#ازمة_ثقة
#الجزء_السابع_عشر
مرح :......
سعد :اذا ما انتي رح اتزوج غيرك .. وانتي بتحبيني .. خلينا نتزوج
مرح :وبيان ؟؟
سعد :شبا بيان .. خلص بيان بح .. وكمان اذا خايفة ععلاقتك معا فهية هيك هيك خربانة
مرح :كيف بدي ارجع اوثق فيك وانت رحت تركض لعندا اول ماخبرتك .. يعني ممكن ترجع لعندا وتتركني لحالي
سعد :لا .. لا .. ليكي مرح اعتبريني ورقة بيضا قدامك وعملي فيني يلي بريحك .. المهم هلأ بتقبلي فيني ولا روح دور ع بنت غيرك
مرح : بدي فكر
سعد :حقك
مرح :بنحكي
نزلت من السيارة ومشت
_________________________
بالمشفى
مؤيد عم يفحص طفل بغرفتو .. اجت الممرضة من وراه وقالت :دكتور .. الدكتور عصام طالبك
مؤيد :يلا هلأ بجي
خلص فحص الولد وابتسم وقال: لا كتير متحسن .. وبدنا نطالعك ع البيت شو رأيك
امو :عنجد دكتور
مؤيد :اي بس مو اليوم ان شاء الله بكرا
: الله يسمع منك يارب .. الله يوفقك يادكتور
طلع مؤيد وراح ع غرفة ابوه .. دق الباب وفات .. وتفاجئ بميسون قاعدة قدام الطاولة والمصاري يلي عطاها اياهن ع الطولة .. وفهم كل القصة
عصام : فوت ليش وقفت عندك
فات وقعد مقبال ميسون بنظرات كلها شرار
عصام : بتعرف هدول المصاري لمين
مؤيد: ....
عصام : لك شبك احكي
مؤيد :اي هدول الي ..
عصام : اي خدن وميسون مابحاجة مصاري لحتى تتصدق عليها
مؤيد مو فاهم شي : عن شو
ميسون :اسفة بروفسور مؤيد .. بس انا مابقبل مصاري من حدا .. وانت لما شفتني مدايقة عطيتني اياهن وماقبلت تاخدن مشان هيك انا قلت بعطيهن لدكتور عصام .. هو بيرجعلك اياهن بطريقتو لانو انا عنجد ماني بحاجة مصاري .. وشكرا كتير لدعمك
مؤيد :شوو عم تحكي انتي
عصام : شبك ابني .. لك ما انت عطيت هدول المصاري لميسون لانك حسيت انها بحاجتن ولما رجعتلك اياهن انت ماقبلت تاخدن وميسون اجت لعندي لرجعلك اياهن .. مع انو قلتلا مؤيد مارح يقبل .. بس عنيدة ههههه .. هدول مصرياتك خدن
ميسون : شكرا بروفسور.. بس انا نفسي عزيزة ومابقبل شفقة اسفة مرة تانية .. وياريت تاني مرة لاتحرجني
اخدن وصار يتطلع عليها بطرف عينو حطن بجيبتو وقام
ميسون :شكلو زعل .. رح حكيه
وهو ع الباب
ميسون :دكتور ممكن من وقتك خمس دقايق
هجم عليها وكان ناوي يضربا بس تمالك اعصابو وقال : شو بفهم من يلي عملتيه
ميسون: انت شو فهمت
مؤيد:عم تهدديني بأبي .. مفكرة انو انا ولد صغير وبخاف من ابي مشان مايعاقبني
ميسون : بس انا ماقلتلو
مؤيد :بعرف ماقلتيلو بس هي طريقة لتوصيلي رسالتك
ميسون :شاطر .. فهمت علي
مؤيد :لاتعملي علي البنت الذكية .. انا بمشي مية متلك ع اصابيعي
ميسون :ماني عم اعمل شي .. بس انت مانك ناوي تعيفني بحالي .. صح كنت رقاصة بس تبت وبطلنا هالشغلة .. وبالنسبة للشي يلي بدك اياه ماعطيتو لغيرك لاعطيك اياه
مؤيد : ع حد علمي كنتي متزوجة زواج عرفي
ميسون : شكلك جايب المعلومات من مصادر موثوقة ... اي تزوجت عرفي .. لشخص عنيد ودبقة متلك
مؤيد :متلي ؟؟
ميسون : اي متلك
مؤيد : طيب موافق كون متلو تتزوجيني
ميسون : ههههه حلوة هالمزحة
لفت لتمشي وهو مسكا من ايدا وقال :عم احكي جد تتزوجيني
ميسون : لا
مؤيد :طيب ماعم افهم شوبدك
ميسون :انا مابدي شي انت شوبدك
مؤيد :بدي اياااكي
الممرضين بالممر وقفو وصارو يتطلعو عليهن
مؤيد :بدي اياكي تجي معي ع الحاضنات ??????
ميسون :جاي تفضل
مشو وراحو ع غرفة ميسون
سكرت الباب وقالت :شو مشكلتك معي ..اذا بدك تطفشني خلص ياعمي رح اتركلك المشفى والي فيه
مؤيد :...
ميسون :انت مشكلتك انو متل ما كل البنات تحت امرك بدك اياني ضمن مجموعتك مامهم اذا حلوة او لأ المهم ماوحدة ترفضك ويلي زاد قهرك انك عرفت انو كنت اشتغل رقاصة .. انو هية عم تستشرف علي وهية عاملة السبعة وزمتا وصار بدك تحصل علي بأي طريقة .. وبتطلع عحالك وبتقول انا اكيد عندي نقص لحتى ماعم تقبل فيني .. فبحب قلك انت ماناقص شي بس انا مابدي كون معك لا عشيقة ولا حبيبة ولا زوجة .. انا مقتنعة بحياتي هيك .. الك عندي شي .. اذا الك تعا خدو
كمان ماحكي
ميسون :دكتور انا بحترمك .. ولاحكي بصراحة انا ماني حابة اخسر هالشغل .. فا اذا بتحب بنكمل مع بعض كزملاء واصدقاء وخلينا صحبة ..لانو اذا بدك تكمل معي بهل الطريقة انا متطرة اترك الشغل
مؤيد :طيب متل مابدك .. وانا كمان ماني حابب اخسرك .. قصدي بالمشفى .. خلص اصدقاء .. اصدقاء
مدت ايدت وقالت :وانا بتشرف
مد ايدو وصافحا وقال :وانا كمان
صوت مكبرات الصوت :الرجاء من طبيب الاطفال الموجود التوجه الى غرفة العمليات فورا
ميسون :شوفي ؟؟
مؤيد :مابعرف .. تعي
طلعو وراحو ركض
وصلو لغرفة العمليات ودخلو فورا
دكتور الداخلية : منيح انك هون بروفسور .. طفل هلا خلق وكان ببطن امو عايش ولما طلعوه معد اتنفس
ميسون : ولاد طبيعية ولا قيصرية
:قيصرية ..
قرب مؤيد وحاول يضغط على قلبو بأطراف اصابيعو .. بس مافي استجابة
مؤيد :الظاهر مات
الدكتور :للأسف .. كان عم يقول ابوه انو هاد الولد الله طعمن اياه بعد عشر سنين
ميسون تبدلت ملامحا لحزن
مؤيد:الله يطعمن غيرو ..
ميسون :دكتور ممكن حاول
مؤيد :ميسون شوبدك تحاولي الولد مات
ميسون : ماهو ميت ميت
مؤيد :عملي يلي بدك اياه انا طالع
قربت منو كان ماسك الاوكسجين ع وجهو بعدو شغال
ميسون لو سمحتي حاولي تفركيلو صدور ع الرئتين .. وانا رح اضغط على القلب
قربت الممرضة وصارت تنفز يلي طلبتو الدكتورة .. وميسون تضغط على القلب بخفة
وفجأة الولد شهق
ميسون : يارب .. يارب
الدكتور :رجع يتنفس
ميسون : بسرعة حضريلي ابرة الوبرينول و ستيرويد
طلع الدكتور لبرا بسرعة ورجع هو ومؤيد
مؤيد :شو صار
ميسون :الظاهر استاجب .. معو حالة اختناق
الممرضة :دكتورة الابرة
مؤيد : هاتيها .. هي ؟؟
ميسون :اي دكتور.. عم نحاول نعدل الاكسجة بالجسم
مؤيد: برافو عليكي ..
.....................
وهنن طالعين من العمليات والممرضة معن
مؤيد :الطفل خلوه بالكوفاز .. وكل عشرة دقايق بتقيسلو نسبة الاوكسجين
الممرضة :حاضر دكتور
تركن ومشت .. فجأة ركضو لعندن جماعة
شخص :شكرا كتير الك بروفسور .. رجعتلي ابني للحياة
مؤيد :مالازم تتشكرمي الك لازم تتشكر الدكتورة هون .. ما يأست وحاولت مرة تانية وكمان الفضل كلو لرب العالمين
صار يبكي :الف حمد وشكر الك يارب .. الف حمد وشكر الك يارب
مؤيد :الله يحميه ويقوملك المدام بخير وسلامة
:شكرا .. شكرا ..
مشو ميسون ومؤيد
مؤيد : دكتورة الله يعطيكي العافية
ميسون :شكرا بروفسور
مؤيد :انا صار لازم روح .. بدك شي
ميسون :لا
مؤيد :اكيد مابدك توصاي ع الولد
ميسون :اكيد
مؤيد :سلام .. غدا نلتقي
ميسون:سلام
بنهاية الكوريدور كل واحد راح من جهة
________________________
المسا
قدام غرفة بيان .. اجا حيدر وكان في بلال وامو وحكم
حيدر :مرحبا
:اهلين
حيدر :ليش واقفين برا
سلمى بتعب وحزن :اختك رجعت انهارت مرة تانية ..
حيدر :شو عم تحكو ؟؟
بلال :والله .. والدكتور منع حدا يفوت عليها ليوم كامل
حيدر :طيب من شوو
سلمى :مابعرف والله
حيدربقلبو :معقول سعد اجا وحكاها شي .. شو لازم اعمل هلأ .. خلص مارح اعمل شي لشوف بيان شو صار معا
وهو شارد اجت عينو بعين حكم
حيدر :حكم موهيك ؟؟
حكم :اي . تصافحو وسلمو عبعض
حيدر: طيب هيك بدنا نضل
سلمى :مابعرف
اجت ممرضة
لو سمحتو المشفى ادارة المشفى بتمنع حدا يبقا مع المريض وخصوصا اذا كان بالغ .. ياريت تتفضلو ترتاحو بالبيت
سلمى :انا مارح اترك بنتي
الممرضة :ياخالة هي الاوامر وكمان الدكتور مانع حدا يدخل لعندا يعني وجودكن وعدمو واحد .. ونحنا هون بنهتم فيها لا تخافو
بلال :متل ماقالت الممرضة .. خلينا نروح ع البيت
سلمى :طيب ماشي .. يلا خلونا نمشي
مشو وراحو
ميسون طلعت من الحاضنات ومشت اتجاه الرسبشن
ميسون :هلا في صبية دخلوها مبارح معا انهيار عصبي اسما بيان اليوسفي خرجوها
:لا دكتورة .. ماصابا انهيار عصبي تاني اليوم
ميسون :بلله جد
:والله .. والدكتور منع اهلا يدخلو لعندا
ميسون :ومين في عندا هلأ
:مافي حدا راحو كلن
ميسون :شقد رقم الغرفة
: لحظة .. فتحت الملف وقالت ١١٥
ميسون :اوكي .. انا عندا اذا صار شي
: ماشي دكتورة
طلعت ميسون لعندا .. فتحت الباب وفاتت
كانت بيان متسطحة وشاردة بالسقف
ميسون :مرحبا
تجلست بيان شوي بحيث بس رفعت راس شوي
بيان : اهلين
ميسون :كيف صرتي
بيان :انا شفتك مبارح ..بتذكر
ميسون :منيح
بيان :انا بعرفك
ميسون :اي
بيان :مين انتي
ميسون :بتتذكري الرقاصة يلي كان اخوكي متزوجا وضربتو بالسكين
بيان :اي هي انتي .. شو جاي تعملي هون
ميسون :جاي اطمن عليكي
بيان :طلعي لبرا مابدي اياكي
ميسون :مافيكي .. انا هون دكتورة
بيان :شو هالتغير المفاجئ من رقاصة لدكتورة وبمشفى محترم كمان
ميسون :شايفة انتي .. سحبت الكرسي وقعدت وقالت لأ وضعك منيح مزال عم تحكي وتقلعيني .. بس قالوليلي انو صابك انهيار عصبي تاني .. ليش
بيان :ما دخلك وتركيني لو سمحتي
ميسون: احكي فضفضي .. اوقات في شغلات كتير بنتمنى نحكيها بس مابنلاقي الشخص المناسب .. ممكن شي خاص ومابينحى للأهل .. ممكن نحكيه لصديق ..
بيان :بس انتي مانك صديقتي
ميسون :رح اجي معك .. الدكتور مانع حدا يدخل لعندك .. بس انا رح خالفو وجبلك صديق او صديقة يجو لعندك وتحكيلن .. انتي بهي الحالة لازم يكون عندك شخص تحكي معو .. لازم تفرغي طاقة .. لازم يكون حدا حدك ينصحك .. عطيني رقم شي حدا لاتصل فيه وقلو يجي بدخلك اياه عمسؤليتي
بيان :ماعندي حدا
ميسون :اصبح ماعندك خيار تاني غيري ..
بيان :كيف بدك اياني اوثق فيكي وانتي خربتي بيت اخي
ميسون:هههه خربتو ؟؟ انا مادخلني .. واصلا اخوكي هو يلي جبرني عليه وكمان كل زواجنا كان يوم واحد بس .. وانا واخوكي حاليا مابنطيق بعض ومن زمان ماشفتو .. وكمان عسيرة خربان البيت .. بيت اخوكي كان مخروب وانا عم حاول صلحو
بيان :كيف هي بقا
ميسون :هلأ بتعرفي . فتحت تلفونا وطلبت رقم سلوى .. وفتحت السبيكر
سلوى :الو
ميسون :كيفك سلوى
سلوى :بخير الحمد لله
ميسون :شو الوضع
سلوى :بجنن ... كنت بدي حكيكي بس انشغلت شوي
ميسون :يعني صاير شي جديد
سلوى :اي مبارح طفح الكيل عندو .. وقعدنا وحكينا .. وطلب مني نرجع متل قبل .. ووعدني انو معد يتطلع ع مرى غيري .. ويلي بدي اياه بصير .. يا الله شو مبسوطة .. عنجد ياميسون ماعارفة كيف اتشكرك لولا خططك كنت ضليت طول عمري رجل كرسي بهل البيت
ميسون : الله يهنيكي ياعمري .. يلا بدك شي
سلوى: لا سلامتك حبيبتي
سكرت واتطلعت ببيان .. وبيان كانت علامات الصدمة ع وجها
بيان :هي سلوى مرت اخي ماهيك
ميسون :اي هيك .
بيان :شو نصحتيها
ميسون :مرت اخوكي درويشة واخوكي عم يتنمرد عليها .. بس قلتلا شو تعمل ليرجع متل قبل .. وسمعتيها بأدنك كيف عم تتشكرني .. يعني انا صديقة ماني عدوة هههههههههههه
بيان ضحكت لا اراديا بس ضحكة خفيفة
ميسون : يلا حكيلي شبك .. الليل طويل هلأ بتضوجي لحالك بترجعي بتنهاري مرة تانية
بيان :ههههههه
ميسون :لا مزال عم تضحكي .. امورك تمام .. انا رايحة جيب كاستين عصير وراجعة
بيان :ماشي
_________________________
ببيت بلال
فات ع البيت وسلوى طلعت تستقبلو
بلال :مسالخير حبيبي
سلوى :مسالنور .. شو صار معكن
بلال :مابعرف شو عم يصير مع هالبنت .. بس قال الدكتور ان شاء الله بتصير منيحة من هون لبكرة
سلوى :ان شاء الله
بلال :نامو الولاد
سلوى :مانن هون بعدن عند اهلي
بلال :اممم
سلوى :حطلك عشا
بلال : بالاول بدي اتحمم حاسس حالي بقرف من ريحة المشفى
سلوى :بتحب فوت ليفلك ضهرك
بلال :قلتيلي الولاد عند بيت جدن
سلوى :اي
بلال : اي تعي لقلك لكن هههه
سحبا من ايدا وراحو ع غرفة النوم
____________________
بيان شربت اخر رشفة بكاسة العصير وقالت هاد كلشي
ميسون :يعني المشكلة من الاول اساسها بلال افندي .. والله كنت متوقعة
بيان :كمان انا غلطت .. كان لازم الجئ لحيدر .. دغري سافرت .. مابعرف كان كل همي احمي سعد .. وكمان غلطت لما طلعت مع حكم وسهرت وماكان لازم اسكر .. مابعرف ليش هيك صار معي
ميسون : ليش مابتقولي انو هاد كلو مقدر ومكتوب
بيان :عم فكر فيها عم لاقي كل الحق علي
ميسون : ماعليكي شي حق .. كلن محقوقين الا انتي ثبتيلي هالشغلة براسك
بيان :كيف
ميسون :امك وبلال اولا.. وتانيا حكم استغل ضغفك وتالتا سعد ..لو بحبك عنجد كان ع القليلة سمعك .. او حاول يلاقيلك مبررات .. يلي بحب بيصنع المستحيل ليحافظ على صورة يلي بحبو تضل حلوة ..
بيان :يعني سعد ما بحبني
ميسون :بحبك بس ماعندو استعداد يحافظ عليكي .. حبو جبان
بيان :شو اعمل هلأ
ميسون :مافي قدامك غير خيار واحد
بيان :حكم؟؟
ميسون :اي .. واضح انو بحبك كتير .. وصدقيني اذا كان بحبك عنجد رح يعوضك وينسيكي سعد
.. وشيلك عن الحب لانو صدقيني هالايام مافي حب .. اتطلعي عليه من برا .. شخص واصل معو مصاري واهلك اكيد رح يحبوه والاهم من هيك شخصيتو حلوة
بيان :وبركي بعد الزواج طلع خاين او معد حبني .. وحياتنا طلعت باردة
ميسون :في كتير رجال بكون بحب مرتو لحد الجنون ومع هيك بتلاقيه عم يخونا ..
بيان :شو السبب ؟؟
ميسون :السبب هو انو بحب تعاملو بمعاملة خاصة ما مهم شو نوع المعاملة .. بس هو بحب المرى تكون هيك وهية بتكون عكس هيك تماما .. ولما بلاقي هالشي يلي عم يدور عليه برا بصير يخون ليشبع رغباتو
بيان :بس هاد مانو مبرر .. يعني بحب مرتو تكون هيك يطلب منها
ميسون :طبعا مانو مبرر .. بس في كتير رجال بتصعب عليهن يطلبو ويكسرو نفسن
بيان :والحل
ميسون :المرى بدا تكون حربوقة وتحاول تعرف جوزا شو بدو وتصير متل مابدو صدقيني بصير يحبا ضعف .. ويحسب ساعات الشغل ليرجع ويشوفا .. مثلا في رجال مابتحب هيدي اجواء الرومنسية مثلا ورد وشموع .. بصراحة انا مابحبا وبحسا بياخة .. قال شو قاعدين عطاولة وشموع وورد اي وبعدين ..
بيان :بس انا بحب هيك
ميسون :شايفة في اختلاف بيني وبينك وهيك الرجال .. وبصراحة اكتر الرجال مابحبو هالجو بس بيتطرو يسايرو المرى .. هههه اسأليني انا
بيان : دخيل هالرجال مابيعجبن العجب
ميسون : بيعجبن بس بدك تعرفي شو يعجبن .. هلا الرجال بشكل عام بحب المرى يلي عم تغلي من جوا .. وتكون كلا نشاط وحيوية ..وكمان تحاول تبعد عن الشي يلي بعصبو .. في نسوان بشوفو شو يلي بعصب الزلمة وبيعملوه .. مثلا في زلمة ومرتو ..ومرتو حاولت تمسك تلفونو وتفتش فيه .. هو تلفونو مافيه شي بس بسبب اسلوبا مابخليها تلمسو .. وبصير بيناتن مشاكل بتوصلن للطلاق بسبب شي تافه
بيان :هههه والله انتي لازم يحطوكي مصلحة اجتماعية للأصلاح الزوجي
ميسون :هي خبرة حبيبتي .. يعني انا لما كنت رقاصة واقعد مع الزباين يحكولي مشاكلن وهنن سكرانين وصرت اعرف اكتر الرجال شو بحبو .. مثلا اخوكي بلال بحب مرتو بس سلوى كانت تقليدية هو يحسا .. وكانت تعمل اجواء رومنسية مشان ترضيه .. بس هو هالشي كان يعصبو ومايقدر يطلب منها .. بلال بحب المرى العنيدة .... المرى يلي شخصيتا قوية .. هيك طبعو
بيان : وانتي ساعدتي سلوى لتصير متل مابدو
ميسون : بالظبط .. ههه كأنو حكينا كتير ماهيك
بيان : اي هيك
ميسون : يلا انا طالعة ورح اتركك تنامي واهم شغلة هلأ لاتفكري بشي ابدا حاولي توقفي عقلك عن التفكير
بيان : شكرا
ميسون :على شو
بيان : حاسي حالي احسن .. صار تفكيري شوي ايجابي وصرت فكر انو قدامي حياة ومستقبل ولازم عيش وافرح بحياتي ومالازم خلي حياتي توقف عند حدا.. ورح صير فكر بحكم بشكل جدي
ميسون : كتير منيح
طلعت ميسون ورن تلفونا
ميسون : الو .. اهلين عزة ... اي شو صار معك .. كتير منيح ماقصرتي فيهن .. بدك تجي لعندي .. اي حبيبتي بس انا ماني بالبيت عم دوام بالمشفى .. روحي انتي نامي هنيك بكرا بجي وبنحكي .. معك مفتاح ماهيك ... اي منيح كتير.... سلام حبيبتي
_______________________
ببيت مرح
مرح ماسكة تلفونا وحاطتو ع ادنا وبأيدا التانية حاطتا على خصرا
مرح : الو .. سعد
........................
عند سعد
عم يحكي ع التلفون وماشي اتجاه السطح
سعد :اي مرح عم اسمعك.. فكرتي ؟؟
مرح :اي فكرت وكتير منيح
سعد :وشو هو قرارك
مرح :خلينا اصدقاء
سعد :مافهمت
مرح :حكيي واضح .. كل واحد بطريقو .. باي
وسكرت
سعد : بالناقص منك ومن رفيقتك ..
وقف شوي وشرد .. بعدا رما التلفون بكل قوتو ع الارض وصار ٣ شقفات
نزل ع الارض وقعد وسند ضهرو على الحيط وصار يبكي وكأنو طفل صغير .. كل مقاومتو انو هو قوي ومانو سألان عن حدا انهارت .. حس حالو ضعيف على غبي .. ورجع يتذكر المشهد يلي صار بالمشفى مع بيان __________________________
بعد عدة ايام
قاعدين عيلة اسامة كلن مع هاجر وجوزها
سام : وبعدين .. هيك بدنا نضل .. صرلنا قريب العشره ايام وهديك الكلبة مختفية
اياد زوج هاجر : انا مبارح نزلت ع الطابو وطلع كلشي مسجل بأسمها نظامي
ام اسامة :والحل .. والحل يا اسامة
اسامة :حاج تحملوني ذنب بس الي
سام :اي اكيد الذنب ذنبك .. ما انت تزوجتا وجبتا على هالعيلة
اسامة :لو اعترفتو فيها ماكانت عملت هيك
سام : هاه هلأ صار مادخلك .. ما انت الطمع عما عقلبك ووافقت يعني لاتعمل حالك مالك ذنب لانو الذنب ذنبك
ابو اسامة :خلصص.. لا تتقاتلو
اسامة :انا طالع استأجر بيت وننقل عليه
هاجر :خليكن هون
اسامة :لا حاج تقلنا عليكن كتير .. ولازم نطلع .. انا كنت ناطر عأساس هية تتصل وتتفاوض
سام :هه وعشو بدا تفاوضك اذا كلشي معا
اسامة : على فهد اكيد
ام اسامة :كيف يعني
اسامة :فهد لهلأ مانو مسجل .. وبدا تسجلو واكيد بدا تاخدو
ام اسامة :تاخدو تضرب منها الو ..
اسامة:هاد ابني ومارح اتركلا اياه
سام :لكن خلينا هيك مشنطتين ولا ورانا ولا قدامنا
اسامة :عم قول يمكن ..
_______________________
ميسون لابسة وطالعة من البيت
عزة من المطبخ :ميسون لحظة
طلعت من المطبخ ومعا صحن فيه اكل
عزة :كلي هاد قبل ما تروحي
ميسون :استعجلت رح تصير ٢
عزة :كليه بسرعة .. المهم لا تطلعي بلا غدا
ميسون :طيب يا ستي هاتيه .. اخدتو وقعدت على كرسي جنب الباب
ميسون وهية عم تاكل : شو صار معك ماحكيتي مع اسامة
عزة :لا
ميسون :ماقلتي مبارح انو اليوم بدك تدقيلن
عزة :صح ..بس غيرت رأيي .. خبرتني هيام انو اسامة قلا بدو يستأجر بيت ويقعدو فيه .. وانا ناطرة ليستأجرو ويدفعو اجار بيت
ميسون :ااااخ منك .. والله صاير ينخاف منك هههه
عزة :شو ماعملت معن قليل
ميسون :الله يقويكي هههه
خلصت اخر لقمة وعطتا الصحن وقالتلا يسلمن
عزة :صحة وهنا
طلع فهد من غرفة وقال :ماما موبايلك عم يرن
عزة :هات لشوف .. هي سميرة .. الو
سميرة :كيفك يا خاينة
عزة :مشتاقتلك كيفك انتي
سميرة :والله انا اكتر .. شو وينك ماعم تبيني
عزة :والله بهل الدنيا
سميرة :شو اخبارك انتي وزوجك
عزة :مين زوجي
سميرة :ليش ما رجعتي لجوزك
عزة :ههههه لا مارجعتلو
سميرة : كيف هيك
عزة :لك سالفة طويلة ببقا بحليلك اياها
سميرة :وينك انتي هلأ
عزة :عند رفيقتي
سميرة :اي تعالي لكن بشوفك وبنحكي
عزة : جيتي ع البيت ؟
سميرة :لا تعالي ع المصنع لانو ذادولنا ساعات الدوام وصارت لل٤
عزة :ليش
سميرة :في ضغط هالفترة بس طبعا مع زودة بالاجار ..
عزة :اذا هيك منيح
سميرة :المهم حملي حالك وتعي لندردش شوي
عزة :ههه اعوذ بلله .. شو مجنونة لحتى اجي ع المصنع وانا تقلعت منو
سميرة :والله حيدر بيك ندم كتير
عزة :بعرف وكان يتصل فيني بس انا مارد عليه
سميرة :وكمان ماعم يجو ع المصنع ابدا
عزة :ليش
سميرة :مابعرف والله .. لك اماني تعالي هلأ مافي شي عندي وقاعدة
عزة :لا بجي المسا ع البيت مشان شوف اميرة
سميرة :اميرة مانا هون طلعت ع تعمل زيارة بالضيعة
عزة :طيب يلا جاي
سميرة :جيبي فهودة معك
عزة :اي اكيد لانو مافي محل اتركو
سميرة :ناطرتك
______________________
بالاستديو
بيان قاعدة قدام الابتوب وعم تكبس ع الفارة
بيان :اوووف كل هدول ايميلات .. شو بدي رد عليهن
فتحت ع اول ايميل وكتبت : اسفة كنت مريضة وماكنت اجي ع الاستديو
سمعت باب الاستديو انفتح
بيان :ميين
قامت لتشوف مين وكانت مرح
بيان :والك عين تجي
مرح :حقك تقولي شو مابدك
بيان :طلعي لبرا ..
مرح :طالعة .. بس جاي وعدك
بيان :اممم .. ليش طالعة شهر عسل انتي وسعد
مرح :لا .. انا وسعد ماكملنا مع بعض .. انا جاي اطلب السماح وودعك لانو رايحين عحلب ومعد نرجع
بيان :.....
مرح : بتمنى تسامحيني وماتحملي بقلبك علي .. بخاطرك
بيان :لحظة
مرح :شو
بيان :ليش ماكملتو مع بعض
مرح : مابعرف .. بس يلي شفتو بسعد انو هو طايش وجانن وماعم يعرف شو يعمل .. صار بدو يخطب وبتزوج اي وحدة .. مفكرة اذا عمل هيك رح يرتاح .. بس بالعكس شو ماعمل مارح يقدر يطالعك من قلبو ومن عقلو ..
بيان بقلبا :اي خليه يتعذب بيستاهل
مرح :بدك شي ..
بيان :لا الله معك وتوصلي بالسلامة .. وكمان سامحتك مرح :شكرا
لفت ضهرا ومشت
رجعت ع مكانا وهية عم تفكر وتقول :كل هاد عم تعملو بس مشان ماترجعلي .. لانو غلطت ومابقصدي .. بس هيك احسن .. خليه يروح ويعمل يلي بدو اياه لانو نزل من عيني كتير .. ومستحيل نكون لبعض
رجعت قعدت وصارت ترد ع الايميلات
رن تلفونا وكان حكم
بيان :اووف حكم اووف .. معد تعرف انو ماني طايقتك
انفتح الباب
بيان :مين
: حكم
بيان بصوت واطي : كمان لهون
وصل لعندا
حكم : مرحبا
بيان : اهلين
حكم : ليش ماعم تردي ع موبايلك
بيان : مابدي رد
حكم : يعني من وقت طلعتي من المشفى وانا بتصل وحضرتك مابتدري وبروح ع البيت وما بتتنازلي وبتقعدي معي .. هلأ حكيت مع امك وقالتلي نزلت ع الاستديو .. انو وبعدين
بيان : لحتى تمل
حكم : وانا مارح مل
بيان : حكم بترجاك طلاع من راسي
حكم : اي قومي قومي خلينا نطلع نقعد بشي مكان ونحكي
بيان : لك ماعم تفهم اني ماني عم طيقك وماني عم طيق شوفك .. وبعدين انا ماعندي شي احكيه
حكم :بيان لا تعاندي
بيان : لك عندي شغل لفوق راسي
حكم : اذا اتأخرتي يوم مابصير شي
بيان : اوووف طيب شو بدك تغديني
حكم : يلي بتحبيه
بيان : طيب تفضل
حكم : الله يزيد فضلك يا مأدبة يا موجبة
ضحكت بيان ضحكة صغيرة ومشو
___________________
وصلت ميسون ع المشفى ودخلت ع غرفتا .. اخدت مريولا من على العليقة وصارت تلبسو
ومن برا جاي مؤيد رفع ايدو ليدق بس سمع صوت تلفونا عم يرن .. وصار عندو فضول يعرف مين عم يدقلا
ميسون فتحت السبيكر وحطتو على الطاولة وكملت لبس وقالت :اهلين ابو فايز
ابو فايز : لقيتلك شرا للبيت
ميسون :اي وبشقد
ابو فايز :بعشرة مليون
ميسون :شو عشرة مليون.. اذا انا من ٣ سنين اشتريتو بنفس السعر وانا وانت بنعرف انو البيوت طالعة بالنار
ابو فايز :هاد يلي اندفع فيه والله
ميسون :بطلت بيع .. شو عم تضحك علي ابو فايز
ابوفايز :طيب ب١١
ميسون :ومن وين اجا المليون هاد .. هلأ بتقلي بدي ادفعو من جبتي ماهيك .. خلص ابو فايز انسا الموضوع انا البيت معد بيع
:بس يا ميسون خانم
ميسون: خلص معد بدي بيع شو البيع بالغصب .. سلام
سكرت الخط وقالت :العما شو حرمية
مؤيد :ليش بدا تبيع البيت هي
دق دقيتن ودفع الباب وفات
مؤيد :مرحبا
ميسون :اهلين بروفسور
مؤيد: صوتك كان طالع
ميسون :والله شي بيقهر .. لك بيت اشتريتو من كام سنة بعشرة واليوم عرضتو للبيع قال بعشرة .. لك العما بقلبو ع القليلة يدفعلي ١٥ .. ومع انو اشتريتو من نفس الدلال .. اكيد ناصب علي لما اشتريتو كمان
مؤيد :لمين البيت
ميسون :الي
مؤيد : حدا عندو بيت بهل الايام ببيعو
ميسون :اي متطرة ع مصاري
مؤيد :اشقد انا بعطيكي
ميسون :ههه بصير بدك مقابل
مؤيد :ياعيب الشوم ما عأساس صرنا اصدقاء
ميسون :ماعم اقدر امنلك ههه
مؤيد : هلأ هيك
ميسون : عم نمزح ولو .. ما الاصدقاء بيمزحو مع بعض
مؤيد : هلأ عنجد لأشلك بالمصاري
ميسون : هلأ اذا بدي قلك مارح تصدق .. وتقول عم تفرجيني انو عم تعمل خير
مؤيد :تعملي خير ؟؟ هو ما وجهك هالوجه بس احكي رح صدقك
ميسون : مزال ما وجهي هالوجه مارح احكي
مؤيد:بلله احكي
ميسون :هئ .. خلص انسا
مؤيد :دكتورة ميسون .. احكي هاد امر
ميسون :?????? بدي بيعو وحط مصاريه بالميتم ..
مؤيد :بلله
ميسون :والله .. الميتم بدو مصاريف كتير .. اذا اكل بدن حوالي ١٠٠ الف باليوم .. ودعم مافي
مؤيد :طيب انتي شو الله جابرك
ميسون :شو شوالله جابرني .. انا هاد الميتم يلي رباني وحواني كل هالسنين وكمان كلشي بالميتم هنن اهلي واخواتي الصغار ... انت اذا شفت اهلك محتاجين ما بتساعدن
مؤيد : مبلى
ميسون : وانا اهلي بحاجتي وبدي ساعدن
مؤيد :بس اذا بعتي بيتك رح تصفي بالشارع
ميسون :ههه لا هاد بيت تاني
مؤيد :اذا هيك منيح
ميسون :يمكن مارح تصدقني .. بس انا كنت اشتغل رقاصة كرمال ولاد الميتم .. قلت هي المصاري يلي عم يرموها بالكبريهات هي الولاد احق فيها وصرت اشتغل رقاصة
مؤيد : عم غير نظرتي فيكي
ميسون : للأحسن ولا للأسوء
مؤيد :للأحسن طبعا
ميسون :يعني انا كنت بنظرك ماني منيحة
مؤيد :لا مو هيك
ميسون :لكن شو
مؤيد : ميسون لا تحاصريني بالاسئلة هلأ
ميسون : خلص فهمت كلشي انا .. وشكرا عنظرتك فيني
مؤيد : ميسون اهدي شوي .. والله ماكان هيك قصدي
ميسون بمزح : خلص لا تحاول فهمت كلشي
مؤيد : اي خليكي فهمانة متل مابدك
تركها وطلع وهية طلعت وراه
ميسون :ع القليلة اعتذر
مؤيد وهو متابع مشي قال :ماني
ميسون :بسيطة يا بروفسور .. انا خلص زعلت منك كتير
مؤيد : بكون احسن
كمل وهو مبتسم وهية رجعت ع غرفتا وقالت : بسيطة مابكون اسمي ميسون اذا مابخليك تعتذر ههههه
_______________________
بالمصنع
سميرة طفت تحت الغاز وسكبت القهوة واجت قعدت مقبال عزة
سميرة : اي شو هاد يا عزة شو هالجمال والشياكة
عزة : ههه خلص من اليوم ورايح رح صير عزة جديدة
سميرة : وشوبدك تعملي هلأ
عزة :بدي اسامة يسجل فهد ع اسمو ويمنحني حضانتو عطول وبرجعلن كلشي يضربو منن للبيوت والمصاري انا اصلا عملت هيك بس مشان زلن متل مازولني
سميرة :كما تدين تدان .. مابتقصري فيهن
التفت حواليها عزة وقالت :فهد .. وينو
سميرة : يي بس مايكون راح ع الالات طلعو يركضو ويدرور عليه بقلب المصنع
عباب المصنع فايت بلال وحيدر
حيدر :هلأ لازم نستعجل العمال مشان يخصلو الخزانات اليوم وبكرا يكونو جاهزين للتسليم
بلال :بلحقو؟
حيدر :يلي بخلصوه واذا نقص كم واحد بنشتري
بلال :عنا مصنع وبدنا نشتري
حيدر :اي واذا .. المهم لازم تكون الطلبية كاملة
جنب الباب فهد نازل على الارض ومعو عصا صغيرة وعم يرسم فيها ع الارض
بلال : لمين هاد الولد
حيدر :مابعرف .. بس وجودو هون خطر ..مع مين جاي
قربو منو
بلال : يا ولد .. مع مين جاي
رفع راسو واتطلع فيهن وماحكي
طلعت عزة وسميرة لبرا ركض
عزة :فهددد .. شووعم تعمل هون .. تعال
حيدر :عزة !!
اتطلعت فيه وماكانت منتبهتلو
حيدر : كيفك
عزة :فهد ماما بسرعة روح جبلي جزداني بدنا نمشي
سميرة :لسه ماشربنا القهوة
عزة :مشروبة .. وانتي حسابك بعدين
فهد فات بسرعة جاب الشنتة واجا .. اخدتا منو عزة ومسكتو من ايدو ومشت
حيدر لحقا : عزة .. عزة ..
عزة :نعم حيدر بيك
حيدر :خليني وصلك
عزة :هه .. امشي ماما .. امشي
سحبت ابنا ومشت
بلال لسميرة :شو كانت عم تعمل هي هون
سميرة :اجت تشوفني
بلال: بدا تشوفك بتشوفك ببيتك .. ماني عاملكن هون كافيتيريا
تركها وفات .. قرب منها حيدر :سميرة شو كانت عم تعمل عزة هون
سميرة :عم تشوفني ..حيدر بيك
حيدر :وشو اخبارا
سميرة :منيحة
حيدر :وكيفا هية وجوزا
سميرة :مارجعتلو.. بالاذن
تركتو وفاتت وهو ضل واقف مكانو
بلال من جوا : حيددر .. تعال
_____________________
سلوى بالبيت حاطة الغدا وعم تاكل هية وولادا .. كانت عم تحط اللقمة بتما .. وانتبهت انو ابنها مهند عم يحرك الاكل بالشوكة
سلوى :ماما مهند ليش ماعم تاكل
مهند :ماني جوعان
سلوى :كمان ع الفطور ما اكلت .. ماما انت مريض
مهند :لا ماما .. بس ماعم يجي ع بالي .. عم حس حالي شبعان
سلوى :بكرا ببقا باخدك ع الدكتور ..بركي بيعطيك فاتح شهية لانك عم تنحف ملاحظة عليك
وعد :ماما مشغول بالدراسة .. قال بدو يدرس منيح مشان جواد يلي معو بالصف ما يتفوق عليه
سلوى :عنجد ماما
مهند :اي ماما .. مالازم حدا يتفوق علي
سلوى :ياحبيبي .. بس لاتفكر كتير مشان صحتك ياعمري
مهند :حاضر ماما ..
______________________
بالمطعم
بيان حاطة راسة بالصحن وعم تاكل
حكم :بيان شو كان صاير معك
بيان :معلش ما احكي
حكم :اذا بدك لا تتذكريه من اصلو
حطت الشوكة والسكين وقالت :حكم انا بهل الجمعة كنت منعزلة لحالي وكنت طول الوقت عم فكر
حكم : ولشو وصلتي
بيان : ولا شي
حكم : هاه .. لكن بشو فكرتي
بيان : فكرت انو لازم طالع كل هالعالم من حياتي ومافكر بأي حدا .. وما ازعل ولا انهز مشان حدا
حكم : وانا
بيان : انت مصر تضل دابقني
حكم غمزا وقال : لتكون ماعجبتك هالدبقة
بيان : بصراحة بصراحة .. لا
حكم : بدك اياني اطلع من حياتك
بيان : بتطلع ؟؟
حكم : مابعرف .. بيان انا حبيتك وانو اتركك مانها بالامر السهل
بيان : يعني ما بسبب الشي يلي صار .. وضميرك عم يأنبك
حكم : قلتلك انو انا ماني ندمان ابدا من الشي يلي صار
بيان : خلص .. خلص .. لاتكمل
حكم : قلك شغلة بس
بيان : قول
حكم : وعديني انك ماتزعلي
بيان : مارح ازعل قول
حكم :الشي يلي صار ماعم اقدر شيلو من راسي .. ومتمني اعمل المسحيل ليرجع يتكرر
بيان عصبت وقامت لتمشي
مسكا من ايدا وقال :لك اقعدي يا مجنونة ما عأساس مارح تزعلي
بيان :انت واحد بلا مربى
حكم :قصدي بالحلال والله .. اقعدي لاتفرجي العالم علينا
قعدت وهية مقهورة
حكم :عأساس مارح تزعلي
بيان :حكم خلص سكوت
حكم :هي سكتت .. يلا كملي اكلك
بيان : حكم
حكم :عيونو
بيان :ايمت بدك تجيب اهلك يطلبوني
_______________________
عزة ببيت ميسون .. رايحة جاي ومبين عليها التوتر .. عزة :ليش هيك توترت لما شفتو ..الحق علي ليش رحت .. كلو على بعضو ماكنت عم فكر فيه .. لك تضربي يا سميرة كلو منك .. ماكان لازم روح ع المصنع لو شو ماصار .. هلأ بقول هي شو جايبا لهون ... ومفكر انو جاي مشانو ..
____________________
اسامة ببيت مفروش عم يتفتل فيه
طلع من غرفة زلمة
اسامة :شقد اجارو هاد البيت
: ١٠٠ الف
اسامة : والله كتير
: بيت سياح نياح وبيستاهل اكتر من هيك
اسامة : طيب اتكلنا ع الله
: تفضل لنوقع العقد
اسامة :كمان بالاجارات في عقود
: طبعا حضرتك .. وين عايش انت
اسامة : وكم شهر هاد العقد
:٦ اشهر
اسامة :شووو .. بصراحة انا بدي بيت ابو شهر زمان
: والله هاد الموجود
اسامة يعني بدي ادفع اجار هلأ ٦٠٠الف
: اي
اسامة :اوووف شو هالمصيبة
:شو قلت
اسامة :شو بدي قول .. اتكلنا ع الله
:تفضل معي لنوقع العقد لكن
_________________________
المسا
سعد وامو واقفين عباب بيت ومعن بوكيه ورد
انفتح الباب وكان ابو نهلا
ابو نهلا :اهلا وسهلا .. اهلا وسهلا .. تفضلو تفضلو
دخلو سلمو ع الكل وقعدو
سعد كان ساكت وحاطط راسو بالارض .. وما عم يعطي اي ردة فعل
_________________________
ببيت بلال
قاعد وفارد اديه على ضهر الكنبة ومادد رجليه على الطاولة يلي قدامو ..وعم يتفرج على التلفزيون .. اجت سلوى من المطبخ ومعا جاط فواكه .. حطتو وقعدت بلزق بلال وحطت راسا على صدرو
بلال : كيفو الحب اليوم
سلوى :عم اشتقلك .. ليش صايرين عم تطولو بالشغل
بلال :بس هالشهر زمان
تجلست وحطت اديها على خصرا وقالت بس ماتكون عم تلعب بديلك
بلال :شو هي بديلك سلوى خانم
سلوى :متل ماسمعت
بلال :سلوى لاتكبري بالحكي
سلوى : بدي كبر .. وسلوى القديمة الدرويشة راحت
بلال :ما اختلافنا بس ما تقللي ادب معي
سلوى :طيب اسفة
بلال :اي تعي تعي
رجعت وحطت راسا على صدرو
بلال :عطيني تفاحة
سحبت سلوى وعطتو اياها
سلوى : ماقلتلي عنجد عم تطولو بالشغل ولا لافيلك ع شي وحدة
بلال :اسألي حيدر اذا بدك
سلوى :اي رح اسألو
بلال :اي سأليه
سلوى :هات هالريموت من ايدك خلينا نتفرج على شي حلو
بلال :خدي
سلوى :صحي حبيبي .. مهند كتير عم يهدوس بالدراسة وخايف حدا يغلبو
بلال :اي منيح
سلوى :منيح ما اختلفنا بس كتير .. وكمان اكلو كتير خافف وحاسستا ضعفان
بلال :خلص بكرا بروح بقعد انا واياه وبنحكي من اب لابنو
سلوى : اي دخيلو هالاب
كمل اكل تفاحة وهية عم تقلب بالريموت
سلوى :اووف مافي شي كلو ممل
بلال :اصبح هاتي لرجع ع الفيلم
سلوى سكرتو وقالت :لأ .. قوم معي ع غرفة النوم عاملتلك مفاجئة
بلال :مفاجئة شو
سلوى :بصراحة بخجل قلك ..
بلال :بتخجلي ؟؟
سلوى :خايفة تفهمني غلط
بلال :لا اطمني مارح افهمك غلط
سلوى حكت بسرعة : اشتريت بدلة رقص
بلال تشردق بالتفاحة :اح .. اح .. شووو
سلوى :خلص لا تعصب .. بكرا برجعا
بلال :هههه شو ترجعيها ما ترجعيها قومي لشوف قومي
سحبا من ايدا وراحو
بلال :بتعرفي ترقصي
سلوى : ههههههه
_________________________
ببيت اهل نهلا
الكل عم يحكو ويسولفو .. وسعد شارد ويحكي بقلبو
سعد :خلص يا سعد فيق لحالك واقتنع بالشي يلي انت فيه .. حاج تضل شارد ومهموم خلص بيان مابتناسبك .. خلص لازم اقبل بنصيبي .. ونهلا هي حبي الاول وبنت حارتي وبعرفا عز المعرفة .. ما متل بيان ومرح هدول عندن علاقات على عدد شعر راسن .. وانا مالي قدن .. لك كيف تورطيت وحبيت بيان .. خلص سعد خلص .. طلعو من راسي .. طلعو ..
:القهوة..
فاق من شرودو واتطلع عليها كانت نهلا عم تضيفو القهوة
اخد القهوة وابتسملا ..
سعد :اي عمي شو قلت
ابو نهلا : اشراب قهوتك عمي اشراب
_____________________
بيان بغرفتا .. نايمة على تختا وحاطة ايدا تحت خدا .. قلبت لتاني جهة وشردت
طنطن موبايلا
تجلست واخدت الموبايل
كان مسج من حكم :ليش سهرانة وبشو عم تفكري
ابتسمت وردت : ماني سهرانة ونايمة
بعد ما بعتت ضرت على راسا
حكم :عم تحكيني من المنام يعني
بيان :بالغلط
حكم :شو هو يلي بالغلط .
بيان :خلص ولووو
حكم :بس بتعرفي عنجد كتير مبسوط
بيان :ليش
حكم :لانك قبلت تتزوجيني
بيان :غصب عني ما بكيفي
حكم : نزعتي فرحتي ..الله ينزع مساكي .. تصبحي على خير
بيان ضحكت ضحكة كبيرة وبعتتلو وانت من اهلو
_____________________
حكم قاعد بين اهلو وابتسامة ع ملا وجهو وعيونو بالموبايل
الكل عم يتطلع عليه ويبتسم .. رفع راسو ولا الكل عيونن عليه
ابتسم وقال :شبكن
امو :شو ابني .. تتهنا يلي ماخدة عقلك
حكمت ضربو على رجلو وقال :شو اخي مين هية بعرفا
اختو : حكم حبيبي رح يخبرني الي
ابوه :تركو الشب شوبدكن فيه
امو :شو شوبدنا فيه .. هلا بدو يحكيلنا كلشي .. واذا في وحدة او لأ
ظبط قعدتو حكم وقال :بصراحة كنت بدي افتح معكن الموضوع .. اي في وحدة
حكمت :بيان؟؟
حكم :اي هية
حكمت :هههه حزرت
ام حكم :مين هي بيان
حكمت : بنت ادهم اليوسفي ابو بلال البابا بيعرفو
ابوه: اي بعرفو الله يرحمو .. والله ونعم من هيك عيلة
________________________
حيدر قاعد بغرفتو وماسك موبايلو وفاتح ع اسما .. ومتردد يحكيها ولا لا.. سكر التلفون وحطو ع الطاولة وقام على فرشتو
_______________________
بعد مرور ايام
بفيلا اليوسفي
في جمعة كبيرة وموسيقى هادية .. اقتربنا اكتر لنشوف عيلة اليوسفي وعيلة حكم .. مجتمعين حوالي العروسين .. بيان وحكم ..
بيان كانت لابسة فتسان احمر مع مكياج خفيف .. وشعرا نازل على كتفا .. وجنبا حكم لابس طقم رسمي مع كرافة حمرا
ام حكم : تفضلو المحابس ياعرسان
اخد حكم محبس بيان ولبسها اياه ورفعلا ايدا لعندو وباسا
هية اخدت المحبس بتردد ...غمضت عيونا ولبستو اياه بسرعة ..
ليللليييشششش
جابو قالب الكاتو الخمس طوابق .. وجابولن سيف مزين بأحلا زينة
اخد حكم السيف وهمس لبيان حطي ايدك بأيدي لنقطع الكاتو
ماردت
سحبلا ايدا وخلاها هية يلي تمسك السيف وهو حط ايدو فوق ايدها .. ورفعو السيف ونزلوه بقلب الكاتو .. والكل صار يصفق.. حطو السيف على جنب وصارو يجو بالدور يباركولن .. الكل باركلن وقعدو
حكم : شبك بيان في شي مدايقك
بيان : لا ابدا .. مافي شي
حكم : ليش قالبة خقتلك
بيان : صدقني مافي شي
حكم :لتكون ماعاجبتك حفلة الخطبة
بيان : بالعكس كتير حلوة... وكمان ع الديق انا مابحب العجقة
حكم : لكن احكي شوفي
بيان : ليش العرس بعد شهر
حكم : ليس في مشكلة
بيان : يعني ماالي كلمة انا وحددتو وحطيتوني تحت الامر الواقع
حكم : انا استعجلت خفت يكون صار في شي ببطنك
بيان : بس مانو سبب مقنع وبعدين انا مافي شي ببطني يعني اطمن
حكم : كنت مجهزلك اياها مفاجئة .. بس شكلك مارح تصبري ليوم العرس
بيان : مفاجئة شو
يتبع.......
![الرواية الرائعة - ازمة ثقة]( "الرواية الرائعة - ازمة ثقة")
#الجزء_السابع_عشر
مرح :......
سعد :اذا ما انتي رح اتزوج غيرك .. وانتي بتحبيني .. خلينا نتزوج
مرح :وبيان ؟؟
سعد :شبا بيان .. خلص بيان بح .. وكمان اذا خايفة ععلاقتك معا فهية هيك هيك خربانة
مرح :كيف بدي ارجع اوثق فيك وانت رحت تركض لعندا اول ماخبرتك .. يعني ممكن ترجع لعندا وتتركني لحالي
سعد :لا .. لا .. ليكي مرح اعتبريني ورقة بيضا قدامك وعملي فيني يلي بريحك .. المهم هلأ بتقبلي فيني ولا روح دور ع بنت غيرك
مرح : بدي فكر
سعد :حقك
مرح :بنحكي
نزلت من السيارة ومشت
_________________________
بالمشفى
مؤيد عم يفحص طفل بغرفتو .. اجت الممرضة من وراه وقالت :دكتور .. الدكتور عصام طالبك
مؤيد :يلا هلأ بجي
خلص فحص الولد وابتسم وقال: لا كتير متحسن .. وبدنا نطالعك ع البيت شو رأيك
امو :عنجد دكتور
مؤيد :اي بس مو اليوم ان شاء الله بكرا
: الله يسمع منك يارب .. الله يوفقك يادكتور
طلع مؤيد وراح ع غرفة ابوه .. دق الباب وفات .. وتفاجئ بميسون قاعدة قدام الطاولة والمصاري يلي عطاها اياهن ع الطولة .. وفهم كل القصة
عصام : فوت ليش وقفت عندك
فات وقعد مقبال ميسون بنظرات كلها شرار
عصام : بتعرف هدول المصاري لمين
مؤيد: ....
عصام : لك شبك احكي
مؤيد :اي هدول الي ..
عصام : اي خدن وميسون مابحاجة مصاري لحتى تتصدق عليها
مؤيد مو فاهم شي : عن شو
ميسون :اسفة بروفسور مؤيد .. بس انا مابقبل مصاري من حدا .. وانت لما شفتني مدايقة عطيتني اياهن وماقبلت تاخدن مشان هيك انا قلت بعطيهن لدكتور عصام .. هو بيرجعلك اياهن بطريقتو لانو انا عنجد ماني بحاجة مصاري .. وشكرا كتير لدعمك
مؤيد :شوو عم تحكي انتي
عصام : شبك ابني .. لك ما انت عطيت هدول المصاري لميسون لانك حسيت انها بحاجتن ولما رجعتلك اياهن انت ماقبلت تاخدن وميسون اجت لعندي لرجعلك اياهن .. مع انو قلتلا مؤيد مارح يقبل .. بس عنيدة ههههه .. هدول مصرياتك خدن
ميسون : شكرا بروفسور.. بس انا نفسي عزيزة ومابقبل شفقة اسفة مرة تانية .. وياريت تاني مرة لاتحرجني
اخدن وصار يتطلع عليها بطرف عينو حطن بجيبتو وقام
ميسون :شكلو زعل .. رح حكيه
وهو ع الباب
ميسون :دكتور ممكن من وقتك خمس دقايق
هجم عليها وكان ناوي يضربا بس تمالك اعصابو وقال : شو بفهم من يلي عملتيه
ميسون: انت شو فهمت
مؤيد:عم تهدديني بأبي .. مفكرة انو انا ولد صغير وبخاف من ابي مشان مايعاقبني
ميسون : بس انا ماقلتلو
مؤيد :بعرف ماقلتيلو بس هي طريقة لتوصيلي رسالتك
ميسون :شاطر .. فهمت علي
مؤيد :لاتعملي علي البنت الذكية .. انا بمشي مية متلك ع اصابيعي
ميسون :ماني عم اعمل شي .. بس انت مانك ناوي تعيفني بحالي .. صح كنت رقاصة بس تبت وبطلنا هالشغلة .. وبالنسبة للشي يلي بدك اياه ماعطيتو لغيرك لاعطيك اياه
مؤيد : ع حد علمي كنتي متزوجة زواج عرفي
ميسون : شكلك جايب المعلومات من مصادر موثوقة ... اي تزوجت عرفي .. لشخص عنيد ودبقة متلك
مؤيد :متلي ؟؟
ميسون : اي متلك
مؤيد : طيب موافق كون متلو تتزوجيني
ميسون : ههههه حلوة هالمزحة
لفت لتمشي وهو مسكا من ايدا وقال :عم احكي جد تتزوجيني
ميسون : لا
مؤيد :طيب ماعم افهم شوبدك
ميسون :انا مابدي شي انت شوبدك
مؤيد :بدي اياااكي
الممرضين بالممر وقفو وصارو يتطلعو عليهن
مؤيد :بدي اياكي تجي معي ع الحاضنات ??????
ميسون :جاي تفضل
مشو وراحو ع غرفة ميسون
سكرت الباب وقالت :شو مشكلتك معي ..اذا بدك تطفشني خلص ياعمي رح اتركلك المشفى والي فيه
مؤيد :...
ميسون :انت مشكلتك انو متل ما كل البنات تحت امرك بدك اياني ضمن مجموعتك مامهم اذا حلوة او لأ المهم ماوحدة ترفضك ويلي زاد قهرك انك عرفت انو كنت اشتغل رقاصة .. انو هية عم تستشرف علي وهية عاملة السبعة وزمتا وصار بدك تحصل علي بأي طريقة .. وبتطلع عحالك وبتقول انا اكيد عندي نقص لحتى ماعم تقبل فيني .. فبحب قلك انت ماناقص شي بس انا مابدي كون معك لا عشيقة ولا حبيبة ولا زوجة .. انا مقتنعة بحياتي هيك .. الك عندي شي .. اذا الك تعا خدو
كمان ماحكي
ميسون :دكتور انا بحترمك .. ولاحكي بصراحة انا ماني حابة اخسر هالشغل .. فا اذا بتحب بنكمل مع بعض كزملاء واصدقاء وخلينا صحبة ..لانو اذا بدك تكمل معي بهل الطريقة انا متطرة اترك الشغل
مؤيد :طيب متل مابدك .. وانا كمان ماني حابب اخسرك .. قصدي بالمشفى .. خلص اصدقاء .. اصدقاء
مدت ايدت وقالت :وانا بتشرف
مد ايدو وصافحا وقال :وانا كمان
صوت مكبرات الصوت :الرجاء من طبيب الاطفال الموجود التوجه الى غرفة العمليات فورا
ميسون :شوفي ؟؟
مؤيد :مابعرف .. تعي
طلعو وراحو ركض
وصلو لغرفة العمليات ودخلو فورا
دكتور الداخلية : منيح انك هون بروفسور .. طفل هلا خلق وكان ببطن امو عايش ولما طلعوه معد اتنفس
ميسون : ولاد طبيعية ولا قيصرية
:قيصرية ..
قرب مؤيد وحاول يضغط على قلبو بأطراف اصابيعو .. بس مافي استجابة
مؤيد :الظاهر مات
الدكتور :للأسف .. كان عم يقول ابوه انو هاد الولد الله طعمن اياه بعد عشر سنين
ميسون تبدلت ملامحا لحزن
مؤيد:الله يطعمن غيرو ..
ميسون :دكتور ممكن حاول
مؤيد :ميسون شوبدك تحاولي الولد مات
ميسون : ماهو ميت ميت
مؤيد :عملي يلي بدك اياه انا طالع
قربت منو كان ماسك الاوكسجين ع وجهو بعدو شغال
ميسون لو سمحتي حاولي تفركيلو صدور ع الرئتين .. وانا رح اضغط على القلب
قربت الممرضة وصارت تنفز يلي طلبتو الدكتورة .. وميسون تضغط على القلب بخفة
وفجأة الولد شهق
ميسون : يارب .. يارب
الدكتور :رجع يتنفس
ميسون : بسرعة حضريلي ابرة الوبرينول و ستيرويد
طلع الدكتور لبرا بسرعة ورجع هو ومؤيد
مؤيد :شو صار
ميسون :الظاهر استاجب .. معو حالة اختناق
الممرضة :دكتورة الابرة
مؤيد : هاتيها .. هي ؟؟
ميسون :اي دكتور.. عم نحاول نعدل الاكسجة بالجسم
مؤيد: برافو عليكي ..
.....................
وهنن طالعين من العمليات والممرضة معن
مؤيد :الطفل خلوه بالكوفاز .. وكل عشرة دقايق بتقيسلو نسبة الاوكسجين
الممرضة :حاضر دكتور
تركن ومشت .. فجأة ركضو لعندن جماعة
شخص :شكرا كتير الك بروفسور .. رجعتلي ابني للحياة
مؤيد :مالازم تتشكرمي الك لازم تتشكر الدكتورة هون .. ما يأست وحاولت مرة تانية وكمان الفضل كلو لرب العالمين
صار يبكي :الف حمد وشكر الك يارب .. الف حمد وشكر الك يارب
مؤيد :الله يحميه ويقوملك المدام بخير وسلامة
:شكرا .. شكرا ..
مشو ميسون ومؤيد
مؤيد : دكتورة الله يعطيكي العافية
ميسون :شكرا بروفسور
مؤيد :انا صار لازم روح .. بدك شي
ميسون :لا
مؤيد :اكيد مابدك توصاي ع الولد
ميسون :اكيد
مؤيد :سلام .. غدا نلتقي
ميسون:سلام
بنهاية الكوريدور كل واحد راح من جهة
________________________
المسا
قدام غرفة بيان .. اجا حيدر وكان في بلال وامو وحكم
حيدر :مرحبا
:اهلين
حيدر :ليش واقفين برا
سلمى بتعب وحزن :اختك رجعت انهارت مرة تانية ..
حيدر :شو عم تحكو ؟؟
بلال :والله .. والدكتور منع حدا يفوت عليها ليوم كامل
حيدر :طيب من شوو
سلمى :مابعرف والله
حيدربقلبو :معقول سعد اجا وحكاها شي .. شو لازم اعمل هلأ .. خلص مارح اعمل شي لشوف بيان شو صار معا
وهو شارد اجت عينو بعين حكم
حيدر :حكم موهيك ؟؟
حكم :اي . تصافحو وسلمو عبعض
حيدر: طيب هيك بدنا نضل
سلمى :مابعرف
اجت ممرضة
لو سمحتو المشفى ادارة المشفى بتمنع حدا يبقا مع المريض وخصوصا اذا كان بالغ .. ياريت تتفضلو ترتاحو بالبيت
سلمى :انا مارح اترك بنتي
الممرضة :ياخالة هي الاوامر وكمان الدكتور مانع حدا يدخل لعندا يعني وجودكن وعدمو واحد .. ونحنا هون بنهتم فيها لا تخافو
بلال :متل ماقالت الممرضة .. خلينا نروح ع البيت
سلمى :طيب ماشي .. يلا خلونا نمشي
مشو وراحو
ميسون طلعت من الحاضنات ومشت اتجاه الرسبشن
ميسون :هلا في صبية دخلوها مبارح معا انهيار عصبي اسما بيان اليوسفي خرجوها
:لا دكتورة .. ماصابا انهيار عصبي تاني اليوم
ميسون :بلله جد
:والله .. والدكتور منع اهلا يدخلو لعندا
ميسون :ومين في عندا هلأ
:مافي حدا راحو كلن
ميسون :شقد رقم الغرفة
: لحظة .. فتحت الملف وقالت ١١٥
ميسون :اوكي .. انا عندا اذا صار شي
: ماشي دكتورة
طلعت ميسون لعندا .. فتحت الباب وفاتت
كانت بيان متسطحة وشاردة بالسقف
ميسون :مرحبا
تجلست بيان شوي بحيث بس رفعت راس شوي
بيان : اهلين
ميسون :كيف صرتي
بيان :انا شفتك مبارح ..بتذكر
ميسون :منيح
بيان :انا بعرفك
ميسون :اي
بيان :مين انتي
ميسون :بتتذكري الرقاصة يلي كان اخوكي متزوجا وضربتو بالسكين
بيان :اي هي انتي .. شو جاي تعملي هون
ميسون :جاي اطمن عليكي
بيان :طلعي لبرا مابدي اياكي
ميسون :مافيكي .. انا هون دكتورة
بيان :شو هالتغير المفاجئ من رقاصة لدكتورة وبمشفى محترم كمان
ميسون :شايفة انتي .. سحبت الكرسي وقعدت وقالت لأ وضعك منيح مزال عم تحكي وتقلعيني .. بس قالوليلي انو صابك انهيار عصبي تاني .. ليش
بيان :ما دخلك وتركيني لو سمحتي
ميسون: احكي فضفضي .. اوقات في شغلات كتير بنتمنى نحكيها بس مابنلاقي الشخص المناسب .. ممكن شي خاص ومابينحى للأهل .. ممكن نحكيه لصديق ..
بيان :بس انتي مانك صديقتي
ميسون :رح اجي معك .. الدكتور مانع حدا يدخل لعندك .. بس انا رح خالفو وجبلك صديق او صديقة يجو لعندك وتحكيلن .. انتي بهي الحالة لازم يكون عندك شخص تحكي معو .. لازم تفرغي طاقة .. لازم يكون حدا حدك ينصحك .. عطيني رقم شي حدا لاتصل فيه وقلو يجي بدخلك اياه عمسؤليتي
بيان :ماعندي حدا
ميسون :اصبح ماعندك خيار تاني غيري ..
بيان :كيف بدك اياني اوثق فيكي وانتي خربتي بيت اخي
ميسون:هههه خربتو ؟؟ انا مادخلني .. واصلا اخوكي هو يلي جبرني عليه وكمان كل زواجنا كان يوم واحد بس .. وانا واخوكي حاليا مابنطيق بعض ومن زمان ماشفتو .. وكمان عسيرة خربان البيت .. بيت اخوكي كان مخروب وانا عم حاول صلحو
بيان :كيف هي بقا
ميسون :هلأ بتعرفي . فتحت تلفونا وطلبت رقم سلوى .. وفتحت السبيكر
سلوى :الو
ميسون :كيفك سلوى
سلوى :بخير الحمد لله
ميسون :شو الوضع
سلوى :بجنن ... كنت بدي حكيكي بس انشغلت شوي
ميسون :يعني صاير شي جديد
سلوى :اي مبارح طفح الكيل عندو .. وقعدنا وحكينا .. وطلب مني نرجع متل قبل .. ووعدني انو معد يتطلع ع مرى غيري .. ويلي بدي اياه بصير .. يا الله شو مبسوطة .. عنجد ياميسون ماعارفة كيف اتشكرك لولا خططك كنت ضليت طول عمري رجل كرسي بهل البيت
ميسون : الله يهنيكي ياعمري .. يلا بدك شي
سلوى: لا سلامتك حبيبتي
سكرت واتطلعت ببيان .. وبيان كانت علامات الصدمة ع وجها
بيان :هي سلوى مرت اخي ماهيك
ميسون :اي هيك .
بيان :شو نصحتيها
ميسون :مرت اخوكي درويشة واخوكي عم يتنمرد عليها .. بس قلتلا شو تعمل ليرجع متل قبل .. وسمعتيها بأدنك كيف عم تتشكرني .. يعني انا صديقة ماني عدوة هههههههههههه
بيان ضحكت لا اراديا بس ضحكة خفيفة
ميسون : يلا حكيلي شبك .. الليل طويل هلأ بتضوجي لحالك بترجعي بتنهاري مرة تانية
بيان :ههههههه
ميسون :لا مزال عم تضحكي .. امورك تمام .. انا رايحة جيب كاستين عصير وراجعة
بيان :ماشي
_________________________
ببيت بلال
فات ع البيت وسلوى طلعت تستقبلو
بلال :مسالخير حبيبي
سلوى :مسالنور .. شو صار معكن
بلال :مابعرف شو عم يصير مع هالبنت .. بس قال الدكتور ان شاء الله بتصير منيحة من هون لبكرة
سلوى :ان شاء الله
بلال :نامو الولاد
سلوى :مانن هون بعدن عند اهلي
بلال :اممم
سلوى :حطلك عشا
بلال : بالاول بدي اتحمم حاسس حالي بقرف من ريحة المشفى
سلوى :بتحب فوت ليفلك ضهرك
بلال :قلتيلي الولاد عند بيت جدن
سلوى :اي
بلال : اي تعي لقلك لكن هههه
سحبا من ايدا وراحو ع غرفة النوم
____________________
بيان شربت اخر رشفة بكاسة العصير وقالت هاد كلشي
ميسون :يعني المشكلة من الاول اساسها بلال افندي .. والله كنت متوقعة
بيان :كمان انا غلطت .. كان لازم الجئ لحيدر .. دغري سافرت .. مابعرف كان كل همي احمي سعد .. وكمان غلطت لما طلعت مع حكم وسهرت وماكان لازم اسكر .. مابعرف ليش هيك صار معي
ميسون : ليش مابتقولي انو هاد كلو مقدر ومكتوب
بيان :عم فكر فيها عم لاقي كل الحق علي
ميسون : ماعليكي شي حق .. كلن محقوقين الا انتي ثبتيلي هالشغلة براسك
بيان :كيف
ميسون :امك وبلال اولا.. وتانيا حكم استغل ضغفك وتالتا سعد ..لو بحبك عنجد كان ع القليلة سمعك .. او حاول يلاقيلك مبررات .. يلي بحب بيصنع المستحيل ليحافظ على صورة يلي بحبو تضل حلوة ..
بيان :يعني سعد ما بحبني
ميسون :بحبك بس ماعندو استعداد يحافظ عليكي .. حبو جبان
بيان :شو اعمل هلأ
ميسون :مافي قدامك غير خيار واحد
بيان :حكم؟؟
ميسون :اي .. واضح انو بحبك كتير .. وصدقيني اذا كان بحبك عنجد رح يعوضك وينسيكي سعد
.. وشيلك عن الحب لانو صدقيني هالايام مافي حب .. اتطلعي عليه من برا .. شخص واصل معو مصاري واهلك اكيد رح يحبوه والاهم من هيك شخصيتو حلوة
بيان :وبركي بعد الزواج طلع خاين او معد حبني .. وحياتنا طلعت باردة
ميسون :في كتير رجال بكون بحب مرتو لحد الجنون ومع هيك بتلاقيه عم يخونا ..
بيان :شو السبب ؟؟
ميسون :السبب هو انو بحب تعاملو بمعاملة خاصة ما مهم شو نوع المعاملة .. بس هو بحب المرى تكون هيك وهية بتكون عكس هيك تماما .. ولما بلاقي هالشي يلي عم يدور عليه برا بصير يخون ليشبع رغباتو
بيان :بس هاد مانو مبرر .. يعني بحب مرتو تكون هيك يطلب منها
ميسون :طبعا مانو مبرر .. بس في كتير رجال بتصعب عليهن يطلبو ويكسرو نفسن
بيان :والحل
ميسون :المرى بدا تكون حربوقة وتحاول تعرف جوزا شو بدو وتصير متل مابدو صدقيني بصير يحبا ضعف .. ويحسب ساعات الشغل ليرجع ويشوفا .. مثلا في رجال مابتحب هيدي اجواء الرومنسية مثلا ورد وشموع .. بصراحة انا مابحبا وبحسا بياخة .. قال شو قاعدين عطاولة وشموع وورد اي وبعدين ..
بيان :بس انا بحب هيك
ميسون :شايفة في اختلاف بيني وبينك وهيك الرجال .. وبصراحة اكتر الرجال مابحبو هالجو بس بيتطرو يسايرو المرى .. هههه اسأليني انا
بيان : دخيل هالرجال مابيعجبن العجب
ميسون : بيعجبن بس بدك تعرفي شو يعجبن .. هلا الرجال بشكل عام بحب المرى يلي عم تغلي من جوا .. وتكون كلا نشاط وحيوية ..وكمان تحاول تبعد عن الشي يلي بعصبو .. في نسوان بشوفو شو يلي بعصب الزلمة وبيعملوه .. مثلا في زلمة ومرتو ..ومرتو حاولت تمسك تلفونو وتفتش فيه .. هو تلفونو مافيه شي بس بسبب اسلوبا مابخليها تلمسو .. وبصير بيناتن مشاكل بتوصلن للطلاق بسبب شي تافه
بيان :هههه والله انتي لازم يحطوكي مصلحة اجتماعية للأصلاح الزوجي
ميسون :هي خبرة حبيبتي .. يعني انا لما كنت رقاصة واقعد مع الزباين يحكولي مشاكلن وهنن سكرانين وصرت اعرف اكتر الرجال شو بحبو .. مثلا اخوكي بلال بحب مرتو بس سلوى كانت تقليدية هو يحسا .. وكانت تعمل اجواء رومنسية مشان ترضيه .. بس هو هالشي كان يعصبو ومايقدر يطلب منها .. بلال بحب المرى العنيدة .... المرى يلي شخصيتا قوية .. هيك طبعو
بيان : وانتي ساعدتي سلوى لتصير متل مابدو
ميسون : بالظبط .. ههه كأنو حكينا كتير ماهيك
بيان : اي هيك
ميسون : يلا انا طالعة ورح اتركك تنامي واهم شغلة هلأ لاتفكري بشي ابدا حاولي توقفي عقلك عن التفكير
بيان : شكرا
ميسون :على شو
بيان : حاسي حالي احسن .. صار تفكيري شوي ايجابي وصرت فكر انو قدامي حياة ومستقبل ولازم عيش وافرح بحياتي ومالازم خلي حياتي توقف عند حدا.. ورح صير فكر بحكم بشكل جدي
ميسون : كتير منيح
طلعت ميسون ورن تلفونا
ميسون : الو .. اهلين عزة ... اي شو صار معك .. كتير منيح ماقصرتي فيهن .. بدك تجي لعندي .. اي حبيبتي بس انا ماني بالبيت عم دوام بالمشفى .. روحي انتي نامي هنيك بكرا بجي وبنحكي .. معك مفتاح ماهيك ... اي منيح كتير.... سلام حبيبتي
_______________________
ببيت مرح
مرح ماسكة تلفونا وحاطتو ع ادنا وبأيدا التانية حاطتا على خصرا
مرح : الو .. سعد
........................
عند سعد
عم يحكي ع التلفون وماشي اتجاه السطح
سعد :اي مرح عم اسمعك.. فكرتي ؟؟
مرح :اي فكرت وكتير منيح
سعد :وشو هو قرارك
مرح :خلينا اصدقاء
سعد :مافهمت
مرح :حكيي واضح .. كل واحد بطريقو .. باي
وسكرت
سعد : بالناقص منك ومن رفيقتك ..
وقف شوي وشرد .. بعدا رما التلفون بكل قوتو ع الارض وصار ٣ شقفات
نزل ع الارض وقعد وسند ضهرو على الحيط وصار يبكي وكأنو طفل صغير .. كل مقاومتو انو هو قوي ومانو سألان عن حدا انهارت .. حس حالو ضعيف على غبي .. ورجع يتذكر المشهد يلي صار بالمشفى مع بيان __________________________
بعد عدة ايام
قاعدين عيلة اسامة كلن مع هاجر وجوزها
سام : وبعدين .. هيك بدنا نضل .. صرلنا قريب العشره ايام وهديك الكلبة مختفية
اياد زوج هاجر : انا مبارح نزلت ع الطابو وطلع كلشي مسجل بأسمها نظامي
ام اسامة :والحل .. والحل يا اسامة
اسامة :حاج تحملوني ذنب بس الي
سام :اي اكيد الذنب ذنبك .. ما انت تزوجتا وجبتا على هالعيلة
اسامة :لو اعترفتو فيها ماكانت عملت هيك
سام : هاه هلأ صار مادخلك .. ما انت الطمع عما عقلبك ووافقت يعني لاتعمل حالك مالك ذنب لانو الذنب ذنبك
ابو اسامة :خلصص.. لا تتقاتلو
اسامة :انا طالع استأجر بيت وننقل عليه
هاجر :خليكن هون
اسامة :لا حاج تقلنا عليكن كتير .. ولازم نطلع .. انا كنت ناطر عأساس هية تتصل وتتفاوض
سام :هه وعشو بدا تفاوضك اذا كلشي معا
اسامة : على فهد اكيد
ام اسامة :كيف يعني
اسامة :فهد لهلأ مانو مسجل .. وبدا تسجلو واكيد بدا تاخدو
ام اسامة :تاخدو تضرب منها الو ..
اسامة:هاد ابني ومارح اتركلا اياه
سام :لكن خلينا هيك مشنطتين ولا ورانا ولا قدامنا
اسامة :عم قول يمكن ..
_______________________
ميسون لابسة وطالعة من البيت
عزة من المطبخ :ميسون لحظة
طلعت من المطبخ ومعا صحن فيه اكل
عزة :كلي هاد قبل ما تروحي
ميسون :استعجلت رح تصير ٢
عزة :كليه بسرعة .. المهم لا تطلعي بلا غدا
ميسون :طيب يا ستي هاتيه .. اخدتو وقعدت على كرسي جنب الباب
ميسون وهية عم تاكل : شو صار معك ماحكيتي مع اسامة
عزة :لا
ميسون :ماقلتي مبارح انو اليوم بدك تدقيلن
عزة :صح ..بس غيرت رأيي .. خبرتني هيام انو اسامة قلا بدو يستأجر بيت ويقعدو فيه .. وانا ناطرة ليستأجرو ويدفعو اجار بيت
ميسون :ااااخ منك .. والله صاير ينخاف منك هههه
عزة :شو ماعملت معن قليل
ميسون :الله يقويكي هههه
خلصت اخر لقمة وعطتا الصحن وقالتلا يسلمن
عزة :صحة وهنا
طلع فهد من غرفة وقال :ماما موبايلك عم يرن
عزة :هات لشوف .. هي سميرة .. الو
سميرة :كيفك يا خاينة
عزة :مشتاقتلك كيفك انتي
سميرة :والله انا اكتر .. شو وينك ماعم تبيني
عزة :والله بهل الدنيا
سميرة :شو اخبارك انتي وزوجك
عزة :مين زوجي
سميرة :ليش ما رجعتي لجوزك
عزة :ههههه لا مارجعتلو
سميرة : كيف هيك
عزة :لك سالفة طويلة ببقا بحليلك اياها
سميرة :وينك انتي هلأ
عزة :عند رفيقتي
سميرة :اي تعالي لكن بشوفك وبنحكي
عزة : جيتي ع البيت ؟
سميرة :لا تعالي ع المصنع لانو ذادولنا ساعات الدوام وصارت لل٤
عزة :ليش
سميرة :في ضغط هالفترة بس طبعا مع زودة بالاجار ..
عزة :اذا هيك منيح
سميرة :المهم حملي حالك وتعي لندردش شوي
عزة :ههه اعوذ بلله .. شو مجنونة لحتى اجي ع المصنع وانا تقلعت منو
سميرة :والله حيدر بيك ندم كتير
عزة :بعرف وكان يتصل فيني بس انا مارد عليه
سميرة :وكمان ماعم يجو ع المصنع ابدا
عزة :ليش
سميرة :مابعرف والله .. لك اماني تعالي هلأ مافي شي عندي وقاعدة
عزة :لا بجي المسا ع البيت مشان شوف اميرة
سميرة :اميرة مانا هون طلعت ع تعمل زيارة بالضيعة
عزة :طيب يلا جاي
سميرة :جيبي فهودة معك
عزة :اي اكيد لانو مافي محل اتركو
سميرة :ناطرتك
______________________
بالاستديو
بيان قاعدة قدام الابتوب وعم تكبس ع الفارة
بيان :اوووف كل هدول ايميلات .. شو بدي رد عليهن
فتحت ع اول ايميل وكتبت : اسفة كنت مريضة وماكنت اجي ع الاستديو
سمعت باب الاستديو انفتح
بيان :ميين
قامت لتشوف مين وكانت مرح
بيان :والك عين تجي
مرح :حقك تقولي شو مابدك
بيان :طلعي لبرا ..
مرح :طالعة .. بس جاي وعدك
بيان :اممم .. ليش طالعة شهر عسل انتي وسعد
مرح :لا .. انا وسعد ماكملنا مع بعض .. انا جاي اطلب السماح وودعك لانو رايحين عحلب ومعد نرجع
بيان :.....
مرح : بتمنى تسامحيني وماتحملي بقلبك علي .. بخاطرك
بيان :لحظة
مرح :شو
بيان :ليش ماكملتو مع بعض
مرح : مابعرف .. بس يلي شفتو بسعد انو هو طايش وجانن وماعم يعرف شو يعمل .. صار بدو يخطب وبتزوج اي وحدة .. مفكرة اذا عمل هيك رح يرتاح .. بس بالعكس شو ماعمل مارح يقدر يطالعك من قلبو ومن عقلو ..
بيان بقلبا :اي خليه يتعذب بيستاهل
مرح :بدك شي ..
بيان :لا الله معك وتوصلي بالسلامة .. وكمان سامحتك مرح :شكرا
لفت ضهرا ومشت
رجعت ع مكانا وهية عم تفكر وتقول :كل هاد عم تعملو بس مشان ماترجعلي .. لانو غلطت ومابقصدي .. بس هيك احسن .. خليه يروح ويعمل يلي بدو اياه لانو نزل من عيني كتير .. ومستحيل نكون لبعض
رجعت قعدت وصارت ترد ع الايميلات
رن تلفونا وكان حكم
بيان :اووف حكم اووف .. معد تعرف انو ماني طايقتك
انفتح الباب
بيان :مين
: حكم
بيان بصوت واطي : كمان لهون
وصل لعندا
حكم : مرحبا
بيان : اهلين
حكم : ليش ماعم تردي ع موبايلك
بيان : مابدي رد
حكم : يعني من وقت طلعتي من المشفى وانا بتصل وحضرتك مابتدري وبروح ع البيت وما بتتنازلي وبتقعدي معي .. هلأ حكيت مع امك وقالتلي نزلت ع الاستديو .. انو وبعدين
بيان : لحتى تمل
حكم : وانا مارح مل
بيان : حكم بترجاك طلاع من راسي
حكم : اي قومي قومي خلينا نطلع نقعد بشي مكان ونحكي
بيان : لك ماعم تفهم اني ماني عم طيقك وماني عم طيق شوفك .. وبعدين انا ماعندي شي احكيه
حكم :بيان لا تعاندي
بيان : لك عندي شغل لفوق راسي
حكم : اذا اتأخرتي يوم مابصير شي
بيان : اوووف طيب شو بدك تغديني
حكم : يلي بتحبيه
بيان : طيب تفضل
حكم : الله يزيد فضلك يا مأدبة يا موجبة
ضحكت بيان ضحكة صغيرة ومشو
___________________
وصلت ميسون ع المشفى ودخلت ع غرفتا .. اخدت مريولا من على العليقة وصارت تلبسو
ومن برا جاي مؤيد رفع ايدو ليدق بس سمع صوت تلفونا عم يرن .. وصار عندو فضول يعرف مين عم يدقلا
ميسون فتحت السبيكر وحطتو على الطاولة وكملت لبس وقالت :اهلين ابو فايز
ابو فايز : لقيتلك شرا للبيت
ميسون :اي وبشقد
ابو فايز :بعشرة مليون
ميسون :شو عشرة مليون.. اذا انا من ٣ سنين اشتريتو بنفس السعر وانا وانت بنعرف انو البيوت طالعة بالنار
ابو فايز :هاد يلي اندفع فيه والله
ميسون :بطلت بيع .. شو عم تضحك علي ابو فايز
ابوفايز :طيب ب١١
ميسون :ومن وين اجا المليون هاد .. هلأ بتقلي بدي ادفعو من جبتي ماهيك .. خلص ابو فايز انسا الموضوع انا البيت معد بيع
:بس يا ميسون خانم
ميسون: خلص معد بدي بيع شو البيع بالغصب .. سلام
سكرت الخط وقالت :العما شو حرمية
مؤيد :ليش بدا تبيع البيت هي
دق دقيتن ودفع الباب وفات
مؤيد :مرحبا
ميسون :اهلين بروفسور
مؤيد: صوتك كان طالع
ميسون :والله شي بيقهر .. لك بيت اشتريتو من كام سنة بعشرة واليوم عرضتو للبيع قال بعشرة .. لك العما بقلبو ع القليلة يدفعلي ١٥ .. ومع انو اشتريتو من نفس الدلال .. اكيد ناصب علي لما اشتريتو كمان
مؤيد :لمين البيت
ميسون :الي
مؤيد : حدا عندو بيت بهل الايام ببيعو
ميسون :اي متطرة ع مصاري
مؤيد :اشقد انا بعطيكي
ميسون :ههه بصير بدك مقابل
مؤيد :ياعيب الشوم ما عأساس صرنا اصدقاء
ميسون :ماعم اقدر امنلك ههه
مؤيد : هلأ هيك
ميسون : عم نمزح ولو .. ما الاصدقاء بيمزحو مع بعض
مؤيد : هلأ عنجد لأشلك بالمصاري
ميسون : هلأ اذا بدي قلك مارح تصدق .. وتقول عم تفرجيني انو عم تعمل خير
مؤيد :تعملي خير ؟؟ هو ما وجهك هالوجه بس احكي رح صدقك
ميسون : مزال ما وجهي هالوجه مارح احكي
مؤيد:بلله احكي
ميسون :هئ .. خلص انسا
مؤيد :دكتورة ميسون .. احكي هاد امر
ميسون :?????? بدي بيعو وحط مصاريه بالميتم ..
مؤيد :بلله
ميسون :والله .. الميتم بدو مصاريف كتير .. اذا اكل بدن حوالي ١٠٠ الف باليوم .. ودعم مافي
مؤيد :طيب انتي شو الله جابرك
ميسون :شو شوالله جابرني .. انا هاد الميتم يلي رباني وحواني كل هالسنين وكمان كلشي بالميتم هنن اهلي واخواتي الصغار ... انت اذا شفت اهلك محتاجين ما بتساعدن
مؤيد : مبلى
ميسون : وانا اهلي بحاجتي وبدي ساعدن
مؤيد :بس اذا بعتي بيتك رح تصفي بالشارع
ميسون :ههه لا هاد بيت تاني
مؤيد :اذا هيك منيح
ميسون :يمكن مارح تصدقني .. بس انا كنت اشتغل رقاصة كرمال ولاد الميتم .. قلت هي المصاري يلي عم يرموها بالكبريهات هي الولاد احق فيها وصرت اشتغل رقاصة
مؤيد : عم غير نظرتي فيكي
ميسون : للأحسن ولا للأسوء
مؤيد :للأحسن طبعا
ميسون :يعني انا كنت بنظرك ماني منيحة
مؤيد :لا مو هيك
ميسون :لكن شو
مؤيد : ميسون لا تحاصريني بالاسئلة هلأ
ميسون : خلص فهمت كلشي انا .. وشكرا عنظرتك فيني
مؤيد : ميسون اهدي شوي .. والله ماكان هيك قصدي
ميسون بمزح : خلص لا تحاول فهمت كلشي
مؤيد : اي خليكي فهمانة متل مابدك
تركها وطلع وهية طلعت وراه
ميسون :ع القليلة اعتذر
مؤيد وهو متابع مشي قال :ماني
ميسون :بسيطة يا بروفسور .. انا خلص زعلت منك كتير
مؤيد : بكون احسن
كمل وهو مبتسم وهية رجعت ع غرفتا وقالت : بسيطة مابكون اسمي ميسون اذا مابخليك تعتذر ههههه
_______________________
بالمصنع
سميرة طفت تحت الغاز وسكبت القهوة واجت قعدت مقبال عزة
سميرة : اي شو هاد يا عزة شو هالجمال والشياكة
عزة : ههه خلص من اليوم ورايح رح صير عزة جديدة
سميرة : وشوبدك تعملي هلأ
عزة :بدي اسامة يسجل فهد ع اسمو ويمنحني حضانتو عطول وبرجعلن كلشي يضربو منن للبيوت والمصاري انا اصلا عملت هيك بس مشان زلن متل مازولني
سميرة :كما تدين تدان .. مابتقصري فيهن
التفت حواليها عزة وقالت :فهد .. وينو
سميرة : يي بس مايكون راح ع الالات طلعو يركضو ويدرور عليه بقلب المصنع
عباب المصنع فايت بلال وحيدر
حيدر :هلأ لازم نستعجل العمال مشان يخصلو الخزانات اليوم وبكرا يكونو جاهزين للتسليم
بلال :بلحقو؟
حيدر :يلي بخلصوه واذا نقص كم واحد بنشتري
بلال :عنا مصنع وبدنا نشتري
حيدر :اي واذا .. المهم لازم تكون الطلبية كاملة
جنب الباب فهد نازل على الارض ومعو عصا صغيرة وعم يرسم فيها ع الارض
بلال : لمين هاد الولد
حيدر :مابعرف .. بس وجودو هون خطر ..مع مين جاي
قربو منو
بلال : يا ولد .. مع مين جاي
رفع راسو واتطلع فيهن وماحكي
طلعت عزة وسميرة لبرا ركض
عزة :فهددد .. شووعم تعمل هون .. تعال
حيدر :عزة !!
اتطلعت فيه وماكانت منتبهتلو
حيدر : كيفك
عزة :فهد ماما بسرعة روح جبلي جزداني بدنا نمشي
سميرة :لسه ماشربنا القهوة
عزة :مشروبة .. وانتي حسابك بعدين
فهد فات بسرعة جاب الشنتة واجا .. اخدتا منو عزة ومسكتو من ايدو ومشت
حيدر لحقا : عزة .. عزة ..
عزة :نعم حيدر بيك
حيدر :خليني وصلك
عزة :هه .. امشي ماما .. امشي
سحبت ابنا ومشت
بلال لسميرة :شو كانت عم تعمل هي هون
سميرة :اجت تشوفني
بلال: بدا تشوفك بتشوفك ببيتك .. ماني عاملكن هون كافيتيريا
تركها وفات .. قرب منها حيدر :سميرة شو كانت عم تعمل عزة هون
سميرة :عم تشوفني ..حيدر بيك
حيدر :وشو اخبارا
سميرة :منيحة
حيدر :وكيفا هية وجوزا
سميرة :مارجعتلو.. بالاذن
تركتو وفاتت وهو ضل واقف مكانو
بلال من جوا : حيددر .. تعال
_____________________
سلوى بالبيت حاطة الغدا وعم تاكل هية وولادا .. كانت عم تحط اللقمة بتما .. وانتبهت انو ابنها مهند عم يحرك الاكل بالشوكة
سلوى :ماما مهند ليش ماعم تاكل
مهند :ماني جوعان
سلوى :كمان ع الفطور ما اكلت .. ماما انت مريض
مهند :لا ماما .. بس ماعم يجي ع بالي .. عم حس حالي شبعان
سلوى :بكرا ببقا باخدك ع الدكتور ..بركي بيعطيك فاتح شهية لانك عم تنحف ملاحظة عليك
وعد :ماما مشغول بالدراسة .. قال بدو يدرس منيح مشان جواد يلي معو بالصف ما يتفوق عليه
سلوى :عنجد ماما
مهند :اي ماما .. مالازم حدا يتفوق علي
سلوى :ياحبيبي .. بس لاتفكر كتير مشان صحتك ياعمري
مهند :حاضر ماما ..
______________________
بالمطعم
بيان حاطة راسة بالصحن وعم تاكل
حكم :بيان شو كان صاير معك
بيان :معلش ما احكي
حكم :اذا بدك لا تتذكريه من اصلو
حطت الشوكة والسكين وقالت :حكم انا بهل الجمعة كنت منعزلة لحالي وكنت طول الوقت عم فكر
حكم : ولشو وصلتي
بيان : ولا شي
حكم : هاه .. لكن بشو فكرتي
بيان : فكرت انو لازم طالع كل هالعالم من حياتي ومافكر بأي حدا .. وما ازعل ولا انهز مشان حدا
حكم : وانا
بيان : انت مصر تضل دابقني
حكم غمزا وقال : لتكون ماعجبتك هالدبقة
بيان : بصراحة بصراحة .. لا
حكم : بدك اياني اطلع من حياتك
بيان : بتطلع ؟؟
حكم : مابعرف .. بيان انا حبيتك وانو اتركك مانها بالامر السهل
بيان : يعني ما بسبب الشي يلي صار .. وضميرك عم يأنبك
حكم : قلتلك انو انا ماني ندمان ابدا من الشي يلي صار
بيان : خلص .. خلص .. لاتكمل
حكم : قلك شغلة بس
بيان : قول
حكم : وعديني انك ماتزعلي
بيان : مارح ازعل قول
حكم :الشي يلي صار ماعم اقدر شيلو من راسي .. ومتمني اعمل المسحيل ليرجع يتكرر
بيان عصبت وقامت لتمشي
مسكا من ايدا وقال :لك اقعدي يا مجنونة ما عأساس مارح تزعلي
بيان :انت واحد بلا مربى
حكم :قصدي بالحلال والله .. اقعدي لاتفرجي العالم علينا
قعدت وهية مقهورة
حكم :عأساس مارح تزعلي
بيان :حكم خلص سكوت
حكم :هي سكتت .. يلا كملي اكلك
بيان : حكم
حكم :عيونو
بيان :ايمت بدك تجيب اهلك يطلبوني
_______________________
عزة ببيت ميسون .. رايحة جاي ومبين عليها التوتر .. عزة :ليش هيك توترت لما شفتو ..الحق علي ليش رحت .. كلو على بعضو ماكنت عم فكر فيه .. لك تضربي يا سميرة كلو منك .. ماكان لازم روح ع المصنع لو شو ماصار .. هلأ بقول هي شو جايبا لهون ... ومفكر انو جاي مشانو ..
____________________
اسامة ببيت مفروش عم يتفتل فيه
طلع من غرفة زلمة
اسامة :شقد اجارو هاد البيت
: ١٠٠ الف
اسامة : والله كتير
: بيت سياح نياح وبيستاهل اكتر من هيك
اسامة : طيب اتكلنا ع الله
: تفضل لنوقع العقد
اسامة :كمان بالاجارات في عقود
: طبعا حضرتك .. وين عايش انت
اسامة : وكم شهر هاد العقد
:٦ اشهر
اسامة :شووو .. بصراحة انا بدي بيت ابو شهر زمان
: والله هاد الموجود
اسامة يعني بدي ادفع اجار هلأ ٦٠٠الف
: اي
اسامة :اوووف شو هالمصيبة
:شو قلت
اسامة :شو بدي قول .. اتكلنا ع الله
:تفضل معي لنوقع العقد لكن
_________________________
المسا
سعد وامو واقفين عباب بيت ومعن بوكيه ورد
انفتح الباب وكان ابو نهلا
ابو نهلا :اهلا وسهلا .. اهلا وسهلا .. تفضلو تفضلو
دخلو سلمو ع الكل وقعدو
سعد كان ساكت وحاطط راسو بالارض .. وما عم يعطي اي ردة فعل
_________________________
ببيت بلال
قاعد وفارد اديه على ضهر الكنبة ومادد رجليه على الطاولة يلي قدامو ..وعم يتفرج على التلفزيون .. اجت سلوى من المطبخ ومعا جاط فواكه .. حطتو وقعدت بلزق بلال وحطت راسا على صدرو
بلال : كيفو الحب اليوم
سلوى :عم اشتقلك .. ليش صايرين عم تطولو بالشغل
بلال :بس هالشهر زمان
تجلست وحطت اديها على خصرا وقالت بس ماتكون عم تلعب بديلك
بلال :شو هي بديلك سلوى خانم
سلوى :متل ماسمعت
بلال :سلوى لاتكبري بالحكي
سلوى : بدي كبر .. وسلوى القديمة الدرويشة راحت
بلال :ما اختلافنا بس ما تقللي ادب معي
سلوى :طيب اسفة
بلال :اي تعي تعي
رجعت وحطت راسا على صدرو
بلال :عطيني تفاحة
سحبت سلوى وعطتو اياها
سلوى : ماقلتلي عنجد عم تطولو بالشغل ولا لافيلك ع شي وحدة
بلال :اسألي حيدر اذا بدك
سلوى :اي رح اسألو
بلال :اي سأليه
سلوى :هات هالريموت من ايدك خلينا نتفرج على شي حلو
بلال :خدي
سلوى :صحي حبيبي .. مهند كتير عم يهدوس بالدراسة وخايف حدا يغلبو
بلال :اي منيح
سلوى :منيح ما اختلفنا بس كتير .. وكمان اكلو كتير خافف وحاسستا ضعفان
بلال :خلص بكرا بروح بقعد انا واياه وبنحكي من اب لابنو
سلوى : اي دخيلو هالاب
كمل اكل تفاحة وهية عم تقلب بالريموت
سلوى :اووف مافي شي كلو ممل
بلال :اصبح هاتي لرجع ع الفيلم
سلوى سكرتو وقالت :لأ .. قوم معي ع غرفة النوم عاملتلك مفاجئة
بلال :مفاجئة شو
سلوى :بصراحة بخجل قلك ..
بلال :بتخجلي ؟؟
سلوى :خايفة تفهمني غلط
بلال :لا اطمني مارح افهمك غلط
سلوى حكت بسرعة : اشتريت بدلة رقص
بلال تشردق بالتفاحة :اح .. اح .. شووو
سلوى :خلص لا تعصب .. بكرا برجعا
بلال :هههه شو ترجعيها ما ترجعيها قومي لشوف قومي
سحبا من ايدا وراحو
بلال :بتعرفي ترقصي
سلوى : ههههههه
_________________________
ببيت اهل نهلا
الكل عم يحكو ويسولفو .. وسعد شارد ويحكي بقلبو
سعد :خلص يا سعد فيق لحالك واقتنع بالشي يلي انت فيه .. حاج تضل شارد ومهموم خلص بيان مابتناسبك .. خلص لازم اقبل بنصيبي .. ونهلا هي حبي الاول وبنت حارتي وبعرفا عز المعرفة .. ما متل بيان ومرح هدول عندن علاقات على عدد شعر راسن .. وانا مالي قدن .. لك كيف تورطيت وحبيت بيان .. خلص سعد خلص .. طلعو من راسي .. طلعو ..
:القهوة..
فاق من شرودو واتطلع عليها كانت نهلا عم تضيفو القهوة
اخد القهوة وابتسملا ..
سعد :اي عمي شو قلت
ابو نهلا : اشراب قهوتك عمي اشراب
_____________________
بيان بغرفتا .. نايمة على تختا وحاطة ايدا تحت خدا .. قلبت لتاني جهة وشردت
طنطن موبايلا
تجلست واخدت الموبايل
كان مسج من حكم :ليش سهرانة وبشو عم تفكري
ابتسمت وردت : ماني سهرانة ونايمة
بعد ما بعتت ضرت على راسا
حكم :عم تحكيني من المنام يعني
بيان :بالغلط
حكم :شو هو يلي بالغلط .
بيان :خلص ولووو
حكم :بس بتعرفي عنجد كتير مبسوط
بيان :ليش
حكم :لانك قبلت تتزوجيني
بيان :غصب عني ما بكيفي
حكم : نزعتي فرحتي ..الله ينزع مساكي .. تصبحي على خير
بيان ضحكت ضحكة كبيرة وبعتتلو وانت من اهلو
_____________________
حكم قاعد بين اهلو وابتسامة ع ملا وجهو وعيونو بالموبايل
الكل عم يتطلع عليه ويبتسم .. رفع راسو ولا الكل عيونن عليه
ابتسم وقال :شبكن
امو :شو ابني .. تتهنا يلي ماخدة عقلك
حكمت ضربو على رجلو وقال :شو اخي مين هية بعرفا
اختو : حكم حبيبي رح يخبرني الي
ابوه :تركو الشب شوبدكن فيه
امو :شو شوبدنا فيه .. هلا بدو يحكيلنا كلشي .. واذا في وحدة او لأ
ظبط قعدتو حكم وقال :بصراحة كنت بدي افتح معكن الموضوع .. اي في وحدة
حكمت :بيان؟؟
حكم :اي هية
حكمت :هههه حزرت
ام حكم :مين هي بيان
حكمت : بنت ادهم اليوسفي ابو بلال البابا بيعرفو
ابوه: اي بعرفو الله يرحمو .. والله ونعم من هيك عيلة
________________________
حيدر قاعد بغرفتو وماسك موبايلو وفاتح ع اسما .. ومتردد يحكيها ولا لا.. سكر التلفون وحطو ع الطاولة وقام على فرشتو
_______________________
بعد مرور ايام
بفيلا اليوسفي
في جمعة كبيرة وموسيقى هادية .. اقتربنا اكتر لنشوف عيلة اليوسفي وعيلة حكم .. مجتمعين حوالي العروسين .. بيان وحكم ..
بيان كانت لابسة فتسان احمر مع مكياج خفيف .. وشعرا نازل على كتفا .. وجنبا حكم لابس طقم رسمي مع كرافة حمرا
ام حكم : تفضلو المحابس ياعرسان
اخد حكم محبس بيان ولبسها اياه ورفعلا ايدا لعندو وباسا
هية اخدت المحبس بتردد ...غمضت عيونا ولبستو اياه بسرعة ..
ليللليييشششش
جابو قالب الكاتو الخمس طوابق .. وجابولن سيف مزين بأحلا زينة
اخد حكم السيف وهمس لبيان حطي ايدك بأيدي لنقطع الكاتو
ماردت
سحبلا ايدا وخلاها هية يلي تمسك السيف وهو حط ايدو فوق ايدها .. ورفعو السيف ونزلوه بقلب الكاتو .. والكل صار يصفق.. حطو السيف على جنب وصارو يجو بالدور يباركولن .. الكل باركلن وقعدو
حكم : شبك بيان في شي مدايقك
بيان : لا ابدا .. مافي شي
حكم : ليش قالبة خقتلك
بيان : صدقني مافي شي
حكم :لتكون ماعاجبتك حفلة الخطبة
بيان : بالعكس كتير حلوة... وكمان ع الديق انا مابحب العجقة
حكم : لكن احكي شوفي
بيان : ليش العرس بعد شهر
حكم : ليس في مشكلة
بيان : يعني ماالي كلمة انا وحددتو وحطيتوني تحت الامر الواقع
حكم : انا استعجلت خفت يكون صار في شي ببطنك
بيان : بس مانو سبب مقنع وبعدين انا مافي شي ببطني يعني اطمن
حكم : كنت مجهزلك اياها مفاجئة .. بس شكلك مارح تصبري ليوم العرس
بيان : مفاجئة شو
يتبع.......
