أنين القلب ...

[صفا النعمان]

#قصة_واقعية

الفصل الاول+ الثاني+ الثالث+ الرابع.. انتهت
(الفصل الاول)

ابو احمد: عم ترفضي ابني يا ريمة

ريمة: انا ما عم ارفضو اخي.. بس انا قايلتلك من قبل جازة القرايب ما بحبا .. وبدي تضل خيي وحبك وتحبني

ابو احمد: فكرك يمشي علي هالكلام.. من ايمت انت وزوجك الكن كلمة بوجودي.. ومن ايمت بترفضولي طلب

ريمة: هالحكي عيب اخي ما بصير تحكي هيك

ابو احمد: اي ماشي يا ريمة ..فتكن بالعافية

ريمة: الله معك اخي

انا هبة.. بهالوقت هاد كان عمري 16 سنة.. وهلا عمري 21 سنة.. ريمة هي امي الست الحنونة يلي بتخاف ربا بكل تفاصيل حياتا.. وابو احمد هو خالي ..خالي يلي كلمتو ما بتصير تنتين عند ماما وبابا ..خالي كان بدو اياني لابنو بس متل ما شفتو بابا وماما رفضو...

بابا: لك والله مسكت حالي عنو بالزور

ماما: وحد الله يا رجال.. هو مانو متعود نقلو لا.. نحنا يلي عودنا ع هيك

بابا: وهاي جزاتنا!! لك هاي بنتنا بدو ايانا نسلمو اياها بكل بساطة

ماما: ان شاء الله ربنا ببعتلا نصيبا عن قريب وبنرتاح من كل هالقصة

بابا: اي نصيبا جاهز.. رفيقي علي قبل يومين حاكاني فيها بدو يناسبنا

ماما: علي ما غيرو!!

بابا: لك اي علي ما غيرو

ماما: بس علي كبير لك عمرو فوق التلاتين

بابا: مزبوط هو كبير.. بس العمر مو باين عليه ..وهو رجال محترم وابو الله يرحمو الكل كان يشهدلو.. وامو سيرتا متل المسك

ماما: والله ما بعرف.. بنسالا لهبة وبنشوف رايا

بابا: اي طبعا رح اسالا.. بس بالاول خلي الجماعة يجو ويتعرفو ع بعض وبعدا بسالا

ماما: توكل ع الله

بعد بيومين ............

ماما: هبة ياموو تعي يا روحي

هبة: اي عيوني

ماما: يسلمولي عيونك يا بنتي؟؟ في جماعة اليوم رفقاتو لبيك بدن ييجو يشوفوكي

هبة: اي

ماما: لك شو اي.. جهزي حالك.. بعد ساعة بيكونو وصلو

هبة: حاضر ماما ..بس مين هني هالجماعة

ماما: هلا جهزي حالك وبس ييجو بتتعرفي عليهن والمسا بنحكي

هبة: حاضر يا روحي

ماما: لك شو هالبنات.. والله نحنا كنا نخجل من كلمة خطبة ههههههههههه

تحممت ورتبت حالي ولبست قميص ابيض وتنورة بيضة موردة بزهر مع شالة زهر.. وبعدا بشوي وصلو الجماعة..

ماما: هبة جهزتي امي؟ هاي الجماعة بالصالون جهزتلك القهوة جيبيها وتعي

هبة: ماما انا كتير متوترة.. كيف طالعة

ماما: لك بتجنني يا روحي.. رح يطير عقلن ..لا تتوتري جيبي القهوة وتعي بسرعة

هبة: حاضر

فتت ع المطبخ واخدت القهوة وطلعت.. كانت ست كبيرة بالعمر قاعدة وجنبا شب باين عليه باول التلاتين .. شب حلو ودقنو خفيفة.. ضيفت القهوة وسلمت عليهن وقعدت.. كانت القعدة كتير حلوة.. تعرفت فيها ع علي وامو وعرفت انو علي ابو متوفي والو اخ متزوج ساكن بشقة فوقن واخ تاني عزابي ..

بعد ما روحو الجماعة قعدنا انا وماما وبابا..

بابا: شو يا روح بابا كيف شفتي هالجماعة

هبة: ما بعرف بابا ..انت يلي بتعرفن

بابا: سمعي يا بنتي.. علي رفيقي وهو شب بيخاف ربو سيرتهن متل المسك .. اخو الكبير متزوج وما حد سمعلن صوت.. واخو الصغير عندو بالبيت حيعيش معكن انتو وامو بنفس البيت.. صح هو عمرو 31 سنة بس الرجال كل ما كان اكبر بيكون واعي لمعنى الحياة الزوجية اكتر.. وهاي امك موافقتني بالحكي

ماما: صح يا بنتي.. شباب هالايام طايشين وما عندن مسؤولية

هبة: يلي بتشوفو مناسب عملو

بعد بيومين تمت خطبتي انا وعلي.. علي كان رجال كتير حنون وبيحبني كتير بس مشكلتو انو بيعتبر المراة عورة بكل شي فيها ..

علي: هبة حبي جبتلك معي هدية حتعجبك كتير

هبة: جد يسلمووو كتير حافتحا

علي: اي فتحيها

هبة: خمار؟ بس انا ما بلبس خمار

علي: رح تصيري تلبسي

هبة: بس انا ما بحبو

علي: بس انا زوجك شرعا وانا يلي بقرر شو تلبسي ..

هبة: اي صح بس الخمار مانو الزامي

علي: لك انت لشو بتناقشي هااا.. لك بدك تمشي بالشارع والشباب كلن يتفرجو عليكي.. انا رح روح احسن بلا ما يصير شي ما يعجبك.. بخاطرك

هبة: لك ستنا ليه زعلت نحنا بنتناقش

علي: هالامور ما فيها نقاش وانا ما بحب الست يلي بتعاند زوجا

هبة: اي خلص لاتزعل حالبسو وهلا كمان هههههههههه

علي: اي هيك ها.. لبسي لبسي.. لك بيجنن عليكي تسلميلي شو بحبك

هيك كان علي كان يلي بدو اياه لازم يمشي وازا ما مشي بيقلب الدنيي فوق راسي.. وانا ع طول كنت امشي متل ما بدو وما عارضو ابداا

(الفصل الثاني)

مشت خطبتنا وحبيت علي اكتر واكتر رغم تشددو الزايد بس باستمرار كان يبررلي هالتشدد بحبو الكبير الي وانو بدو ما حد يشوفني غيرو

تم زواجنا يلي بعدو فورا اهلي تركو البلاد وسافرو ع الاردن.. وانا بقيت لوحدي من غير ايا حد قريب الي .. حماتي حاولت كتير بانو تعوضني عن غياب امي.. كانت ست كتير حنونة وما كان يخفف علي غيرا.. بس للاسف ما طولت حياتي معا .. بعد بفترة بسيطة من زواجنا تركتنا وماتت الله يرحمها يا رب..

بقيت انا وسلفي الكبير ومرتو وسلفي الصغير عايشين سوا..
موت حماتي ترك فراغ كبير بحياتي لانو ما بقيلي حد بالبيت .. سلفتي كانت من النوع الهادي كتير وغيرتا كانت كتيير كبيرة كنت باستمرار حاول اتجنبا وما خبرا شو بعمل لحتى ما تعمل شر لزوجا وتعمل متلي .. ضلت علاقتي فيها هيك لبيوم كنت عم عزل البيت ..

هبة: لك شو هاد.. بسم الله

كان سحر حاطتو بتيابي القديمة يلي ما بستخدما.. ما صدقت عيوني .. وبعد ما رجع علي ع البيت خبرتو وجن جنانوو وحكيت مع ماما يلي كانت قارءة وبترقي الناس.. وخبرتني كيف فكو للسحر.. ومن بعدا ما عدت احتكيت فيها ابداا

هبة: علي بدي روح لعند الدكتورة

علي: خير يا عمري شو يلي تاعبك

هبة: تسلم لقلبي.. ما في شي بس انو يعني شاكة باني حامل بدي اتاكد

علي: عم تحكي جد.. يااا رب.. بس انو ما في داعي تروحي للدكتورة انا بجبلك تست بيتي .. ما في داعي تطلعي من البيت بين الرجال

هبة: اففففففف لك مانا مغطية كلي ما في شي باين مني ليه ما اطلع

علي: هبة انا مليوووون مرة حكيتلك هالموضوع ما تناقشي فيه ابداااا

هبة: لك والله طقيت ..طول الوقت محبوسة بالبيت وحتى تلفون ما عطيتني

علي: ولشو التلفون ست هبة.. مع مين بدك تحكي

هبة: لك بدي اتسلا بدي افتح فيس واتس ايا شي

علي: فيس وواتس؟؟ لك انت عارفة شو في مصايب فيهن الفيس والواتس

هبة: لك انت ليه ما بتوثق فيني لييييه

وقمت من عندو وانا دموعي متل الشلال ع خدودي.. هالمشاكل ما كانت تخلص معو .. لك اخوتو كانو ينقو ع اقلا شي بعملو انا وسلفتي.. ما بدن يانا نتنفس ابدا برات البيت وجوو.. بيعاملونا باستمرار وكانو متهمات .. هالشي كان خانقني وعاملي مشاكل بيني وبينو

علي: هبووووش .. يا حلووووو.. زعلتي.. لك انا لايمت رح ضل فهمك.. لك انا بحبك وما بدي ايا انسان يقرب عليكي ولا يحاكيكي بكلمة

هبة: بس هاد مو حب ..هاد مرض اسمو التملك والشك والغيرة الزايدة

علي: هلا هيك صار؟ انا مريض.. لكن نامي لحالك اليوم انا طالع لبرا نام

نمت هديك الليلة ودموعي ع خدي.. كان نفسي روح انا وياه لعند الدكتورة ونفرح سوا بخبر حملي.. تاني نهار اجا ع البيت وهو حامل معو التست..

علي: هبوووش.. بسرعة عملي التست لارتاح

هبة: مع انو زعلانة منك بس رح اعملو

عملت التست وطلعت حامل..

هبة: علي انا حامل

علي: عم تحكي جد.. الحمد لله رب العالمين.. تعي تعي هاتي بووسة

هبة: ههههههههههههههههههههههههه لك شوي شوي

علي: يي اسف اسف يا عمري تعي لنخبرن تعي

هبة: اي يالله

علي: لك محمد عثمان تعو اسمعو هالخبررر.. لك مرتي حامل

عثمان: ههههههههههه لك انتا نهفة اخي .. طلاع برا وصرخ لحتى الناس تسمع هههههه

علي: ههههههههههههههههههههه

عثمان: اي الف مبروووك الك ولمرتك الغالية.. بس بدك تريحها هااا لا اتعبا ... هاي رح تجبلنا صبي قبضاي

هبة: او يمكن جبلكن اميرة حلوة

علي.. عثمان: تفي من تمك شو هالحكي هاد.. نحنا ما بدنا بنات والله بدبحا باديي

هبة: لك شبكوون حرام هالحكي هاد.. يلي من الله منيح

علي: لا عاد تجيبي سيرة البنات فاهمة

هبة: لك الله يصبرني

مشت ايام الحمل بدلال كبييير واول ما فتت بالخامس اخدني علي لعند الدكتورة وفحصنا ..

الدكتورة: ما شاء الله.. الجنين عندك حجمو ممتاز.. الله يحميه

علي: شو جنسو دكتورة

الدكتورة: صبي باذن الله

علي: الحمد لله.. لك شفتي يا هبة ما قلتلك.. صبي صبي

طار عقلو وزاد دلالو وما خلا شي ما جبلو اياه لهالصبي ربي يخليلي اياه ويحميه

(الفصل الثالث)

ولدت ابني الاول وابني التاني يلي كان علي شايفهن ومو مسدق.. بس مع هالفترة كلا عقلو لعلي ما تغير وغيرتو كل يوم عن يوم تزيد.. وبيوم كنت سهرانة مع ابني الصغير وعلي نايم اجتو لعلي اكتر من مسج ورا بعضن.. انا خفت يكون حد من اخواتو بدو شي فتحت التلفون ويا ريت ما فتحتو.. كانت محادثة من بنت ما بتتسمى غير بنت ليل.. حكي بخجل انو اتذكرو وصور والله انا بخجل فيها .. غير مقاطع الفيديو الاباحية يلي كانت مليي جهازو..

ناار وشعلت بقلبي لك هاد علي يلي ع طول خانقني باسم الدين وباسم الحب .. لك ايا دين هاد يلي بيخليك تشوف هيك شي..

ما بعرف كيف مشا الليل.. قلبي كان واجعني كتيير..بكيييت كتييير.. بكيت زوجي يلي كان خانقني باسم الدين بكيت حبي الو.. حبيتو بكل تفاصيلو وبكل عنادو معي ..وبكل تشددو لك ليش ليعمل هيك.. ليش ليترك الحلال ويروح للحرام.. غيرتو الزايدة ومبرراتو لهالغيرة بانت.. كان مفتكر بانو انا متل غيري.. متل البنات يلي عم يجر معون طول النهار والليل.. هو كان متوقع بايا لحظة ربنا يجازي فيني ..بقيت طول الليل ع بكي وقهر لوقت ما سمعت اذان الفجر ..فورا مسحت دموعي وتوضيت وصليت ودعيت ربي من كل قلبي يهدي لزوجي ..

بس للاسف هالدعاء ما جاب نتيجة ..ما خليت طريقة الا وجربتا معو ..من خناق لهجر لمعاملة بالحسنى بس ابدا ما نفع معو.. وضل متل ما هو

حياتي كانت كتيير صعبة همومي عم تزيد وماني قدراني حلا.. كلشي بيهون لما يكون زوجك معك.. بس انا مشكلتي كانت فيه وبغضبو لربو.. كنت استحي من ربنا انو انا عايشة مع هيك شخص حامل كل هالذنوب..

هبة: علي بدي تلفون

علي: هبة الموضوع منتهي من زمان ما في تلفون

هبة: علي بدي حاكي اهلي.. انت طول النهار غايب وما في حد معي .. انا نفسيتي كتير تعبانة

علي: ومين مانعك تحاكيهم.. مانت ع طول بتحاكيهن من تلفوني

هبة: انت ما بتروح غير اخر الليل .. وانا حابة كمان يكنلي تلفون خاص فيني.. وما تخاف ما رح حاكي شباب

علي: شو حكيتي ست هبة

هبة: متل ما سمعت.. انت ما بدك تعطيني تلفون لانو خايف اعمل متلك بس لا تخاف انا ماني متلك

عصب علي وضربني كف ع وشي..

هبة: بتضربني كمان.. اي بيطلعلك يا علي.. مانت عارف بانو ما فيني اتركك.. لك والله لو في شي طريقة لاتركك وروح لاهلي

كنت عم احكي وانا مخنوقة ودموعي بعيوني.. تركتو وفتت ع غرفتي وما فتحت الباب غير لاخر الليل لجيب اكل لابني..وقتا اجى لعندي و حاول يطيب خاطري بكلمتين..

علي: هبة انا ما كان قصدي اضربك بس انت استفزيتيني كتير

هبة: بلا ما احكي علي لانو قلبي مليان حكي

تركتو ورحت .. وتاني نهار ما شفتو غير جاي وجايبلي علبة مغلفة ..

علي: تفضلي مرتي الحلوة وهاي تلفون لحتى تعرفي قديش بحبك

هبة: شكرا علي

علي: بس اووعك تعطي رقمك لايا انسان فاهمة.. وايا رقم مانو مسيف لا تردي عليه ابدا

هبة: خلص علي فهمنا

(الفصل الرابع)

مشت الايام ورجعت حملت تالت مرة.. وهالمرة كان يلي ببطني بنت

الدكتورة: وهاي ربنا حيزينلكن عيلتكن ببنوتة حلوة

هبة: جد بنت.. الحمد لله

علي: شو عم تحكي انت؟؟ بنت

الدكتورة: اي بنت

علي: ما بدنا اياها.. لازم تنزليها دكتورة

هبة: علي شو هالحكي هاد

الدكتورة: هالحكي حرام اخي .. وانا مستحيل اجهض لانو انا ما بقتل نفس ابدا

رجعنا يوما ع البيت وطول الطريق وعلي معصب ويقنع فيني نزل البنت.. وبس وصلنا البيت شافنا اخو عثمان ونحنا معصبين وبنتخانق

عثمان: خير شو في شبكن

علي: الدكتورة قالت انو الجنين بنت

عثمان: بنت!! اي ولشو متخانقين نزلوها وخلص

علي: لك مااا بدااا ..بداا تجبلي بلوة ع حياتي

هبة: لك خافو ربكن لك هاي روووح.. وانا مستحيل اقتلا

لاكتر من ساعة وهني يناقشو فيني بانو نزلا لبنتي واخر شي تعبت وتركتن وفتت ع غرفتي..

هبة: الووو كيفك ماما.. كيف انت

ماما: هلا يا عمرا لماما.. كيفك يا بنتي ليه تاخرتي بالاتصال هالمرة

هبة: كنت مشغولة شوي

ماما: شبو صوتك امي.. رجعتو تخانقتوو

ما بعرف كيف انفجرت بالبكي : لك يا امي تعبت والله تعبت .. لك شو بدي اتحمل لاتحمل.. اتحمل تشددو الزايد او اتحمل علاقاتو الوسخة مع البنات او اتحمل عنادو الزايد؟؟ لك مين اتحمل لاتحمل .. لك بدو ياني نزل بنتي يا امي بدو ياني اقتل الروح يلي ربي زرعا جواتي

ماما: هدي شوي يا بنتي.. الله يسطفل فيه لك نحنا قلنا لحالنا رجال كبير بيهتم فيكي.. قلنا بيعرف ربو .. لك طلع ولاشي

هبة: امي بترجاكي بدي اتطلق ما عاد قدرت

ماما: لك يا روحي وين بدك تروحي بحالك.. بيك ما خلا طريقة ليجيبك عنا بس ما زبططت ابدا

هبة: وشو بدي اعمل يا امي

ماما: الزمي الدعاء يا امي.. ربي يهدي سرك يا روحي

خلصت حكي مع امي وقمت توضيت وصليت ركعتين ودعيت كتير ربنا يحميلي بنتي...
مشت فترة حملي كلا بالهم ..الهم من جوزي يلي ع طول ينق ع حملي ..والهم من سلفتي يلي ما تركتني بحالي.. والهم من شوقي الكبيييير لاهلي يلي ماني قدراني اوصلن..

اجا يوم ولادتي.. وولدت بنتي يلي متل فلقة القمر.. يوما تركوني لوحدي بالمشفى وما حد سال فيني ..

هبة: لك هيك يا علي بتتركني

علي: وشو بدك اعملك.. طول ما انت مصرة تخلي هالبلوة عايشة اووعك تحاكيني بشي

هبة: لك حرام عليك.. لك اطلع فيها وببراءتها لك شوف ما احلاها.. شوفا منورة متل الشمس

علي: بعدي عني هبة خديها لبعيد.. لك روحي ادفنيها وهي لساتا صغيرة .. عطيني اياها لاعطيها لعثمان يروح هو يدفنا ..

هبة: لك انت ما فيك ذرة انسانية ولا ذرة دين.. لك بايا قلب عم تحكي.. لك بدك تدفن بنتك؟؟

سميتا لبنتي شمس لانو كانت منورة متل الشمس ونورتلي عتمة حياتي.. كانت متل البلسم ع قلبي.. بس فرحتي ما كملت ونورا لبنتي انطفى لحكمة ربنا قضاها وما بيعلم بسرا غيرو...

كان عمرا خمس شهور ولاول مرة بتنطق بكلمة ماما.. كنت عم لاعبا وفجاة وحدة شدت بالبكي وما عاد عرفت سكتا .. يوما كان سلفي مرضان والكل مشغول فيه وانا ما حد عندي بالبيت .. فجاة وحدة علي صوتا وبعدا سكتت.. اطلعت فيها كانت عم تاخد النفس بصعوبة.. حملتا بين اديي وركضت فيها بالشارع متل المجنونة.. روحي كانت عم تطلع وانا شايفتا بهالحالة هاي.. لحتى ربنا يسرلي سيارة وقفت قداما للسيارة لحتى توقف..

الرجال: خير يا بنتي خير

هبة: بترجاك اخي بنتي رح تروح مني بترجاك

ركبنا بالسيارة واخدنا الرجال ع المشفى..

هبة: دخيلك يا دكتور بنتي يا دكتور بنتي

الدكتور: بسرعة اكسجين اكسجين

اخدو بنتي مني وفوتوها ع الغرفة وسكرو الباب.. كانت عشر دقايق بس.. حسيتن بمليون سنة.. طلع الدكتور..

هبة: طمني يا دكتور

الدكتور: الله يعوضك يا بنتي.. البقاء لله

هبة: شووووووووووووووووو لاااااااا بنتيييي شمسس يا روحي يا امي لا تروحيييي بنتييي

التم المشفى كلو علي وع بكاي الكل بكي معي ع شمس .. ما كنت مستوعبة بانو بنتي خلص راحت ما استوعبت ابدا كنت حاسة حالي بكابوس.. تركتن كلن ورحت ع الغرفة لعند بنتي ..حملتا بحضني لشم ريحتا.. كانت مغمضة عيونا متل الملاك

هبة: شمس يا امي فتحي يا روحي .. فتحي عيونك يا امي..
كنت احكي معا ودموعي يهرو على جسما الصغير
شمس امي لا تتركيني.. انا ما تركتك يا امي.. ما خليتن يقتلوكي ولا يدفنوكي .. حميتك منن يا امي وما تركتك لا تتركيني يا عمري .. لااا تروحي يا مهجة قلبي .. ما فيني بلاكي يا عمري ما فيني

اجت ست كبيرة ما بعرفا: خلص يا بنتي هاي ارادة ربك صبري يا بنتي صبري

هبة: يااااااااا رب يا رب صبرني ما عم اقدر يا ربي

حياتي وقفت هون قلبي مات حاولت كتير اتركو لعلي وارجع لاهلي بس ما قدرت .. علي موتة بنتو صحتو شوي.. بكي كتير عليها حس بالفراغ يلي تركتو شمس.. حس بالظلام يلي تركتو شمس ببيتنا.. بس بعد شو بعد ما راحت مهجة قلبي.. يمكن موتتا لشمس كانت ارحم الا من انو تعيش مع هيك عقول متحجرة ويمكن موتتا كانت درس لعلي .. ربي يصبر قلبي ع بنتي وما يذوقكن هاللوعة هاي..
انتهت