كانت أموري بالسليم ، عايشة حياتي بسلاسة ، أنا حدا كتير إجتماعي ، نضايفية ومتئّنة والكل بحب يجي ع بيتي يزورني
بس من بعد ما دخلت كروب #مقشة_ونشافة انقلبت كل حياتي
صارت سوستي التنظيف والنضافة ، إذا شفت وحدة حطت بوست تعزيل ، بقول ليش أنا ما كون أحسن منها ؟!
بشيل كلشي وبشطف كلشي وما برضى حدا يكون اشطر مني
كنت تابع هالكروب بحذافيرو ، في كتير آشيا ساعدتني ، بس وقت وصلت لمرحلة الوسوسة جابت 60 أجلي
تعوا قلكون شو صار معي ؟!اليوم عملت صبحية_مع_سلفاتي_وحماتي_وبناتها
عملت فطور وقعدنا ، بس كل الوقت قول لبنت حماي ؟! لحقي ابنك وسخلي !
الخبز هرهرلي !
الكنبايات معمطلي !
ما بعرف ليش لبست وحملت حالا وأخدت إبنا وراحت معقول زعلت؟!
وبس خلصنا فطور سلفاتي شالو الصحون وبلشو بالجلي ، أنا كنت بمسح الأرض بالكلور و المعطر والديتول وبخة خل ...
بس رحت عالمطبخ وشفت هالشوفة صرخت بالووووولييي ؟!
عصبت وقلتلون بربكون هاد جلي هاد ، لك يا شرنّات الليفة الحمرا للكاسات
الليفة الصفرا للملاعق
الليفة الزرقا للصحون
الليفة الخضرا للطناجر والزفر
و الفيري للدهون حتى ينضفو
الكرمل للكاسات حتى يلمعو سلفتي عملت عيونا هيك وشلفت الليفة وقالت الحق علينا بنجليلك ، سحبت سلفتي التانية من إيدها وقالتلا قوووووومي نروووووح ناقصنا هبل ، قال شو ؟!
ليفة صفرا وحمرا وكرمل وفيري
روحي من خلقتي طيري نطت حماتي قالتلي هي زعلوا بنات حماكي وسلفاتك وراحوا من عندك ؟!
قالتلي الله يهديكي يا بنتي وراحت مسكت المسبحة وقعدت بالبرندة
#فجأة وانا بالغرفة لقيت نملة بتمشي
تذكرت انو في دعاء في صبية حطتو بمقشة ونشافة ، وقال حرام نقتل النمل لإنها جند من جنود الله وفي حال حكينا مع النملة قال بتروح من البيت فورا"
قربت راسي عند باب الغرفة و قربت تمي لأدن النملة وقلتلا ..
(( أني أحرج عليكي أن تخرجي من داري ، فأخرجي لوحدك فأنا لا أريدك هنا ، فإني أكره أن تقتلي في داري )) ونفخت تلات نفخات مالقيت غير رجلين حماتي حدي ، رفعت راسي لفوق وبلعت ريقي
قالتلي : وصلت معك تقليعيني من بيت ابني ؟!
وصلت معك تعمليلي سحر ؟!
وصلت مواصيلك تقتليني اذا ما طلعت من عندك ؟!
تاركتلك البيت ورايحة يا معقدة ...
لك بربي ما خلتلي مجال دافع عن حالي ، فات لساني لحلقي انبلع ، خوووود عاااااد شي يقنعها أنو انا بحكي نملة مو بقصدها الها
لبست وراحت يالله معقول تكون زعلت
انا زعلت كتير لأنو الكل انطمز مني ، فتت على غرفة نومي وتسطحت عالتخت وبلشت اصفن بالسقف
بعد شوي فات جوزي جانن ، أمه محاكيته واخواته ونسوان أخواته
قلي : لك شو عاملة ؟!
ليش الكل طلع من عندك زعلان ومكسور خاطره ؟!
لك شبك ردي عليي ليش صفنانة بالسقف ؟!
صفنانة بعمايلك السودة ووسوستك الزايدة ما ؟!
قلتلو : لا والله صفنانة بالمروحة كأنه متغبرة شوي ؟!
شو رأيك تقوم تجبلي السيبة وتفكلي ياها لنضفها
صراحة هوي ما عمل شي بس حمل حاله وخبط باب البيت هزت حيطان البيت هز ، ولهلق ما إجا ، يالله معقول زعل!!
بس من بعد ما دخلت كروب #مقشة_ونشافة انقلبت كل حياتي
صارت سوستي التنظيف والنضافة ، إذا شفت وحدة حطت بوست تعزيل ، بقول ليش أنا ما كون أحسن منها ؟!
بشيل كلشي وبشطف كلشي وما برضى حدا يكون اشطر مني
كنت تابع هالكروب بحذافيرو ، في كتير آشيا ساعدتني ، بس وقت وصلت لمرحلة الوسوسة جابت 60 أجلي
تعوا قلكون شو صار معي ؟!اليوم عملت صبحية_مع_سلفاتي_وحماتي_وبناتها
عملت فطور وقعدنا ، بس كل الوقت قول لبنت حماي ؟! لحقي ابنك وسخلي !
الخبز هرهرلي !
الكنبايات معمطلي !
ما بعرف ليش لبست وحملت حالا وأخدت إبنا وراحت معقول زعلت؟!
وبس خلصنا فطور سلفاتي شالو الصحون وبلشو بالجلي ، أنا كنت بمسح الأرض بالكلور و المعطر والديتول وبخة خل ...
بس رحت عالمطبخ وشفت هالشوفة صرخت بالووووولييي ؟!
عصبت وقلتلون بربكون هاد جلي هاد ، لك يا شرنّات الليفة الحمرا للكاسات
الليفة الصفرا للملاعق
الليفة الزرقا للصحون
الليفة الخضرا للطناجر والزفر
و الفيري للدهون حتى ينضفو
الكرمل للكاسات حتى يلمعو سلفتي عملت عيونا هيك وشلفت الليفة وقالت الحق علينا بنجليلك ، سحبت سلفتي التانية من إيدها وقالتلا قوووووومي نروووووح ناقصنا هبل ، قال شو ؟!
ليفة صفرا وحمرا وكرمل وفيري
روحي من خلقتي طيري نطت حماتي قالتلي هي زعلوا بنات حماكي وسلفاتك وراحوا من عندك ؟!
قالتلي الله يهديكي يا بنتي وراحت مسكت المسبحة وقعدت بالبرندة
#فجأة وانا بالغرفة لقيت نملة بتمشي
تذكرت انو في دعاء في صبية حطتو بمقشة ونشافة ، وقال حرام نقتل النمل لإنها جند من جنود الله وفي حال حكينا مع النملة قال بتروح من البيت فورا"
قربت راسي عند باب الغرفة و قربت تمي لأدن النملة وقلتلا ..
(( أني أحرج عليكي أن تخرجي من داري ، فأخرجي لوحدك فأنا لا أريدك هنا ، فإني أكره أن تقتلي في داري )) ونفخت تلات نفخات مالقيت غير رجلين حماتي حدي ، رفعت راسي لفوق وبلعت ريقي
قالتلي : وصلت معك تقليعيني من بيت ابني ؟!
وصلت معك تعمليلي سحر ؟!
وصلت مواصيلك تقتليني اذا ما طلعت من عندك ؟!
تاركتلك البيت ورايحة يا معقدة ...
لك بربي ما خلتلي مجال دافع عن حالي ، فات لساني لحلقي انبلع ، خوووود عاااااد شي يقنعها أنو انا بحكي نملة مو بقصدها الها
لبست وراحت يالله معقول تكون زعلت
انا زعلت كتير لأنو الكل انطمز مني ، فتت على غرفة نومي وتسطحت عالتخت وبلشت اصفن بالسقف
بعد شوي فات جوزي جانن ، أمه محاكيته واخواته ونسوان أخواته
قلي : لك شو عاملة ؟!
ليش الكل طلع من عندك زعلان ومكسور خاطره ؟!
لك شبك ردي عليي ليش صفنانة بالسقف ؟!
صفنانة بعمايلك السودة ووسوستك الزايدة ما ؟!
قلتلو : لا والله صفنانة بالمروحة كأنه متغبرة شوي ؟!
شو رأيك تقوم تجبلي السيبة وتفكلي ياها لنضفها
صراحة هوي ما عمل شي بس حمل حاله وخبط باب البيت هزت حيطان البيت هز ، ولهلق ما إجا ، يالله معقول زعل!!