إهــــداء من زوج محب إلى زوجته الوفيه

[المنسي]

إهــــداء

من زوج محب إلى زوجته الوفيه




نظر عيني أنا آسـف على التقـصـير

وكلمـة شـكـر مدري كـيف احـررها​

احـس الكون كله في سماك صـغـير
ولا ياسـع لصــورة جـيت اباظـهـرها​

عجزت ارسم ملامح فاقت التصوير
وسـبـحـان اللي خــالقـها وصـــورها​

مـشــاعـر بالغـــلا ما توفي التعــبير
ودمــعـة نـازلة مني هي أصــغــرها​

بنـيت العـش وقلبي بالمحــبة كــبير
ولقـمـة عـيش لو يبـســت نكسـّـرها​

ونطــعـمـها لأفــواه(ن) إلين تطـــير
وأرزاق البـشــــر ربـي يـسـخــــرها​

ما شـلت الهم وعـندي راعـية تدبير
ويـكــــفـي قــــولـتـك ربـي يـدبــرها​

تواســـيني ولـو اغـلـط عـليك كــثير
ودايـم روحـــك العـــــذبة تمــــررها​

حـتى بغــيبتي طــيفي لقـى التقـــدير
بكلمـات(ن) شـذى الذكرى تعـطـرها​

تشـاركنا سـوى حتى بهوى التفـكـير
بنفـس اللحـظة نفـس الكلمة نذكرها​

كلامـــك يا حـــياتي له عـلي تـأثـــير
وروحـــي لـو طــلبـتي لك اغـــيرها​

اخـــليـها عـلى كــــيفـك بـلا تـبــرير
ووقـفـــــات الوفـــــا لازم اقــــدرها ​

​

 

[خالدالطيب]

الله يعطيك الف عااافيه
ع الطرح الاكثر من رائع
دمت بحفظ الرحمن

 

[المنسي]