البحوث العلمية (المعهد العالي للعلوم التطبيقية)

[صفا النعمان]

البحوث العلمية (المعهد العالي للعلوم التطبيقية)
المعهد العالي للعلوم التطبيقية والتكنولوجيا
التابع "للبحوث العلمية"
HIAST / ISSAT
مدة الدراسة : 5 سنين
وبتتخرج مهندس وشهادة المعهد من أعلى الشهادات السورية

الاختصاصات الموجودة :
بدمشق :
- اتصالات
- نظم إلكترونية
- النظم المعلوماتية
- علوم وهندسة المواد
- ميكاترونكس

بحلب :
- هندسة طيران فقط

الدراسة :
أول سنتين جذع مشترك "بتدرسو فيها رياضيات وفيزيا وكيميا وإنكليزي وفرنسي ومبادئ حاسوب ... وبتتعمقو فيهن"
وعالسنة التالتة بتختصو
وطبعا كل سنة 3 فصول عدا التكميلي
وكل فصل شي 7 مقررات
وغير نظام الجامعات العادية وشروط التكميلي غير
وما بتترفع لتكون مرفع كل موادك
وإذا رسبت بالسنة الأولى بتنفصل من المعهد
"مشان إذا رجعت عدتا ورسبت ما تطلع من المعهد وانت مستنفذ"

التسجيل :
المعهد مفاضلتو خارجية وما بتدخل بالمفاضلة العامة
هديك السنة طلبو للدورة الأولى 223,7
وللدورة التانية 226,7
وللعلمي حصرا ومافي موازي ومافي مفاضلة خاصة لذوي الشهداء
يعني بالمجمل بياخدو ال 15% الأوائل عالقطر
وعهالأساس بتغير المجموع يلي بطلبوه
ومن هديك السنة صارو يعملو امتحان قبول
الامتحان هديك السنة كان بالرياضيات والفيزيا وكان أتمتة "اختيار من متعدد"
بيختبرو فهم الطالب بهالمادتين وطبعا شغلات من البكالوريا
وبعد الامتحان بشي يومين بتصدر لوائح بأسماء المقبولين
واللي بدو يسجل بروح وبكمل إجراءات التسجيل

أنواع التسجيل :
- يا إما بتسجل إيفاد داخلي للمعهد وبهالحالة بكون في عليك التزامات
بتاخد راتب وبتتوظف أول ما تتخرج بس ممنوع من السفر وممنوع من الزواج خلال فترة دراسة
- أو تسجيل خاص على حسابك وبهالحالة ما بتكون ملزم بشي والمعهد مو ملزم بتوظيفك
وممكن يوظفوك وممكن لأ لأنو طالب الإيفاد أولى' بالوظيفة

مميزات المعهد :
- سكن ضمن المعهد "غرف فردية" وطبعا بخيروك تقعد بالسكن أو لأ يعني مالك مجبر
- مطعم "بتضمن الفطور والغداء"
والأسعار بتكون رخيصة بالنسبة للموفد وأغلى شوي للخاص
- رحلات "رحلتين بالسنة"
- أندية ونشاطات ثقافية مجانية لطلاب المعهد
متل البرمجة ، الروبوتيك ، بيئة ، موسيقا ، سينما ، نادي حديد ، مسبح ...
- فيك تسجل على بيت وسيارة
- جوائز نقدية للتلاتة الأول بكل سنة
- الأول عالدفعة بتوظف ضمن المعهد العالي وبستلم التدريس أو التدريب بأحد النشاطات
**ومن جديد صار الراتب بحدود 60

وطبعا بكل سنة بتنقسمو لفئات
كل فئة ما بتجاوز عددها ال 25
وفيك تروح لعند أي دكتور إذا عندك أي أسئلة أو شغلة ما فهمتا
وإجباري تكونو ملتزمين لأنو أهم شي الالتزام
وتكونو اجتماعيين لأنكن رح تقابلو طلاب من مختلف المحافظات
وقبل امتحان القبول.. المعهد بيعمل فعالية اسمها "اليوم المفتوح" أو ال "open day"
بتروحو عالمعهد وبعرفوكن عليه وبشرحولكن عنو وبتشوفوه على أرض الواقع.
وبالتوفيق للجميع