سليم :الله لايحرمني منك
قرب يبوسها من جبينها بس وقفتو وقالت :سليييم
سليم :اسف .. اسف
سليم :شو عاملين غدا
هايدي بقهر :مابعرف امك عم تطبخ
سليم :شو ولعانة شي حرب جديدة
هايدي : ليش ايمت مافي حرب ... لسه وجه النحس ووجه النحس... قال بسببي رسبت اختك ب٣ مواد وكمان الفرن احترق بسببي وانت تركت شغلك الاساسي وشبعرفني كل مابتصير مصيبية بتحطها بضهري..... عالزمة انا وجهي وجهي نحس
سليم :لك وجهك احلا وجه بالكون
ابتسمت وفتحت الباب وقالت :اي روح روح شوف امك شو عم تطبخلك
سليم:على عيني والله
طلع من الغرفة ومتوجه ع المطبخ .. رن موبايلو طلعو من جيبتو واتفاجئ من المتصل
سليم :معتصم ؟؟؟
سليم :الو
:كيفك
سليم :اهلين
:بدي شوفك
سليم :خير
:المعلم معتصم بدو يحكي معك
سليم :وانا مابدي احكي مع حدا
:طيب طلاع لبرا بدي احكي معك بموضوع
سليم :انت برا
:اي
سليم :انت ومين
:لحالي
سليم :ومعتصم
:طلب يشوفك .. بس اذا ماقبلت طلب مني وصلك شوبدو
سليم :وشوبدو
:طلاع لنحكي .. مابتظبط ع التلفون
سليم :...
:شو اطلع انا لعندك
سليم :لا لا .. نازل
سكر الموبايل وغير طريقو وطلع من باب البيت .. لقى زلمة معتصم واقف بالشارع من الجهة التانية .. قرب ليقطع وفجأة
تشحييط فراام قوية .. سيارة جاي مسرعة ضربتو لسليم رمتو شي خمس امتار لقدام وهرب ... تركوه غرقان بدمو واختفت السيارة واختفى الزلمة يلي كان جاي يقابلو .
شي متل الحلم ... وبلشت الضجة تعم المكان ... وصوت نسوان عم تصرخ سليييمم... وهالنسوان هنن هايدي وامو واختو ... لحظات من الهلع والخوف ... شي مو متل الحلم كان كابوس سريع بالنسبة للكل .... قربو منو وهو ماعم يحرك ساكن لا من تمو ولا من كمو ... والدم عم يتدفق من اكتر من مكان ...
هايدي عم تلمس ع وجهو بخوف :سلييم ... سليمم عم تسمعني.. شو صرلك ... شو يلي طلعك ع الشارع ... يا سليييمممم
وامو قاعدة جنبو وعم تلطم ع وجها وتقوول :راااح ابني يا ناااس ... راااح ابني
مافي دقائق الا ووصلت سيارة الاسعاف وتم نقل سليم ع المشفى ... ابوه طلع معو وسالم فورا جاب سيارة والكل راحو معو
.........................
بالمشفى
امام قسم الطورائ
هايدي قاعدة عجنب صامتة وعم تبكي
وامو عم تصرخ وتولول .. والممرضين كل شوي يجو يحاولو يهدوها وينبهوها انو مابصير تزعج المرضى بصوتا.. وابو سليم وسالم عم يحاولو يهدوها ... ربى حالتها متل حالة هايدي نوعا ما
طلع الدكتور ووقف معن
ام سليم :دخيلك يا دكتور .. دخيلك يا دكتور
نزل راسو وماعم يطلع معو الحكي
ابو سليم :طمنا دكتور
الدكتور :الضربة كانت كتير قوية .. ومتضرر كتير من وراها
سالم :شو يعني دكتور ... اخي عاايش ولا ميت
الدكتور :عايش بس
ام سليم بخوف :بسس شوو
الدكتور :مابظن يضل لبكرا والعلم عند الله
ام سليم:لااااا ... ابنيييي..... لاااااااا
ابو سليم :خلص يا مرى شو هنن اكرم من الله
ام سليم :بدي شووفوو
الدكتور : تفضلو ... هو طلب يشوفكن
ام سليم : شو يعنني ندخل نودعوو
نزل راسو وماحكي ...
ام سليمم :شوو دكتوور
الدكتور :ادخلو واحد واحد ... بس بالاول هو طلب يشوف هايدي مين هايدي
هايدي كانت واقفة عم تتسمع وعيونا فقط هنن يلي عم يحكو وينزفو
هايدي بصوت مبحوح :انا هايدي
الدكتور :تفضلي وحاولي قد مافيكي ما تتأخري (اتطلع وشاف بطنها وعرف انها حامل وكمل حكيو) وانتبهي على حالك كمان
هزت براسها دخلت بخطوات مترددة خايفة .. يمكن خايفة انها تشوفو بهي الحالة .. او يمكن عم تشعر بالخجل
وصلت لعندو .. كان نايم ع تخت وحواليه اجهزة وعلى وجهو ماسك اوكسجين .. وعيونو معلقة بالسقف قربت منو وعيونا معلقة فيه وعم ترتجف مع الدموع
رفع ايدو بصعوبة ونزل الماسك عن وجهو
هايدي حاولت تمنعو مشان صحتو
سليم : انا منيح
هايدي :ياريت
ابتسم ابتسامة وجع
سليم : خفت موت قبل ما شوفك
هايدي :مارح تموت ... مارح تموت
سليم :مافي وقت هايدي اسمعيني
هايدي :مابدي اسمع شي .. رجع الاوكسجين عوجهك ... ورح تشفى وترجعلنا
مسكت الماسك لترجعو بس هو مسكلا ايدها ومنعها
سليم :اسمعيني
هايدي :خليني حط الاوكسجين واحكي
شهق شهقة طويلة وقال :لا لا .. مافي وقت
هايدي :و قت لشوو ..وبعدين انت ليش طلعت لبرا سمعت صوت موبايلك عم يرن .. حدا عمل فيك هيك
سليم : لاتفكري... بهاد.. الموضوع.. نهائيا عم تسمعييني..
هايدي :يعني انت ماعملت حادث .. كان هالشي مقصود
سليم :مو مقصوود ... هيك الله بددوو...
هايدي :احكيلي سليم بترجااك
سليم : وحياتك عندي ... مافي شيي..
هايدي :طيب رجع الاوكسجين
سليم :مارح يعمل شي ... سمعيني قبل ما تطلع هالرووح (ورجع شهق شهقة طويلة )
هايدي :لا تحكي .. هيك .. لاااتحكي
سليم :اول شغلة انو انا بحبك كتتييير
هايدي :وانا والله ... والله حبيتك
سليم :اااه هالكلمة شو كنت ناطرها ...
هايدي :والله بحبك ... بس كنت ناطرة لقلك اياها بالحلال .. والله بحبك
سليم :قوليها مرة تانية لانو يمكن مارح اسمعها بعد هلق
هايدي :لا لا رح تعيش وقلك اياها طول العمر .. بحبك سليم ... بحبك .. بحبك
سليم : وانا بحبك يا روحو لسليم
ضمت ايدو وقربتها من خدها وضمتها بين كفوفها وخدها
سليم :سامحيني
هايدي :على شو
سليم :ع الشي يلي عملتو فيكي
هايدي :سامحتك من زمان ... لا تفكر وتتعب حالك
سليم هز راسو بالنفي وقال: هايدي سامحيني
هايدي :والله سامحتك
سليم :بس في شي مابتعرفيه
هايدي : شي متل شو
سليم :هداك اليوم .... اي هداك اليوم كان معي دليل براءتك
هايدي :ماعم افهم عليك
سليم :هداك اليوم يوم الدكتور .. ويعرب
هايدي بخوف :سليم عن شو عم تحكي
سليم : بعد ما اخدك يعرب وطلع من المشفى .. مسكت .. الدكتور وضربتو واعترف ...
هايدي : سليم احكي غيييرر هالحكي
سليم متابع حكيتو : مانو دكتور... كلها مؤامرة عليكي ... ليبعدوكي عن يعرب
هايدي بصوت مبحوح :ميين
سليم:دانيال ...دانيال كان وراها
مسكت راسا وقالت: ماعم صدق ... ماعم صدق
سليم :سامحيني
هايدي :ليش يا سليم ... لللليييشش... ماحرام عليك ... كيف هنت علييك ... ليش عملت معي كل هاااد ليييش
سليم :لانو بحبك ... لانو حبيتك وحصلت عليكي بعد عذاب كيف بدي فرط فيكي
هايدي :بس مايكون الك يد بالموضوع
سليم :لا لا ... والله كنت جاي ناوي خبر يعرب بس هو قلي هايدي صارت الك ... كيف بدي ارجع اعطيه اياكي بعد ماصرتي الي
هايدي :الله يسامحك ... الله يسامحك.... لييش عملت هييك ... لييش
سليم :لا تعذبيني بترجاكي ... وسامحيني ... ماضضلي كتير بهالدنيا
راحت قعدت عجنب لانو حست حالها رح تنهار وحطت اديها ع وجها وصارت تبكي
سليم :كان في دليل لبراءتك بس انا تخلصت منو ... بس اذا دورتي بتلاقي دليل براءتك ... دوري ع الدكتور .. او اطلبي تسجيلات المشفى الا ماتلاقي طرف خيط
ماعم ترد
سليم :بس نصيحة مني خدي ابني وروحي لبعيد ... روحي ولا تخلي حدا يطولك ... واصحك ... توثقي بحدا
سليم :خدي ابنك وبعدي .. لاتخليهن يطوليكي
هايدي :لك مين هنن
سليم :يعرب ومعتصم
هايدي :شو دخلو معتصم .. انا ماعم افهم شي
سليم :انا كنت جاسوس الو عند يعرب
هايدي:شووووو.... بس... بس مايكون هو يلي عمل..
سليم : لا لا ...
وقفت واستندت على الحيط واتوجهت لعند الباب بأنهيار
سليم بصوت تعبان :هايدي ... لاترو..حي ... اسمعيني... هايدي .... سامحيني ..... هايدي انا عم مووت .... مابدي ...موت ... وانت زعلانة مني .... بس اسمعيني قبل ما تطلعي
وقفت بدون ما تلتفت عليه
سليم :اذا ...سامحتيني .... تعي على قبري وجيبي ... معك ابنك .... وخبريني انك سميتيه علي ... كان حلمي يجيني ولد وسميه علي .. وحلمي مارح يتحقق... سامحيني هايدي
تركتو وطلعت واول ما وصلت عباب الغرفة يلي برا دارت الدنيا فيها ومعد شافت شي قدامها وراحت طريحة بالارض
ربى :هااايدي
قسم ركض عليها وقسم دخل لعند سليم
______________________
بعد شهر
بالمقبرة
قاعدة هايدي دبلانة وحزينة وماكان الها بطن على قبرو وعم تبكي وتحكي
هايدي : سامحتك ... وسميتو ... او سموه علي ... بس ما قدرت جيبو معي ... اهلك اخدوه مني ورموني برات البيت ...قال انا وجه نحس عليهن ... وانا سبب موتك ... شفت يا سليم لوين وصلتني بأنانيتك .... بس مابقدر قول غير الله يرحمك .... صفيت وحيدة ومالي حدا ... مارح اقدر روح لعند اهلي واطلب السماح مابدي كون بعيدة عن ابني ... وبنفس الوقت مافيني احكي الحقيقة لأهلك واخد ابني ... اذا اخدتو وين بدي عيش انا واياه ... خليه عندن حاليا .. وانا رح دورع شغل ووقف على رجلي واخد ابني واسمع بنصيحتك وابعد عن العالم كلن ... بدي اخد ابني وعيش انا واياه بسلام
مسحت دموعها وقامت
######بااااااااااااااككك#####
كانت قاعدة ع الارض بغرفتها عند ام العبد وطابة على التخت ... رفعت راسها وردت شعرها وبعيونا لسه نفس نظرة التحدي .. وشكلها كانت عم تفكر
هايدي : بدي جيب دليل لبراءتي ... صار وقتا بس كيف .. كيف .. بتذكر قلي سليم انو بالمشفى .. بس كيف .. معقول في شي لسه بغراضو ... معقول ماخلى معو ولا راس خيط ... ع القليلة اسم الدكتور ... سليم ذكي ومابظن انو رمى كلشي ... لازم روح ودور بنفسي
يتبع ....
do.php
 

صفاء النعمان

ادارة الموقع
طاقم الإدارة
2/11/13
19,559
2
#لعنة_جمالي
#الجزء_الواحد_والعشرون_والاخير

حان وقت كشف الحقائق ...

قامت من مكانها وراحت ع الطاولةمحل ما موجود موبايلها .. اخدتو وطلبت رقم ربى
هايدي :كيفك .. بس ماكون ازعجتك
ربى :لا عادي مافي ازعاج .. طمنيني انت كيف صرتي
هايدي :اتطرابات ... قليل يلي صار معي
ربى :لا والله مو قليل
هايدي :مشتاقة لعلي وبدي شوفو
ربى :هلقق؟؟؟
هايدي :لا لا بكرا اذا في مجال
ربى :طيب تكرم عينك .. بكرا بنطلع ع الحديقة
هايدي :لا لا تطالعيه بهل الجو مو شايفة كيف متقلب
ربى :طيب وين بتحبي
هايدي :عنكن بالبيت
ربى :وماما
هايدي :اممم ... والله مابعرف ...
ربى :رح حكيها بركي بتقبل
هايدي :بتعرفي شي بلا ماتخبر ...
ربى :كيف ما تخبر وهية مابتطلع من البيت
هايدي :رح احكي مع جارتكن تعزمها على فنجان قهوة
ربى : فكرة .. حكيها انا ولا انتي
هايدي :انا بحكيها .. اصلا جارتكن ام محمود بتحبني واكيد مابترفضلي طلب
ربى :اي والله بتحبك .. وشو كانت تقلو لسليم نيالك على هالمرى
هايدي : راحت هديك الايام
ربى :اي والله راحت
هايدي : لكن بكرا بشوفك هلق سلام
ربى :الله معك
____________________
بفيلا يعرب .. وبغرفتو
متسطح ع التخت واديه تحت راسو وصلفن بالسقف .. وروز جنبو غاطة بنوم عميق ...
يعرب عم يهمس بينو وبين حالو : ابني ؟؟هه
وبقلبو : جاي تضحك علي بعد كلشي ... هههه ومن كل عقلا بدي صدقا ... بس هية كيف بتكذب هيك كذبة ومفكرة بدا تمرق علي ... معقول لو ماني عامل التحاليل صدقا ...لا لا ابدا
وقف عن التفكير لثواني ورجع يحكي بقلبو : لو انا مخلف كان عندي ولد من جيل ابنها ... معقول ما يصير عندي ولاد انا ... طيب هالاملاك كلا لمين بدا تروح
تجلس وقال : انا لازم اتعالج... بس بالاول لازم خلصها مع هايدي وطلعها من حياتي نهائيا
___________________
باليوم التاني
بالحارة عند اهل سليم
انفتح باب بيت من هالبيوت وطلعت منو هايدي ومعها مرى اربعينة
هايدي :والله يا خالة ام محمود مارح انسالك هالمعروف طول عمري
ام محمود :والو يا بنتي .. وكمان هاد ابنك ومن حقك تشوفيه ... بس الله يصلحها حماتك ... بس لاتخافي انا رح افتح معها الموضوع بركي بتخليكي تشوفيه
هايدي :اي ياريت ... الله يسمع منك
ام محمود : والله رح اعمل جهدي
هايدي :مابعرف كيف اتشكرك ... يلا انا هلق بدي استأذن .. رايحة اعمل فتلة بالحارة وبرجع بتكون حماتي اجت لعندك وانا بروح بشوف ابني
ام محمود :ماشي .. وانا رح شوفا وين وصارت واستعجلها
هايدي :يلا سلام
ام محمود :الله معك حبيبتي
................
غابت شوي ورجعت وهالمرة دقت عباب بيت سليم
وفتحتلها ربى
ربى :اهلا فوتي .. فوتي
دخلت وقالت :وينو علي
ربى: جوا تفضلي
دخلت ولقتو بقلب كرسيه المتنقل .. حملتو وصارت تقبلو من خدودو .. وهو كان عم يناغي ومسكلها خصلات من شعرها بأديه الصغار
هايدي :يا عمري .. وياروحي ... بفيدك بعمري ياعمري
ربى : انا رح اعمل فنجان قهوة لبين ماتشعبي من ابنك
هايدي :ليش في ام بتشبع من ابنها
ربى :معك حق
هايدي :هايدي خلينا نشرب القهوة بغرفة سليم .. مشتاقتلا واشتقت لهديك الايام
ربى :طبعا .. البيت بيتك
هايدي :انا رح اسبقك لبين ماتجيبي القهوة
ربى : اوك
حطت ابنها بكرسيه وحملتو مع الكرسي وراحت ع غرفة سليم .. حطتو بالارض وبسرعة راحت وبلشت تدور بغراضو بركي بتلاقي طرف خيط .. وهية تقريبا بتعرف وين كان يحط اغراضو ... بس ماكانت تلاقي شي.. مالقت غير موبايلو
هايدي :ليش موبايلو هون ... معقول عطلان ..
سمعت خطوات ربى جاية ... وفورا ضبتو بجيبتها
ورجعت كلشي عمكانو وراحت قعدت ع التخت جنب ابنها
دخلت ربى مع القهوة وحكت :ماحدا بيدخل لهون .. بس انا بدخل بنضفها وبطلع... كل غرض هون بذكرنا بسليم
هايدي :الله يرحمو ... صحي شو صار ما انعرفت السيارة يلي ضربتو
ربى :لا ... الله لايوفقو مين ماكان يكون ... ضربو ع القليلة اسعفو يا عمري يا سليم
هايدي :اي والله .. الله يجازيه
ربى :اي نشرب القهوة ع التخت ولا تجي نقعد هون
هايدي : انا بقول خلينا نطلع .. فتحتلي مواجعي هالغرفة
ربى :اوك متل مابدك تعي لبرا
____________________
بشركة دانيال
اندق الباب على دانيال ... اتطلع بالشاشة وشاف روز
دانيال :اوووف ... تفضلي
دخلت روز سلمت وقعدت
اطلع فيها وابتسم ابتسامة مجاملة :اهلين روز
روز :اهلين فيك
دانيال :كيفك
روز :ظهور هايدي مو مريحني
دانيال : بكون يعرب جابها ليكمل انتقامو
روز : ماعم اقدر ركز على شي ..
دانيال : خلصتي من موضوع الولاد
روز : شو ذكرك فيه
دانيال : عحد علمي من فترة جيتي وبدك مساعدتي
روز : اي قررت اتعالج عند دكتورة شاطرة
دانيال : شاطرة
روز : انا ؟
دانيال : اي ... وشو كمان
روز : ليش حاسستك مدايق من زيارتي
دانيال : لانو مابتجي انت الا اذا في عندك شي تحكيه
روز : لا مافي شي بس ضايجة شوي ... شو رأيك ندردش شوي
دانيال :اي بندردش هاتي لشوف عن شو
روز :شو رأيك بدانا
دانيال :دانا ؟؟
روز :اي
دانيال :ليش صاير شي
روز :لك لااا .. انت شو رأيك فيها
دانيال :روز بعرفك حقودة ومابتحبي حدا .. بس دانا لاتقربي عليها .. دانا خط احمر ... يعرب عندك وعملي فيه يلي بدك اياه بس دانا بعدي عنها
روز :شبك ولوو .. هلق عملتني مجرمة واصلا مافي شي بيني وبينا وبالعكس بحبها .. بس انت ليش انفعلت عليها
دانيال :هيك .. بنت عمي ومن حقي خاف عليها
روز :بتحبها ؟؟
دانيال :حبها ... من وين جايبة هالحكي ... واصلا دانا متل اختي الصغيرة
روز :بس هية بتحبك
دانيال :شووو
روز :ييي ... انا كيف زلقت ماكان لازم خبرك
دانيال :دانا قالتلك انو بتحبني
روز :هالشي من زمان
دانيال :وليش ماحكيتي من وقتا
روز :لك البنت مأمنتني بس مابعرف كيف زلقت هلق
دانيال :وياريتك ماحكيتي
روز :اعتبر حالك ما اسمعت
دانيال : وهو هيك
_____________________
بمحل موبايلات
واقفة هايدي وعم تحكي مع صاحب المحل
هايدي :يعني مابتقدر تفتحو
المصلح :والله يا مدام صعب .. نظامو مأمن .. وحتى ليكي اذا انلعب بالرمز عشر مرات وطلعت غلط بيعمل مسح تلقائي لكلشي بقلبو
هايدي :عنجد .. ما انتبهت
المصلح : ليكي هون حتى محاولين خمس مرات ولسه خمسة
هايدي :وشو الحل
المصلح :حاولي تتذكري كلمة المرور واذا خلصو المحاولات هو لحالو بيعمل فورمات وبيرجع كأنو جديد وبيفتح لحالو
هايدي :بس مهم اعرف انا شوفي جواتو
المصلح :والله مافيني اخدمك
هايدي :طيب شكر
حملت حالا وطلعت من المحل ... وهية عم تنفخ
هايدي :وهي ما استفدنا شي لا لقينا شي والتلفون ما مفتوح .. وانا عم قول ليش محدا مستعملوا ... بس انا عم ضيع وقتي ع الفاضي ... لازمني مصاري ... الوقت عم يداهمني ... لازم اتحرك ... بس بمين بدي بلش بدانيال ولا بروز ... خليني شوف روز بالاول
________________________
عباب فيلا يعرب
نزلت هايدي من تاكسي واقتربت من الحرس
وهنن صارو يتهامسو :مو هي هايدي مرة سليم
اقتربت منن وقالت :مرحبا
:اهلا
هايدي :بدي قابل روز
حارس :انا بحكي معها وبخبرا
هايدي :شكرا
راح ع المحرس يحكي معها ع التلفون .. وضل التاني وقال :كيفو سليم .. معد شفناه
هايدي :ليش مامعكن خبر
:لا والله خير شوفي
هايدي :سليم عطاكن عمرو
:شوووو ... كيف وايمت
هايدي :حادث سيارة
:ماعم صدق
اقترب رفيقو وقال :شوفي
:لك سليم مات
:عنجد ... لا تقولا
المدام عم تحكي
:لا حول ولا قوة الا بلله .. الله يرحمك يا سليم
هايدي :تعيش ... خبرني شو صار معك
:اااه ... اي قال طلبت مني اطردك
هايدي : طيب لو سمحت ممكن تخليني احكي معها ع التلفون
:بس
هايدي :كرمال خاطر سليم
:تفضلي
راحت معو ع المحرس وهو طلب الرقم وعطاها السماعة
اجا صوت روز :شوفي .. ما انقلعت هي المغضوبة
هايدي :لا ما نقلعت بدي شوفك ضروري
روز :خير شوبدك
هايدي :لما شوفك بنحكي
روز :ماعندي شي احكيه
هايدي :لكن بروح لعند يعرب وبنحكي .. وبخبرو انك عم تكذبي عليه بخصوص الولاد
روز :شووو .. انت شوو عم تحكي ... انت وحدة كذاابة
هايدي :انا وانت بنعرف منيح مين الكذاب
روز :كيف عرفتي
هايدي :رح اعطيكي الحارس وتعطيه الامر يدخلني وبنحكي
روز :هاتيه
هايدي :تفضل
عطت السماعة للحارس .. حكي مع روز ودخلها
دخلت وبلشت تتامل الفيلا وحديقة الفيلا واسوار الفيلا .. حتى وقفت لما لمحت الملحق .. بس سرعان ماحركت رجليها دخلت .. مابدا تتذكر شي بدا تنفذ مهمتها وتمشي
واول ما وصلت ع البوابة الداخلية فتحتلا روز بنفسها
هايدي :هههه ليش عذبتي حالك وفتحتيلي انت
روز : لساتك وقحة
هايدي :ولساتك اوقح
روز : شرفي
هايدي :شرفت
دخلو وقعدو وهايدي صارت تتامل الفيلا
هايدي : متل ماهية
روز : ادخلي بالموضوع
هايدي :مابدك تشربينا شي
روز :بسرعة احكي يلي عندك قبل مايجي يعرب
هايدي:طيب شربينا شي
روز :يا خديجة .. جيبي قهوة .. يلا احكي شوبدك وليش جاي لهون .. وكيف عرفتي بموضوع الولاد
لفت رجل عرجل وقالت: شوفي لقلك هو انا مابعرف بصراحة
روز طبعا مبين عليها الخوف والتوتر : لكن شو
هايدي :خمنت
روز :وشو وصلك لهل التخمين
هايدي :خبرت قال يعرب مابجيب ولاد
روز :بقلبا: كيف خبرت ... بس لازم جاريها ومالازم ازلق .. ويلي حكيتو ع التلفون بنكرو .. اكيد جاي تزلقني بالحكي
روز :اي صح مابجيب ولاد
هايدي :وانا لما اسمعت هالخبرية عرفت انو عم ينكذب عليه
روز :لا مو كذب وحتى التحاليل بتأكد هالشي
هايدي :وابنو بأكد غير هالشي
روز بصدمة :ابنووو
هايدي :اي ابنوو .. يلي هو ابني
روز :انتي عندك ولد من يعرب
هايدي :اي واسمو علي
روز :لا لا انت كذابة ... الفتي هالكذبة لترجعي ليعرب
هايدي : انا ماني كذابة وانت بتعرفيني كتير منيح .. وبعدين يعرب لو بدي ارجعلو برجعلو .. حتى مبارح ها طلب مني هالشي بس انا رفضت
روز :كذااابة
هايدي :هدي وروقي .. اسمعي هالكلمتين انا ماني جاي لا حتى اخربها عليكي ولا حتى بدي يعرب .. انا جاي وبدي شي واحد
روز :شو هو
هايدي :بدي مصاري
روز :مصاري ؟؟؟
هايدي :اي مصاري .. وبعد منها رح اختفى انا وابني وبوعدك انو ماتسمعي لا بسيرتنا ولا تشوفي صورتنا .. وموضوع الولاد رح يضل سر ويعرب مارح يعرف انو عندو ولد
روز : هلق فهمت كل هالكذب مشان المصاري
هايدي بعصبية :قلتلك انا مابكذب ... واذا بدك بنعمل تحليل الابوة بحضور يعرب شو رأيك
روز: شقد بدك مصاري
هايدي:اكبر رقم ممكن تأمنيه
روز :ولأشلك فيهن
هايدي :ابني مريض وبدي سفرو عالجو
روز :.....
هايدي :مستحيل تشوفيني هون اصلا لو ماني عايزة مصاري كرمال علاج ابني ... اصلا لو بدي خبر يعرب كنت خبرتو من وقت حملت ... بس انا مابدي يعرب يخبر مشان ماياخد ابني مني ... يلي بدي اياه مصاري وبس ... لانو اذا ماعالجتو رح يروح من بين ادي
روز :واذا ماعطيتيك
هايدي :ساعتها علي وعلى اعدائي .. بخبر يعرب واذا بدو ياخدو ياخدو المهم ابني يتعالج .. بس انا قلت بجي لعندك بالاول كرمال مصالحي ومصالحك
روز :عهوا حكيك بدك مصاري كتير
هايدي :صح
روز :انا مافيني امن هيك مبلغ
هايدي :ما مشكلتي دبري حالك ... جوزك صار وزير كبير ولاتقولي ما معي ومن هالحكي
روز :طيب رجعي بعد يومين
هايدي :يومين ما اكتر
روز : ماشي
اجت القهوة
وقفت هايدي وقالت مشروبة
روز :خديجة رجعي القهوة
رجعت القهوة ووقفت مع هايدي
هايدي :اااه صح كيفو دانيال
روز :منيح .. ليش عم تسألي
هايدي :لساتك عم تخربيها عليه مع البنات .. ولا بس معي.. رحتي عبيتي براس امو علي
روز :شو لزومو هالحكي
هايدي :ندامانة
روز :بدك تروحي ولا تقعدي
هايدي :بس جاوبيني بالاول
روز :اوقات بندم واوقات بقول بتستاهلي
هايدي :منيح كتير
روز :شو هو
هايدي : ولا شي ... راجعة بعد يومين .. واذا ما اقدرتي تدبريهن بنشوف ابو علي
روز :طلعيي ... من بيتييي
هايدي :هه ماشي
______________________
بشركة دانيال
صوت السكرتيرة عالي : لو سمحتي يا انسة ما بصير تدخلي لعندو.. يا مدام يا انسة
كان عم يسمع دانيال هالصوت وفجاة انفتح الباب ودخلت هايدي والسكرتيرة عم تحاول تمنعا
دانيال فورا وقف علي رجليه وقال هايدي
السكرتيرة :سامحني استاذ بس دخلت غصب عني
هايدي :لازم احكي معك
دانيال :خلص نسرين اتركينا لحالنا
نسرين :حاضر
اتراجعت بخطواتها وطلعت
هايدي :كيفك
دانيال :منيح مدام الناس السيئة بعيدة عني
هايدي :بس الناس السيئة ما تركتني
قعد مكانو ولف رجل ع رجل وقال :اي بعدي عنن
هايدي :ماانا لما بعدت لحقوني وماتركوني بحالي
دانيال :بظن قصدك يعرب .. مشان هيك روحي احكيلو هالحكي الو
وحطت اديها التنتين على الطاولة وقالت :لا قصدي عليك
دانيال : علي انااا
هايدي :اي انت ... مفكر انو مابعرف انو انت ورا قصة المشفى
دانيال :عن ايو مشفى وعن ايو دكتور عم تحكي انت
هايدي : لاتغشم حالك دانيال ولعبتك انكشفت ... سليم خلا الدكتور يعترف والاعترافات كلا معي
دانيال : سليم جوزك
هايدي : اي جوزي .. وبفتخر انو اسمي انجمع مع اسمو حتى لو فترة قصيرة
دانيال :بس يا حسرة ما تمت
هايدي : ليش مو انت ورا مقتلو
دانيال :انااااا
هايدي :اي ليش لأ .. صح هو مات بحادث سير بس يمكن يكون الحادث متعمد
دانيال :شو عم تخبصي انت
هايدي : عندي دلائل عهداك اليوم بروح بقدمها للشرطة وبقلن انك كنت تهددو
دانيال :لا انت جنيتي نظامي
هايدي :شبك هيك خفت
دانيال :ما خفت بس يلي عم تحكيه خطيير ...وانا مالي علاقة
هايدي :اي هدي انا مو مشان هيك جاي
دانيال :مشان شو
هايدي :بدي اعرف ليش عملت معي هيك ... ولا تنكر دانيال
دانيال :.....
هايدي :بس انا بدي استرد حقي .. وبروح بشتكي عليك انك ظلمتني وبعدتني عن خطيبي .. ووصلتوني للشي يلي انا عليه .. تشتت عن اهلي وعن ابني .. وكل يوم كنت نام جوعانة وبكيانة ... محدا كان يقبل يشغلني مابعرف مين كان وراي لحتى كل ماروح بدي قدم عغشل يرفضوني فور يشوفو اسمي
دانيال :انا مادخلني بكل هدول
هايدي :لا دخلك بس للليش عملت هيك لييش ... بس لانو رفضتك هداك اليوم ... حقك حقك تنقهر وتزعل ... بس مافي شي عنكن انو الله يسامحا ... لك مابدي الله يسامحني ... قول الله يسطفل فيها ... بس ما تنقتم هيك انتقام بيخرب بيوت ... لك خربلي عمري مابس بيتي
دانيال متأثر بحكي هايدي وطبعا ريان خبرو عن وضعها قبل بوقت
هايدي :ليش ساكت ... لييش
دانيال :شو بدك احكي
هايدي :احكي انك عملت هيك .. اعترف ع القليلة
دانيال :اي عملت هيك وغيرو
هايدي :اشقد تعبت وخططت لظبطت هالخطة .. كانت مظبطة ع الليبرة ... حتى دخول يعرب بهل اللحظة كان محكوم .. عنجد بهنيك على روحك الاجرامية
دانيال :.....
هايدي :انا مابدي منك شي ... لابدي اشتكي عليك ولا بدي انتقم منك ... بس بدي تعويض بسيط
دانيال :اي تعويض
قعدت منهارة على الكرسي غطت وجها بايدها وصارت تبكي : ابني مريض وبحاجة علاج وانا ما معي ... بدي اخدو وعالجو ... وجيت اطلب منك .. قول عني شو مابدك ... بس انا مستعدة اشحد ووقف عباب الجامع المهم امن لابني تكاليف العلاج
دانيال ما تردد ابدا انو ما يعطيها ويمكن فكر انو بكفر شوي عن افعالو وقال : شقد المبلغ
هايدي :مابعرف بالظبط ... لانو بدي سافر واعرضو عحكيم مختص ويمكن يلتحق بمركز للعلاج
دانيال :شو مرضو
هايدي :بطئ بنمو الدماغ عندو
دانيال : الله يشفيه
هايدي : يمكن دخولي كان همجي شوي .. وطلبي للمصاري كان بنوع من الاستبزاز .. بس ماكان قدامي غير هالطريقة
دانيال :ولا يهمك ... وانا بعتذر
هايدي : مو مشكلة
دانيال :ايمت بدك المصاري
هايدي : اذا بكون بكرا يكتر خيرك
دانيال : بكرا مري وخديهن
هايدي :شكرا .. وهالمصاري رح تكون دين بالنسبة الي
دانيال :لا مابدي شي منك المهم ابنك
وقفت هايدي وقالت:الله يسمع منك .. بالاذن
طلعت هايدي ودانيال قعد على كرسيه وكأنو انكسر عليها .. حس انو ظلمها ... حس شقد هو كان حقير معها ولئيم.. وذاد اشتعال فتيلة تأنيب الضمير يلي هية بالاصل كانت شاعلة بس بشكل بسيط وهلق ذاد لهيبها
_____________________
يعرب بمكتبو اتصل باخوه ريان
يعرب :الو ريان...
ريان : اي اخي
يعرب : عم تراقب هايدي شي
ريان : لا ليش
يعرب : عنجد ماعم تراقبا
ريان : والله .. ليش بدي راقبا
يعرب :بدي اعرف كيف بدا تأمن المصاري
ريان : اخي حرام عليك اتركها بحالها... وقلا انو ابنها مافيه شي
يعرب : مادخلك ... وفورا حط حدا يراقبها
ريان : حاضر
_____________________
الآن حل المسا ... لكن هل هالاذهان راقدة ام معكرة مثل ماء اختلط ببعض الطين .. ولم يبقى الماء ماء ولا الطين طين .

كل حدا فيهن جسمو صح معو بس عقولن مسافرة
معقول تفكيرن بالاحداث الجديدة يلي صارت معن ام قلق بسبب اقتراب النهاية او المعنى الاصح اقترب وقت كشف الاقنعة
.......................
تاني يوم
راحت هايدي ع فيلا يعرب بس مادخلت كان حارس من الحراس معو شنتة فيها مصاري وعطاها ياهن .. وروز كانت واقفة على البلكون عم تشوفها ... طبعا شافوا بعض وتبادلو نظرات مو مفهومة ... هايدي لفت ضهرها ومشت وروز لفت ضهرها ودخلت على الفيلا
كمان كملت عشركة دانيال جابت المصاري كان مخليهن عند موظف الاستقبال ... يمكن خجل يشوفها ويحط عينو بعينها مرة تانية
اخدتن وراحت ع غرفتها عند ام العبد حطتهن وطلعت ... كانت سيارة سودة هلق واصلة ولما طلعت مشت وراها ... وراحت بوجها لعند الدكتور ... قعدت لاجى دورها ... ودخلتها الممرضة
والدكتور اول ما شافها اتلبك ومعد عرف شو يعمل
حكي بهمس :شو جابها هي .. كان اتفاقي مع يعرب بيك انو بس رح شوفها مرة وبعدين هو بيحكيلا الحقيقة
وقف وقال :اهلا .. اهلا مدام تفضلي اقعدي
هايدي :شكرا دكتور
قربت وقعدت
هايدي :دكتور انا جيت خبرك انو المصاري اتأمنو .. ممكن تقلي شو لازم اعمل
الدكتور :وشقد امنتي
هايدي :اطمن دكتور بكفوني .. واذا ماكفوني بدبر حالي بس ممكن تقلي شو بداعمل ومين لازم حكي وشو اسم المركز والدكتور
الدكتور :ااااه
هايدي :خير دكتور
الدكتور : ممكن تذكريني بحالة ابنك
هايدي :دكتور انا امو لعلي.. وقلتلي انو عند ابني بطء بنمو الدماغ
الدكتور :اي .. صح تذكرت ..
هايدي :شو بدي اعمل هلق
الدكتور : طيب ممكن تنتظريني برا لاحكي مع الدكتور والمركز
هايدي :طيب ماشي دكتور
طلعت لبرا وجواها شك انو ليش ماحكي قدامها .. معقول ابنها حالتو خطرة لهل الدرجة ... لعب الفار بعبها .. وماتحملت تقعد بدون ماتعرف وضع ابنها ... بس السكرتيرة قاعدة
هايدي :ممكن كاسة مي
السكرتيرة : اكيد .. لحظة
قامت السكرتيرة وهايدي فورا اقتربت من الباب لتسترق السمع
وسمعت صوت الدكتور عم يحكي على التلفون
الدكتور :يعرب بيك ام الطفل هون عندي ..... مابعرف من وين جابت المصاري .... يعرب بيك انا معد فيني اكذب اكتر من هيك بينضرب اسمي بعدين ..... مابعرف شو بدك تتصرف بس انا رح خبرها انو ابنها سليم مية بالمية .... انت قلتلي انو مارح تجي لعندي مرة تانية ... عأساس انت تقلا ... شو صار
شهقت وحطت ايدا عتما ورجعت لورا بعدم تصديق ... ورجليها ضلو يتراجعو لحتى خبطت بالسكرتيرة ووقعت منها كاسة المي
السكرتيرة :خير مدام
ماردت عليها وطلعت عم تركض لبرا وهية عم تبكي
والدكتور حس ع الضجة وفتح الباب وطلع
الدكتور :شوفي .. ووينها المدام
السكرتيرة :مابعرف .. طلعت مسرعة
الدكتور :شو صرلا
السكرتيرة :مابعرف .. فجأة
رفع بكتافو ودخل ... رفع السماعة مالقى حدا .. رجعها عمكانها وقال :احسن .. بس اذا رجعت رح خبرها بكلشي
.............
طلعت مسرعة من العيادة ووقفت جنب عامود كهربا واستندت عليه وهية عم تبكي ... كانت عم تبكي كتير وحالتها متل المضروب ع راسو... وفجأة بلشت يختلط بكاها مع شهقات ضحكتها ... فرحانة وموجعة بنفس الوقت ... عم تضحك وفرحانة انو ابنها سليم ومافي شي .. وعم تبكي انو رجعت توقع بالمكايد
هايدي : خلصص بكفي لهون ... بكفي ساكتلكن ... لازم حط النقاط على الحروف وعرف كل واحد عن قيمتو ... معد اسكت لحدا ومعد اسمح لحدا يدسلي على طرف ... بكفي يلي وصلتلو من وراهن ... علي وعلى اعدائي ... بس انابفرجيكن ...
فتحت جزدانا وطلعت تلفونها وفتحت ع تسجيلات الصوت .. كان موجود بالملف تسجيلين
هايدي :عرفت انو رح احتاجكن بما انو ماعندي دليل براءة
رجعت الموبايل على جيبتها ومشت
___________________
انفتح الباب على يعرب ودخل ريان
ريان :يعرب هايدي ككانت عند الدكتور
يعرب بعصبية :اي عرفت عرفت ... الدكتور حكاني وقلي انو دبرت المصاري
ريان :من وين جابتن
يعرب :لو انك عم تراقبها من الاول كنا عرفنا
ريان :ماخبرتني
يعرب :خلص روح من وجهي
ريان :وهلق شو
يعرب :شوشو ... اكيد بتكون عرفت انو انا وراها.. وشوية بتلاقيها اجت لهون
ريان :ماشي
لف ليمشي
يعرب :ريان
ريان :نعم
يعرب :اذا اجت بتحجزوها ومابتخلوها تروح
ريان :ليش شوبدك منها بلله
يعرب :صار وقت الانتقام
ريان:بربك يازلمة حاجتك جنان اتركو هالمخلوقة بحالها
يعرب :مارح اتركها عم تفهم
ريان :ليش كل هاد لييش
يعرب :هيك .. هيك
ريان :انا بقلك ليش .. لانك بتحبها
يعرب :لا مابحبها
ريان :بتحبها ونص ... واصلا اذا اجت مارح خليك تشوفها ... بكفي لسه مصغر عقلك وماشي
يعرب : لا تعصي امواري
ريان :بنشوف
تركو وطلع
____________________
عباب بيت اهل سليم
هايدي عم تدق الباب فتحتلا ربى واتفاجئت فيها
ربى :هايدي ؟؟ لك شو عم تعملي اهلي كلن بالبيت .. روحي قبل ماتشوفك امي وتسمع شي كلمة
هايدي :انا جاي قصد بدي شوفكن كلكن
ربى :في شي
هايدي :في اشياء .. بعدي هيك
بعدتها عن طريقها ودخلت
ام سليم : مين ياربى
هايدي :هي انا يا ام سليم
طلعت ام سليم من الغرفة يلي كانت فيها وقالت :خير يا وجه النحس شوبدك
هايدي :جاي احكي معكن
ام سليم :وبخصوص شو
هايدي :هلق بتعرفي هون ابو سليم وسالم
ربى :اي جوا .. تفضلي
دخلت هايدي متجاهلة ام سليم ولحقتها ربى وام سليم لحقتها وهية عم تتوعدلا
هايدي :مرحبا
الكل اهلين
هايدي :جيت احكي معكن شي ضروري او شي لازم تعرفوه
ابو سليم :وشو هو
هايدي :رح احكي كلشي
ام سليم :يلا احكي شوفي عندك وانقلعي من هالبيت
هايدي :رح احكي رح احكي
قعدت وبعد صمت قصير انتهدت وحكت
هايدي : ماني عارفة من وين بلش ... بس رح بلش بالتعريف عن حالي
ام سليم :عأساس نحنا مابنعرفك
هايدي :اي مابتعرفوني .. انتو بس بتعرفو الشي يلي خبركن عنو سليم ... بتعرفو شي تاني ؟.. بتعرفو مين اهلي ؟؟؟
ساكتين
هايدي: رح اختصر ... واصلا مو مهم تعرفو اهلي او لأ .. المهم رح بلش من عند يعرب بيك يلي كان يشتغل عندو سليم
سالم :ليش من عند يعرب
هايدي :لانووانا كنت خطيبتو
الكل :شووووو
هايدي :متل ماسمعتو ... انا كنت خطيبتو ... صح كنت خطيبتو بس (نزلت راسها وقالت)بس كنا متل المتزوجين
مصدومين وناطرينها تكمل
هايدي : في حدا لعب لعبة وسخة واقنعو يعرب انو انا خاينة ... ويعرب عرف هالشي وماسمعني او دور على دليل فورا طلقني ورماني عند رجلين سليم وقلو اتزوجا ... وسليم بدون مايعترض فورا قبل الطلب ..
ابو سليم :شو هالحكي يلي عم تحكيه انت
هايدي :والله ماعم زل عليكن بحرف
ربى :اي كملي
هايدي :سليم كان معي منيح كتير ... وكان متل اخ واعز
سالم :اخ ؟؟؟؟
هايدي :صح حبينا بعض بعد فترة بس بالاول كنا متل الاخوات
ام سليم :ما انا كنت عرفانة انو في شي غلط .. لك شو وقعو لابني هالوقعة
هايدي : يلي لازم تعرفيه او لازم تعرفوه كلكن انو انا لما اتزوجت سليم كنت حامل
الكل :شووووووو
هايدي :متل ماسمعتو
ام سليم بتأتأة :شو يعني حكيك
هايدي :علي مانو ابن سليم
ام سلبم :كذاابة ... كذاابة ... انا هلق فهمت عليكي عم تقولي هيك مشان تاخدي الولد
هايدي : اي صح رح اخدو .. بس لازم تعرفو الحقيقة ... صح كذبت عليكن بالبداية وماخبرتكن الحقيقة اول ما ولدت بس انتو طردتوني وماكان في مكان اخد هالولد عليه .. قلت خليه عنكن لبين مادبر حالي
سالم :هالحكي مستحيل يتصدق
هايدي :فيكن تعملو تحليل وتتأكدو انو سليم مانو ابوه لعلي .. لك اصلا سليم مالمسني ...كيف بدو يكون ابنو .
ابو سليم :وهلق جاي تاخدي الولد
هايدي :اي جاي اخد ابني .. وانتو بعد ماعرفتو الحقيقة مانك متطرين تربو ولد غريب
سالم :بس نحنا لسه ما اتأكدنا
هايدي :عم قلكن اتأكدو
سالم :لبين ما نتأكد الله اعلم وين بتكوني صرتي بالولد
هايدي : طيب بلا التحليل
طلعت صورة ليعرب معها بالجزدان وقالت هاد يعرب .. شوفو مابيشبه علي .. وتاني شي زمرة دم علي مختلفة تماما عم زمرة دم سليم وهاد بيعني انو سليم مستحيل يكون ابوه..
ربى :وكيف عرفتي الزمر
هايدي :بالتقراير الطبية ... وانتو بتعرفو كلكن انو زمرة دم سليم كان AB+صح .... وانا A+ ...بس علي زمرة دمو o
يعني نسبة قليلة كتير انو الطفل يحمل غير زمرة اهلو .. وعلي زمرة دمو متل زمرة دم يعرب.. يعرب زمرة دمو o ...اصلا انا كنت خايفة تكتشفو هالشي قبل ما انا قلكن الحقيقة
سالم فيك تسأل حدا من رفقات سليم يلي درسو معو بالمخبر وتسألو
اتطلعو كلن ببعض
ام سليم :قوم سالم .. قوم اسأل حسام رفيق اخوك
طلع سالم لبرا حكي مكالمة ورجع .. ملامحو ما بتتفسر
ام سليم :شو ابني ؟؟؟
سالم: متل ماحكت هايدي
ام سليم :شو يعني الولد مو ابنا ... علي مو ابن سليم ... وانا قلت الله عوضني ... وانت عم تكذبي علينا وخدعتينا
هايدي :غصب .. عني... والله غصب عني ... لو قلتلك بوقتا وين كنت بدي روح فيه ... نام فيه بالشارع
ابو سليم :وهلق وين بدك تنامي فيه
هايدي :راجعة لعند اهلي ... اهلي ظانين فيني غلط وهلق راجعة واحكيلن الحقيقة
ابو سليم :وبركي ماصدقوكي
هايدي :صار معي دليل براءتي
فتحت جزدانا وطلعت مصاري ومبين مبلغ كبير حطتو على الطاولة وقالت وهدول لانكن ربيتو ابني وعاملتوه متل ابنكن واكتر ... شكرا على كلشي ... بس انتو مابتعرفو ظروفي يلي مريت فيها ... وسليم هو الوحيد يلي كان واقف بصفي وساعدني ... انا متل سليم مارح لاقي رجال
الكل :الله يرحمو
هايدي : مابدكن تعطوني ابني
ام سليم : الولد ابنك قومي خديه
وقفت وقالت :شكرا ..واذا عنكن شك واحد بالمية فيكن تاخدو شعرة منو وتعملو التحليل لتتأكدو
ام سليم :مافي داعي ... اول مرة بحسك صادقة
هايدي : تسلمي ... وان شاء الله تفرحي بربى وسالم وتشوفي ولادن وولاد ولادن
ام سليم : والله يحمي علوشي وتفرحي فيه
هايدي :آمين
ربى :خلينا نشوفكن
هايدي :وعد كل ما انزل ع المدينة جيبو واجي
ربى :رح جهزو
_____________________
عباب الجامعة
طالعة دانا من باب الجامعة لتتفاجئ بدانيال واقف قريب من البوابة
دانا :دانيال؟؟شو عم يعمل هون ... معقول جاي يشوف شي حدا.. ولا جاي يشوفني.. هه مابظن جاي مشاني بس يلا رح سلم عليه وشوف اذا بدو مساعدة
مشت لعندو
وهو لما شافها نهض ووقف منيح لانو كان مرتكي ع مقدمة السيارة
دانا :مرحبا دانيال .
دانيال :اهلا دانا .. كيفك
دانا :تمام .. قلي ناطر شي حدا او الك حدا هون
دانيال :جاي مشانك
دانا :مشااني ؟؟
دانيال : اي مشانك عندك شك
دانا :عندي كل الشك ... لانو مالك بالعادة بالمرة
دانيال :حقك علي بس كنت مشغول شوي .. وحتى حالي انساه .. بس انت عطول كنت ببالي
دانا :دانيال في شي
دانيال :شو رأيك نروح نقعد بشي مكان
دانا :اسفة مابقدر مخبرة الماما انو مارح اتاخر اليوم .. اذا عندك شي احكيه خليني امشي
دانيال: طيب رح احكي بدون مقدمات
دانا :ياريت
دانيال :تتزوجيني
دانا :شوووو
دانيال :تتزوحيني ؟؟
دانا :ليش
دانيال : الزواج بدو ليش
دانا :حدا مخبرك شي
دانيال :شو متل شو
دانا مابدا تكشف حالها وسكتت
دانيال :شوو
دانا :مابعرف بصراحة فاجئتني
دانيال :اممم .. ليكي شو .. انا هلق رح انسحب وانت فكري ع مهلك ... وانا ناطر جواب
وتحرك ليركب بسيارتو
دانا :لحظة بس شوي
دانيال :بنحكي بعدين ... لانو بعرف صدمتك بهل الطلب ولازم اتركلك المساحة لتستجمعي افكارك وهيك ... بالاذن
تركها بصدمتها وراح .. صافنة بالفراغ يلي كان واقف فيه ... بالفعل مصدومة ... واسئلة كتير تسللت لدماغها .. انو معقول بحبني من زمان ... بس ليش ما اعترفلي بحبو بالاول .... معقول مابحبني ... معقول بحب هايدي
رن تلفونها ليقطع عليها شرودها ... اخدت الموبايل وشافت الشاشة كان رقم مابتعرفو ... ردت وقالت :الو ... اهلا مين ... هايدي ؟؟؟؟؟؟
______________________
طالعة هايدي من بيت ام العبد معها شنتة سفر وام العبد واقفة جنبا وحاملة ابن هايدي وعم تناغيلو
ام العبد :وين كان هالامور .. ليش لهلق لحتى عرفتيني عليه
هايدي : هلق لشائت الظروف
ام العبد :طيب وين رايحة
هايدي :لعند اهلي
ام العبد :الله يكون معك سلمي عليهن
هايدي :الله يسلمك
صوت زمور سيارة برا
هايدي :اكيد التاكسي اجت .
ام العبد: ابقي زورينا
هايدي :ان شاء الله
بوسو بعض واخدت ابنها وطلعت واول ماطلعت لقت التكسي واقفة
هايدي :لو سمحت ممكن تاخدلي الشنتة
نزل الشوفير لياخد الشنتة بس وقفن صوت
:مرحبا
اتطلعو كلن عمصدر الصوت ولا شب طول بعرض لابس اسود بنضارات سود
وبراس الشارع سيارة سودة وفيها تنين نفس هيئة هاد الشب
هايدي :اهلا
الشب :حضرتك هايدي
هايدي :اي مين حضرتك
الشب : لو سمحتي ممكن تتفضلي معي
هايدي :مين حضرتك ومين باعتك
الشب :ما معي الصلاحيات احكي ... لو سمحتي امشي معي
هايدي :متطورة شغايل يعرب
الشب : مين يعرب
هايدي :لا تغشم حالك عارفة انك من رجال يعرب روح خبر معلمك انو مارح اجي خلص يحلو عنني
الشب : انا ماني من رجال يعرب ولا بعرف حدا بهل الاسم بس الاوامر انو جيبك بالاسم
هايدي :ع وين بدك تجيبني ... ومين باعتك
الشب :طيب تعالي معي لتعرفي مين
اتطلعت بام العبد ام العبد رجعت لورا انو مادخلها
هايدي :كيف بدي اجي مع حدا مابعرفو .. ع القليلة خبرني مين باعتك
الشب : صدقيني ما معي الصلاحية خبرك .. بس اتأكدي انو مارح نأذيكي
هايدي : طيب ... ام العبد رح خلي الصغير عندك والشناتي برجع باخدهن
الشب : اذا بدك جيبهن نحنا بنوصلك عمكان مابدك تروحي
هايدي :طيب ماشي ... تفضل احمل الشنتة لشوف شو اخرة هالمفاجئات
حمل الشناتي ومشي معها وركبو بالسيارة وانطلقو
______________________
بعد يومين
وصلت سيارة يعرب عباب بيت اهلو ونزل هو وروز
روز :شو سبب هالعزيمة
يعرب :مابعرف ... هلق بنشوف
قبل ما ينزلو وقفت سيارة جنبن وكان دانيال وامو
يعرب :دانيال ؟؟
روز: شو القصة
مارد وفتح الباب ونزل
ونزلت روز .. ودانيال نزل هو وامو واقتربو من بعض جنب الباب
يعرب :اهلا شرفتونا
دانيال :كيفك يا حضرة الوزير
يعرب :بخير
جيهان :كيفك روز كيفك يعرب
يعرب :تفضلو .. تفضلو
دقو على الباب فتحتلن الباب ام يعرب ومعها دانا وكانو بكامل اناقتهن
رحبت ام يعرب ودخلوهن ع الصالون ... ويعرب سحب امو وراحو ع المطبخ
يعرب :خير .. شو سبب هالزيارة
ام يعرب : جايين يطلبو ايد دانا
يعرب : وعجب انا مامعي خبر
امو :مبارح ماقلتلك تعال عايزتك بموضوع وحضرتك مارديت
يعرب : اليوم فضيت حالي وجيت ليش ما اجلتوها بالاول كان خبروني
ام يعرب : وعم خبرك هلق شو المشكلة وكمان هدول بيت عمك بنعتبرها زيارة عادية
يعرب :طيب تفضلي وينو ريان
ام يعرب :بغرفتو نازل
طلعو وقعدو معن وصارو يحكو ويطمنو عن بعض بشكل عام ... بعد شوي
وقفت دانا بالنص وقالت : اسمعوني ياجماعة ... البعض متسغرب من هالجمعة .. رح احكي بوضوح ... دانيال اجا وعرض علي الزواج صح
دانيال :صح
دانا :وانت مفكر انو عزمتك لعنا كرمال قلك موافقتي ؟؟
دانيال :ليش مو هيك
دانا :لا مو هيك ...
دانيال :يعني مانك موافقة
دانا :كمان مو هيك ... بس بالاول محضرتلكن مفاجئة
يعرب :مفاجئة شو
دانا : اممم ... بصراحة ماني عارفة من وين بدي بلش ... خلص رح خليكن تشوفها
ريان :شو هية
دانا :لحظة
قربت من شاشة العرض وشغلتها
وظهرت صورة هايدي
كبست على play وقعدت جنب ريان
دانا :هايدي عندا شي بدا تحكيه .. ياريت محدا يحكي او يعلق لبين ماتخلص
حكت هايدي من داخل الشاشة : انا هايدي هه ... بعرف انكن بتعرفوني بس بركي نسيتوني ... انا هايدي يلي ظلمتوها ... انا هايدي يلي غلطت ودخلت حصونكن .. متل شي حدا فات عمزرعة كلاب بالغلط والكلاب ببلشو ينتفوه ومابيطلع الا وهو منتف ... مابعرف مين عم يشوف هالفيديو بس بتمنى تكونو كلكن موجودين من يعرب لمرتو روز لاخواتو ريان ودانا لامو ولستو امون .. عفوا ستو هيام... لدانيال وامو ... بتكفو انتو .. اي انا قاصدكن الكن بهل الحكي من عيدا ام يعرب وامها ودانا .. انتو الوحيدين يلي لسه ما اذيتوني بس يمكن لو مطولة شوي معكن كنت اخدت يلي فيه النصيب منكن
هايدي :يعرب لاتضوج ... احساسي بقلي انك بلشت تضوج بس اسمعني منيح انت اكتر واحد
اتطلعو عليه وكان عم يشد ع قبضة ايدو
هايدي : بصراحة مو عارفة من وين بلش من الاول ولا من الاخير ولا من نص الحكاية .... اممم خلص رح احكي من الاخير ...من عندك يا يعرب بعد كل هالظلم يلي وصلتلو منك رجعت تنتقم ورجعت تحرقلي قلبي ... بس ليش مالقيت غير ابني ... بس الحمد لله اكتشفت كذبتك ومبسوطة لشي واحد وهو انو ابني بخير.... بس الشي يلي مابتعرفو انك كنت عم تغامر بحياة ابنك
الكل :شوووووووو
هايدي : متوقعة الصدمة يلي صارت ع وجوهكن بعد ماسمعتو هالحكي ... وقبل ماتقول يا يعرب بيك انو انا كذابة اسأل مرتك وخليها تقلنا مين فينا الكذاب
يعرب اتطلع بوجه روز ناطر رد
روز :اكيد عم تكذب ...
هايدي : انا ماني كذابة ... ببساطة انا كنت حامل منك لما رميتني لسليم متل شي كلبة ... بس مرتك كذبت عليك لتقنعك انو انت يلي مابتجيب ولاد بعد ماراحت على الدكتور وخبرها انو مابتجيب ولاد ومشان ما تتزوج عليها او اتطلقا حطت العوقة فيك ... ومعي الدليل وهلق بعد شوي بتعرفوه
وقف يعرب وقال:رووز شو هالحكي
روز بلشت تبكي وتقول هي بدا تخرب بيناتنا
هايدي : لحظة .. لحظة ... كمان لسه ماخلصت مفاجئتي لليوم.
دانيال بلش يحلحل الكرافة عن رقبتو بتوتر
هايدي : بنجي للورقة التانية وهية يا يعرب بيك لما تصرفت معي بتهور او بعدم فهم وبدون عقل وشكيت فيني ورميتني لسليم بدون حتى ما تسال او حتى تتحرى عن الموضوع... انت كنت ظالمني وحاولت كتير احكيلك هالشي بس انت ماكان بدك تسمع ... ليش .. معقول قلبك كلو معبا حقد مني ... بس هالمرة لازم تسمعني لانو انا مظلومة ويلي ظلمني ابن عمك ... اي اي دانيال .. دبر هالمكيدة بس لينتقم مني بس لانو تركتو بدون ما اعطيه سبب ... بس يا دانيال ليش عملت هالشي ... ليش ما جيت سألتني كنت جاويتك انو امك هددتني بنفس السهرة يلي اخدتني عليها وانا من قبل قلتلك مابدي غامر .. يمكن تسرعت برفضي الك بس كل هاد العقاب عهيك ذنب ... لك انتو من شو مصنوعين ... هه من هيك طلعتو بتقربو بعض عنكن نفس الحقد ونفس الخباثة
هلق رح خليكن من الدلائل ... بصراحة انا ماكان معي دليل بس اقدرت جيب اعترافات روز ودانيال
غابت صورتها عن الشاشة واشتغل صوت .. وهالصوت هو لما راحت لعند دانيال ولعند روز وطلبت منن مصاري
سمعو الاصوات ورجعت ظهرت على الشاشة
هايدي :وهي اصواتن وهنن عم يعترفو بعضمة لسانن صح انا ابتزيتن مشان المصاري بس كل هاد كان مشان امن مصاريف العلاج لابني .. لابنك يا يعرب بيك ... واذا مانك مصدق تركتلك كم شعرة من شعرات ابنك مع دانا فيك تاخدن وتعمل تحليل ابوة .... انا هاد يلي كان بدي اياه بس بدي بين برائتي قدامكن ..بدي تحلو عن هايدي ... بدي تتركوني بحالي ... ماخليتو شي الا وعملتوه فيني ... انا راجعة لعند اهلي مارح اختفى وبعد متل المسلسلات .. لا كلكن بتعرفو وين انا..بس بتمنى ماشوف حدا منكن ... لانو مارح سامح حدا ولا رح اغفر لحدا ... وحتى ابنك يا يعرب رح احرمك منو متل ماحرمتني من برائتي ومن حريتي ومن اهلي انا هون عند اهلي بس حاول تجرب وتجي وشوف شو رح اعمل ولا تفكر انك قوي وانا ضعيفة وانك مسؤول وعندك رجال وحراسة وانا لحالي لا كتير غلطان انا صرت اقوى بكتير من هايدي يلي بتعرفوها... بدك تسأل حالك ليش عم خبرك عن ابنك مزال مارح خليك تشوفو .. مشان خليك تموت بحسرتك .... ولاتقول ابني وبدي شوفو ما الك عندي شي ... واذا عندك شوي كرامة او شوية خجل لاتحاول وتجي تطلب مني شي حتى نظرة من ابنك لاتحلم ... ابني بالنفوس ابوه سليم وابوه مات يعني ابني ماعندو اب ..شوف هالقلب المكسور شو رح يطلع معو ... وبرجع بقلك رح احرمك من ابنك هاد الشي يلي بقدر عليه لرد شوي من حقي لانو كمان انا انحرمت من ابني بسببك او بسببكن ... مو مهم مين حدد بس كلكن مذنبين ... قبل ما انهي هالفيديو حابة اسأل سؤال ... يا يعرب رح تعمل بروز بعد ما اكتشفت خياتنها وكذبها واصلا هية الها يد مع دانيال بتدبير المكيدة الي ... رح تعمل فيها متل ماعملت فيني ... تضربها وتهينا وبعدها تطلقها وبعدها تجيب شوفير تزوجها اياه وبعدها تحبسا .... ومع دانيال يلي ظلم مرتك رح تسامحو وتمرقلو اياها ... مابعرف ليش حاسة انك مارح تعملن شي وتتركن بحال سبيلن ... بس هايدي ماقدرت تغفرلا وتسمعلا ... لانك كنت بتعتبرني غريبة وهنن القراب ... شوف القريبين منك شو عملو فيك ... وهلق رح قلكن وداعا يعني لا لقاء بعد اليوم
وقف يعرب والكل وقف معو ... والمذنبين حاطين راسن بالارض وكل واحد خجلان من حالو
دانيال اتطلع بأمو وبروز بعتب بس روز ما اكترثت لنظراتو لانو نظرات يعرب عليها اشد قوة
يعرب : دانيال لبرااا
دانا :لحظة .. دانيال بالمناسبة كنت جاي تسمع جوابي .. وهو بظن واضح وانو لاا
يعرب :لبراااا انا قلت
تركن دانيال بدون ولا كلمة ومشي وامو لحقتو ومسكت ايدو .. وقف واتطلع فيها بعتب ولوم .. نتر ايدو من ايدها واسرع بمشيتو وطلع وهية لحقتو
روز بخوف :يعرب اسمعني انا عملت...
طااااخ
ولا كف اجا ع وجها خلخا تخرس
يعرب : بتقبري من هون بتنقلعي من كل حياتي مابدي شوفك ... وانت طالق .. طالق .. طالق
روز عم تبكي :بترجاك اسمعني
يعرب :رح تنقلعي من وهون ولا بتحبي تجربي تجربة هايدي
روز مصدومة
يعرب :شوووو... لساتك قاعدة ... قومي انقبري من هون .. كنت ناوي عاقبك بس رب العالمين ما نسيكي
روز :عم تشمت فيني
يعرب :اي اي عم اشمت ... عم اشمت من الانسانة يلي كانت بدا تحرمني طول عمري من الولاد بحجة انو انا مابجيب ولاد ... عم قلك قوومي انقلعي مابدي شووف صورت وجهك مرة تانية ... اخدت جزدانها بحزن ومشت بخطوات بطيئة ناح الباب
يعرب :شوفي شو تاكسي توصلك لعند بيت اهلك لانو معد الك شي عندي
طلعت روز كمان مكسورة وحزينة .. ويعرب اخد موبايلو مفاتيحو من على الطاولة ليطلع
ريان :ع وين
يعرب : لعند ابني وام ابني
ريان : بس لاتنسى شو قالت مابدا اياك ومارح تخليك تشوفو
يعرب :ماعلى كيفها ... هاد ابني ومارح اسمحلا تحرمني منو .. واصلا مابس بدي ابني بدي اياها الها كمان
تركن وطلع
ريان :طول عمرو اناني
امو :روح الحقو
ريان:مانك شايفتيه مجحش .. بس مارح اسكتلو رح روح ووقف جنب هايدي يعرب مابيستاهل يكون اب
###@@#####
بعد مرور عاام
قاعدة عيلة يعرب عم يفطرو ويعرب معن
نزل ريان من على الدرج وكان عم يلبس جاكيتو ويحكي ع الموبايل بنفس الوقت
ريان : ماشي .. جايين
وصل ع السفرة
ريان :صباحو للجميع
الكل صباح النور
قعد وبلش يفطر بشكل سريع
امو :كول شوي شوي ماما
ريان :مستعجل .. وانت يعرب اسرع شوي
يعرب :شوفي
ريان :حكتني جوى وقال لازم تشوفك ضروري
يعرب بلهفة : التقت هايدي ؟؟؟
ريان: شو جاب سيرتها هلق
يعرب :لكن شو هو الضروري
ريان :بظن شغل بالوزارة
يعرب :طيب وهايدي ما التقت ولا لقيتلها اثر
ريان :وين بدي لاقيها .. قلبنا البلد فوقاني تحتاني ومالقيناها
يعرب :وين بدا تروح
ريان :قالت بالفيديو رايحة لعند اهلها وانا واياك رحنا لعندن ومالقينا حدا ...اصلا اهلا مابيعرفو عنها شي وكانو حاقدين عليها ...
يعرب : اصلا انت مالازم كان تقلن الحقيقة
ريان : ليش بدك تضل بنظرن مانها منيحة
يعرب : اي عالقليلة لحتى لاقيها ااما هلق عرفو انها بريئة واذا رجعت لعندن رح يوقفو معها ويساعدوها لحتى ما لاقيها
ريان : بصراحة انت بتستاهل انك ما تلاقيها
يعرب :هلق هاد يلي طلع منك
ريان :اي .. وانا محلها ما بسامح حدا .. شو دانا انت لو محلها بتسامحي حدا
دانا : بصراحة لا
ريان :ها شفت ... ولا هية مالازم يكون عندا مشاعر مشان تسامح .. انتو بتغلطو وهية لازم تسامح ولا كمان غصب عنها
وقف يعرب ومشي خطوتين وقال :ماغصب عنها ... وانا ماقلت غصب ... بس هايدي لازم ترجعلي هية وابني .. بدي صلح غلطي... بس لاقيها مستعد ضل اترجاها تسامحني طول العمر
ريان :ماوقتو هالحكي ... وكمان المخلوقة يمكن تزوجت .. او حبت حدا
يعرب :لا لا ... هايدي مابتعمل هيك
ام يعرب :هلق صرت بتحسن الظن فيها
التفت عليهن يعرب وقال :شبكن كلكن علي
وقفت دانا وقالت :اخي بصراحة بتستاهل ..مو شماتة بس انت متسرع وعجول .. وخلص البنت تركتكن وراحت حاج تبحبش وراها ... كمان انتبه لحالك ولصحتك ولشغلك ... ليش مصرين ترجعو للماضي
يعرب :اسماع ريان بترجع بتروح لعند اهلها وبتسألن
ريان :ماني رايح بدك تروح روح انت .. مابكفي كل مابروح امها وابوها بصيرو يدعو علينا حرمناهن من بنتن ومن عيدا اخوها يلي بيتهجم علينا...
يعرب :طيب وابني .. يا جماعة وابني
ريان :اعتبر انك لساتك مع روز وعايش بوهم انك مابتجيب ولاد
يعرب :لا تجبلي سيرتها نهائيا
ام يعرب :صحي شو اخبارا
ريان :شو اخبارا يعني عايشة مع امها ... وكل مابيتقدملها شخص بيخبر انها مابتجيب ولاد بيتركها وبروح
ام يعرب :الله كبير
ريان : اصلا هية مابدها تتزوج قال بعد يعرب
دانا :مين قلك
ريان :شفت دانيال وهو حكالي
يعرب :وعم تشوفو لهل الحقير كمان
ريان :اي شبك دانيال ابن عمي واذا شفتو
يعرب :شو نسيت شو عمل مع هايدي
ريان : كان مضحوك عليه متل ما انضحك عليه .. ولا عامل حالك المظلوم وكلن مذنبين
يعرب:لا ماني مظلوم .. محدا مظلوم غير هايدي بهل القصة
ريان :المهم مانك رايح ع الشغل
يعرب :لا بدي انزل ع الضيعة
ريان :ياربي ... لك يايعرب والله نحنا مو شمتانين فيك وبالعكس بنتمنى تلاقي هايدي اليوم قبل بكرا .. بس ماعم تلاقيها حاج مترك كل اشغالك ولاحق وهم
يعرب :بس هايدي مو وهم
ريان :بعرف مو وهم .. بس ويينا ... لك اذا اهلا مابيعرفو عنها شي وعملنا كل يلي علينا ... خلص انسى والا مايجي يوم ترجع تظهر
يعرب :بس لازم روح ع الضيعة
ريان :مشان القرية السياحية
يعرب : لا .. بس سمعت انو هنيك في مزار او مقام المهم قال يلي بيدعي هنيك دعوة بتتحقق .... بدي روح ادعي انو لاقي هايدي
ريان :بتآمن بهيك شغلات
يعرب :مابعرف بجرب
تركن وطلع
ام يعرب :والله قلبي عم يتقطع عليه
ريان : اي لاتخافي بقطع بلاد وبنام مرتاح ... بس حاسس انو ابنك عم يعمل هالتمثلية مشان نشفق عليه واذا بنخبر شي عن هايدي نخبرو
ام يعرب :انت بتعرف وينا
ريان :ومن وين بدي اعرف .. سلام انا رايح ع الشغل
طلع ريان واجت رسالة ع موبايل دانا محتواها :بحبك وبدي اياكي ... صح انا غلطت بس كان بدي رد اعتباري .. وعم اطلب من ربي يغفرلي ويجمعني فيكي
ابتسمت وماردت
____________________
تاني يوم بالوزارة
دخلت جوى مستعجلة لعند يعرب حتى ما دقت الباب
جوى: يعرب بيك .. يعرب بيك
يعرب :شوفي جوى .. وليش هيك فايتة صاير شي
هزت براسها بحزن
يغرب : شو صاير خبرتي شي عن هايدي
جوى :يعرب بيك ازالوك من مصبك
يعرب بصدمة كبيرة وماكان متوقعها نهائيا ع القليلة بعد ٥ سنين
وقف وقال : شوووووو
جوى : هلق اجا البريد من المجلس
يعرب كيف هييك ... مابصير ... ومين طلع هالقرار اكيد في شي غلط... هاتي القرار لهون
قربت وعطتو القرار يلي كان بايدها
اخدو وصار يقرها مع تصبب حبات عرق على جبينو ..رما الورقة على الطاولةوقال اكيييد في مؤامرة ... اكيددد
جوى :اتحرى حضرتك عن الموضوع
اخد سماعة التلفون وقال اكيد رح اتحرى بس مين عينو مكاني بتعرفي
جوى :لا
انااا
اتطلعو ع مصدر الصوت .. لتوقع السماعة من ايد يعرب ووقف على رجليه بصدمة وقال :هايديييي
هايدي :انا تعينت مكانك
يعرب :هايدي ؟؟!!!!
هايدي :اي هايدي
يعرب : رجعتي ؟
هايدي :رجعت اقوى .. رجعت هايدي تانية
لف من ورا المكتب وقال :المهم ارجعتي ... بتصدقي انو رحت ع المزار يلي بضيعتكن ودعيت انو لاقيكي وهي الله استجبلي دعواتي
هايدي :هههههههههه ... مابتعرف انو يلي بيدعي دعوة هنيك شو بصرلو ... صح بتحقق الدعوة بس بتلحقو لعنة مع هالدعوة... وهاد اكبر دليل كان بدك تلاقيني وهي لقيتني ... بس بالمقابل اخدت منصبك ... يعني لو مانك داعيها ما كان احسنلك
يعرب كان مصدوم او بالاحرى تلقى اكتر من صدمة ومانو عارف ع ايو صدمة ينصدم
يعرب :وين كنت
هايدي : كنت عم قوي حالي
يعرب : ليش مارحتي لعند اهلك
هايدي : لانو عرفت انك جحش ورح تروح مشان هيك مارحت
يعرب :جحش ؟؟
هايدي : اي ولا انا غلطانة
يعرب :دورت عليكي كتير
هايدي :هه علي ولا على ابنك
يعرب :عليكن انتو التنين
هايدي :مع انو عاملة حسابي انو مااحكي معك ولا حرف .. بس يلا مشي الحال ... لو سمحت يعرب ضبضب غراضك وسلم كرسيك لصاحبو الجديد
(اي صح نسيت اوصفلكن هايدي ... كانت اكتر جمال وجازبية لابسة طقم اسود خرج عمل بس مع انو للعمل الا كلو انوثة .. رابطة شعرها لورا ونظاراتها على راسها وعلى الباب واقف معها تنين مرافقة لابسين اسود )
اتطلع يعرب على كرسيه وقال: بدك تحاربيني فيه
هايدي :اي ماهو نفسو يلي اهملتني مشانو ..كان عندك اهم مني واهم من الحقيقة يلي مادورت عليها
يعرب :معك حق
هايدي :بعرف انو معي حق ولاتعمل دور المظلوم
يعرب :ماني مظلوم .. بس ندامان
هايدي :حتى هي بشك فيها .. بس اذا ندمان هاد شي بيسعدني
يعرب :وبحبك .. هالشي مابيسعدك
هايدي :لا ليش ليسعدني
يعرب : بدك تاخدي منصبي خديه .. بدك تاخدي كلشي بملكو كمان خديه بس ارجعو
هايدي : منصبك بكفي .
يعرب :متغيرة
هايدي : اكيد لازم كون متغيرة .. معقول ضل متل ما انا بعد كلشي مريت فيه ... صح متغيرة بس للاقوى ... يلي قدامك هية هايدي الوزيرة مو هايدي الضحية .. بعترف انو خبصت كتير بحياتي بس خلص وقت التخبيص وصار وقت الجد
يعرب :وانا مبسوط انو شايفك قدامي بهل القوة
هايدي :شكرا
يعرب :بتعرفي بالوزارة
هايدي :بتعلم
يعرب :كيف وصلتي لهون
هايدي :هه بتشك بقدراتي
يعرب ساكت
هايدي :شو هالمرة ساكت .. احكي شي ... ياريتك سكتت وقت كان لازم تسكت ... بتعرف شو .. خفت لما اجي واشفق عليك.او قلبي يحن .. بس مابعرف قلبي مو راضي يسامحك نهائيا واصلا مابحمل شي اتجاهك غير الكره
يعرب : شكلك قويانة كتير .. واي حكي معك مارح ياثر فيكي
هايدي :بالظبط
يعرب : يعني فيني افهم انو هاد انتقام
هايدي :هيك شي
يعرب :وايمت بينتهي
هايدي : انت ايمت كنت ناوي تخلص انتقامك مني
يعرب :بس انا غلطان
هايدي :وانا كنت بريئة ومظلومة... خلص يعرب بكفي مابدي افتح الدفاتر القديمة ... خلي كل واحد يروح بحال سبيلو ... وعشان الوزارة لاتزعل كتير .. كل واحد اخد نصيبو ... وكمان اصلا هاد الكرسي مابدوم لحدا لو دام لغيرك ماكان وصلك
يعرب :طيب بدي شوف ابني
هايدي :ما الك شي عندي ... وسبق وقلتلك لاتفكر انو عندك ولد
يعرب :صايرة قاسية كتير
هايدي : بعض ما عندكم
يعرب :بسيطة ... مبروكة عليكي الوزارة
هايدي :الله يبارك فيك .
راح لورا المكتب واخد جاكيتو بحزن ومشي ناح الباب
قربت هايدي من المكتب واخدت القرار يلي فيه ازالة يعرب من منصبو
هايدي :هاد القرار مزور .. وانا لاصرت وزيرة ولا شي .. بس كنت حابة شوفك مكسور ومزلول
وقف والتفت عليها
يعرب :هه لاتفكري انك عم تفرحيني بهل الحكي .. وياريت يكون هالقرار مظبوط
هايدي :للاسف مزور .. ومشت عليكن
يعرب : شو بدك من ورا الكذبة .. بدك ترجعيلي
هايدي :ليش انت بدك اياني
يعرب :ما مبين علي اشقد انا بحاجتك
هايدي :بس انا مابدي حدا ... صدقني مابدي حدا .. وعملت هالتمثلية بركي قلبي برق عليك مشااان خليك تشوف ابنك مو اكتر ... بس قلبي صاير حجر صوان وماعم يلين
يعرب :يعني ؟؟
هايدي :اسفة يعرب .. مارح اقدر
يعرب :ولا حتى ابني ؟؟
هزت راسها بالنفي ...
تركت المكتب ومشت
يعرب :هايدي .. لا تروحي ... يا هايدي
ماقدر يلحقها مع انو حر ومانو مقيد ... اتعذب كتير وهو عم يدور عليها .. ولما لقاها ماقدر يمنعها .. يمكن لانو حس انو خسرها ع الاخير ... حتى ابنو ما اهتم كتير لاجلو لانو يمكن مابدو اياه لحالو بدو اياه هو وامو
طلعت هايدي من الوزارة وتحت كان ريان ناطرها
ريان :شو صار
هايدي :ماقدرت ... قلبي ماحن
ريان :انت قلتي مشان ابنو
هايدي :وحتى ابنو صعب .. صعب يا ريان ... مجروحة كتير انا
ريان :وشو يلي بيشفيلك جروحك ...
هايدي :اتركها للزمن
ريان :وشو ناوية هلق
هايدي :هالمرة عنجد ناوية ارجع لعند اهلي .. راجعة لعند اهلي ومابظن هالمرة يعرب رح يكون عائق بحياتي
ريان :بدك تضلي هيك
هايدي :صدقني انا مرتاحة ومبسوطة ... والله مبسوطة ... وماضروري كون مع رجل لحتى كون مبسوطة ... عفكرة الحرية كتير حلوة
ريان : وانا بتمنى يكون هالشي صحيح
صافحتو وقالت : شكرا على كلشي
تركتو ومشت والبادي جارد ضلو واقفين : شو بتأمرنا ريان بيك
طلع ريان من جيبتو مصاري وقال :شكرا .. فيكين تنصرفو
اخدو المصاري وراحو
###فلاااااش_بااااالك###
نزلت هايدي من السيارة يلي اخدتها من عند ام العبد على حفة جبل وكان ريان واقف وناطرها
هايدي :هاد انت ريان
ريان :اي انا
هايدي : شو بدك
ريان :شفت الفيديو
هايدي :ويعرب
ريان :دانا بس فرجتني اياه الي حاليا
هايدي :شوبدك
ريان :بعتذر
هايدي :اعتذارك مقبول .. بس مشان هيك
ريان :بعرف انو انا مساهم معهن
هايدي :انت مادخلك
ريان :حابب ساعدك
هايدي :بشو
ريان :مابعرف .. باي شي
هايدي :بس انا مابدي شي
ريان :لاترجعي لعند اهلك
هايدي :ليش
ريان :مارح يتركك بحالك .. وانا حاسس فيكي انك بحاجة تكوني لوحدك
هايدي ساكتة
ريان :وانا معك بفكرة الانتقام .. وعفكرة الفيديو لحالو مانو انتقام ... لازم تختفي .. هاد انتقام كبير بالنسبة ليعرب .. ودانيال مجرد يعرف انو غلطان رح يتندم ... وروز اكيد يعرب رح يطلقا واصلا هية اخدت عقاب رباني .. لاتنسي انو مستحيل تحبل
... يعني يلي لازم تنتقمي منو هو يعرب ويعرب مارح يتركك اذا عرف انك عند اهلك وممكن ياخد ابنك ويبتزك فيه
هايدي :يسترجي يقرب عليه
ريان :يعرب لما بجحش مابيبقى بشوف قدامو .. صدقيني بدك رياحة لراسك هالفترة لتستجمع افكارك
هايدي :واهلي
ريان :رح روح واحكيلن الحقيقة وانت ابقي طلي عليهن كل فترة وفترة
هايدي :طيب وين بدي ابقى
ريان :رح استأجرلك بيت لمدة سنة
هايدي :طيب ماشي
##### فلاااش باك تاني وهاد مبارح بالنسبة الهن ###
بشقة كبيرة وحلوة قاعدة هايدي وابنها جنبها معو لعبة وعم يلعب فيها مبين انو كبران وعمرو حوالي السنة وشوي .. ومقبالها قاعد ريان
هايدي ملتهية بابنها وعم تشاركو بلعبو وكأنها متجاهلة ريان
ريان :هايدي يعرب كتير تعبان ..
هايدي :شو شايفتك حنيت عليه
ريان : اي اخي .. وكمان حالتو بتصعب ع الكافر ... بتعرفي انو اليوم راح ع الضيعة لعنكن مشان يدعي عند المزار مشان يلاقيكي
هايدي بتافاف :وشو المطلوب
ريان :ترجعي
هايدي :ليش محدا عم يفهمني ... مابدي حدا .. لك قلبي تعبان وعنجد مابدي حدا مو انانية .. بس خلصت فكرت واكتشفت انو انا ماخرج لاحب ولا زواج .. خلص بدي ربي ابني وعيش بهدوء
ريان :طيب خليه يشوف ابنو
هايدي :بفكر
ريان :طيب رح قلك على طريقة تشوفيه مكسور بركي قلبك برق
هايدي : شو هية
#####بااااااااااك#####
راكبة بالتاكسي ومعها ابنها وجنبها شنتة سفر متوسطة... شاردة بالطريق ... قلبها عم يوجعها ... هية كانت كلشي بحياتها كانت طايشة ومتهورة ومهملة وبتغلط كتير.. بس شغلة وحيدة ما كانتها انها تكون قاسية قلب ... حوالت كتير بس عندها غريزة التسامح كبيرة ... اخدت موبايلها واتصلت بريان
هايدي :الو .. ريان ... اي انا رح اوصل ع الضيعة ... شو بدي قلك ... ليك ابقى تعال خود علوشي يشوفوه بيت جدو وابوه... اي متأكدة ... انا بعمري ماكنت بلا ضمير يا ريان ... ماشي بكرا ناطرتك
.............
وصلت على بيت اهلها وقفت ع الباب وصارت تتامل واجهة بيتهن بحنان ... دقت على الباب وفتحتلها امها
امها :هاااايدييي ... يا حبيبتي ... رجعتي ياعمري رجعتي
هايدي :اي رجعت يا ماما .. رجعت
//////////////////_///////////
قلم يخطط احرف مصففة لتكمل كلمة ومن ثم الكلمة جملة ومن ثم قصة :
اليوم ذكرى عيد ميلاد علي .. اليوم اكمل الستة اعموام.. سنحتفل جميعا ... ايضا سأحتفل بأنتهاء روايتي ... نعم روايتي انا ... واسميتها لعنة جمالي ... ذالك اليوم جلست تحت ضوء القمر وبريق النجوم ... وسرحت بها وبجمالها وقلت سبحان الخالق الذي خلق كل شيء واحسن تصويره ... تلاشت افكاري مع النجوم ... وفكرت مالذي اوصلني الى هذه الحالة ... هل هذه ضريبة الجمال ... جمعت اغلاطي وعثراتي وبالمقابل جمعت امامها الدورس التي تعلمتها ... تعلمت الكثير والكثير ...
اولا :الحياة اكبر مدرسة ... تعلمك الكثير وبالمقابل تدفع الكثير
عندما امعنت النظر في النجوم والقمر وامعنت في جمالها قلت لو كانت هذه النجوم في ايدي البشر لبعثرها الناس من كثرة الجهل ... لكن الله حماها وابعدها والبسها الثوب الاسود لكي تزاد تولؤلؤاً ... وكأن هذا المشهد ايقظ في داخلي شيء جديد ... ان الله عندما اعطاها الجمال ايضا اصانها وحفظها ... وسالت نفسي انا جميلة كمثل هذه النجمة لماذا لا اكون مثل هذه النجمة محصنة ... الله حصنها لانها لا تلك شي مثل الانسان ... لكن الانسان يملك كل شيء واعظمها العقل ..
الحمد لله الله هداني واتمنى ان يقبل استغفاري وعثراتي وخطاياي ... وحصنت نفسي مثل تلك النجمة او مثل ذالك القمر .. الانسان مخلوق عظيم والله عظمه لكن هو بنفسه يا اما يحصن نفسه ويكن مع الله يا اما يبعد عن الله لا يعرف قيمة نفسه ... انا ذالك اليوم قررت ان ارتدي الحجاب .. نعم ارتديت الحجاب لان الأنثة شي رقيق مثل لؤلؤة او مجوهرة غالية ويجب ان تحافظ على نفسها وكأنها جوهرة ثمينة ... واشكر الله كثيرا انه اهداني الى طريق الهدايا .. سوف انهي روايتي (لعنة جمالي) لكن قبل ان انهيها سوف اوضح لماذا سميتها بهذا الاسم ... لانه عندما طلبت الجمال عند ذالك المزار ارتكبت ذنب وهو انني طلبت شيء من دون الله ... لان ليس بين العبد ورب حواجز الله لا يحتاج الى وسائط للتكلم اليه .. الله اقرب للانسان من نفسه ... اصلا ماذا هذا المزار .. انه مجرد غرفة داخلها قبر .. لكن لمن هذا القبر لا احد يعرف .. ربما داخله روح شيطانية.. صح تحقق الاحلام لكنها تزوع بطريقنا الشؤم ... لماذا نعظم الاموات ونترك الاحياء ... عش حياتك طبيعا وعش بطيبة القلب .. واذا واجهتك مصاعب الحياة فقط اقترب من الله وستجد الله جانبك ... كن مع الله ولا تبالي ...
النهاية
سكرت دفترها وقامت والابتسامة على وجهها .. فتحت الشباك لتدخل اشعة الشمس وتتغل بملامحها الناعمة.. اخدت نفس عميق وراحت اخدت ملابس الصلاة وفرشت سجادة الصلاة وبدأت بصلاتها .. وعندما انتهت رفعت يديها للسماء وقالت يارب العالمين يا ارحم الراحمين برحمتك استغيث ...اللهم اجرنا من النار واسئلك دخول الجنة ...يارب العالمين ادعوك ان تحمي طفلي قرة عيني وان تبعد عنه كل سوء .. يارب ادعوك ان ترحم سليم تحت الارض ويوم العرض وان تأخذ بتاره من من ظلمه وان تسامحه وتغفر له ... وايضا ان تمحي ذالك المزار عن وجه الارض وتبعد الناس عن الضلال وتقديس شيء مجهول ... واختم دعائي بان تحفظ عائلتي واحبائي وترزقهم الصحة والعافية ... اللهم آمين .
قامت وطلعت من غرفتها ودخلت على الصالون كان علي وخالو هادي عم يلعبو بلايستاشن .
علي :غشاااش
هادي :ماعيب عليك تقول عن خالك غشاش
علي :اي لانك غشاش
هايدي :شبكن بتضلو تتخانقو
علي :ماما خالي هادي واحد غشاش
هادي :عيب يا ولد
علي : لا مو عيب لكن مو عيب عليك تغش
هايدي :علي ماما عيب تحكي هيك مع خالك
علي :وهو ماعيب عليه بهل العمر ويغش
هادي :وانت ماعيبك عليك تجاقرني
علي :لا ماعيب
هادي :جقر متل ابوك
علي : شو يعني
هايدي :ههههه المهم هلق حاج تتخانقو .. علوشي .. اليوم شو ؟؟
علي :عيد ميلادي صح
هايدي :صح يا عمري
نزلت لعندو وضمتو وباستو على خدو وقالت العمر كلوووو .. لك دخيل قلبك ما اطيبك
هادي :كل عام وانت بخير يا ازعر
علي :وانت بخير خالو ... وين هديتي
هادي : نحنا ماعنا هدايا .. هلق الهدايا بتكون عند ابوك وبيت جدك
طلعت ام هايدي وابوها من المطبخ ومعن قالب كاتو وعم يغنو : هابي بيرذدي تو يو ... سنة حلوة يا جميل .. سنة حلوة يا جميل ... سنة حلوة سنة حلوة ... سنة حلوة يا جميل
قربو من الطاولة وحطو الكاتو
هايدي :يلا ماما قرب اتمنى امنية واطفي الشمعات
هادي :اتمنى انو الله يجوز خالك
هايدي:اخراس انت
قرب علي وغمض عيونو ونفخ الشمعات
ام هادي :شو تمنيت تيتا
علي :تمنيت انو الماما والبابا يرجعو لبعض
تلبكت هايدي وقالت : تعال علي هلق البابا بيجي بدو ياخدك سحبتو من ايدو ودخلو ع غرفتو
علي :يسس... يعني رح ضل عندن اليوم
هايدي : اي ورح يعملولك عيد ميلاد كبير وحلو وكتير
علي :وانت؟
هايدي :شبني انا
علي :مارح تجي معي
هايدي: من ايمت بروح معك انا ليش
علي :وليش مابتروحي... ما انت ماما وهداك بابا ليش مابنعيش كلنا ببيت واحد
هايدي :خلصنا علي .. وبعدين من وين جايب هالحكي .. ابوك عم يعلمك مو هيك
علي : لا
سكت بحزن وهايدي كملت تلبسو
اندق الباب البيت وراح علي يفتح بسرعة وهو عم يغني :اجا بابا .. اجى بابا
ضلت مكانها ما تحركت سمعت صوتو برا عم يحكي مع علي ويلعب معو ... وسمعت عم يقول وينا امك
وسمعت خطواتن اقتربت وهية فورا لبست حجابها
اندق على الباب
وققت وقالت :اتفضل
دخل وعيونو عليها
يعرب :مرحبا
هايدي :اهلا
يعرب :كيفك
هايدي :بنشكر الله
يعرب : جاي اخد علي
هايدي : وهو جاهز .. فيك تاخدو
يعرب : تعي معنا
هايدي : لا .. روحو انتو
يعرب : عشان ابنك
هايدي : شان ابني كبير بس اسفة
يعرب :لايمت بدنا نضل على هالحالة
هايدي : شو يعني لايمت .. انا ماطلبت منك شي وماقلتلك انطر او املتك بشي
يعرب :معك حق .. شكلي رح ضل عايش بهل الامل طول عمري
هايدي :مشكتلك تسطفل
يعرب :قلنا بركي الله بيهيكي بعد ما تحجبتي وتقربتي من الله
هايدي : انت اذا بدك اياني فعلا اتقرب من الله وادعي انو الله يحنن قلبي...
يعرب :اذا عملت هيك بترجعي
هايدي:انا ماقلت برجع ... بس اذا عنجد بدك شي اطلبو من الله ... ويمكن الله يستجيب لدعواتك ويهديني ..
يعرب :وانا رح ادعيه بكل وقت
هايدي :الله يهديك
يعرب :ويهديكي .. شو علوش جاهز
علي :اي جاهز .. شو جبتلي هدايا
يعرب :يلي بدك اياه
يعرب :بدك شي
هايدي :لا سلم ع الجميع
يعرب :وهنن بسلمو عليك
هايدي:الله يسلمك ووصلي سلامي لدانا وقالها الف مبروك عني
يعرب :تكرمي بيوصل
مشت معن لعند الباب وقالت : كيفا دانا هية ودانيال
يعرب : عرسان كيف بدن يكونو
هايدي : الله يهنيهن يارب
يعرب :اااه صح معك خبر
هايدي : بشو
يعرب :معتصم .. مات
هايدي :عنجد .. كيف
يعرب : حادث سيارة
هايدي : الميت مابتجوز عليه غير الرحمة .. بس الحادث قضاء وقدر ولا مقصود
يعرب :مابعرف.. اصلا معتصم خبص كتير
هايدي :صح .. واكتر الشي خبص معك
يعرب :اي صح
هايدي :صح بتعرف انو سليم كان هو الجاسوس لمعتصم
يعرب :عنجد؟؟
هايدي :والله .. مامعك خبر؟؟
يعرب :لا هلق عم اعرف منك
هايدي :اي والله هاد يلي صار
يعرب :معقول هو يلي قتلو لسليم
هايدي :بس سليم مات حادث
يعرب : اي مو بعيدة يكون حادث مدبر
هايدي :بجوز ... عكل حال تنيناتن صارو بدنيا الحق
يعرب :اي والله .. يلابالاذن
هايدي :اذك معك ... ماما علي لاتعذب بيت جدك
علي :حاضر ماما
مشي يعرب لعند السيارة ووقف والتفت عليها : رح ادعي ربي كتير
ابتسمت وقالت: هههه الله يقويك
يعرب :عفكرة الحجاب كتير لايق عليكي
هايدي :شكرا
اقترب الحارس السيارة وفتحلن الباب وركبو وراحو
علي : ليش ماما ماعم تقبل ترجع معك
يغرب : ليطيب جرحها
علي : بس هية مانا مجروحة .. ماشفت دم
يعرب :عهههههه
وهنن طالعين من الضيعة .. شافو جرافة داخلة ع الضيعة ومعها سيارة شرطة
يعرب للشوفير وقف واعرفلي شبن هدول
وقف الشوفير ونزل يسأل الناس يلي واقفة ع طراف الطريق وسرعان مارجع
الشوفير :يعرب بيك قال هدول معن امر من وزارة الاوقاف بهدم المزار يلي بالضيعة
يعرب :اوف .. ليش
الشوفير : قال تبين معن انو هدا القبر يلي بقلب المزار كان لساحر وكان يأذي الناس كتير .. ولما مات دفنوه هون ...بعيد عن مقبرة الضيعة وهي المنطقة كانت مهجورة .. بس مع الايام اجت الناس وسكنت هون وفكرو القبر لشي وليّ وصارو يجو ويدعو عندو وقال داعويهن تتحقق.. وهيك صار مزار
يعرب:هههه والله شي بيضحك .. امشي امشي... الله يهدينا
الشوفير :آمين.
النهاية
بقلمي الخيالي:مريم اليوسف /
تمت
do.php
 

إحصائيات المنتدى

المواضيع
135,505
المشاركات
453,836
الأعضاء
35,982
آخر عضو مسجل
rafea
أعلى