كلية كلية الإعلام في سوريا

[صفا النعمان]

#كلية_الإعلام
بالنسبة للمواد سلسة و سهلة في منها بدها حفظ بصم ومنها سهل

1_لغة عربية سهلة كتير من غير دراسة ممكن تنجحوا
2_لغة أجنبية قواعد من الصف التاسع والبكلوريا ونصوص وهيك
3_أصول البحث مادتين لكل فصل
4_مبادئ الإحصاء
5_ مقدمة في الصحافة
6_مقدمة في الأعلام
7مقدمة بالإذاعة مادتين كمان
8_ معلوماتية
9_ مقدمة في العلاقات الإنسانية
10_مقدمة بالعلاقات والإعلان
مواد سهلة كتيير بتتخطوها بسهولة كبيرة
و بالتانية بتبلش بالاختصاص يعني مو متل أيا كلية تانية من تالت أو رابع سنة
و هالشي حلو فيها
هي 4 سنين
أول سنة عامة
و باقي السنين اختصاص
فيها اختصاصات
الإذاعة والتلفزيون ..الاختصاص الأكبر و الأحلى

العلاقات العامة

الإعلان و الصحافة والنشر

الإعلام الإلكتروني

بس في شي واحد مو حلو إنو ما بتختصوا على كيفكن
يعني اجت فترة على حسب المقابلة وشهادة البكلوريا ومرة ع حسب امتحان كتابي
بس الأغلبية بتحقق حلمها و بتختص متل ما بدها
#فرص_العمل
أكيد معروفة فرص العمل باليوم بتطلع ألف نشرة أخبار و ألف برنامج و ألف صحيفة و مجلة و في آلاف المراسلين وكتييير يعني بيطلبوا أعداد ضخمة للتوظيف وخاصة إذا افتتحت شي قناة

وفيكن تسجلوا إعلام على المفتوح بس شرط العربي يكون فوق 60 ٪
و الإنكليزي فوق 50 ٪
الأدبي هديك السنة سنة طلبوا مجموع شي 193 و الموازي 188
والعلمي شي 209 و موازي 200