كيفية التسجيل على المفاضلة بالتفصيل الممل
من وقت تطلعوا من البيت لوقت ترجعوا بطريقة حلوة ورائعة والذي منو....
المهم البوست رح يكون طويل لأنو فيه كل التفاصيل والذي منو ورح تستفادوا كتير....
المهم قبل بيوم من التسجيل عالمفاضلة بتفكر شو هي رغباتك اللي بتسجلها وبتكتبهن عورقو وبتتفق مع رفقاتك تنزلوا سوا وتتلاقوا عباب الجامعة وبتضبط المنبه عالساعة ٧ الصبح وبتنام....
تاني يوم برن المنبه عالساعة ٧ الصبح بتطفيه وبترجع تفيق عالساعة ٩ الصبح بتحط الهوية وصورة عن شهادة البكالوريا (مو الأساسية) وبتاخد معك شي الفين ليرة للاحتياط وبتنطلق للجامعة....
قبل ما تفوت عالجامعة بكون في شي الف بني ادم واقف وعم يقول مفااضلاااات مفااضلات، بتقلو شو سعرها مع الطوابع بقلك شي الف ليرة بتكسر على أنفك بصلة وبتعطيه الف ليرة مع أنك بتعرف أنو ناصب عليك....
والأدبي نفس الشي مو يضحكوا عليكن ويعطيكن مصنف اخضر ومدري شو لانو كل سنة بصير معهن هيك....
بعد ما تشتري المصنف بكون فيها أوراق الرغبات (كل رغبة في الها رمز أنت مثلا بدك معلوماتية بدمشق بتحط رقم ١ بس بدك معلوماتية بحلب بتحط رقم ٢ وهيك بس بتكتب الرموز وبزيادة) طبعا بمفاضلة هالسنة رح يكون في رموز لمنح الجامعات الخاصة والتحضيري عام وموازي....
المهم بتعبي رغباتك (بحقلك تسجل أقل شي رغبة وأكتر شي 35 رغبة وإذا يدك تسجل منح كليات طبية بصيروا ٤٥ رغبة) وبتروح تصور هويتك وبوجهك عمكان ما بسجلوا للطلاب رغباتهن (غرف الحواسيب)...
بتفوت لجوا وبتقعد جنب الموظف أول شي بتنقلو رقم الاكتتاب ولغة التفاضل بتطلع التفاصيل عندو كلها وانت وقتها بس بتنقلو العنوان ورقم الهاتف....
وبعدين بتصير تنقلو بس رموز الرغبات وهو بحط الرمز وبيطلع شو الفرع المقابل ألو وهييك....
ووقت تخلص بتعطيه صورة هوية وبيعطيك هو نسختين تلصق عليهن الطوابع (ما في داعي قلكن طريقة التلصيق الشهيرة) بعد ما تلصق عليهن الطوابع بتوقع عليهن وبيختمولك ياهن وبتضل نسخة معك بتفوت عليها عالجامعة ونسخة معهن...
هي باختصار .....
طيب ياضياء أنا بدي سجل موازي (أدبي أو تحضيري) شوفي شي زيادة؟
نفس الطريقة تماما بس قبل ما تنزل عالجامعة بتروح عشي مصرف عقاري وبتدفع 25 الف طبعا اذا ما طلعلك تحضيري برجعولك ياهن واذا طلعلك بيخصموه من سعر الموازي....
طيب سؤال تاني ياضياء اذا سجلنا ٣٥ رغبة عامة وما طلعلنا شي شوفينا نعمل؟
هون بحقلكن تعملوا تسوية اللي هي عبارة أنو وقت تطلع المفاضلة التانية وما يكون طالعلكن شي بتشوفوا شو بيطلعلكن الرغبة عالمفاضلة التانية وبتسجلوها مباشر متل الأدبي يعني بس عالمفاضلة التانية، وهالحكي حصرا لازم تكون مسجل ٣٥ رغبة عالعام....
سؤال تالت يا مسيو أنا الموازي ومنح الجامعات الخاصة بس للكليات الطبية والتحضيري؟
أي بس للكليات الطبية والتحضيري، أما الموازي لباقي الكليات بتطلع بعد المفاضلة التانية باخر العاشر، ومنح الجامعات الخاصة باقي الكليات بتطلع بالشهر ١٢ تقريبا....
![كيفية التسجيل على المفاضلة بالتفصيل الممل]( "كيفية التسجيل على المفاضلة بالتفصيل الممل")
![كيفية التسجيل على المفاضلة بالتفصيل الممل]( "كيفية التسجيل على المفاضلة بالتفصيل الممل")
من وقت تطلعوا من البيت لوقت ترجعوا بطريقة حلوة ورائعة والذي منو....
المهم البوست رح يكون طويل لأنو فيه كل التفاصيل والذي منو ورح تستفادوا كتير....
المهم قبل بيوم من التسجيل عالمفاضلة بتفكر شو هي رغباتك اللي بتسجلها وبتكتبهن عورقو وبتتفق مع رفقاتك تنزلوا سوا وتتلاقوا عباب الجامعة وبتضبط المنبه عالساعة ٧ الصبح وبتنام....
تاني يوم برن المنبه عالساعة ٧ الصبح بتطفيه وبترجع تفيق عالساعة ٩ الصبح بتحط الهوية وصورة عن شهادة البكالوريا (مو الأساسية) وبتاخد معك شي الفين ليرة للاحتياط وبتنطلق للجامعة....
قبل ما تفوت عالجامعة بكون في شي الف بني ادم واقف وعم يقول مفااضلاااات مفااضلات، بتقلو شو سعرها مع الطوابع بقلك شي الف ليرة بتكسر على أنفك بصلة وبتعطيه الف ليرة مع أنك بتعرف أنو ناصب عليك....
والأدبي نفس الشي مو يضحكوا عليكن ويعطيكن مصنف اخضر ومدري شو لانو كل سنة بصير معهن هيك....
بعد ما تشتري المصنف بكون فيها أوراق الرغبات (كل رغبة في الها رمز أنت مثلا بدك معلوماتية بدمشق بتحط رقم ١ بس بدك معلوماتية بحلب بتحط رقم ٢ وهيك بس بتكتب الرموز وبزيادة) طبعا بمفاضلة هالسنة رح يكون في رموز لمنح الجامعات الخاصة والتحضيري عام وموازي....
المهم بتعبي رغباتك (بحقلك تسجل أقل شي رغبة وأكتر شي 35 رغبة وإذا يدك تسجل منح كليات طبية بصيروا ٤٥ رغبة) وبتروح تصور هويتك وبوجهك عمكان ما بسجلوا للطلاب رغباتهن (غرف الحواسيب)...
بتفوت لجوا وبتقعد جنب الموظف أول شي بتنقلو رقم الاكتتاب ولغة التفاضل بتطلع التفاصيل عندو كلها وانت وقتها بس بتنقلو العنوان ورقم الهاتف....
وبعدين بتصير تنقلو بس رموز الرغبات وهو بحط الرمز وبيطلع شو الفرع المقابل ألو وهييك....
ووقت تخلص بتعطيه صورة هوية وبيعطيك هو نسختين تلصق عليهن الطوابع (ما في داعي قلكن طريقة التلصيق الشهيرة) بعد ما تلصق عليهن الطوابع بتوقع عليهن وبيختمولك ياهن وبتضل نسخة معك بتفوت عليها عالجامعة ونسخة معهن...
هي باختصار .....
طيب ياضياء أنا بدي سجل موازي (أدبي أو تحضيري) شوفي شي زيادة؟
نفس الطريقة تماما بس قبل ما تنزل عالجامعة بتروح عشي مصرف عقاري وبتدفع 25 الف طبعا اذا ما طلعلك تحضيري برجعولك ياهن واذا طلعلك بيخصموه من سعر الموازي....
طيب سؤال تاني ياضياء اذا سجلنا ٣٥ رغبة عامة وما طلعلنا شي شوفينا نعمل؟
هون بحقلكن تعملوا تسوية اللي هي عبارة أنو وقت تطلع المفاضلة التانية وما يكون طالعلكن شي بتشوفوا شو بيطلعلكن الرغبة عالمفاضلة التانية وبتسجلوها مباشر متل الأدبي يعني بس عالمفاضلة التانية، وهالحكي حصرا لازم تكون مسجل ٣٥ رغبة عالعام....
سؤال تالت يا مسيو أنا الموازي ومنح الجامعات الخاصة بس للكليات الطبية والتحضيري؟
أي بس للكليات الطبية والتحضيري، أما الموازي لباقي الكليات بتطلع بعد المفاضلة التانية باخر العاشر، ومنح الجامعات الخاصة باقي الكليات بتطلع بالشهر ١٢ تقريبا....
