#لعبنا_سوياً
#بقلم_فيلوفوبيا
#الجزء_الأول
لجين:ولاااء بعدي من وجهي بقا بعدييي
ولاء:اييي شبك خليني اعرف نضف
لجين:هفففف ياربي رح يروح عليي الماتش بعدي
ولاء:شوفو ياناس اختي بتابع كرة قدم متل الشباب
لجين:لك خلصنا سكتي و بعدي من وجهي احسنلك ها
دفشتها و بعدتها عن وجهي...ماعم تتركني اعرف اتفرج عالماتش...يادوب عشر دقايق و كانت جايبة جاط البوشار ومتربعة جنبي عالكنباية
لجين:شووو بلاقيكي تربعتي
ولاء:اي بدي شوف اللاعبين...دخيل الله عهيك شخصيات
لجين:لك تضربي شو سخيفة...الواحد بيهمو اللعب مو اللاعبين
ولاء:بالعكس البنات بيحضرو الماتشات مشان اللاعبين...شوفيلي مشان الله مأحلاهن...لك شوفي جود دخيل ربو على هالجمال...حالق شعرو عالموضة هالضرسان
لجين:بربي انك سخيفة
ولاء:لك لاتحكي متل الشباب...موحرام كل هالانوثة الجمال يضيعو بهيك ملافظ!
لجين:المهم هلأ...شو صار مع زوجك دبرلنا تكيتات مشان نحضر الماتش الجاية
ولاء:اي لكن لانو لؤي تحت خدمتك قاعد
لجين:هفففف سكتي سكتي رح يروح عليي الغول
و انا عم تابع الماتش و مشدودة الو بكل حواسي و مركزة منيح مع اللاعبين و كل واحد و تحركاتو وكأني معهن على ارض الملعب تقريبا بقدر اتنبأ كيف رح يلعبو لاني بتابع كرة قدم من صغري وكتير بحب هالرياضة
فات صهري لؤي حامل معو غراض للبيت
ابتسم وقت شافني قاعدة عندهن متل العادة عم تابع المباريات لانو ماعنا بالبيت كرت لفك تشفير القنوات
بس عند صهري في و هو تعود على وجودي معهن بالبيت و بيعتبرني متل اختو
___________________
انا لجين عمري 22 سنة....مخلصة معهد رياضي و بشتغل انسة رياضة بمدرسة اناث...الرياضة عشقي من صغري
عايشة ببيت اهلي انا و اخي مرتو يلي مابتفق معها و اغلب الوقت بطفش لبيت اختي الكبيرة ولاء...يلي متزوجة رجل الاعمال لؤي...حالتهن منيحة و مرتاحين و ماناقص بحياتهن الا الاطفال يلي لهلأ رب العالمين ما اذن يجيبو
بعد كم يوم
لؤي:يلا يا صبايا رح نتأخر عالطيارة
لجين:انا اجيت صهري...هلأ خبرني يعني كم تيكت اشتريت؟كم ماتش فينا نحضر
لؤي:ههههههه يخرب عقلك يالجين والله انك اضرب من الشباب....هلأ اشتريت لماتشين و اذا صحلي اشتريلك هنيك مارح قصر المهم تحضري الماتشات لايف..
لجين:بعرف اني عم كلفك كتير والله امانة لاتواخزني الك عليي لردلك المصاري اول بأول
لؤي:سكتي بلاحكي فاضي اختي انتي و مابيغلا عليكي
لجين:لك ولااااء خلصينا بدنا نلحق نرتاح قبل الماتش المسا يلااا
ولاء:اييي اجيت...(طلعت بلؤي)يعني كرمال لجين خانم بتسفرنا و كرمالي انا لأ موهيك
لؤي:امشي هلأ منتناقش بالسيارة...شرفو يلا
توفيق:شو شريك...جاهز...مباراة اليوم صعبة
جودهز براسو)مافي شي بيصعب عليي...والله لكسرلك راسهن واحد واحد
توفيق:مغروور...مفكر رح يطلعلك معهن مو هيك؟؟
جود:المسا بتشوف
توفيق:اخ يازلمة ايمتا بدو يخلص هالدوري بدي ارجع لمرتي و بنتي
جود(بعدم اهتمام)دخيلك شو رومانسي...بكرا بترجع كلهن شهرين زمان و بيمضو
توفيق:لك بدي افهم ليش هيك ناشف انت!!!ماتكون بمحلي ماكنت شتقت لعيلتك؟
جود:دخيلك مالي مشتاق لحدا...انا الي بهمني انا فوز بكل ماتش بلعبو...هاد الي بهمني...و اذا بيشتريني نادي جديد هاد الدوري وبيرفعو سعري بيكون ممتاز حاكم مليت منكن
توفيق:لك تضرب شو شايف حالك....على هالغرور انت مارح توصل لمكان
جود:طيب متل مابدك
__________________
لؤي:يلا ياصبايا بسرعة بسرعة
لجين:وين حاجزلنا؟
لؤي:اول صف جنب البوابة كرمال تشوفي اللاعبين و هنه طالعين
ولاء:كتير منيح اول صف منشوف منيح
لجين:يارب يكون هالماتش قوي
بعد ماقعدنا انا و نطرنا عشر دقايق و بدأ الماتش....طلعو اللاعبين من البوابة..كانت اجسامهن اضخم من ما كنت متخيلة...و اول لاعب طلع وهو حامل علم النادي...جود الفريد....قائد الفريق الي انا بشجعو...و اهم و اقوى لاعب فيه
عمرو 30 سنة....لاعب صف اول...قوتو البدنية واضحة
بكل تاريخ لعبو ماتسجلو ولا مخالفة...ورغم جو اللاعبين و الشهرة الا انو فحوصاتو للمخدرات و المنشطات و حتى الكحول سليمة...يعني عم يعطي الرياضة حقها الكامل
بلشت المباراة و انا عقلي عم يتابع كل حركة من لاعبين الفريقين...اول مرة بحضر مباراة هيك من المدرجات...
عيوني مركزين 100% على كل لاعب...رغم الضجة اللي حواليي الا اني ماحسيت بشي وكأني لحالي انا و المباراة
خلص الشوط الاول و ماتسجل هدف لحدا
و بالشوط التاني كانو اللاعبين متحمسين اكتر ليغلبو بعض....خطأ ارتكبو واحد من لاعبين الفريق الخصم
اعطى الحكم بسببو ضربة جزاء لفريقنا
و جود هو الي رح يضرب هالضربة....وقف جود بمنطقة الجزاء وعم يتجهز ليضرب الكرة بجهة اليسار والملعب هدي بهاللحظات....كل الجمهور خايف وناطر نتيحة ضربة الجزاء
طلعت بالحارس منيح...كان ملاحظ انو جود رح يضرب عاليسار و مجهز حالو لهالشي و من خلال وقفتو كان واضح
طلعت فيهن هنه التنين نظرة سريعة و لما تحرك جود ليضرب الكرة...صرخت
لجين:جوووووووووود!!!!!!!!ضربها يمييين....يمييييين ياجود يميييييين
طلع جود بجهة الصوت يلي طلع عرفت انو سمعني و صفر الحكم انو لازم يضربها...ونصدمت لما ضربها على جهة اليمين و دخلت بالمرمى و اعلنو عن هدف نضيف لمصلحة فريقنا
قلبي كان رح يوقف...و خدودي احمرو وانفاسي تسارعت
جود سمع مني وعمل متل ماقلتلو....و توقعي كان بمحلو
تحول تركيزي من المبارة و اللاعبين على جود
بكل حركة كنت راقبو...و دقات قلبي عم تركد متل ماهو عم يركد...سجل هدف تاني....و انا عيوني عليه..مابعرف شو صرلي ولا ليش تحول تركيزي لاتجاهو
#يتبع...
#بقلم_فيلوفوبيا
#الجزء_الأول
لجين:ولاااء بعدي من وجهي بقا بعدييي
ولاء:اييي شبك خليني اعرف نضف
لجين:هفففف ياربي رح يروح عليي الماتش بعدي
ولاء:شوفو ياناس اختي بتابع كرة قدم متل الشباب
لجين:لك خلصنا سكتي و بعدي من وجهي احسنلك ها
دفشتها و بعدتها عن وجهي...ماعم تتركني اعرف اتفرج عالماتش...يادوب عشر دقايق و كانت جايبة جاط البوشار ومتربعة جنبي عالكنباية
لجين:شووو بلاقيكي تربعتي
ولاء:اي بدي شوف اللاعبين...دخيل الله عهيك شخصيات
لجين:لك تضربي شو سخيفة...الواحد بيهمو اللعب مو اللاعبين
ولاء:بالعكس البنات بيحضرو الماتشات مشان اللاعبين...شوفيلي مشان الله مأحلاهن...لك شوفي جود دخيل ربو على هالجمال...حالق شعرو عالموضة هالضرسان
لجين:بربي انك سخيفة
ولاء:لك لاتحكي متل الشباب...موحرام كل هالانوثة الجمال يضيعو بهيك ملافظ!
لجين:المهم هلأ...شو صار مع زوجك دبرلنا تكيتات مشان نحضر الماتش الجاية
ولاء:اي لكن لانو لؤي تحت خدمتك قاعد
لجين:هفففف سكتي سكتي رح يروح عليي الغول
و انا عم تابع الماتش و مشدودة الو بكل حواسي و مركزة منيح مع اللاعبين و كل واحد و تحركاتو وكأني معهن على ارض الملعب تقريبا بقدر اتنبأ كيف رح يلعبو لاني بتابع كرة قدم من صغري وكتير بحب هالرياضة
فات صهري لؤي حامل معو غراض للبيت
ابتسم وقت شافني قاعدة عندهن متل العادة عم تابع المباريات لانو ماعنا بالبيت كرت لفك تشفير القنوات
بس عند صهري في و هو تعود على وجودي معهن بالبيت و بيعتبرني متل اختو
___________________
انا لجين عمري 22 سنة....مخلصة معهد رياضي و بشتغل انسة رياضة بمدرسة اناث...الرياضة عشقي من صغري
عايشة ببيت اهلي انا و اخي مرتو يلي مابتفق معها و اغلب الوقت بطفش لبيت اختي الكبيرة ولاء...يلي متزوجة رجل الاعمال لؤي...حالتهن منيحة و مرتاحين و ماناقص بحياتهن الا الاطفال يلي لهلأ رب العالمين ما اذن يجيبو
بعد كم يوم
لؤي:يلا يا صبايا رح نتأخر عالطيارة
لجين:انا اجيت صهري...هلأ خبرني يعني كم تيكت اشتريت؟كم ماتش فينا نحضر
لؤي:ههههههه يخرب عقلك يالجين والله انك اضرب من الشباب....هلأ اشتريت لماتشين و اذا صحلي اشتريلك هنيك مارح قصر المهم تحضري الماتشات لايف..
لجين:بعرف اني عم كلفك كتير والله امانة لاتواخزني الك عليي لردلك المصاري اول بأول
لؤي:سكتي بلاحكي فاضي اختي انتي و مابيغلا عليكي
لجين:لك ولااااء خلصينا بدنا نلحق نرتاح قبل الماتش المسا يلااا
ولاء:اييي اجيت...(طلعت بلؤي)يعني كرمال لجين خانم بتسفرنا و كرمالي انا لأ موهيك
لؤي:امشي هلأ منتناقش بالسيارة...شرفو يلا
توفيق:شو شريك...جاهز...مباراة اليوم صعبة
جودهز براسو)مافي شي بيصعب عليي...والله لكسرلك راسهن واحد واحد
توفيق:مغروور...مفكر رح يطلعلك معهن مو هيك؟؟
جود:المسا بتشوف
توفيق:اخ يازلمة ايمتا بدو يخلص هالدوري بدي ارجع لمرتي و بنتي
جود(بعدم اهتمام)دخيلك شو رومانسي...بكرا بترجع كلهن شهرين زمان و بيمضو
توفيق:لك بدي افهم ليش هيك ناشف انت!!!ماتكون بمحلي ماكنت شتقت لعيلتك؟
جود:دخيلك مالي مشتاق لحدا...انا الي بهمني انا فوز بكل ماتش بلعبو...هاد الي بهمني...و اذا بيشتريني نادي جديد هاد الدوري وبيرفعو سعري بيكون ممتاز حاكم مليت منكن
توفيق:لك تضرب شو شايف حالك....على هالغرور انت مارح توصل لمكان
جود:طيب متل مابدك
__________________
لؤي:يلا ياصبايا بسرعة بسرعة
لجين:وين حاجزلنا؟
لؤي:اول صف جنب البوابة كرمال تشوفي اللاعبين و هنه طالعين
ولاء:كتير منيح اول صف منشوف منيح
لجين:يارب يكون هالماتش قوي
بعد ماقعدنا انا و نطرنا عشر دقايق و بدأ الماتش....طلعو اللاعبين من البوابة..كانت اجسامهن اضخم من ما كنت متخيلة...و اول لاعب طلع وهو حامل علم النادي...جود الفريد....قائد الفريق الي انا بشجعو...و اهم و اقوى لاعب فيه
عمرو 30 سنة....لاعب صف اول...قوتو البدنية واضحة
بكل تاريخ لعبو ماتسجلو ولا مخالفة...ورغم جو اللاعبين و الشهرة الا انو فحوصاتو للمخدرات و المنشطات و حتى الكحول سليمة...يعني عم يعطي الرياضة حقها الكامل
بلشت المباراة و انا عقلي عم يتابع كل حركة من لاعبين الفريقين...اول مرة بحضر مباراة هيك من المدرجات...
عيوني مركزين 100% على كل لاعب...رغم الضجة اللي حواليي الا اني ماحسيت بشي وكأني لحالي انا و المباراة
خلص الشوط الاول و ماتسجل هدف لحدا
و بالشوط التاني كانو اللاعبين متحمسين اكتر ليغلبو بعض....خطأ ارتكبو واحد من لاعبين الفريق الخصم
اعطى الحكم بسببو ضربة جزاء لفريقنا
و جود هو الي رح يضرب هالضربة....وقف جود بمنطقة الجزاء وعم يتجهز ليضرب الكرة بجهة اليسار والملعب هدي بهاللحظات....كل الجمهور خايف وناطر نتيحة ضربة الجزاء
طلعت بالحارس منيح...كان ملاحظ انو جود رح يضرب عاليسار و مجهز حالو لهالشي و من خلال وقفتو كان واضح
طلعت فيهن هنه التنين نظرة سريعة و لما تحرك جود ليضرب الكرة...صرخت
لجين:جوووووووووود!!!!!!!!ضربها يمييين....يمييييين ياجود يميييييين
طلع جود بجهة الصوت يلي طلع عرفت انو سمعني و صفر الحكم انو لازم يضربها...ونصدمت لما ضربها على جهة اليمين و دخلت بالمرمى و اعلنو عن هدف نضيف لمصلحة فريقنا
قلبي كان رح يوقف...و خدودي احمرو وانفاسي تسارعت
جود سمع مني وعمل متل ماقلتلو....و توقعي كان بمحلو
تحول تركيزي من المبارة و اللاعبين على جود
بكل حركة كنت راقبو...و دقات قلبي عم تركد متل ماهو عم يركد...سجل هدف تاني....و انا عيوني عليه..مابعرف شو صرلي ولا ليش تحول تركيزي لاتجاهو
#يتبع...