قصتي بتتكون من جزئين كل جزء في وجع مختلف اختلاف شديد عن التاني عشت حياتين مختلفتين تماماً الاولى مابتشبه التانية وكأني عشت حلمين مختلفين او انولدت مرتين مختلفتين وبأماكن مختلفة يعني انتو هلق رح تقرأو بقصتي قصتين والقصتين مختلفتين تماماً
اول قصة بلشت من هاد البيت
العلم يبني بيوتا ﻻعماد لها* والجهل يهدم بيت العز والشرف
ربوني عليه اهلي وكبروني عليه اهلي
حفظتني أمي هالبيت بالصيفية لما جابتلي منهاج العربي وصارت تحفظني القصائد ﻻنو ذاكرتي اﻷدبية ضعيفة شوي وبطيئة بالحفظ هاد ﻻنو ميولي كلها علمي وكل شي بيتعتمد ع الفهم والذكاء والحل السريع كنت انا الاولى فيه
بتذكر امي حطتني قداما وتعيد هالبيت وعيد وراها لحفظتو
كنت صف رابع يعني يادوب عمري 10 سنين وصلت للسادس الابتدائي بعمر ال12 سنة
وصارت الفكرة السائدة عنا بالبيت (الزواج سترة للبنت)
من لما صرت بهالعمر وبلشت اكبر ك أنثى بجسمي وملامحي ،وحتى تفكيري كان متل اي بنت حب المسكرة والروج وتاخدني تسريحات الشعر المرفوعة بلشت اسمع جملة وحدة بس من العالم وانا ماشية مع اهلي
-هي بنت أم خالد؟؟ ماشالله صبية الله يسترلك عليها
×يوه! مو عرفانين عندك صبية الله يبعت نصيبها
*ان شالله بيجيها ابن الحلال يلي يغلبا بالمال وتغلبو بالعيال
+ماشالله عمرها 12؟ اي البركة بعزها الله يفرحك فيهت يارب وتحملي وﻻدها
هاد يلي كان حوليي
عم طول عليكن يمكن بس معلش تحملوني شوي عم لخصلكن معاناة كبيييييرة كتير كل وحدة فيكن عمرها صغير وعم تمر بهيك مرحلة لو سمحت القصة الك اوﻻ ركزي بين سطورها منيح وعيدي كل مشهد مرتين وتلاتة
#الفقد
...............................
ابو خالد:شو عم تحكي؟
ام خالد:جايها عريس جايها شب وشب والله اي بسم الله حولو شو هالجمال والكمال والفهم وماديتو مرتاحة وبدهن ياها صغيرة وبمواصفات بنتك بقى اتكل ع الله
ابو خالد:بسس والله حاسسها صغيرة بتطلع ع الاوﻻد بالحارة وروحها بتفرك لتلعب معهن
ام خالد: يوه! تلعب بالاربعة وراسها الخامس عمرها 12 طبقتهن وح تفوت بال13قال تلعب معهن قال لك يازلمة مو دايمين الها نحن مو دايمين اما عند زوجها عز ودﻻل وبيت لحال شو لسى بدها اكتر من هيك والله العالم اكلت راسي ايمت ح تتزوج وايمت بكرى بتكبر شوي ماعاد حدى بدق هالباب هيك العالم صايرين عم ياخدوا الصغيرة شو بدنا نضحك ع بعض
ابو خالد:خلص بنزل بسأل عليه ومنشوف اذا ابن حلال منتكل ع الله
............................
ماحدى أخد رأيي بالرغم إني مدللة أبي وبالرغم انو البنت ببيتنا مابيردلها طلب بس كان في تناقض مابقدر أوصفو بهالبيت ومنها انو البنت مابيتاخد رأيها وقت الزواج وللاسف الشديد كمان اهلي من يلي بيحرمو البنت من الميراث كرمال ماتروح للغريب (الغريب هاد نفسه يلي رح يعطو بنتهن ويأمنو ع عرضهن وع اسمهن ويفوتو ع بيتهن واصلا غصمن عن بنتهن ومع ذلك نحن مننحرم من الميراث)
بس ماكنا ننحرم من شي بالبيت اواعي من احسنها اكل من احسنو
في تناقض مو طبيعي بعقول أهالينا ماعم بقدر أفهمو
..........................
كنت عم ابكي كتيييير ﻻنو صرت بالسابع وبدي البس البدلة الفاتحة ﻻني كبرت واتسجل بمدرسة الكبار يلي رح يكونو فيها معي بنات الحادي عشر والبكلوريا كمان كنت بدي فاجئ البنات الجداد بمدرستي الجديدة اني انا البنت يلي بحفظ القصيدة وانا بالصف وهنن مارح يعرفو اني بحفظ بالصيفية وهيك بفكروني عبقرية بالعلمي والادبي
بس بدل مااشتري بدلة المدرسة نزلت ﻻشتري بدلة العرس البيضة وانا عم غص غصات بتقهر قهر ومابدي اتزوج ياعاالم مااابدي ليش ماعم تفهموني ليش
ليش ماحدى عم يسمع ليش بدي انجبر ع شي انا مابدي ياه؟!
بعد معاناة كبيرة اتزوجت بنت ال13 سنة
عرسي كان عرس اوﻻد تقريبا ﻻنو كل رفقاتي عزمتهن وصرت ابكي اذا امي نقصتلي رفيقة كمان قالب الكيك طلبت يكون زهري وعليه باربيات كتير
ومن هالشغلتين فيكون تفهمو بقية تفاصيل العرس
وبليلة الدخلة فتت انا وسامر ع البيت
سامر:ليش عم تبكي هلق؟
جوري:بس أنا قلتلك بدي دبدوبي الابيض الكبير كتير هون بغرفتي وينو
سامر:حبيبتي حطيتو بغرفة وﻻدنا بالمستقبل ان شالله هلق مارح تكوني فاضيتيلو مو (قرب منها)
جوري:ﻷ بدي ياه بدي نام معو
سامر:هههه بدك شو؟
جوري:بدي نام معو
سامر:هههههه ماحكتلك أمك شي عن اليوم؟!
خبرتو اتو امي ماحكتلي شي وانو قالتلي بس اعمل يلي هو بقلي عليه وهو تفهم الموضوع لمدة ساعة ونص فقط وبعدين نفذ صبرو وعمل يلي بدو ياه
كان يوم قاسي وبشع وبارد
وماكانت ليلة العمر متل مابقولو عنها وماكانت ليلة الفرحة وﻻ حتى كانت احلى ليلة بعمري ومارح تتكرر ماكانت الا ليلة قاسية ماشفت فيها شي حلو وانا بحبو ماشفت فيها شي
بعد اسبوعين فتحت المدارس وانا قاعدة ع البرندى وعم اطلع ع البنات وهنن عم يروحو ع مدرستهن وفرحانين كتير
*يالله بدي ارجع عيش سنة تانية مع انسة الرياضيات لك مابطيقها مابطيقها تروح تدرس اوﻻدها طيب
+ههههه اخر سنة وح تخلصي منها يلااا
-لككك ياربي مو مصدقة رجعت المدرسة اووف اشتقتلكون كتير وشتقت للمقعد والله
*اي اي ولحصة الفنون يلي بضلي ترسمي فيها بحر وسمك ودلفين
وصاروا يضحكو البنات
سامر:جوووري
جوري:أي أي ليكني
سامر:وين القهوة؟
جوري:ثواني بس
سامر:يعني صرلي تاركك ساعة مشان ارجع ﻻقيكي ع البرندى شو تشوفي وليه؟
جوري:ليش عم تقلي وليه
سامر:و60 وليه كمان ليكون مو عاجبك؟!
جوري:بس ماعملت شي انا كنت عم شوف بنات المدرسة كيف رايحين ع مدرستهن واتذكر
قرب سامر مني ومسك شعري ﻻول مرة بعد اسبوعين وشدو وجعني
سامر:وقت لبقلك عملي هالغرض اذا الباب بكون وعم يندق وامك او امي ع الباب مابتفتحي بتعملي وبتخلصي بعدين بتفتحي وسمعانة اذا امي او امك ع الباب لتخلصي بتنئبري بتفتحي يعني لتغلي القهوة واشربها انا بتنئبري بتوقفي ع الاطلال تبعك فهمانة؟؟!
وشلفني شلف كاني كاسة او كيس بطاطا حتى اجيت سطيح ع الارض وصرت ابكي رجع صرخ وقمت دغري عملتلو القهوة ليشربها ويروح ع شغلو بس ماخلصت القصة هون حطيت فنجان واحد وجبتلو ياه
سامر:وين فنجانك؟
جوري:مابدي أشرب
سامر:بس انت بتحبي تشربي القهوة الصبح وين فنحانك
جوري:قلتلك مو جاية ع بالي
سامر:الدرس التاني اذا بكسرك تكسير من الضرب وبتنئبري بتغيري معاملتك معي بس 1% ح تشوفي شي اصعب من الضرب (وقف ولطشني كف) فهمانة
جوري:ااااه لك شبك شبك شو صايرلك ليش عم تضربني(قعدت وصرت ابكي) طب انا ماعم اعملك شي ليش عم تعمل فيني هيك
كل مرة ببرر همجيتو بشكل مختلف ومتخلف (مالك مرباية، ماعم تفهمي،هيك طبعي انا زلمة حمئ ودمي فاير، اخدتك صغيرة لربيكي ع إيدي)
بس هيك طلع انسان همجي متخلف ايدو والكف ولصغر سني كنت خاف منو موت رعبة وخاف ينقطع قلبي اذا بدي ضب شنتايتي وفكر أحرد لبيت اهلي ﻻنو مرة هيك بدي اعمل مانمت من وجعي كسر عضامي وقلي اذا بتطلعي من هالبيت مالك رجعة إلو ابدا لهيك كنت خاف حتى افتح تمي ﻻمي بحرف
ولهالسبب بقول لكل بنت منكن عم تقرأ وهي بهالعمر هاد وعم تفكر تتزوج ومتاخدة بزغارف العرس والبدلة
انت وصغيرة ح تخافي اضبي اواعيكي وتروحي ح تخافي تقولي ﻷ وح تخافي تطلعي بوشو بس انت وكبيرة مارح تخافي ابدا زواجك انت وكبيرة بفهمك انو الزواج مؤسسة كبيرة بتشاركي فيها يلي بيشبهك بالتفكير ويلي عندو نفس مبادأك ويلي بحب طريقك يلي عم تمشي عليه حتى لو هو كان عم يمشي ع غير طريق انت وكبيرة رح تعرفي انو الزواج انسان متفهم يقدرك ويقدر تعليمك وكيانك يحترم العلم حتى لو مو متعلم
بس لما تتزوجي وانت صغيرة ح يكون مفهومك للزواج مختلف طبخة اذا احترقت ح تبكي وبيت احمى مبجلين ومقدسين كلمتهن رح تمشي بيتك حتى لو كنتي منفصلة عنهن بالسكن
فهمي الله يوفقك فهمي وﻻ تمشي بطريق رجعتو تمنها غالي لو سمحتي فهمي وكبري عقلك لمرة وحدة وﻻتشوفي هالحياة بس من فستان العرس شوفيها من عيون امك كمان ومن عيشة عمتك مع زوجها وجارتكون ورفيئتك يلي جربت قبلك كمان
........................
فترة ال6 شهور الاوﻻنيات كانت صعبة
ﻻزم عود حالي على طبعو طالما هو مارح يتفهمني وﻻ رح يحترم تفكيري او يحترم اختياراتي لهيك رح بلش امسح كلمة أنا من حياتي لحط بدالها هو والبيت
ﻻنو البنت ضلع قاصر مالها الا بيت زوجها بالنهاية وهاد يلي كنت ضل اسمعو
ماكان بكفي الازمة يلي عم تعيشها بلادي الحرب يلي عم تاخد منا كل شي منحبو وماعم تتركلنا شي عدد الناس يلي كل يوم عم نودعهن
ماكان بكفي الوضع بالبلد لتكفي الحياة عليي بإهدائي سامر بيك
حبلت وكانت الدنيا مو وسعانتني من الفرحة بس للاسف بعد اسبوع واحد اجهضت
سامر:والله يا أمي قلنا الدكتور الاجهاض ﻻنو عمرها صغير ضهرها مابيحمل ماخرج تتحمل قال لل18 لتصير جاهزة وتقدر تتحمل الولد
أم سامر:كوهنة نسوان وعلاك دكاترة الله يرحم أيامنا كان عمري 14 وقت جبتك انت واخواتك وسنة حبل سنة رضاعة الوحدة منا كانت حبيلة وليدة اي بزمتي بزمتي كان بطني لحلقي بإختك سماهر وقت كنت ع السلم واقفة عم عزل السئف وبلش مع الطلق وانا ع السلم بنت خالتي كمان خالتك ام زهرو عرفتها؟
سامر:عرفتا امي عرفتا
ام سافر: الله يرحمها كانت عايشة بالضيعة قد مرتك 13 سنة ولدت ع الشجرة وهي عم تقطف كرز ، بنات هاليومين إذا دريو حالهن انهن حوامل بيصلوا ع القاعد دغري
سامر: ياامي الدكتور يلي حكى هالحكي يعني مو معقول هي تمثل كمان بهالقصة الولد نزل ومشي الحال
ام سامر:بتمثل ونص بعدين مرتك قوية وبتخلالها بلاد ﻻتشوفها هيك ليكا أمس وقت بعتلا اللحمة دقيتلا وقلتلا تعمل فيهن بامية عملت فيهن فاصولية حب مرتك عنيدة
سامر:والعمل
ام سامر:بدها تكسير راس وغصمن عنهت ح تجبلك الولد تمثيل واكل هوا ماعنا نحن اتزوجنا بعمرها وعين الله علينا
#يتبع
![الفقد قصة حقيقية رائعة ومشوّقة]( "الفقد قصة حقيقية رائعة ومشوّقة")
اول قصة بلشت من هاد البيت
العلم يبني بيوتا ﻻعماد لها* والجهل يهدم بيت العز والشرف
ربوني عليه اهلي وكبروني عليه اهلي
حفظتني أمي هالبيت بالصيفية لما جابتلي منهاج العربي وصارت تحفظني القصائد ﻻنو ذاكرتي اﻷدبية ضعيفة شوي وبطيئة بالحفظ هاد ﻻنو ميولي كلها علمي وكل شي بيتعتمد ع الفهم والذكاء والحل السريع كنت انا الاولى فيه
بتذكر امي حطتني قداما وتعيد هالبيت وعيد وراها لحفظتو
كنت صف رابع يعني يادوب عمري 10 سنين وصلت للسادس الابتدائي بعمر ال12 سنة
وصارت الفكرة السائدة عنا بالبيت (الزواج سترة للبنت)
من لما صرت بهالعمر وبلشت اكبر ك أنثى بجسمي وملامحي ،وحتى تفكيري كان متل اي بنت حب المسكرة والروج وتاخدني تسريحات الشعر المرفوعة بلشت اسمع جملة وحدة بس من العالم وانا ماشية مع اهلي
-هي بنت أم خالد؟؟ ماشالله صبية الله يسترلك عليها
×يوه! مو عرفانين عندك صبية الله يبعت نصيبها
*ان شالله بيجيها ابن الحلال يلي يغلبا بالمال وتغلبو بالعيال
+ماشالله عمرها 12؟ اي البركة بعزها الله يفرحك فيهت يارب وتحملي وﻻدها
هاد يلي كان حوليي
عم طول عليكن يمكن بس معلش تحملوني شوي عم لخصلكن معاناة كبيييييرة كتير كل وحدة فيكن عمرها صغير وعم تمر بهيك مرحلة لو سمحت القصة الك اوﻻ ركزي بين سطورها منيح وعيدي كل مشهد مرتين وتلاتة
#الفقد
...............................
ابو خالد:شو عم تحكي؟
ام خالد:جايها عريس جايها شب وشب والله اي بسم الله حولو شو هالجمال والكمال والفهم وماديتو مرتاحة وبدهن ياها صغيرة وبمواصفات بنتك بقى اتكل ع الله
ابو خالد:بسس والله حاسسها صغيرة بتطلع ع الاوﻻد بالحارة وروحها بتفرك لتلعب معهن
ام خالد: يوه! تلعب بالاربعة وراسها الخامس عمرها 12 طبقتهن وح تفوت بال13قال تلعب معهن قال لك يازلمة مو دايمين الها نحن مو دايمين اما عند زوجها عز ودﻻل وبيت لحال شو لسى بدها اكتر من هيك والله العالم اكلت راسي ايمت ح تتزوج وايمت بكرى بتكبر شوي ماعاد حدى بدق هالباب هيك العالم صايرين عم ياخدوا الصغيرة شو بدنا نضحك ع بعض
ابو خالد:خلص بنزل بسأل عليه ومنشوف اذا ابن حلال منتكل ع الله
............................
ماحدى أخد رأيي بالرغم إني مدللة أبي وبالرغم انو البنت ببيتنا مابيردلها طلب بس كان في تناقض مابقدر أوصفو بهالبيت ومنها انو البنت مابيتاخد رأيها وقت الزواج وللاسف الشديد كمان اهلي من يلي بيحرمو البنت من الميراث كرمال ماتروح للغريب (الغريب هاد نفسه يلي رح يعطو بنتهن ويأمنو ع عرضهن وع اسمهن ويفوتو ع بيتهن واصلا غصمن عن بنتهن ومع ذلك نحن مننحرم من الميراث)
بس ماكنا ننحرم من شي بالبيت اواعي من احسنها اكل من احسنو
في تناقض مو طبيعي بعقول أهالينا ماعم بقدر أفهمو
..........................
كنت عم ابكي كتيييير ﻻنو صرت بالسابع وبدي البس البدلة الفاتحة ﻻني كبرت واتسجل بمدرسة الكبار يلي رح يكونو فيها معي بنات الحادي عشر والبكلوريا كمان كنت بدي فاجئ البنات الجداد بمدرستي الجديدة اني انا البنت يلي بحفظ القصيدة وانا بالصف وهنن مارح يعرفو اني بحفظ بالصيفية وهيك بفكروني عبقرية بالعلمي والادبي
بس بدل مااشتري بدلة المدرسة نزلت ﻻشتري بدلة العرس البيضة وانا عم غص غصات بتقهر قهر ومابدي اتزوج ياعاالم مااابدي ليش ماعم تفهموني ليش
ليش ماحدى عم يسمع ليش بدي انجبر ع شي انا مابدي ياه؟!
بعد معاناة كبيرة اتزوجت بنت ال13 سنة
عرسي كان عرس اوﻻد تقريبا ﻻنو كل رفقاتي عزمتهن وصرت ابكي اذا امي نقصتلي رفيقة كمان قالب الكيك طلبت يكون زهري وعليه باربيات كتير
ومن هالشغلتين فيكون تفهمو بقية تفاصيل العرس
وبليلة الدخلة فتت انا وسامر ع البيت
سامر:ليش عم تبكي هلق؟
جوري:بس أنا قلتلك بدي دبدوبي الابيض الكبير كتير هون بغرفتي وينو
سامر:حبيبتي حطيتو بغرفة وﻻدنا بالمستقبل ان شالله هلق مارح تكوني فاضيتيلو مو (قرب منها)
جوري:ﻷ بدي ياه بدي نام معو
سامر:هههه بدك شو؟
جوري:بدي نام معو
سامر:هههههه ماحكتلك أمك شي عن اليوم؟!
خبرتو اتو امي ماحكتلي شي وانو قالتلي بس اعمل يلي هو بقلي عليه وهو تفهم الموضوع لمدة ساعة ونص فقط وبعدين نفذ صبرو وعمل يلي بدو ياه
كان يوم قاسي وبشع وبارد
وماكانت ليلة العمر متل مابقولو عنها وماكانت ليلة الفرحة وﻻ حتى كانت احلى ليلة بعمري ومارح تتكرر ماكانت الا ليلة قاسية ماشفت فيها شي حلو وانا بحبو ماشفت فيها شي
بعد اسبوعين فتحت المدارس وانا قاعدة ع البرندى وعم اطلع ع البنات وهنن عم يروحو ع مدرستهن وفرحانين كتير
*يالله بدي ارجع عيش سنة تانية مع انسة الرياضيات لك مابطيقها مابطيقها تروح تدرس اوﻻدها طيب
+ههههه اخر سنة وح تخلصي منها يلااا
-لككك ياربي مو مصدقة رجعت المدرسة اووف اشتقتلكون كتير وشتقت للمقعد والله
*اي اي ولحصة الفنون يلي بضلي ترسمي فيها بحر وسمك ودلفين
وصاروا يضحكو البنات
سامر:جوووري
جوري:أي أي ليكني
سامر:وين القهوة؟
جوري:ثواني بس
سامر:يعني صرلي تاركك ساعة مشان ارجع ﻻقيكي ع البرندى شو تشوفي وليه؟
جوري:ليش عم تقلي وليه
سامر:و60 وليه كمان ليكون مو عاجبك؟!
جوري:بس ماعملت شي انا كنت عم شوف بنات المدرسة كيف رايحين ع مدرستهن واتذكر
قرب سامر مني ومسك شعري ﻻول مرة بعد اسبوعين وشدو وجعني
سامر:وقت لبقلك عملي هالغرض اذا الباب بكون وعم يندق وامك او امي ع الباب مابتفتحي بتعملي وبتخلصي بعدين بتفتحي وسمعانة اذا امي او امك ع الباب لتخلصي بتنئبري بتفتحي يعني لتغلي القهوة واشربها انا بتنئبري بتوقفي ع الاطلال تبعك فهمانة؟؟!
وشلفني شلف كاني كاسة او كيس بطاطا حتى اجيت سطيح ع الارض وصرت ابكي رجع صرخ وقمت دغري عملتلو القهوة ليشربها ويروح ع شغلو بس ماخلصت القصة هون حطيت فنجان واحد وجبتلو ياه
سامر:وين فنجانك؟
جوري:مابدي أشرب
سامر:بس انت بتحبي تشربي القهوة الصبح وين فنحانك
جوري:قلتلك مو جاية ع بالي
سامر:الدرس التاني اذا بكسرك تكسير من الضرب وبتنئبري بتغيري معاملتك معي بس 1% ح تشوفي شي اصعب من الضرب (وقف ولطشني كف) فهمانة
جوري:ااااه لك شبك شبك شو صايرلك ليش عم تضربني(قعدت وصرت ابكي) طب انا ماعم اعملك شي ليش عم تعمل فيني هيك
كل مرة ببرر همجيتو بشكل مختلف ومتخلف (مالك مرباية، ماعم تفهمي،هيك طبعي انا زلمة حمئ ودمي فاير، اخدتك صغيرة لربيكي ع إيدي)
بس هيك طلع انسان همجي متخلف ايدو والكف ولصغر سني كنت خاف منو موت رعبة وخاف ينقطع قلبي اذا بدي ضب شنتايتي وفكر أحرد لبيت اهلي ﻻنو مرة هيك بدي اعمل مانمت من وجعي كسر عضامي وقلي اذا بتطلعي من هالبيت مالك رجعة إلو ابدا لهيك كنت خاف حتى افتح تمي ﻻمي بحرف
ولهالسبب بقول لكل بنت منكن عم تقرأ وهي بهالعمر هاد وعم تفكر تتزوج ومتاخدة بزغارف العرس والبدلة
انت وصغيرة ح تخافي اضبي اواعيكي وتروحي ح تخافي تقولي ﻷ وح تخافي تطلعي بوشو بس انت وكبيرة مارح تخافي ابدا زواجك انت وكبيرة بفهمك انو الزواج مؤسسة كبيرة بتشاركي فيها يلي بيشبهك بالتفكير ويلي عندو نفس مبادأك ويلي بحب طريقك يلي عم تمشي عليه حتى لو هو كان عم يمشي ع غير طريق انت وكبيرة رح تعرفي انو الزواج انسان متفهم يقدرك ويقدر تعليمك وكيانك يحترم العلم حتى لو مو متعلم
بس لما تتزوجي وانت صغيرة ح يكون مفهومك للزواج مختلف طبخة اذا احترقت ح تبكي وبيت احمى مبجلين ومقدسين كلمتهن رح تمشي بيتك حتى لو كنتي منفصلة عنهن بالسكن
فهمي الله يوفقك فهمي وﻻ تمشي بطريق رجعتو تمنها غالي لو سمحتي فهمي وكبري عقلك لمرة وحدة وﻻتشوفي هالحياة بس من فستان العرس شوفيها من عيون امك كمان ومن عيشة عمتك مع زوجها وجارتكون ورفيئتك يلي جربت قبلك كمان
........................
فترة ال6 شهور الاوﻻنيات كانت صعبة
ﻻزم عود حالي على طبعو طالما هو مارح يتفهمني وﻻ رح يحترم تفكيري او يحترم اختياراتي لهيك رح بلش امسح كلمة أنا من حياتي لحط بدالها هو والبيت
ﻻنو البنت ضلع قاصر مالها الا بيت زوجها بالنهاية وهاد يلي كنت ضل اسمعو
ماكان بكفي الازمة يلي عم تعيشها بلادي الحرب يلي عم تاخد منا كل شي منحبو وماعم تتركلنا شي عدد الناس يلي كل يوم عم نودعهن
ماكان بكفي الوضع بالبلد لتكفي الحياة عليي بإهدائي سامر بيك
حبلت وكانت الدنيا مو وسعانتني من الفرحة بس للاسف بعد اسبوع واحد اجهضت
سامر:والله يا أمي قلنا الدكتور الاجهاض ﻻنو عمرها صغير ضهرها مابيحمل ماخرج تتحمل قال لل18 لتصير جاهزة وتقدر تتحمل الولد
أم سامر:كوهنة نسوان وعلاك دكاترة الله يرحم أيامنا كان عمري 14 وقت جبتك انت واخواتك وسنة حبل سنة رضاعة الوحدة منا كانت حبيلة وليدة اي بزمتي بزمتي كان بطني لحلقي بإختك سماهر وقت كنت ع السلم واقفة عم عزل السئف وبلش مع الطلق وانا ع السلم بنت خالتي كمان خالتك ام زهرو عرفتها؟
سامر:عرفتا امي عرفتا
ام سافر: الله يرحمها كانت عايشة بالضيعة قد مرتك 13 سنة ولدت ع الشجرة وهي عم تقطف كرز ، بنات هاليومين إذا دريو حالهن انهن حوامل بيصلوا ع القاعد دغري
سامر: ياامي الدكتور يلي حكى هالحكي يعني مو معقول هي تمثل كمان بهالقصة الولد نزل ومشي الحال
ام سامر:بتمثل ونص بعدين مرتك قوية وبتخلالها بلاد ﻻتشوفها هيك ليكا أمس وقت بعتلا اللحمة دقيتلا وقلتلا تعمل فيهن بامية عملت فيهن فاصولية حب مرتك عنيدة
سامر:والعمل
ام سامر:بدها تكسير راس وغصمن عنهت ح تجبلك الولد تمثيل واكل هوا ماعنا نحن اتزوجنا بعمرها وعين الله علينا
#يتبع
غنيت مجبرة مشان اخلص من نقها)
