انا لله .. واليه راجعون

[ايفےـلےـين]

المدخل :

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !

.
.

:

المُحال / الصعب , يعني : وضعَنا
إنتثرنا . . . و الأوادم , يجمعون .

يشهد الله , بس ( طمعنا فـ بعضَنا )
يوم خلق الله
بـ - كل شي يطمعون !

يا حبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون

الفراق .. الضيق , الحظ .. العَنا ,

- الجروح إللي تجي بليّا ( طعون ! )

.. الظروف , الموت , الحزن , الهَنا ..
الدموع .. الصوت / خلْهُم : يسمعون

دام ندري الـ " بُكى " ما فادَنا !

[ ليه ما نرحَم قلوبٍ يدمعون ؟؟! ]

إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون .

النصيب / الناس / قسوة وقتَنا :

مو بـ إيدينا هـ الثلاثه , يخضعون

العواذل ........ { عيدهم } بـ فْراقَنا
" فرصة " أعدائي فـ غيابي / يطلعون

راقبونا . . و إتعبوا . . . في قربَنا
و
من يشوفـونا " تصدّق " يفزعون !

- صابنا إللي كاتِبَه [ اللـهُ ] لَنا -
لو مشاعرنا .. حبيبي يفجعون .. !

إنت ((( ضقت ))) فـ غيبتي لكن , أنا :

إنَّا للـه . . . وإليـهِ راجعون .

:

.
.

​

المخرج :

في دنيتك غصبٍ عن [ الكـل ] : ببقى !
" الموت " أهوَن .... من حياتي بدونك .
خايف عليّ من قسوة الوقت / أشقى ؟!
- مافيه أقسى من ( مفارق ) عيونك -​

.
​

 

[املي بالله]

اختيار رائع ومميز

يسلمو يداكي ايفلين لروعة انتقائك

لكي تحيتي

 

[رنون]

راقـــ لـــي أختيارك وطرحك الرائــــع
ننتظـــر جديدك بكــــل شـــــوقــ
لكـِ ودي

 

[ايفےـلےـين]

اسعدني تواجدكم

 

[زهرة الجنة]

ايفلين كلماتك مبدعة ورائعة
اختيارك للتعبيرات العذبة يدل علي احساسك المرهف
دمتي متالقة غاليتي​

 

[ايفےـلےـين]

كم يسعدني تواجدك دوماً بين صفحاتي زهرة الجنة

 

[حنين*]

ايفلــــــــــــــــــــــين
كلمات لامست القلب بعذوبتها
ارقــــــــــــــــــــــــــ تحية

 

[ايفےـلےـين]

كل الشكر لروعة مرورك حنووون

 

[المنسي]