كيف تقلل من إستخدامك لي مواقع التواصل الإجتماعي
اول شي لازم تفهموا انه احنا مخنا وعقلنا فيو حاجة تطورية وهي موضوع الpower saving او الحفاظ على الطاقة او الكسل مرات.
جسمنا دايماً بيكون عنده تفضيل للركلسة والراحة وعشان كدا دايماً احنا بنكون كسلانين وبنفضل الحاجات المريحة على المتعبة بدون تفكيير. وبنحتاج تحنيس عشان نعمل شي مجهد.
انا الليلة حاخليكم تستخدموا الميزة دي في انكم تساعدوا نفسكم تقللوا من مواقع التواصل الإجتماعي بصورة كبيرة جداً ومن أي عادة سيئة ماسكة بيكم زمن.
أول شي امشوا الملاحظات أكتبوا أي شي عشوائي يجي معاكم كدا زي ٢٥ حرف/ رقم. وبعدين اكتبوهم في ورقة وأمسحوا النوت او الملاحظة الكتبتوها في التلفون.
بعدين أمشوا غيروا كلمة السر في التطبيقات البتمسك بيكم زمن أكتر شي للكملة الجديدة المستحيل تتحفظ دي
وبعد ما تعملوا تسجيل دخول بالكلمة الجديدة، في تلفونات كتيرة بتعرض عليك انها تحفظ ليك كلمة السر عشان ما كل مرة تدخلها.
اوعكم تحفظوها !!
بعد كدا الورقة الفيها كلمة السر شيلوها وختوها في راس الدولاب. وتاني في بداية اليوم بعد ما تخشوا تويتر وتشوفو الحاصل شنو، وتردوا على المسجات والاشعارات، اعملوا تسجيل خروج من التطبيق!
وتاني كل ما يدك توجعكم وادمانكم يقول ليكم خشوا تويتر، حتخشوا تلقوا انه مفترض تدخلوا كلمة السر.
وكلمة السر وييين؟ في البيت؟ او في راس الدولاب، هل في اللحظة الضيقة عندكم شي مهم شديد في تويتر يستاهل انه جسمنا يطلع من وضعية حفظ الطاقة ويجيب كلمة السر. لو عندكم شي مهم أمشوا جيبو كلمة السر وخشوا.
لكن ٩٠٪ من الوقت احنا بنفتح مواقع التواصل كنوع من الملل والإدمان، وديل ما سببين كافيين لي انه جسمنا يتعب ويجيب كلمة السر.
حرفياً حتسغربوا من كمية المقاومة البسيطة المطلوبة عشان تبطلوا كل العادات السيئة.
لو فصلت التلفزيون والرسيفر من الكهرباء بعد الاستخدام، حتلقى انه مرات كتيرة ما عندك حيل تركبهم فحتكسر حنك. او تفك بطاريات الريموت مثلاً وتدسها.
لو بتاكل أكل ما صحي، خلوهو في التلاجة في الرف التحت وورااااا بحيث انه عشان تطلعوهو كل مرة محتاجين تنزلوا وتقعدوا القرفصاء وتطلعوا كم حاجة عشان تاكلوهو وحتلقو انه ٨٠٪ من الأحيان حتكسروا حنك.
احنا بطبعنا عندنا ميول للكسل ودا دايماً بيسبب لينا مشاكل، دي اول مرة كسلنا دي ينفعنا في حاجة فحاولو استفيدوا منها
ملاحظة بسيطة: لو فهمتو النظرية دي حتعرفه انه لو عكستوا المعادلة دي حتنجزوا اكتر، قللوا المقاومة من الحاجات العايزين تعملوها اكتر.
عايزين تشربوا موية كتير، ختوا علب موية في الاوضة جنب السرير، تحت السرير، جنب الكرسي في الدولاب، اي حتة.
بحيث انه كل ما تعطش ما تكسل تمشي المطبخ وتشرب.
لو عايز تتريض برضو الصباح، جهز هدومك من بليل وخليها جنبك او حتى البسها ونوم بيها بحيث انه اول ما تصحى تكون جاهز.
لو عايز تعمل فطور صحي، جهز المقادير والصحن والملعقة والحلة وختها في البتوجاز من بليل واول ما تصحى ما حيكون عليك غير انك تشغل البوتوجاز بس.
عقلنا دا عدم فهمنا ليهو هو المسؤول عن كل تصرفاتنا الما عاجبانا. لو فهمنا طريقته وهكرناهو حنقدر نحقق اهدافنا بي بساطة شديدة.
اي شي مكتوب في الثريد دا جربتوا انا شخصيا لي اكتر من سنة وما حصل خذلني فبنصحكم حتى لو ما مقتنعين يكون عندكم الفضول الكافي البخليكم تجربوا.
اول شي لازم تفهموا انه احنا مخنا وعقلنا فيو حاجة تطورية وهي موضوع الpower saving او الحفاظ على الطاقة او الكسل مرات.
جسمنا دايماً بيكون عنده تفضيل للركلسة والراحة وعشان كدا دايماً احنا بنكون كسلانين وبنفضل الحاجات المريحة على المتعبة بدون تفكيير. وبنحتاج تحنيس عشان نعمل شي مجهد.
انا الليلة حاخليكم تستخدموا الميزة دي في انكم تساعدوا نفسكم تقللوا من مواقع التواصل الإجتماعي بصورة كبيرة جداً ومن أي عادة سيئة ماسكة بيكم زمن.
أول شي امشوا الملاحظات أكتبوا أي شي عشوائي يجي معاكم كدا زي ٢٥ حرف/ رقم. وبعدين اكتبوهم في ورقة وأمسحوا النوت او الملاحظة الكتبتوها في التلفون.
بعدين أمشوا غيروا كلمة السر في التطبيقات البتمسك بيكم زمن أكتر شي للكملة الجديدة المستحيل تتحفظ دي
وبعد ما تعملوا تسجيل دخول بالكلمة الجديدة، في تلفونات كتيرة بتعرض عليك انها تحفظ ليك كلمة السر عشان ما كل مرة تدخلها.
اوعكم تحفظوها !!
بعد كدا الورقة الفيها كلمة السر شيلوها وختوها في راس الدولاب. وتاني في بداية اليوم بعد ما تخشوا تويتر وتشوفو الحاصل شنو، وتردوا على المسجات والاشعارات، اعملوا تسجيل خروج من التطبيق!
وتاني كل ما يدك توجعكم وادمانكم يقول ليكم خشوا تويتر، حتخشوا تلقوا انه مفترض تدخلوا كلمة السر.
وكلمة السر وييين؟ في البيت؟ او في راس الدولاب، هل في اللحظة الضيقة عندكم شي مهم شديد في تويتر يستاهل انه جسمنا يطلع من وضعية حفظ الطاقة ويجيب كلمة السر. لو عندكم شي مهم أمشوا جيبو كلمة السر وخشوا.
لكن ٩٠٪ من الوقت احنا بنفتح مواقع التواصل كنوع من الملل والإدمان، وديل ما سببين كافيين لي انه جسمنا يتعب ويجيب كلمة السر.
حرفياً حتسغربوا من كمية المقاومة البسيطة المطلوبة عشان تبطلوا كل العادات السيئة.
لو فصلت التلفزيون والرسيفر من الكهرباء بعد الاستخدام، حتلقى انه مرات كتيرة ما عندك حيل تركبهم فحتكسر حنك. او تفك بطاريات الريموت مثلاً وتدسها.
لو بتاكل أكل ما صحي، خلوهو في التلاجة في الرف التحت وورااااا بحيث انه عشان تطلعوهو كل مرة محتاجين تنزلوا وتقعدوا القرفصاء وتطلعوا كم حاجة عشان تاكلوهو وحتلقو انه ٨٠٪ من الأحيان حتكسروا حنك.
احنا بطبعنا عندنا ميول للكسل ودا دايماً بيسبب لينا مشاكل، دي اول مرة كسلنا دي ينفعنا في حاجة فحاولو استفيدوا منها
ملاحظة بسيطة: لو فهمتو النظرية دي حتعرفه انه لو عكستوا المعادلة دي حتنجزوا اكتر، قللوا المقاومة من الحاجات العايزين تعملوها اكتر.
عايزين تشربوا موية كتير، ختوا علب موية في الاوضة جنب السرير، تحت السرير، جنب الكرسي في الدولاب، اي حتة.
بحيث انه كل ما تعطش ما تكسل تمشي المطبخ وتشرب.
لو عايز تتريض برضو الصباح، جهز هدومك من بليل وخليها جنبك او حتى البسها ونوم بيها بحيث انه اول ما تصحى تكون جاهز.
لو عايز تعمل فطور صحي، جهز المقادير والصحن والملعقة والحلة وختها في البتوجاز من بليل واول ما تصحى ما حيكون عليك غير انك تشغل البوتوجاز بس.
عقلنا دا عدم فهمنا ليهو هو المسؤول عن كل تصرفاتنا الما عاجبانا. لو فهمنا طريقته وهكرناهو حنقدر نحقق اهدافنا بي بساطة شديدة.
اي شي مكتوب في الثريد دا جربتوا انا شخصيا لي اكتر من سنة وما حصل خذلني فبنصحكم حتى لو ما مقتنعين يكون عندكم الفضول الكافي البخليكم تجربوا.
