قديش ممكن الحياة تقسى علينا وتاخد منا فرحتنا واغلى ما عنا.. وكيف فينا نكمل..وقديش ممكن نحنا نقسا ع انفسنا ونظلما بالخطايا ..وبنضل مغمضين لحتى تيجينا ضربة تكسرلنا ضهرنا طول عمرنا
انا مريم.. بنت حلوة كتير وملامحي ناعمة وملفتة
بلشت قسوة الحياة عليي من لما اخدتلي امي مني وانا لسا عمري سبع سنين.. ما لحقت اشبع منا ولا لحقت اشبع من حضنا.. ولا لحقت اشبع من ريحة حنانا ..كنا عيلة حلوة كتير وهادية كتير.. حياتنا كانت مثالية ابي وامي يلي بحبو بعض كتير ويلي حبون هاد انعكس عليي وع اخواتي ..بس بطرفة عين ومن غير مقدمات اكتشفنا بانو امي عندا سرطان وصار ماكلا جسما اكل وماتت بنفس الاسبوع يلي عرفنا فيه بمرضا.. يوما انا كنت صغيرة وما كنت مستوعبة شو يعني امي راحت.. روحت يوما من المدرسة لقيت بكي وانواح بالبيت ..شفت بابا حاطط وشو بين ادي وعم يبكي وقلبو محرووق قربت عليه وبوستو ومسحتلو دموعو
ووقتا حضني بابا وزاد بالبكي وانا ع بكي ابي صرت ابكي وما كنت فهمانة شو يلي عم يصير.. مشت الايام وبلشت افهم شو يعني تعيش بنت بلا ام بلشت افهم شو يعني كسرة القلب من بعد موت الام.. بلشت افهم شو يعني انو تعيشي مع مرت اب وبلشت افهم بانو من بعد موت الام الحياة خلص وقفت وما عاد الا طعمة.. عشت مع مرت اب لا مبالية .ما كان يهما غير انو تاكل وتلبس وتروح زيارات ..حتى شغل البيت صرت انا واخواتي نشتغلو بعد ما نرجع من المدرسة ..بابا كان يغيب فترات طويلة عن البيت وايام ما نشوفو بتاتا ..عشنا طفولة قاسية جدا ما فيها لا اب ولا ام ..ومن بعد موتا لامي كلشي بهداك البيت الرايق مااات وانتهى ..حتى بابا يلي كان قبل مات.. واجى مكانو بابا جديد كئيب وحزين والبسمة ما بتترسم ع وشو الا لمن يشوفنا انا واخواتي.. مشت الايام والسنين وخلصت طفولتي وبلشت مراهقتي يلي كانت لسا كمان اقسى من طفولتي.. كنت اسمع بقصص الحب يلي البنات ع طول عم يحكو عنا وقررت بانو لازم جرب حب.. مو مهم مين يكون المهم اني حب.. وقررت حب ابن الجيران.. كان شب حلوو كتير وعم يدرس محاماة ..قررت انو هالشب مناسب لحتى حبو وصرت ع طول راقبو واعرف موعد رجعتو ع البيت لحتى شوفو .. ضليت سنين وانا عم راقبو لحتى تعلقت فيه وصار ما يمشي يومي ازا ما شفتو..عذبت حالي بحبو ..صار هو الفرحة الوحيدة بحياتي من بعدا لامي وصرت احلم واحلم واحلم باليوم يلي رح ارتبط فيه وينكتب اسمي ع اسمو لحتى اجى اليوم يلي فقت فيه من احلامي ..وعرفت بانو خطب.. ما بعرف كيف اوصفو لهالوجع يلي حسيت فيه.. حسيت بغصة كبييييرة بقلبي ..فتت يوما ع غرفتي وضليت ابكي وابكي ما بعرف عشو كنت عم ابكي ولا بعرف ازا كنت عم ابكي عليه ولا ازا كنت حببتو فعلا .. مشت سنتين من بعد خطبة ابن جيرانا واخدت البكالوريا بامتيااز.. وبابا طار عقلو بنجاحي وقررنا نسجل بالجامعة وبالفعل سجلت بالجامعة وقبل ما بلش بدوام الجامعة تقدملي خالد..كان شب حلو وشخصية وعندو بيت وشغل منيح .. هون بابا ومن غير تردد وافق ع خطبتي ..يمكن يوما شفت بخالد المنقذ لالي من حياتي ..وبس بدي اخلص منا..او يمكن كنت دور ع حضن دافي ينسيني وجعي وهمي.. كنت دور ع الحنان يلي فقدتو من يوم ماتت امي.. وهون تمت خطبتي من خالد ..شب قد حالو شغيل وبيغهم طويل واسمر وشعراتو ناعمين كتير متل نجوم السينما..حبيتو كتير لخالد وشوي شوي صار هو الحياة بالنسبة الي ..واول طلب طلبو مني خالد هو اني اترك الدراسة بحجة انو هو ما بيحب البنت يلي بتطلع من بيتا وانا وافقت وبالفعل تركت الدراسة ومشيت متل ما بدو خالد.. كانت خطبتنا حلوة كتير وكان خالد مو مخليني بحاجة لشي كان كتير حنون علي وبيخاف من نسمة الهوا تقرب علي.. حبني وتعلق في كتير.. كنا متل روحين بجسد.. لكن طبيعة شغلو لخالد كانت تطلب منو بانو يغيب فترات طويلة وهاد الشي الوحيد يلي كان منغص علينا خطبتنا ..مشت الخطبة وتزوجنا كان عرسنا متل الخيال حلو كتير ما خليت شي بنفسي الا عملتو ..كان عرس ملوكي كتير
تزوجنا وبعد عرسنا بشي اسبوع رجع خالد لشغلو
مريم..خالد لا تروح.. ما بقدر ع غيابك والله
خالد..حبيبتي رح حاول ما اتاخر لا تزعلي
مريم.. كيف ما ازعل.. لك والله ما فيني ع غيابك
خالد.. حبيبتي والله مضطر ..الشغل متراكم علي كتير
مريم..
خالد.. لا تزعلي يا روحي رح ضل احك معك ع طول
تركني خالد باسبوع عرسنا وراح ..كان بيتنا جنب بيت اهلو لخالد..امو لخالد ست كبيرة وحنونة كتير.. وابو زلمة كبير بالعمر والو قدرو وقيمتو وكان حنون فوق العادة والو اخت وحدة صغيرة واخوة تنين..
اهلو لخالد من النوع المتشدد كتير ما بحبو الست تطلع برا بيتا خطوة وحدة غير مع زوجا وكانو يخافو علي كتير ..وبحكم اني لحالي وما حد عندي كنت مضي طول الوقت عندن اشتغل معهم واكل واشرب معهم..
حماتي.. ريم حبيبتي خليكي نامي عنا هون
ريم.. لا مرت عمي بلاها ببيتي باخد راحتي اكتر
حماي.. يا بنتي انت عروس والله طول الليل ما بغفالي جفن وانا عم فكر فيكي ..خليكي هون نامي بغرفة حلا وقفليها ع حالك هيك اريح النا والك
مريم.. حاضر عمي متل ما بدكم بس خليني احكي لخالد بكون احسن
عمي.. الله يرضى عليكي يا بنتي
مريم..
بعدا بشوي دقلي خالد
مريم.. هاد خالد رح حاكيه وبرجع
حماتي.. سلميلي عليه حبيبتي
مريم.. رح خليه يحاكيكي.. الو خالد.. كيفك
خالد.. اشتقتلك يا روحي
مريم.. وانا كمان.. انا ببيت عمي خود مرت عمي بدا تسلم عليك
خالد.. اي هاتي احكي معا
حماتي.. مرحبا ماما.. كيفك يا روحي
خالد.. تمام ماما ..انت كيفك وكيف صحتك
حماتي.. الحمد لله يا ابني الله يرضى عليك
خالد.. كيفا مريم معك
حماتي.. ربي يرضى عليها ويقدرني ع مكافاتها والله يا ريت كل الكناين متلها خادمتنا بعيونها.. الله يوفقكم يا ابني
خالد.. تسلمي يا امي المهم رضاكي
حماتي.. الله يرضى عليكم خود مرتك حاكيها
مريم.. اي خالد..كيفك حبيبي
خالد.. بخير يا روحي ..ربي يسعدك ويرضالي عليكي
مريم.. خالد رح حاكيك بموضوع هلأ حاكوني فيه اهلك
خالد.. خير حبيبتي شو في
مريم.. بدن اياني نام عندن.. لانو بضلو قلقانين علي
خالد.. اي كتير منيح حبيبتي.. والله هيك رح كون مطمن اكتر
مريم.. بس خالد يعني ما تفهمني غلط بس انت عندك اخوة تنين شباب بالبيت
خالد... هههههههه لك اي وشو المشكلة.. انت بتعرفي اخواتي بحبوكي متل اختن.. ما تاكلي هم شي ..انا هيك بكون مطمن عليكي اكتر
مريم.. ماشي حبيبي
وصرت نام كل يوم ببيت حماي وتعودت ع بيتن اكتر من بيتي.. مشت الايام وخالد احيانا يغيب اسبوع واحيانا يغيب شهر واحيانا 3شهور متواصلة ..كنت مخنوقة وتعبانة كتير من غيابو وبيوم بعد ما عمي ومرتو نامو طلعت ع ساحة البيت وكنت عم ابكي ..اجى علي احمد اخو لخالد
احمد.. مسا الخير
مسحت دموعي بسرعة ورديت عليه.. مسا النور.
احمد.. لك شبكي.. انت عم تبكي
مريم.. لا
احمد.. لك شوفي عيونك كيف منفخين.. شو في شو صاير
مريم........
احمد.. لك شبكي مرت اخي شو في.. اكيد خالد مزعلك
ما شفت حالي غير فرطت بالبكي قدامو وما قدرت احبس دموعي.. قعد حدي وصار يحكي معي ويهدي فيني
احمد.. لك لا تبكي احكي شبكي شو عامل معك هالدب ..هلأ رح احكيه وبهدلو ..لك في حد بزعل هيك وردة
مريم.. لا لا تحكي بكفي غربتو ما بدي زيدا عليه.. انا بس مخنوقة من غيابو مو قدرانة اتعود ع غيابو عم اشتقلو كتير
احمد.. لك حاج لا تبكي ولووووو
وقرب مني وبدو يمسحلي دموعي.. انا نقزت وتلبكت وقمت من مكاني فورا
مريم.. بتشكرك احمد انا رح روح نام.. تصبح ع خير
احمد.. وانت من اهلو
احمد كان بيشبه خالد كتير بكلشي بشكلو وبشخصيتو بس كان كتير ازعر ومن بنت لبنت..
هاي كانت اول ليلة بجتمع فيها انا واحمد لوحدنا وبعدا صارت قعداتنا تكتر ..عمي ومرت عمي كانو ينامو بكير وعمر اخو لخالد الصغير واختو حلا كانو كمان ينامو بكير كرمال دوامن بالمدرسة وما كان يضل سهران غير انا واحمد.. ويوم عن يوم صارت تكتر سهراتنا
نفسيتي كتير تحسنت وحسيت بشي جديد حلو دخل حياتي بس كان ضميري كتير يانبني وحس حالي عم خونو لخالد.. ولحتى ريح حالي بيوم حكيتلو لخالد
مريم.. خالد حبيبي انت بتزعل شي ازا سهرت انا واحمد سوا
خالد.. هههههه لك انت مو طبيعية ..حبيبتي احمد متل اخوكي لشو بدي ازعل
حكي خالد طمني وخلاني اتمادى بالحكي مع احمد يلي كان مستني بس نكشة صغيرة
كانت بالبداية احاديثنا كلا عن خالد وعني وعن غياب خالد.. بس مرة ع مرة صارت احاديثنا تاخد منحنى تاني
احمد.. انا جد بستغرب من خالد كيف بيقدر يتركك طول هالفترة.. هاد مجنون اكيد لو انا ما بتركك ولا ثانية
مريم..
احمد.. بس جد انت بتجنني وخجلك بيزيدك جمال
مريم.. احمد عيب هالحكي ما بصير
احمد.. شو بعملك انت بتجنني وبصراحة ما بقدر اتحكم بحكيي وانت معي .. الحكي بطلع لحالو
تلبكت وقمت فورا وتركتو.. كنت خايفة كتير بس بنفس الوقت كنت من جوا كتير فرحانة ومبسوطة.. كنت متل الارض العطشانة وبدي شي يرويني.. كترت سهراتنا وكتر حكينا وصار حكي الغزل عادي بسهرتنا وما عاد في حكي بينا غيرو وبلش احمد يتقربلي اكتر واكتر
احمد.. يا ريت لو عرفتك قبل خالد.. انا من وين رح القى وحدة زيك بجمالك وروحك الحلوة
مريم.. اي لا بتلقى كتير لا تخاف
قرب احمد مني ومسكلي ايدي.. مستحيل القى بجمالك ونعومتك وقرب ايدي من تمو وباسا
انا رجف قلبي وسحبت ايدي بس ضليت قاعدة معو وكملنا سهرتنا ومن بعد هالليلة عرف احمد قديش انا وحدة رخيصة وسهلة وع اول كلمة او حركة بروح .. وصارت حركاتو تزيد مرة ع مرة وانا بلشت حبو كتير وتعلقت فيه كتير لدرجة بطلت اهتم بخالد ان اجى او راح ان اتصل او لا ..صار كل همي هو احمد واجى اليوم يلي احمد تقربلي فيه بزيادة هون يمكن انا صحيت ع حالي او ضميري صحي ويوما بعدتو عني .. بس احمد ما تركني.. كان متل الوحش بدو اياني باي طريقة
احمد.. لك مريم شو صرلك حبيبتي تعالي لعندي
مريم.. احمد انت اكيد جنيت بعد عني لك انا مرت اخوك
احمد.. ههههه هلأ تزكرتي انك مرت اخي.. النا اشهر عم نسهر سوا.. وانا ما عدت قادر اتحكم بحالي رح مووت.. تعي لعندي بلا ما جن
مريم.. احمد الله يخليك خليني روح
احمد.. مستحيل انا هلا بدي اياكي والا رح ارتكب جريمة
ووقت شافني باني رافضتوو جن وبلش يضرب فيي ع كل جسمي وانا صرخ وابكي وع صواتنا صحيو الكل
حماي.. لك يا حيوااان ابعد عنا يا حيوااان
حماتي.. لك شو في شو صاير هوون
احمد.. اسالوها للخانم اسالوهااا
مريم..
حماي.. لك شو في احكووووو ليش ضربك مريم احكيييي
مريم..
حماي.. لا تجننونيي احمد احكيي
احمد.. هاي وحدة وسخة وساقطة لك والله الا ادبحها لك اجت لعندي وبدا اياني... استغفر الله
حماي.. حماتيي.. شوووووووو
مريم... لك كذاااب والله كذااب هو كان رح يعتدي علي والله هووو
حماي.. هاي اخرتا يا مريم هاي اخرتا
حماتي.. لك حسبيا الله عليكي ..حسبيا الله عليكي
مريم.. لك لا تصدقوو والله ما صار والله
حماي.. اي لبسي بسرعة رح وصلك لبيت اهلك خليهن يضبوكي
وطيت ع رجلين عمي وصرت بوسهن ..بترجاك عمي لا تعمل هيك بترجاك والله هالحكي ما صار
حماي.. اي تحركي لك الدنيا اخر ليل شو عم تعملي هون معو
شحطوني برا البيت شحط وانا جسمي كلو ازرق من الضرب ..طلعت وهني كلن عم يتفو علي لوقت ما ركبت بالسيارة
طول الطريق وانا ابكي واترجى بعمي لحتى ما ياخدني لبيت اهلي
حماي.. لك اخرسي اخرسي انت وحدة خاينة خنتي خالد مع اخوه يا كلبة ..لك انت ما بتستحي ع حالك ولا عندك شرف
كنت عارفة اني بستاهلا لهالقتلة وبستاهل اكتر كمان لاني سمحت لحالي امشي بهيك طريق مع احمد سمحت لاحمد يلمسني.. سمحت لاحمد يفكر في كعشيقة.. كنت بستاهل اكتر بكتير من هيك ..بس كنت فكر بردة فعل اهلي وردة فعل خالد.. وصلت لبيت اهلي وكانت الدنيا وش الصبح.. دق عمي الجرس وطل بابا ع الباب وهو مرعوب وبس شافني زاد خوفو ورعبو
بابا.. مريم. ابو خالد خير شو في
عمي.. خلي بنتك تحكيلك ..نحنا ما بنلم هيك وحدة عن اذنك
بابا ضل واقف ومصدوم من حكي عمي ومانو مستوعب ومن غير ما يسمع شي مني صار يغضب علي ويضرب ع وشوو
فتت بيت اهلي وانا ماني حسناني وقف ع رجلي ومرت ابي تطلع فيني وبدا تاكلني بسنانا
بابا.. قعدي يا غضيبة هاتي فهميني شو صار احكييي
كل الحكي وقف بحلقي واختنقت من البكي وما قدرت جاوب
بابا... لك احكيييي قبل ما جيب السكينة واذبحك احكييي
مرت ابي.. لك احكي خلصي احكي
مريم.. أنا أنا أنا والله مظلومة يا بابا والله
بابا.. لك شو صار احكي بالتفصيل
مريم.. هاد احمد سلفي يا بابا تهجم علي وبس رفضتو صار يضرب فيي وصحا كل اهل البيت واتهمني باني انا يلي تعرضتلوو
بابا صار يضرب ع وشوو ويبكي.. لك الله ياخدك الله ياخدك سودتي وشي الله يريحني منك.. لك وين روح بوشي قدام الناس وييين
مرت ابي.. هدي حالك حسبيا الله عليكي بس
مريم.. والله مالي ذنب والله
مرت ابي..مالك ذنب؟لك نفرض انو حكيك صح وهو تهجم عليكي.. لك لو ما شاف وش منك ما بسترجي يقرب عليكي
مريم.. لك حرام عليكم حرام
الكل كان واقف ضدي حتى بابا..ما كان ضايل عندي امل غير خالد بانو يصدق كلامي فتت ع غرفتي واتصلت مباشرة بخالد
خالد.. مريم!!!شو في ليه متصلة بهالوقت شو صاير عندكن
مريم.. خالد اخوك احمد..
خالد.. لك شبو احمد شو صايرلو؟ شبووو
مريم.. احمد ضربني وابوك طرني من البيت وانا هلأ ببيت اهلي
خالد.. لك مريم شو عم تحكي انت.. لك ما عم استوعب شي ..لك ليه ضربك احمد وليه بابا طرك من البيت
مريم.. ما بعرف شو بدي احكيلك بس بس
خالد.. بس شوووو ..شو الي صار
مريم.. خالد حبيبي انت بتعرف قديش انا بحبك ومستحيل خونك
خالد.. لك شو عم تحكي انت.. لا تجننيني مريم
مريم.. خالد احمد اتهمني باني بدي خونك معو
خالد.. لك شووووووووو ..شو عم تحكي.. وكيف هيك صار
مريم..احمد كان بدو يعتدي علي وانا رفضت..جن وصار يضرب فيني.. وبس صحيو اهلك عليه اتهمني
خالد.. لك والله الا اشرب من دمو هالحيوان النسونجي
سكرت الخط مع خالد وانا عرفانة بانو عملت مصيبة كبيرة بس ما كنت مقدرة حجم هالمصيبة.. ومن الصبح بابا اجى وحاكاني حكي بسم البدن
بابا.. الحمد لله انو امك ماتت قبل هاليوم.. لك انت سودتي وشي وكسرتي ضهري طول عمري
مريم.. بابا حرام عليك لا تحكي هيك انا ما غلطت والله
بابا.. لك الله ياخدك ويريحني منك
وطلع وطرق الباب علي بكل قوتو.. كانت مرتو كل شوي تيجي تسمعني كلمتين واتف علي وتطلع
مشى اليوم بصعووووووبة لوقت المغرب من لما فات علي بابا ع غرفتي وهو حامل عصاه وعم يضرب في ويصرخ.. لك يا حيوانة يا فلتانة لك هيك مبسوطة انت مبسوطة يدبحوو بعض يا فلتااااانة.. وانا صرخ وابكي وماني عرفانة شو القصة ومرت ابي واقفة ع الباب وعم تدعي علي وتلطم ع وشا
ببيت خالد
وصل خالد من شغلو وقت الضهر.. وينوو هالحقير وينووو والله الا اشرب من دمووو لك وينووو
حماتي.. خالد يامووو اهدى ياموو برضاي عليك اهدى
خالد.. لك امييي كيف بدي اهدى وهالحيوان مد ايدو ع مرتي وكان بدو يعتدي عليها
اجى حماي ع الصوت..خالد اهدى ورووق هاي مرتك وحدة فلتانة اخوك مالو ذنب
خالد.. باباااا ما بسمح لحدا يحكي هيك عن مرتي
حماي.. لك يا خروووء اخرسس ..لك هاي وحدة ما بتستحي..لك شو كانت عم تعمل مع اخوك بنص الليل هااا
مع فوتتة احمد ع البيت
احمد.. اهلين اخي اهلا وسهلا
اول ما شافو خالد هجم عليه متل التور الهايج وضربو ع وشو نزل الدم من انفوو
خالد.. لك يا حيواان لك بتتهم مرتي وبتمد ايدك عليها
صار الكل يصرخ ويبعدو عن احمد
احمد... هههههههه لك روووووح ربي مرتك رووووح جايي تضربني
هجم خالد ع المطبخ واخد سكينة وهجم بدو يضرب احمد فيها بس الضربة اجت بعمي وهو عم يحاول يبعدن عن بعض
هجمو كلن ع عمي وهني مصدومين واتصلو ع الاسعاف مباشرة ..وصل عمي للمشفى بس للاسف الضربة كانت ع رقبتو لعمي وما لحقو وماات
وصل الخبر لابي متل الصاعقة واحمد وخالد من لما خبروهن بالوفاة هجمو ع بعض واتضاربو بنص المشفى والامن فصل بيناتن
انا من لما عرفت انهرت وما قدرت اتحمل حسيت حالي السبب بموتة عمي ..فتت بحالة اكتئاب وما حدن كان راحمني والكل يسبني ويبهدلني ع الطالعة والنازلة
بعد بشهر من الحادثة وبعد سكوووت تام عن الموضوع اتصل فيني خالد ..ما كنت مصدقة عيوني من لما شفت اتصالو
مريم.. خالد.. كيفك
خالد.. كيفني؟ لك كيف بدي كون..مات ابي وما بتعزيني لك حتى اتصال ما اتصلتي
مريم.. والله ما كان الي عين اتصل فيك ..انت بتعرف انو هالمشكلة صارت بسببي .
والله عمي ما بروح من بالي ابدا.. والله عم موت من وجعي عليه
خالد.. طيب لايمت رح تضلي ببيت اهلك.. خلص بكفي ارجعي
مريم.. يا ريت بس بابا من يوما حابسني بالبيت وممنوعة اطلع منو
خالد.. اي انا اليوم رح اجي واحكي معو
اجى خالد يوما لعنا
خالد.. عمي بدي رجعا لمريم لبيتا بكفي هيك
بابا.. والله يا خالد مالي عين اطلع فيك يا ابني
خالد.. لا تحكي هيك عمي انا بعرف مرتي منيح هي ما بتخوني وموت بابا كان مكتوبلوو
كلمات خالد ووثوقو فيني كان متل الخنجر عم يدبحني فيه دبح ..انا خنتو ..خنتو من لما سمحت لقلبي يدق لغيرو ..من لما سمحت لادني تسمع حكي غزل غير منو ..خنتو من لما سمحت لايد تلمسني غير ايدو ..ما كنت عرفانة كيف بدي اكفر عن ذنوبي مع خالد
رجعت يوما ع بيتي ..وبالسهرة
خالد.. مريم البسي رح نروح لبيت اهلي نسلم عليهن
ارتعبت وجسمي صار يرجف
مريم.. بلاها خالد بترجاك بلاها
خالد.. لا تخافي انا معك ما رح اسمح لحدن يلمسك
فتت ع بيتن وكان خالد عاطيهن خبر بانو رح اجي عندن ..طبعا ما حدن كان بدو اياني حتى حلا الصغيرة ما استوعبت باني فوت عليهن بعد يلي صار
حلا.. لك شو عم تعمل هاي هوون ..لك هاي قاتلة قاااااتلة خليها تطلع من هوون
قرب خالد عليها وضربا كف..روحي من هون ولي رووووحي
حلا.. الله يسطفل فيكن ويحرق قلبك وقلبا يا خالد
حماتي.. مبسوطة هيك انت مبسوطة
موتي حماكي وقلبتي ابني علي وع اخوتو
احمد.. خرووووء وحمااار مانو عرفاان حقيقة مرتو الوسخة
عمر.. الله ياخدكن تنيناتكن ..الله لا يسامحكن
خالد.. لك حااج حاااج اخرسوو
انا ما تحملت كل الضغط والخوف ووقعت بارضي واغمي علي وما صحيت ع حالي غير ع سريرنا وخالد حدي وعم يصحي في.. حضنتو لخالد وصرت ابكي من كل قلبي كنت عرفانة انن معن حق بكل كلمة حكوها انا السبب بكل شي صار ..انا بستاهل كل كلمة حكوها وبستاهل اكتر..
مشت الايام والاشهر وخالد صار اغلب شغلو حدي وما يتركني ولا يبعد متل قبل وعلاقتي مع بيت حماي كانت عم تتحسن شوي وبلشو يتناسو مع انو كنت شوف بعيونن الكره والحقد.. وبعد 6شهور طلعت حامل وما وسعتني الدنيي من فرحتي انا وخالد ومشى حملي بخير وجبت صبي متل القمر وسميناه يوسف ع قد ما كان حلوو
كان هالصبي احلا شي بحياتي ..عوضني عن كل حزن وحرمان مر علي بحياتي ..كان هو دنيتي كلا وملا علي حياتي كلا .. كنت خاف علي من نسمة الهوا وداري بعيوني ..بس احمد ما تركني بحالي وكان باستمرار يتقصد يفوت علي المطبخ وانا ببيت اهلو لحالي لحتى يخوفني
كان بالنسبة الي متل الجحيم يلي فتت فيه برجليي وما عاد عرفت اطلع منو ..
مشت الايام وابني كبر وسلفي تزوج ..تزوج وما تركني بحالي صار يحرض مرتو علي وفهما باني لهلأ عم لاحقو وراسلو ..
كانت ايام صعبة كتير ..حياتي كانت كلا ضغط اعصاب وخالد رجع لسفرياتو وشغلو وكان يتركني بالايام انا ويوسف وبلشت اعصابي تتعب من سفرياتو ومن الضغط من يلي عم يعملو احمد وبيوم كانت اعصابي كتير تعبانة وكنت عم اطبخ ويوسف عم يلعب حدي ويصرخ
مريم.. يوسف اهدا خلص
يوسف.. مااااا بدي.. بدي العب اناا
مريم.. لك عم احكيلك خلص
يوسف. مااا بدي
ما بعرف كيف فرطت اعصابي ورميت السكين عليه واجت براسو.. وقفت مصدومة من المنظر صار الدم بكل مكان ع الارض وع الحيطان وع كل شي بالمطبخ صرت صرخ باعلى صوتي ...لك خاااااااااالد ابنك رااااح ..لك الحقوووووووني وفتحت الباب وصرت صرخ..احماااااد منشان الله الحقنيييي.. لك يوووووووسف راااااح.. مرت عميييي حلااااااا ..لك يااا عمرررررر منشااان الله الحقوووني
كنت عم صرخ بصورة هستيرية ..هجمو كلن ع صوتي وانا وقعت بارضي ع الباب ..فاتو ع البيت واخر شي سمعتو صوتن وهني عم يدعو علي ويصرخوو.. ما فقت غير وانا بالمشفى..كان بابا حدي ..
كنت عم احلم صح بابا.. وينو يوسف وينوو
بابا.. اهدي يا بنتي اهدي..لا حول ولا قوة الا بالله
صرت ابكي وصرخ ..بابا.. يوسف مات مااات يوسف يا بابا انحرق قلبي يا بابا.. راح ضو عيوني يا بابا..انا قتلتو بئيدي يا بابا ..بدي مووووووووت لك انا لازم مووووت ما بدي عيش لك انا قاتلة قاااااتلة
اجا الدكتور واعطاني ابرة مهدئ ..ضليت ع هالحال اسبوع وانا بس ع المهدئات عايشة .
وبعد وفاة يوسف باسبوعين اجا خالد لعندي
خالد.. بس فهميني ليه هيك عملتي.. لك في ام بتقتل ابنا
مريم.. اعصابي كانت تعبانة كتير ..تانيب الضمير كان قاتلني..
خالد.. من شووو
مريم.. خالد انا ما بستاهلك ولا بستاهل حبك الي ..انا ما بستاهلو ليوسف ..انا بستاهل الموت.. انا واحمد كنا نسهر بالليالي سوا.. كنت احكيلك لحتى ريح ضميري بس ما كنت احكيلك عن الغزل وكلام الحب يلي كان احمد يحكيلي اياها ..انا خنتك يا خالد وربي عاقبني
خالد............
مريم.. عمي مات بسببي وابني مات بسببي.. انا يلي كان لازم موت بس ربنا بدو يعاقبني حتى قبل ما موت ..انا حتى الموت ما بستاهلووو
ضلو ساكت ويسمع لحتى خلصت حكيي
خالد.. مريم انت طالق
وبكل هدووء حمل حالو وطلع وعيونو كلن دمووع ..بعدا ما عرفت شي لا عن خالد ولا عن اهلو
وصابتني حالة جنون وهستيريا ..والدكتور حولني لطبيب نفسي وضليت فترة طويلة وانا عم اتعالج لحتى تحسنت صحتي شوي ..بس مستحيل هالجرح يلي بقلبي ينطفي ما في لا طب ولا اي شي يشفيلي جرحي.. هاي كانت جزاتي ع خيانتي لخالد ... ابني صار طير من طيور الجنة راح لعند ربو لانو انا ما بستاهلو ..ما بستاهل حدا متل يوسف بطهارتو وبراءتوو ..هاي هي قصتي ..انا ضيعت حالي وضيعت ابني وخربت بيتي وحرقت قلبو لزوجي بخيانتي ومشيي ورا شيطاني ..ان شاء الله يكون عقابي بالدنيا كافي وربي يسامحني ويغفرلي
انا مريم.. بنت حلوة كتير وملامحي ناعمة وملفتة
بلشت قسوة الحياة عليي من لما اخدتلي امي مني وانا لسا عمري سبع سنين.. ما لحقت اشبع منا ولا لحقت اشبع من حضنا.. ولا لحقت اشبع من ريحة حنانا ..كنا عيلة حلوة كتير وهادية كتير.. حياتنا كانت مثالية ابي وامي يلي بحبو بعض كتير ويلي حبون هاد انعكس عليي وع اخواتي ..بس بطرفة عين ومن غير مقدمات اكتشفنا بانو امي عندا سرطان وصار ماكلا جسما اكل وماتت بنفس الاسبوع يلي عرفنا فيه بمرضا.. يوما انا كنت صغيرة وما كنت مستوعبة شو يعني امي راحت.. روحت يوما من المدرسة لقيت بكي وانواح بالبيت ..شفت بابا حاطط وشو بين ادي وعم يبكي وقلبو محرووق قربت عليه وبوستو ومسحتلو دموعو
ووقتا حضني بابا وزاد بالبكي وانا ع بكي ابي صرت ابكي وما كنت فهمانة شو يلي عم يصير.. مشت الايام وبلشت افهم شو يعني تعيش بنت بلا ام بلشت افهم شو يعني كسرة القلب من بعد موت الام.. بلشت افهم شو يعني انو تعيشي مع مرت اب وبلشت افهم بانو من بعد موت الام الحياة خلص وقفت وما عاد الا طعمة.. عشت مع مرت اب لا مبالية .ما كان يهما غير انو تاكل وتلبس وتروح زيارات ..حتى شغل البيت صرت انا واخواتي نشتغلو بعد ما نرجع من المدرسة ..بابا كان يغيب فترات طويلة عن البيت وايام ما نشوفو بتاتا ..عشنا طفولة قاسية جدا ما فيها لا اب ولا ام ..ومن بعد موتا لامي كلشي بهداك البيت الرايق مااات وانتهى ..حتى بابا يلي كان قبل مات.. واجى مكانو بابا جديد كئيب وحزين والبسمة ما بتترسم ع وشو الا لمن يشوفنا انا واخواتي.. مشت الايام والسنين وخلصت طفولتي وبلشت مراهقتي يلي كانت لسا كمان اقسى من طفولتي.. كنت اسمع بقصص الحب يلي البنات ع طول عم يحكو عنا وقررت بانو لازم جرب حب.. مو مهم مين يكون المهم اني حب.. وقررت حب ابن الجيران.. كان شب حلوو كتير وعم يدرس محاماة ..قررت انو هالشب مناسب لحتى حبو وصرت ع طول راقبو واعرف موعد رجعتو ع البيت لحتى شوفو .. ضليت سنين وانا عم راقبو لحتى تعلقت فيه وصار ما يمشي يومي ازا ما شفتو..عذبت حالي بحبو ..صار هو الفرحة الوحيدة بحياتي من بعدا لامي وصرت احلم واحلم واحلم باليوم يلي رح ارتبط فيه وينكتب اسمي ع اسمو لحتى اجى اليوم يلي فقت فيه من احلامي ..وعرفت بانو خطب.. ما بعرف كيف اوصفو لهالوجع يلي حسيت فيه.. حسيت بغصة كبييييرة بقلبي ..فتت يوما ع غرفتي وضليت ابكي وابكي ما بعرف عشو كنت عم ابكي ولا بعرف ازا كنت عم ابكي عليه ولا ازا كنت حببتو فعلا .. مشت سنتين من بعد خطبة ابن جيرانا واخدت البكالوريا بامتيااز.. وبابا طار عقلو بنجاحي وقررنا نسجل بالجامعة وبالفعل سجلت بالجامعة وقبل ما بلش بدوام الجامعة تقدملي خالد..كان شب حلو وشخصية وعندو بيت وشغل منيح .. هون بابا ومن غير تردد وافق ع خطبتي ..يمكن يوما شفت بخالد المنقذ لالي من حياتي ..وبس بدي اخلص منا..او يمكن كنت دور ع حضن دافي ينسيني وجعي وهمي.. كنت دور ع الحنان يلي فقدتو من يوم ماتت امي.. وهون تمت خطبتي من خالد ..شب قد حالو شغيل وبيغهم طويل واسمر وشعراتو ناعمين كتير متل نجوم السينما..حبيتو كتير لخالد وشوي شوي صار هو الحياة بالنسبة الي ..واول طلب طلبو مني خالد هو اني اترك الدراسة بحجة انو هو ما بيحب البنت يلي بتطلع من بيتا وانا وافقت وبالفعل تركت الدراسة ومشيت متل ما بدو خالد.. كانت خطبتنا حلوة كتير وكان خالد مو مخليني بحاجة لشي كان كتير حنون علي وبيخاف من نسمة الهوا تقرب علي.. حبني وتعلق في كتير.. كنا متل روحين بجسد.. لكن طبيعة شغلو لخالد كانت تطلب منو بانو يغيب فترات طويلة وهاد الشي الوحيد يلي كان منغص علينا خطبتنا ..مشت الخطبة وتزوجنا كان عرسنا متل الخيال حلو كتير ما خليت شي بنفسي الا عملتو ..كان عرس ملوكي كتير
تزوجنا وبعد عرسنا بشي اسبوع رجع خالد لشغلو
مريم..خالد لا تروح.. ما بقدر ع غيابك والله
خالد..حبيبتي رح حاول ما اتاخر لا تزعلي
مريم.. كيف ما ازعل.. لك والله ما فيني ع غيابك
خالد.. حبيبتي والله مضطر ..الشغل متراكم علي كتير
مريم..
خالد.. لا تزعلي يا روحي رح ضل احك معك ع طول
تركني خالد باسبوع عرسنا وراح ..كان بيتنا جنب بيت اهلو لخالد..امو لخالد ست كبيرة وحنونة كتير.. وابو زلمة كبير بالعمر والو قدرو وقيمتو وكان حنون فوق العادة والو اخت وحدة صغيرة واخوة تنين..
اهلو لخالد من النوع المتشدد كتير ما بحبو الست تطلع برا بيتا خطوة وحدة غير مع زوجا وكانو يخافو علي كتير ..وبحكم اني لحالي وما حد عندي كنت مضي طول الوقت عندن اشتغل معهم واكل واشرب معهم..
حماتي.. ريم حبيبتي خليكي نامي عنا هون
ريم.. لا مرت عمي بلاها ببيتي باخد راحتي اكتر
حماي.. يا بنتي انت عروس والله طول الليل ما بغفالي جفن وانا عم فكر فيكي ..خليكي هون نامي بغرفة حلا وقفليها ع حالك هيك اريح النا والك
مريم.. حاضر عمي متل ما بدكم بس خليني احكي لخالد بكون احسن
عمي.. الله يرضى عليكي يا بنتي
مريم..
بعدا بشوي دقلي خالد
مريم.. هاد خالد رح حاكيه وبرجع
حماتي.. سلميلي عليه حبيبتي
مريم.. رح خليه يحاكيكي.. الو خالد.. كيفك
خالد.. اشتقتلك يا روحي
مريم.. وانا كمان.. انا ببيت عمي خود مرت عمي بدا تسلم عليك
خالد.. اي هاتي احكي معا
حماتي.. مرحبا ماما.. كيفك يا روحي
خالد.. تمام ماما ..انت كيفك وكيف صحتك
حماتي.. الحمد لله يا ابني الله يرضى عليك
خالد.. كيفا مريم معك
حماتي.. ربي يرضى عليها ويقدرني ع مكافاتها والله يا ريت كل الكناين متلها خادمتنا بعيونها.. الله يوفقكم يا ابني
خالد.. تسلمي يا امي المهم رضاكي
حماتي.. الله يرضى عليكم خود مرتك حاكيها
مريم.. اي خالد..كيفك حبيبي
خالد.. بخير يا روحي ..ربي يسعدك ويرضالي عليكي
مريم.. خالد رح حاكيك بموضوع هلأ حاكوني فيه اهلك
خالد.. خير حبيبتي شو في
مريم.. بدن اياني نام عندن.. لانو بضلو قلقانين علي
خالد.. اي كتير منيح حبيبتي.. والله هيك رح كون مطمن اكتر
مريم.. بس خالد يعني ما تفهمني غلط بس انت عندك اخوة تنين شباب بالبيت
خالد... هههههههه لك اي وشو المشكلة.. انت بتعرفي اخواتي بحبوكي متل اختن.. ما تاكلي هم شي ..انا هيك بكون مطمن عليكي اكتر
مريم.. ماشي حبيبي
وصرت نام كل يوم ببيت حماي وتعودت ع بيتن اكتر من بيتي.. مشت الايام وخالد احيانا يغيب اسبوع واحيانا يغيب شهر واحيانا 3شهور متواصلة ..كنت مخنوقة وتعبانة كتير من غيابو وبيوم بعد ما عمي ومرتو نامو طلعت ع ساحة البيت وكنت عم ابكي ..اجى علي احمد اخو لخالد
احمد.. مسا الخير
مسحت دموعي بسرعة ورديت عليه.. مسا النور.
احمد.. لك شبكي.. انت عم تبكي
مريم.. لا
احمد.. لك شوفي عيونك كيف منفخين.. شو في شو صاير
مريم........
احمد.. لك شبكي مرت اخي شو في.. اكيد خالد مزعلك
ما شفت حالي غير فرطت بالبكي قدامو وما قدرت احبس دموعي.. قعد حدي وصار يحكي معي ويهدي فيني
احمد.. لك لا تبكي احكي شبكي شو عامل معك هالدب ..هلأ رح احكيه وبهدلو ..لك في حد بزعل هيك وردة
مريم.. لا لا تحكي بكفي غربتو ما بدي زيدا عليه.. انا بس مخنوقة من غيابو مو قدرانة اتعود ع غيابو عم اشتقلو كتير
احمد.. لك حاج لا تبكي ولووووو
وقرب مني وبدو يمسحلي دموعي.. انا نقزت وتلبكت وقمت من مكاني فورا
مريم.. بتشكرك احمد انا رح روح نام.. تصبح ع خير
احمد.. وانت من اهلو
احمد كان بيشبه خالد كتير بكلشي بشكلو وبشخصيتو بس كان كتير ازعر ومن بنت لبنت..
هاي كانت اول ليلة بجتمع فيها انا واحمد لوحدنا وبعدا صارت قعداتنا تكتر ..عمي ومرت عمي كانو ينامو بكير وعمر اخو لخالد الصغير واختو حلا كانو كمان ينامو بكير كرمال دوامن بالمدرسة وما كان يضل سهران غير انا واحمد.. ويوم عن يوم صارت تكتر سهراتنا
نفسيتي كتير تحسنت وحسيت بشي جديد حلو دخل حياتي بس كان ضميري كتير يانبني وحس حالي عم خونو لخالد.. ولحتى ريح حالي بيوم حكيتلو لخالد
مريم.. خالد حبيبي انت بتزعل شي ازا سهرت انا واحمد سوا
خالد.. هههههه لك انت مو طبيعية ..حبيبتي احمد متل اخوكي لشو بدي ازعل
حكي خالد طمني وخلاني اتمادى بالحكي مع احمد يلي كان مستني بس نكشة صغيرة
كانت بالبداية احاديثنا كلا عن خالد وعني وعن غياب خالد.. بس مرة ع مرة صارت احاديثنا تاخد منحنى تاني
احمد.. انا جد بستغرب من خالد كيف بيقدر يتركك طول هالفترة.. هاد مجنون اكيد لو انا ما بتركك ولا ثانية
مريم..
احمد.. بس جد انت بتجنني وخجلك بيزيدك جمال
مريم.. احمد عيب هالحكي ما بصير
احمد.. شو بعملك انت بتجنني وبصراحة ما بقدر اتحكم بحكيي وانت معي .. الحكي بطلع لحالو
تلبكت وقمت فورا وتركتو.. كنت خايفة كتير بس بنفس الوقت كنت من جوا كتير فرحانة ومبسوطة.. كنت متل الارض العطشانة وبدي شي يرويني.. كترت سهراتنا وكتر حكينا وصار حكي الغزل عادي بسهرتنا وما عاد في حكي بينا غيرو وبلش احمد يتقربلي اكتر واكتر
احمد.. يا ريت لو عرفتك قبل خالد.. انا من وين رح القى وحدة زيك بجمالك وروحك الحلوة
مريم.. اي لا بتلقى كتير لا تخاف
قرب احمد مني ومسكلي ايدي.. مستحيل القى بجمالك ونعومتك وقرب ايدي من تمو وباسا
انا رجف قلبي وسحبت ايدي بس ضليت قاعدة معو وكملنا سهرتنا ومن بعد هالليلة عرف احمد قديش انا وحدة رخيصة وسهلة وع اول كلمة او حركة بروح .. وصارت حركاتو تزيد مرة ع مرة وانا بلشت حبو كتير وتعلقت فيه كتير لدرجة بطلت اهتم بخالد ان اجى او راح ان اتصل او لا ..صار كل همي هو احمد واجى اليوم يلي احمد تقربلي فيه بزيادة هون يمكن انا صحيت ع حالي او ضميري صحي ويوما بعدتو عني .. بس احمد ما تركني.. كان متل الوحش بدو اياني باي طريقة
احمد.. لك مريم شو صرلك حبيبتي تعالي لعندي
مريم.. احمد انت اكيد جنيت بعد عني لك انا مرت اخوك
احمد.. ههههه هلأ تزكرتي انك مرت اخي.. النا اشهر عم نسهر سوا.. وانا ما عدت قادر اتحكم بحالي رح مووت.. تعي لعندي بلا ما جن
مريم.. احمد الله يخليك خليني روح
احمد.. مستحيل انا هلا بدي اياكي والا رح ارتكب جريمة
ووقت شافني باني رافضتوو جن وبلش يضرب فيي ع كل جسمي وانا صرخ وابكي وع صواتنا صحيو الكل
حماي.. لك يا حيوااان ابعد عنا يا حيوااان
حماتي.. لك شو في شو صاير هوون
احمد.. اسالوها للخانم اسالوهااا
مريم..
حماي.. لك شو في احكووووو ليش ضربك مريم احكيييي
مريم..
حماي.. لا تجننونيي احمد احكيي
احمد.. هاي وحدة وسخة وساقطة لك والله الا ادبحها لك اجت لعندي وبدا اياني... استغفر الله
حماي.. حماتيي.. شوووووووو
مريم... لك كذاااب والله كذااب هو كان رح يعتدي علي والله هووو
حماي.. هاي اخرتا يا مريم هاي اخرتا
حماتي.. لك حسبيا الله عليكي ..حسبيا الله عليكي
مريم.. لك لا تصدقوو والله ما صار والله
حماي.. اي لبسي بسرعة رح وصلك لبيت اهلك خليهن يضبوكي
وطيت ع رجلين عمي وصرت بوسهن ..بترجاك عمي لا تعمل هيك بترجاك والله هالحكي ما صار
حماي.. اي تحركي لك الدنيا اخر ليل شو عم تعملي هون معو
شحطوني برا البيت شحط وانا جسمي كلو ازرق من الضرب ..طلعت وهني كلن عم يتفو علي لوقت ما ركبت بالسيارة
طول الطريق وانا ابكي واترجى بعمي لحتى ما ياخدني لبيت اهلي
حماي.. لك اخرسي اخرسي انت وحدة خاينة خنتي خالد مع اخوه يا كلبة ..لك انت ما بتستحي ع حالك ولا عندك شرف
كنت عارفة اني بستاهلا لهالقتلة وبستاهل اكتر كمان لاني سمحت لحالي امشي بهيك طريق مع احمد سمحت لاحمد يلمسني.. سمحت لاحمد يفكر في كعشيقة.. كنت بستاهل اكتر بكتير من هيك ..بس كنت فكر بردة فعل اهلي وردة فعل خالد.. وصلت لبيت اهلي وكانت الدنيا وش الصبح.. دق عمي الجرس وطل بابا ع الباب وهو مرعوب وبس شافني زاد خوفو ورعبو
بابا.. مريم. ابو خالد خير شو في
عمي.. خلي بنتك تحكيلك ..نحنا ما بنلم هيك وحدة عن اذنك
بابا ضل واقف ومصدوم من حكي عمي ومانو مستوعب ومن غير ما يسمع شي مني صار يغضب علي ويضرب ع وشوو
فتت بيت اهلي وانا ماني حسناني وقف ع رجلي ومرت ابي تطلع فيني وبدا تاكلني بسنانا
بابا.. قعدي يا غضيبة هاتي فهميني شو صار احكييي
كل الحكي وقف بحلقي واختنقت من البكي وما قدرت جاوب
بابا... لك احكيييي قبل ما جيب السكينة واذبحك احكييي
مرت ابي.. لك احكي خلصي احكي
مريم.. أنا أنا أنا والله مظلومة يا بابا والله
بابا.. لك شو صار احكي بالتفصيل
مريم.. هاد احمد سلفي يا بابا تهجم علي وبس رفضتو صار يضرب فيي وصحا كل اهل البيت واتهمني باني انا يلي تعرضتلوو
بابا صار يضرب ع وشوو ويبكي.. لك الله ياخدك الله ياخدك سودتي وشي الله يريحني منك.. لك وين روح بوشي قدام الناس وييين
مرت ابي.. هدي حالك حسبيا الله عليكي بس
مريم.. والله مالي ذنب والله
مرت ابي..مالك ذنب؟لك نفرض انو حكيك صح وهو تهجم عليكي.. لك لو ما شاف وش منك ما بسترجي يقرب عليكي
مريم.. لك حرام عليكم حرام
الكل كان واقف ضدي حتى بابا..ما كان ضايل عندي امل غير خالد بانو يصدق كلامي فتت ع غرفتي واتصلت مباشرة بخالد
خالد.. مريم!!!شو في ليه متصلة بهالوقت شو صاير عندكن
مريم.. خالد اخوك احمد..
خالد.. لك شبو احمد شو صايرلو؟ شبووو
مريم.. احمد ضربني وابوك طرني من البيت وانا هلأ ببيت اهلي
خالد.. لك مريم شو عم تحكي انت.. لك ما عم استوعب شي ..لك ليه ضربك احمد وليه بابا طرك من البيت
مريم.. ما بعرف شو بدي احكيلك بس بس
خالد.. بس شوووو ..شو الي صار
مريم.. خالد حبيبي انت بتعرف قديش انا بحبك ومستحيل خونك
خالد.. لك شو عم تحكي انت.. لا تجننيني مريم
مريم.. خالد احمد اتهمني باني بدي خونك معو
خالد.. لك شووووووووو ..شو عم تحكي.. وكيف هيك صار
مريم..احمد كان بدو يعتدي علي وانا رفضت..جن وصار يضرب فيني.. وبس صحيو اهلك عليه اتهمني
خالد.. لك والله الا اشرب من دمو هالحيوان النسونجي
سكرت الخط مع خالد وانا عرفانة بانو عملت مصيبة كبيرة بس ما كنت مقدرة حجم هالمصيبة.. ومن الصبح بابا اجى وحاكاني حكي بسم البدن
بابا.. الحمد لله انو امك ماتت قبل هاليوم.. لك انت سودتي وشي وكسرتي ضهري طول عمري
مريم.. بابا حرام عليك لا تحكي هيك انا ما غلطت والله
بابا.. لك الله ياخدك ويريحني منك
وطلع وطرق الباب علي بكل قوتو.. كانت مرتو كل شوي تيجي تسمعني كلمتين واتف علي وتطلع
مشى اليوم بصعووووووبة لوقت المغرب من لما فات علي بابا ع غرفتي وهو حامل عصاه وعم يضرب في ويصرخ.. لك يا حيوانة يا فلتانة لك هيك مبسوطة انت مبسوطة يدبحوو بعض يا فلتااااانة.. وانا صرخ وابكي وماني عرفانة شو القصة ومرت ابي واقفة ع الباب وعم تدعي علي وتلطم ع وشا
ببيت خالد
وصل خالد من شغلو وقت الضهر.. وينوو هالحقير وينووو والله الا اشرب من دمووو لك وينووو
حماتي.. خالد يامووو اهدى ياموو برضاي عليك اهدى
خالد.. لك امييي كيف بدي اهدى وهالحيوان مد ايدو ع مرتي وكان بدو يعتدي عليها
اجى حماي ع الصوت..خالد اهدى ورووق هاي مرتك وحدة فلتانة اخوك مالو ذنب
خالد.. باباااا ما بسمح لحدا يحكي هيك عن مرتي
حماي.. لك يا خروووء اخرسس ..لك هاي وحدة ما بتستحي..لك شو كانت عم تعمل مع اخوك بنص الليل هااا
مع فوتتة احمد ع البيت
احمد.. اهلين اخي اهلا وسهلا
اول ما شافو خالد هجم عليه متل التور الهايج وضربو ع وشو نزل الدم من انفوو
خالد.. لك يا حيواان لك بتتهم مرتي وبتمد ايدك عليها
صار الكل يصرخ ويبعدو عن احمد
احمد... هههههههه لك روووووح ربي مرتك رووووح جايي تضربني
هجم خالد ع المطبخ واخد سكينة وهجم بدو يضرب احمد فيها بس الضربة اجت بعمي وهو عم يحاول يبعدن عن بعض
هجمو كلن ع عمي وهني مصدومين واتصلو ع الاسعاف مباشرة ..وصل عمي للمشفى بس للاسف الضربة كانت ع رقبتو لعمي وما لحقو وماات
وصل الخبر لابي متل الصاعقة واحمد وخالد من لما خبروهن بالوفاة هجمو ع بعض واتضاربو بنص المشفى والامن فصل بيناتن
انا من لما عرفت انهرت وما قدرت اتحمل حسيت حالي السبب بموتة عمي ..فتت بحالة اكتئاب وما حدن كان راحمني والكل يسبني ويبهدلني ع الطالعة والنازلة
بعد بشهر من الحادثة وبعد سكوووت تام عن الموضوع اتصل فيني خالد ..ما كنت مصدقة عيوني من لما شفت اتصالو
مريم.. خالد.. كيفك
خالد.. كيفني؟ لك كيف بدي كون..مات ابي وما بتعزيني لك حتى اتصال ما اتصلتي
مريم.. والله ما كان الي عين اتصل فيك ..انت بتعرف انو هالمشكلة صارت بسببي .
والله عمي ما بروح من بالي ابدا.. والله عم موت من وجعي عليه
خالد.. طيب لايمت رح تضلي ببيت اهلك.. خلص بكفي ارجعي
مريم.. يا ريت بس بابا من يوما حابسني بالبيت وممنوعة اطلع منو
خالد.. اي انا اليوم رح اجي واحكي معو
اجى خالد يوما لعنا
خالد.. عمي بدي رجعا لمريم لبيتا بكفي هيك
بابا.. والله يا خالد مالي عين اطلع فيك يا ابني
خالد.. لا تحكي هيك عمي انا بعرف مرتي منيح هي ما بتخوني وموت بابا كان مكتوبلوو
كلمات خالد ووثوقو فيني كان متل الخنجر عم يدبحني فيه دبح ..انا خنتو ..خنتو من لما سمحت لقلبي يدق لغيرو ..من لما سمحت لادني تسمع حكي غزل غير منو ..خنتو من لما سمحت لايد تلمسني غير ايدو ..ما كنت عرفانة كيف بدي اكفر عن ذنوبي مع خالد
رجعت يوما ع بيتي ..وبالسهرة
خالد.. مريم البسي رح نروح لبيت اهلي نسلم عليهن
ارتعبت وجسمي صار يرجف
مريم.. بلاها خالد بترجاك بلاها
خالد.. لا تخافي انا معك ما رح اسمح لحدن يلمسك
فتت ع بيتن وكان خالد عاطيهن خبر بانو رح اجي عندن ..طبعا ما حدن كان بدو اياني حتى حلا الصغيرة ما استوعبت باني فوت عليهن بعد يلي صار
حلا.. لك شو عم تعمل هاي هوون ..لك هاي قاتلة قاااااتلة خليها تطلع من هوون
قرب خالد عليها وضربا كف..روحي من هون ولي رووووحي
حلا.. الله يسطفل فيكن ويحرق قلبك وقلبا يا خالد
حماتي.. مبسوطة هيك انت مبسوطة
موتي حماكي وقلبتي ابني علي وع اخوتو
احمد.. خرووووء وحمااار مانو عرفاان حقيقة مرتو الوسخة
عمر.. الله ياخدكن تنيناتكن ..الله لا يسامحكن
خالد.. لك حااج حاااج اخرسوو
انا ما تحملت كل الضغط والخوف ووقعت بارضي واغمي علي وما صحيت ع حالي غير ع سريرنا وخالد حدي وعم يصحي في.. حضنتو لخالد وصرت ابكي من كل قلبي كنت عرفانة انن معن حق بكل كلمة حكوها انا السبب بكل شي صار ..انا بستاهل كل كلمة حكوها وبستاهل اكتر..
مشت الايام والاشهر وخالد صار اغلب شغلو حدي وما يتركني ولا يبعد متل قبل وعلاقتي مع بيت حماي كانت عم تتحسن شوي وبلشو يتناسو مع انو كنت شوف بعيونن الكره والحقد.. وبعد 6شهور طلعت حامل وما وسعتني الدنيي من فرحتي انا وخالد ومشى حملي بخير وجبت صبي متل القمر وسميناه يوسف ع قد ما كان حلوو
كان هالصبي احلا شي بحياتي ..عوضني عن كل حزن وحرمان مر علي بحياتي ..كان هو دنيتي كلا وملا علي حياتي كلا .. كنت خاف علي من نسمة الهوا وداري بعيوني ..بس احمد ما تركني بحالي وكان باستمرار يتقصد يفوت علي المطبخ وانا ببيت اهلو لحالي لحتى يخوفني
كان بالنسبة الي متل الجحيم يلي فتت فيه برجليي وما عاد عرفت اطلع منو ..
مشت الايام وابني كبر وسلفي تزوج ..تزوج وما تركني بحالي صار يحرض مرتو علي وفهما باني لهلأ عم لاحقو وراسلو ..
كانت ايام صعبة كتير ..حياتي كانت كلا ضغط اعصاب وخالد رجع لسفرياتو وشغلو وكان يتركني بالايام انا ويوسف وبلشت اعصابي تتعب من سفرياتو ومن الضغط من يلي عم يعملو احمد وبيوم كانت اعصابي كتير تعبانة وكنت عم اطبخ ويوسف عم يلعب حدي ويصرخ
مريم.. يوسف اهدا خلص
يوسف.. مااااا بدي.. بدي العب اناا
مريم.. لك عم احكيلك خلص
يوسف. مااا بدي
ما بعرف كيف فرطت اعصابي ورميت السكين عليه واجت براسو.. وقفت مصدومة من المنظر صار الدم بكل مكان ع الارض وع الحيطان وع كل شي بالمطبخ صرت صرخ باعلى صوتي ...لك خاااااااااالد ابنك رااااح ..لك الحقوووووووني وفتحت الباب وصرت صرخ..احماااااد منشان الله الحقنيييي.. لك يوووووووسف راااااح.. مرت عميييي حلااااااا ..لك يااا عمرررررر منشااان الله الحقوووني
كنت عم صرخ بصورة هستيرية ..هجمو كلن ع صوتي وانا وقعت بارضي ع الباب ..فاتو ع البيت واخر شي سمعتو صوتن وهني عم يدعو علي ويصرخوو.. ما فقت غير وانا بالمشفى..كان بابا حدي ..
كنت عم احلم صح بابا.. وينو يوسف وينوو
بابا.. اهدي يا بنتي اهدي..لا حول ولا قوة الا بالله
صرت ابكي وصرخ ..بابا.. يوسف مات مااات يوسف يا بابا انحرق قلبي يا بابا.. راح ضو عيوني يا بابا..انا قتلتو بئيدي يا بابا ..بدي مووووووووت لك انا لازم مووووت ما بدي عيش لك انا قاتلة قاااااتلة
اجا الدكتور واعطاني ابرة مهدئ ..ضليت ع هالحال اسبوع وانا بس ع المهدئات عايشة .
وبعد وفاة يوسف باسبوعين اجا خالد لعندي
خالد.. بس فهميني ليه هيك عملتي.. لك في ام بتقتل ابنا
مريم.. اعصابي كانت تعبانة كتير ..تانيب الضمير كان قاتلني..
خالد.. من شووو
مريم.. خالد انا ما بستاهلك ولا بستاهل حبك الي ..انا ما بستاهلو ليوسف ..انا بستاهل الموت.. انا واحمد كنا نسهر بالليالي سوا.. كنت احكيلك لحتى ريح ضميري بس ما كنت احكيلك عن الغزل وكلام الحب يلي كان احمد يحكيلي اياها ..انا خنتك يا خالد وربي عاقبني
خالد............
مريم.. عمي مات بسببي وابني مات بسببي.. انا يلي كان لازم موت بس ربنا بدو يعاقبني حتى قبل ما موت ..انا حتى الموت ما بستاهلووو
ضلو ساكت ويسمع لحتى خلصت حكيي
خالد.. مريم انت طالق
وبكل هدووء حمل حالو وطلع وعيونو كلن دمووع ..بعدا ما عرفت شي لا عن خالد ولا عن اهلو
وصابتني حالة جنون وهستيريا ..والدكتور حولني لطبيب نفسي وضليت فترة طويلة وانا عم اتعالج لحتى تحسنت صحتي شوي ..بس مستحيل هالجرح يلي بقلبي ينطفي ما في لا طب ولا اي شي يشفيلي جرحي.. هاي كانت جزاتي ع خيانتي لخالد ... ابني صار طير من طيور الجنة راح لعند ربو لانو انا ما بستاهلو ..ما بستاهل حدا متل يوسف بطهارتو وبراءتوو ..هاي هي قصتي ..انا ضيعت حالي وضيعت ابني وخربت بيتي وحرقت قلبو لزوجي بخيانتي ومشيي ورا شيطاني ..ان شاء الله يكون عقابي بالدنيا كافي وربي يسامحني ويغفرلي