ما دريت إن الجــــــــــفا دربـه عـــــذاب
وما عرفت أخــــــبار قلب الحـــب ويــن
لي مع الأحـــــــــزان بـــابٍ خلف بــــاب
وفي دموع الجــــــــــرح يا ربي تعـــــين
أظلـــــــمت دنياي مــــــع عمر الشباب
وصارت الآهـــــــــــات بالعمر الدفــــين
أحسب الأوقــات والنظـــــــره ســـــراب
مستحيل الوقـت يرجـــــــع بالســـنـين
شاب رأس الطــــــفل من قصة غيــــــاب
كـــــــــيف أنــا الولهان للقمرا تبـــــين
انتظـــــرت الوقت ما جــــاني جــــواب
وأثـــري في دنــــيا السراب بلا عـــــوين
الدروب اللي مضــت تحت التــــــــراب
مالها قيـــــــمه وأنــا جرحي كمــــــين
كانه النســـيان ما صــــار العتــــــــاب
وكـانه الدمـــعه عــرفت إنـي حـــــزين
الظنـــــــون وجمــــــرة الوقت إغتصاب
والفــــكر مشلول يا خــــــذني سـجــين
مالي إلا كلمتــــــينٍ في كتــــــــــــــاب
وش يفـيد الصـــــوت لا ضــــــاع الحنين