ابو يوسف. بس خلصنا شو هالمسخرة
كل يوم نفس الموضوع
فاتن مابتناسبنا انساها بقى
اوس. ليش مابتناسبنا بدي افهم اعطيني سبب واضح
ام يوسف. ابني اسمع كلمة ابوك الله يرضى عليك
البنت مانها محجبة وغير هيك هي من محافظة تانية ومافي فرق بالعمر بينكن وعاداتهن بتختلف عن عاداتنا ومابناسبونا بعرف انو اهلها مناح وماشفنا منهن شي بس البنت ماحبيتا الله يستر عليها
اوس. امي صرلنا سنة جيران نحنا وياهن بيقضو كل نهارهن عندنا بالبيت وبيسهرو عنا لوش الصبح والبنت كل الوقت قدام عيوني وكان هاد الشي عادي بالنسبة الكن
بس وقت حبيتها وبدي اتزوجها صارو ما مناح ومابناسبونا
ام يوسف. نحنا ماقلنا انهن ما مناح بس
اوس. لك بس شو فهموني
عرين. اخي البنت سبور مانها محجبة وابوك وامك معهن حق مايوافقو نحنا عيلة محافظة كيف بتقبل انو تتزوج بنت مانها محجبة
صحيح نحنا بنعرفهن من زمان واهلها مناح بس هاد الشي مابيعني انو تتزوجها
اوس. شو يعني ، ليكن اخوتي تزوجو كل واحد ع كيفو ومتل ماعم تقولو محجبات بس شوفو كيف نسوانهن مابيستقبلوكن بالبيت ومابيسألو عليكن
عرين. طيب خلي انت خيارك يكون صح واسمع كلمة اهلك
لانك اذا اخدت فاتن رح يجي يوم وتندم
ام يوسف. قلنالو اذا البنت تحجبت ماعنا مشكلة بس هي رفضت
ما عأساس بتحبك وبدها ياك ليش ما وافقت !!
اوس. خلينا نتزوج وبعد مانتزوج بقنعها فيه
لان مارح تقتنع بيوم وليلة
ام يوسف. لو هي قبلت اهلها مابيقبلو
ابو يوسف. خلصنا بقى الموضوع اخد اكتر من وقتو
ما احلاه ابني يتزوج بنت مو محجبة هاد الناقص والله شو بدهن يحكو علينا الناس
اوس. انا بحبها
ابو يوسف. ماحدا قلك تحبها من الاول بتعرف انو هالشي مستحيل ليش لتتعلق فيها ليش ماحبيت بنت متلنا وبتناسبك
اوس. صرلي شهرين اترجاكم وما استفدت منكن شي
انا بحبها للبنت وبعد الزواج رح خليها تلبس الحجاب ليش ماعم تسدئوني
ابو يوسف. ليش انت قدرت تقنعها هلأ لتقنعها بعد الزواج
خلينا نسكر ع هالموضوع وانتبهو تفتحوه مرة تانية خلص فاتن لا يعني لا
حابب تتزوج خلي امك تشوفلك بنت عيلة ومايكونو بيفرقو عنا بشي
عصب اوس تركهن ودخل ع غرفتو
ابو يوسف. مافي حل ينساها الا انو تزوجوه
عرين. مستحيل ينساها وهي قدام عيونو
باب شقتنا مقابلهم بالزبط وقت يطلع ويفوت عم يشوفها
ام يوسف. اكيد هي الي علقتو فيها كيف ما انتبهنا انهن بحبو بعض
عرين. لو كانت بتحبو عنجد كانت وافقت تتحجب
ام يوسف. لك بنتي البنت قوية كتير وملعبة مابدي احكي عليها بس والله مانها متلنا
عرين. لا بقى تدخلوها لعندكن عالبيت
ام يوسف. كيف يعني ، نقلعها !
عرين. لا بس ماعندكن خيار تاني اما بتقطعو علاقتكن معهن او بتزوجوه ياها
واكيد هوا رح يبقى ع تواصل معها ومارح تتركو بحالو
ام يوسف. لو بدو ينساها كان نسي لأنو من فترة قلنالو لا ورجع فتح الموضوع
عرين. ليكي امي بعد كم شهر دوريلو على بنت وزوجبه ياها وبينسى فاتن
فاتن. لا تظلك تهددني بأنك بدك تتزوج وانا كمان بتزوج ماتفكر انو ماظل شباب بالدنيا غيرك
أوس. شو تتزوجي ؟
فاتن. اي بتزوج
أوس. انتي مارح تتزوجي غير مني انا
انتي الي وبس عم تفهمي .. لك انا بحبك لاقيلي حل بدي نتزوح
فاتن. وانا بحبك يا مجنون ولازم تجبر اهلك انو نتزوج
وهني ما الهن علاقة فيني شو بلبس واذا بتحجب او لا
هني الهن اني كون كنة منيحة وبسسس
عم يحسسوني انو انا من دين تاني
أوس. والله مابعرف شو حلها لهالقصة
فاتن. حاول مع اهلك مرة تانية
أوس. لا تانية ولا تالتة هلأ رح سكر عالموضوع لفترة وبنشوف شو بصير
أوس. يلا خلينا ننزل
فاتن. اوك
في غرفة اوس دخلت لعندو اختو عرين
عرين. فينا نحكي شوي
أوس. اي اكيد .. تفضلي
عرين. شو
أوس. انتي شو ؟
عرين. بدي نحكي بموضوع فاتن
انت عنجد بتحبها
أوس. اي شو رأيك لكن
عرين. بس انو غريب يعني لو انو تلبس الحجاب ممكن بس انو هيك سبور طب مابتغار عليها
لك بعيلتنا كلها مافي هيك شي
حتى انت بالمستقبل رح تتعب معها
بس هلأ مارح تفهم عليي لأنو معمي ع قلبك من الحب
أوس. لا تفكري اني كتير مرتاح وانو هي بس مشكلة اهلي
انا كمان عم بعاني من نفس المشكلة وكنت رح اجبرها انو تلبس الحجاب من تاني يوم العرس بس ابي رافض تماما
عرين. لأنو الحق عليك بقلك المتل الي متلنا تعو لعنا
لك فاتن قوية كتير ومانك قدها
يا اخي هي طمعانة فيك مو اكتر شب حلو وضعو فوق الريح وعندو بيت وسيارة وعندو محلات واراضي شو بدها اكتر من هيك
وخلتك تحبها وتتعلق فيها
حط عقلك براسك وانساها
أوس. والله حاولت مشكلتي اني بحبها وبعرفها منيح هي ماهمها المصاري هي بتحبني وانا ماعم بقدر ابعد عنها او اتخيلها لشخص تاني غيري
ولو اظل طول العمر بلا زواج ماباخد غيرها
عرين. اها
ولو تظلك طول العمر تقنع بأبي مارح يوافق لك ماحدا مننا بدو ياها الكل واقفين ضدك ورغم هيك لساتك مصر عليها
أوس. اذا ما وافقو بتزوجها بدون موافقتهن
عرين. لك شو صايرلك انت كل هالقد معمي ع قلبك
أوس. خلص عرين حلي عني واتركيني بدي نام
عرين. طيب تصبح ع خير
أوس. وانتي بخير
شو هاد يااا كلهن نفس التفكير ماحدا بهمو امري
بعد مرور اسبوع التقو أوس وفاتن قدام باب البيت
فاتن. كيفك
أوس. ماشي الحال
فاتن. شبك ليش قالب خلقتك
أوس. فاتن مو طايق حالي
فاتن. ليش شو صاير معك
أوس. رجعت حكيت مع اهلي وما وافقو ، ليكي من الاخر اذا بدك ياني وبتحبيني بتتحجبي ماعندي حل تاني غير هيك
فاتن. وانا مارح اتحجب بس مشان ارضي اهلك
أوس. طيب متل مابدك خليكي عنيدة وراسك يابس
تركها ومشي
فاتن. أوس لك أوس وين رحت طب خلينا نتفاهم
اف يااا الله ياخد اهلك شو متخلفين
وانا مارح اتحجب ومتأكدة انك بتحبني ورح تعمل ايا شي لنتزوج
بعد مرور 3 شهور من الانتظار بس بلا امل رجع حكا أوس مع اخوتو الكبار ليقنعو ابوه بس هني كمان ما وافقو وقفو ضدو
بعد مرور شهر ...
راحت ام يوسف ع مركز لتحفيظ القرءان وهنيك تعرفت ع وحدا متزوجة عمرا ب ال 25 وحبتها كتير
وتعرفت عليها
ام يوسف. والله ياخالة حبيتك من كل قلبي
ان شاء الله ربي بيرزقك الذرية الصالحة بأقرب وقت
نجوى. تسلمي خالتي والله القلوب عند بعضها ويشهد الله اني انا كمان حبيتك
ام يوسف. الله يسعدك ، بدي اسألك انتي عندك اخوات بنات
نجوى. اي عندي تنتين
ام يوسف. متزوجين او لا ؟
نجوى. الي اكبر مني متزوجة وفي الصغيرة لساتها مو متزوجة
ام يوسف. ايوااا كم عمرها الصغيرة
نجوى. 19 سنة
ام يوسف. ماشاء الله
بصراحة انا عم بدور على عروس لأبني عمرو 27 سنة اصغر واحد بأولادي وحابة افرح فيه وزوجو
ومن وقت تعرفت عليكي حبيتك وعجبتني اخلاقك وادبك وتربايتك وقلت ياريت عندها خوات ونصير قرايب وسبحان الله ربي استجاب دعائي
نجوى. تسلمي والله خجلتيني بحكيك الحلو ونحنا بنتشرف فيكي
ام يوسف. الله يسلمك وبيقبلو اهلك يزوجوها
نجوى. والله مابعرف يعني الكلمة لأبي ومابعرف اذا بيقبل او لا
ام يوسف. طب اعطيني رقم موبايلك وانتي اسألي اهلك واذا وافقو بنروح بنزورهن وبشوفو الشب وبيتعرفو علينا
نحوى. اي بصير ، سجلي عندك
بعد مرور كم يوم اتصلت نجوى بأم يوسف وقالتلها بتشرفونا بأيا وقت واعطتها عنوان بيت اهلها
ام مراد. متل ماعم قلك اخرتو ابوكي غير يجبلي الجلطة ، اسمعي مني بس يجي الشب شوفيه وبيتي استخارة واذا ابن حلال ليش لا
نجوى. وبعدين بتخلصي من عقل ابي الصعب يعني عاجبك الوضع الي انتي فيه لا طلعة ولا فوتة عايشة حياتك بهالغرفة ولا تهكلي هم امي هي انا بيتي قريب منها وبظل طل عليها
ماسة. لك انا ماعندي مشكلة بس هيك صعب علي اترك ماما
ام مراد. اذا مشاني لا تخافي كل يوم والثاني رح خليه يجيبك تزوريني
ماسة. ان شاء الله خير
في بيت ابو يوسف
كانو مجتمعين اخوتو لأوس كلهن ببيت اهلو
عرين. بما اننا مجتمعين خليني خبركم شي
يوسف. شو هوا
عرين. امي تعرفت ع بنت بالمركز وحبتا وسألتا اذا عندا خوات وطلع عندا اخت بسن الزواج
يوسف. اي !!
عرين. اي وامي حكت مع اهلا للبنت وبدنا نروح نشوفها ل أوس
أوس. لك خدو كل شي مني مابدي مصاريكم وخلوني اتزوجها
يوسف. شوف البنت الي قالت عنها امك
أوس. ليش مابتشوفها انت وبتتزوجها وبتجدد شبابك
يوسف. ابي تفاهم معو
ابو يوسف. أوس انا كم مرة قلتلك فاتن ماااا بتجيب سيرتها بهالبيت
أوس. وانا كم مرة قلتلو لأبنك لا يتدخل فيني انا ماني صغير مفكر اذا هوا الكبير وعمرو صار 40 سنة بحقلو يتحكم بحياتنا لسا كل ما واحد مننا صار عندو مشكلة بيجي وبيعمل حالو كبير العيلة
خليه يحل مشاكلو مع مرتو بالأول بعدين يجي يتمرجل عليي
يوسف. العمى بقلبك الحق علي لأني بدي مصلحتك
أوس. يا سيدي كتر خيرك فيك تريح حالك
ابو يوسف. أوس بتجهز حالك لنروح ونشوف البنت
أوس. ليش ماعم تفهمو عليي انا فتحتلكم موضوع الزواج شي
اصلا انا سكرت عالموضوع وماقلتلكم لا بدي فاتن ولا غيرها
معاذ. انت شو مشكلتك بالزبط ماعم بفهم نحنا مابدنا ياها للبنت
كيف زبطت معك تتزوج بنت مانا محجبة
أوس. وانت كمان اخي ريحلي لحالك ليكون انت الي بدك تتزوجها
معاذ. لا مو انا الي رح اتزوجها بس انت بدك تدخلها ع عيلتنا وتصير مننا
ابو يوسف. هي قدام الكل ام يوسف بكرا بتاخدي موعد من الجماعة وانت يا اوس انا مارح عيد كلامي بدك تروح وتشوف البنت
طلع أوس من البيت وسكر الباب بقوة ولقا فاتن قدام باب بيتهم
ابو يوسف. وينك لهلأ
أوس. عند فؤاد
ابو يوسف. ليش هيك عملت
أوس. ماعملت شي
ام يوسف. كيف ماعملت شي ظليت ساعة اعتذر من اهل البنت وحطيت ميت حجة لتأجيل الموعد
أوس. له له ليش اجلتوه
ام يوسف. كيف بدنا نروح بدونك
أوس. شو هالحكي هاد لك امي خلص بما انو يوسف هوا رايح انا وجودي مالو لزوم
ام يوسف. عم تتمسخر
أوس. لا بس هوا بيعرف مصلحتي اكتر مني
ابو يوسف. فصول ناقصة مابقى بدي بكرا بتجهز حالك لنروح ولا تعملي مشاكل من هلأ عم خبرك مشان اذا عليك مشوار تخلصو بالنهار مو تذكر المسا
أوس. اي توكل ع الله
ام يوسف. يعني ناخد موعد بكرا
أوس. اي امي خدي موعد لنشوف اخرتها
تاني يوم المسا
ام يوسف. لك يلا روح البس تيابك تأخرنا
أوس. لسا ماغيرتو رأيكم
ام يوسف. لا ليش لنغيرو هلأ بتشوف البنت وبتشوف اهلا ومابتعرف يمكن تحبهن ويصير نصيب
بعد نص ساعة وصلو ع بيت ابو مراد
قعدو شوي وطلعت ماسة تضيفهن القهوة
وكانت لابسة احلى ماعندها مع مكياج خفيف
كانت كتير متلبكة وبس صارت عند أوس ايديها صارو يرجفو وهوا لاحظ هالشي اتطلع فيها وقاللها يسلمو ايديكي
قعدت ماسة جنب امها وماشالت عيونها عن الارض وكانت شابكة ايديها ببعض ومبين عليها انها متوترة ودقات قلبها كانت مسموعة
ام يوسف بس شافتها لماسة طار عقلها فيها وحبتها كتير ودخلت لقلبها
ام يوسف. حبيبتي ليش هيك خجلانة اتطلعي فيه وشوفيه منيح عادي مافيها شي
صارو اهلهن يتفقو وكل واحد عندو شي حكاه
ابو مراد بس عرف انو معهن مصاري كتير وعندهن املاك وافق بدون مايسأل عنهن وقاللهن بنردلكن خبر بس لنسأل البنت
ام يوسف كتير حبت عيلة ابو مراد وارتاحتلهن وكانت خايفة انو ماسة ماتوافق
بس رجعو ع بيتهم
ام يوسف. أوس من وقت ما طلعت من عندهم ماحكيت شي ولا عطيتنا رأيك
أوس. امي انتي كفيتي ووفيتي طول الطريق وانتي تمدحي فيهن وعلى شو مابعرف
ام يوسف. ليش شبهن والله ناس بسيطين وبخافو الله وبينحبو شو بدنا احسن من هيك
أوس. هلأ هدول هنن الناس الي بناسبوكن والي صرعتو راسي وانتو تقولو بدنا ناس يناسبونا وعيلة محترمة ومابعرف شو اصلا انا رحت معكم لشوف مين هالعيلة الي بتناسبنا ومن مستوانا
ام يوسف. نحنا قصدنا يناسبونا يعني عاداتهن متلنا ومابيفرقو عنا بشي
بعدين ماشفت البنت اديش حلوة ونعومة والله بتسوى فاتن واهلا لفاتن
لك ما تجرأت تتطلع فيك لو ما انا قلتلها
مو متل فاتن بتستناك عالباب
أوس. اي الله يستر عليها
ام يوسف. يعني عجبتك او لا
أوس. لا صغيرة بالعمر
ام يوسف. لكن بدك ياها متل فاتن بتختير قبلك
أوس. ااااوف يااا لا تظلك كل شغلة تحطي فاتن بالنص
البنت ماعجبتني وخلص
ام يوسف. لك ليش والله حلوة ومتل القمر ومارح تلاقي احلى منها
قلي انت عجبتك او لا ؟
أوس. حلوة حلوة بس مابدي بهاد العمر صغيرة كتير
ام يوسف. انا بعرف انت عم تعجزني على هي قصيرة وهي طويلة وهي صغيرة
أوس. ليش نحنا شفنا غير هي البنت
شوفو غيرها والا ماتزبط شي وحدة
بعدين ماشفتي ابوها بس عرف انو عنا املاك كيف تغيرت طريقة كلامو معنا من السما للأرض
واعطى موافقتو بدون مايسأل البنت
ام يوسف. ليك أوس لا تجنني البنت منيحة واهلها مناح ورح يسألوها ونحنى رح نستنى موافقتهم
أوس. مو انتو بهمكن حكي الناس بقى شو رح يقولو عنكن بس يعرفو انكن اخدين لأبنكم بنت فقيرة وبالأخص اذا كان ابوها متزوج ع امها و وافق طمعا بالمصاري
ام يوسف. ومن ايمتا نحنى بنشوف حالنا عالناس بمصارينا
الفقر مو عيب
العيب انك تحكي هالحكي لا هوا اول واحد ولا اخر واحد بيتزوج ع مرتو
أوس. مشان تعرفي انو كل الناس بتطمع فينا بسبب مصارينا ماشفتي بس عرف انو معنا مصاري كل دقيقة يقول اهلا وسهلا .. شرفتونا .. والبنت بنتكم ومن هالحكي
ام يوسف. اي وهاد الشي زاعجك
أوس. انا مابدي ياها
ام يوسف. هلأ بنسأل ابوك واخوك يوسف وبنشوف شو رأيهم
أوس. لك يوسف شو دخلو فهميني شو بدك برأيو
مابدي اتخانق معو هلأ والله مالي خلق
في بيت ابو مراد
ام مراد. ماسة شو رأيك بالشب
ماسة. منيح
ام مراد. يعني عجبك وموافقة عليه
ماسة. والله مابعرف الي بتشوفوه انتو مناسب اعملوه
ابو مراد. اكيد موافقة ليش رح يصحلها احسن منو معهم مصاري كتير بتعيش اميرة عندهم
ورح ناخد منهم مهر عالي
ام مراد. انت كل همك المصاري
ابو مراد. شو يا ماسة موافقة
ماسة. اي موافقة
ابو مراد. خير ان شاء الله لكن بكرا رح خبر عمك ونشوف رأيو
تركتهم ماسة ودخلت ع غرفتها وهي تفكر
لحقتها امها
ام مراد. ماسة حبيبتي لا تسمعي كلامي ابوكي وماتفكري بالمصاري انتي فكري منيح اذا ماعجبوكي بلاهن لك بنتي
في بيت ابو مراد كانت ماسة بغرفتها قاعدة ع التخت وعم تذكر قبل 10 سنين لما فادي حاول يتحرش فيها مرة ومرتين وقدرت تهرب منو
وقت الي يكون موجود ماتطلع من غرفتها ابدا رغم انو كان يسأل عنها ويحاول ياخدها عالدكان بحجة انو يشتريلها بس ماتقبل
ابو فراس. خلص لك ابني الف بنت بتتمناك
وانت يا ابو مراد فيك تروح هلأ واذا تراجعت عن هي الخطبة بيتي مفتوح الك بس اذا ماتراجعت لا انت اخي ولا بعرفك ولا بدي شوف وجهك ابدا ، يلا اطلع من بيتي
تاني يوم في بيت ابو يوسف
عرين. امي عزمت كل الي قلتيلي عنهن بس في كتير ناس ماعزمناهن ليش ؟
ام يوسف. لأنو الخطبة عائلية يعني بس قرايبنا والجيران والباقيين بنعزمهم بالعرس
عرين. قلتو لأهل العروس انو الخطبة عائلية
ام يوسف. اي هني كمان هيك حابين
عرين. اي تمام ، بدنا نعزم فاتن واهلا لما لا ؟
ابو يوسف. اكيد لا
ام يوسف. لا ماحلوة خلينا نعزمهم شو رح يحكو علينا
فؤاد. شو صار
أوس. ماصار شي ، عرفت انو بدي اخطب
وصارت تبكي
رح حاول احكي مع ابي لأخر مرة
فؤاد. اها ، طيب بدك نصيحتي
أوس. شو
فؤاد. لا تحكي مع ابوك وابعد عن هالبنت لأنو عنجد مو مناسبة الك
مابعرف ليش بحسها عم تضحك عليك وما بتحبك
حتى لو انت بتحبها حاول تنساها وتحب خطيبتك لأن لو اخدت فاتن سدئني مارح ترتاح معها
أوس. مابعرف شو بدي اعمل ، او كيف بدي انساها ليش الحكي عندكن سهل كتير ، مستحيل حب غيرها ، اصلا من وين طلعتلي قصة هالخطبة هلأ مابعرف
فؤاد. حتى لو بدها تلبسو لازم تلبسو عن قناعة كرمال ربها مو كرمالك لأنو هاد اسمو نفاق
أوس. وهي ماعم تقبل
فؤاد. لأنو من الاساس الحق عليك
طالما انك من عائلة متدينة يفترض انك متدين اذا كنت بترضى زوجتك تكون مكشوفة فهالشي بيرجعلك و انت بتقرر الا اذا كنت ما فارقة معك محجبة او لأ حتى لو كانت أخلاقها حلوة و مهذبة بس هاد الشي ما بيكفي, لازم حجاب و بنفس الوقت حجاب لوحده ما بيكفي الحجاب بدو التزام بالصلاة وبشرع الله هالإنسانة رح تكون زوجتك و أم أولادك بتقبل أم أولادك تكون غير ملتزمة
وسدئني لو هيا بتحبك مو بس بتتحجب بتحارب الدنيا كلها كرمالك
أوس. تعبت والله تعبت ع قد مافكرت بالقصة
فؤاد. لساتو عم بفكر يبدو انو الحكي معك بلا فائدة ، قوم خلينا نتعشى متت من الجوع وانت عم تتبكبك متل النسوان بنقلك ابعد عنها ماعم بترد
يتبع...
الجزء الثالث
#مشاعر_مبعثرة_الكاتبة_روان_الشبلاق
الجزء الثالث
تاني يوم عرين وأوس جهزو حالهن وراحو ع بيت ابو مراد لياخدو ماسة وابوها مشان يكتبو الكتاب
بس وصلو طلعت ماسة وابوها سلمت ع عرين وباستها وسلمت ع أوس بدون ماتطلع فيه
عرين. الف مبروك الكن التنين
أوس.......
ماسة. الله يبارك فيكي
عرين. طيب هلأ بدنا نروح نختار فستان الخطبة
ابو مراد. لكن انا خليني روح ع البيت وانتو روحو
أوس وصل ابو مراد ع البيت وعرين قالت لماسة تطلع جنب أوس
طول الطريق وعرين تحاول تخليهن يحكو مع بعض بس ماقدرت ماسة كانت خجلانة وأوس لساتو بفكر بحكي فؤاد
نزلو من السيارة ودخلو ماسة وعرين ع المحل وأوس بيستناهن عند السيارة
أوس. الحق عليي انا تسرعت ماكان لازم نكتب الكتاب
انا ماعم حس تجاها بشي ولا ممكن اتخيل انو تكون مرتي
اووف منك يا فاتن مسيطرة ع كل شي فيني بحبك ومابقدر احصل عليكي
معقول خلص انتهى كل شي
حتى لو ما اخدت فاتن ماكان بدي اتزوج هلأ ليش كل شي صار بسرعة ، ماسة حلوة وصغيرة بس مو هيا البنت الي بدي ياها ع الاقل كنت لازم استنى حتى طالع فاتن من قلبي
انا مابفهم كان لازم فكر بقلبي واتزوجها والي بدو يصير يصير
بس كنت رح اغضب ابي وامي
اف يااا والله ماعم بقدر سدء انو انتهى كل شي وانو رح اتزوج هي البنت ومابعرف عنهااا ولا شي
ماسة. ليش مع انو عرين بتاخد العقل مافي منها طيوبة وحبابة
أوس. مابعرف بس انو من اول مادخلو حياتنا كتير كان يصير مشاكل بينهن وبين امي
بس باين انو انتي الكل حبوكي ( الا انا ماقادر حبك )
ماسة. فرحتني بحكيك
أوس. فرحتي انو في مشاكل بينهن
ماسة. لك لاااا قصدي انهن حبوني لأن والله انا كمان حبيتهن
أوس. ههههه عم بمزح معك
وصلو عالحديقة وقعدو كلهن مع بعض واشترو بوظة
عرين. الجو بجنن
ماسة. قومي نروح نشوف الالعاب الي هنيك
عرين. اي يلا
راحو ماسة وعرين يتفرجو ع الألعاب وبقي أوس وفؤاد مع بعض
فؤاد كان يحكي مع أوس وماكان يرد عليه لأنو كان عم بفكر
أوس في نفسه ليش مابحاول حبها وانسى فاتن
لان مستحيل نكون لبعض وماسة رح تصير مرتي وهي بنت حلوة وطيبة وماناقصها شي
خلص احسن شي انسى فاتن
بس كيف رح انساها وهي رح تكون مقابيلي طول الوقت
مارح اقدر حب ماسة طول ما فاتن بقلبي يمكن مو ضروري حبها هلأ يمكن الحب يجي بعد الزواج
طيب وفاتن شو رح يصير فيها هيك يا أوس بهالسولة بدك تتركها وتنساها
اووف ليش بقدر انساها ماهيي كل حياتي
طيب حاول حاول تحب ماسة لان بالنهاية فاتن مو الك مووو الك
أوس. رح حاول
فؤاد. شو قلت
أوس. لا ولشي ، يلا قوم خلينا نروح لعندهن
فؤاد. اي امشي
أوس قطف وردة من الحديقة واعطاها لماسة
أوس. هي الوردة لأحلى وردة
ماسة. هي الي ، يا الله شو حلوة يسلمو ايديك عنجد كتير حلوة
أوس. كل هاد مشان وردة ، تعي خلينا نقعد
مسك ايدها ومشي عرين كانت عم تتفرج عليهم وفرحت من تصرف أوس
أوس. عحبك المشوار
ماسة. اي كتير ، وانت ؟
أوس. اي اكيد بكفي وجودك معي
حس أوس انو في صوت جواتو عم بقلو حاج تمثل وتكذب ع حالك بس رغم هيك كان يجبر حالو انو يحكي مع ماسة وانو بيقدر يحبها ويتقبلها وينسى فاتن
ماسة. ههههه غمازاتي
أوس. هههه اي بجننو ، وانتي شو الي عجبك فيني حتى وافقتي عليي
ماسة. كل شي فيك حلو واحلى شي شعرك ، وبحب نظرة عيونك لما بتكون حادة
أوس. يعني اذا اتطلعت فيكي شو بصير
ماسة. مابعرف
اتطلع بعيونها ابتسم وقاللها هيك قصدك
شدت ع ايدو صار قلبها يدق بقوة وصارت تتهرب من نظراتو
أوس. بس ليش بحس ايديكي دائما بيرجفو ؟
ماسة. مابعرف هيك بصير كل ما امسك ايدك بتلبك وبصيرو ايدي يرجفو
أوس. بتحبي الشعر ؟
ماسة. اي كتير وانت ؟
أوس. لو تعلمين كم أحّبك وكم أغار عليكِ أغار عليك من أحلامي من لهفتي واشتياقي ومن خفقات قلبي أغار عليكِ من لحظة صمتٍ بيننا قد تبعدك بأفكارك عنّي أغار عليك من لفتة نداء قد تبعد عينيك عن عيوني أغار عليك من كل كلمة تقولينها إذا لم أكن أنا حروفها وأبجديتها أغار عليكي من أصابع النّاس إذا التقت بأصابعك في سلام عابر أغار عليكي من فكرة تخطر ببالك من حلم لا أكون أنا فيه أغار عليكِ لأنّي أحبّك
فؤاد. مو بهالسولة بيقدر ينساها
عرين. هوا ماكان بدو ماسة بس شوف كيف ماسك ايدها وماسكتو ولا دقيقة
فؤاد. هاد مابيعني انو صار يحبها
يمكن عم يحاول يقتنع بالشي الي انفرض عليه
عرين. يعني شو
فؤاد. مابعرف بس ان شاء الله يحبها لأن هوا مفكر انو فاتن بتحبو وهي همها مصلحتها
عرين. اي وانا متأكدة من هالشي
رجعت ماسة واهلها ع بيتهم
وأوس دخل ع غرفتو وقفل الباب
فتح الواتس وشاف فاتن متصلة كان رح يحكي معها بس ماقدر ظل يكتب ويمسح لحتى طفى الموبايل وبعدو عنو
بس التفكير ظل ملاحقو
أوس. مع مين متصلة وليش ماعم تسأل عني ولا عم بشوفها معقول هي كمان بدها تكمل حياتها وتنساني بس مابدي ياها تكون زعلانة مني رح احكي معها وقوللها انو الي صار مو بأيدي ع الاقل هيك يمكن تبقى صورتي متل ماهيي بنظرها لان مابدي تكرهني
احكي او لا .. رح احكي .. مارح احكي خلص مارح احكي هي اول يوم مرق واكيد باقي الايام رح تمرق بسهولة اكتر بدون مافكر فيها
في بيت ابو مراد
ماسة. يا الله اديش حلوة هاد اليوم يا نجوى ، مابتسدئي اديش حبيتو مامعقول كيف انزرع حبو بقلبي فجأة وبيوم واحد
نجوى. الله بهنيكي ياقلبي واكيد أوس حبك متل ما انتي
تاني يوم لبس أوس تيابو وطلع من البيت وقف دقيقة قدام باب البيت كان حابب انو بشوف فاتن لانو اشتاقلها وبنفس الوقت مابدو يلتقي فيها
راح لعند ماسة وماخبرها انو جايي
دخلو ابوها ع الصالون وشافتو
كانت لابسة بجامة زهر وفاردة شعرها وكتير طالعة ناعمة وحلوة
ماسة. أوس
أوس. ههههه اي أوس لكن مين
ماسة. هههه فاجئتني
أوس. ليكون مابدك ياني اجي
ماسة. لا بالعكس اهلا وسهلا فيك
سلم عليها وباسها وقال لأبوها انو بدو ياخدها ويطلعو مشوار
ماسة. وانا ماكنت بعرف عاملي ياها مفاجئة وشافني بالبجامة كان شكلي مو حلو ابدا
نجوى. بالعكس ياروحي حلوة كيف ماكنتي
طلعت جنب أوس بالسيارة
أوس. ميدنة الملاهي قريبة منكن ماهيك
ماسة. لا مو كتير ، رايحين لهنيك
أوس. اي ، هلأ بتكون حلوة بهاد الوقت
بس وصلو كان عجقة كتير وماعرف وين بدو يصف السيارة
أوس. ماتوقعت لهالدرجة يكون في عالم
ماسة. اي لأن كل الناس بيجو بهاد الوقت
أوس. تعي نقعد بالكفتيريا
ماسة. اي يلا
أوس. اختاري طاولة
ماسة. هنيك جنب المي
أوس. اوك ، شو تشربي ؟
اي لا مو معقول شوفي بدنا نستنى كل هاد الدور بعدين كلو شباب هون خلينا نمشي
ماسة. لك أوس الله يخليك
أوس. قلتلك لا يلا امشي
ماسة. ليش بالأول وافقت وبعدين غيرت رأيك
أوس. لأنو هنيك كلو شباب وماحلوة تظلي واقفة قدامهن ، خلص مرة تانية
ماسة. مابقى بدي لا هلأ ولا مرة تانية
أوس. يعني زعلتي
ماسة. لا مازعلت
أوس. امبلى زعلتي
ماسة. عم قلك مازعلت
أوس. طيب شو رأيك نطلع بقطار الموت
ماسة. لا مابدي
أوس. يعني لساتك زعلانة
ماسة. وعلى شو بدي ازعل
أوس. معناها بتخافي
ماسة. مابخاف بس مابدي
أوس. هههههه اي سدئتك ياجبانة
ماسة. أووووس عم قلك مابخاف
أوس. هههههههه طب يلا نرجع ع البيت لكن
ماسة. اي
مرق اسبوعين وأوس ماشاف فاتن ابداً وقت كان يطلع من البيت كان يتمنى يشوفها وكل ماكانت تخطر ع بالو كان يغير تفكيرو
بالليل كان يضعف ويفكر انو يتصل فيها او لا بس كان يواسي حالو بكلمات مو من قلبو ويقنع حالو انو حتى لو مافي مشاعر اتجاه ماسة بس هيا الصح بالنسبة لأهلو وانهن مارح يقبلو بفاتن لو شو ماصار بس بالنسبة الو ماسة مو هيا البنت الي ساكنة قلبو
بس رغم هيك هوا كتير محترم معها وعم يحاول يتقرب منها ليقدر ينسى فاتن
وماشاف ماسة الا مرة لأنو بقضي اغلب اوقاتو بالشغل
في بيت فاتن كانت عم تفكر بأوس
فاتن. معقول كون خسرتو اكيد لا وانا بعرف شو عم بعمل اكيد هلأ بكون جانن حتى يشوفني بس الغريب انو ليش ماعم يتصل او يبعت عالواتس هه اكيد اهلو هني ورا هالقصة بس انا بعرف كيف خليه يجي لعند رجليي مفكر حالو بيقدر يعيش بدوني اول شي رح غير الحالة والصورة الي عالواتس ليعرف اني بقصدو واذا ماسأل بوقتى بتصرف
المسا طلعو فؤاد وأوس عالقهوة وكانت ماسة عم تراسلو
ماسة. ايمتى بدك تجي اشتقتلك ، كل يوم بتوعدني انك تجي وما بتجي
أوس. والله مابعرف بالنهار بكون عندي شغل مابفضى ابداً
ماسة. طب تعال هلأ
أوس. انا مع فؤاد بالقهوة ، خلص بكرا جايي اسهر عندكن
ماسة. اكيد هااا
أوس. اي اكيد
ماسة. طيب لكن هلأ مابدي اشغلك ، انتبه ع حالك
أوس. اوك باي
ماسة. باي
فؤاد. أوس انت منيح ، مع مين عم تحكي
أوس. اي منيح ، هي ماسة
فؤاد. اذا بدك فيك تروح لعندها عادي بنطلع بيوم تاني
أوس. لا بكرا رايح لعندها
فؤاد. اي تمام ، ماجاوبتني انت منيح
أوس. ههههه شبك قلتلك منيح
فؤاد. عم بسألك انت من جوا منيح ، جاوبني بصراحة
تنهد وقالو ماشي الحال
فؤاد. شو صار بقصة فاتن
أوس. من يوم الخطبة مابقى شفتها مابعرف كيف بكون وضعها هلأ بس اكيد مانها منيحة
فؤاد. لساتك عم بتفكر فيها ؟
أوس. احيانا ، خلص خلينا نغير الموضوع
فؤاد. طيب وماسة شو بالنسبة الك
أوس. بنت حلوة وهادية ومؤدبة كل الصفات المنيحة فيها وبتحبني بس ماعم اقدر حبها
فؤاد. حاسس فيك انت وافقت ع ماسة لترضي اهلك ومشكلتك ماعم تقدر تفكر الا بفاتن مع انو لو تعرفها ع حقيقتها انا متأكد رح تغير رأيك فيها لأنو محبتك لألها عمت ع قلبك
أوس. ياسيدي هلأ الكل رضيانين وماحدا سائل عني
فؤاد. مزالك عم تفكر انو خطبتها لترضي اهلك ف هيك مارح تحبها
أوس. لا سدئني عم حاول قد مابقدر بالنهاية هي مالها ذنب ومابتعرف شو الي عم بصير
تاني يوم راح أوس يسهر عند ماسة واخدلها هدية معو
كتير فرحت بس شافتو
قعدو شوي مع اهلها لماسة بعدين قعدو بغرفة لحالهن
ماسة. لو تعرف اديش اشتقتلك
أوس. ههههه اديش
ماسة. كتير كتيررر انت كل حياتي صرت شوف الدنيا كلها بعيونك
اتطلع بعيونها وابتسم وقاللها احكي كمان
ماسة. فتحت عيوني عليك وصرت جزء مني طول الوقت تفكيري فيك ، حابة ابقى معك وجنبك كل الوقت
أوس. كل هالقد بتحبيني ؟
ماسة. بحبك كتير واكتر مابتتصور ، بس انت ولا مرة من وقت خطبنا قلتلي انك بتحبني ، لتكون مابتحبني
أوس. لا اكيد قلتلك
ماسة. انا متأكدة انك ماقلتلي حتى انت أوس مابتحكي معي اذا انا ماحكيت ولما نكون مع بعض انا الي بحكي وانت بتبقى ساكت ليش ؟
أوس. هههههه انتي بتفكريني مابحكي لأنك انتي بتحكي كتير
ماسة. هلأ هيك
أوس. هههههه شبك عم امزح ، والله حقك عليي خلص رح غير هالعادة وصير كل شوي اتصل فيكي
ماسة. لا اتصل فيني وقت تكون مشتاقلي
أوس. اي لا ، هيك رح ابقى فاتح معك خط 24 ساعة
ماسة. هههههه
أوس. بحب العب كرة القدم ، وانتي ؟
ماسة. بحب الرسم كتير
أوس. اختي عرين كمان بتحب الرسم
ماسة. لكن بنتفق انا وياها
أوس. انتو من هلأ متفقين هههههه
ماسة. ههههههه
أوس. انتي سافرتي شي برات البلد
ماسة. هههههه برات المدينة ماطلعت
أوس. ههههههه انا طلعت ع دبي وتركيا ومصر بس طبعاً بشغل
ماسة. نيالك المهم انو طلعت مو متلي انا
أوس. ولا يهمك بعد مانتزوج باخدك ووو
انتبه أوس ع حالو شو حكا وقطع الجملة من نصها
ماسة. ( و ) شو
أوس. ولشي قصدي باخدك وين مابدك
ماسة. ان شاء الله ، بتحب اتابع افلام او مسلسلات
أوس. افلام ممكن بس مسلسلات ماعندي وقت
ماسة. امممم
أوس. يلا انا صار لازم روح
ماسة. لسا بكير
أوس. تعبااان وبدي روح نام
ماسة. سلامتك ان شاء الله
أوس. الله يسلمك ، هي شوفي اليوم اديش حكيت بكرا بتقولي أوس مابيحكي
ماسة. ههههه لا مابقى قول
أوس. بس كانت سهرة كتير حلوة ، يلا بدك شي
اتطلعت فيه وعيونها مدمعين
ماسة. رح اشتقلك ، ياريت لو فيك تبقى معي كل الوقت
أوس. هههههه كل الوقت !!
ماسة. اي
أوس. هههههه طب ليش رح تبكي ، خلص بوعدك اجي بقلب الاسبوع ونطلع مشوار موافقة ؟
ماسة. اي
وصل أوس عالبيت وحكا مع ماسة طمنها انو وصل وفتح ع اسم فاتن ع الواتس كانت متصلة وشاف الحالة الي حاطيتها ( انتهينا وماعاد ينفع الأعتذار ومابقى يفيد العتب ) ماقدر الا انو يحكي معها بس ماردت عليه
أوس. فاتن ردي علي بس خلينا نحكي ماطالب منك اكتر من هيك
ليش ماعم تردي!!!
عم تعملي حالك مو مهتمة وانك نسيتيني
طب اذا مابدك نحكي لكن ليش عم تحطي حالات وصور وتقصديني انا
بعرف انو لساتك بتحبيني
فاتن اذا مارديتي علي رح اجي هلأ ع بيتكم
شافت الحكي فاتن وماردت عليه وعملتلو حظر
عصب وضرب الموبايل بالأرض وقال ليش ماعم بقدر انساكي ليش
ليش كل تفكيري فيكي
بعد شوي هدي وصار يحاكي حالو
شو يا أوس ما عأساس بدك تنسى وماتحكي معها
اي بس هيك مابصير تنهي كل شي من حالها قال انتهينا ، لا ما انتهينا بالأول بدي اعرف ليش هيك فجأة مابقى ردت عليي مع انو كنا متفقين بعد الخطبة نحكي بس هي نهت كل شي بدون ما توضحلي شو السبب
يعني انت عم تبرر لحالك لتلاقي سبب وتحكي معها
لا مو مزبوط هالحكي انا انااا بس بدي اعرف شو السبب انو تركتني فجأة بدون مانحكي
مرق كم يوم وأوس ما كان يتصل بماسة بس كانو يحكو عالواتس دقيقتين
تاني يوم لبس أوس تيابو وكان طالع عالشغل وقفتو امو
ام يوسف. ابني حاول ماتتأخر اليوم جايين اخواتك خلينا نسهر كلنا سوا
أوس. يوسف جايي ؟
ام يوسف. اي يوسف ومرتو واولادو خلينا نجتمع كلنا سوا واذا بتجيب خطيبتك بكون احسن
أوس. انا ماني جايي رح اسهر برات البيت اليوم لأنو ماحابب اتخانق مع يوسف
ام يوسف. برضايي عليك يا ابني انك تجي ولا تزعلني منك يوسف اخوك الكبير لا تخلي الكره يعمي ع قلبك انتو اخوة
أوس. ومين قلك اني بكرهو ، بس مابقدر كون انا وياه بمكان واحد
ام يوسف. طيب واذا قلتلك كرمالي تجي
أوس. تكرم عينك امي خلص رح اجي مشانك انتي بس
ام يوسف. الله يرضا عليك رضا قلبي وربي ، الله يحنن قلبك انت واخواتك ع بعض
في بيت ماسة
ام مراد. جاراتنا بس عرفو انو ابوكي راح لعند مرتو التانية قالو بدهن يجو لعندي لانو وقت يكون هون مابخلي حدا يطلع ولا يفوت
ماسة. اي منيح ، لكن انا خليني روح لعند نجوى
ام مراد. اي روحي بتغيري جو
جهزت حالها وطلعت من البيت كانت تمشي ع مهلها وقفها فادي عالطريق وكان راكب عالموتور
خافت بس شافتو وماعرفت شو تعمل
فادي. كيفك ماسة
ماسة....
فادي. شو رايحة لعند اختك اطلعي خليني وصلك
ماسة. شكراً البيت قريب
فادي. وليش هيك عم تحكي معي ولا ليكون كبر راسك وشفتي حالك علينا بعد ما انخطبتي لهداك الزنكيل
شبك ليش ماعم تردي علي ولا انا مو معبي عينك
ماسة. فادي امشي بطريقك وحل عني
فادي. ع فكرة خطيبك مانو رجال لو انو رجال كان اجا وواجهني وسألني ليش عملت هيك
ماسة. انت الي مانك رجال لانو ماحدا بيعمل الي عملتو وأوس ضربك وماقصر فيك
فادي. دخيلك شو طالع اسم أوس حلو وناعم من تمك ، بعدين شو عرفك اني ماني رجال ليش جربتيني ههههههه
ماسة. حقير الله ياخدك شو بكرهك
فادي. لا تطولي لسانك وتغلطي بالحكي
ماسة. انا مانسيت الي كنت تحاول تعملو معي وانا صغيرة لا تخليني خبر كل الناس وافضحك
فادي. ههههه حلووو لساتك متزكرة هي مشان تعرفي انو من هداك الوقت وانا بدي ياكي وحبيتك لأنك طلعتي قد حالك
ماسة. يا كلب ويا تافه انا بكون بنت عمك
فادي. ولأنك بنت عمي انا مارح خلي الغريب ياخدك
ماسة. لك الله ياخدك انقلع من وجهي
فادي. رايح رايح بس مارح خليكي تتهي ولا يوم لا انت ولا خطيبك الولد ورح تندمي ع الحكي الي حكيتيه.. سلام يا قمر
وصلت ماسة ع بيت نجوى وحكتلها انو شافت فادي بس ماحكتلها شو حكو
نجوى. يعني معصبة بس لأنك شفتيه
ماسة. لا مو بس هيك لأنو قال انو مارح يخليني اتهنى انا وأوس
نجوى. اي لا تهتمي لكلامو مابيسترجي يعمل شي ، بعوي كتير بس مابعض
ماسة. هههههه
المسا في بيت ابو يوسف اجتمعو الكل هنيك وأوس عم يلعب بموبايلو
يوسف. مين عامل هاد الحلو كتير طيب
ام يوسف. اختك عرين عملتو الله يسلم ايديها
فؤاد. يسلم ايديكي حبيبتي
عرين. الله يسلمك
يوسف. اي ابي شو ايمتى بدكم تحددو موعد عرس أوس
ابو يوسف. والله مابعرف اسأل اخوك
يوسف. شو يا أوس ايمتى
أوس. اقل شي بعد ثلاثة اشهر
يوسف. اووف ليش يعني بدك تتزوج بالشتوية
أوس.....
يوسف. هي رح يصيرلك شهر خاطب انا بقول انو هيك بكفي شو رأيك ؟
أوس. اي ان شاء الله
يوسف. يعني موافق
أوس. مابعرف
يوسف. قول اي او لا
أوس. لا منيح هيك
يوسف. ااااي ليش عصبت شو حكينا
أوس. لأنو صرعتني ليش ماحدا بتدخل غيرك يا اخي هي حياتي وانا حر فيها شو رأيك انت تريحلي حالك
ابو يوسف. يعني انتو التنين اشتهيت شي مرة تجتمعو وماتتخانئو
يوسف. لأنو هوا مابيتحاكا
أوس. احسن شي روح نام
أوس. اي لأنو بكون مشغول
ماسة. شبك صوتك مانو طبيعي
أوس. طيب رح قلك شي بس ماتزعلي
ماسة. اي قول
أوس. انا هلأ مزعوج شوي وراسي عم يوجعني مو قادر احكي بس روق بوعدك انو نحكي قد مابدك
ماسة. سلامتك ان شاء الله ومارح اسألك من شو مزعوج انت بكرا بتحكيلي
أوس. الله يسلمك .. تصبحي ع خير
ماسة. وانت بخير
تاني يوم في بيت فاتن دخلت امها لعندها ع غرفتها
ام فاتن. فاتن قومي اقفلي الباب انا بدي روح لعند جارتنا ام يوسف لهلأ ماباركتلها بخطبة ابنها لانو انشغلنا بمرض عمتك
فاتن. لا لااا .. لا تروحي هلأ المسا بروح انا وياكي
ام فاتن. قومي بنروح هلأ
فاتن. هلأ راسي عم يوجعني خليها للمسا حابة روح معك
ام فاتن. طيب لكن انا رايحة ارتاح شوي بغرفتي
فاتن. ماما بدي اسألك بابا رح يجي اليوم بالليل عالبيت
ام فاتن. لا مارح يجي عمتك تعبانة كتير وبدو يبقى عندها
فاتن. اي تمام لكن
بعد مرور ساعتين من الوقت بلشت خطة فاتن
راحت ع غرفة امها وعملت حالها دايخة وراسها عم يوجعها كتير قالتلها امها خليني اخدك ع الدكتور بس ماقبلت
المسا رجع أوس ع البيت ونسي يتصل بماسة
ابو يوسف. ايمتى بدك تروح معي عالنجار بدي خليه يفصلك غرفة نوم بكل البلد مافي متلها
أوس. ماضروري روح انا انت تكفل بالموضوع
ابو يوسف. اي لكن بكرا بمر عليه
أوس. اي تمام
في بيت فاتن
فاتن. اميييي راسي رح ينفجر من الوجع وجسمي كلو تعبان والله معد اقدر
ام فاتن. شو اعملك يعني قلتلك خلينا نروح عالدكتور ماعم تقبلي
فاتن. ااااه يا امي جسمي عم يوجعني
ام فاتن. سلامتك قومي خلينا نروح عالدكتور احسن ماتظلك تتوجعي
فاتن. لا اكيد هلأ شوي وبتحسن
في بيت ابو يوسف
ام يوسف. أوس اترك هالموبايل من ايدك خلينا نحكي
أوس. احكي امي سامعك
ام يوسف. شو رأيك بكرا ماتروح عالشغل ونعزم خطيبتك عالغدا
أوس. لا امي مو بكرا عندي شغل ومابقدر عطل
ام يوسف. انا بدي ياها تجي لعنا قبل العرس لحتى تتعود علينا
أوس. اي يوم تاني مو ضروري بكرا
ام يوسف. ع راحتك
دخل أوس ع غرفتو شغل اللابتوب وقعد ع التخت لحقتو عرين وقعدت جنبو
عرين. كيف علاقتك فيها
أوس. بمين ؟
عرين. بمين يعني بماسة
أوس. منيحة ماشي الحال
عرين. ماسة بنت منيحة مو هيك اخي
أوس. عرين احكي الي بدك تحكيه بدون هالأسئلة
أوس. اي تمام فيكي تطلعي هلأ
عرين. لك أوس عم بحكي معك
أوس. ياااريت ماتسألي اسألة ما الك علاقة فيها وخليني بحالي بكون احسن
عرين. بس مانك مبسوط ليش
أوس. هههههه مبسوط والله مبسوط ، يلا اطلعي وسكري الباب وراكي
عرين. اوك
صارت الساعة 1 بالليل نامت ماسة وهيي ماسكة الموبايل لأن كانت تستنى أوس ليتصل فيها
في بيت فاتن كانت كل شوي تعمل حالها عم تدوخ وامها عندها بغرفتها راحت عالحمام وعملت حالها عم تستفرغ امها تقطع قلبها عليها
ام فاتن. لا بقى انا رح اتصل بتكسي واخدك غصباً عنك عالدكتور
فاتن. خلص امي بروح عالدكتور بس كيف بدنا نطلع بتكسي لحالنا بهالوقت المتأخر
ام فاتن. مضطرين شو بدنا نعمل
فاتن. روحي لعند جيرانا وقوليلهم خلي حدا منهن يوصلنا
ام فاتن. اي ممكن ، يلا انا رايحة قوللهن ومابطول
راحت ام فاتن ع بيت ابو يوسف ودقت الباب بقوة كانو لساتهن سهرانين فتحت الباب عرين ودخلت ام فاتن سمع صوتها
أوس وطلع فوراً من غرفتو
ام فاتن. لا تأخزوني عالأزعاج بس بنتي فاتن مابعرف شبها موجوعة كتير وعم تدوخ وتستفرغ صرلها اكتر من ساعتين ع هالحالة وابوها مو موجود بالبيت قلت بلكي أوس بوصلنا عالدكتور
بس سمع هيك أوس خاف عليها كتير
أوس. طب ليش استنيتي لهالوقت ليش ماخبرتينا من الأول
ام فاتن. والله مابعرف ومارضيت تروح عالدكتور حاولت معها كتير بس هلأ لوافقت
ام يوسف. سلا متها ان شاء الله
ام فاتن. الله يسلمك
أوس. روحي انتي جيبي فاتن وانا رح شغل السيارة
ام فاتن. اي رايحة
ابو يوسف. أوس انت خليك هون هلأ ببعت منذر بدالك
أوس. لا انا رح روح وياريت ماتكون قاسي لهالدرجة ماسمعت كيف البنت تعبانة
ابو يوسف. قلتلك انت لا تروح
أوس. انا رايح .. يلا سلام
ابو يوسف. أوس لك أوس
طلع أوس وشغل السيارة ورجع يستناهن قدام الباب
فاتن. مو قادرة امشي ع رجليي
ام فاتن. اعطيني ايدك خليني ساعدك
انفتح الباب وأوس كان بعيونو شوق كبيرر لشوفة فاتن
اول ماشافها قلبو صار يدق اتطلع فيها وبعيونو حزن
وهي عملت حالها تعبانة كتيرر
فتحلها باب السيارة وراحو عالدكتور شرحتلو امها حالتها وكتبلها ع دوا
طلعو من عند الدكتور وراحو عالصيدلية جابو الدوا
طول الوقت أوس يتطلع فيها وهي مارفعت عيونها عن الارض
وصلو ع البيت وأوس قال لأمها انتي روحي افتحي الباب وانا بساعدها
أوس. سلامة قلبك ان شاء الله
فاتن وبصوت ضعيف. الله يسلمك
أوس. هلأ ان شاء الله بعد ماتاخدي الدوا بتتحسني
بقي أوس مع فاتن بالغرفة لوحدهم
فاتن. ااه جسمي كلو عم يوجعني
أوس. الحق عليكي ليش من الاول مارحتي عالدكتور، بكرا ان شاء الله بتطيبي ومابكون فيكي شي
فاتن. مو كل الأمراض الها دوا يا أوس في وجع جواتي صرلو زمان وماحدا حاسس فيه
أوس. بعرف انو هاد الوجع سببو انا
فاتن. انت الوجع وانت الدوا بس للأسف رح ابقى اتوجع طول عمري ومارح احصل عليك
أوس. ليش مابقى رديتي عليي ومابقى شفتك
فاتن. لأنك مو الي ولحتى اقدر انساك
أوس. ونسيتيني ؟
فاتن. ياريت اقدر
أوس. طب ما اشتقتيلي ماحن قلبك
فاتن. الي بهمني انك تكون مبسوط وبس
أوس. ومين قلك اني مبسوط
فاتن. أوس الله يخليك سكر عالموضوع انا توجعت بسببك بما فيه الكفاية ، كل يوم مابنام الا ودموعي ع خدي كانت النار تحرقني من جوا كل ما اتذكر انك الها مو الي ، لك انت روحي انت الهوا الي بتنفسو
بس انت مستحيل تكون لساتك بتحبني
أوس. اقسم بالله بحبك وماقدرت انساكي
فاتن. يعني حاولت تنساني
أوس. اي حاولت
قطعت حديثهم امها وقت فاتت
أوس. طيب انا رايح
ام فاتن. شكرا الك عزبناك معنا
أوس. لا شو هالحكي شو مابتحتاجي فوراً قوليلي .. يلا تصبحو ع خير
ام فاتن. وانت بخير
وصل عالبيت وفوراً دخل ع غرفتو وماقبل يحكي مع حدا
دقت عرين باب غرفتو ومارضي يفتحلها ظل يفكر بفاتن وبحكيها ( انت الوجع وانت الدوا، الي بهمني انك تكون مبسوط وبس ، توجعت بسببك بما فيه الكفاية ، مو كل الأمراض الها دوا يا أوس ، انت روحي انت الهوا الي بتنفسو)
بعد شوي وصلتو رسالة ع الواتس فتحها وكانت فاتن ابتسم بس قرأها
فاتن. بحبككك
أوس. وانا بحبك
بس قرأتها رجعت عملتلو حظر
أوس. ههههه بيطلعلها تدلل
تاني يوم طلع ع شغلو واتصل فيها ردت عليه اتطمن عنها وقالتلو انها تحسنت
فتحو موضوعهم وصارو يحكو بس ماوصلو لنتيجة
أوس. انتي ماكان لازم تقطعي العلاقة بينا هيك فجأة
فاتن. انا ماكنت ناوية ابعد عنك بس وقت شفتك كيف غرت عليها بيوم الخطبة ورحت ضربت ابن عمها غرت كتير منها وعرفت انو خلص انتهينا وقلت انو خليني انسحب من حياتك
أوس. يا مجنونة انا ماغرت عليها بس ماتنسي انو مكتوب كتابنا وحتى لو مابحبها اكيد مابهون عليي انو يفوت بهي الطريقة
فاتن. وهلأ شو رح يصير
أوس. مابعرف ومابهمني اعرف المهم عندي انو مابقى تعيدي الي صار وتردي علي كل ما اتصل
فاتن. موافقة بس بتوعدني انك ماتحب بنت غيري
أوس.... بوعدك
يتبع...
الجزء الخامس
#مشاعر_مبعثرة_الكاتبة_روان_الشبلاق
الجزء الخامس
بعد مرور كم يوم رجعت علاقة أوس وفاتن متل الاول
كان أوس بغرفتو وعم يفكر
أوس. شو اعمل ليش رجعت تعلقت بفاتن بعد ماحاولت انساها
هلأ شو رح بستفيد ، رح اتزوجها يعني
طيب وماسة شو ذنبها حبتني وتعلقت فيني وانا عم كزب عليها واوهمها اني بحبها
اكيد هلأ بتكون زعلانة مني
مع اني والله مابقصد زعلها وهي اطيب من قلبها مافي وحبتني بصدق
المسا في بيت ماسة كانت قاعدة بغرفتها وحاطة صورة أوس قدامها وعم ترسمو رن موبايلها وكان أوس اتصل اكتر من مرة وماردت عليه
أوس راح اشترا ساعة وبارفان و وردة حمرا وراح لعندها بس وصل فتحتلو امها ودخل لعندها ع الغرفة وقعد جنبها
ماسة. خلص أوس حل عني
أوس. يعني بدك ياني روح
ماسة. اي روح
أوس. انتي متأكدة
ماسة. اي متأكدة
أوس. عنجد بروح
ماسة. اي روح الله معك
أوس. خلص رح ابقى كرمالك لأنك اصريتي علي
ماسة. هههههه ما اصريت عليك فيك تروح
أوس. اي هاا واخيرا قدرت ضحكك
ماسة. لكن معقول انت 5 ايام ومابتفكر تحكي معي ولا تبعت رسالة
أوس. وليش ماحكيتي انتي !!
ههههه بمزح
ماسة. بالله شو بتمزح ، كل مرة بتصل فيك وبتتحجج بشي قلت خلص خليه ع راحتو بس يكون فاضي بيحكي معي
كنت كل يوم قبل مانام استناك تحكي معي
وكتير اوقات كون مشتاقتلك وحابة احكي معك وانت مو سائل عني
ليش هيك عم تعمل فيني والله انا بحبك
أوس. عجبتك الوردة ؟
ماسة. اي تهرب من الجواب ، عحبتني الوردة
قربها منو وحط راسها ع صدرو
مسكتلو ايدو وقالتلو أوووس وين محبسك
أوس. ليكو بأيدي التانية يا مجنونة
ماسة. هههههه خربطت فكرتك شلحتو
مرق اسبوعين وزاد اهتمام أوس بماسة كل يوم بيحكي معها
وبروح لعندها وبيطلعو مع بعض وبقضو وقت حلو
حتى أوس مابحس ع الوقت لما بكون معها
وكل كم يوم كانت فاتن تحكي معو
اتطلع فيها وقاللها عيونك حلوين
ماسة. لأن انت فيهن
أوس. مابستاهل كل هالحب منك
ماسة. لاتحكي هيك ، انت عمري وحياتي وكل شي بالنسبة الي
حكي ماسة أثر فيه كتير
قرب منها وباسها حاولت تمنعو ماخلاها
ماسة. أوس شو عم تعمل هلأ بيجي حدا
أوس. هسس
بعد نص ساعة طلعو قعدو ع البرندا لحالهم
ماسة. يلا قوم وصلني ع البيت هلأ بابا بيزعل
أوس. بس انا قلتلو لأبوكي انو بدك تسهري عنا وماحكا شي
ماسة. اي بس خلص بكفي
أوس. اكيد مليتي مني
ماسة. لك لا والله مو هيك
أوس. ههههههه عم بمزح معك يا مجنونة
ماسة. هههههه
أوس. بس ما اكلنا توت يلا المرة الجاية
ماسة. لا شكراً صرت بكره التوت
أوس. ههههههه
ماسة. الله يكفينا شر هالضحك ع قد ماضحكنا اليوم
أوس. كيف مافهمت
ماسة. مابعرف بقولو انو كل ضحك وراه بيجي هم وحزن
أوس. اكيد مو صحيح هالحكي
ماسة. اي المهم اعطيني موبايلك خليني ارسل الصور لعندي
أوس. خدي ارسليهن
وصل فؤاد وكان راكب السيارة نادا لأوس
أوس. رح شوف فؤاد شو بدو دقيقة وراجعلك
ماسة. خد راحتك
فتحت الموبايل ماسة وحددت الصور ورسلتهن ع الواتس ع الاسم الي مسجل حبيبتي بدون ماتنتبه اذا هاد الرقم الها او لا
طلعت من المحادثة وشافت اسمها ماسة تحت اسم حبيبتي وانتبهت انو هي مو حاطة هي الصورة
ماسة. لكن انا لمين بعتت الصور
فتحت المحادثة وطلعت فيها لفوق
كانت اخر محادثة بين أوس وفاتن وقت سألتو فاتن ايمتى بدنا نتزوج وقت سألتو اذا بيحبها او لا
قرئت كل شي ماسة وعرفت انو اهلو هني الي جابرينو عليها كانو ايديها ماسكين الموبايل وعم يرجفو ودموعها فوراً نزلو وهي تقرأ
اجا أوس وقاللها اتأخرت عليـــ
قطع حكيو وقت شافها فاتحة محادثة فاتن ماعاد عرف يحكي
أوس. انتــ انتــ انتي قرأتي شي
أوس. ماسة هاد الحكي صرلو زمان
ماسة. لك ايا زمان يا أوس، لك انا حبيتك بصدق ، وانت مفكر وافقت عليك مشان المصاري لك الله يلعن ابو المصاري وانا مابقى بدي شوف وجهك
تركو ومشيت
شغل السيارة ولحقها
أوس. ماسة اطلعي بالسيارة
ماسة. قلتلك خلص انتهينا
أوس. لا ما انتهينا اطلعي خلينا نحكي
ماسة. مابقى في شي نحكيه اتركني بحالي
أوس. طيب اطلعي خليني وصلك
ماسة. لا تلحقني عم قلك مابدي اطلع معك
ظلت طول الطريق تبكي وهوا يتطلع فيها وماعرف شو يحكي ولا شو يعمل بس وصلو حاول يحكي معها ماقبلت
ماسة. افتح الباب احسنلك
أوس. ماسة الحكي الي شفتيه كلو صحيح انا كنت حبها وماكنت موافق انو نتزوج بس بعد ما
ماسة. لك افح الباب وحاج تحكي مارح يفيد الحكي
أوس. طيب اهدي شوي
ماسة. أوس انا لهلأ متحملتك ومتحكمة بحالي لهيك خليني انزل بلا ماتسمع مني شي مايعجبك ولم العالم كلها عليك
أوس. طيب طيب بس بتوعديني انو نحكي
ماسة. لك انت نزلت من عيني واحتقرتك ورح خبر اهلي بكل شي خليهن ينهو هي الخطبة المزيفة
أوس. خبريهن بس مو قبل ماتسمعيني
ماسة. افهم بقى انتهينا انتهينااااا
نزلت من السيارة وخبطت الباب بقوة
مسحت دموعها ودخلت ع البيت حاولت تكون منيحة قدام امها
دخلت ع غرفتها قفلت الباب وانهارت من البكي وقلبها محروق
ما استوعبت الي صار وصارت تفكر
الشب الي حبتو طلع مابحبها وعم بكزب عليها
ماسة. كل شي كان كززززب كزب
طب الحب الي كان والمشاعر واللحظات الحلوة كل شي كزب ، يااااااااربي
غمضت عيونها وحطت اصبعها ع شفايفها وتزكرت وقت باسها صرخت بصوت عالي لك حتى هي كزب
لك كيف قدرت كيف طاوعك قلبك ليش ماقلتلي انك مابدك ياني ليش كسرتلي قلبي ليش خليتني اتعلق فيك وحبك ليش ماكنت تكرهني فيك ليش كل الوقت كنت منيح معي ليش اليوم قلتلي اني احلى شي بحياتك وبالحقيقة انا ولا شي بالنسبة الك
لك انا مافيني عيش بدونك لك انت كنت الهوا الي بتنفسو
ليش خليتني عيش بوهم
لك كيف بدي انساك وانت كنت عمري وروحي وكل دنيتي
حالة أوس ابداً ماكانت منيحة
فاتن بس شافت الصور طار عقلها وفكرت انو أوس بعتلها الصور ليجاكرها وبالأخص انهن كانو عم يضحكو وهنن متصورين
بعتتلو ع الواتس واتصلت فيه مارد عليها وسكر الموبايل
اتصل بفؤاد وقلو انو بدو يشوفو بالقهوة
طلع بسيارتو وصار يفكر ب الي صار ويحكي مع حالو
أوس. شو ليش مانك مبسوط هلأ يا أوس هي صار الي بدك وماسة رح تتركك مو هيك كنت بدك
ليش زعلان مو عأساس مابتحبها ومستحيل تحب بنت غير فاتن
شو بكون صار بحالها هلأ
اكيد كرهتني من كل قلبها بس معها حق
وصل ع القهوة وقعد مع فؤاد
فؤاد. بدك اركيلة
أوس. لا ما الي نفس
فؤاد. خير ليش جبتني لهون
أوس. ولا شي بس ضايق خلقي وقلت بنسهر
فؤاد. لا في شي صرلك ساعة عم تأفئف وحزين وحالتك حالة
أوس. ماسة عرفت بـ الي بيني وبين فاتن
فؤاد. لا تقولها انت خبرتها يعني
أوس. لا بالصدفة اخدت موبايلي وشافت محادثة بيني وبين فاتن وماصرلها كتير وكنت مخبص فيها
فؤاد. مو معقول شو حمار يعني مابتعرف تمسح المحادثة بس تخلص لك لحظة لحظة ليش انت رجعت تحكي مع فاتن ؟
أوس. اي نعم
فؤاد. مو كنت تقول انك بدك تنساها وماتحكي معها وتحاول تحب خطيبتك
أوس. اي هيك عأساس بس وقت شفتها ضعفت ورجعنا نحكي بس مو متل اول والوضع اختلف يعني ئـــ
فؤاد. يعني شو
أوس. ولا شي هلأ صار الي صار قلي شو بدي اعمل
فؤاد. شو بدك تعمل يعني روح صالحها للبنت
أوس. مستحيل تقبل قالت انو انتهينا وقالت رح تخبر اهلها بكل شي ، انت مابتتخيل كيف كانت حالتها
مابعرف كيف فجأة هيك صار ، اكيد بتكون كرهتني ماهيك
فؤاد. مو بس كرهتك وبتكون عم تدعي عليك و عالساعة الي شافتك فيها
أوس. افففف شو بدي اعمل
فؤاد. عندي حل بس جاوبني بالأول انت بتحبها لماسة
أوس. ئئئـــ مو حب بس
فؤاد. يا ابني اصحى ع حالك وحاج تكذب قال مو حب قال ، شوف حالتك رح تبكي بعد شوي
أوس. مابحبها بس زعلان ع الي صار فيها بسببي
فؤاد. انت بتحبها واذا بتظل عم تكذب هيك رح تخسرها
أوس. ع الحالتين خسرتها
فؤاد. يعني بتحبها
أوس. مابعرف ، طب وفاتن !!
فؤاد. لك حاج تقول فاتن انت عم تحاول تكون وفي لشي مانو موجود اصلاً وعم توهم حالك انك بتحبها وعم تكذب الحقيقة الي هيا انو انت بتحب ماسة
أوس. اي يمكن ، والله مخربط وراسي رح ينفجر
فؤاد. بس قلي كيف حبيتها وكنت تصرعنا بحبك لفاتن وانو مابتاخد غيرها
أوس. هي الي خلتني احبها يمكن ماتسدئني اذا بقلك الحب الي حبيتها ياه غير الحب الي حبيتو لفاتن انا حاسس بهاد الشي
فيها شي بيجذب نعومتها ورقتها ودلعها وحنيتها وقلبها الطيب وحبها لألي هاد الشي كلو ماكان موجود بفاتن تخيل اني عملت مقارنة بين التنتين وقت تحكي معي فاتن حكيها كلو بعصبية او حكيها بكون دج مافيها شي من الانوثة
ماسة كانت تقلي انو اهلك هني اهلي وامك هي امي وكل الي بتحبهن انا بحبهن وفاتن كانت تقول عكس هيك انا مو مجبورة ارضي اهلك وامشي ع كيفهن وهي بتعرف انو اهلي مفكرينها طمعانة فيني وبالصدفة قلت قدامها انو رح اتنازل عن كل شي ومابدي شي منهن وقتى بكون مامعي شي بلكي بزوجونا مارضيت وحاولت تمنعني وقالتلي هاد حقك ولا تتخلى عنو كيف بدنا نتزوج ونجيب اولاد وانت مارح يكون معك تعيشهن خلينا نستنى اهلك ليوافقو ، بينما ماسة اليوم قالتلي ياها بصوت عالي وبوشي انا حبيتك بصدق والله يلعن ابو المصاري
فؤاد. منيح انك حسيت ع حالك
أوس. كيف بدي قلك يعني وقت بكون مع ماسة كتير بكون مرتاح ومبسوط وبنسى الوقت بس وقت ابعد عنها وتحكي معي فاتن كنت حس مشاعري مخربطة
مابدي كزب عليك اول الخطبة وقت كنت بعيد عن فاتن كنت حن واشتاق ويجي ع بالي احكي معها ولما شفتها حسيت بشوق كبير الها وبعدت عن ماسة فترة
واول بأول حسيت مشاعري بردت تجاه فاتن خصوصي اني ماكنت شوفها
وبعدين تعودت ع وجود ماسة بحياتي وصرت اشتاقلها وكزب حالي وقول انو انا بحب فاتن وبس
لحد ما اجا اليوم هاد وكان كل شي منيح مع ماسة حتى بدون ماحس ع حالي بستها وقررت اعترف لحالي اني حبيتها
واخدت قرار جواتي اني اقطع علاقتي بفاتن بس للأسف اتأخرت وماسة نهت كل شي
فؤاد. كل شي رح يكون منيح لا تخاف
أوس. بتمنى
في بيت ماسة
نامت وهي تبكي وماحست الا وقت دقت امها ع باب الغرفة
للحظة فكرت انو كل الي صار معها حلم
قامت وفتحت الباب
دخلت امها وقعدت جنبها ع التخت وصارت تسألها كيف كان يومها دمعو عيونها وصارت تبكي
ضمتها امها وصارت تسألها شو فيها
ماسة. ماما انا مابدي ياه لأوس
ام مراد. شوو
ماسة. انا ماحبيتو وما اتفقنا وقلتلو انو انتهينا
ام مراد. لك احكيلي شو صاير كيف يعني ماحبيتيه انتي منتبهة ع حالك شو عم تحكي
ماسة. مااابدي ياه
ام مراد. اهدي يا بنتي واحكيلي
ماسة. مافي شي كل القصة انو انا مابدي ياه وبس
ام مراد. لكن هي الدموع ليش ، يابنتي مابصير كل ما تتخانئو ع شي تقولي مابدك ياه
اكيد اذا في مشكلة بينكن وهوا الغلطان رح يجي ويصالحك
ماسة. ماما ليش ماعم تفهمي علي
علاقتي انا وأوس انتهت خلصنااا
ام مراد. انتي متخيلة اذا ابوكي عرف بهالحكي شو رح يعمل
ماسة. انا رح قلو
ماسة. ليش عملت فيني هيك انا مافيني كون متلك قلبي قاسي انا عم بتوجع كل ما اتذكر انو انت كنت مابتحبني ليش لك ليش والله انا حبيتك
مين هي البنت الي اخدت قلبك انت بتحبها كيف شكلها احلى مني ما
اكيد بتسمعها كلام حلو وبتتغزل فيها
مشانها انت كنت تغيب عني ايام وما اسمع صوتك
طب ليش كنت منيح معي ولا مرة حسستني انك مابتحبني
بالليل أوس حكا لفؤاد كل شي صار
فؤاد. اي كتير منيح
أوس. شو المنيح بالقصة
فؤاد. لك البنت ماحكت لأهلها ليش بدها تتركك يعني في امل انو تنحل القصة
ماسة. لك مشان الله لابقى تجيبولي سيرة فادي والله بكرهو بكرهووو
نجوى. انا بحكيلك الي رح يصير بعد ماتتركي أوس
سدئيني اذا كانت المشكلة الي بينك وبين أوس بسيطة حلوها ولا تخلوها تكبر لأن أوس شب فهمان ومحترم وبحبك
ماسة. لا مابحبني
نجوى. لو مابحبك مابسكت لما قلعتيه ياماسة يا حبيبتي احكيلي شو صاير بينكن
ماسة. ماااا صاير شي بس هيك انا كرهتو وبس
نجوى. كزابة انتي بتحبيه بس تسطفلي اتركيه وخدي فادي سدئيني غير يعوفك حياتك خصوصي بعد مارفضتيه
ماسة. لك ان شاء الله بموووت الله ياخدو بأقرب وقت
بعد مرور كم يوم فاتن كانت تتصل بأوس وكان مسكر موبايلو حاولت كتير تشوفو بس ماقدرت لأنو بيظل طول الوقت برات البيت وبيرجع بوقت متأخر
المسا راح أوس ع بيت ماسة وكان ابوها موجود
أوس. بقدر شوفها دقيقتين
ام مراد. تعا معي هي بغرفتها
اخدتو ام مراد لعندها وكانت قافلة الباب ومارضيت تفتحو
اجا ابوها وخلاها تفتحو غصباً عنها
دخل ابوها ع غرفتها وقاللها خطيبك بدو يشوفك
ماسة. شو جابوانا مابدي شوفو
انا قلتلو كل شي انتهى خليه ينقلع من هون
سمعها أوس وهي تحكي وقال لأمها هي اكيد لساتها زعلانة انا برجع بوقت تاني
ام مراد. خلص أوس راح
ابو مراد. لك انتي بدك تفضحيني بدك تموتيني لك في وحدة بتقلع خطيبها شو انتي جنيتي
ماسة. اي جنيت وقلتلك مابدي ياه بدي
ابو مراد. ماشي متل مابدك لكن متى ماتطلقتي منو والله غير اكتب كتابك ع فادي لأن انتي مابتلبقلك العيشة المنيحة بتحبي الفقر والذل متل عيشة بيت عمك
فؤاد. شو رأيك نطلع نحكي بالسيارة لأني احترقت من الشمس
ماسة. طيب
ماسة. ياريت مايكون الشي الي بدك تحكيه بخص أوس
فؤاد. لا هيك ما اتفقنا ، لكن انا مشان شو جايي لهون
ماسة. يعني هوا باعتك
فؤاد. لا انا اجيت من حالي لأنو في شي بدي احكيلك ياه
ماسة. احكي
فؤاد. أوس بحبك
ماسة. ههههه ضحكت شوي وبعدين بكت
فؤاد. لك والله عنجد هوا بحبك
ماسة. أوس انجبر يتزوجني
فؤاد. انا اقرب صديق لأوس وبخبرني بكل شي بصير معو بعرف كل شي عن حياتو ، بتحبي تسمعي مني كل القصة من اولها بصراحة وبوضوح وبدون كذب
فؤاد. لك والله من كم يوم شفتو وكانت حالتو حالة ومن اول ماعرفك حبك وماكان راضي يعترف بهالشي
ماشايفتيه كيف جانن حتى يصالحك
بعدين انتو البنات ببين معكم اذا الشب كان عم يكذب او لا
ماسة. هالحكي مو صحيح هي أوس من الاول كان عم يكذب عليي وانا متل الهبلة سدئتو
فؤاد. لك الشب بحبك لو مابحبك كان لقاها فرصة انك رح تتركيه وفرح بهالشي وهوا ماكذب عليكي
ماسة. اهلو ليش ماوافقو ع البنت الي بحبها مع انك قلت اهلها مناح
فؤاد. مزبوط اهلها مناح بس هي مو منيحة ابداً وعم تضحك عليه وفي اكتر من سبب هي مانها محجبة ومن مدينة تانية وكل عاداتهن بتختلف عنا ، هلأ المهم انو أوس بدو ياكي انتي ومن الاول بحبك
ماسة. لك حاج تغطي عليه انا قرأت المحادثة بينو وبين البنت الي بحبها وكان النا اكتر من شهر خاطبين يعني كل شي عشتو معو كان كزب بكزب
فؤاد. لو مابحبك ماكان رجع مرة تانية بعد ماقلعتيه من بيتكم ههههههه
ماسة. لأنو مابيستحي
فؤاد. لا ولوو ، اصلاً انتي بعدك بتحبيه
ماسة. لا مو صحيح انا مابحبو
فؤاد. بتحبيه حاج تكابري اصلاً هاد الحكي كان لازم تسمعيه منو مو مني
ماسة. مابدي اسمع منو شي ومابدي شوف وجهو وقلو انو لا بقى يجي لعنا ولا يبعت واسطات
فؤاد. ههههههه يعني انا واسطة انا اجيت من حالي بس هلأ مامهم ، الي بدي قلك ياه انو فكري منيح واعطيه فرصة لأنو والله بحبك
دخلت ع غرفتها وصارت تبكي لأن هي لساتها بتحبو وكل مايحن قلبها عليه تذكر اول ايامهم وانو كل شي كان تمثيل وترجع تحقد عليه
اتصل فؤاد بأوس وحكالو انو شاف ماسة وحكا معها
فؤاد. هلأ الي عرفتو انو البنت لساتها بتحبك لا تتخلى عنها
أوس. مارح اتخلى عنها
بعد يومين التقى أوس بفاتن الصبح بكير وهوا طالع ع شغلو
أوس. صباح الخير
فاتن. صباح الورد والفل لك لو الف العالم كلو مابلاقي متل هالوجه الصبوح ان شاء الله بتسلملي
المسا اتصل ابو مراد بأبو يوسف وخبرو انو أوس وماسة في بينهم مشكلة وصلت معهم انهم بدهم يتركو بعض ابو يوسف قلو انو بيحكي مع أوس وبشوف شو القصة
في بيت ابو يوسف
ابو يوسف. ابنك هاد بدو يجبلي الجلطة
ام يوسف. خير شو في
ابو يوسف. هااا ليكو شرف الأفندي ، تعا خلينا نحكي
أوس. شو في
ابو يوسف. اتصل ابو خطيبتك وخبرنا انو الكم كم يوم متخانئين
أوس. وشو حكا غير هيك
ابو يوسف. ماحكا شي بقول بدو يعرف شو السبب ، انت اكيد عم تعمل مشاكل حتى تتركها مو هيك
أوس. لا والله مو هيك القصة مزبوط نحنا تخانئنا وهي زعلت وانا رحت اكتر من مرة حتى صالحها بس هي مابتقبل تشوفني
ابو يوسف. أوس لا تكذب انت عم تعمل مشاكل لأنو مابدك ياها
أوس. لا والله بالعكس انا بحبها وبدي ياها
الكل تفاجئو واتطلعو بأوس
أوس. اي بحبها ليش مستغربين سدئوني فاتن ماظل الها اثر بحياتي وكل القصة انو صارت مشكلة وانا عصبت عليها وهي زعلت مني
ابو يوسف. لكن امشي معي خلينا نروح ونحل القصة
أوس. اي يلا
وصلو ع بيت ابو مراد
قبل مايفوتو أوس قال لأبوه انو يحدد موعد العرس بوقت قريب كتير
قعدو كلهن سوا وأوس قال صارت مشكلة بيني وبين ماسة ورح تنحل ان شاء الله وانا غلطت بحقها وبعتذر منها
وانا بحبها ومارح اتخلى عنها
كانت قاعدة وماتطلعت فيه ابدا
ابو يوسف. شو يا ماسة هي أوس اعتذر منك قدامنا صحيح نحنى مابنعرف شو السبب الي خلاكن توصلو لهون بس مابصير كل ماتخانئتو تقولو بدنا نترك بعض مزبوط كلامي ولا لا
ماسة. مزبوط عمي
ابو يوسف. يعني سامحتيه لأوس
ماسة. اي
ابو يوسف. اصلا دائما اذا كانت الخطبة طويلة بصير مشاكل
ابو مراد. اي والله مزبوط
ابو يوسف. لهيك قلت انو خلينا نحدد موعد العرس بأقرب وقت شو رأيك ابو مراد
ابو مراد. اي ليش لا خلينا نزوجهم قبل مايعملولنا مشكلة تانية
ابو يوسف. هلأ اليوم الثلاثاء شو رأيك يكون العرس الجمعة مو هي الي بعدا
أوس. وانتي وافقتي تتزوجيني
ماسة. رح نتزوج ع الورق شهر وبتطلقني
أوس. لا ماحزرتي
ماسة. لك انا الي ماعم بفهمو انو انت هلأ اجتك الفرصة لتتزوج البنت الي بتحبها ليش لساتك لاحقني شو بدك مني حل عني واتركني بحالي قوللهن انو انت مابدك ياني لانو لو حكيت انا ابي مارح يقتنع احكيلو انت وقلو انا مابدي بنتك قلو بحب بنت تانية
قلو بنتك وافقت علي كرمال مصاريي
أوس. البنت الي بحبها هي انتي وبس وانا الي طلبت من ابي يحدد موعد العرس لانو بدي كون معك طول الوقت
ماسة. لك انت كسرت قلبي وكسرت بخاطري مرقو ايام عليي الله وحدو بيعلم فيها وجايي بكل عين قوية تقولي بحبك ليش انت بتعرف شو يعني حب
ما كل الوقت الي قضيناه سوا كان عندك تسلاية وتضييع وقت
أوس. رح عوضك عن كل هديك الايام
ماسة. مابدي تعوضني عن شي لان رح نتزوج شهر واحد بس عم تسمع
ومن هون لوقت العرس مابدي اسمع صوتك ومابدي شوف وجهك
لأن كل ماعم تجي عم يصير مشاكل مع ابي بسببك
أوس. طيب متل مابدك كل شي بدك ياه بصير
يتبع...
الجزء السابع
#مشاعر_مبعثرة_الكاتبة_روان_الشبلاق
الجزء السابع
بعد يومين اتصل أوس بفاتن وطلب انو يشوفها قاللها تستناه بالحديقة الي قريبة من بيتهم
جهزت حالها ولبست احلى شي عندها وراحت شافتو
تركتو ومشيت
فاتن. ماشي يا حقير لكن انا فاتن تتسلى فيني كل هالوقت وبالأخر تجي وبكل برودة اعصاب تقلي بحبها
الله اعلم شو عملتلو هالحقيرة
اكيد طمعت فيه وخلتو يتعلق فيها قالت لحالها من وين رح تلاقي متلو شب حليوة ومعو مصاري وراكب افخم سيارة واهلو عندهم املاك مابتاكلها النيران
انا الحق عليي كان لازم خليه يتزوحني بدون موافقة اهلو
قال كنت واثقة من حالي وقول مرجوعو لألي والله انا مابفهم
بس مارح اتركو يتهنى معها والله مارح اتركو ورح خليه يجي لعند رجليي يترجاني
بعد يومين
بلشت التجهيزات للعرس جابو غرفة النوم وحجزو صالة وزعو كروت الدعوة وخلصو كل شي مابقي الا الفستان
تطلعت بعيونو وقالت بنفسها ياريت لو تعرف اديش جايي ع بالي اضربك واضربك واضربك وارجع ضمك وقلك ليش عملت فيني هيك انا بحبك انت الي وبس ماحدا بحبك قد ما انا بحبك خلينا نبلش من جديد
أوس. شو
ماسة. خلينا نمشي
وصلو ع المحل واختارت ماسة فستان كتير حلو
عرين. هههههه طالعة متل اللعبة بتاخدي العقل رح نادي لأوس حابب يشوفو عليكي
ماسة. هوا طلب انو يشوفو علي ؟
عرين. اي
ماسة. بس مابدي خليه مفاجئة ليوم العرس
عرين. لك عادي اصلا هوا اصر علي كتير وهلأ بيزعل
أوس. شو صار يعني ماعجبكم شي ؟
عرين. عجبنا وحجزنا الفستان وبس ماسة ماخلتني ناديلك تشوفو قالت ليوم العرس
أوس. اصلا عادي منيح ما ناديتيلي لأني مابعرف بهيك امور
اتطلع بماسة وابتسملها ابتسامة خبيثة
عرين. لكن ليش ظليت ساعة تقلي ناديلي بس تلبسو مشان شوفو عليها
اتطلعت فيه ماسة بشماتة
أوس. هههه عرين انتي فضيحة مابتعرفي تخبي شي
عرين. لك شو حكيت
أوس. ولا شي يلا اطلعو بالسيارة
اجا يوم العرس وأوس مو عاطي فرحتو لحدا لأنو ماخسر ماسة
وصارت حفلة كبيرة كتير
في بيت فاتن
مارضيت تحضر العرس مقهورة لأنو خسرت أوس
اتطلعت من الشباك وشافتهم راحو يجيبو العروس انقهرت بزيادة وصارت تفكر انو شو بدها تعمل حتى ترجع أوس
فاتن. انا بغبائي خسرتو لأوس لا لا انا ماخسرتو هوا اكيد رح يمل منها ويرجعلي الي وهي اذا كان عنجد بحبها
اكيد عم يحاول ينساني ومتل العادة مارح يقدر هههههه بس والله وقت يرجعلي غير خليه يبوس ايدي لحتى اقبل
لك شو هالجنان هاد الزلما اليوم عرسو وانتي عم تقولي يرجعلك
حتى لو ماكان بحبها اليوم رح يكون مبسوط معها
ياربي شو بدي اعمل هي اجت هيك فجأة واخدت كل شي ع البارد المستريح
وصلو ع الصالة ودخل أوس ليطالعها رفع الطرحة عن وجها وباسها
بدلو المحابس وكان قلبها يدق بقوة
نزلوهم يرقصو سلو ع اغنية اسمحيلي بالرقصة الاولى
اسمحيلى من الرقصه الاولى اوصلك احساسي فيكي تسلميلى ما أحلاكي التوب الابيض شو محلااااكي راح اكمل حياتى معاكى وأقضى عمري غنج فيكي
راح بتصيرى ام أولاادى ونعمر بيت السعاده من فرحه قلبى راح نادى خليكي بعمرى خليكي
طالعها أوس من الصالة وطلع هوا وياها بالسيارة لوحدهم شغل اغنية رومنسية وهادية
ماسة من كتر مو متلبكة ماحكت ولا كلمة طول الطريق
وصلو ع البيت وكل الناس باركولهم وراحو
دخلوهم ع الغرفة ودخلت المصورة لتصورهم بس ماسة جننتها
المصورة. لك مابصير هيك قربي منو اكتر
ماسة. اكتر من هيك !
أوس. هههه يلا قربي
ماسة. بصوت واطي لاتفرح كتير هي اخر صورة
أوس. لا يا شاطرة لسا ماصورتنا ونحنى عم نبوس بعض
ماسة. بالله شو بأحلامك
أوس. هيك المصورة بدها انا شو دخلني
ماسة. قوللها انو انت مابدك
أوس. اي بس انا بدي
ماسة. أووووس
أوس. ههههههه عم بمزح شبك
خلصو تصوير وراحت المصورة
دخلت لعندهم عرين
عرين. الف مبرووووك الله يهنيكم
أوس و ماسة. الله يبارك فيكي
عرين. أوس نحنى هلأ رايحين بدك شي
أوس. لا سلامتك
عرين. باي
راحو عرين وابوها وامها ع بيت يوسف ابنهم ينامو عندهم وماسة سألت أوس لوين راحو
أوس. راحو ينامو ببيت يوسف مشان يخلالنا الجو
ماسة. ايا جو !!
أوس. هههههههه
ماسة. مافي شي بضحك نخنى متفقين ع كل شي
جلست حالها واتطلعت فيه وقالتلو هاد الحكي مو صحيح
أوس. امبلى صحيح ومو بس هيك بتعرفي انو الجن بحبو الدباديب كتيررر
والغرفة الي بكون فيها دباديب بالليل بسكنوها الجن يعني ممكن تسمعي حركتهن اذا وقعو شي خليني احكيلك قصة البنت الي تلبسها جني لانو بتنيم الدبدوب معها وياحرام شو صار فيها
بعدت الدبدوب عنها ورمتو ع الارض
ماسة. لااااا لا تحكي شي اصلا هي كلها خرافات
أوس. اذا خرافات لكن ليش رميتي الدبدوب ، بس حتى لو رميتيه ممكن بالليل الجن يشيلوه وير
تاني يوم كانو كلهن بالصالون دق باب البيت فتحت عرين كانت ام فاتن جايبة هدية وجاية تباركلهم
قعدت معهم وشافتهم اديش مبسوطين وطول الوقت يضحكو
رجعت ع البيت وشافتها فاتن
فاتن. وين كنتي قعدت من النوم وما لقيتك
ام فاتن. رحت بارك لأم يوسف بزواج ابنها
فاتن. وليش ماخبرتيني
ام فاتن. ماحبيت فيقك من النوم بعرفك قبل الساعة 2 مابتقعدي
فاتن. طيب كيف العرسان مبسوطين ؟
ام فاتن. مبسوطين وبس ماشاء الله الضحكة مابتفارق وجهم والعروس حلوة ولابقتلو لأوس حسيت انو شايفها ومو مسدء
فاتن بس سمعت بهاد الحكي جن جنونها راحت لبست تيابها وطلعت من البيت اتصلت برفيقتها اريج وقالتلها بدها تشوفها
تقابلو بكفتيريا وحكتلها قصتها مع أوس وطلبت مساعدتها
أوس. ماتعملي شي بس بعدي عني شوي
ماسة. طب قلي خف الوجع
أوس. اي ماظل شي
ماسة. اي الحمدلله
مرق كم يوم وبلشت اثار السحر ع أوس
بطل يمزح مع ماسة وصار حكيو قليل معها
وحتى هي لاحظت هالشي بس ما اهتمت فكرت انو عم يختبرها وانو عم يعمل حالو زعلان منها
بس مرق اسبوع وأوس كل مالو عم يبعد عنها وتغيرت معاملتو معها صار يعلي صوتو عليها ويجرحها بالحكي ومابقى حاول يقرب منها ابدا
وصار يتصرف تصرفات غريبة حتى اهلو لاحظو عليه
ماسة. سلامتك من ايمتى راسك عم يوجعك
أوس. صرلو زمان بس اوقات بكون قوي واوقات خفيف
ماسة. رح اقرألك عليه بلكي بخف ان شاء الله
حطت ايدها ع جبينو غمضت عيونها وصارت تقرأ قرءان صار يحك بكل جسمو ومكان مايحك يطلع حبوب حمرا صغيرة
وكل شوي كانت تزيد الحبوب حتى شلح قميصو وصار يحك اكتر بالأخر طلعت بكل جسمو وصار جسمو يصب عرق
أوس. بكفي بكفي اسكتي
بس شافت كيف عم يحك وبس شافت جسمو صرخت
ماسة. أوس شو صرلك شو هي الحبوب ومن ايمتى
أوس. لك بس اسكتي مو طايق اسمع صوتك
ماسة. لك شوف حالتك كيف رح نادي لحماتي
أوس. استني شوي
ماسة. شو
أوس. قربي لقلك
راح معهم وبس طلع بالسيارة طول الطريق كان يصرخ وبدو ينزل
راحو ع بيت الشيخ وبالغصب دخلوه سألهن شو كان يصير معو وشو بيعمل
وعرف انو مسحور
وقرأ عليه ايات السحر وبقيو ساعتين حتى طالع الجن الي جواتو
وقاللهن انو الي عامل السحر هي بنت
ولا تحكو قدام حدا انكم فكيتوه لأنو اذا وصل الخبر ممكن يعملو مرة تانية
ام يوسف. يعني هلأ فينا نتطمن انو صار منيح
الشيخ. اي كتير منيح ومافيه شي بس خليه يداوم ع الاذكار
السحر الي معمولو قوي بس ماقدر يسيطر عليه كليا لهيك كان يصيبو وجع بالراس وبالجسم لان من جواتو كان يقاوم
رجعو ع البيت
أوس. يعني هلأ بدكن تقنعوني اني كنت مسحور واني عملت كل شي قلتوه
ام يوسف. اي والحمدلله هلأ مافيك شي
أوس. ماعم بسدء عنجد حاسي متل وكأني كنت نايم وحسيت وماني فاهم شي او فاقد الذاكرة وهلأ رجعتلي
ام يوسف. الله يسامحك يا أوس معقول بدك كنت ترتبط بهيك بنت لك شوف هي الملاك الي قدامك جايي تشبهها للشيطانة
أوس اتطلع بماسة وابتسملها
أوس. ع كلا رح تاخد حسابها
ام يوسف. لا اصحك تعمل شي الشيخ قال انو مالازم يوصلهن خبر انو فكينا السحر
ماسة. اي مزبوط
أوس. اوووف جسمي كلو عم يوجعني
ام يوسف. فوت نام وارتاح بغرفتك
أوس. وانتو مابدكن تنامو
ام يوسف. كيف رح يجينا نوم بعد الي صار
أوس. تعي ماسة خلينا نروح انام
دخلو ع الغرفة وأوس كان خجلان من الي عملو
أوس. خايفة مني
ماسة. لا ابدا
أوس. انا اسف ع كل شي عملتو وع كل شي حكيتو والله بدون قصدي وماكنت حاسس ع شي
ماعم اتخيل انو انا كنت رح اقتلك لك انتي حياتي
ماسة. خلص انسى لا تحكي شي
الحمدلله انو انت مافيك شي
مابتتخيل اديش خفت عليك لما كنت عم بتتوجع
أوس. خفتي علي ؟
ماسة. اي وكتير كمان
قربت منو وضمتو
تاني يوم بعد العصر لبس أوس تيابو وطلع
ام يوسف. أوس وين رايح
أوس. لعند فؤاد اذا لزمكم شي احكو معي
طلع من البيت واتصل بفاتن وقاللها بدو يشوفها
فرحت كتير بس شافت رقمو وفكرت انو مشي الحال ورجع يصالحها
فاتن. اف واخيراا صرلي زمان عم استنى
نزلت شافتو وسلمت عليه وطلعت معو بالسيارة
فاتن. لوين رايحين
أوس. انا مابعرف ليش اتصلت فيكي حاسس انو كتير مشتاقلك
ومافيني عيش مع مرتي وحاسس حالي بكرها
تخيلي كل يوم كنت اجي لعند باب بيتكم واستناكي
فاتن. ههههاي يعني انت رجعتلي ومشي الحال
أوس. كيف يعني مشي الحال
فاتن. اه ولا شي بقصد انو لساتك بتحبني
أوس. فاتن انا بحبك انتي كل حياتي
فاتن. كنت بعرف انك رح ترجعلي وانا مو زعلانة منك لأنك جرحتني اخر مرة
أوس. عنجد انا اسف
فاتن. ولا يهمك حبيبي المهم نحنى هلأ مع بعض
أوس. وصلنا انزلي من السيارة
فاتن. ليش بدنا ننزل هون الطريق فاضي ومافي مكان نقعد فيه
أوس. مامهم نقعد في شي بدي قلك ياه
نزلت فاتن وقفت جنبو وقالتلو شو في ضربها كف قوي وقاللها هاد الكف بدل الشي الي عملتيه
فاتن. جايبني لهون لتضربني هاد الكف انت مستوعب شو عملت
أوس. اي جايبك بس لأضربك هاد الكف وقلك انو الله بحبني لهيك مابلاني بوحدة وسخة متلك انا عرفت الي عملتيه فيني
والمرة هي رح اكتفي بكف بس اقسم بالله العظيم اذا لسا بتحاولي تعملي شي لتفرقيني عن ماسة رح تشوفي شي بحياتك ماشفتيه
اصلا مش قادر استوعب كيف جنيت بيوم من الايام وحبيتك
فاتن. والله غير تندم ع هاد الحكي ومو انا الي بسكت عن حقي
أوس. جربي اعملي شي وشوفي شو رح اعمل فيكي
طلع اوس بسيارتو وتركها بالطريق
ماتت من قهرها لأنو كل شي انقلب ضدها وبدل مايحبها أوس كرهها
رجع ع البيت وهي طلعت بتكسى وراحت ع حارة اهل ماسة وهنيك صارت تسأل ع شب اسمو فادي
دلوها عليه وراحت ع بيتهم دقت الباب فتح ابوه وقالتلو بدها تشوف فادي
طلع فادي وراحت هي وياه ع كفتيريا
فاتن. ههههههه من كل عقلك بتحكي انا بدي اتزوج واحد متلك
فادي. اي ليش شو ناقصني
فاتن. فادي لا تزعل من الي بدي قولو بس الي متلك انا مابشوفهم اصلا واذا شفتهم مابشيلهم من ارضهم
فادي. اهااا هيك لكن
فاتن. ههههه زعلت بس هي الحقيقة
فادي. لا مازعلت انا رح اعمل الي قلتي عليه ورح ابعت ناس يضريوه ويكسروه تكسير
وبس يصير الي بدك ياه بتعطيني بتجي لعندي وبتعطيني المصاري
فاتن. اديش بدك
فادي. قد مابدك مو مشكلة
فاتن. اوك شكرا الك
فادي. ولو العفو
المسا في بيت أوس كل العيلة كانو مجتمعين
فؤاد. يا جماعة بما انكم مجتمعين انا وعرين بدنا نخبركم انو حددنا موعد عرسنا يوم الجمعة يعني بعد 6 ايام شو رأيكم
الكل. الف مبروك
بالليل بغرفة أوس
كانت واقفة قدام المراية عم تتمكيج
حطت مكياج خفيف وناعم
قرب منها وحط ايديه ع خصرها وهي لفت ايديها ع رقبتو واتطلعو بعيون بعض
أوس. عرين وفؤاد رح يتزوجو بس شو مشانا انا وانتي
خجلت ونزلت عيونها
قرب منها وباسها
رجع بعد عنها وقاللها انا رح نام تصبحي ع خير
ماسة. وانت بخير
تاني يوم بعد الفطور
أوس. يلا انا اتأخرت ع الشغل بدكم شي
ام يوسف. رح تبلش شغل
أوس. اي وبدي روح لعند فؤاد شوف اذا لازمو شي مشان التجهيزات للعرس
ام يوسف. اي روح الله يسرلك
طلع من البيت وقبل مايركب بسيارتو هجمو عليه 3 شباب وضربوه وكان الشارع فاضي
وقع بالأرض من قوة الضرب ورجع واحد كمل عليه وضربو بوكس ع وجهو طالعلو الدم من تمو وبعدين هربو
سند حالو ع السيارة وفتح الباب وقعد فيها
ظل شوي حتى قدر يوقف ع رجليه وطلع ع البيت فتحتلو عرين وشافت قميصو ممزوع و وجهو ازرق وطالع الدم من تمو
عرين. شو صاير معك
أوس. مو صاير شي
دخل ع البيت وشافتو امو وماسة
وحكالهم الي صار
ام يوسف. الله يكسر ايديهم يارب
ماسة. ماعرفتهم مين هني
أوس. لا كيف بدي اعرفهم
ام يوسف. بلكي عامل مشاكل مع حدا بالشغل وبدهن ينتقمو
أوس. ايا شغل يا امي اذا انا اليوم كنت رح بلش شغل بعدين ماعندي مشاكل مع حدا
ام يوسف. لكن شو القصة هني جايين مشان يضربوك يعني ماسرقو شي وماهددوك
اكيد حدا باعثهم وانت لازم تعرف مين
أوس. شو انا بعلم بالغيب مابعرفهم وبحياتي ماشفتهم
ماسة. طيب انت منيح
أوس. منيح لا تخافي
ام يوسف. عرين ليش مابتئجلو عرسكم فترة والله خايفة يصير شي
أوس. لا ليش تئجلو مارح يصير شي اذا كل شي صار جاهز وامورهن تمام
بالليل بغرفة أوس
ماسة. أوس بدي قلك شي وكان لازم من زمان قلك ياه ماكنت حابة انو نبقى كل هي الفترة و
أوس. ماسة لا تحكي شي هلأ خلص بعدين انا نعسان وبدي نام تصبحي ع خير
ماسة. بس خليني قلك شي
أوس. لا ممنوع يلا نامي
تاني يوم حكا فادي مع فاتن وقاللها انو صار الي بدها ياه وانو تجبلو المصاري ع البيت
أوس. كيف جعلتني أحبــك إلى هذا الحد
كيف خلقت اللهفة في عيني وفي كياني
نعم جعلتني أجن عندما أتذكرك
أتخيلك في كل شيء
أتخيل وجهك في وجوه الحاضرين
اسمع صوتك في كل لحظة
اشعر بقربك في كل مكان
انا بحبك الله يخلينا لبعض ولا يفرقنا
فاتن وفادي تزوجو واتفقو ع الطلاق بعد شهر
عرفت فاتن انو الي صار معها بسبب تكبرها واعمالها السيئة وانو الجزاء من جنس العمل
( النهاية )
فكرة القصة مأخوذة من قصة واقعية وبتمنى تكون عجبتكم النهاية
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.