(الفصل الاول)
احيانا بنعمل الغلط ونحنا عارفين بانو غلط.. بس الظروف الصعبة يلي بنكون فيها بتجبرنا بانو ما نوقف عن هالغلط.. او يمكن هالظروف هي الشماعة يلي بنعلق عليها اخطاءنا..
انا ياسمين.. بنوتة حلوة وناعمة.. من وانا صغيرة ابي توفى بحادث سير وامي من بعد وفاتو تزوجت وتركتني وما عاد شفتا غير مرتين.. ربيت ببيت ستي مع خوالي وخالاتي.. كنت لسا بالمدرسة وعمري 14سنة وقت تقدملي ابن اخوها لستي...
ستي: ياسمين ..ابن اخي احمد تقدملك وبدو ياكي
ياسمين: بس انا صغيرة تيتا.. بدي كفي دراستي ما بدي اتزوج
ستي: لك وشو نفعا الدراسة.. اخرتك لبيتك وزوجك وما رح تلقي احسن من ابن اخي رجال يصونك ويحميكي
ياسمين: لا تيتا ما بدي مستحيل وافق
ستي: اي مو بكيفك.. من بكرة ما عاد في مدرسة.. هالفصعونة صرلا لسان والله
ومن تاني نهار ما عاد رحت للمدرسة.. حاولت كتير بانو كفي دراستي وبقيت يومين بلا اكل لحتى يحن قلبا لستي بس ما نفع وبعدا باسبوع تمت خطبتي من يسر ابن احمد اخوها لستي..
يسر كان شب بالشكل حلو ..بس اخلاقو سيئة كتير ولا بيعرف صلاة ولا صوم وكل يوم صحبة مع بنت شكل..
تمت خطبتي وبلشت تعاستي.. كل يوم كان يمر كنت اكتشف سيئة جديدة من سيئاتو ليسر.. وستي ما كانت تسمحلي احكي عليه ايا كلمة.. وع طول بدا اياني نفذ يلي بدو اياه...
مرت الخطبة بصعوووبة وبتوتر كبير وضغط اعصاب.. ومن بعدا تمت الجازة.. الجازة يلي كتبت فيها ع حالي سجن مؤبد... طووول العمر.. ما كان ايا حد حاسس فيني.. بهداك الوقت كنت 14 سنة ويسر 24سنة.. لا ستي رحمتني ولا خوالي رحموني ولا امي سالت فيني..
كنت بنت صغيرة ماني عرفاني كيف اتصرف ولا شو اعمل...
عيلة يسر كانت عيلة غريبة كتير.. كنت حسن متل الوحوش.. اخوتو وخواتوو وامو.. كلن وحوش.. كان تاني نهار من جازتي.. والساعة 8 الصبح.. ما شفت غير باب بيتنا انفتح من غير استئذان وحماتي فاتت علينا..
ام يسر: شو ست ياسمين.. بدك تعملي فيها عروس.. قومي ساعدي بنات حماكي ع شغلن قومي
ياسمين: صباح الخير مرت عمي.. حاضر رح روح
تركتا مع يسر عم تتوتت هي وياه ورحت ع الحمام وغسلت وغيرت تيابي..ورحت لعند بنات حماي لساعدن..
ياسمين: صباح الخير
مها: اهلا مرت اخي.. صباح النور
احلام: اهلا ..تعي ساعدينا بالتنضيف
ياسمين: اي يالله جايي
من اول جازتي ما خلوني اتهنا ..كانو يشغلوني كل شغل البيت ويهلكوني لحتى ما ييجي اخر الليل الا وانا هلكانة وما احسن اسهر مع جوزي
ياسمين: يسر.. والله هلكت حكي مع امك تخفف عني ما عاد فيني
يسر: شو تفضلتي ست ياسمين.. بدك تخفف عنك.. اي بيلبقلك ست ياسمين.. قعدي انتي وريحي حالك وامي واخواتي بيخدموكي.. مو هيك بدك
ياسمين: لك انا ما قلت هيك.. بس والله هلكت طول النهار ع تعزيل وشغل انكسر ضهري
يسر: سمعي ولي والله بدبحك وبخلص منك.. فهمانة
كانت حياتي مع يسر من سيئ لاسوا.. بلشت بالحكي ووصلت للضرب ..كان ع اتفه الاسباب يضربني وما كان يهمو ازا حد موجود او لا.. كان يضربني قدام اهلو وما تفرق معو...
ام يسر: اي ضربا يامو ضربا... بلكي تربت ..لك والله والله لجوزك بس صبور علي
ياسمين: (بتبكي).. لك حرام عليكي.. والله حرام انا ما غلطت فيكي ولا ازنبت بحقك حرااام
ام يسر: اي يحرم جلدك الهي..يبليكي بقتلك يا فصعونة.. لك والك لسان كمان..
ما كان حد فيهن راحمني حتى ستي...
ياسمين: بترجاكي يا ستي انا تعبت كتير ما عاد فيني.. لك جسمي كلو ازرق من ضربو غير الاهانات والحكي الوسخ
ستي: اي لولاكي عاملة البلاوي ما بيضربك.. لا تكوني عنيدة وسمعي كلمتو وشوفي كيف رح تتحسن معاملتو معك..
ياسمين: والله يا تيتا ما بعمل شي ما بدو ياه ولا بكسرلو كلمة وطول النهار ع شغل وتعزيل مع امو..
ستي: اي وشو علي ..هيك الكنة بتكون وكلنا هيك كنا.. بس انتو جيل مدلل زيادة
ما كان الي ايا مهرب من حياتي معن وكان لازم دور ع منفس لاتنفس شوي وما لقيت قدامي غير الفيس والتلفون.. يوما كنت اتصفح بالفيس وقت بعتلي تيم رسالة....
رسالة تيم: ممكن نتعرف
يوما كنت بدي ايا شي لاهرب من الضغط النفسي يلي انا فيه..
رسالة ياسمين: اي ممكن تفضل
رسالة تيم: انا تيم من الشام.. وانت
رسالة ياسمين: انا ياسمين من الشام كمان
رسالة تيم: اهلا وسهلا تشرفت بمعرفتك
رسالة ياسمين: شكرا كتير
رسالة تيم: انت متزوجة
رسالة ياسمين: مممممم اي متزوجة.. بس ما بحبو لزوجي
رسالة تيم: ليه ما بتحبي..
رسالة ياسمين: هو شخص كتير سيئ.. ما بيصلي ولا بيعرف ربو شكاك كتير وبيهيني ع طول وبيضربني قدام اهلو
رسالة تيم: كل هاد ولساتك معو
رسالة ياسمين: ما الي حدا ..ابي متوفي وامي متزوجة ..انا ربيت ببيت ستي وزوجي بيكون ابن اخوها وهي مستحيل تعمل شي يزعلن
رسالة تيم: والله زعلتيني كتير.. ممكن ارجع احكي معك
رسالة ياسمين: اي اكيد
رسالة تيم: تصبحي ع خير
رسالة ياسمين: وانت من اهلو شكرا لانك سمعتني
(الفصل الثاني)
هاي كانت بداية علاقتي بتيم ..يوما كانت مشاعري كتير ملخبطة.. كنت مرتاحة انو لقيت يلي يسمعني ويفهمني ويحس فيني.. وكنت حاسة بالذنب الكبير لانو عم خونو لزوجي.. بس يلي كان مريحني انو الخيانة بلشت من عندو ....
مرت الايام وعلاقتي بتيم بلشت تقوى وكنت خبرو بكل شي بيصير معي.. وعلاقتي بيسر كانت من سيئ لاسوا.. حملت بابني وما رحموني ...
ياسمين: مرت عمي انا تعبانة كتير الله يخليكي بلا ما ارفعن هلا بيصير شي لابني
ام يسر: ست ياسمين بلالك هالحركات.. ليكني حملت وخلفت وكنت اشتغل كلشي وما قول اخ ..شتغلي من تم ساكت بلا ما ناديلو ليسر ليكسر راسك
ياسمين: اي حاضر
حماتي انسانة لا تمت للانسانية بشيئ.. وربت ولادا ع القسوة.. حماي كان شخص مسالم مالو كلمة ببيتو وبين ولادو ابدا..
يسر: شو ست ياسمين.. ليه كايني تنقي ع الشغل اليوم
ياسمين: لانو تعبت لك والله حرام عليكن ما عم لحق ولا عم اتحمل.. لك ابنك هاد يلي ببطني ابنك
يسر: لك وبتعلي صوتك كمان.. تعي لهووون
يوما ضربني وكسرلي جسمي وما رحم حملي ولا رحم ضعفي ...
كل هاد يلي صار وكنت لسا عمري 15 سنة...
رسالة ياسمين: مرحبا تيم.. بترجاك حاكيني ع هاد الرقم............
رسالة تيم: اوك
ياسمين: الووو.. مرحبا كيفك
تيم: تمام الحمد لله.. يا الله صوتك كتيير حلوو
ياسمين: شكرا كتير لالك
تيم: كانك مخنوقة شوي
انفجرت بالبكي ع التلفون: لك ما عاد قدراني اتحمل
تيم: طولي بالك حبيبتي.. شو صار
خبرتو لتيم بيلي صار..........
تيم: لك اااخ منك.. لك هربي وتركي
ياسمين: لوين بدي روح ما في حد روح لعندو
تيم: هربي لايا مكان
ياسمين: لك اهلي بيدبحوني ما بقدر
قعدت بالساعات وانا احكي مع تيم لوقت ما هديت اعصابي وسكرت التلفون ونمت.. علاقتي بتيم كانت المنفس الوحيد بحياتي الكئيبة والتعيسة..
مضت اشهر الحمل وجبتو لابني.. وهون بلش ضغط نفسي من نوع تاني.. حماتي وبناتا صارو ياخدو لابني ويجاكروني فيه..
ام يسر: انت فاكرة هاد ملكك.. انت بس عليكي تحملي وتولدي.. وتلبيلو طلباتوو.. بس اووعك تفكري تبعدي عني.. هاد النا نحنا مو لالك
ظلمهم ووحشيتهم كانت تزيد يوم عن يوم.. لحتى بيوم ما عدت قادرة اتحمل.. كان يسر يضرب فيني ومن شدة الوجع والقهر يلي بقلبي هربت منو ع الاسطوح ووقفت ع السور لانتحر.. تجمعو كل البيت علي..
يسر: لك يا مجنونة نزلي نزلي
ياسمين: ما رح انزل.. انا تعبت تعبت منك ومن اهلك.. لك انا بكرهكم كلكم
ام يسر: اي فكرك حنسال فيكي.. بكرة انت بتكوني بالقبر وابني بكون عريس رح جوزو ست ستك
تركتا تحكي لحماتي وقفزت من ع السور.. كنت واصلة لمرحلة انو خلص ما عاد فيني اتحمل اكتر ..بدي مووت.. بس بدي موت وما بدي شي تاني..بس ما ممكن انسان يكتب قدرو بئيدو.. القدر بئيد رب العالمين وبس... من لما قفزت كلن ضلو واقفين بعيد الا حماي
ابو يسر: لك الله يسطفل فيكن.. شو صرلك يا بنتي شو صرلك
كنت غايبة عن الوعي.. حملني عمي واخدني ع المشفى اسعفوني وبعدا بشي ساعة فقت.. ربنا كتبلي عمري جديد ما صرلي شي غير شوية كسور بجسمي..
ومن بعد هالحادثة معاملتن معي صارت اسوأ وكل جبروتن طلعو فيني.. جوزي كانت علاقتي معو متل علاقة الجارية بسيدا بلبيلو طلباتو وبنام معو ...كانت حياة اشبه بحياة الحيوانات.. بعيدة كل البعد عن الانسانية...
.
(الفصل الثالث)
مرق رمضان ومن بعدو العيد وصار وقت عيد الاضحى.. يلي كل الناس عيدت فيه ..وانا كان عيدي بغير شكل...
يوما كنت تعبانة كتير..
يسر: نزلي لعند امي ساعديهن
ياسمين: ماني قدراني اتحرك ابداا
يسر: قومي ولي بسسسرعة تحركي
وقفت يوما لروح.. فتلت الغرفة كلا فيني ووقعت بارضي.. بس شافني هيك تركني وراح
ام يسر: وينا مرتك
يسر: ياسمين تعبانة كتير
ام يسر: لك يا اجدب وصدقتا.. تعوو امي تعوو..روحو كلكن لعندا وضربوها وعلموها كيف تكذب ع اخوكن وتضحك عليه..
هجمو يوما علي متل الوحوش وضربوني كلن.. شي بئيدو وشي بحذاؤو ووصلت معن ضربوني ضربة ع وشي جرحوني وصار وشي يشر دم... كلو ما كفاهن.. مسكو تيابي وشقوهن كلن وكبوهن برات الغرفة..
ياسمين: الله لا يسامحكن الله ياخدكن
هربت منن يوما وتركت ابني عندن وهربت لعند ستي.. ستي اول ما شافت شكلي انصدمت..
ستي: لك شو هاااد.. شو يلي عمل فيكي هيك
كانت الكلمات مخنوقة بحلقي ودموعي ع طرف عيوني بس ما نزلتن ابدااا..
.
ياسمين: خلص بكفي يا ستي.. هالمرة مستحيل ارجعلو لو شو ما صار
وبالفعل وافقت ستي ورحت لمحامي ورفعت قضية طلاق عليه...
كان صرلي فترة منيحة عند ستي ..وكنت كل يوم احكي مع تيم... وتيم كان جانن علي..
تيم: ااخ يا قلبي اسقالله ايمت تطلقي لنتزوج
ياسمين: عم تحكي جد.. بس اهلك
تيم: شو بدك فيهن.. لا تخافي بقنعن
كانت القضية ماشية وطلاقي من يسر ماشي لحتى بيوم نسيت تلفوني ع الشاحن ..ورن التلفون الساعة 7 الصبح.. شافو خالي ..وبعد ما فصل تيم خالي فتح التلفون وشاف كل محادثاتنا ورسائلنا سوا...
جن جنانووو لخالي وصار يصرخ ويكسر كلشي قدامو
خالي: ولي ياسميييييين.. تعي ولي والله لادبحك.. لك لهيك جننتيه لجوزك ..لهيك بدك تطلقي منوو.. بتحبي ولي بتحبي
من بعد هاليوم خالي وستي اصرو يرجعوني ليسر..
ياسمين: بترجاكي يا ستي ما بدي اياه
ستي: لك انت لازم ندبحك.. بس ما بدنا فضايح.. رح ترجعي لجوزك بالغصب فهمانة..
رجعوني بالغصب ليسر.. ويسر من بعد ما عرف بيلي صار زادت وحشيتو وضربو وقسوتو
ياسمين: لك الله ياخدك ..لك انا بكرهك بكرهك.. وبحبو لتيم وبعشقووو
يسر: وعم تحكيها بوشي والله لاشرب من دمك يا كلبة
ضربني يوما ضرب متل ضرب الحيوانات..ومع هيك بقيت ع تواصل مع تيم وما تركتو..
خالي ضابط بالشرطة.. عرف مين بيكون تيم.. ورحلو وهددو بالقتل ازا رجع حاكاني. بس تيم ما تركني ابدا وبقي جنبي يخفف عني وجعي..
تيم: لك لا تخافي ما بيقدر يعمل شي
ياسمين: لك والله بيقدر
تيم: ياسمين انا وعدتك ما اتركك.. رح ضل معك لاخر نفس لا تخافي علي .. انا معك حتى لو بدي موت
ياسمين: سلامة قلبك
(الفصل الرابع)
مشت ايامي بصعوبة وحياتي كل مالا عم تصير اسوأ لحتى بيوم ربنا هداني لبنت كانت ع الفيس حاكيتا وقلتلا قصتي وطلبت منا تساعدني
البنت: حبيبتي يلي متل حالتك وبما انو ما الك حد روحي ع مؤسسة .... لحماية الاسرة.. وهني بيحلولك مشكلتك..
وبالفعل رحت لعندن.. وخبرتن بكل شي وحكيتلن بدي اتطلق ... وفرولي سكن وصارو يصرفو علي.. ويسر واهلي كلن قالبين الدنيي علي
مشت القضية بالمحكمة. وتم طلاقي من يسر بمساعدة محامي وكلتو المؤسسة.. واخدت حضانة ابني ...ورجع لحضني...
يسر: هربتي اه.. لوين بدك تروحي مني.. والله لاشرب من دمك
ياسمين: اعلا ما بخيلك ركبو
ستنيت لحتى خلصت عدتي وحاكيتو لتيم بموضوع زواجنا..
ياسمين: تيم انا هلا صرت حرة.. ما بدك نرتبط
تيم: اي مبلا بس عطيني شوية وقت يا روحي.. انا من يوم طلاقك عم مهد لاهلي.. انت بتعرفي مانا سهلة.. انت مطلقة وعندك ولد.. وانا لساتني عزابي.. غير انو خالك عم يهددني..
وبعد بشي اسبوع...
تيم: حزري شوو
ياسمين: شوو
تيم: انا اقنعتا لامي وخلص حنتزوج يا عمري
انتهت...
البنت لساتا بظلم زوجا وما تطلقت منو ومانا عرفانة كيف تتصرف ولمين تروح.. انا حبيت انهيها بهاي الطريقة لاعطيها امل بحل مشكلتا..
احيانا بنعمل الغلط ونحنا عارفين بانو غلط.. بس الظروف الصعبة يلي بنكون فيها بتجبرنا بانو ما نوقف عن هالغلط.. او يمكن هالظروف هي الشماعة يلي بنعلق عليها اخطاءنا..
انا ياسمين.. بنوتة حلوة وناعمة.. من وانا صغيرة ابي توفى بحادث سير وامي من بعد وفاتو تزوجت وتركتني وما عاد شفتا غير مرتين.. ربيت ببيت ستي مع خوالي وخالاتي.. كنت لسا بالمدرسة وعمري 14سنة وقت تقدملي ابن اخوها لستي...
ستي: ياسمين ..ابن اخي احمد تقدملك وبدو ياكي
ياسمين: بس انا صغيرة تيتا.. بدي كفي دراستي ما بدي اتزوج
ستي: لك وشو نفعا الدراسة.. اخرتك لبيتك وزوجك وما رح تلقي احسن من ابن اخي رجال يصونك ويحميكي
ياسمين: لا تيتا ما بدي مستحيل وافق
ستي: اي مو بكيفك.. من بكرة ما عاد في مدرسة.. هالفصعونة صرلا لسان والله
ومن تاني نهار ما عاد رحت للمدرسة.. حاولت كتير بانو كفي دراستي وبقيت يومين بلا اكل لحتى يحن قلبا لستي بس ما نفع وبعدا باسبوع تمت خطبتي من يسر ابن احمد اخوها لستي..
يسر كان شب بالشكل حلو ..بس اخلاقو سيئة كتير ولا بيعرف صلاة ولا صوم وكل يوم صحبة مع بنت شكل..
تمت خطبتي وبلشت تعاستي.. كل يوم كان يمر كنت اكتشف سيئة جديدة من سيئاتو ليسر.. وستي ما كانت تسمحلي احكي عليه ايا كلمة.. وع طول بدا اياني نفذ يلي بدو اياه...
مرت الخطبة بصعوووبة وبتوتر كبير وضغط اعصاب.. ومن بعدا تمت الجازة.. الجازة يلي كتبت فيها ع حالي سجن مؤبد... طووول العمر.. ما كان ايا حد حاسس فيني.. بهداك الوقت كنت 14 سنة ويسر 24سنة.. لا ستي رحمتني ولا خوالي رحموني ولا امي سالت فيني..
كنت بنت صغيرة ماني عرفاني كيف اتصرف ولا شو اعمل...
عيلة يسر كانت عيلة غريبة كتير.. كنت حسن متل الوحوش.. اخوتو وخواتوو وامو.. كلن وحوش.. كان تاني نهار من جازتي.. والساعة 8 الصبح.. ما شفت غير باب بيتنا انفتح من غير استئذان وحماتي فاتت علينا..
ام يسر: شو ست ياسمين.. بدك تعملي فيها عروس.. قومي ساعدي بنات حماكي ع شغلن قومي
ياسمين: صباح الخير مرت عمي.. حاضر رح روح
تركتا مع يسر عم تتوتت هي وياه ورحت ع الحمام وغسلت وغيرت تيابي..ورحت لعند بنات حماي لساعدن..
ياسمين: صباح الخير
مها: اهلا مرت اخي.. صباح النور
احلام: اهلا ..تعي ساعدينا بالتنضيف
ياسمين: اي يالله جايي
من اول جازتي ما خلوني اتهنا ..كانو يشغلوني كل شغل البيت ويهلكوني لحتى ما ييجي اخر الليل الا وانا هلكانة وما احسن اسهر مع جوزي
ياسمين: يسر.. والله هلكت حكي مع امك تخفف عني ما عاد فيني
يسر: شو تفضلتي ست ياسمين.. بدك تخفف عنك.. اي بيلبقلك ست ياسمين.. قعدي انتي وريحي حالك وامي واخواتي بيخدموكي.. مو هيك بدك
ياسمين: لك انا ما قلت هيك.. بس والله هلكت طول النهار ع تعزيل وشغل انكسر ضهري
يسر: سمعي ولي والله بدبحك وبخلص منك.. فهمانة
كانت حياتي مع يسر من سيئ لاسوا.. بلشت بالحكي ووصلت للضرب ..كان ع اتفه الاسباب يضربني وما كان يهمو ازا حد موجود او لا.. كان يضربني قدام اهلو وما تفرق معو...
ام يسر: اي ضربا يامو ضربا... بلكي تربت ..لك والله والله لجوزك بس صبور علي
ياسمين: (بتبكي).. لك حرام عليكي.. والله حرام انا ما غلطت فيكي ولا ازنبت بحقك حرااام
ام يسر: اي يحرم جلدك الهي..يبليكي بقتلك يا فصعونة.. لك والك لسان كمان..
ما كان حد فيهن راحمني حتى ستي...
ياسمين: بترجاكي يا ستي انا تعبت كتير ما عاد فيني.. لك جسمي كلو ازرق من ضربو غير الاهانات والحكي الوسخ
ستي: اي لولاكي عاملة البلاوي ما بيضربك.. لا تكوني عنيدة وسمعي كلمتو وشوفي كيف رح تتحسن معاملتو معك..
ياسمين: والله يا تيتا ما بعمل شي ما بدو ياه ولا بكسرلو كلمة وطول النهار ع شغل وتعزيل مع امو..
ستي: اي وشو علي ..هيك الكنة بتكون وكلنا هيك كنا.. بس انتو جيل مدلل زيادة
ما كان الي ايا مهرب من حياتي معن وكان لازم دور ع منفس لاتنفس شوي وما لقيت قدامي غير الفيس والتلفون.. يوما كنت اتصفح بالفيس وقت بعتلي تيم رسالة....
رسالة تيم: ممكن نتعرف
يوما كنت بدي ايا شي لاهرب من الضغط النفسي يلي انا فيه..
رسالة ياسمين: اي ممكن تفضل
رسالة تيم: انا تيم من الشام.. وانت
رسالة ياسمين: انا ياسمين من الشام كمان
رسالة تيم: اهلا وسهلا تشرفت بمعرفتك
رسالة ياسمين: شكرا كتير
رسالة تيم: انت متزوجة
رسالة ياسمين: مممممم اي متزوجة.. بس ما بحبو لزوجي
رسالة تيم: ليه ما بتحبي..
رسالة ياسمين: هو شخص كتير سيئ.. ما بيصلي ولا بيعرف ربو شكاك كتير وبيهيني ع طول وبيضربني قدام اهلو
رسالة تيم: كل هاد ولساتك معو
رسالة ياسمين: ما الي حدا ..ابي متوفي وامي متزوجة ..انا ربيت ببيت ستي وزوجي بيكون ابن اخوها وهي مستحيل تعمل شي يزعلن
رسالة تيم: والله زعلتيني كتير.. ممكن ارجع احكي معك
رسالة ياسمين: اي اكيد
رسالة تيم: تصبحي ع خير
رسالة ياسمين: وانت من اهلو شكرا لانك سمعتني
(الفصل الثاني)
هاي كانت بداية علاقتي بتيم ..يوما كانت مشاعري كتير ملخبطة.. كنت مرتاحة انو لقيت يلي يسمعني ويفهمني ويحس فيني.. وكنت حاسة بالذنب الكبير لانو عم خونو لزوجي.. بس يلي كان مريحني انو الخيانة بلشت من عندو ....
مرت الايام وعلاقتي بتيم بلشت تقوى وكنت خبرو بكل شي بيصير معي.. وعلاقتي بيسر كانت من سيئ لاسوا.. حملت بابني وما رحموني ...
ياسمين: مرت عمي انا تعبانة كتير الله يخليكي بلا ما ارفعن هلا بيصير شي لابني
ام يسر: ست ياسمين بلالك هالحركات.. ليكني حملت وخلفت وكنت اشتغل كلشي وما قول اخ ..شتغلي من تم ساكت بلا ما ناديلو ليسر ليكسر راسك
ياسمين: اي حاضر
حماتي انسانة لا تمت للانسانية بشيئ.. وربت ولادا ع القسوة.. حماي كان شخص مسالم مالو كلمة ببيتو وبين ولادو ابدا..
يسر: شو ست ياسمين.. ليه كايني تنقي ع الشغل اليوم
ياسمين: لانو تعبت لك والله حرام عليكن ما عم لحق ولا عم اتحمل.. لك ابنك هاد يلي ببطني ابنك
يسر: لك وبتعلي صوتك كمان.. تعي لهووون
يوما ضربني وكسرلي جسمي وما رحم حملي ولا رحم ضعفي ...
كل هاد يلي صار وكنت لسا عمري 15 سنة...
رسالة ياسمين: مرحبا تيم.. بترجاك حاكيني ع هاد الرقم............
رسالة تيم: اوك
ياسمين: الووو.. مرحبا كيفك
تيم: تمام الحمد لله.. يا الله صوتك كتيير حلوو
ياسمين: شكرا كتير لالك
تيم: كانك مخنوقة شوي
انفجرت بالبكي ع التلفون: لك ما عاد قدراني اتحمل
تيم: طولي بالك حبيبتي.. شو صار
خبرتو لتيم بيلي صار..........
تيم: لك اااخ منك.. لك هربي وتركي
ياسمين: لوين بدي روح ما في حد روح لعندو
تيم: هربي لايا مكان
ياسمين: لك اهلي بيدبحوني ما بقدر
قعدت بالساعات وانا احكي مع تيم لوقت ما هديت اعصابي وسكرت التلفون ونمت.. علاقتي بتيم كانت المنفس الوحيد بحياتي الكئيبة والتعيسة..
مضت اشهر الحمل وجبتو لابني.. وهون بلش ضغط نفسي من نوع تاني.. حماتي وبناتا صارو ياخدو لابني ويجاكروني فيه..
ام يسر: انت فاكرة هاد ملكك.. انت بس عليكي تحملي وتولدي.. وتلبيلو طلباتوو.. بس اووعك تفكري تبعدي عني.. هاد النا نحنا مو لالك
ظلمهم ووحشيتهم كانت تزيد يوم عن يوم.. لحتى بيوم ما عدت قادرة اتحمل.. كان يسر يضرب فيني ومن شدة الوجع والقهر يلي بقلبي هربت منو ع الاسطوح ووقفت ع السور لانتحر.. تجمعو كل البيت علي..
يسر: لك يا مجنونة نزلي نزلي
ياسمين: ما رح انزل.. انا تعبت تعبت منك ومن اهلك.. لك انا بكرهكم كلكم
ام يسر: اي فكرك حنسال فيكي.. بكرة انت بتكوني بالقبر وابني بكون عريس رح جوزو ست ستك
تركتا تحكي لحماتي وقفزت من ع السور.. كنت واصلة لمرحلة انو خلص ما عاد فيني اتحمل اكتر ..بدي مووت.. بس بدي موت وما بدي شي تاني..بس ما ممكن انسان يكتب قدرو بئيدو.. القدر بئيد رب العالمين وبس... من لما قفزت كلن ضلو واقفين بعيد الا حماي
ابو يسر: لك الله يسطفل فيكن.. شو صرلك يا بنتي شو صرلك
كنت غايبة عن الوعي.. حملني عمي واخدني ع المشفى اسعفوني وبعدا بشي ساعة فقت.. ربنا كتبلي عمري جديد ما صرلي شي غير شوية كسور بجسمي..
ومن بعد هالحادثة معاملتن معي صارت اسوأ وكل جبروتن طلعو فيني.. جوزي كانت علاقتي معو متل علاقة الجارية بسيدا بلبيلو طلباتو وبنام معو ...كانت حياة اشبه بحياة الحيوانات.. بعيدة كل البعد عن الانسانية...
.
(الفصل الثالث)
مرق رمضان ومن بعدو العيد وصار وقت عيد الاضحى.. يلي كل الناس عيدت فيه ..وانا كان عيدي بغير شكل...
يوما كنت تعبانة كتير..
يسر: نزلي لعند امي ساعديهن
ياسمين: ماني قدراني اتحرك ابداا
يسر: قومي ولي بسسسرعة تحركي
وقفت يوما لروح.. فتلت الغرفة كلا فيني ووقعت بارضي.. بس شافني هيك تركني وراح
ام يسر: وينا مرتك
يسر: ياسمين تعبانة كتير
ام يسر: لك يا اجدب وصدقتا.. تعوو امي تعوو..روحو كلكن لعندا وضربوها وعلموها كيف تكذب ع اخوكن وتضحك عليه..
هجمو يوما علي متل الوحوش وضربوني كلن.. شي بئيدو وشي بحذاؤو ووصلت معن ضربوني ضربة ع وشي جرحوني وصار وشي يشر دم... كلو ما كفاهن.. مسكو تيابي وشقوهن كلن وكبوهن برات الغرفة..
ياسمين: الله لا يسامحكن الله ياخدكن
هربت منن يوما وتركت ابني عندن وهربت لعند ستي.. ستي اول ما شافت شكلي انصدمت..
ستي: لك شو هاااد.. شو يلي عمل فيكي هيك
كانت الكلمات مخنوقة بحلقي ودموعي ع طرف عيوني بس ما نزلتن ابدااا..
.
ياسمين: خلص بكفي يا ستي.. هالمرة مستحيل ارجعلو لو شو ما صار
وبالفعل وافقت ستي ورحت لمحامي ورفعت قضية طلاق عليه...
كان صرلي فترة منيحة عند ستي ..وكنت كل يوم احكي مع تيم... وتيم كان جانن علي..
تيم: ااخ يا قلبي اسقالله ايمت تطلقي لنتزوج
ياسمين: عم تحكي جد.. بس اهلك
تيم: شو بدك فيهن.. لا تخافي بقنعن
كانت القضية ماشية وطلاقي من يسر ماشي لحتى بيوم نسيت تلفوني ع الشاحن ..ورن التلفون الساعة 7 الصبح.. شافو خالي ..وبعد ما فصل تيم خالي فتح التلفون وشاف كل محادثاتنا ورسائلنا سوا...
جن جنانووو لخالي وصار يصرخ ويكسر كلشي قدامو
خالي: ولي ياسميييييين.. تعي ولي والله لادبحك.. لك لهيك جننتيه لجوزك ..لهيك بدك تطلقي منوو.. بتحبي ولي بتحبي
من بعد هاليوم خالي وستي اصرو يرجعوني ليسر..
ياسمين: بترجاكي يا ستي ما بدي اياه
ستي: لك انت لازم ندبحك.. بس ما بدنا فضايح.. رح ترجعي لجوزك بالغصب فهمانة..
رجعوني بالغصب ليسر.. ويسر من بعد ما عرف بيلي صار زادت وحشيتو وضربو وقسوتو
ياسمين: لك الله ياخدك ..لك انا بكرهك بكرهك.. وبحبو لتيم وبعشقووو
يسر: وعم تحكيها بوشي والله لاشرب من دمك يا كلبة
ضربني يوما ضرب متل ضرب الحيوانات..ومع هيك بقيت ع تواصل مع تيم وما تركتو..
خالي ضابط بالشرطة.. عرف مين بيكون تيم.. ورحلو وهددو بالقتل ازا رجع حاكاني. بس تيم ما تركني ابدا وبقي جنبي يخفف عني وجعي..
تيم: لك لا تخافي ما بيقدر يعمل شي
ياسمين: لك والله بيقدر
تيم: ياسمين انا وعدتك ما اتركك.. رح ضل معك لاخر نفس لا تخافي علي .. انا معك حتى لو بدي موت
ياسمين: سلامة قلبك
(الفصل الرابع)
مشت ايامي بصعوبة وحياتي كل مالا عم تصير اسوأ لحتى بيوم ربنا هداني لبنت كانت ع الفيس حاكيتا وقلتلا قصتي وطلبت منا تساعدني
البنت: حبيبتي يلي متل حالتك وبما انو ما الك حد روحي ع مؤسسة .... لحماية الاسرة.. وهني بيحلولك مشكلتك..
وبالفعل رحت لعندن.. وخبرتن بكل شي وحكيتلن بدي اتطلق ... وفرولي سكن وصارو يصرفو علي.. ويسر واهلي كلن قالبين الدنيي علي
مشت القضية بالمحكمة. وتم طلاقي من يسر بمساعدة محامي وكلتو المؤسسة.. واخدت حضانة ابني ...ورجع لحضني...
يسر: هربتي اه.. لوين بدك تروحي مني.. والله لاشرب من دمك
ياسمين: اعلا ما بخيلك ركبو
ستنيت لحتى خلصت عدتي وحاكيتو لتيم بموضوع زواجنا..
ياسمين: تيم انا هلا صرت حرة.. ما بدك نرتبط
تيم: اي مبلا بس عطيني شوية وقت يا روحي.. انا من يوم طلاقك عم مهد لاهلي.. انت بتعرفي مانا سهلة.. انت مطلقة وعندك ولد.. وانا لساتني عزابي.. غير انو خالك عم يهددني..
وبعد بشي اسبوع...
تيم: حزري شوو
ياسمين: شوو
تيم: انا اقنعتا لامي وخلص حنتزوج يا عمري
انتهت...
البنت لساتا بظلم زوجا وما تطلقت منو ومانا عرفانة كيف تتصرف ولمين تروح.. انا حبيت انهيها بهاي الطريقة لاعطيها امل بحل مشكلتا..
