الفصل الاول+ الثاني+ الثالث+ الرابع+ الخامس+ السادس.. انتهت
(الفصل الاول)
انسة العربي: لك والله هالبنت امرا غريب.. لك مو معقول ابدا بعد ما كانت اولة صفا هلأ بتسلمني الورقة فاضية
انسة الانجليزي: عم تحك عن لجين
انسة العربي: اي هي..لك والله رح جن منا
انسة الانجليزي: اي والله بكل المواد هيك انقلبت فرد قلبة وحكينا اما بس ما في فايدة
انسة العربي: اي هاي اجت انسة هديل.. تعي تعي هديل
هديل: صباح الخير..شو في.شبكن
انسة الانجليزي: لك هاي لجين بتعرفيها
هديل: اي ولوو ومين ما بعرفا.. هالبنت مميزة من جميع النواحي جمال وادب واخلاق وشطارة كمان
انسة العرب: ااخ يا هديل..هالبنت يا اما عين صايبتا او انا واقعة بمشكلة كبيرة
هديل: يا لطيف..لك ليه شبها
انسة العربي: صرلا اكتر من شهر ما عم تفتح كتاب وورقة الفحص بتسلما فاضية ..ليكي شوفي
هديل: وما حاولتو تحكو معا؟
انسة الانجليزي: لك اكتر من مرة حاكيناها بس البنت لا من تما ولا من كما وبعتنا لاما ..حتى اما عم تشكي منا بالبيت
هديل: يا ربي..خلص انا اليوم رح شوفا
لمن بتكون بعيد عن الناس مستحيل تحس بمشاكلن او وجعن وبتكون متخيل بانن مبسوطين بحياتن وامورن تمام.. لكن لمن تتقرب منن وتسمعلن بتكتشف بانو كل واحد منن حامل هم كبير بقلبو ..وكل واحد بواجه هالهم بطريقة شكل.. شي بيقلب عدواني ع يلي حوالي وشي بينطوي ع حالو وبينعزل عن المجتمع وشي كل همو بيقلب لمرض بجسمو ..
أنا هديل مرشدة تربوية بمدرسة ثانوية عمري 25سنة انسانة عادية جدا شعري خروبي وبشرتي حنطية وملامحي عادية بس يمكن اسلوبي في التعامل مع الناس بخليني بعيونن ملكة جمال.. صرلي 3سنين بوظيفتي وشفت كتير وسمعت كتير.. اول فترة كانت تصيبني حالات اكتئاب من المشاكل يلي عم اسمعا من البنات ومن الانسات كمان.. لكن هلأ خلص تعودت وعرفت بانو البيوت اسرار والقلوب كمان اسرار وعرفت بانو كل واحد منا عندو سر كبير والاغلب ما بيقدر يحكي لهالسر
لجين بنت حلوة جدا شعرا الاشقر وعيونا الزرق ورسمة عيونا وبشرتا يلي متل الحرير وجسما يلي بجنن وطولا وروحا الحلوة والمرحة وتميزا بدروسا خلاها مميزة لكل مين بشوفا ..مستحيل حدن يشوفا وينساها هالبنت سبحانو الله كل ايات الجمال حطن فيها.. كانت اولة المدرسة وفجأة وحدة انعزلت عن الكل وما عادت اهتمت بدروسا وما بنشوفا غير سرحانة وشاردة.. انسات المدرسة حاولو معا كتير بس ما في نتيجة لهيك انا قررت باني حاول معا لعلا وعسا اقدر ساعدا
طق باب المكتب بهدووء
هديل: تفضل
لجين: مرحبا انسة
هديل: اهليين لجين...هلا حبيبتي تفضلي
لجين: ............
هديل: اقعدي لجين حبيبتي ارتاحي.. كنت بدي اياكي تساعديني .انت بتعرفي ابني زيد من عمرك وعم يواجه شوية صعوبة بالرياضيات وعطاني هالمسالتين.. وبصراحة منحرجة من الانسات اعطيهن اياهن يا ريت لو فيكي تحليهن بكون ممنونتك
لجين: ...........
هديل: لجين.. لجين..انت معي حبيبتي
لجين: هاا... بعتزر انسة انا لازم روح ع صفي
وقامت لجين من مكانا وبدا تطلع..
هديل: وقفي وقفي شوي..خلص ازا ما بدك بلاهن
لجين: بعتزر انسة كتير بس ..بس هالفترة تعبانة وما فيني ركز بشي
هديل: ما في مشكلة حبيبتي خلص بلاهن ولا يهمك..بس شبكي انت مرضانة شي؟ بصراحة الي فترة بشوفك مانك ع بعضك
تجمعو الدموع بعيونا للجين وانخنق صوتا: لا انسة ما فيني شي بس هالفترة مرضانة شوي
هديل: سلامة قلبك حبيبتي..بس لشو هالدموع .احكي لجين انت بتعرفي بانو انا رح اسمعلك منيح
زادو دموعا وصارت تبكي ..حضنتا وصرت مسحلا ع شعرا..
هديل: خلص اهدي حبيبتي اهدي
لجين: انا تعبانة انسة هديل تعبانة كتير
هديل: سلامة قلبك حبيبتي من شو تعبانة احكيلي لحتى ترتاحي
لجين: يا ريت لو فيني.. ما بقدر احكي بنووب
هديل: ليه حبيبتي لاتخافي من شي انا بوعدك حللك مشكلتك شو ما كانت انت بس احكيلي
لجين: يا ريت لو هالمشكة بتنحل يا انسة يا ريت
وحملت حالا وطلعت.. وقبل ما تروح
هديل: لجين.. انا جنبك حبيبتي وخليكي متزكرة مستحيل يكون في مشكلة مالا حل..وحتى لو مشكلتك مالا حل انا فيني اسمعك لحتى ترتاحي
لجين: بتشكرك انسة..عن ازنك
هديل: هالمسكينة باينتا مشكلتا كتير كبيرة..كيف فيني اعرف انا؟ انا لازم احكي مع اما
هديل: مرحبا انسة عبير(المديرة)
عبير: اهلين هديل تفضلي حبيبتي
هديل: يزيد فضلك..من بعد ازنك بدي تلفون اهلا للجين موسى حابي حاكي اما
عبير: قدرت تعرفي شي؟
هديل: لا والله بس شكلا هالبنت واقعة بمشكلة كبيرة
عبير: هاي الرقم تفضلي
هديل: هلأ رح دقلا
ام لجين: الوو
هديل: مرحبا..حضرتك ام لجين موسى
ام لجين: اي انا تفضلي
هديل: بصراحة حابة اقعد معك لاحكيكي بموضوع بخص لجين وما بدي لجين تعرف
ام لجين: خير ..صاير شي
هديل: لا ابدا.. بس وضعا للجين ما بطمن.. وحابي نحكي سوا
ام لجين: تكرمي.. بكرة رح اجي ع المدرسة
هديل: اي حبيبتي.. اهلا وسهلا
(الفصل الثاني)
دخلت المدرسة.. فتت ع غرفة الانسات ..يلي كل وحدة فيهن عندا قصة شكل.. ويلي كانت قاعدة بتحكي وتشكي هالمرة هي الانسة مريم.. انسة العربي..
مريم: لك والله مليت ..ما عاد فيني اتحملن.. لك بفيق ع نقن.. وبنام ع نقن ..وبطلع ع نقن وبفوت ع نقن.. والله تعبت.. كل يوم والتاني خناقة مع زوجي بسببون..
مريم.. صبية صغيرة عمرا 23.. متزوجة من جديد وهي هلأ حامل.. ساكنة بشقة مع بيت حماها.. ومتل ما سمعتو.. معزبينا كتير بحياتا.. مانن مراعيين ظروفا بانو موظفة وحامل..
بدن ياها متل مرت ابنن الكبير.. تضل عندن ع طول وتخدمن.. وهي ما بتتحمل هالشي.. وزوجا بدو يريح راسو من نق اهلو.. وكل يوم والتاني ع مشكلة جديدة..
هديل: طولي بالك حبيبتي.. بدك تصبري وتتحملي
مريم: لك لا تقولولي اصبر.. بدي طلقو وارتاح ..بكفي
هديل: مريم.. الطلاق مانو حل ابدا.. الطلاق سلاح الناس الضعيفة.. الست الشاطرة هي يلي بتحمي بيتا وبتحافض عليه ..مو يلي بتهدمو..
مريم: لك ما فيني ..والله تعبت
هديل: انت بتحبي لزوجك
مريم: بصراحة ما بعرف.. كنت حبو كتير.. بس بعد المشاكل كتير تخربطت مشاعري
هديل: انت لساتك بتحبي.. بس المشاكل عملت نقطة سودا بقلبك.. بيت حماكي بدن وقت ليتعودي ع ظروفك.. المهم انت تصبري وما تخربي بيتك.. وزوجك بالكلمة الحلوة بيقتنع.. ضلي فهمي بانو حياتك غير عن حياة مرت اخو.. مو بالعصبية بالهدوء.. ومرة ع مرة رح بيفهم ويبطل ينق ..
مريم: يا رب.. يسلمو هديل.. والله حكيك كتير بريح
هديل: تسلمي يا قلبي.. يا ريت لو فيني ساعدك اكتر
رن جرس الطابور وطلعو كل الانسات ليحضرو الطابور..
خلص الطابور ودخلت مكتبي.. بعد بشوي اندق الباب..
هديل: تفضل
ام لجين: مرحبا انسة ..كيفك.. انا اما للجين
هديل: اهلا وسهلا ..تفضلي.. كيفك
ام لجين: تمام الحمد لله
هديل: رح ادخل بموضوعنا مباشرة.. بصراحة كل الانسات عم يشكو من لجين.. هي كتير متغيرة.. ورقة امتحانا بتسلما فاضية.. الكل قلقان عليها
ام لجين: والله يا انسة هالبنت ما بعرف شو صرلا.. نقلبت فرد قلبة مرة وحدة.. ما عم تاكل متل الخلق ولا عم نشوفا.. ع طول حابسة حالا بغرفتا .. لك لاول مرة بحياتا بتقفل باب غرفتا ع حالا.. والله قلبي ما عاد تحمل.. والله بصحا بنص الليل لادعيلا..
هديل: طولي بالك.. ازا تساعدنا رح نحلا لمشكلتا.. لازم نقنعا انو تحكي
ام لجين: حاولت معا كتير بس ما نفع ابدا
هديل: رجعي حاولي بغير اسلوب.. حاولي تصاحبيها.. وانا رح حاول من عندي كمان
ام لجين: ان شاء الله.. بتشكرك كتير لاهتمامك ببنتي
هديل: لا تقولي هيك.. لجين متل بنتي
استازنت ومشت...
هديل: اخ يا ربي.. عم حل مشاكل الناس ومشكلتي ماني عرفانة حلا.. ربي تساعدني
سبق وعرفتكن عن حالي.. بس ما حكيتلكن عن مشكلتي.. مشكلتي من ربنا.. انا صرلي شي سنة ونص متجوزة ..ولهلأ ما حملت..
عملت فحوصات كتيرة.. وكلن بقولو باني ما بقدر جيب ولاد...
جوزي انسان راقي جدا بتعاملو بيحبني كتير وانا بحبوو.. طلبت منو يتزوج بس هو رافض.. انا انسانة بخاف الله وبعرف انو مو من حقي احرمو الولاد.. بس هو رافض الفكرة تماما.. رحت مبارح لعند حماتي وحكيت معا..
هديل: مرت عمي قنعي لعمر ما عم يقتنع مني.. انا ما بدي اياه ينحرم الولاد...
حماتي: الله يسعدك يا بنتي ويعطيكي من كل خير.. رح شوف شو بيطلع معي..
وهلأ حماتي عم تدورلو ع عروس ..مع انو لساتو رافض الفكرة..
وانا بين نارين.. نار الغيرة يلي بدا تاكلني.. ونار جوزي يلي بدو ينحرم من الولاد بسببي.. كانت امنية حياتي يكون ع حضني ولد.. بس ربنا مو رايد هالشي..
(الفصل الثالث)
هديل: رح روح اعمل فنجان قهوة لروق شوي
وانا طالعة لمحتا للجين رايحة ع الحمامات.. لحقتا فورا.. فتت ما لقيتا ..بس سمعت صوت بكي جايي من جوا حمام..
دقيت الباب..
لجين: لك روحو.. لهون كمان لاحقيني.. ما لقيتو غير هالحمام.. روحو من هون
هديل: لجين.. انا هديل.. طلعي حبيبتي
لجين: انسة بترجاكي.. تركيني بحالي
هديل: ما رح احكي معك شي ..بس طلعي
نطرتا شوي لطلعت.. كان وشا اصفر وعيونا منفخين من البكي..
هديل: يا روحي انا.. تعي تعي معي.. كنت رايحة لافطر بس شفتك رجعت
مسكتا من ايدا ورحت اشتريت من مقصف المدرسة معجنات وعصير وقعدت معا بحديقة المدرسة..
هديل: كلي حبيبتي.. ما فيني اكل وانت متصفنة فيني
لجين: مالي نفس
هديل: اي وانا كمان ما كان الي نفس ..بس وقت شميت ريحة المعجنات اجيت ركض لهون.. كلي وما حتندمي..
اخدت من ايدي قطعة وقعدت تاكل.. ما قدرت تكملا لانو نخنقت بدموعا يلي ما قدرت تثبتن ابدا..
ضميتا وصرت مسحلا ع شعرا...
هديل: خلص يا عمري اهدي اهدي
كانت طفلة صغيرة بين اديي عم تبكي وتتنهد ..و باين عليها قديش هي تعبانة وقلبا موجوع..
بقيت معا لهديت شوي..
لجين: شكرا انسة هديل ..صار لازم روح
هديل: الله معك يا روحي.. بس ضلي متزكرة وقت يلي بدك تحكي انا رح اسمعك ووقف جنبك
لجين: شكرا انسة..وقربت مني وباستني وراحت بسرعة من غير ما تطلع فيني
قمت من الحديقة وكملت مشواري ع المطبخ وعملت فنجان قهوة ..وكنت بدي اطلع وقت سمعت ام علي الاذنة وزوجا ابوعلي الحارس واقفين وبيحكو ...
ام علي: والله مليت من بخلك.. لك هاي بنتك بنتك ..والله بوتا تلفان حرام عليك
ابو علي: هلأ هيك صار؟ بخلي.. لك اتقي ربك.. لك مانت عارفة انو ما معي.. شو بعملك انا
ام علي: لك والله قلبي محروق.. لك شوف الانسات.. كل يوم لبسة شكل ..وكلن ماركات.. لك غير اكلن يلي نصو ما بعرفو.. وانا كل يلي طلبتو بوت لبنتك
ابو علي: لا اله الا الله.. لك الله يهديكي.. لك كم مرة قلتلك لا تقارني حالك بغيرك.. وضعنا احسن من كتير غيرنا
ام علي: احسن من مين.. لك عم تواسي حالك بهالحكي.. مانو احسن ولا شي
طلعت من المطبخ..
هديل: يعطيكن العافية
ابو علي.. ام علي: الله يعافيكي يا رب
وتركتن ومشيت.. بعدا بشي خمس دقايق خلصو حديثن وكل واحد فيهن راح لشغلو..
وانا رحت لعند ام علي..
هديل: يعطيكي العافية.. فيني احكي معك بمكتبي
ام علي: اي يالا هلأ بجي
ام علي ست باول التلاتين.. لساتا صغيرة بس الهم مكبرا شي عشر سنين.. وزوجا ابو علي الحارس.. بيكبرا بخمس سنين.. رجال طيب وخدوم..عندن ولدين وبنت متل القمر..
سبقتا لام علي ع المكتب وهي خلصت شغلا ولحقتني..
هديل: تفضلي تفضلي ام علي.. تعي
ام علي: خير انسة في شي
هديل: هلأ انا بصراحة.. سمعت حديثك مع زوجك وقت كنت طالعة من المطبخ.. وحابة احكيلك كلمتين..
ام علي: تفضلي
هديل: هلا مزبوط انو انتو وضعكن المادي مو كتير وناقصكن كتير شغلات.. بش جوزك رجال محترم وبيحترم يلي حوالي..
واسم الله عندكن ولدين وبنت.. عندكن بيت يحميكن..
لا تفكري بانو الكل مبسوط.. المصاري ما بتجيب السعادة ابدا.. ليكي انا.. لك والله مشتهية شي ولد حطو بحضني.. شو نفعت المصاري.. لك وفوقا بدي جوزو لزوجي.. لك قاعدة بقتل حالي بئيدي..
واطلعي عليهن للانسات.. كل وحدة فيهن عندا قصة مخبايي.. كنت موجودة الصبح وقت الانسة مريم كانت تحكي وسمعتي شو قالت... وقديش حياتا متعبة لدجة انو بدا تتركو لزوجا .. قلوب الناس مقفلة.. والمفتاح بئيدن هني وبس.. لا تغرك المظاهر ابدا
ام علي: والله بكيتيني... ربي يسعدك ويحققلك مرادك.. انت انسانة ما في منك.. والله كنت عم احكي من حرقة قلبي ..بس فعلا الحمد لله ..يلي بشوف مصيبة غيرو بتهون عليه مصيبتو.. صار لازم روح
هديل: الله معك
( الفصل الرابع)
مضى ع قصتا للجين شي اسبوع كامل والبنت لساتا رافضة تحكي ايا شي...
ام لجين: الوو.. مرحبا انسة هديل
هديل: اهلا.. كيفك ام لجين
ام لجين: ماني منيحة والله.. انا تعبت كتير معا للجين .. عم حاول معا انا وبيا بس البنت رافضة تحكي مع ايا شخص..
هديل: اي ماشي حبيبتي.. انت لا تخافي وما تملي ضلي حاولي بس من غير ما تحسسيها بانك بدك ياها تحكي شي..وانا رح تابعا لا تخافي
ام لجين: يا رب.. غلبتك انسة
هديل: لا ..الله يسامحك شو هالحكي هاد
وانا عم احكي معا دخلت لعندي ام علي...
ام علي: انسة هديل.. تعي بسرعة.. البنات ماسكين شعور بعض
هديل: شوووو.. جنو هدول شي
رحت معا ركض لقيت بنتين متشابكي وواصلة معن للشعر والضرب بالادين..
هديل: لك شو هاد ..شو عم تعملو.. نزلو اديكن بسرعة
رايا: انسة والله هي يلي بلشت
نغم: كزابة.. هي يلي بلشت
هديل: هشششش ولا كلمة ..تعو وراي ع المكتب
سحبتن ع المكتب ..
هديل: لك يا عيب الشوم عليكن.. مو عيب صبايا متلكن يعملو هيك.. وانت يا نغم ..مو عيب تحكي عن رفيقتك كزابة وقدام الكل كمان
نغم: انسة هي ع طول بتستفزني.. وانا ما بتحمل ابدا
هديل: كيف بتستفزك
نغم: كل ما صار شي بتبلش تعيرني باني من ميتم.. وتحكيلي بنت حرام
هديل: يا عيب الشوم عليكي يا رايا.. لك شو هالحكي هاد.. هاي رفيقتك وما بصير نعايرا بيتمها..
انت بتعرفي شو مكانة اليتيم بالاسلام.. ربنا عطاه مكانة خاصة.. كل واحد بيعاملو معاملة منيحة ولو ضحك بوشو بس الو حسنات كتير..ربنا قال.. واما اليتيم فلا تقهر.. فهمانة شو يعني انو ربنا ينهانا عن قهر اليتيم بالقران..
اطلعت رايا فيني واتصفنت انو متفاجئة كتير..
هديل: يعني انو انت هلأ عملتي جريمة كبيرة.. ويمكن تفوتك جهنم ازا ما اعتذرتي..
رايا: والله ما كنت بعرف انسة.. اسفة كتير
هديل: لا تتاسفي الي.. تاسفي لرفيقتك
رايا: اسفة كتير نغم
هديل: اي هيك ها.. سلمو ع بعضكن وما عاد بدي شوفكن متخانقين
رايا.. اما وبيا منفصلين وهي يوم عند بيا ويوم عند اما.. وتنيناتن متجوزين.. وتنيناتن ما بدن اياها.. هالشي هاد اثر كثير ع نفسيتها.. وصارت البنت تحاول دائما تلفت الانتباه الها بايا طريقة.. يوم صراخ ويوم مشكلة.. ويوم ..ويوم...وصارت عدوانية ع كل يلي بيقرب منا...
اما نغم فهي ضحية ست سلمت حالا لواحد ندل.. هي ربيت بميتم.. ما بتعرف لا بيا ولا اما الحقيقيين.. ربنا يسرلا ناس مقتدرين وما عندن ولاد وتبنوها وربوها.. هالبنت تربيتا بالميتم خلتا من النوع يلي مستحيل يتنازل عن حقو.. بتاخدو ولو ع موتا
تصالحو البنات وراحو ع صفن.. وانا رجعت لهمي وغصتي.. كل يوم بكون خايفة بايا لحظة حماتي تتصل فيني وتقلي لقيتا للعروس..
بدي تلقا وما بدي.. نار بقلبي وعقلي..
هديل: هلأ بجن ازا ضليت هون لوحدي.. بدي روح شوف الانسات
فتت ع غرفة الانسات وكانت فاضية ما فيها غير الانسة مرام ..انسة الرياضة..
هديل: مرحبا.. كيفك مرام
مرام: اهلا انسة هديل
هديل: شبك.. مانك ع بعضك اليوم
مرام: والله ما بعرف شو بدي قول.. مخنوقة
هديل: سلامة قلبك.. شو في
مرام: لك معقول في اهل بالكون كلو متل اهلي
هديل: شبهن
مرام: لك بدن يزوجوني لرجال عمرو 65سنة.. لك وربي بقرف ..بدن ياني اتزوجووو
هديل:هههههه عم تحكي جد
مرام: ضحكي ضحكي.. لهالدرجة البنت بنضرهن عالة.. ما عم افهم
هديل: ليكي حبيبتي.. نحنا يلي بنعمل بحالنا هيك.. لانو قوانين هالمجتمع نحنا يلي حطيناها ونحنا يلي متمسكين فيها وماشيين عليها.. يعني البنت عندن ازا وصلت 25سنة بتكون عانس.. ونصيبا بكون لرجال كبير بالعمر او مطلق او ارمل لتربيلن ولادن
مرام: والله معك حق.. نحنا يلي عملنا بحالنا هيك
هديل: اي بس انت رفضي اوعك تقبلي.. انت مانك صغيرة ..وموظفة كمان .. خلي قرارك بئيدك
مرام: لك لو يدبحوني ما رح وافق.. مستحيل
مرام انسة رياضة.. عمرا 30 سنة.. نصيبا ما اجاها مع انو خلقتا حلوة.. بس سبحان الله مالا نصيب
(الفصل الخامس)
مشت ايام المدرسة .. وعلاقتي بلجين تحولت من علاقة انسة بطالبة لعلاقة رفيقة لرفيقتا... كل يوم نقعد سوا ونحكي سوا.. وكل يوم احكيلا عن مشكلة شكل وخبرا كيف صاحبة المشكلة قدرت تحلا بحكمتا ورفضا لمشكلتا...
هديل: ايا مشكلة ممكن تنحل بس في قواعد مهمة لحل المشكلة..
لجين: وشو هي هالقواعد
هديل: اهما شي انو انت يكون عندك ارادة لحل هالمشكلة وما تستسلميلا شو ما كانت.. وبدك تقتنعي بانو ربنا ما بحط داء الا والو دواء.. يعني كل مشكلة والا حل.. وبدك كمان تصبري.. وتصبري.. وتصبري.. يلي بدو يحل مشكلتو بدو يصبر كتير.. واخر شي هو مشاركة هالمشكلة مع يلي بنوثق فيهن ويكون باديهن الحل..
لجين: احيانا بتكون المشكلة مانا من النوع يلي ممكن ينحكا.. لهيك بنتربط وما بنعرف كيف نتصرف
هديل: اي صح.. بس ازا كان هالشخص محل ثقة ممكن انو نحكيلو ايا نوع من المشاكل
قطع حديثنا صوت بنت بتصرخ باعلا صوتا...
ركضت بسرعة لشوف شبها ..فتت ع صفا وكانت لجين وراي.. كانت البنت تصرخ وتقول اخي حبيبي اخي..
هديل: شبها.. شو صاير
انسة الفيزياء: (بتبكي) خيا مات
هديل: وكيف بتخبروها هيك خبر بهالطريقة
انسة الفيزياء: بنت من البنات خبرتا.. ما كانت بتعرف انو ما معا خبر
مسكت بئيدا للبنت ووقفتا وحاولت انو هديها.. وهي تصرخ ومنهارة.. التفتت ع لجين كانت تبكي بحرقة وكانو خيا يلي مات...
ضميتن تنيناتن: لا بقى تبكو يا روحي.. ربي يرحمو
لجين: يا ريتو كان خيي يلي مات
انا انصدمت من كلمتا.. وتصفنت فيها لاتاكد انو حكت هيك..
هديل: شو يلي قلتي
ضلت ماشية وما ردت.. ندهتلا وما التفتت.. راحت وهي عم تبكي بحرقة وتردد بكلمتا: يا ريت لو اخي يلي مات... يا ريت لو اخي يلي مات..
رجعنا البنت لعند اهلا لتحضر عزا خيا وكنا راجعين ع المدرسة انا والمديرة الانسة عبير..
هديل: انسة عبير.. بدي روح لعند اهلا للجين ضروري
عبير: صاير شي جديد
هديل: لا.. بس حابة احكي مع اما
عبير: اي ماشي ليه لا.. هلا بوصلك لعندن.. بس ما رح ادخل معك
هديل: اي ماشي
وصلتني لباب بيتن وراحت..
دقيت الباب وفتحتلي اما للجين.. واستقبلتني بكل محبة.. بيتن كان كلو دفا ومحبة.. الحب والحنية كان باين بكل ركن من اركان بيتن..
ام لجين: اهلا وسهلا.. تفضلي شربي قهوتك قبل لتبرد
هديل: يسلمو كتير.. ....... اجيت لاحكي معك بشي مهم كتير
ام لجين: تفضلي
هديل: بدي اسالك عن علاقة هديل باخوتا ..كيف
ام لجين: انا ربنا ما رزقني غير هديل وعصام.. ما في غيرن.. وعلاقتن كتير منيحة مع بعض.. ما كانو يفارقو بعض بنوب
هديل: وهلأ كيف علاقتن
ام لجين: ما بعرف بالزبط.. احيانا بحسا بتخاف منو ..بس هي هالفترة مانا مفهومة ابدا
هديل: ام لجين.. اليوم عنا بالمدرسة بنت خيا مات.. لجين اجت وشافت البنت وهي عم تصرخ.. بكيت كتير وقالتلي ..يا ريت لو كان خيي يلي مات..
ام لجين: كييييييف ...لك وليه لتحكي هيك
هديل: انا جيت لهون لاسالك هالسؤال.. هني اختلفو شي بهالفترة؟
ام لجين: ابدا
هديل: بتوقع انو عرفنا سبب حالتا للجين.. ع الاغلب ابنك عصام.. اما عاملا شي او ماسك عليها شي شغلة.. وع الحالتين ضروري نفهم ونحلو للموضوع.. اليوم بدي منك تسالي لعصام وسؤال مباشر من غير لفة ودورة... انت شو عامل باختك؟ وبدي تراقبيلي منيح ردة فعلو
ام لجين: ان شاء الله
هديل: وهلأ صار لازم استازن.. بتشكرك ع استقبالك
ام لجين: انا يلي بدي اتشكرك ع اهتمامك ببنتي
(الفصل السادس) والاخير
مشيت من عندن ورجعت ع المدرسة.. كنت بدي فوت لمكتبي وقت شفتا لشهد..
هديل: شهد.. شهد
ركضت لعندي شهد..
شهد: اي انسة هديل
هديل: لك شو هالحلا هاد
شهد: هالحلا بفضلك انسة.. انت السبب بتغيير شكلي كلو
هديل: لا تقولي هيك حبيبتي.. ارادتك هي يلي عملت هيك.. استمري وجد برافوو عليكي
شهد: شكرا كتير انسة
شهد بنت قبل شهر بس لتقيت فيها تحت شجرة بحديقة المدرسة عم تبكي..
قبل شهر
هديل: لك ليه عم تبكي
شهد: البنات يا انسة.. ما حد فيهن بيقبل يمشي معي.. وبيتمألسو علي لانو سمينة
هديل: ما علي حبيبتي ولا يهمك.. بس انو انت ولا مرة حاولتي تغيري من وضعك
شهد: ما قدرت انسة... بجوع كتير والله
هديل: سمعي بدي احكيلك كيف فيكي تنحفي ومن غير ما تجوعي
شهد: يا ريت انسة
هديل: ما رح احرمك من شي بس انو بدك تاكلي وجباتك الاساسية بوقتا بس.. وبين الوجبات ما تاكلي شي ابدا.. وازا جعتي كلي خضرة ..وشربي مي كتير.. ووقت يجي ع بالك شي حلو لا تاكلي شكلا كلي فاكهة.. قطعة شوكولا صغيرة كل يوم بتكفيكي ..جربي وما حتندمي
شهد: بحاول انسة
وهاي بعد شهر بس شهد صارت بنت تانية.. وعلاقتا برفقاتا كتير تحسنت..
***************
مشا هاليوم وتاني يوم.. دقيت لاما للجين لاسالا شو صار معا..
ام لجين: والله سالتو يا انسة بس ما عترف بشي.. تلبك كتير بس ما اعترف بشي.. بس من ردة فعلو تاكدت انو هو السبب..
هديل: انا رح حاول مع لجين ولا يهمك
ناديتلا للجين لعندي..
هديل: لك ما شتقتيلي ..ليه ما اجيتي لندردش سوا
لجين: والله شتقتلك انسة كتير
هديل: اليوم انا بحاجتك لتنصحيني كيف اتصرف
اطلعت فيني بعيون مليانين براءة وهي فرحانة كتير
وهزت براسو انو اي..
حكيتلا قصتي كلا.. وهي قصتي ..قلبي واجعني كتير وماني عرفاني اتصرف..
لجين: والله يلي بشوفك مستحيل يسدق انو عندك هيك مشكلة بحياتك
هديل: لحتى تعرفي بانو كل واحد فينا عندو مشكلة مقلقتو.. وهلأ بدي منك تحكيلي شوي عن عصام
تلبكت وبين الحزن والغضب بعيونا..
هديل: عم اسمعك.. نحنا رفقة وبدي تحكيلي كلشي
لجين: اخي عصام........ وحطت دياتا ع عيونا وبكت كتير.... كنت حبو اكتر من روحي.. كان خيي ورفيقي وكلشي حلو بحياتي.. لهداك اليوم يلي فقت فيه بالليل ع ايد كانت ع جسمي.. نقزت وقمت من مطرحي لشوف مين يلي ايدو ع جسمي.. وللاسف كان اخي عصام..
وقت شفتو اعتزر مني وراح ع غرفتو.. وتاني نهار ترجاني ما احكي لاهلي شي ووعدني ما يعيدا.. انا من حبي لالو صدقتو ووثقت فيه وما حكيت لاهلي..
بعد بيومين...( زادت بالبكي وغصت).....كنت نايمة وفقت ع حالي ما كان علي شي من يلي كنت لابستو.. انصدمت وما عرفت شو لازم اتصرف.. وخفت كتير... وما وقف الامر ع هيك.. بعد بشي تلت ايام اجا لعندي وطلب مني انو نام معو ووعدني ما يئزيني رفضت طلبو وما قبلت ..بس هو مسكني بالغصب وعمل عملتو..
وانا من يوما والدنيي مقفلة بوشي ..ما بدي عيش.. بدي موت..
هديل: وليه سكتي.. ليه ما خبرتي امك
لجين: ما فيني انسة.. هو حكالي ازا قلتلا رح يرجع يعيد الشغلة معي وبالغصب.. وانا كتير خايفة.. صرت ع طول احبس حالي بغرفتي وقفلا.. اجا شي تلت مرات وهني اهلي مو موجودين.. كان يوقف باب غرفتي ويضل يدق بدو افتحلو.. وكان يعصب كتير مني لانو ما افتحلو
هديل: اول شي رح اخدك ع دكتورة لاطمن ع وضعك.. وتاني شي انت ضروري تحكي لامك.. ما بصير تخبي عنا.. اخوكي لازم ياخد جزاتو.. وبس تقليلا ما رح يسترجي يقرب منك..
فورا اخدتا للجين ع دكتورة نسائية لحتى اطمن عليها قبل ما خبر اهلا.. والحمد لله كانت لساتا بنت.. هالشي ريحا كتير للجين واقنعا بانو نخبر اما..
حكيت مع اما للجين وخبرتا بيلي قالتو لجين
هي ما قدرت تستوعب الموضوع.. لانو الموضوع مو خرج يتصدق ...
ما بعرف كيف اتصرفت الام.. او يمكن الاب معو لعصام... بس يلي بعرفو انن تصرفو صح..
لانو لجين رجعت لطبيعتا القديمة ودراستا رجعت تحسنت..ونفسيتا كتير تحسنت عن قبل..
بس طبعا ما كان الموضوع بهالسهولة.. تعبت كتير معا انا واما لقدرنا نرجعا لجين القديمة...
عبير: هيك بدك تتركينا طول هالفترة.. والله هالمدرسة ما فيها بلاكي
هديل: ربي يسعدكن.. بس انت بتعرفي وضعي.. هالسفرة حتكون للعلاج.. هاي اخر محاولة لالنا
عبير: ربي يتمملكن ع خير بالسلامة حبيبتي
زوجي رفض قطعيا بانو يتزوج .. بعد ما امو شافتلو بنت.. عمل مشكلة كبيرة معا لامو ورفض يرضخ لرغبتنا انا وامو..
فرحت كتير انو هو بحبني لهالدرجة... بس بنفس الوقت حسيت بغصة وتانيب ضمير..
ومن بعدا زوجي اصر بانو نسافر لبلاد برا لارجع اتعالج كرمال الحمل...
وهلأ هالموضوع مضى عليه ست شهور .. عم احكي معكن وولادي التوام عم يدافشو فيني ببطني..
حكيتلكن حكايتي لحتى تعرفو بانو البيوت اسرار والقلوب كمان اسرار.. لا تفكرو بانو ما حد حامل هموم غيركن.. كلنا عنا هموم.. وكلنا دافنين وجع بقلبنا ما بيمحي الزمن ابدا..بس ما لازم نستستلم لهالوجع ابدا ..بدنا نقاوم ونقاوم لحتى نقدر نكفي حياتنا ونحنا مرتاحين..
ربي يفرج كربكن.. ويخفف وجعكن.. حبكن كلكن..
انتهت...
(الفصل الاول)
انسة العربي: لك والله هالبنت امرا غريب.. لك مو معقول ابدا بعد ما كانت اولة صفا هلأ بتسلمني الورقة فاضية
انسة الانجليزي: عم تحك عن لجين
انسة العربي: اي هي..لك والله رح جن منا
انسة الانجليزي: اي والله بكل المواد هيك انقلبت فرد قلبة وحكينا اما بس ما في فايدة
انسة العربي: اي هاي اجت انسة هديل.. تعي تعي هديل
هديل: صباح الخير..شو في.شبكن
انسة الانجليزي: لك هاي لجين بتعرفيها
هديل: اي ولوو ومين ما بعرفا.. هالبنت مميزة من جميع النواحي جمال وادب واخلاق وشطارة كمان
انسة العرب: ااخ يا هديل..هالبنت يا اما عين صايبتا او انا واقعة بمشكلة كبيرة
هديل: يا لطيف..لك ليه شبها
انسة العربي: صرلا اكتر من شهر ما عم تفتح كتاب وورقة الفحص بتسلما فاضية ..ليكي شوفي
هديل: وما حاولتو تحكو معا؟
انسة الانجليزي: لك اكتر من مرة حاكيناها بس البنت لا من تما ولا من كما وبعتنا لاما ..حتى اما عم تشكي منا بالبيت
هديل: يا ربي..خلص انا اليوم رح شوفا
لمن بتكون بعيد عن الناس مستحيل تحس بمشاكلن او وجعن وبتكون متخيل بانن مبسوطين بحياتن وامورن تمام.. لكن لمن تتقرب منن وتسمعلن بتكتشف بانو كل واحد منن حامل هم كبير بقلبو ..وكل واحد بواجه هالهم بطريقة شكل.. شي بيقلب عدواني ع يلي حوالي وشي بينطوي ع حالو وبينعزل عن المجتمع وشي كل همو بيقلب لمرض بجسمو ..
أنا هديل مرشدة تربوية بمدرسة ثانوية عمري 25سنة انسانة عادية جدا شعري خروبي وبشرتي حنطية وملامحي عادية بس يمكن اسلوبي في التعامل مع الناس بخليني بعيونن ملكة جمال.. صرلي 3سنين بوظيفتي وشفت كتير وسمعت كتير.. اول فترة كانت تصيبني حالات اكتئاب من المشاكل يلي عم اسمعا من البنات ومن الانسات كمان.. لكن هلأ خلص تعودت وعرفت بانو البيوت اسرار والقلوب كمان اسرار وعرفت بانو كل واحد منا عندو سر كبير والاغلب ما بيقدر يحكي لهالسر
لجين بنت حلوة جدا شعرا الاشقر وعيونا الزرق ورسمة عيونا وبشرتا يلي متل الحرير وجسما يلي بجنن وطولا وروحا الحلوة والمرحة وتميزا بدروسا خلاها مميزة لكل مين بشوفا ..مستحيل حدن يشوفا وينساها هالبنت سبحانو الله كل ايات الجمال حطن فيها.. كانت اولة المدرسة وفجأة وحدة انعزلت عن الكل وما عادت اهتمت بدروسا وما بنشوفا غير سرحانة وشاردة.. انسات المدرسة حاولو معا كتير بس ما في نتيجة لهيك انا قررت باني حاول معا لعلا وعسا اقدر ساعدا
طق باب المكتب بهدووء
هديل: تفضل
لجين: مرحبا انسة
هديل: اهليين لجين...هلا حبيبتي تفضلي
لجين: ............
هديل: اقعدي لجين حبيبتي ارتاحي.. كنت بدي اياكي تساعديني .انت بتعرفي ابني زيد من عمرك وعم يواجه شوية صعوبة بالرياضيات وعطاني هالمسالتين.. وبصراحة منحرجة من الانسات اعطيهن اياهن يا ريت لو فيكي تحليهن بكون ممنونتك
لجين: ...........
هديل: لجين.. لجين..انت معي حبيبتي
لجين: هاا... بعتزر انسة انا لازم روح ع صفي
وقامت لجين من مكانا وبدا تطلع..
هديل: وقفي وقفي شوي..خلص ازا ما بدك بلاهن
لجين: بعتزر انسة كتير بس ..بس هالفترة تعبانة وما فيني ركز بشي
هديل: ما في مشكلة حبيبتي خلص بلاهن ولا يهمك..بس شبكي انت مرضانة شي؟ بصراحة الي فترة بشوفك مانك ع بعضك
تجمعو الدموع بعيونا للجين وانخنق صوتا: لا انسة ما فيني شي بس هالفترة مرضانة شوي
هديل: سلامة قلبك حبيبتي..بس لشو هالدموع .احكي لجين انت بتعرفي بانو انا رح اسمعلك منيح
زادو دموعا وصارت تبكي ..حضنتا وصرت مسحلا ع شعرا..
هديل: خلص اهدي حبيبتي اهدي
لجين: انا تعبانة انسة هديل تعبانة كتير
هديل: سلامة قلبك حبيبتي من شو تعبانة احكيلي لحتى ترتاحي
لجين: يا ريت لو فيني.. ما بقدر احكي بنووب
هديل: ليه حبيبتي لاتخافي من شي انا بوعدك حللك مشكلتك شو ما كانت انت بس احكيلي
لجين: يا ريت لو هالمشكة بتنحل يا انسة يا ريت
وحملت حالا وطلعت.. وقبل ما تروح
هديل: لجين.. انا جنبك حبيبتي وخليكي متزكرة مستحيل يكون في مشكلة مالا حل..وحتى لو مشكلتك مالا حل انا فيني اسمعك لحتى ترتاحي
لجين: بتشكرك انسة..عن ازنك
هديل: هالمسكينة باينتا مشكلتا كتير كبيرة..كيف فيني اعرف انا؟ انا لازم احكي مع اما
هديل: مرحبا انسة عبير(المديرة)
عبير: اهلين هديل تفضلي حبيبتي
هديل: يزيد فضلك..من بعد ازنك بدي تلفون اهلا للجين موسى حابي حاكي اما
عبير: قدرت تعرفي شي؟
هديل: لا والله بس شكلا هالبنت واقعة بمشكلة كبيرة
عبير: هاي الرقم تفضلي
هديل: هلأ رح دقلا
ام لجين: الوو
هديل: مرحبا..حضرتك ام لجين موسى
ام لجين: اي انا تفضلي
هديل: بصراحة حابة اقعد معك لاحكيكي بموضوع بخص لجين وما بدي لجين تعرف
ام لجين: خير ..صاير شي
هديل: لا ابدا.. بس وضعا للجين ما بطمن.. وحابي نحكي سوا
ام لجين: تكرمي.. بكرة رح اجي ع المدرسة
هديل: اي حبيبتي.. اهلا وسهلا
(الفصل الثاني)
دخلت المدرسة.. فتت ع غرفة الانسات ..يلي كل وحدة فيهن عندا قصة شكل.. ويلي كانت قاعدة بتحكي وتشكي هالمرة هي الانسة مريم.. انسة العربي..
مريم: لك والله مليت ..ما عاد فيني اتحملن.. لك بفيق ع نقن.. وبنام ع نقن ..وبطلع ع نقن وبفوت ع نقن.. والله تعبت.. كل يوم والتاني خناقة مع زوجي بسببون..
مريم.. صبية صغيرة عمرا 23.. متزوجة من جديد وهي هلأ حامل.. ساكنة بشقة مع بيت حماها.. ومتل ما سمعتو.. معزبينا كتير بحياتا.. مانن مراعيين ظروفا بانو موظفة وحامل..
بدن ياها متل مرت ابنن الكبير.. تضل عندن ع طول وتخدمن.. وهي ما بتتحمل هالشي.. وزوجا بدو يريح راسو من نق اهلو.. وكل يوم والتاني ع مشكلة جديدة..
هديل: طولي بالك حبيبتي.. بدك تصبري وتتحملي
مريم: لك لا تقولولي اصبر.. بدي طلقو وارتاح ..بكفي
هديل: مريم.. الطلاق مانو حل ابدا.. الطلاق سلاح الناس الضعيفة.. الست الشاطرة هي يلي بتحمي بيتا وبتحافض عليه ..مو يلي بتهدمو..
مريم: لك ما فيني ..والله تعبت
هديل: انت بتحبي لزوجك
مريم: بصراحة ما بعرف.. كنت حبو كتير.. بس بعد المشاكل كتير تخربطت مشاعري
هديل: انت لساتك بتحبي.. بس المشاكل عملت نقطة سودا بقلبك.. بيت حماكي بدن وقت ليتعودي ع ظروفك.. المهم انت تصبري وما تخربي بيتك.. وزوجك بالكلمة الحلوة بيقتنع.. ضلي فهمي بانو حياتك غير عن حياة مرت اخو.. مو بالعصبية بالهدوء.. ومرة ع مرة رح بيفهم ويبطل ينق ..
مريم: يا رب.. يسلمو هديل.. والله حكيك كتير بريح
هديل: تسلمي يا قلبي.. يا ريت لو فيني ساعدك اكتر
رن جرس الطابور وطلعو كل الانسات ليحضرو الطابور..
خلص الطابور ودخلت مكتبي.. بعد بشوي اندق الباب..
هديل: تفضل
ام لجين: مرحبا انسة ..كيفك.. انا اما للجين
هديل: اهلا وسهلا ..تفضلي.. كيفك
ام لجين: تمام الحمد لله
هديل: رح ادخل بموضوعنا مباشرة.. بصراحة كل الانسات عم يشكو من لجين.. هي كتير متغيرة.. ورقة امتحانا بتسلما فاضية.. الكل قلقان عليها
ام لجين: والله يا انسة هالبنت ما بعرف شو صرلا.. نقلبت فرد قلبة مرة وحدة.. ما عم تاكل متل الخلق ولا عم نشوفا.. ع طول حابسة حالا بغرفتا .. لك لاول مرة بحياتا بتقفل باب غرفتا ع حالا.. والله قلبي ما عاد تحمل.. والله بصحا بنص الليل لادعيلا..
هديل: طولي بالك.. ازا تساعدنا رح نحلا لمشكلتا.. لازم نقنعا انو تحكي
ام لجين: حاولت معا كتير بس ما نفع ابدا
هديل: رجعي حاولي بغير اسلوب.. حاولي تصاحبيها.. وانا رح حاول من عندي كمان
ام لجين: ان شاء الله.. بتشكرك كتير لاهتمامك ببنتي
هديل: لا تقولي هيك.. لجين متل بنتي
استازنت ومشت...
هديل: اخ يا ربي.. عم حل مشاكل الناس ومشكلتي ماني عرفانة حلا.. ربي تساعدني
سبق وعرفتكن عن حالي.. بس ما حكيتلكن عن مشكلتي.. مشكلتي من ربنا.. انا صرلي شي سنة ونص متجوزة ..ولهلأ ما حملت..
عملت فحوصات كتيرة.. وكلن بقولو باني ما بقدر جيب ولاد...
جوزي انسان راقي جدا بتعاملو بيحبني كتير وانا بحبوو.. طلبت منو يتزوج بس هو رافض.. انا انسانة بخاف الله وبعرف انو مو من حقي احرمو الولاد.. بس هو رافض الفكرة تماما.. رحت مبارح لعند حماتي وحكيت معا..
هديل: مرت عمي قنعي لعمر ما عم يقتنع مني.. انا ما بدي اياه ينحرم الولاد...
حماتي: الله يسعدك يا بنتي ويعطيكي من كل خير.. رح شوف شو بيطلع معي..
وهلأ حماتي عم تدورلو ع عروس ..مع انو لساتو رافض الفكرة..
وانا بين نارين.. نار الغيرة يلي بدا تاكلني.. ونار جوزي يلي بدو ينحرم من الولاد بسببي.. كانت امنية حياتي يكون ع حضني ولد.. بس ربنا مو رايد هالشي..
(الفصل الثالث)
هديل: رح روح اعمل فنجان قهوة لروق شوي
وانا طالعة لمحتا للجين رايحة ع الحمامات.. لحقتا فورا.. فتت ما لقيتا ..بس سمعت صوت بكي جايي من جوا حمام..
دقيت الباب..
لجين: لك روحو.. لهون كمان لاحقيني.. ما لقيتو غير هالحمام.. روحو من هون
هديل: لجين.. انا هديل.. طلعي حبيبتي
لجين: انسة بترجاكي.. تركيني بحالي
هديل: ما رح احكي معك شي ..بس طلعي
نطرتا شوي لطلعت.. كان وشا اصفر وعيونا منفخين من البكي..
هديل: يا روحي انا.. تعي تعي معي.. كنت رايحة لافطر بس شفتك رجعت
مسكتا من ايدا ورحت اشتريت من مقصف المدرسة معجنات وعصير وقعدت معا بحديقة المدرسة..
هديل: كلي حبيبتي.. ما فيني اكل وانت متصفنة فيني
لجين: مالي نفس
هديل: اي وانا كمان ما كان الي نفس ..بس وقت شميت ريحة المعجنات اجيت ركض لهون.. كلي وما حتندمي..
اخدت من ايدي قطعة وقعدت تاكل.. ما قدرت تكملا لانو نخنقت بدموعا يلي ما قدرت تثبتن ابدا..
ضميتا وصرت مسحلا ع شعرا...
هديل: خلص يا عمري اهدي اهدي
كانت طفلة صغيرة بين اديي عم تبكي وتتنهد ..و باين عليها قديش هي تعبانة وقلبا موجوع..
بقيت معا لهديت شوي..
لجين: شكرا انسة هديل ..صار لازم روح
هديل: الله معك يا روحي.. بس ضلي متزكرة وقت يلي بدك تحكي انا رح اسمعك ووقف جنبك
لجين: شكرا انسة..وقربت مني وباستني وراحت بسرعة من غير ما تطلع فيني
قمت من الحديقة وكملت مشواري ع المطبخ وعملت فنجان قهوة ..وكنت بدي اطلع وقت سمعت ام علي الاذنة وزوجا ابوعلي الحارس واقفين وبيحكو ...
ام علي: والله مليت من بخلك.. لك هاي بنتك بنتك ..والله بوتا تلفان حرام عليك
ابو علي: هلأ هيك صار؟ بخلي.. لك اتقي ربك.. لك مانت عارفة انو ما معي.. شو بعملك انا
ام علي: لك والله قلبي محروق.. لك شوف الانسات.. كل يوم لبسة شكل ..وكلن ماركات.. لك غير اكلن يلي نصو ما بعرفو.. وانا كل يلي طلبتو بوت لبنتك
ابو علي: لا اله الا الله.. لك الله يهديكي.. لك كم مرة قلتلك لا تقارني حالك بغيرك.. وضعنا احسن من كتير غيرنا
ام علي: احسن من مين.. لك عم تواسي حالك بهالحكي.. مانو احسن ولا شي
طلعت من المطبخ..
هديل: يعطيكن العافية
ابو علي.. ام علي: الله يعافيكي يا رب
وتركتن ومشيت.. بعدا بشي خمس دقايق خلصو حديثن وكل واحد فيهن راح لشغلو..
وانا رحت لعند ام علي..
هديل: يعطيكي العافية.. فيني احكي معك بمكتبي
ام علي: اي يالا هلأ بجي
ام علي ست باول التلاتين.. لساتا صغيرة بس الهم مكبرا شي عشر سنين.. وزوجا ابو علي الحارس.. بيكبرا بخمس سنين.. رجال طيب وخدوم..عندن ولدين وبنت متل القمر..
سبقتا لام علي ع المكتب وهي خلصت شغلا ولحقتني..
هديل: تفضلي تفضلي ام علي.. تعي
ام علي: خير انسة في شي
هديل: هلأ انا بصراحة.. سمعت حديثك مع زوجك وقت كنت طالعة من المطبخ.. وحابة احكيلك كلمتين..
ام علي: تفضلي
هديل: هلا مزبوط انو انتو وضعكن المادي مو كتير وناقصكن كتير شغلات.. بش جوزك رجال محترم وبيحترم يلي حوالي..
واسم الله عندكن ولدين وبنت.. عندكن بيت يحميكن..
لا تفكري بانو الكل مبسوط.. المصاري ما بتجيب السعادة ابدا.. ليكي انا.. لك والله مشتهية شي ولد حطو بحضني.. شو نفعت المصاري.. لك وفوقا بدي جوزو لزوجي.. لك قاعدة بقتل حالي بئيدي..
واطلعي عليهن للانسات.. كل وحدة فيهن عندا قصة مخبايي.. كنت موجودة الصبح وقت الانسة مريم كانت تحكي وسمعتي شو قالت... وقديش حياتا متعبة لدجة انو بدا تتركو لزوجا .. قلوب الناس مقفلة.. والمفتاح بئيدن هني وبس.. لا تغرك المظاهر ابدا
ام علي: والله بكيتيني... ربي يسعدك ويحققلك مرادك.. انت انسانة ما في منك.. والله كنت عم احكي من حرقة قلبي ..بس فعلا الحمد لله ..يلي بشوف مصيبة غيرو بتهون عليه مصيبتو.. صار لازم روح
هديل: الله معك
( الفصل الرابع)
مضى ع قصتا للجين شي اسبوع كامل والبنت لساتا رافضة تحكي ايا شي...
ام لجين: الوو.. مرحبا انسة هديل
هديل: اهلا.. كيفك ام لجين
ام لجين: ماني منيحة والله.. انا تعبت كتير معا للجين .. عم حاول معا انا وبيا بس البنت رافضة تحكي مع ايا شخص..
هديل: اي ماشي حبيبتي.. انت لا تخافي وما تملي ضلي حاولي بس من غير ما تحسسيها بانك بدك ياها تحكي شي..وانا رح تابعا لا تخافي
ام لجين: يا رب.. غلبتك انسة
هديل: لا ..الله يسامحك شو هالحكي هاد
وانا عم احكي معا دخلت لعندي ام علي...
ام علي: انسة هديل.. تعي بسرعة.. البنات ماسكين شعور بعض
هديل: شوووو.. جنو هدول شي
رحت معا ركض لقيت بنتين متشابكي وواصلة معن للشعر والضرب بالادين..
هديل: لك شو هاد ..شو عم تعملو.. نزلو اديكن بسرعة
رايا: انسة والله هي يلي بلشت
نغم: كزابة.. هي يلي بلشت
هديل: هشششش ولا كلمة ..تعو وراي ع المكتب
سحبتن ع المكتب ..
هديل: لك يا عيب الشوم عليكن.. مو عيب صبايا متلكن يعملو هيك.. وانت يا نغم ..مو عيب تحكي عن رفيقتك كزابة وقدام الكل كمان
نغم: انسة هي ع طول بتستفزني.. وانا ما بتحمل ابدا
هديل: كيف بتستفزك
نغم: كل ما صار شي بتبلش تعيرني باني من ميتم.. وتحكيلي بنت حرام
هديل: يا عيب الشوم عليكي يا رايا.. لك شو هالحكي هاد.. هاي رفيقتك وما بصير نعايرا بيتمها..
انت بتعرفي شو مكانة اليتيم بالاسلام.. ربنا عطاه مكانة خاصة.. كل واحد بيعاملو معاملة منيحة ولو ضحك بوشو بس الو حسنات كتير..ربنا قال.. واما اليتيم فلا تقهر.. فهمانة شو يعني انو ربنا ينهانا عن قهر اليتيم بالقران..
اطلعت رايا فيني واتصفنت انو متفاجئة كتير..
هديل: يعني انو انت هلأ عملتي جريمة كبيرة.. ويمكن تفوتك جهنم ازا ما اعتذرتي..
رايا: والله ما كنت بعرف انسة.. اسفة كتير
هديل: لا تتاسفي الي.. تاسفي لرفيقتك
رايا: اسفة كتير نغم
هديل: اي هيك ها.. سلمو ع بعضكن وما عاد بدي شوفكن متخانقين
رايا.. اما وبيا منفصلين وهي يوم عند بيا ويوم عند اما.. وتنيناتن متجوزين.. وتنيناتن ما بدن اياها.. هالشي هاد اثر كثير ع نفسيتها.. وصارت البنت تحاول دائما تلفت الانتباه الها بايا طريقة.. يوم صراخ ويوم مشكلة.. ويوم ..ويوم...وصارت عدوانية ع كل يلي بيقرب منا...
اما نغم فهي ضحية ست سلمت حالا لواحد ندل.. هي ربيت بميتم.. ما بتعرف لا بيا ولا اما الحقيقيين.. ربنا يسرلا ناس مقتدرين وما عندن ولاد وتبنوها وربوها.. هالبنت تربيتا بالميتم خلتا من النوع يلي مستحيل يتنازل عن حقو.. بتاخدو ولو ع موتا
تصالحو البنات وراحو ع صفن.. وانا رجعت لهمي وغصتي.. كل يوم بكون خايفة بايا لحظة حماتي تتصل فيني وتقلي لقيتا للعروس..
بدي تلقا وما بدي.. نار بقلبي وعقلي..
هديل: هلأ بجن ازا ضليت هون لوحدي.. بدي روح شوف الانسات
فتت ع غرفة الانسات وكانت فاضية ما فيها غير الانسة مرام ..انسة الرياضة..
هديل: مرحبا.. كيفك مرام
مرام: اهلا انسة هديل
هديل: شبك.. مانك ع بعضك اليوم
مرام: والله ما بعرف شو بدي قول.. مخنوقة
هديل: سلامة قلبك.. شو في
مرام: لك معقول في اهل بالكون كلو متل اهلي
هديل: شبهن
مرام: لك بدن يزوجوني لرجال عمرو 65سنة.. لك وربي بقرف ..بدن ياني اتزوجووو
هديل:هههههه عم تحكي جد
مرام: ضحكي ضحكي.. لهالدرجة البنت بنضرهن عالة.. ما عم افهم
هديل: ليكي حبيبتي.. نحنا يلي بنعمل بحالنا هيك.. لانو قوانين هالمجتمع نحنا يلي حطيناها ونحنا يلي متمسكين فيها وماشيين عليها.. يعني البنت عندن ازا وصلت 25سنة بتكون عانس.. ونصيبا بكون لرجال كبير بالعمر او مطلق او ارمل لتربيلن ولادن
مرام: والله معك حق.. نحنا يلي عملنا بحالنا هيك
هديل: اي بس انت رفضي اوعك تقبلي.. انت مانك صغيرة ..وموظفة كمان .. خلي قرارك بئيدك
مرام: لك لو يدبحوني ما رح وافق.. مستحيل
مرام انسة رياضة.. عمرا 30 سنة.. نصيبا ما اجاها مع انو خلقتا حلوة.. بس سبحان الله مالا نصيب
(الفصل الخامس)
مشت ايام المدرسة .. وعلاقتي بلجين تحولت من علاقة انسة بطالبة لعلاقة رفيقة لرفيقتا... كل يوم نقعد سوا ونحكي سوا.. وكل يوم احكيلا عن مشكلة شكل وخبرا كيف صاحبة المشكلة قدرت تحلا بحكمتا ورفضا لمشكلتا...
هديل: ايا مشكلة ممكن تنحل بس في قواعد مهمة لحل المشكلة..
لجين: وشو هي هالقواعد
هديل: اهما شي انو انت يكون عندك ارادة لحل هالمشكلة وما تستسلميلا شو ما كانت.. وبدك تقتنعي بانو ربنا ما بحط داء الا والو دواء.. يعني كل مشكلة والا حل.. وبدك كمان تصبري.. وتصبري.. وتصبري.. يلي بدو يحل مشكلتو بدو يصبر كتير.. واخر شي هو مشاركة هالمشكلة مع يلي بنوثق فيهن ويكون باديهن الحل..
لجين: احيانا بتكون المشكلة مانا من النوع يلي ممكن ينحكا.. لهيك بنتربط وما بنعرف كيف نتصرف
هديل: اي صح.. بس ازا كان هالشخص محل ثقة ممكن انو نحكيلو ايا نوع من المشاكل
قطع حديثنا صوت بنت بتصرخ باعلا صوتا...
ركضت بسرعة لشوف شبها ..فتت ع صفا وكانت لجين وراي.. كانت البنت تصرخ وتقول اخي حبيبي اخي..
هديل: شبها.. شو صاير
انسة الفيزياء: (بتبكي) خيا مات
هديل: وكيف بتخبروها هيك خبر بهالطريقة
انسة الفيزياء: بنت من البنات خبرتا.. ما كانت بتعرف انو ما معا خبر
مسكت بئيدا للبنت ووقفتا وحاولت انو هديها.. وهي تصرخ ومنهارة.. التفتت ع لجين كانت تبكي بحرقة وكانو خيا يلي مات...
ضميتن تنيناتن: لا بقى تبكو يا روحي.. ربي يرحمو
لجين: يا ريتو كان خيي يلي مات
انا انصدمت من كلمتا.. وتصفنت فيها لاتاكد انو حكت هيك..
هديل: شو يلي قلتي
ضلت ماشية وما ردت.. ندهتلا وما التفتت.. راحت وهي عم تبكي بحرقة وتردد بكلمتا: يا ريت لو اخي يلي مات... يا ريت لو اخي يلي مات..
رجعنا البنت لعند اهلا لتحضر عزا خيا وكنا راجعين ع المدرسة انا والمديرة الانسة عبير..
هديل: انسة عبير.. بدي روح لعند اهلا للجين ضروري
عبير: صاير شي جديد
هديل: لا.. بس حابة احكي مع اما
عبير: اي ماشي ليه لا.. هلا بوصلك لعندن.. بس ما رح ادخل معك
هديل: اي ماشي
وصلتني لباب بيتن وراحت..
دقيت الباب وفتحتلي اما للجين.. واستقبلتني بكل محبة.. بيتن كان كلو دفا ومحبة.. الحب والحنية كان باين بكل ركن من اركان بيتن..
ام لجين: اهلا وسهلا.. تفضلي شربي قهوتك قبل لتبرد
هديل: يسلمو كتير.. ....... اجيت لاحكي معك بشي مهم كتير
ام لجين: تفضلي
هديل: بدي اسالك عن علاقة هديل باخوتا ..كيف
ام لجين: انا ربنا ما رزقني غير هديل وعصام.. ما في غيرن.. وعلاقتن كتير منيحة مع بعض.. ما كانو يفارقو بعض بنوب
هديل: وهلأ كيف علاقتن
ام لجين: ما بعرف بالزبط.. احيانا بحسا بتخاف منو ..بس هي هالفترة مانا مفهومة ابدا
هديل: ام لجين.. اليوم عنا بالمدرسة بنت خيا مات.. لجين اجت وشافت البنت وهي عم تصرخ.. بكيت كتير وقالتلي ..يا ريت لو كان خيي يلي مات..
ام لجين: كييييييف ...لك وليه لتحكي هيك
هديل: انا جيت لهون لاسالك هالسؤال.. هني اختلفو شي بهالفترة؟
ام لجين: ابدا
هديل: بتوقع انو عرفنا سبب حالتا للجين.. ع الاغلب ابنك عصام.. اما عاملا شي او ماسك عليها شي شغلة.. وع الحالتين ضروري نفهم ونحلو للموضوع.. اليوم بدي منك تسالي لعصام وسؤال مباشر من غير لفة ودورة... انت شو عامل باختك؟ وبدي تراقبيلي منيح ردة فعلو
ام لجين: ان شاء الله
هديل: وهلأ صار لازم استازن.. بتشكرك ع استقبالك
ام لجين: انا يلي بدي اتشكرك ع اهتمامك ببنتي
(الفصل السادس) والاخير
مشيت من عندن ورجعت ع المدرسة.. كنت بدي فوت لمكتبي وقت شفتا لشهد..
هديل: شهد.. شهد
ركضت لعندي شهد..
شهد: اي انسة هديل
هديل: لك شو هالحلا هاد
شهد: هالحلا بفضلك انسة.. انت السبب بتغيير شكلي كلو
هديل: لا تقولي هيك حبيبتي.. ارادتك هي يلي عملت هيك.. استمري وجد برافوو عليكي
شهد: شكرا كتير انسة
شهد بنت قبل شهر بس لتقيت فيها تحت شجرة بحديقة المدرسة عم تبكي..
قبل شهر
هديل: لك ليه عم تبكي
شهد: البنات يا انسة.. ما حد فيهن بيقبل يمشي معي.. وبيتمألسو علي لانو سمينة
هديل: ما علي حبيبتي ولا يهمك.. بس انو انت ولا مرة حاولتي تغيري من وضعك
شهد: ما قدرت انسة... بجوع كتير والله
هديل: سمعي بدي احكيلك كيف فيكي تنحفي ومن غير ما تجوعي
شهد: يا ريت انسة
هديل: ما رح احرمك من شي بس انو بدك تاكلي وجباتك الاساسية بوقتا بس.. وبين الوجبات ما تاكلي شي ابدا.. وازا جعتي كلي خضرة ..وشربي مي كتير.. ووقت يجي ع بالك شي حلو لا تاكلي شكلا كلي فاكهة.. قطعة شوكولا صغيرة كل يوم بتكفيكي ..جربي وما حتندمي
شهد: بحاول انسة
وهاي بعد شهر بس شهد صارت بنت تانية.. وعلاقتا برفقاتا كتير تحسنت..
***************
مشا هاليوم وتاني يوم.. دقيت لاما للجين لاسالا شو صار معا..
ام لجين: والله سالتو يا انسة بس ما عترف بشي.. تلبك كتير بس ما اعترف بشي.. بس من ردة فعلو تاكدت انو هو السبب..
هديل: انا رح حاول مع لجين ولا يهمك
ناديتلا للجين لعندي..
هديل: لك ما شتقتيلي ..ليه ما اجيتي لندردش سوا
لجين: والله شتقتلك انسة كتير
هديل: اليوم انا بحاجتك لتنصحيني كيف اتصرف
اطلعت فيني بعيون مليانين براءة وهي فرحانة كتير
وهزت براسو انو اي..
حكيتلا قصتي كلا.. وهي قصتي ..قلبي واجعني كتير وماني عرفاني اتصرف..
لجين: والله يلي بشوفك مستحيل يسدق انو عندك هيك مشكلة بحياتك
هديل: لحتى تعرفي بانو كل واحد فينا عندو مشكلة مقلقتو.. وهلأ بدي منك تحكيلي شوي عن عصام
تلبكت وبين الحزن والغضب بعيونا..
هديل: عم اسمعك.. نحنا رفقة وبدي تحكيلي كلشي
لجين: اخي عصام........ وحطت دياتا ع عيونا وبكت كتير.... كنت حبو اكتر من روحي.. كان خيي ورفيقي وكلشي حلو بحياتي.. لهداك اليوم يلي فقت فيه بالليل ع ايد كانت ع جسمي.. نقزت وقمت من مطرحي لشوف مين يلي ايدو ع جسمي.. وللاسف كان اخي عصام..
وقت شفتو اعتزر مني وراح ع غرفتو.. وتاني نهار ترجاني ما احكي لاهلي شي ووعدني ما يعيدا.. انا من حبي لالو صدقتو ووثقت فيه وما حكيت لاهلي..
بعد بيومين...( زادت بالبكي وغصت).....كنت نايمة وفقت ع حالي ما كان علي شي من يلي كنت لابستو.. انصدمت وما عرفت شو لازم اتصرف.. وخفت كتير... وما وقف الامر ع هيك.. بعد بشي تلت ايام اجا لعندي وطلب مني انو نام معو ووعدني ما يئزيني رفضت طلبو وما قبلت ..بس هو مسكني بالغصب وعمل عملتو..
وانا من يوما والدنيي مقفلة بوشي ..ما بدي عيش.. بدي موت..
هديل: وليه سكتي.. ليه ما خبرتي امك
لجين: ما فيني انسة.. هو حكالي ازا قلتلا رح يرجع يعيد الشغلة معي وبالغصب.. وانا كتير خايفة.. صرت ع طول احبس حالي بغرفتي وقفلا.. اجا شي تلت مرات وهني اهلي مو موجودين.. كان يوقف باب غرفتي ويضل يدق بدو افتحلو.. وكان يعصب كتير مني لانو ما افتحلو
هديل: اول شي رح اخدك ع دكتورة لاطمن ع وضعك.. وتاني شي انت ضروري تحكي لامك.. ما بصير تخبي عنا.. اخوكي لازم ياخد جزاتو.. وبس تقليلا ما رح يسترجي يقرب منك..
فورا اخدتا للجين ع دكتورة نسائية لحتى اطمن عليها قبل ما خبر اهلا.. والحمد لله كانت لساتا بنت.. هالشي ريحا كتير للجين واقنعا بانو نخبر اما..
حكيت مع اما للجين وخبرتا بيلي قالتو لجين
هي ما قدرت تستوعب الموضوع.. لانو الموضوع مو خرج يتصدق ...
ما بعرف كيف اتصرفت الام.. او يمكن الاب معو لعصام... بس يلي بعرفو انن تصرفو صح..
لانو لجين رجعت لطبيعتا القديمة ودراستا رجعت تحسنت..ونفسيتا كتير تحسنت عن قبل..
بس طبعا ما كان الموضوع بهالسهولة.. تعبت كتير معا انا واما لقدرنا نرجعا لجين القديمة...
عبير: هيك بدك تتركينا طول هالفترة.. والله هالمدرسة ما فيها بلاكي
هديل: ربي يسعدكن.. بس انت بتعرفي وضعي.. هالسفرة حتكون للعلاج.. هاي اخر محاولة لالنا
عبير: ربي يتمملكن ع خير بالسلامة حبيبتي
زوجي رفض قطعيا بانو يتزوج .. بعد ما امو شافتلو بنت.. عمل مشكلة كبيرة معا لامو ورفض يرضخ لرغبتنا انا وامو..
فرحت كتير انو هو بحبني لهالدرجة... بس بنفس الوقت حسيت بغصة وتانيب ضمير..
ومن بعدا زوجي اصر بانو نسافر لبلاد برا لارجع اتعالج كرمال الحمل...
وهلأ هالموضوع مضى عليه ست شهور .. عم احكي معكن وولادي التوام عم يدافشو فيني ببطني..
حكيتلكن حكايتي لحتى تعرفو بانو البيوت اسرار والقلوب كمان اسرار.. لا تفكرو بانو ما حد حامل هموم غيركن.. كلنا عنا هموم.. وكلنا دافنين وجع بقلبنا ما بيمحي الزمن ابدا..بس ما لازم نستستلم لهالوجع ابدا ..بدنا نقاوم ونقاوم لحتى نقدر نكفي حياتنا ونحنا مرتاحين..
ربي يفرج كربكن.. ويخفف وجعكن.. حبكن كلكن..
انتهت...