يسعد صباحك صباح الخير لعيونك
يااللي عيوني تذوب بنظرة عيونك
ما يستويلي صباح إلا على فنونك
"والنار ما تحرق إلا رجل واطيها"
:
ياجنتي ياعذابي وجرحـي النـازِف
فيك المعانـي تواتـر حسّهـا وارِف
من سبّتك صرت انا مجنون ومجازف
"والنار ما تحرق إلا رجل واطيهـا"
:
غض وتلطف تعال ارويـك ياحيـي
ياشمس صيفي ربيعي ظلّـي وفيـي
كاسِ تسامت عن المصروف من غيي
"والنار ما تحرق إلا رجل واطيهـا"
:
ياغايتي يامنـاي ونزهـة اشواقـي
في بحرك اغرق وفيك اجدد اغراقي
لغيرك صباحي تـرى والله مـالاقِ
"والنار ما تحرق إلا رجل واطيهـا"
:
يا فُل يا ورد يا مشمـوم ياكـادي
يا بسمة الطفل ياترنيمـة اعيـادي
فيك اتغنّى وفيك اكسّـر اصفـادي
"والنار ما تحرق إلا رجل واطيها "
:
أضحك وانا ابكي وقلبك ساهيٍ لاهي
عليك اتوجـد بوجـدٍ فـارهٍ باهـي
ارسمك لوحة غرام وحلمي الزّاهي
"والنار ما تحرق إلا رجل واطيها "
:
يا نور عيني وعيني نورها نـورك
اسما شعوري يعانق سامي شعورك
كسّر غروري حنانٍ فيك وغرورك
" والنار ما تحرق إلا رجل واطيها "