بسم الله الرحمن الرحيم
اعزائى...
لو تفتكروا كانوا زمان بيتغنوا ببيت العز اللى هو بيت العيلة
كانوا بيحلفوا باللمة الحلوة بين افراد الاسرة والاهل
كانت تتم بدون تكلّف والدافع ليها الوحيد هو الحب
سبحان مغير الاحوال...
الايام دى تلاقى كل فين وفين لما الاسرة تتجمع يمكن فى المناسبات وبس دا لو حصل
واصبح الدافع للتجمع مش الحب اد ما هو تأدية واجب
حتى يقولك اعمل خير وصل رحمك عشان ينوبك ثواب
يعنى بنصل رحمنا لهدف الحصول على الثواب من ربنا وبس !
امتلأت ساحات المحاكم بالنزاعات بين الاخ واخوه واحيانا بين الابناء ووالديهم
فضى القلب من الحب وملأ مكانه الغيرة بين الاخوات
كل واحد بقى همه نفسه وبس ...
ياترى ممكن الظواهر دى تموت وتختفى ؟
طبعا هنقول لو رجعنا لكلام ربنا كل دا هيختفى ودا صحيح
لكن احنا عاوزينه يختفى ووترجع اللمة الحلوة من غير ما نرجعها على انها فرض من ربنا علينا وبس
ولا عشان نكسب ثواب بيها وبس
محتاجين نعرف ان الاسرة مش بس اب وام واخ واخت
لكن معاهم كمان الجد والجدة و الاخوال والخالات والاعمام والعمات وولادهم وووو.....
دول جذورنا اللى بيها نكون اقوى ومن غيرها جذورنا على الارض تضعف وتموت.
ياريت نلحق نعوّض اللى فاتنا قبل ما يفوت الاوان
دا حضن الاهل ولمة العيلة ماتعوضه كنوز الدنيا ....