الفصل الاول
محمد..لك يا بنت الكلب لك هالحكي علي وع اهلي. لك رح كسر عضامك رح اطلع بروحك لك يا...
لمى..لك خلص لك حاج الله يكسر ايدك يا محمد لك الله ياخدك خلص بكفي بكفييي
محمد..سمعي ولي لمي غراضك رح اخدك لبيت اهلك ما الك عندي مطرح بسرعة بسرررعة
لمى..مااا رح اطلع من هون مااا رح روح
محمد.. لك لا تخليني انبلى فيكي مووو بكيفك بسرعة لمي تيابك خلصيييي
أنا لمى مدرسة انجليزي صبية حلوة عيوني بيسحرو (متل ما كان محمد يحكيلي )..وشعري خروبي طويل ووشي هادي وطفولي ..الدكتور محمد زوجي شب حلوو طويل وعيونو وشعرو سود..بيهتم بحالو كتير وبيدرب كمال اجسام
وعيت ع هالدنيا ما الي غير دراستي وكنت ع طول متفوقة.. قدمت البكالوريا ونجحت فيها بامتياز.. ومن بعدا ع طول انخطبت من محمد زوجي.. ومن لما تمت خطبتي حكمت ع حالي بالشقا والتعتير..اهلو لمحمد ناس متسلطين كتير ربو ولادهن انهن يكونو تحت جناحهن والكلمة الاولى والاخيرة لالهم مو لولادهم وهون كانت مشكلتي مع محمد.
الفصل الثاني
محمد شب بتحلم فيه ايا بنت متعلم ومثقف وحلو واكابر..لكن فعلا الكمال لله..كانت مشكلتو برضوخو الدائم لاهلو
حبيتو لمحمد كتير وتعلقت فيه بشكل جنوني عشقت كل تفاصيلو وصار هو الحياة بالنسبة لالي
خطبتنا كانت حلوة كتير بالرغم من كل المنغصات يلي كانت فيها كنا نمضيها سوا ع طلعات ومشاوير كانت حياتنا كلا هبل ومزح الضحكة ما كانت تفارقنا ابدا ع طول ضحك وهبل وكأنو لساتنا ولاد صغار ما كنا نخلي نكتة ولا نهفة الا ونعملا.. روحنا كانت طفولية وبريئة
محمد..ليك لمى لك هدول شكلن خطاب متلنا
لمى..ئي صح باينتن خطاب
محمد..لك طب ليه هيك عابسين ليه ما عم يضحكو متلنا لك باين شروشنا طقو من هالخطبة
لمى.. والله هيك باينتو حبيبي. لانو ما عم شوف خطاب عم يضحكو متلنا
محمد..لك لمى حبيبي هلأ ليه كل ما عم اطلع بعيونك بحس قلبي رح يوقف
لمى..
محمد..دخيلو يلي عم يخجل بتعرفي انت كلشي فيكي بجنن وبكل حالاتك بتجنني ..انا عم دوب لمى عم مووت
لمى..بعيد الشر عنك
محمد..لا ولووووو لك والله رح تموتيني بحركاتك ونظرات عيونك
لمى..محمد انا عم قول خلينا نمشي من هون
محمد...
هيك كانت حياتنا كلا حب ودلع وغزل وهبل ومجننة وضحك
بس مشاكل اهلو لمحمد ما كانت تخلص كانو يعملولي مشاكل ع اتفه الاسباب وحتى من غير اسباب لدرجة كنت بس شوفو لعمي ابو محمد يقفل قلبي.. مضينا خطبتنا ع هالحال ومشت الايام فيها بالزور واجى اليوم الي رح يجمعني بحبيبي محمد وتزوجنا ومرق العرس كمان بالزور وكان كلو مشاكل ومنغصات.
الفصل الثالث
فتنا ع بيتنا وتسكر الباب علينا كنت حاسة حالي فراشة وطايرة بالسما من فرحتي. قرب علي محمد وباسني من جبيني وحط ايدو ع راسي وقرالي دعاء حلو كثير ودعا ربنا بانو يوفقنا بحياتنا دمعو عيوني وهو عم يدعي وتمنيت من كل قلبي باني كون زوجة صالحة لمحمد... فتت ع الحمام وتحممت وصلينا انا ومحمد ركعتين شكر لربنا..ومشت ليلتنا متل اي تنين متزوجين وبحبو بعض..كان انسان حنون وفهمان بكل معنى الكلمة وزاد حبي الو اضعاف اضعاف..
وهون بلشت المرحلة التانية بحياتي مع محمد وبلش نق اهلو الي ما بخلص وطلباتهم يلي بتوجع القلب
حماتي..لك لمى فيقي فيقي الساعة صارت 8فيقي شو هالنووم هاد ..قومي اعملي كاسة شاي لعمك قومي عملي فطور قومي بلا كسل يالله
لمى..حاضر
كنت كل يوم فيق ع هالموشح من حماتي..كرهت حالي من نقهم ومن اسلوبهم المستفز كان كل حكيهم متل السم كان بس هدفهم يضلو يجرحو فيي وكانهم كانو عم ينتقمو مني.. وحرموني زيارة اهلي غير معهم.. كانت حياتي لا تمت للانسانية بشئ كنت متل الحيوانة عايشة معهم ع شغل طول النهار والليل من شطف لتنضيف لغسيل لطبيخ لضيافة وما كان مسموحلي فوت بيتي غير باخر الليل..كنت فوتو بس لحتى نام وكل هاد ما كان عاجبهم وع طول يسمعو حكي كانت حياتي كئيبة بكل معنى الكلمة..بيتي كان يضل اسبوع ما اشتغل فيه شي لانو ما كنت افضالو وكنت بس فوتو باخر الليل يكون جسمي مهدود ومالي خلق انضف او اعمل شي.. مرت اول فترة وبعدا نزلت مواد جديدة للجامعة وبلشت الهي حالي شوي بدراستي ع امل اتنفس شوي من الضغط يلي كان علي ..كملت دراستي وتخرجت وخلفت ولد وبنت ولسا حياتي متل ما هي ..ما كان في شي يواسيني فيها غير محمد يلي كان شايف ظلم اهلو الي ومانو قدران يحكي ولا يمنعهم..انا من حبي لمحمد ما كنت اشكيلو شي لاني عارفة بانو ما رح يطلع بئيدو شي ..كنت بس انخنق منهم حط راسي ع كتفو لمحمد وانسى كل مشاكلي وهمومي..حضنو كان ملجئي الوحيد وقت تسود الدنيا بوجهي.. كل همهن كان بانهم يبينولي قديش انا فاشلة اقنعوني باني زوجة فاشلة وكنة فاشلة كانو عم يهدو شخصيتي شوي شوي
تخرجت وقعدت بالبيت وبلشت اعمل كلشي بدهم اياه واكتر كمان ..كنت اعمل الشغلة من غير ما يطلبوها حملت البيت كلو ع كتافي وخدمتهم كلهم من الكبير للصغير ومشيت متل ما بدهم بالزبط لدرجة كنت اقعد معهم واحكي ع اهلي لحتى ارضيهم.. ما خليت شي الا وعملتو لحتى يرضو وبالفعل بلشت علاقتي فيهم تتحسن وبلش نقهم يوقف لانو اصلا ما عاد في شي ينقو عليه.. كانت علاقتي مع محمد عم تقوى يوم عن يوم وكان هو وولادي محليينلي دنيتي ومنسييني همي.. الكل كان يحسدنا انا ومحمد ع علاقتنا مع بعض كانت محبتنا لبعض ملفتة ..كنا متل عصافير الحب.. بس هالعصافير كانو محبوسين ومخنوقين من يلي حواليهم
الفصل الرابع
مشت الايام والسنين والحال متل ما هو كنت متل الخدامة لبيت حماي ومن تم ساكت وزوجي شايف وساكت وبيوم ما بعرف شو يلي خلاني اطلب من محمد روح زور اهلي انا وولادي
لمى..محمد حبيبي اشتقت لاهلي حابي روح مضي النهار عندهم
محمد..ئي ليش لا حبيبتي جهزي حالك ورح وصلك بس مري ع اهلي قبل ما تطلعي لحتى يعرفو بانك طالعة
لمى..حاضر حبيبي
جهزت حالي وولادي ومحمد جهز حالو لحتى يوصلنا ورحت لبيت حماي لحتى يعرفو باني طالعة ...كنت مفكرة بانو خلص تغيرو وبانو الحال معهم تغير..بس ما في شي بغير القلوب السودا ..اول ما شافوني لابسة
ابو محمد.. شوو لوين رايحين
لمى.. لبيت اهلي عمي حابي قضي النهار معهم
ابو محمد..شووو ومن ايمتا انت بتروحي لحالك خليكي وبعد الغدا بنروح كلنا سوا
حملت حالي وما حكيت ولا كلمة ورحت لمحمد وحكيتلو.. كنت متوقعة انو محمد يحكي مع ابوه بس محمد وكالعادة ما حرك ساكن ومشى متل ما بدو ابو ..انا هون ولع قلبي وحسيت حالي رح انخنق من قهري وما لقيت غير محمد بوجهي لحتى نفس شوي من قهري..كل شريط حياتي معهم مر علي بهديك اللحظة وحسيت قديش انا وحدة غبية
لمى..لك يا محمد لك لايمت رح تضل ساكت انا ما عاد فيني اتحمل اهلك
محمد..لمى اسكتي وما تصرخي خلص حكالك بنروح سوا
لمى..ئي لا ما بدي روح مع حدا روح انت واهلك انا ماني رايحة يا محمد ماااااني رااايحة لك والله هالحياة ما عادت تنطاق لك انا تعبت تعبت
محمد..لك عم احكيلك وطي صوتك لا تصرخي
لمى..لك بدي صرخ بدي جمع الدنيا كلا عليكم انا تعبت منكم وتعبت منك يا محمد.لك لايمت رح تضل ساكت
وهون محمد ولاول مرة ضربني كف ..حسيت حالي رح موت من قهري نااار وشعلت بصدري وما عدت طايقة محمد ولا اهلو.
ومن بعد هالموقف وهاليوم قررت بانو وقف غباء وابعد عنن كلهن ما عدت اشتغلت معهم متل قبل ولا حتى قعدت معهم وبس شافو تصرفاتي رجع الوش القديم ورجع الحكي والنق والبهادل بس هالمرة كان ع ذل اكبر وقهر اكبر.. صارت كل حياتي مقت وقهر ومحمد يلي كان هو ملجئي صرت حسو متلهم ويمكن اسوأ منهم ..ما عدت طايقتهم وحسيت هالبيت متل القبر يوم عن يوم عم يقفل ع صدري اكتر.. وبيوم كنت عم احكي مع بابا ع المسنجر وشكيتلو عن محمد وسكوتو عن اهلو وشكيتلو عن تصرفات اهلو ..وما بعرف كيف محمد شاف المحادثة..
الفصل الخامس
يوما اجى محمد من شغلو وعيونو متل الجمر وناداني ع بيتنا
محمد..لمى انت شو حاكيي علي وع اهلي لابوكي
وقبل ما جاوبو كان ضاربني كف من قوة هداك الكف وقعت بارضي
محمد..لك يا بنت الكلب لك هالحكي علي وع اهلي. لك رح كسر عضامك رح اطلع بروحك لك يا...
لمى..لك خلص لك حاج الله يكسر ايدك يا محمد لك الله ياخدك خلص بكفي بكفييي
محمد..سمعي ولي لمي غراضك رح اخدك لبيت اهلك ما الك عندي مطرح بسرعة بسرررعة
لمى..مااا رح اطلع من هون مااا رح روح
محمد.. لك لا تخليني انبلى فيكي مووو بكيفك بسرعة لمي تيابك خلصيييي
لبست تيابي وانا حاسة قلبي رح يوقف كان كل جسمي منفخ من ضربو.. بس كل وجع جسمي ما كان هاممني وجع قلبي كان اكبر بكتير ..لك محمد يلي كان روحي ويلي كان بسمتي صار وجعي
تمنيت موت بهديك اللحظة تمنيت الدنيا توقف والحياة تخلص..جهزت حالي والدموع بعيوني ما رضيت اخد معي ولااا شي ما كان بدي منو شي كنت بس بدي اخلص من محمد ومن اهلو حتى ولادي خليتهم عندو لمحمد وطلعت مكسورة الخاطر.. وصلت بيت اهلي وجسمي كلو ازرق ومنفخ بابا من لما شافني جن جنانو
بابا..لك شو هاد يا بنتي شو هاد.. الله يكسر ايدو لك هلأ صار رجال؟ هاي هي الرجولة عندو بضربك لك ليه ما صار رجال ودافع عنك وقام الظلم عنك
لمى..
ما كنت حسناني احكي شي كان وجع قلبي اكبر بكتير من انو ينحكا عنو شي مضيتها بكي والكل عم يحاول يخفف عني.. كنت ضايعة وتعبااااانة ما كان في شي بكل الدنيا بيقدر يوقف الوجع يلي بقلبي ولا في شي بيقدر يمحي ضربو لمحمد والوجع يلي خلاه بقلبي
مرق اول يوم والتاني ومحمد ما سال وانا كل يوم يمرق علي وكانو سنة كاملة كنت عم مووت بدي محمد بدي حط راسي ع كتفووو بدي ابكي ع كتافو واسالو ليش ليش هيك عمل فيني. ليه كسرلي قلبي.ليه تخلى عني.كنت مشتاقيتلو ومشتاقة لولادي ..وبعد باسبوع اتصل محمد ع بابا بس بابا ما رد عليه.. رجع تاني يوم اتصل ورد عليه بابا وبهدلو وسكر الخط بوجهو
انا ما تحملت كل الضغط النفسي ووالوجع يلي بقلبي حسيت بانو خلص ما عاد بدي عيش بس بدي موت انهرت وودوني ع المشفى
لمى..محمد محمد محمد
بابا..لك لساتك عم تحكي محمد يا بنتي ..لك انسيه والله ما بيستاهلك والله
لمى..
طلعنا من المشفى وبعدا بيوم اجو ناس كان باعثهم محمد لحتى يحكو مع بابا وبابا طلب منهن بانو محمد ييجي لحتى نتفاهم
بابا..لمى يا بنتي ما في اب بحب لبنتو الطلاق بس محمد مانو رجال ومانو حمل بيت وولاد محمد ما بيستاهلك يا بنتي بس القرار الاول والاخير بيرجع لالك
لمى..بابا محمد طيب. بس ضغط اهلو عليه هالفترة خلاه يفقد صوابو وأنا ما بدي اتخلا عنو ع أول مشكلة بيناتنا ولا بدي عيش بعيدة عنو ولا عيش ولادي بين أب وأم مطلقين
بابا..لمى انت متاكدة من قرارك؟ يعني ما رح تندمي بعد هيك؟
لمى.. ما بعرف بابا بس حابة اعطي فرصة لحالي ولمحمد لنرجع نرتب حياتنا مرة تانية
بابا..ماشي يا بنتي ان شاء الله ما تكوني تسرعتي بقرارك
المسا اجى محمد وقعد مع بابا وصار بينن حكي كتير
بابا..بكفي يا محمد بكفي..لك هاي امانة عندك ليش هيك عم تعمل فيها..لك بنتي وصلت لعندي وهي منهارة لك شو عم تستنا شوو لحتى تموت بقهرا ولا لحتى تنجن ارحمها يا محمد ارحمها بنتي ما عادت تقدر تتحمل ظلم اهلك ولا عادت تقدر تتحمل سكوتك
محمد..خلص يا عمي لمى بعيوني وكانت ساعة شيطان بوعدك كلشي يتصلح
وحملت حالي ورجعت ع بيتي مع محمد..بس كلو حكي وطاير مع اول هبة ريح حتى مع اول نسمة
الفصل السادس
وصلنا البيت ومحمد طلب مني اروح لعند اهلو واعتذر منن ع الحكي يلي حكيتو عنن وبعد جدال طويل بيناتنا وكالعادة رضخت لمحمد ورحت معاه لعند اهلو واعتذرت منن.. بس هالاعتذار ما كفاهم كان بدهم يشوفوني مكسورة كان بدهم يذلوني اكثر ويجرحوني اكثر ما خلو كلمة سيئة الا وحكوها علي بهدلوني قدام عيونو لمحمد وهو ساكت وما حرك ساكن وطردوني من بيتهم وحبسوني ببيتي اخدو تلفوني مني وحرموني من اهلي ومنعو اي حدا يفوت علي كان محمد يرجع باخر الليل ع البيت ..كنت شوف شرودو ومقتو كنت حسو موجوع كثير وتعبان كثير بس كالعادة كان ساكت..سكوتو قتلني دمرني حرقني حرق
لمى..محمد رح تضل ساكت هيك
محمد.........
لمى..لك محمد احكي لك احكي لك هاي وعدك لبابا لك هاي وعدك لالي لك بكفي بكفي حرام عليك
محمد..لمى سكتي وروحي ع غرفتك نامي
لمى..انام؟لك اي نوم هاد اي نوم يلي عم تحكي عنووو
لك انا رح جن رح موووت ما عاد فيني صبر يا محمد ما عاد في صبررر
وصرت بوس برجلي واترجاه يطلقني
لمى..من شان الله يا محمد لك اعتقني لك خلص شو بدك فيني لك هاي امك عم تدورلك ع عرووس لك خلص طلقني يا محمد طلقني انا تعباانة
وقتا محمد حضني وصار يبكي متل ولد صغير.. لاول مرة بشوفو بهيك حالة..كانت دموعو عم تنزل بحرقة كان مقهوور وموجوع كان عاجز ومانو عارف كيف يتصرف ولا شو يعمل ..
انا من بعد هديك الليلة رميت حملي ع رب العالمين وفوضتو امري قمت يوما وصليت ركعتين ودعيت من كل قلبي
ومرت الايام والاسابيع والاشهر ونحنا ع نفس الحالة ومحمد كل يوم بوجه شكل يوم يرجع وهو مشتقلي ويوم ما يكون قدران يطلع بوشي
الفصل السابع
وبيوم رجع محمد وحكالي..لمى ضبي تيابك رح وصلك لبيت اهلك
لمى.. يعني خلص ..خلصت قصتنا رح تطلقني خلص
محمد..ضبي تيابك ع الساكت لمى
لمى..بس انا ما بدي شي منك بس بدي ولادي
محمد..لولاد رح يضلو عندي هالفترة وببعثلك اياهم
لمى..لااا ما رح اطلع بلاهم
محمد..لمى لا تطلعي خلقي البسي ومشي معي ع الساكت
لمى..رح اطلع بس مع ولادي
محمد... لك هااا لك انت ما بتفهمي بالحكي لك مشي معييي
لمى..حسبيا الله عليك يا محمد ربي يسطفل فيك وباهلك يا محمد..لك لهالدرجة عمو ع عيونك
طلعت من عندو وهني ولادي واقفين وعم يتصفنو فيني بوستن وقلبي عم يتقطع عليهن ومشيت وانا ادعي علي وع اهلو.لك ابني كان ماسك ايدي .كان بحضني بس ما قدرت اوخدو
ضلينا ساكتين طول ما نحنا بالسيارة ووقت وصلنا لبيت اهلي
لمى..محمد بتمنى تكون رجال لمرة وحدة بحياتك وتطلقني
محمد..بكرة رح توصلك ورقتك لمى انزليي
فتت بيت اهلي وانا مرتاحة كتير بس كان قلبي عم يوجعني ع ولادي ..بهديك اللحظة حسيت حالي كرهتو لمحمد وكرهت كلشي بتعلق فيه كرهت سكوتو وكرهت خوفو وكرهت حالي كرهت غبائي كيف قدرت اتحمل كل هالاهانات والذل بس لحتى ضل معو ولحتى ما اخرب بيتي بس هو بالنهاية ما قدر هالشي وكبني بكل بساطة..نمت هديك الليلة ونمت ونمت ونمت وكاني الي سنين ماني نايمة.. صحيت تاني يوم وجهزنا الفطور وقعدنا نفطر ونحنا عم نفطر دق جرس الباب ووقفت سيارة ع الباب
لمى..هاي اكيد ورقة طلاقي
بابا..لا تحكي هيك اسكتي
السواق..مرحبا عمو هاد المغلف من السيد محمد لمرتو لمى
مسك بابا المغلف وهو جسمو عم يرجف وفتحوو وعيونو دمعو وصارو متل الجمر
بابا..لك هلأ صار رجال هالحيوان لك صار رجال وعم يطلق لك والله الا اطلع بروحو لهالحشرة
لمى..بابا خلص خلص اهدا انا هلأ ارتحت صدقني انا يلي طلبت منو يطلقني خلص بابا حبيبي خلص..هاتا لورقتي لحتى شوفا.. ئي الحمد لله رب العالمين انا هيك صرت حرة وما عدت مرتو لمحمد الحمد لله الحمد لله
صرت واسي بابي يلي كان ع شوي رح ينجلط من قهرو كنت عم واسي وبين حالي باني قوية بس من جوة كنت مكسورة ومنهارة وبدي مين يواسيني ..بس لا هالمرة ما رح
بين ضعفي رح ارجع لمى البنت القوية يلي ما في شي بيكسرها ابدا..كنت عم مووت كانت روحي عم تطلع من محلا ..كان نفسي اسالو لمحمد انا بشو غلطت معو ومع اهلو لحتى يصير فيني هيك شو غلطت معهم لحتى يكرهو زوجي فيني بشو غلطت لحتى ابعد عن ولادي ويتفكك شملي لك شو عملت انا شو لحتى يطلقني ..لك ليش ما حماني من امو وابو من اخواتو ليش ما رفع الظلم عني لك ليششش ليشش..شو ذنبي لحتى ذوق كل هالوجع وكل هالالم
لملت كل وجعي واخذت منو القوة لحتى اوقف ع رجليي وكمل بقوة اكبر
لمى..بابا انا رح روح بكرة ع المحكمة وارفع قضية حضانة لحتى اوخذ ولادي من محمد
بابا..وانا معك يا روحي
تاني يوم رحت ع المحكمة ورفعت قضية حضانة وقدمت طلبات توظيف بكل مكان بعرفو
الفصل الثامن والاخير
حاول محمد يبعثلي ناس لحتى اتنازل عن القضية لكن انا اصريت باني اخليها..مشت الايام وطلع قرار المحكمة واخدت ولادي لحضني وبعدا ع طول استاجرت بيت الي ولولادي بعد معارضة شديدة من اهلي .. وبعد بشهر توظفت بمدرسة خاصة وبلشت دوامي وبلشت حياتي تهدا وتستقر ..طبعا طول هالفترة كان محمد عم يحاول يوصلي ويحكي معي وكان مرجعني ع ذمتو وانا كنت رافضة احكي معو واتواصل لاي سبب من الاسباب وصار ع طول يبعثلي ع المسنجر ويرن ع تلفوني وانا كنت مسكرة قلبي من جهتو وماني متحملة احكي معو او اتواصل معو..
وبعد اشهر طويلة بلشت اخبار محمد توصلني ..محمد قاطع اهلو واستاجر بيت وسكن فيه لحالو محمد ولاول مرة بواجه اهلو باخطاءهم واجهم بكل الظلم يلي ظلموني اياه واجهم بالذل يلي ذلوني اياه.. بلش قلبي يحزن عليه وع حالو. وبيوم كنت مروحة من وظيفتي واتفاجأت بمحمد ع باب المدرسة..كان شكلو كتير متغير نحفان وكبرااان كتير كان الهم باين عليه كتير
لمى..
محمد..كيفك لمى
لمى..الحمد لله باحسن حال
محمد..ما بدك تسلمي علي لمى
لمى......
محمد..لمى ليش هيك عم تعملي..بهالسهولة قدرتي تنسيني يا لمى هيك عم هون عليكي ومكملة حياتك وكاني ماني موجود اصلا
لمى..انت يلي عم تحكي هيك محمد؟ لك مو انت يلي طلقتني؟لك مو انت يلي كبيتني؟
محمد..لمى انا ندمان والله ندمان
لمى..بعد شو يا محمد بعد شوووووووخلص كلشي خلص وانتهى وبترجاك خلص اتركني خليني كفي حياتي
محمد..ما رح تقدري لمى ما رح تقدري..انت لساتك بتحبيني انت روحك متعلقة بروحي ما فيكي بلايي لمى ما فيكي
لمى.. لااا يا محمد فيني ..انا عم كمل حياتي وانا ما عادت روحي مرتبطة بروحك من وقت طلقتني.. لك انا ما طلبت منك المستحيل طلبت عيش حياة طبيعية متلي متل اي بنت تانية طلبت تحميني من اهلك ومن ظلمهم بس انت شو عملت انت وقفت معهن وظلمتني ..ظلمك كان بيوجع يا محمد بيوجع كثير ظلمك ذبحني يا محمد..كل انواع الوجع والعذاب ذقتا منك يا محمد ما خليت وجع والا دوقتني ياه وما حفظتلي كرامتي ..انا ما عدت لمى الغبية..لمى الغبية ماتت
محمد..بعمرك ما كنت غبية طول عمرك وانت صابرة كرمالي وانا بعرف هالشي ..بس انا ما كنت حسنان اعمل شي كنت مربط يا لمى..بس هلأ خلص كلشي انتهى انا تغيرت وحتى قاطعت اهلي وما عدت حكيت معن
لمى..مااا بهمني تحكي معن او لا ..ما عادو يهموني بشي... انا كنت حابة يكون الي بيتي يكون الي مملكتي الخاصة فيني يلي ما حدا الو حق يشاركني فيها بس انت حرمتني هالشي هاد
محمد..حبيبتي ارجعي ورح تكوني ملكة قلبي وبيتي رح تكوني اميرتي وجوهرتي رح خبيكي بقلبي وسكر عليكي ما رح اسمح انك تتوجعي بعد اليوم
لمى.. انا ما عدت اوثق فيك ابدا وعدتني من قبل وما وفيت بوعدك ووقفت مع اهلك ضدي وزدت عذابي
محمد..لك يا لمى كلشي اتغير حتى بيتي خلص تركتو بترجاكي بكفي انا عم موت عم مووووووت
لمى... بكفي يا محمد بكفي خلص خلص ما عم اتحمل اكتر
رجعت يوما ع البيت وقلبي عم يتقطع ع الحال يلي وصلنالو وع الوجع يلي بقلوبنا الوجع يلي كان سببو جبروت اهلو وسكوتي عن جبروتهم وسكوتو لمحمد..كان لازم من البداية ارفض هيك حياة وما خليهم يتمادو علي اكتر
ما نمت هديك الليلة وانا عم فكر بمحمد وكلامو وبعدا رن تلفوني وكانت مسج من محمد
رسالة محمد...اشتقتلك حبيبتي.انت اغلى شي بحياتي انت عيوني وقلبي وروحي بترجاكي فكري منيح وارجعيلي وبوعدك هالمرة كلشي رح يتغير
ضليت لوش الصبح وانا فكر بحكي محمد وحكي الناس يلي كانت تيجي من طرف محمد وحكيهم عنو قديش تغير وكيف صار حالو .تاني يوم رجعت من دوامي واخدت ولادي من مدارسهم ورحت لعند بابا
لمى..بابا انا بدي ارجع لمحمد
بابا.. لك انت جنيتي لك شو صرلك شووووو.لك انت ما بتتعلمي لك بعد كلشي وصلتيلو بدك ترجعي للصفر لك لا يا لمى لا هالمرة ما رح اسمحلك ابدا بموت وما برجعك لمحمد
لمى.. بابا محمد تغير وانت سمعت حكي الناس يلي اجو وكيف انو محمد تغير وترك بيت اهلو
بابا..لك هاد حكي طاير هاي فترة مؤقتة ورح يرجع يعمل فيكي متل اول واكتر
لمى..بابا بترجاك انا تعبانة كتير وقلبي ما عاد في نبض من يوم تركتو لمحمد ..انا حياتي الفعلية وقفت من يوم طلاقي من محمد..انت بتعرف محمد شو بالنسبة لالي..محمد هو الهوا يلي بتنفسو هو كل حياتي يا بابا
بابا..لمى يا بنتي انا تعبت وانا عم شوفك عم تتعذبي معو لك انا ماني حابب طلاقك بس محمد ما خلا للصلح مطرح انا خايف هالمرة يصرلك شي يا بنتي
مرقت الايام وانا كل يوم عم احكي مع بابا وحاول اقنعو باني ارجع لمحمد ..وكان محمد كل يوم يتصل فيني ونحكي بالساعات ونفسيتي اتجاه محمد بلشت تتحسن كتير..وبعد معاناة كبيرة مع بابا وتدخل ناس كتير بابا وافق ارجع لمحمد بشرط ضلني بعيدة عن اهلو وهيك رجعت لمحمد ورجع نبض قلبي ورجعتلي حياتي ورجعتلي ضحكتي..وعشنا حياة هادية الي والو ولولادنا بسس
لمى..لك محمد اااه محمد شكلي رح اولد
محمد.. نامي نامي حبيبتي بعد بكير
لمى..لك محمد اااه لك شو بكير لك ابنك رح ييجي لك محمد محمد
محمد..انت عم تحكي جدددد اوف اوف لك لك شو اعمل طيب شو اعمل حبيبتي
لمى..ههههههه لك شباك لك انا يلي رح اولد مو انت لك روووق رووووق..شغل السيارة لحتى البس يالله
محمد..حاضر يا روحي هاتي ايدك شوي شوي انتبهي انتبهي
لمى..لك روح روووح يالله
بالمشفى
محمد..الحمد لله ع سلامتو حبيبي طالعة بتجنني وبتاخدي العقل
لمى..لك ااه تعبانة كتير لك شو بجنن لك مانك شايف منيح
محمد..ئي بتجنني ..لك بحبك بكل حالاتك يا عمري ربي يخليلي اياكي يا عسل
لمى..لك شو عم تعمل هلأ بشوفوك خلص نحنا بالمشفى
محمد...
لمى..لك محمدددد لك خلصص
انتهت
محمد..لك يا بنت الكلب لك هالحكي علي وع اهلي. لك رح كسر عضامك رح اطلع بروحك لك يا...
لمى..لك خلص لك حاج الله يكسر ايدك يا محمد لك الله ياخدك خلص بكفي بكفييي
محمد..سمعي ولي لمي غراضك رح اخدك لبيت اهلك ما الك عندي مطرح بسرعة بسرررعة
لمى..مااا رح اطلع من هون مااا رح روح
محمد.. لك لا تخليني انبلى فيكي مووو بكيفك بسرعة لمي تيابك خلصيييي
أنا لمى مدرسة انجليزي صبية حلوة عيوني بيسحرو (متل ما كان محمد يحكيلي )..وشعري خروبي طويل ووشي هادي وطفولي ..الدكتور محمد زوجي شب حلوو طويل وعيونو وشعرو سود..بيهتم بحالو كتير وبيدرب كمال اجسام
وعيت ع هالدنيا ما الي غير دراستي وكنت ع طول متفوقة.. قدمت البكالوريا ونجحت فيها بامتياز.. ومن بعدا ع طول انخطبت من محمد زوجي.. ومن لما تمت خطبتي حكمت ع حالي بالشقا والتعتير..اهلو لمحمد ناس متسلطين كتير ربو ولادهن انهن يكونو تحت جناحهن والكلمة الاولى والاخيرة لالهم مو لولادهم وهون كانت مشكلتي مع محمد.
الفصل الثاني
محمد شب بتحلم فيه ايا بنت متعلم ومثقف وحلو واكابر..لكن فعلا الكمال لله..كانت مشكلتو برضوخو الدائم لاهلو
حبيتو لمحمد كتير وتعلقت فيه بشكل جنوني عشقت كل تفاصيلو وصار هو الحياة بالنسبة لالي
خطبتنا كانت حلوة كتير بالرغم من كل المنغصات يلي كانت فيها كنا نمضيها سوا ع طلعات ومشاوير كانت حياتنا كلا هبل ومزح الضحكة ما كانت تفارقنا ابدا ع طول ضحك وهبل وكأنو لساتنا ولاد صغار ما كنا نخلي نكتة ولا نهفة الا ونعملا.. روحنا كانت طفولية وبريئة
محمد..ليك لمى لك هدول شكلن خطاب متلنا
لمى..ئي صح باينتن خطاب
محمد..لك طب ليه هيك عابسين ليه ما عم يضحكو متلنا لك باين شروشنا طقو من هالخطبة
لمى.. والله هيك باينتو حبيبي. لانو ما عم شوف خطاب عم يضحكو متلنا
محمد..لك لمى حبيبي هلأ ليه كل ما عم اطلع بعيونك بحس قلبي رح يوقف
لمى..
محمد..دخيلو يلي عم يخجل بتعرفي انت كلشي فيكي بجنن وبكل حالاتك بتجنني ..انا عم دوب لمى عم مووت
لمى..بعيد الشر عنك
محمد..لا ولووووو لك والله رح تموتيني بحركاتك ونظرات عيونك
لمى..محمد انا عم قول خلينا نمشي من هون
محمد...
هيك كانت حياتنا كلا حب ودلع وغزل وهبل ومجننة وضحك
بس مشاكل اهلو لمحمد ما كانت تخلص كانو يعملولي مشاكل ع اتفه الاسباب وحتى من غير اسباب لدرجة كنت بس شوفو لعمي ابو محمد يقفل قلبي.. مضينا خطبتنا ع هالحال ومشت الايام فيها بالزور واجى اليوم الي رح يجمعني بحبيبي محمد وتزوجنا ومرق العرس كمان بالزور وكان كلو مشاكل ومنغصات.
الفصل الثالث
فتنا ع بيتنا وتسكر الباب علينا كنت حاسة حالي فراشة وطايرة بالسما من فرحتي. قرب علي محمد وباسني من جبيني وحط ايدو ع راسي وقرالي دعاء حلو كثير ودعا ربنا بانو يوفقنا بحياتنا دمعو عيوني وهو عم يدعي وتمنيت من كل قلبي باني كون زوجة صالحة لمحمد... فتت ع الحمام وتحممت وصلينا انا ومحمد ركعتين شكر لربنا..ومشت ليلتنا متل اي تنين متزوجين وبحبو بعض..كان انسان حنون وفهمان بكل معنى الكلمة وزاد حبي الو اضعاف اضعاف..
وهون بلشت المرحلة التانية بحياتي مع محمد وبلش نق اهلو الي ما بخلص وطلباتهم يلي بتوجع القلب
حماتي..لك لمى فيقي فيقي الساعة صارت 8فيقي شو هالنووم هاد ..قومي اعملي كاسة شاي لعمك قومي عملي فطور قومي بلا كسل يالله
لمى..حاضر
كنت كل يوم فيق ع هالموشح من حماتي..كرهت حالي من نقهم ومن اسلوبهم المستفز كان كل حكيهم متل السم كان بس هدفهم يضلو يجرحو فيي وكانهم كانو عم ينتقمو مني.. وحرموني زيارة اهلي غير معهم.. كانت حياتي لا تمت للانسانية بشئ كنت متل الحيوانة عايشة معهم ع شغل طول النهار والليل من شطف لتنضيف لغسيل لطبيخ لضيافة وما كان مسموحلي فوت بيتي غير باخر الليل..كنت فوتو بس لحتى نام وكل هاد ما كان عاجبهم وع طول يسمعو حكي كانت حياتي كئيبة بكل معنى الكلمة..بيتي كان يضل اسبوع ما اشتغل فيه شي لانو ما كنت افضالو وكنت بس فوتو باخر الليل يكون جسمي مهدود ومالي خلق انضف او اعمل شي.. مرت اول فترة وبعدا نزلت مواد جديدة للجامعة وبلشت الهي حالي شوي بدراستي ع امل اتنفس شوي من الضغط يلي كان علي ..كملت دراستي وتخرجت وخلفت ولد وبنت ولسا حياتي متل ما هي ..ما كان في شي يواسيني فيها غير محمد يلي كان شايف ظلم اهلو الي ومانو قدران يحكي ولا يمنعهم..انا من حبي لمحمد ما كنت اشكيلو شي لاني عارفة بانو ما رح يطلع بئيدو شي ..كنت بس انخنق منهم حط راسي ع كتفو لمحمد وانسى كل مشاكلي وهمومي..حضنو كان ملجئي الوحيد وقت تسود الدنيا بوجهي.. كل همهن كان بانهم يبينولي قديش انا فاشلة اقنعوني باني زوجة فاشلة وكنة فاشلة كانو عم يهدو شخصيتي شوي شوي
تخرجت وقعدت بالبيت وبلشت اعمل كلشي بدهم اياه واكتر كمان ..كنت اعمل الشغلة من غير ما يطلبوها حملت البيت كلو ع كتافي وخدمتهم كلهم من الكبير للصغير ومشيت متل ما بدهم بالزبط لدرجة كنت اقعد معهم واحكي ع اهلي لحتى ارضيهم.. ما خليت شي الا وعملتو لحتى يرضو وبالفعل بلشت علاقتي فيهم تتحسن وبلش نقهم يوقف لانو اصلا ما عاد في شي ينقو عليه.. كانت علاقتي مع محمد عم تقوى يوم عن يوم وكان هو وولادي محليينلي دنيتي ومنسييني همي.. الكل كان يحسدنا انا ومحمد ع علاقتنا مع بعض كانت محبتنا لبعض ملفتة ..كنا متل عصافير الحب.. بس هالعصافير كانو محبوسين ومخنوقين من يلي حواليهم
الفصل الرابع
مشت الايام والسنين والحال متل ما هو كنت متل الخدامة لبيت حماي ومن تم ساكت وزوجي شايف وساكت وبيوم ما بعرف شو يلي خلاني اطلب من محمد روح زور اهلي انا وولادي
لمى..محمد حبيبي اشتقت لاهلي حابي روح مضي النهار عندهم
محمد..ئي ليش لا حبيبتي جهزي حالك ورح وصلك بس مري ع اهلي قبل ما تطلعي لحتى يعرفو بانك طالعة
لمى..حاضر حبيبي
جهزت حالي وولادي ومحمد جهز حالو لحتى يوصلنا ورحت لبيت حماي لحتى يعرفو باني طالعة ...كنت مفكرة بانو خلص تغيرو وبانو الحال معهم تغير..بس ما في شي بغير القلوب السودا ..اول ما شافوني لابسة
ابو محمد.. شوو لوين رايحين
لمى.. لبيت اهلي عمي حابي قضي النهار معهم
ابو محمد..شووو ومن ايمتا انت بتروحي لحالك خليكي وبعد الغدا بنروح كلنا سوا
حملت حالي وما حكيت ولا كلمة ورحت لمحمد وحكيتلو.. كنت متوقعة انو محمد يحكي مع ابوه بس محمد وكالعادة ما حرك ساكن ومشى متل ما بدو ابو ..انا هون ولع قلبي وحسيت حالي رح انخنق من قهري وما لقيت غير محمد بوجهي لحتى نفس شوي من قهري..كل شريط حياتي معهم مر علي بهديك اللحظة وحسيت قديش انا وحدة غبية
لمى..لك يا محمد لك لايمت رح تضل ساكت انا ما عاد فيني اتحمل اهلك
محمد..لمى اسكتي وما تصرخي خلص حكالك بنروح سوا
لمى..ئي لا ما بدي روح مع حدا روح انت واهلك انا ماني رايحة يا محمد ماااااني رااايحة لك والله هالحياة ما عادت تنطاق لك انا تعبت تعبت
محمد..لك عم احكيلك وطي صوتك لا تصرخي
لمى..لك بدي صرخ بدي جمع الدنيا كلا عليكم انا تعبت منكم وتعبت منك يا محمد.لك لايمت رح تضل ساكت
وهون محمد ولاول مرة ضربني كف ..حسيت حالي رح موت من قهري نااار وشعلت بصدري وما عدت طايقة محمد ولا اهلو.
ومن بعد هالموقف وهاليوم قررت بانو وقف غباء وابعد عنن كلهن ما عدت اشتغلت معهم متل قبل ولا حتى قعدت معهم وبس شافو تصرفاتي رجع الوش القديم ورجع الحكي والنق والبهادل بس هالمرة كان ع ذل اكبر وقهر اكبر.. صارت كل حياتي مقت وقهر ومحمد يلي كان هو ملجئي صرت حسو متلهم ويمكن اسوأ منهم ..ما عدت طايقتهم وحسيت هالبيت متل القبر يوم عن يوم عم يقفل ع صدري اكتر.. وبيوم كنت عم احكي مع بابا ع المسنجر وشكيتلو عن محمد وسكوتو عن اهلو وشكيتلو عن تصرفات اهلو ..وما بعرف كيف محمد شاف المحادثة..
الفصل الخامس
يوما اجى محمد من شغلو وعيونو متل الجمر وناداني ع بيتنا
محمد..لمى انت شو حاكيي علي وع اهلي لابوكي
وقبل ما جاوبو كان ضاربني كف من قوة هداك الكف وقعت بارضي
محمد..لك يا بنت الكلب لك هالحكي علي وع اهلي. لك رح كسر عضامك رح اطلع بروحك لك يا...
لمى..لك خلص لك حاج الله يكسر ايدك يا محمد لك الله ياخدك خلص بكفي بكفييي
محمد..سمعي ولي لمي غراضك رح اخدك لبيت اهلك ما الك عندي مطرح بسرعة بسرررعة
لمى..مااا رح اطلع من هون مااا رح روح
محمد.. لك لا تخليني انبلى فيكي مووو بكيفك بسرعة لمي تيابك خلصيييي
لبست تيابي وانا حاسة قلبي رح يوقف كان كل جسمي منفخ من ضربو.. بس كل وجع جسمي ما كان هاممني وجع قلبي كان اكبر بكتير ..لك محمد يلي كان روحي ويلي كان بسمتي صار وجعي
تمنيت موت بهديك اللحظة تمنيت الدنيا توقف والحياة تخلص..جهزت حالي والدموع بعيوني ما رضيت اخد معي ولااا شي ما كان بدي منو شي كنت بس بدي اخلص من محمد ومن اهلو حتى ولادي خليتهم عندو لمحمد وطلعت مكسورة الخاطر.. وصلت بيت اهلي وجسمي كلو ازرق ومنفخ بابا من لما شافني جن جنانو
بابا..لك شو هاد يا بنتي شو هاد.. الله يكسر ايدو لك هلأ صار رجال؟ هاي هي الرجولة عندو بضربك لك ليه ما صار رجال ودافع عنك وقام الظلم عنك
لمى..
ما كنت حسناني احكي شي كان وجع قلبي اكبر بكتير من انو ينحكا عنو شي مضيتها بكي والكل عم يحاول يخفف عني.. كنت ضايعة وتعبااااانة ما كان في شي بكل الدنيا بيقدر يوقف الوجع يلي بقلبي ولا في شي بيقدر يمحي ضربو لمحمد والوجع يلي خلاه بقلبي
مرق اول يوم والتاني ومحمد ما سال وانا كل يوم يمرق علي وكانو سنة كاملة كنت عم مووت بدي محمد بدي حط راسي ع كتفووو بدي ابكي ع كتافو واسالو ليش ليش هيك عمل فيني. ليه كسرلي قلبي.ليه تخلى عني.كنت مشتاقيتلو ومشتاقة لولادي ..وبعد باسبوع اتصل محمد ع بابا بس بابا ما رد عليه.. رجع تاني يوم اتصل ورد عليه بابا وبهدلو وسكر الخط بوجهو
انا ما تحملت كل الضغط النفسي ووالوجع يلي بقلبي حسيت بانو خلص ما عاد بدي عيش بس بدي موت انهرت وودوني ع المشفى
لمى..محمد محمد محمد
بابا..لك لساتك عم تحكي محمد يا بنتي ..لك انسيه والله ما بيستاهلك والله
لمى..
طلعنا من المشفى وبعدا بيوم اجو ناس كان باعثهم محمد لحتى يحكو مع بابا وبابا طلب منهن بانو محمد ييجي لحتى نتفاهم
بابا..لمى يا بنتي ما في اب بحب لبنتو الطلاق بس محمد مانو رجال ومانو حمل بيت وولاد محمد ما بيستاهلك يا بنتي بس القرار الاول والاخير بيرجع لالك
لمى..بابا محمد طيب. بس ضغط اهلو عليه هالفترة خلاه يفقد صوابو وأنا ما بدي اتخلا عنو ع أول مشكلة بيناتنا ولا بدي عيش بعيدة عنو ولا عيش ولادي بين أب وأم مطلقين
بابا..لمى انت متاكدة من قرارك؟ يعني ما رح تندمي بعد هيك؟
لمى.. ما بعرف بابا بس حابة اعطي فرصة لحالي ولمحمد لنرجع نرتب حياتنا مرة تانية
بابا..ماشي يا بنتي ان شاء الله ما تكوني تسرعتي بقرارك
المسا اجى محمد وقعد مع بابا وصار بينن حكي كتير
بابا..بكفي يا محمد بكفي..لك هاي امانة عندك ليش هيك عم تعمل فيها..لك بنتي وصلت لعندي وهي منهارة لك شو عم تستنا شوو لحتى تموت بقهرا ولا لحتى تنجن ارحمها يا محمد ارحمها بنتي ما عادت تقدر تتحمل ظلم اهلك ولا عادت تقدر تتحمل سكوتك
محمد..خلص يا عمي لمى بعيوني وكانت ساعة شيطان بوعدك كلشي يتصلح
وحملت حالي ورجعت ع بيتي مع محمد..بس كلو حكي وطاير مع اول هبة ريح حتى مع اول نسمة
الفصل السادس
وصلنا البيت ومحمد طلب مني اروح لعند اهلو واعتذر منن ع الحكي يلي حكيتو عنن وبعد جدال طويل بيناتنا وكالعادة رضخت لمحمد ورحت معاه لعند اهلو واعتذرت منن.. بس هالاعتذار ما كفاهم كان بدهم يشوفوني مكسورة كان بدهم يذلوني اكثر ويجرحوني اكثر ما خلو كلمة سيئة الا وحكوها علي بهدلوني قدام عيونو لمحمد وهو ساكت وما حرك ساكن وطردوني من بيتهم وحبسوني ببيتي اخدو تلفوني مني وحرموني من اهلي ومنعو اي حدا يفوت علي كان محمد يرجع باخر الليل ع البيت ..كنت شوف شرودو ومقتو كنت حسو موجوع كثير وتعبان كثير بس كالعادة كان ساكت..سكوتو قتلني دمرني حرقني حرق
لمى..محمد رح تضل ساكت هيك
محمد.........
لمى..لك محمد احكي لك احكي لك هاي وعدك لبابا لك هاي وعدك لالي لك بكفي بكفي حرام عليك
محمد..لمى سكتي وروحي ع غرفتك نامي
لمى..انام؟لك اي نوم هاد اي نوم يلي عم تحكي عنووو
لك انا رح جن رح موووت ما عاد فيني صبر يا محمد ما عاد في صبررر
وصرت بوس برجلي واترجاه يطلقني
لمى..من شان الله يا محمد لك اعتقني لك خلص شو بدك فيني لك هاي امك عم تدورلك ع عرووس لك خلص طلقني يا محمد طلقني انا تعباانة
وقتا محمد حضني وصار يبكي متل ولد صغير.. لاول مرة بشوفو بهيك حالة..كانت دموعو عم تنزل بحرقة كان مقهوور وموجوع كان عاجز ومانو عارف كيف يتصرف ولا شو يعمل ..
انا من بعد هديك الليلة رميت حملي ع رب العالمين وفوضتو امري قمت يوما وصليت ركعتين ودعيت من كل قلبي
ومرت الايام والاسابيع والاشهر ونحنا ع نفس الحالة ومحمد كل يوم بوجه شكل يوم يرجع وهو مشتقلي ويوم ما يكون قدران يطلع بوشي
الفصل السابع
وبيوم رجع محمد وحكالي..لمى ضبي تيابك رح وصلك لبيت اهلك
لمى.. يعني خلص ..خلصت قصتنا رح تطلقني خلص
محمد..ضبي تيابك ع الساكت لمى
لمى..بس انا ما بدي شي منك بس بدي ولادي
محمد..لولاد رح يضلو عندي هالفترة وببعثلك اياهم
لمى..لااا ما رح اطلع بلاهم
محمد..لمى لا تطلعي خلقي البسي ومشي معي ع الساكت
لمى..رح اطلع بس مع ولادي
محمد... لك هااا لك انت ما بتفهمي بالحكي لك مشي معييي
لمى..حسبيا الله عليك يا محمد ربي يسطفل فيك وباهلك يا محمد..لك لهالدرجة عمو ع عيونك
طلعت من عندو وهني ولادي واقفين وعم يتصفنو فيني بوستن وقلبي عم يتقطع عليهن ومشيت وانا ادعي علي وع اهلو.لك ابني كان ماسك ايدي .كان بحضني بس ما قدرت اوخدو
ضلينا ساكتين طول ما نحنا بالسيارة ووقت وصلنا لبيت اهلي
لمى..محمد بتمنى تكون رجال لمرة وحدة بحياتك وتطلقني
محمد..بكرة رح توصلك ورقتك لمى انزليي
فتت بيت اهلي وانا مرتاحة كتير بس كان قلبي عم يوجعني ع ولادي ..بهديك اللحظة حسيت حالي كرهتو لمحمد وكرهت كلشي بتعلق فيه كرهت سكوتو وكرهت خوفو وكرهت حالي كرهت غبائي كيف قدرت اتحمل كل هالاهانات والذل بس لحتى ضل معو ولحتى ما اخرب بيتي بس هو بالنهاية ما قدر هالشي وكبني بكل بساطة..نمت هديك الليلة ونمت ونمت ونمت وكاني الي سنين ماني نايمة.. صحيت تاني يوم وجهزنا الفطور وقعدنا نفطر ونحنا عم نفطر دق جرس الباب ووقفت سيارة ع الباب
لمى..هاي اكيد ورقة طلاقي
بابا..لا تحكي هيك اسكتي
السواق..مرحبا عمو هاد المغلف من السيد محمد لمرتو لمى
مسك بابا المغلف وهو جسمو عم يرجف وفتحوو وعيونو دمعو وصارو متل الجمر
بابا..لك هلأ صار رجال هالحيوان لك صار رجال وعم يطلق لك والله الا اطلع بروحو لهالحشرة
لمى..بابا خلص خلص اهدا انا هلأ ارتحت صدقني انا يلي طلبت منو يطلقني خلص بابا حبيبي خلص..هاتا لورقتي لحتى شوفا.. ئي الحمد لله رب العالمين انا هيك صرت حرة وما عدت مرتو لمحمد الحمد لله الحمد لله
صرت واسي بابي يلي كان ع شوي رح ينجلط من قهرو كنت عم واسي وبين حالي باني قوية بس من جوة كنت مكسورة ومنهارة وبدي مين يواسيني ..بس لا هالمرة ما رح
بين ضعفي رح ارجع لمى البنت القوية يلي ما في شي بيكسرها ابدا..كنت عم مووت كانت روحي عم تطلع من محلا ..كان نفسي اسالو لمحمد انا بشو غلطت معو ومع اهلو لحتى يصير فيني هيك شو غلطت معهم لحتى يكرهو زوجي فيني بشو غلطت لحتى ابعد عن ولادي ويتفكك شملي لك شو عملت انا شو لحتى يطلقني ..لك ليش ما حماني من امو وابو من اخواتو ليش ما رفع الظلم عني لك ليششش ليشش..شو ذنبي لحتى ذوق كل هالوجع وكل هالالم
لملت كل وجعي واخذت منو القوة لحتى اوقف ع رجليي وكمل بقوة اكبر
لمى..بابا انا رح روح بكرة ع المحكمة وارفع قضية حضانة لحتى اوخذ ولادي من محمد
بابا..وانا معك يا روحي
تاني يوم رحت ع المحكمة ورفعت قضية حضانة وقدمت طلبات توظيف بكل مكان بعرفو
الفصل الثامن والاخير
حاول محمد يبعثلي ناس لحتى اتنازل عن القضية لكن انا اصريت باني اخليها..مشت الايام وطلع قرار المحكمة واخدت ولادي لحضني وبعدا ع طول استاجرت بيت الي ولولادي بعد معارضة شديدة من اهلي .. وبعد بشهر توظفت بمدرسة خاصة وبلشت دوامي وبلشت حياتي تهدا وتستقر ..طبعا طول هالفترة كان محمد عم يحاول يوصلي ويحكي معي وكان مرجعني ع ذمتو وانا كنت رافضة احكي معو واتواصل لاي سبب من الاسباب وصار ع طول يبعثلي ع المسنجر ويرن ع تلفوني وانا كنت مسكرة قلبي من جهتو وماني متحملة احكي معو او اتواصل معو..
وبعد اشهر طويلة بلشت اخبار محمد توصلني ..محمد قاطع اهلو واستاجر بيت وسكن فيه لحالو محمد ولاول مرة بواجه اهلو باخطاءهم واجهم بكل الظلم يلي ظلموني اياه واجهم بالذل يلي ذلوني اياه.. بلش قلبي يحزن عليه وع حالو. وبيوم كنت مروحة من وظيفتي واتفاجأت بمحمد ع باب المدرسة..كان شكلو كتير متغير نحفان وكبرااان كتير كان الهم باين عليه كتير
لمى..
محمد..كيفك لمى
لمى..الحمد لله باحسن حال
محمد..ما بدك تسلمي علي لمى
لمى......
محمد..لمى ليش هيك عم تعملي..بهالسهولة قدرتي تنسيني يا لمى هيك عم هون عليكي ومكملة حياتك وكاني ماني موجود اصلا
لمى..انت يلي عم تحكي هيك محمد؟ لك مو انت يلي طلقتني؟لك مو انت يلي كبيتني؟
محمد..لمى انا ندمان والله ندمان
لمى..بعد شو يا محمد بعد شوووووووخلص كلشي خلص وانتهى وبترجاك خلص اتركني خليني كفي حياتي
محمد..ما رح تقدري لمى ما رح تقدري..انت لساتك بتحبيني انت روحك متعلقة بروحي ما فيكي بلايي لمى ما فيكي
لمى.. لااا يا محمد فيني ..انا عم كمل حياتي وانا ما عادت روحي مرتبطة بروحك من وقت طلقتني.. لك انا ما طلبت منك المستحيل طلبت عيش حياة طبيعية متلي متل اي بنت تانية طلبت تحميني من اهلك ومن ظلمهم بس انت شو عملت انت وقفت معهن وظلمتني ..ظلمك كان بيوجع يا محمد بيوجع كثير ظلمك ذبحني يا محمد..كل انواع الوجع والعذاب ذقتا منك يا محمد ما خليت وجع والا دوقتني ياه وما حفظتلي كرامتي ..انا ما عدت لمى الغبية..لمى الغبية ماتت
محمد..بعمرك ما كنت غبية طول عمرك وانت صابرة كرمالي وانا بعرف هالشي ..بس انا ما كنت حسنان اعمل شي كنت مربط يا لمى..بس هلأ خلص كلشي انتهى انا تغيرت وحتى قاطعت اهلي وما عدت حكيت معن
لمى..مااا بهمني تحكي معن او لا ..ما عادو يهموني بشي... انا كنت حابة يكون الي بيتي يكون الي مملكتي الخاصة فيني يلي ما حدا الو حق يشاركني فيها بس انت حرمتني هالشي هاد
محمد..حبيبتي ارجعي ورح تكوني ملكة قلبي وبيتي رح تكوني اميرتي وجوهرتي رح خبيكي بقلبي وسكر عليكي ما رح اسمح انك تتوجعي بعد اليوم
لمى.. انا ما عدت اوثق فيك ابدا وعدتني من قبل وما وفيت بوعدك ووقفت مع اهلك ضدي وزدت عذابي
محمد..لك يا لمى كلشي اتغير حتى بيتي خلص تركتو بترجاكي بكفي انا عم موت عم مووووووت
لمى... بكفي يا محمد بكفي خلص خلص ما عم اتحمل اكتر
رجعت يوما ع البيت وقلبي عم يتقطع ع الحال يلي وصلنالو وع الوجع يلي بقلوبنا الوجع يلي كان سببو جبروت اهلو وسكوتي عن جبروتهم وسكوتو لمحمد..كان لازم من البداية ارفض هيك حياة وما خليهم يتمادو علي اكتر
ما نمت هديك الليلة وانا عم فكر بمحمد وكلامو وبعدا رن تلفوني وكانت مسج من محمد
رسالة محمد...اشتقتلك حبيبتي.انت اغلى شي بحياتي انت عيوني وقلبي وروحي بترجاكي فكري منيح وارجعيلي وبوعدك هالمرة كلشي رح يتغير
ضليت لوش الصبح وانا فكر بحكي محمد وحكي الناس يلي كانت تيجي من طرف محمد وحكيهم عنو قديش تغير وكيف صار حالو .تاني يوم رجعت من دوامي واخدت ولادي من مدارسهم ورحت لعند بابا
لمى..بابا انا بدي ارجع لمحمد
بابا.. لك انت جنيتي لك شو صرلك شووووو.لك انت ما بتتعلمي لك بعد كلشي وصلتيلو بدك ترجعي للصفر لك لا يا لمى لا هالمرة ما رح اسمحلك ابدا بموت وما برجعك لمحمد
لمى.. بابا محمد تغير وانت سمعت حكي الناس يلي اجو وكيف انو محمد تغير وترك بيت اهلو
بابا..لك هاد حكي طاير هاي فترة مؤقتة ورح يرجع يعمل فيكي متل اول واكتر
لمى..بابا بترجاك انا تعبانة كتير وقلبي ما عاد في نبض من يوم تركتو لمحمد ..انا حياتي الفعلية وقفت من يوم طلاقي من محمد..انت بتعرف محمد شو بالنسبة لالي..محمد هو الهوا يلي بتنفسو هو كل حياتي يا بابا
بابا..لمى يا بنتي انا تعبت وانا عم شوفك عم تتعذبي معو لك انا ماني حابب طلاقك بس محمد ما خلا للصلح مطرح انا خايف هالمرة يصرلك شي يا بنتي
مرقت الايام وانا كل يوم عم احكي مع بابا وحاول اقنعو باني ارجع لمحمد ..وكان محمد كل يوم يتصل فيني ونحكي بالساعات ونفسيتي اتجاه محمد بلشت تتحسن كتير..وبعد معاناة كبيرة مع بابا وتدخل ناس كتير بابا وافق ارجع لمحمد بشرط ضلني بعيدة عن اهلو وهيك رجعت لمحمد ورجع نبض قلبي ورجعتلي حياتي ورجعتلي ضحكتي..وعشنا حياة هادية الي والو ولولادنا بسس
لمى..لك محمد اااه محمد شكلي رح اولد
محمد.. نامي نامي حبيبتي بعد بكير
لمى..لك محمد اااه لك شو بكير لك ابنك رح ييجي لك محمد محمد
محمد..انت عم تحكي جدددد اوف اوف لك لك شو اعمل طيب شو اعمل حبيبتي
لمى..ههههههه لك شباك لك انا يلي رح اولد مو انت لك روووق رووووق..شغل السيارة لحتى البس يالله
محمد..حاضر يا روحي هاتي ايدك شوي شوي انتبهي انتبهي
لمى..لك روح روووح يالله
بالمشفى
محمد..الحمد لله ع سلامتو حبيبي طالعة بتجنني وبتاخدي العقل
لمى..لك ااه تعبانة كتير لك شو بجنن لك مانك شايف منيح
محمد..ئي بتجنني ..لك بحبك بكل حالاتك يا عمري ربي يخليلي اياكي يا عسل
لمى..لك شو عم تعمل هلأ بشوفوك خلص نحنا بالمشفى
محمد...
لمى..لك محمدددد لك خلصص
انتهت