بقلم_امل_احمد
(الجزء الاول)
بيتي الصغير بابا وماما الحنونين واخواتي الغاليين واختي الطيوبة هاي هي عيلتي.. عيلة بسيطة هادية بابا بشغلو وماما بالبيت معي انا واخواتي ..حنيتها وطيبتها منورة علينا حياتنا..
انا المى .. رح احكيلكن عن عيلتي.. عيلتي هاي هي كل حياتي وانا شعنونتن .. ما بركز بمكان ع طول من مطرح لمطرح . .اخوتي الكبار كلن متخرجين واختي بالجامعة وانا بالمدرسة ..
المى: امي هاي اجى خالد
خالد: مسا الخير
المى.ام خالد: اهلا وسهلا
امي: يعطيك العافية يا روح امك..كيف مدرستك اليوم
خالد: كيف بدا تكون امي..متل كل يوم..تعب ومناقرات طلاب
امي: ربي يعطيك ليرضيك يا ابني.. اااخ ايمت بس رح افرح فيك يا امي
خالد: لمن يجي النصيب امي..لمن يجي النصيب
امي: ربنا كريم يا امي
فورا انا تزكرت الانسة الجديدة عنا بالمدرسة
المى: ماما حبيبتي والله اجت اليوم انسة جديدة ع المدرسة ولساتا عزابية وبتجنن يا امي خلينا نشوفا لخالد
امي: عم تحك جد..اي ليه لأ بكرة بجي عندك ع المدرسة زيارة وبطريقي بشوفا
المى: كتير حلوو ماما
امي: وشو اسما؟
المى: شام اسما .دخيل ألبا يا ماما ما احلاها انسانة بكل معنى الكلمة
امي: يا رب
خالد: امي ما خلصتو و توتة..مييت جوع
امي: بس لييجو عمر وصالح..هاي عملتلك كاسة شاي اشربا لحتى ييجو يا امي
خالد: يسلمن
امي: صحة وهنا يا ابني
عمر. صالح: مسا الخيرات
امي: اهلين امي..الله يرضى عليكن
صالح: كيفا ست الكل
امي: داعيتلك بالخير والبركة الك ولاخواتك
عمر: الله لك شو هالروائح هاي ..شو عاملتلنا حبيبة القلب
امي: كبة وتبولة
عمر: الله عليكي يا امي
امي: ياللا غيرو تيابكن لحتى نتغدا ..المى فيقي بيك وتعي ع المطبخ
المى: من عيوني مدام ام خالد
امي: هههههه يسلمولي عيوني المها انا.. اي تحركي تحركي.. بلالك هالحركات هاي
جهزنا الغدا وتغدينا كالعادة متل كل يوم .بابا بيرجع من شغلو وبنام لحتى ييجو اخواتي وبعدا بنلتم كل العيلة ما عدا اختي هبة يلي بجامعتا وبنتغدا سوا
*في الجامعة*
هبة: ااخ والله تعبت يا اسيل
اسيل: لك مين ما تعب.. اي والله هلكنا
هبة: جاي عبالي ابكي والله تعبانة كتير
اسيل: مو لهالدرجة حبي لك ما تقلبيها نكد خلص تعي نشرب شي نروق
هبة: اي يالله
(اسيل هي رفيقتا الوحيدة لاختي هبة يلي صعب كتير تنسجم مع الناس بس اسيل بنت كتير مميزة ومن اول سنة بالجامعة تعرفو ع بعض وصارو رفقة )
علي: مسا الخير
هبة: لا حول ولا قوة الا بالله.. ما كان ناقصني غيرو
اسيل: اي اهلين
علي: شو هبة السلام لالله مو لعبدو
هبة: مو لحتى يكون عبدو عم يفهم ويستوعب
علي: اي عبدو ما بقدر يشوف هالجمال ويفهم .ما بعود في لا فهم ولا استيعاب
اسيل: علي خلص ما بدك تفهم انت يعني لحتى تعمل مشكلة كبيرة.. لك البنت كانت واضحة معك من البداية وفهمتك مالا بشغل البنات والرفقات.. روح من هون بلاها المشاكل
علي: اي شو عليه رح روح بس راجع اكيد
هبة: لك درب يسد وما يرد.. لك شو هاد دبقة دخيلو ما اغلزو
اسيل: اي انت التانية خفي عليه شوي
هبة: اسيل مو رايقتلك
اسيل: اي متل ما بدك.. بس الشب بيحبك وبدو اياكي
هبة: صار لازم نقوم.. بدي لحق المواصلات
اسيل: عم تتهربي.. اي ياللا لشوف اخرتا معكن تنيناتكن
*بالبيت*
هبة: مسا الخير
بابا: مسا الورد بنتي الحلوة تعي تعي لعندي
هبة: لك يخليلي ياك شو بحبك مووووا
امي: يا عيني يا عيني البوسات بس للبابا
هبة: اي شو بس للبابا لك كل البوسات الك يا احن ماما بالدنيي
المى: اي وانا شو الي
هبة: شو بدو يكون يعني.. امسكي افتحي الشنتة وشوفي
المى: شكلاتة اكيييد.. لك يسعدك هبوووش حياتي
هبة: اي بس بشرط
ألمى: شرطي حبيبتي
هبة: ما تنامي حدي اللية
ماما.. بابا: ههههههههه
ألمى: اي ضحكو ضحكو .خلص موافقة وامري لالله
هاي هي حياتنا بالمختصر حياة هادية ورايقة
خلص يومنا بامي يلي عم تتخيل عروسة اخي كيف رح يكون شكلا ..وهبة يلي الدراسة هلكتا وعلي يلي ما بتركا ابدا وبضل يلاحقا من مكان لمكان ..وبخالد يلي عم يدور ع شريكة حياتو
وبلش نهار جديد.. صحينا كلنا سوا افطرنا وكل واحد فينا توجه ع شغلو بابا ع مكتبو بالشركة يلي عم يشتغل فيها وخالد وعمر وصالح ع شغلن وانا ع مدرستي وهبة ع جامعتا
امي: الله معكن. ربي يحميكن ويبعد عنكن كل شر
المى تعي.. شو حكيتيلي اسمى انستك؟
المى: شام امي شام
امي: انسة شو هي؟
المى: عربي امي
امي: ماشي يا روحي رح خلص شغلي واجي لعندك
المى: رح تعجبك ماما ما تخافي..بحبك انا.. سلامات
امي: مع السلامة يا روحي
(الجزء الثاني)
خلصت ماما شغلا واجت زارتني بالمدرسة وتعرفت ع الانسة شام وعجبتا كتيييير ..انسة كتيير حلوة ونعومة وهادية
ام خالد: والله يا انسة شام انا كتير حبيتك
شام: تسلميلي خالتو.. وانا بالاكتر والله
ام خالد: يسعد البك يا روحي.. بس انو انت ليه لسا ما ارتبطي.. اسم الله عليكي مو ناقصك شي
تنهدت الانسة شام واطلعت بماما وابتسمت ابتسامة ناعمة ..عن ازنك خالتو صار لازم روح تشرفت بمعرفتك كتير
ام خالد: ازنك معك يا بنتي
رجعت امي ع البيت ..وبعد ما خلص دوامي رجعت
المى: مسا الخير امي
ام خالد: هلا عيوني
المى: اي امي كيف شفتيا للانسة.. بتطير العقل موو
امي: اي والله بتجنن.. بس في شي شغل بالي
المى: خير امي
امي: وقت سالتا ليش ما تجوزت لهلا تغير لونا وما جاوبت
المى: لك يا امي اكيد خجلت
امي:اي ان شاء الله يا امي
*في الجامعة*
هبة: واخيرا خلصت ..لك هلكني هالكتاب هاد ..الحمد لله
اسيل: اي والله الحمد لله كتييييير ارتحت
مرق علي عنن وهني واقفين وما حاكاهن
هبة: اي العما تضرب بهالشكل ..لك عشو شايف حالك
اسيل: هههههههه لك شبيييك
هبة: لك شوفي كيف مرق وهو نافش حالو متل الديك
اسيل: اي هبة والله حيرتينا لا بدك يحاكيكي ولا بدك ما يحاكيكي لك قرري
هبة: اي تضربي منك الو بعدي هيك بدي روح اكل شي ميييتة جوع
ومشت هبة وهي معصبة ...
اسيل: لك هدي هدي شوي.. ما حكيت شي لتعصبي ولوووو
راحو تنيتاتن ع الكافاتيريا وطلبو تنين شاورما واكلوهم وهني طالعين وقفو ليحاسبو
الجرسون: اي صبايا حسابكن مدفوع
هبة واسيل تطلعو ببعض وكان نفسن من الفرحة يحضنو بعض بنص الكافتيريا وينطو ..بس تمالكو اعصابن شوي
اسيل: مين دفعو للحساب
الجرسون: علي.. زميلكن
هبة قلبا صار يرقص من الفرحة : اي لااا روح رجعلو اياهن.. انا رح ادفع
اسيل مسكت ايدا لهبة واخدتا ع جنب: لك ولي جدبة شو عم تحكي ..لك والله من زمان نفسي اكل شاورما ببلاش
هبة: ههههه انا بدفع عنك لا تخافي
اسيل: هبة لا تجدبيها ..لك والله الفرحة بانتك بعيونك خلص مشي ولووو مشي
هبة :لك انت ما رح تبطلي حكيك هاد
اسيل: لا ما رح بطلوو وقلك شي.. اي والله والله هالعلي بيجنننن... شو بدك احسن منو لك حليوة واكابر وبحبك خلصنا بقى هبة
هبة: تضربي منك الو
*في البيت*
خالد: مسا الخير
امي: اهلين يامو تعا تعا عايزتك بموضوع
خالد: اي امي تفضلي
امي: شفتلك اليوم عروس بتطير ضبنات العقل بتقول للقمر قوم لاقعد مطرحك
خالد: ههههههههه.. اي وكيف شفتيها لهاي
امي: هاي انسة لاختك المى بالمدرسة.. رح جيب عنوانا وحاكي بيك ونروح لنطلبا رسمي
خالد: ما زالا عاجبتك امي توكلي ع الله
امي: ربي يرضى عليك يا ابني
تاني نهار امي اتصلت بمديرة المدرسة واخدت عنوانا للانسة..
امي: مرحبا.. كيفك
ام شام: اهلين يا هلا
امي: حضرتك اما للانسة شام
ام شام: اي انا.. تفضلي
امي: حابة اجي لعندكن زيارة واشرب معك فنجان قهوة ازا ما في مانع
ام شام: اهلا وسهلا اختي.. بس ازا الموضوع بخصا لشام فبدي اعتزر منك
امي: بس لاجي وبنحكي
ام شام: اهلا وسهلا فيكي.. بتشرفينا
بالمسا جهزو حالون وراحو لعندن امي وابي واخي خالد..
*ببيت الانسة شام*
امي: بصراحة اختي انا شفتا لبنتك ربي يحميها.. وحبيتا من كل قلبي.. وحابة انو تكون كنة لالي..
ام شام: يا ريت يا ام خالد.. والله باينتكن ناس اكابر ..بس للاسف بنتي ما بدا تتزوج..
امي: شو هالحكي.. وليه ما بدا
غصت اما لشام وتجمعو الدموع بعيونا..
ام شام: والله ماني عرفانة شو بدي احكيلك
امي: احكي اختي.. فينك تامنيلي بايا شي
ام شام: لا يروح فكرك لبعيد.. بنتي مريضة
امي: سلامة قلبا.. شو مرضا.. يعني المرض مانو عيب وبيتعالج
ام شام: (بتبكي) يا ريت يا ام خالد.. بنتي معا سرطان.. وما بعرف ايمت رح ودعا
حطت امي ايدا ع تما وشهقت..
امي: لا حول ولا قوة الا بالله.. والله ما بتستاهل
ام شام: قبل هاليوم بس باسبوع بنتي كانت عم تدلل ع هاد وهداك.. وعم ترفض العرسان.. شي طويل وشي قصير وشي بلا دقن وشي دقنو طويلة وشي عيونو ما حبيتن.. وهلأ شوفي حالا..
امي: بس بصراحة مو باين عليها المرض.. بنتك متل الوردة
ام شام: قبل فترة كانت تدوخ كتير ويغط ع قلبا.. راحت ع دكتور وعملت تحاليل وطلع معن هالمرض هاد.. بس لساتو بالو
امي: ربي يشفيلك ياها
ام شام: امين
(الجزء الثالث)
رجعو اهلي ع البيت وهني كتير مدايقين..
امي: لك يا ابني عم قلك مريضة.. عندا سرطان.. يعني بين اللحظة والتانية بتكون ميتة
خالد: امي هالبنت دخلت لقلبي.. وما بدي اخسرا.. ازا ربنا كاتبلا تعيش رح كون اسعد انسان بالكون.. وازا كاتبلا الموت بكون فرحتا بهالاكم يوم وكسبت الاجر
امي: والله يا امي ما بعرف شو بدي احكيلك.. والله حبيتا كتير.. بس هالمرض متعب كتير.. متعب الك والها.. يعني ما رح نطلع من المشافي
خالد: معلي امي.. انا مستحيل اتركا.. رح اعمل المستحيل ليوافقو اهلا
امي: ربي يكتبلك الخير يا امي
المى: خير امي شو صاير..مين يلي مريضة
امي: انستك.. انت ما كنت عرفانة بمرضا؟
المى: لا والله يا امي.. كيف بدي اعرف
امي: لا حول ولا قوة الا بالله
تاني نهار.. دقت امي لاما لشام
امي: صباح الخير.. كيفك وكيفا شام
ام شام: الحمد لله ام خالد ربي يسعدك
امي: ويسعدك حبيبتي... بصراحة نحنا عجبتنا بنتك كتير وبدنا اياها ..ايمت فينا نجي لعندكن مرة تانية
ام شام: كيف يعني ..ما فهمت
امي: ابني عجبتو بنتك وبدو اياها
ام شام: بس يا ام خالد انا حكيتلك بنتي مريضة
امي: انا حكيتلو لخالد وهو ما عندو مشكلة وموافق
بكيت ام شام: ربي يجبر بخاطركن ويوفقو لابنك.. بس لترجع شام من دواما.. ويرجع بيا بنردلكن خبر
*في الجامعة*
علي: صباح الخير اسيل ..كيفك
اسيل: صباح الورد علي اهلا
علي: بدي اشرب قهوة ..احسب حسابك
اسيل: والله بما انو ما رح ادفع فليش لا ههههه
راح علي ليجيب القهوة..
هبة واقفة ومصدووومة..
هبة: لك شو قلة هالزوء هاي.. مانو شايفنة قد الدبة قدامو
اسيل: ههههههههه خرجك.. انت كل ما يصبح عليك بتقلبي الجامعة عليه ..وما بتخلي مسبية الا تحكيها
هبة: لك اي بس انو يعني
اسيل: لك حاج تكابري اعترفي انك بتحبي
هبة: انا حبووووو.. لك انت جدبة شي
اسيل: هههههه
اجا علي ومعو قهوة ..
علي: تفضلي اسولة
اسيل: يسلمووو عيوني
هبة: يخرب بيتكن.. شو قلة هالزوء هاي
علي ما عبرا بنووب..
اسيل: شبك حبي.. بدك قهوة
عصبت هبة كتير وتركتن وراحت....
اسيل..علي: ههههههه
اسيل: تقلناها عليها ..مووو
علي: خرجا.. لك جننتني.. حاجتها مكابرة ولوووو
(الجزء الرابع)
*ببيت شام*
شام: مرحبا ماما كيفك
ام شام: هلا بعيونها لماما.. تعي لضمك
شام: هههههه صاير شي
ام شام: هلأ هيك!!
شام: عم امزح يا روحها لشام... وهاي احلا ضمة وعبوطة كمان.. بس انو والله باينتك فرحانة اليوم
ام شام: اي والله فرحانة كتير
شام: دووم امي.. بس ليه شو صاير بغيابي
ام شام: الجماعة يلي اجو مبيرحا المسا
شام: اهلا لالمى..ايي.. شبهن
ام شام: امو للشب دقتلي الصبح وبدن ياكي وبدا موعد ليجو ونتفق
عبست شام ...
شام: مستحيل امي مستحيل.. ما بوافق ابدا
ام شام: لك ليه يا امي ليه
شام: لانو ما بدي شفقة من حد.. مستحيل وافق
ودمعو عيونا وتركت اما يلي اختفت فرحتا وراحت ع غرفتا.. رمت شننتا وكتبا ع الارض ورمت حالا ع تختا وبكيت ..
شام: لك انا شام يلي الكل كان بدو رضاي يصير فيني هيك..
دقت اما الباب وفاتت..
ام شام: شام يا روحي لا تعملي بحالك هيك
شام ضمت اما وهي عم تبكي من كل قلبا..
شام: موجوعة يا امي موجوعة
ام شام: سلامة قلبك يا روحي.. رح تشفي والله قلبي حاسسني بانك رح تشفي
شام: ما حد شفي منو لهالمرض يا امي.. انا خلص انتهيت يا امي انتهيت
ام شام: (تبكي) لا تحرقيلي قلبي يا امي بترجاكي.. انت سمعتي الدكتور شو قال.. هالمرض بدو ايمان بانك رح تشفي.. رفعي اديكي للسما وقولي يا رب
شام: (وهي منهارة) يااااا رب.. ياااا رب
ام شام: الله يرضى عليك يا امي
انفتح باب بيتن ودخل بيها...
ابو شام: وينكن...
ام شام: ليكي بيك اجا.. بلا ما يشوفك هيك يا عمري هو من غير شي قلبو مو متحمل
ابو شام: انتو هون!! شبها شام شو صاير
ام شام: ولا شي ..بنوتك عم تدلل
ابو شام: بيلبقلا حبيبة بابا
ام شام: اي وفي كمان خبر
ابو شام: اي
ام شام: خالد بدو بنتك ..وامو الصبح حاكتني
ابو شام: اي ومين بشوفا لحبيبة بابا وما بدو اياها.. غيري تيابك بابا وتعي ..ام شام تركيها وتعي معي
ام شام: جايي.. يالا يا روح ماما.. غيري تيابك وبلاهن هالدموع.. ما تخافي وخلي املك بربك كبير
شام: (عم تمسح دموعا وتاخد نفس) والنعم بالله
طلعت اما لبرا...
ابو شام: تعي لشوف.. جد يلي حكيتي.. والشب بيعرف بمرض بنتك
ام شام: اي والله جد ..والشب بيعرف متل ما قالت امو.. بس المشكلة ببنتك قال ما بدا شفقة ومنية من حد
ابو شام: مو بكيفا.. بكفي.. ع طول عم نمشي ع كيفا.. بس هالمرة رح تمشي بكفينا.. خليها تعشلا يومين حلوين (ودمعو عيونو)
ام شام: وكل ربك يا رجال
طلعت شام من غرفتا...
ابو شام: اي يا عروس.. رح حاكي الجماعة وقلن يجو المسا
شام: لااا بابا بترجاك.. انا حاكيتا لامي.. ما بدي اياه
ابو شام: وليه ما بدك.. الشب ما في ولا عيبة.. واهلو محترمين وشاريكي.. شو بعد بدك اكتر
شام: (تبكي) بابا انا طول عمري بحلم برجال حبو ويحبني.. رجال شوف محبتي بعيونو.. ما رح اتحمل شوف نظرات الشفقة بعيونو.. بترجاك
ابو شام: ايا شفقة هاي.. الشب شاريكي يا بنتي.. بكفي تضيعي فرص ع حالك.. والله هالشب بينحب واهلو متل السكرة.. الله يهديكي يا بنتي لا اتعبيلي قلبي
شام: سلامة قلبك بابا
وقربت منو وضمتو وهي عم تبكي... دمعو عيونو لبيا ودعا ربو بينو وبين حالو: ربي اشفيها يا الله..
ابو شام: رح استنا لبكرة ودق للجماعة وقلن يجو بكرة بتكوني انت ريحتي نفسيتك شوي
شام: حاضر بابا
(الجزء الخامس)
اجا تاني نهار ..
*ببيت ابو خالد*
دق تلفون البيت...
ام خالد: الوو
ام شام: كيفك ام خالد
ام خالد: الحمد لله بخير انت كيفك
ام شام: الحمد لله تمام.. كنت بدي قلك اهلا وسهلا فيكن بايا وقت بشرفونا
ام خالد: ربي يسعدك ويزيدك شرف
ام شام: ام خالد.. نحنا لساتنا ما صار بينا شي.. وباول الطريق.. انت متاكدة انكن مستعدين لهيك تجربة.. انت بتعرفي هالمرض مانو هين وعلاجو صعب كتير
ام خالد: توكلي ع الله
ام شام: وشي تاني كمان.. بنتي كتير حساسة وهالمرض زاد من حساسيتا تجاه الناس.. هي خايفة ليكون خالد بدو اياها شفقة عليها
ام خالد: لا والله يا ام شام خالد قلي هالبنت دخلت لقلبي وازا ربي جمعنا سوا بكون اسعد انسان
ام شام: ربي يجبر بخاطركن ويفتحا بوشو لخالد
اجا المسا وراحو اهلي لعندن واتفقو يتممو كلشي باول الاسبوع الجايي.. انا طبعا كنت معن هالمرة..
المى: انسة شام انا كتير فرحانة.. بحبك والله
شام: تؤبري البي شو بحبك.. بس مو تعمليلي فيها بنت احما ها
المى: ههههههه لا شو بنت احما ما بنت احما
شام: ههههههههه عم امزح معك حبيبتي
هبة: انا بعمل بنت احمى لا تخافوو ههههه
شام...المى: ههههههههه
بعد بشوي شام طلبت انو تقعد مع خالد ع جنب...
خالد: الف مبروك.. بتمنى انو اقدر اسعدك
شام: خالد..... انت بتعرف بمرضي؟
خالد: اي بعرف.. وما عندي مشكلة
شام: بس هالمرض مو هين.. وانا هلا لساتني ببدايتو وكمان شوي يمكن احتاج لجلسات كيماوي.. او عملية ليستاصلو الورم.. وهالشي يمكن خلال هالاسبوع هاد
خالد: انا معك بكلشي.. انت فكري بس كيف حنكون سوا ونعيش حياة حلوة
دمعو عيونا لشام... وبكيت
خالد: ليه عم تبكي
شام: انت بتضحي كرمالي خالد
خالد: ايا تضحية هاي.. انا بصراحة حبيتك اول ما شفتك.. في بعيونك براءة وجمال بيسحرو
شام: هالبراءة يمكن مرضي يلي حطا بعيوني.. انا قبل هيك كنت كتير شايفة حالي.. طلبوني كتير وما كنت وافق ابدا..
خالد: اي لكن انا بدي اتشكرو لهالمرض.. يلي خلاكي ترفضي يلي قبلي وتستني لاجي انا هههههه
شام: ههههههه
خالد: طول ما انا جنبك لا تخافي شي.. انا حبيتك ورح ساعدك لتصحي وبدي عيش عمري كلو معك واكبر معك.. انت ما بيلبقلك غير تسكني جوات الروح لتطيبي الجروح يلي فيها.. انت شام الروح والقلب
شام: والله خجلتني.. كل هالحكي الي انا
خالد: ما عطيتك حقك بالوصف والله..بس هلا انت لازم تكوني اقوى من هيك وما تستسلمي.. من بكرة رح اخدك لعند دكتور تاني وانجدد الفحوصات ونبلش علاج
شام: (تبكي) بتشكرك كتير
خالد: لشو عم تتشكري.. هاد واجب.. انا هلأ شريك حياتك .. وغمزا بطرف عينو
خجلت شام واتطلعت فيه نظرة اعجاب..
شام: انا عم اتشكرك لانو ما عم تطلع فيني نظرة شفقة..لانو هالنظرة بتقتلني
خالد: ما رح تشوفي مني غير نظرات الاعجاب والحب والعشق والهيام ..بس اوعديني تكوني قوية..
ومسكلا ايدا لتحس بالامان..
شام: بوعدك
تاني نهار.. * بالجامعة*
اسيل: صباحوووو
هبة: صباح الورد.. شبك طايرة من الفرح
اسيل: لك شوفي شوفي
وحطت ايدا مقابيلا لهبة.. وكان فيها دبلة..
هبة: واااااااو.. ولي خطبتي!!!
اسيل: اي اي
ضمتا هبة وبوستا.. بعدتا اسيل..
اسيل: لك بعدي شوي قبل لتبوسيني .. ما بدك تعرفي العريس
هبة: مين
اسيل: علي
اختفت البسمة عن وشا لهبة وفتلت الارض فيها ووقعت من طولا بنص الجامعة..
شافا علي من بعيد اجا ركض..
علي: لك شبها شبها
اسيل: يعني انو ما بتعرف(بتبكي) ..والله كنت عرفانة هيك رح يصير
علي: سكتي بلا علاك وساعديني شوي
حملا علي واخدا ع عيادة الجامعة...
(الجزء السادس)
فاقت هبة وفتحت عيونا.. كانو تنيناتن معا..
هبة: طلعو لبرة ..طلعووو
صرخت فيهن ونزلو دموعا..
اسيل: لك اهدي شوي حبي اهدي
هبة: روحي من وشي بسرعة ما بدي شوفك ابدا
ضحك علي وغمزا لاسيل وطلع..
اسيل: هبة انا اسفة بس ما كنت بعرف انو بتحبي والله
هبة: لك انا بدي حبو لهاد ..لك هاد واحد غبي ما بينحب.. اصلا انتو كتير لابقين لبعض روحي من وشي.. روحي لعندو روحي
اسيل: وازا ما بتحبي لشو وقعتي من طولك
هبة: هاا.. اسيل روحي من وشي لك روحي..روحي
اسيل: لك ولي جدبة.. انا ما خطبت وهاد خاتما لامي.. لعبنا هاللعبة عليكي لنشوف ردة فعلك بس مو اكتر..
هبة: (تبكي) اسيل طلعي من هون
اسيل: اي رح اطلع.. سلام
طلعت اسيل وكان علي ع الباب عم يتسمع عليهن.. دخل علي لعندا..
علي: مرحباا يا حلوو.. بتعرفي يعني انا بعرف حالي قديه حلو وبنحب كتير.. بس والله ما كنت بعرف انو لهالدرجة هاي ممكن انحب
حملت هبة كاس المي يلي حدا وضربتها عليه
هبة: روح من هون ولا اجدب روووح
علي: هههههههه لك رح تموتيني ولي مجنونة
هبة: رح موتك لارتاح منك
قرب علي منا وهو عم يضحك.. صارت تضرب فيه باديها التنتين وتبعدو عنا...قعد حدا ع السرير وهو مو قدران يوقف يضحك... ومسكلا اديها التنتين...
علي: خلص خلص بكفي بكفي هههههههه
هبة: ...........
علي: لك والله بحبك وبموت فيكي.. انت احلا شي بحياتي
هبة: (لساتا عم تبكي) سكووت ولااا
علي: بكفي بكي ولووووووو.. هلأ جد بزعل وبروح بخطبا لاسيل وبتجوزا كمان
ضربتو هبة ع كتفو: غليز
علي: ههههههههههههه
وطلعو سوا هني واسيل يلي لسا رعبتا ما راحت.. وطعماهن شاورما ع حسابو وروحو هههههههه
*ببيت خالد*
ام خالد: امي ليه ما رحت لدوامك
خالد: امي رح اخد شام لغير دكتور واعملا فحوصات كاملة.. ليطمن قلبي وبلشلا بالعلاج
ام خالد: ربي يكون معكن يا ابني ويشفيها يا رب
خالد: امين
لبس تيابو خالد وراح لعند شام واخدا وراحو لعند دكتور رفيقو لخالد...
الدكتور: اهلا خالد.. مبارك خطبتكن
خالد: الله يبارك فيك
الدكتور: هلأ اول شي انسة شام بدك تفهمي شي مهم كتير.. هالمرض اكبر علاج لالو الايمان بانك رح تشفي.. ما لازم تستسلميلو ابدا..
شام: ان شاء الله دكتور
الدكتور: هلأ خالد حكالي ع كلشي وعطاني الفحوصات.. انا كتبتلكن ع فحوصات تانية وصور اشعة ورنيم مغناطيسي.. بدكن تبلشو فيها هلأ.. والوقت يلي بيجهزو الفحوصات فيه بتجو لعندي فورا..
طلعو شام وخالد ع المشفى وعملو كل الفحوصات وعطوهن موعد لتاني نهار..
ومن بعدا راحو سوا ع كوفي شوب..وقعدو سوا..
خالد: شبك.. ليه هيك دبلتي.. صحصحي ما بدي اياكي هيك.. نحنا لسا باولتا
شام: خالد بتشكرك كتير
خالد: لا عاد تتشكري.. جد بزعل منك
شام: صدقني انت نعمة من ربنا.. انا كنت منهارة.. بس دخولك لحياتي قواني وعطاني امل بالحياة
خالد: هاد الحكي يلي بحب اسمعو من شامة روحي وعمري
اجا تاني نهار.. ومن بعد ما خلصو دوامن بالمدرسة راحو ليجيبو الفحوصات..
خالد: لك شبك هيك متلبكة
شام: (دمعو عيونا) خالد انا كتير خايفة.. ما بدي موت بدي عيش.. لسا ما شفت شي من الحياة.. ما بدي موت
ضما خالد بشكل عفوي ...
خالد: لا تخافي.. انا حدك ما حتركك ابدا
اخدو الفحوصات وراحو لعند الدكتور...
الدكتور: بصراحة ما بدي خبي عليكن شي
شام: رح موت.. مووووو
الدكتور: الموت بئيد ربنا.. يمكن هلا وانا عم احكي موت.. فلا عاد تحكي بالموت... ما رح قلك وضعك سهل.. بس وضعك احسن من كتير قبلك.. لانو اكتشفتو المرض ببدايتو.. هلا يلي عندك انت ورم ع الدماغ.. هالورم الو حل انو نعملو عملية ونشيلو..
خالد: يعني في امل دكتور
الدكتور: في امل.. بس بصراحة الامل ضعيف.. وكمان شي لازم تعرفو.. يمكن نقدر نشيل الورم بس يمكن تفقد بصرا.. لانو الورم حد عصب النظر
شام: ( مسكت راسا بين اديها.. وسندتن ع ركبا.. وبكيت)
مسكا خالد من ايدا ورفع راسا..
خالد: لا تخافي.. وازا ما بدك تعملي العملية بلاها
الدكتور: خالد.. كل ما عجلتو بالعملية بكون احسن.. لانو هالمرض خبيث.. ما بتعرف ايمت بيكبر
شام: رح اعملا دكتور.. حددلي اقرب وقت لاعملا
الدكتور: ربنا يكتبلك الشفا
(الجزء السابع)والاخير
اجا اليوم يلي الكل عم يستنا ع نار..شام راحت ع مدرستا وودعت الانسات كلن.. كان الموقف كتير صعب.. الكل كان عم يبكي.. الموت والفراق كتير صعب حتى لو كان الشخص ما بيعنيلك شي ما فيك ما تتاثر فيه..
اخدا خالد وراحو سوا ع المشفى.. الكل كان ناطرهن بالمشفى.. اما لشام وابوها كانو عم يحاولو يتمالكو اعصابن لحتى تضل شام قوية وما تضعف..
اهلو لخالد كلن كانو معن بالمشفى.. الكل قاعد ع اعصابو وعم يدعي..
شام: خالد ........ قبل لروح.. بدي تعرف اني حبيتك وكتير كمان.. يمكن الفترة يلي عرفتك فيها كتير قصيرة بس جد حبيتك.. كنت شوف كل شي حلو بعيونك وانت عم تطلع في ..بتشكرك من كل قلبي وبتمنالك حياة حلوة متل قلبك
خالد: (دمعو عيونو ومسك ايدا) شام الروح والقلب.. حبيبتي هالحياة الحلوة بدي عيشا معك.. رح نعيش سوا ونكبر سوا ..بدنا نجيب ولاد كتير وبنات ونربيهن ونفرح فيهن.. شوفي.. كل هالناس ناطرينك لحتى تطلعيلن ..كوني قوية كرمالن وكرمالي..صدقيني ما فيني بلاكي.. انت سكنتي جوات روحي..
باسا من جبينا وودعا ..ودخلت العملية..
بعد شي 3 ساعات*بالمشفى*
دخلت هبة ومعا اسيل وعلي
هبة: تاخرت عليكن.. خبروني شو صار
المى: لساتا بالعملية
الكل كان ع اعصابو اما لشام انهارت..
ام شام: ما عاد فيني اصبر.. قلبي ما عم يتحمل.. يا ربي دخيلك يااااااا ربي شفيلي بنتي.. ما الي غيرا ياااا رب.. عطيتني اياها لا تحرمني منا يااااا رب
قرب منا ابو شام وهو عم يبكي: رح تعيش .رح تعيش.. شام قوية.. بعمرا ما استسلمت ولا خسرت وهالمرة كمان ما رح تخسر
ام خالد اخدتا لبنتا هبة ع جنب..
ام خالد: مين هاد يلي جايبتي معك هون
هبة: امي مو وقتو
ام خالد: تعي لهووون.. مين هاد عم قلك
هبة: رفيقي امي رفيقي
ام خالد: رفيقك لكن.. اي ماشي
استمرت العملية ساعات طويلة ..والكل عم ينطر.. شي يروح وشي يجي وابو شام واما وخالد ما اتحركو ابدا..
خالد كان عم يهدي بحالو.. ما بدو يخسرا.. ما بدو يخسر الانسانة يلي حبا من اول نظرة.. ما بدو يفقدا..
هي شام الروح وشام الهوى.. سكنت القلب ومن غيرها.. براءة وايات جمال في محياها سبحان خالقها..
ارفع كفي لربي وادعي لها.. اشفي شقيقة الروح يا خالقها.. اسكنتها قلبي فلا تحرمني وجودها..
المى عم تبكي ع انستا يلي حبتا..
ام خالد ما بدا ينكسر قلب ابنا من اول تجربة الو.. ابو خالد ما فارق ابو شام يلي قلبو ما عاد اتحمل.. قعد حدو وعم يهدي..
طلع الدكتور من غرفة العمليات.. ركضو كلن لعندو..
خالد: طمنا دكتور..
اطلع الدكتور فيهن وهو كتيييير هلكان: ع الاغلب العملية نجحت
ام شام سجدت ع الارض: الحمد الك يا ربي رجعتلي بنتي.. الحمد الك يااا رب
الكل بكي من الفرحة.. وخالد ضمو للدكتور واتشكرو وهو عم يبكي.. الدكتور من لما شافن هيك ما قدر انو ما يبكي.. بكي من فرحتو بانو قدر يساعدن ويرجع روح ع الدنيي بقدرة ربنا..
الدكتور: هلا ما بدي افسد فرحتكن.. بس لازم تعرفو.. ما رح نطمن ع عيونا غير بس تصحا.. وبدا وقت هلا بالعناية المكثفة..
بقيت شام بالساعات لفاقت...
الدكتور: تفضلو فيكن تشوفوها
دخلو لعندا.. كان وشا اصفر كتير وعلامات الجروح باينة عليها.. عيونا كانو كلن دموع ..عم تطلع فيهن بنظرة حزن معا فرح معا امل معا شكر..
*بعد شهرين*
صالة كبيرة كتير مزينة باحلا زينة ورد ابيض بكل الصالة ناس كتير ..كلن فرحانين وناطرين العرسان ليدخلو...
بعدا بشوي.. دخلو خالد ماسك ايدا لشام ..وعلي ماسك ايدا لهبة..
(بدنا نقاوم لحتى نعيش.. ازا استسلمنا لاي عثرة بنهلك.. شو ما كانت المشكلة الصبر والايمان والاخذ بالاسباب بيحلوها)
انتهت يا حلوين..
(الجزء الاول)
بيتي الصغير بابا وماما الحنونين واخواتي الغاليين واختي الطيوبة هاي هي عيلتي.. عيلة بسيطة هادية بابا بشغلو وماما بالبيت معي انا واخواتي ..حنيتها وطيبتها منورة علينا حياتنا..
انا المى .. رح احكيلكن عن عيلتي.. عيلتي هاي هي كل حياتي وانا شعنونتن .. ما بركز بمكان ع طول من مطرح لمطرح . .اخوتي الكبار كلن متخرجين واختي بالجامعة وانا بالمدرسة ..
المى: امي هاي اجى خالد
خالد: مسا الخير
المى.ام خالد: اهلا وسهلا
امي: يعطيك العافية يا روح امك..كيف مدرستك اليوم
خالد: كيف بدا تكون امي..متل كل يوم..تعب ومناقرات طلاب
امي: ربي يعطيك ليرضيك يا ابني.. اااخ ايمت بس رح افرح فيك يا امي
خالد: لمن يجي النصيب امي..لمن يجي النصيب
امي: ربنا كريم يا امي
فورا انا تزكرت الانسة الجديدة عنا بالمدرسة
المى: ماما حبيبتي والله اجت اليوم انسة جديدة ع المدرسة ولساتا عزابية وبتجنن يا امي خلينا نشوفا لخالد
امي: عم تحك جد..اي ليه لأ بكرة بجي عندك ع المدرسة زيارة وبطريقي بشوفا
المى: كتير حلوو ماما
امي: وشو اسما؟
المى: شام اسما .دخيل ألبا يا ماما ما احلاها انسانة بكل معنى الكلمة
امي: يا رب
خالد: امي ما خلصتو و توتة..مييت جوع
امي: بس لييجو عمر وصالح..هاي عملتلك كاسة شاي اشربا لحتى ييجو يا امي
خالد: يسلمن
امي: صحة وهنا يا ابني
عمر. صالح: مسا الخيرات
امي: اهلين امي..الله يرضى عليكن
صالح: كيفا ست الكل
امي: داعيتلك بالخير والبركة الك ولاخواتك
عمر: الله لك شو هالروائح هاي ..شو عاملتلنا حبيبة القلب
امي: كبة وتبولة
عمر: الله عليكي يا امي
امي: ياللا غيرو تيابكن لحتى نتغدا ..المى فيقي بيك وتعي ع المطبخ
المى: من عيوني مدام ام خالد
امي: هههههه يسلمولي عيوني المها انا.. اي تحركي تحركي.. بلالك هالحركات هاي
جهزنا الغدا وتغدينا كالعادة متل كل يوم .بابا بيرجع من شغلو وبنام لحتى ييجو اخواتي وبعدا بنلتم كل العيلة ما عدا اختي هبة يلي بجامعتا وبنتغدا سوا
*في الجامعة*
هبة: ااخ والله تعبت يا اسيل
اسيل: لك مين ما تعب.. اي والله هلكنا
هبة: جاي عبالي ابكي والله تعبانة كتير
اسيل: مو لهالدرجة حبي لك ما تقلبيها نكد خلص تعي نشرب شي نروق
هبة: اي يالله
(اسيل هي رفيقتا الوحيدة لاختي هبة يلي صعب كتير تنسجم مع الناس بس اسيل بنت كتير مميزة ومن اول سنة بالجامعة تعرفو ع بعض وصارو رفقة )
علي: مسا الخير
هبة: لا حول ولا قوة الا بالله.. ما كان ناقصني غيرو
اسيل: اي اهلين
علي: شو هبة السلام لالله مو لعبدو
هبة: مو لحتى يكون عبدو عم يفهم ويستوعب
علي: اي عبدو ما بقدر يشوف هالجمال ويفهم .ما بعود في لا فهم ولا استيعاب
اسيل: علي خلص ما بدك تفهم انت يعني لحتى تعمل مشكلة كبيرة.. لك البنت كانت واضحة معك من البداية وفهمتك مالا بشغل البنات والرفقات.. روح من هون بلاها المشاكل
علي: اي شو عليه رح روح بس راجع اكيد
هبة: لك درب يسد وما يرد.. لك شو هاد دبقة دخيلو ما اغلزو
اسيل: اي انت التانية خفي عليه شوي
هبة: اسيل مو رايقتلك
اسيل: اي متل ما بدك.. بس الشب بيحبك وبدو اياكي
هبة: صار لازم نقوم.. بدي لحق المواصلات
اسيل: عم تتهربي.. اي ياللا لشوف اخرتا معكن تنيناتكن
*بالبيت*
هبة: مسا الخير
بابا: مسا الورد بنتي الحلوة تعي تعي لعندي
هبة: لك يخليلي ياك شو بحبك مووووا
امي: يا عيني يا عيني البوسات بس للبابا
هبة: اي شو بس للبابا لك كل البوسات الك يا احن ماما بالدنيي
المى: اي وانا شو الي
هبة: شو بدو يكون يعني.. امسكي افتحي الشنتة وشوفي
المى: شكلاتة اكيييد.. لك يسعدك هبوووش حياتي
هبة: اي بس بشرط
ألمى: شرطي حبيبتي
هبة: ما تنامي حدي اللية
ماما.. بابا: ههههههههه
ألمى: اي ضحكو ضحكو .خلص موافقة وامري لالله
هاي هي حياتنا بالمختصر حياة هادية ورايقة
خلص يومنا بامي يلي عم تتخيل عروسة اخي كيف رح يكون شكلا ..وهبة يلي الدراسة هلكتا وعلي يلي ما بتركا ابدا وبضل يلاحقا من مكان لمكان ..وبخالد يلي عم يدور ع شريكة حياتو
وبلش نهار جديد.. صحينا كلنا سوا افطرنا وكل واحد فينا توجه ع شغلو بابا ع مكتبو بالشركة يلي عم يشتغل فيها وخالد وعمر وصالح ع شغلن وانا ع مدرستي وهبة ع جامعتا
امي: الله معكن. ربي يحميكن ويبعد عنكن كل شر
المى تعي.. شو حكيتيلي اسمى انستك؟
المى: شام امي شام
امي: انسة شو هي؟
المى: عربي امي
امي: ماشي يا روحي رح خلص شغلي واجي لعندك
المى: رح تعجبك ماما ما تخافي..بحبك انا.. سلامات
امي: مع السلامة يا روحي
(الجزء الثاني)
خلصت ماما شغلا واجت زارتني بالمدرسة وتعرفت ع الانسة شام وعجبتا كتيييير ..انسة كتيير حلوة ونعومة وهادية
ام خالد: والله يا انسة شام انا كتير حبيتك
شام: تسلميلي خالتو.. وانا بالاكتر والله
ام خالد: يسعد البك يا روحي.. بس انو انت ليه لسا ما ارتبطي.. اسم الله عليكي مو ناقصك شي
تنهدت الانسة شام واطلعت بماما وابتسمت ابتسامة ناعمة ..عن ازنك خالتو صار لازم روح تشرفت بمعرفتك كتير
ام خالد: ازنك معك يا بنتي
رجعت امي ع البيت ..وبعد ما خلص دوامي رجعت
المى: مسا الخير امي
ام خالد: هلا عيوني
المى: اي امي كيف شفتيا للانسة.. بتطير العقل موو
امي: اي والله بتجنن.. بس في شي شغل بالي
المى: خير امي
امي: وقت سالتا ليش ما تجوزت لهلا تغير لونا وما جاوبت
المى: لك يا امي اكيد خجلت
امي:اي ان شاء الله يا امي
*في الجامعة*
هبة: واخيرا خلصت ..لك هلكني هالكتاب هاد ..الحمد لله
اسيل: اي والله الحمد لله كتييييير ارتحت
مرق علي عنن وهني واقفين وما حاكاهن
هبة: اي العما تضرب بهالشكل ..لك عشو شايف حالك
اسيل: هههههههه لك شبيييك
هبة: لك شوفي كيف مرق وهو نافش حالو متل الديك
اسيل: اي هبة والله حيرتينا لا بدك يحاكيكي ولا بدك ما يحاكيكي لك قرري
هبة: اي تضربي منك الو بعدي هيك بدي روح اكل شي ميييتة جوع
ومشت هبة وهي معصبة ...
اسيل: لك هدي هدي شوي.. ما حكيت شي لتعصبي ولوووو
راحو تنيتاتن ع الكافاتيريا وطلبو تنين شاورما واكلوهم وهني طالعين وقفو ليحاسبو
الجرسون: اي صبايا حسابكن مدفوع
هبة واسيل تطلعو ببعض وكان نفسن من الفرحة يحضنو بعض بنص الكافتيريا وينطو ..بس تمالكو اعصابن شوي
اسيل: مين دفعو للحساب
الجرسون: علي.. زميلكن
هبة قلبا صار يرقص من الفرحة : اي لااا روح رجعلو اياهن.. انا رح ادفع
اسيل مسكت ايدا لهبة واخدتا ع جنب: لك ولي جدبة شو عم تحكي ..لك والله من زمان نفسي اكل شاورما ببلاش
هبة: ههههه انا بدفع عنك لا تخافي
اسيل: هبة لا تجدبيها ..لك والله الفرحة بانتك بعيونك خلص مشي ولووو مشي
هبة :لك انت ما رح تبطلي حكيك هاد
اسيل: لا ما رح بطلوو وقلك شي.. اي والله والله هالعلي بيجنننن... شو بدك احسن منو لك حليوة واكابر وبحبك خلصنا بقى هبة
هبة: تضربي منك الو
*في البيت*
خالد: مسا الخير
امي: اهلين يامو تعا تعا عايزتك بموضوع
خالد: اي امي تفضلي
امي: شفتلك اليوم عروس بتطير ضبنات العقل بتقول للقمر قوم لاقعد مطرحك
خالد: ههههههههه.. اي وكيف شفتيها لهاي
امي: هاي انسة لاختك المى بالمدرسة.. رح جيب عنوانا وحاكي بيك ونروح لنطلبا رسمي
خالد: ما زالا عاجبتك امي توكلي ع الله
امي: ربي يرضى عليك يا ابني
تاني نهار امي اتصلت بمديرة المدرسة واخدت عنوانا للانسة..
امي: مرحبا.. كيفك
ام شام: اهلين يا هلا
امي: حضرتك اما للانسة شام
ام شام: اي انا.. تفضلي
امي: حابة اجي لعندكن زيارة واشرب معك فنجان قهوة ازا ما في مانع
ام شام: اهلا وسهلا اختي.. بس ازا الموضوع بخصا لشام فبدي اعتزر منك
امي: بس لاجي وبنحكي
ام شام: اهلا وسهلا فيكي.. بتشرفينا
بالمسا جهزو حالون وراحو لعندن امي وابي واخي خالد..
*ببيت الانسة شام*
امي: بصراحة اختي انا شفتا لبنتك ربي يحميها.. وحبيتا من كل قلبي.. وحابة انو تكون كنة لالي..
ام شام: يا ريت يا ام خالد.. والله باينتكن ناس اكابر ..بس للاسف بنتي ما بدا تتزوج..
امي: شو هالحكي.. وليه ما بدا
غصت اما لشام وتجمعو الدموع بعيونا..
ام شام: والله ماني عرفانة شو بدي احكيلك
امي: احكي اختي.. فينك تامنيلي بايا شي
ام شام: لا يروح فكرك لبعيد.. بنتي مريضة
امي: سلامة قلبا.. شو مرضا.. يعني المرض مانو عيب وبيتعالج
ام شام: (بتبكي) يا ريت يا ام خالد.. بنتي معا سرطان.. وما بعرف ايمت رح ودعا
حطت امي ايدا ع تما وشهقت..
امي: لا حول ولا قوة الا بالله.. والله ما بتستاهل
ام شام: قبل هاليوم بس باسبوع بنتي كانت عم تدلل ع هاد وهداك.. وعم ترفض العرسان.. شي طويل وشي قصير وشي بلا دقن وشي دقنو طويلة وشي عيونو ما حبيتن.. وهلأ شوفي حالا..
امي: بس بصراحة مو باين عليها المرض.. بنتك متل الوردة
ام شام: قبل فترة كانت تدوخ كتير ويغط ع قلبا.. راحت ع دكتور وعملت تحاليل وطلع معن هالمرض هاد.. بس لساتو بالو
امي: ربي يشفيلك ياها
ام شام: امين
(الجزء الثالث)
رجعو اهلي ع البيت وهني كتير مدايقين..
امي: لك يا ابني عم قلك مريضة.. عندا سرطان.. يعني بين اللحظة والتانية بتكون ميتة
خالد: امي هالبنت دخلت لقلبي.. وما بدي اخسرا.. ازا ربنا كاتبلا تعيش رح كون اسعد انسان بالكون.. وازا كاتبلا الموت بكون فرحتا بهالاكم يوم وكسبت الاجر
امي: والله يا امي ما بعرف شو بدي احكيلك.. والله حبيتا كتير.. بس هالمرض متعب كتير.. متعب الك والها.. يعني ما رح نطلع من المشافي
خالد: معلي امي.. انا مستحيل اتركا.. رح اعمل المستحيل ليوافقو اهلا
امي: ربي يكتبلك الخير يا امي
المى: خير امي شو صاير..مين يلي مريضة
امي: انستك.. انت ما كنت عرفانة بمرضا؟
المى: لا والله يا امي.. كيف بدي اعرف
امي: لا حول ولا قوة الا بالله
تاني نهار.. دقت امي لاما لشام
امي: صباح الخير.. كيفك وكيفا شام
ام شام: الحمد لله ام خالد ربي يسعدك
امي: ويسعدك حبيبتي... بصراحة نحنا عجبتنا بنتك كتير وبدنا اياها ..ايمت فينا نجي لعندكن مرة تانية
ام شام: كيف يعني ..ما فهمت
امي: ابني عجبتو بنتك وبدو اياها
ام شام: بس يا ام خالد انا حكيتلك بنتي مريضة
امي: انا حكيتلو لخالد وهو ما عندو مشكلة وموافق
بكيت ام شام: ربي يجبر بخاطركن ويوفقو لابنك.. بس لترجع شام من دواما.. ويرجع بيا بنردلكن خبر
*في الجامعة*
علي: صباح الخير اسيل ..كيفك
اسيل: صباح الورد علي اهلا
علي: بدي اشرب قهوة ..احسب حسابك
اسيل: والله بما انو ما رح ادفع فليش لا ههههه
راح علي ليجيب القهوة..
هبة واقفة ومصدووومة..
هبة: لك شو قلة هالزوء هاي.. مانو شايفنة قد الدبة قدامو
اسيل: ههههههههه خرجك.. انت كل ما يصبح عليك بتقلبي الجامعة عليه ..وما بتخلي مسبية الا تحكيها
هبة: لك اي بس انو يعني
اسيل: لك حاج تكابري اعترفي انك بتحبي
هبة: انا حبووووو.. لك انت جدبة شي
اسيل: هههههه
اجا علي ومعو قهوة ..
علي: تفضلي اسولة
اسيل: يسلمووو عيوني
هبة: يخرب بيتكن.. شو قلة هالزوء هاي
علي ما عبرا بنووب..
اسيل: شبك حبي.. بدك قهوة
عصبت هبة كتير وتركتن وراحت....
اسيل..علي: ههههههه
اسيل: تقلناها عليها ..مووو
علي: خرجا.. لك جننتني.. حاجتها مكابرة ولوووو
(الجزء الرابع)
*ببيت شام*
شام: مرحبا ماما كيفك
ام شام: هلا بعيونها لماما.. تعي لضمك
شام: هههههه صاير شي
ام شام: هلأ هيك!!
شام: عم امزح يا روحها لشام... وهاي احلا ضمة وعبوطة كمان.. بس انو والله باينتك فرحانة اليوم
ام شام: اي والله فرحانة كتير
شام: دووم امي.. بس ليه شو صاير بغيابي
ام شام: الجماعة يلي اجو مبيرحا المسا
شام: اهلا لالمى..ايي.. شبهن
ام شام: امو للشب دقتلي الصبح وبدن ياكي وبدا موعد ليجو ونتفق
عبست شام ...
شام: مستحيل امي مستحيل.. ما بوافق ابدا
ام شام: لك ليه يا امي ليه
شام: لانو ما بدي شفقة من حد.. مستحيل وافق
ودمعو عيونا وتركت اما يلي اختفت فرحتا وراحت ع غرفتا.. رمت شننتا وكتبا ع الارض ورمت حالا ع تختا وبكيت ..
شام: لك انا شام يلي الكل كان بدو رضاي يصير فيني هيك..
دقت اما الباب وفاتت..
ام شام: شام يا روحي لا تعملي بحالك هيك
شام ضمت اما وهي عم تبكي من كل قلبا..
شام: موجوعة يا امي موجوعة
ام شام: سلامة قلبك يا روحي.. رح تشفي والله قلبي حاسسني بانك رح تشفي
شام: ما حد شفي منو لهالمرض يا امي.. انا خلص انتهيت يا امي انتهيت
ام شام: (تبكي) لا تحرقيلي قلبي يا امي بترجاكي.. انت سمعتي الدكتور شو قال.. هالمرض بدو ايمان بانك رح تشفي.. رفعي اديكي للسما وقولي يا رب
شام: (وهي منهارة) يااااا رب.. ياااا رب
ام شام: الله يرضى عليك يا امي
انفتح باب بيتن ودخل بيها...
ابو شام: وينكن...
ام شام: ليكي بيك اجا.. بلا ما يشوفك هيك يا عمري هو من غير شي قلبو مو متحمل
ابو شام: انتو هون!! شبها شام شو صاير
ام شام: ولا شي ..بنوتك عم تدلل
ابو شام: بيلبقلا حبيبة بابا
ام شام: اي وفي كمان خبر
ابو شام: اي
ام شام: خالد بدو بنتك ..وامو الصبح حاكتني
ابو شام: اي ومين بشوفا لحبيبة بابا وما بدو اياها.. غيري تيابك بابا وتعي ..ام شام تركيها وتعي معي
ام شام: جايي.. يالا يا روح ماما.. غيري تيابك وبلاهن هالدموع.. ما تخافي وخلي املك بربك كبير
شام: (عم تمسح دموعا وتاخد نفس) والنعم بالله
طلعت اما لبرا...
ابو شام: تعي لشوف.. جد يلي حكيتي.. والشب بيعرف بمرض بنتك
ام شام: اي والله جد ..والشب بيعرف متل ما قالت امو.. بس المشكلة ببنتك قال ما بدا شفقة ومنية من حد
ابو شام: مو بكيفا.. بكفي.. ع طول عم نمشي ع كيفا.. بس هالمرة رح تمشي بكفينا.. خليها تعشلا يومين حلوين (ودمعو عيونو)
ام شام: وكل ربك يا رجال
طلعت شام من غرفتا...
ابو شام: اي يا عروس.. رح حاكي الجماعة وقلن يجو المسا
شام: لااا بابا بترجاك.. انا حاكيتا لامي.. ما بدي اياه
ابو شام: وليه ما بدك.. الشب ما في ولا عيبة.. واهلو محترمين وشاريكي.. شو بعد بدك اكتر
شام: (تبكي) بابا انا طول عمري بحلم برجال حبو ويحبني.. رجال شوف محبتي بعيونو.. ما رح اتحمل شوف نظرات الشفقة بعيونو.. بترجاك
ابو شام: ايا شفقة هاي.. الشب شاريكي يا بنتي.. بكفي تضيعي فرص ع حالك.. والله هالشب بينحب واهلو متل السكرة.. الله يهديكي يا بنتي لا اتعبيلي قلبي
شام: سلامة قلبك بابا
وقربت منو وضمتو وهي عم تبكي... دمعو عيونو لبيا ودعا ربو بينو وبين حالو: ربي اشفيها يا الله..
ابو شام: رح استنا لبكرة ودق للجماعة وقلن يجو بكرة بتكوني انت ريحتي نفسيتك شوي
شام: حاضر بابا
(الجزء الخامس)
اجا تاني نهار ..
*ببيت ابو خالد*
دق تلفون البيت...
ام خالد: الوو
ام شام: كيفك ام خالد
ام خالد: الحمد لله بخير انت كيفك
ام شام: الحمد لله تمام.. كنت بدي قلك اهلا وسهلا فيكن بايا وقت بشرفونا
ام خالد: ربي يسعدك ويزيدك شرف
ام شام: ام خالد.. نحنا لساتنا ما صار بينا شي.. وباول الطريق.. انت متاكدة انكن مستعدين لهيك تجربة.. انت بتعرفي هالمرض مانو هين وعلاجو صعب كتير
ام خالد: توكلي ع الله
ام شام: وشي تاني كمان.. بنتي كتير حساسة وهالمرض زاد من حساسيتا تجاه الناس.. هي خايفة ليكون خالد بدو اياها شفقة عليها
ام خالد: لا والله يا ام شام خالد قلي هالبنت دخلت لقلبي وازا ربي جمعنا سوا بكون اسعد انسان
ام شام: ربي يجبر بخاطركن ويفتحا بوشو لخالد
اجا المسا وراحو اهلي لعندن واتفقو يتممو كلشي باول الاسبوع الجايي.. انا طبعا كنت معن هالمرة..
المى: انسة شام انا كتير فرحانة.. بحبك والله
شام: تؤبري البي شو بحبك.. بس مو تعمليلي فيها بنت احما ها
المى: ههههههه لا شو بنت احما ما بنت احما
شام: ههههههههه عم امزح معك حبيبتي
هبة: انا بعمل بنت احمى لا تخافوو ههههه
شام...المى: ههههههههه
بعد بشوي شام طلبت انو تقعد مع خالد ع جنب...
خالد: الف مبروك.. بتمنى انو اقدر اسعدك
شام: خالد..... انت بتعرف بمرضي؟
خالد: اي بعرف.. وما عندي مشكلة
شام: بس هالمرض مو هين.. وانا هلا لساتني ببدايتو وكمان شوي يمكن احتاج لجلسات كيماوي.. او عملية ليستاصلو الورم.. وهالشي يمكن خلال هالاسبوع هاد
خالد: انا معك بكلشي.. انت فكري بس كيف حنكون سوا ونعيش حياة حلوة
دمعو عيونا لشام... وبكيت
خالد: ليه عم تبكي
شام: انت بتضحي كرمالي خالد
خالد: ايا تضحية هاي.. انا بصراحة حبيتك اول ما شفتك.. في بعيونك براءة وجمال بيسحرو
شام: هالبراءة يمكن مرضي يلي حطا بعيوني.. انا قبل هيك كنت كتير شايفة حالي.. طلبوني كتير وما كنت وافق ابدا..
خالد: اي لكن انا بدي اتشكرو لهالمرض.. يلي خلاكي ترفضي يلي قبلي وتستني لاجي انا هههههه
شام: ههههههه
خالد: طول ما انا جنبك لا تخافي شي.. انا حبيتك ورح ساعدك لتصحي وبدي عيش عمري كلو معك واكبر معك.. انت ما بيلبقلك غير تسكني جوات الروح لتطيبي الجروح يلي فيها.. انت شام الروح والقلب
شام: والله خجلتني.. كل هالحكي الي انا
خالد: ما عطيتك حقك بالوصف والله..بس هلا انت لازم تكوني اقوى من هيك وما تستسلمي.. من بكرة رح اخدك لعند دكتور تاني وانجدد الفحوصات ونبلش علاج
شام: (تبكي) بتشكرك كتير
خالد: لشو عم تتشكري.. هاد واجب.. انا هلأ شريك حياتك .. وغمزا بطرف عينو
خجلت شام واتطلعت فيه نظرة اعجاب..
شام: انا عم اتشكرك لانو ما عم تطلع فيني نظرة شفقة..لانو هالنظرة بتقتلني
خالد: ما رح تشوفي مني غير نظرات الاعجاب والحب والعشق والهيام ..بس اوعديني تكوني قوية..
ومسكلا ايدا لتحس بالامان..
شام: بوعدك
تاني نهار.. * بالجامعة*
اسيل: صباحوووو
هبة: صباح الورد.. شبك طايرة من الفرح
اسيل: لك شوفي شوفي
وحطت ايدا مقابيلا لهبة.. وكان فيها دبلة..
هبة: واااااااو.. ولي خطبتي!!!
اسيل: اي اي
ضمتا هبة وبوستا.. بعدتا اسيل..
اسيل: لك بعدي شوي قبل لتبوسيني .. ما بدك تعرفي العريس
هبة: مين
اسيل: علي
اختفت البسمة عن وشا لهبة وفتلت الارض فيها ووقعت من طولا بنص الجامعة..
شافا علي من بعيد اجا ركض..
علي: لك شبها شبها
اسيل: يعني انو ما بتعرف(بتبكي) ..والله كنت عرفانة هيك رح يصير
علي: سكتي بلا علاك وساعديني شوي
حملا علي واخدا ع عيادة الجامعة...
(الجزء السادس)
فاقت هبة وفتحت عيونا.. كانو تنيناتن معا..
هبة: طلعو لبرة ..طلعووو
صرخت فيهن ونزلو دموعا..
اسيل: لك اهدي شوي حبي اهدي
هبة: روحي من وشي بسرعة ما بدي شوفك ابدا
ضحك علي وغمزا لاسيل وطلع..
اسيل: هبة انا اسفة بس ما كنت بعرف انو بتحبي والله
هبة: لك انا بدي حبو لهاد ..لك هاد واحد غبي ما بينحب.. اصلا انتو كتير لابقين لبعض روحي من وشي.. روحي لعندو روحي
اسيل: وازا ما بتحبي لشو وقعتي من طولك
هبة: هاا.. اسيل روحي من وشي لك روحي..روحي
اسيل: لك ولي جدبة.. انا ما خطبت وهاد خاتما لامي.. لعبنا هاللعبة عليكي لنشوف ردة فعلك بس مو اكتر..
هبة: (تبكي) اسيل طلعي من هون
اسيل: اي رح اطلع.. سلام
طلعت اسيل وكان علي ع الباب عم يتسمع عليهن.. دخل علي لعندا..
علي: مرحباا يا حلوو.. بتعرفي يعني انا بعرف حالي قديه حلو وبنحب كتير.. بس والله ما كنت بعرف انو لهالدرجة هاي ممكن انحب
حملت هبة كاس المي يلي حدا وضربتها عليه
هبة: روح من هون ولا اجدب روووح
علي: هههههههه لك رح تموتيني ولي مجنونة
هبة: رح موتك لارتاح منك
قرب علي منا وهو عم يضحك.. صارت تضرب فيه باديها التنتين وتبعدو عنا...قعد حدا ع السرير وهو مو قدران يوقف يضحك... ومسكلا اديها التنتين...
علي: خلص خلص بكفي بكفي هههههههه
هبة: ...........
علي: لك والله بحبك وبموت فيكي.. انت احلا شي بحياتي
هبة: (لساتا عم تبكي) سكووت ولااا
علي: بكفي بكي ولووووووو.. هلأ جد بزعل وبروح بخطبا لاسيل وبتجوزا كمان
ضربتو هبة ع كتفو: غليز
علي: ههههههههههههه
وطلعو سوا هني واسيل يلي لسا رعبتا ما راحت.. وطعماهن شاورما ع حسابو وروحو هههههههه
*ببيت خالد*
ام خالد: امي ليه ما رحت لدوامك
خالد: امي رح اخد شام لغير دكتور واعملا فحوصات كاملة.. ليطمن قلبي وبلشلا بالعلاج
ام خالد: ربي يكون معكن يا ابني ويشفيها يا رب
خالد: امين
لبس تيابو خالد وراح لعند شام واخدا وراحو لعند دكتور رفيقو لخالد...
الدكتور: اهلا خالد.. مبارك خطبتكن
خالد: الله يبارك فيك
الدكتور: هلأ اول شي انسة شام بدك تفهمي شي مهم كتير.. هالمرض اكبر علاج لالو الايمان بانك رح تشفي.. ما لازم تستسلميلو ابدا..
شام: ان شاء الله دكتور
الدكتور: هلأ خالد حكالي ع كلشي وعطاني الفحوصات.. انا كتبتلكن ع فحوصات تانية وصور اشعة ورنيم مغناطيسي.. بدكن تبلشو فيها هلأ.. والوقت يلي بيجهزو الفحوصات فيه بتجو لعندي فورا..
طلعو شام وخالد ع المشفى وعملو كل الفحوصات وعطوهن موعد لتاني نهار..
ومن بعدا راحو سوا ع كوفي شوب..وقعدو سوا..
خالد: شبك.. ليه هيك دبلتي.. صحصحي ما بدي اياكي هيك.. نحنا لسا باولتا
شام: خالد بتشكرك كتير
خالد: لا عاد تتشكري.. جد بزعل منك
شام: صدقني انت نعمة من ربنا.. انا كنت منهارة.. بس دخولك لحياتي قواني وعطاني امل بالحياة
خالد: هاد الحكي يلي بحب اسمعو من شامة روحي وعمري
اجا تاني نهار.. ومن بعد ما خلصو دوامن بالمدرسة راحو ليجيبو الفحوصات..
خالد: لك شبك هيك متلبكة
شام: (دمعو عيونا) خالد انا كتير خايفة.. ما بدي موت بدي عيش.. لسا ما شفت شي من الحياة.. ما بدي موت
ضما خالد بشكل عفوي ...
خالد: لا تخافي.. انا حدك ما حتركك ابدا
اخدو الفحوصات وراحو لعند الدكتور...
الدكتور: بصراحة ما بدي خبي عليكن شي
شام: رح موت.. مووووو
الدكتور: الموت بئيد ربنا.. يمكن هلا وانا عم احكي موت.. فلا عاد تحكي بالموت... ما رح قلك وضعك سهل.. بس وضعك احسن من كتير قبلك.. لانو اكتشفتو المرض ببدايتو.. هلا يلي عندك انت ورم ع الدماغ.. هالورم الو حل انو نعملو عملية ونشيلو..
خالد: يعني في امل دكتور
الدكتور: في امل.. بس بصراحة الامل ضعيف.. وكمان شي لازم تعرفو.. يمكن نقدر نشيل الورم بس يمكن تفقد بصرا.. لانو الورم حد عصب النظر
شام: ( مسكت راسا بين اديها.. وسندتن ع ركبا.. وبكيت)
مسكا خالد من ايدا ورفع راسا..
خالد: لا تخافي.. وازا ما بدك تعملي العملية بلاها
الدكتور: خالد.. كل ما عجلتو بالعملية بكون احسن.. لانو هالمرض خبيث.. ما بتعرف ايمت بيكبر
شام: رح اعملا دكتور.. حددلي اقرب وقت لاعملا
الدكتور: ربنا يكتبلك الشفا
(الجزء السابع)والاخير
اجا اليوم يلي الكل عم يستنا ع نار..شام راحت ع مدرستا وودعت الانسات كلن.. كان الموقف كتير صعب.. الكل كان عم يبكي.. الموت والفراق كتير صعب حتى لو كان الشخص ما بيعنيلك شي ما فيك ما تتاثر فيه..
اخدا خالد وراحو سوا ع المشفى.. الكل كان ناطرهن بالمشفى.. اما لشام وابوها كانو عم يحاولو يتمالكو اعصابن لحتى تضل شام قوية وما تضعف..
اهلو لخالد كلن كانو معن بالمشفى.. الكل قاعد ع اعصابو وعم يدعي..
شام: خالد ........ قبل لروح.. بدي تعرف اني حبيتك وكتير كمان.. يمكن الفترة يلي عرفتك فيها كتير قصيرة بس جد حبيتك.. كنت شوف كل شي حلو بعيونك وانت عم تطلع في ..بتشكرك من كل قلبي وبتمنالك حياة حلوة متل قلبك
خالد: (دمعو عيونو ومسك ايدا) شام الروح والقلب.. حبيبتي هالحياة الحلوة بدي عيشا معك.. رح نعيش سوا ونكبر سوا ..بدنا نجيب ولاد كتير وبنات ونربيهن ونفرح فيهن.. شوفي.. كل هالناس ناطرينك لحتى تطلعيلن ..كوني قوية كرمالن وكرمالي..صدقيني ما فيني بلاكي.. انت سكنتي جوات روحي..
باسا من جبينا وودعا ..ودخلت العملية..
بعد شي 3 ساعات*بالمشفى*
دخلت هبة ومعا اسيل وعلي
هبة: تاخرت عليكن.. خبروني شو صار
المى: لساتا بالعملية
الكل كان ع اعصابو اما لشام انهارت..
ام شام: ما عاد فيني اصبر.. قلبي ما عم يتحمل.. يا ربي دخيلك يااااااا ربي شفيلي بنتي.. ما الي غيرا ياااا رب.. عطيتني اياها لا تحرمني منا يااااا رب
قرب منا ابو شام وهو عم يبكي: رح تعيش .رح تعيش.. شام قوية.. بعمرا ما استسلمت ولا خسرت وهالمرة كمان ما رح تخسر
ام خالد اخدتا لبنتا هبة ع جنب..
ام خالد: مين هاد يلي جايبتي معك هون
هبة: امي مو وقتو
ام خالد: تعي لهووون.. مين هاد عم قلك
هبة: رفيقي امي رفيقي
ام خالد: رفيقك لكن.. اي ماشي
استمرت العملية ساعات طويلة ..والكل عم ينطر.. شي يروح وشي يجي وابو شام واما وخالد ما اتحركو ابدا..
خالد كان عم يهدي بحالو.. ما بدو يخسرا.. ما بدو يخسر الانسانة يلي حبا من اول نظرة.. ما بدو يفقدا..
هي شام الروح وشام الهوى.. سكنت القلب ومن غيرها.. براءة وايات جمال في محياها سبحان خالقها..
ارفع كفي لربي وادعي لها.. اشفي شقيقة الروح يا خالقها.. اسكنتها قلبي فلا تحرمني وجودها..
المى عم تبكي ع انستا يلي حبتا..
ام خالد ما بدا ينكسر قلب ابنا من اول تجربة الو.. ابو خالد ما فارق ابو شام يلي قلبو ما عاد اتحمل.. قعد حدو وعم يهدي..
طلع الدكتور من غرفة العمليات.. ركضو كلن لعندو..
خالد: طمنا دكتور..
اطلع الدكتور فيهن وهو كتيييير هلكان: ع الاغلب العملية نجحت
ام شام سجدت ع الارض: الحمد الك يا ربي رجعتلي بنتي.. الحمد الك يااا رب
الكل بكي من الفرحة.. وخالد ضمو للدكتور واتشكرو وهو عم يبكي.. الدكتور من لما شافن هيك ما قدر انو ما يبكي.. بكي من فرحتو بانو قدر يساعدن ويرجع روح ع الدنيي بقدرة ربنا..
الدكتور: هلا ما بدي افسد فرحتكن.. بس لازم تعرفو.. ما رح نطمن ع عيونا غير بس تصحا.. وبدا وقت هلا بالعناية المكثفة..
بقيت شام بالساعات لفاقت...
الدكتور: تفضلو فيكن تشوفوها
دخلو لعندا.. كان وشا اصفر كتير وعلامات الجروح باينة عليها.. عيونا كانو كلن دموع ..عم تطلع فيهن بنظرة حزن معا فرح معا امل معا شكر..
*بعد شهرين*
صالة كبيرة كتير مزينة باحلا زينة ورد ابيض بكل الصالة ناس كتير ..كلن فرحانين وناطرين العرسان ليدخلو...
بعدا بشوي.. دخلو خالد ماسك ايدا لشام ..وعلي ماسك ايدا لهبة..
(بدنا نقاوم لحتى نعيش.. ازا استسلمنا لاي عثرة بنهلك.. شو ما كانت المشكلة الصبر والايمان والاخذ بالاسباب بيحلوها)
انتهت يا حلوين..
