دنياي من فرقاك صارت بـلا نـور

[المنسي]

​

يا اللي غيابك تارك الحـال مكسـور​

شف رمح هجرانـك حياتـي طعنّـا​

دنياي من فرقاك صارت بـلا نـور​

وحلو الليالـي يـا عشيـري نسنّـا​

اضحك وأقول إني مع الناس مسرور​

وأحاول أخفي مـا فصـدري وأكنّـا​

العين تكشفني وانا احساس واشعـور​

واللي يشيـل حمـول شوقـه مثنّـا​

مدري على هالبعد مبلـي ومجبـور​

وإلا ان قصـد صويحبـي يمتحـنّـا​

وإن كان قصده يبغي العذر معـذور​

يقرب ويرحم من قضى الليـل ونّـا​

وإن كان في بعده قطع صاحبي الشور​

قولوا لـه أن المـوت هاجـم بدنّـا​

والصبر يا قلبي ترى الصبر ماجـور​

ماهـي تـرا دايـم علـى ماتمـنّـا​

​

 

[خالدالطيب]

​

​

موضوع رااائع
وجهود أروع​

يعطيك العافيه
​

 

[المنسي]