ياوليفي وش وراء الوجه الضحوك ماخبرنا من سراب احد شرب
نعنبو حيك ظميت من الشكوك كل ماصدقت لي ظن كذب
ما نبي ورد يجي مخلوط شوك ياعنب لبنان يامشمش حلب
ياحرير ماخلط سلكه سلوك اصفهاني نقش تبريز وقصب
ادري ان الله عطاك ولاعطوك من قدمكلـ شعر راسك ذهب
ماملكت القلب ورث بالصكوك مالكه باللي يهز اطلق شنب
الهوى يهتزله عرش الملوك كد خضعله قبلنا فرس وعرب
كيف انا اليوم شفتك قلت دوك مايصد القوم من سيفه خشب
ينتصرلي من نصر غزوة تبوك ماتحت ربيقوي اليا غلب
لاتغرك كبرياك وعز ابوك الغرور اردى نصيب ابو لهب
قل لهلك اللي علينا دلعوك كل غصنن لاقسى عوده خرب
التعديل الأخير بواسطة المشرف: