#قتلت_حبيبتي
#قصة_من_جزء_واحد
#واقعية
كان عمري 27 سنة...لما شفتا..كانت على قدر عالي من الجمال
هاد الجمال يلي مامنشوف منو كتير ببلدنا
الجمال الاوروبي....البشرة البيضا كتير و العيون الزرق
الملامح الواضحة و المحددة و حتى جسمها كان اوروبي
مابعرف من وين مكتسبة كل هالصفات
انا و كل موظفي القسم اندهشنا فيها و الشاطر يلي صار بس بدو رضاها ليلفت نظرها
بس هيه كانت كتير تقيلة و ملتزمة بنفس الوقت
محجبة ولباسها محتشم
قلت بقلبي هي هيه يلي بتمناها
شهر كامل!!!!عم الحقها من بعد الشغل للبيت
و الصبح من البيت للشغل وهي ولاكأن في حدا ماشي وراها
هالشي زاد من اعجابي فيها
بعد شهر و بعد ماحكيت لامي عنها طلبت رقم بيتهن بشكل صريح
طبعا ترددت بس بعدين عطتني الرقم و خلال شهر تاني كنت خاطبها
سنا....حبيبة قلبي و خطيبتي وكل عمري
كانت كتير خجولة....بس هالشي مادايقني ابدا
خجولة يعني ماعندا علاقات سابقة
خجولة يعني ماحبت غيري
خجولة يعني ما عندا اختلاط مع رجال
حبيتا من قلبي....عشقتا و هيه بادلتني الحب و المشاعر
كل شي كان يبدر منها كان يزيد حبي الها
وقت شفت التزامها بدينها ارتفعت بعيني كتير
تزوجنا خلال 3 شهور....عيشتني فيهن طعم السعادة
طعم الهنا و الفرح
عشقتا و لساتني بعشقها...كل شي فيها حلو
كل شي منيح...كأنها ملاك و عم يمشي بين البشر
حتى مع اهلي كانت منيحة كتير
كل شي كان معها مثالي و ممتاز.....بعد شهرين حملت سنا
و اديش فرحتي كانت كبيرة و مو سايعتني
مرقت اشهر الحمل و عرفنا انو معها صبي
امي طار عقلها و اختارتلو الاسم و بلشت تجهزلو تيابو
بس سنا كانت تقول يلي بيجي من الله منيح
الخلقة الكاملة بتسوى الدنيا
ضمنيا انا كنت مع كلامها...بس انا بدي صبي!يحمل اسمي و هيه معها صبي فإذا" مافي داعي للقلق
و تمت اشهر الحمل و سنا ما اجاها طلق وولدت بعملية قيصرية
وجابت بنت!!!!!!
كان وقع الصدمة عليي و على امي كبير
بس سنا كانت فرحانة فيها لابعد حد....و ماتاثرت و لاتدايقت بعكسي....بس هالوضع ما طول لاني وقعت بغرام بنتي مروة...يلي شبه سنا بكل شي
وشعوري لما اجت بنتي رهف كان نفس الشي...انصدمت اول فترة بس بعدين حبيتا...ماهيه قطعة مني
بس لما اجت بنتي سلوى...انخذلت...كنت متأمل تكون صبي...بس اجت بنت
و من زن امي عالموضوع فورا بعد سلوى جابت سنا اميرة...يلي كمان طلعت بنت....و كمحاولة اخيرة لانقاذ زواجي من امي يلي عم تتوعد انها تجيب لسنا ضرة
وانها تخليني طلقها مع انو هالشي مستحيل لاني بعشقها
حملت سنا و ماصورنا ايكو وماعرفنا جنس المولود حتى شرفت راما عالدنيا!!!
انا مابكره البنات...بناتي الخمسة انا مابكرهن ابدا بالعكس هنه شمعات مضويين حياتي
(بس بدك صبي!)على طول كانت تقولا سنا
سنا يلي حنيتا وسعت البيت و وسعت البنات الخمسة و ربتهن عالاخلاق والدين....ما كانت تظهر اي استياء اني كل سنة عم خليها تحمل على امل تجيب الصبي
ولا كانت تظهر المها بعد 5 قيصريات
بس كان عندا مرض بيسموه(التصاقات)يعني من كتر الولادات القيصرية الاعضاء الداخلية التصقت ببعضها
كانت كتير تتألم و تكتم هالالم....كنت شوف كيف عيونها الزرق دبلو...وكيف جسمها صار نحيف....كيف الشخوب مغطي على جمال بشرتها...خمس اطفال يجو على الدنيا مو قليلين..
زاد الالم عند سنا....وبطنها ماعاد يهدا...راجعنا الدكتور وقال لازم عملية لفك الالتصاقات
كان عمر راما ست شهور...طلعت فيني سنا بعيون خايفة
و عرفت اني رح اطرح عليها فكرة انها تحمل وهيك منضرب عصفورين بحجر...بس الدكتور حكا قبلي و قال مانفكر بالحمل قبل خمس سنين عالاقل
لان سنا جسمها ضعف و انهد و الحمل مخاطرة على حياتها....تناقشنا كتير بالبيت...وحكينا..بس ماكانت تلاقي فايدة معي...انا بدي صبي!
و حملت سنا...البطن السادس على التوالي
بس هالمرة غير...هالمرة تعبها زايد و حيلها مهدود
هالمرة ماعاد ابتسمتلي متل اول...وحركة الجنين بالليل و بالنهار عم تقتلها...
(مو مبين!)جملتي كل ماحدا يسألني عن جنس المولود
لانو مابعرف ولا بدي اعرف
تارك الشغلة هيك ليصير وقتها بعرف
انا انسان مثقف و واعي و بعرف انو الرجل هو المسؤول عن تحديد جنس الطفل و مالمت سنا ابدا على طفلة من طفلاتنا الخمسة
(بس انا بدي صبي)
كنت شوفها كل مرة وقت بدها تطلع من البيت وهيه بطنها لحلقها....و البنات عم يتسابقو مين بتلبسها جراباتها و مين رح تلبسها كندرتها و مين رح ترشلا عطر
كنت شوف نظرات راما و الكره يلي فيهن( للبيبي يلي جواا بطن ماما)
كنت شوف كيف مروة عم تصير نسخة عن امها
ونظرات سنا يلي مليانة حب رغم كل شي
نهاية الشهر التاسع!!!...موعد الولادة تحدد بكرا
سنا حممت البنات و نيمتهن كل وحدة بتختها ووعدتهن انو اخوهن بكرا رح يكون بيناتهن
قرأت قرآن و صلت و دعت كتير
اجت لجنبي و باست ايدي و اخدت رضايي
سنا بحياتا ماتذمرت اني مابصلي...او اني موملتزم
بالعكس كانت تجي تصلي جنبي حتى قوم صلي
وكانت تخليني سمعلا السور يلي حافظتا حتى اكسب اجر التلاوة
(مبروك اجاك صبي!!)
فرحت كتير و حسيت حالي كأني حققت حلم
شعور مابينوصف وقت سمعت هالكلمة
اجا الصبي!!!
و امي زغردت....و ابي حضني وو باركلي....بس باخر الممر كانت حماتي..قاعدة وعيونها عم تدمع...وعم تدعي
تركت الكل و رحت لجنبها لهديها بينما يطالعو سنا من العمليات
(قلبي حاسسني انو سنا صرلا شي)
بين دموعها و غصتها قالت هالكلام و انا قلبي انقبض
حاولت كزب حالي و كزب احساسي بانو صرلا شي و عيش احساس انو اجاني الصبي
بس احساسي تأكد لما شفت علامات الخيبة على وجه الدكتور
(قلتلك المخاطرة على حياتها كبيرة....العمر الكن)
ماصدقت....ماقدرت صدق...كيف يعني قلي العمر الك؟
ماسنا هيه كل عمري...شو يعني ماتت؟كيف ماتت وهيه عم تولد كيف؟
لك الصبي اجا....وين ام الصبي؟
شوبدي بالصبي و ام الصبي راحت؟
من وين بدي جبلو ام.....وبناتي الخمسة يلي ناطرين امهن ترجع وحاملة اخوهن...كيف بدي خبرهن انو امهن ماعاد ترجع؟و انو اخوهن بس يلي يرجع؟
كيف بدهن يحبوه وهو سبب حرمانهن من امهن؟
او بالاحرى انا سبب حرمانهن منها......(لان بدي صبي)
وشو رح ينفع الصبي اذا ام الصبي ماتت؟
انا قتلت حبيبتي اي قتلنا بانانيتي و تفكيري بحالي و بالصبي
شو رح ينفعني الصبي اذا حبيبتي ماتت و تركتني وراها
مع خمس بنات و صبي
سنا كانت متل النسمة بحياتي...ماشفت منها الا كل شي حلو
و انا يلي قتلتا بايديي
#انتهت
#لمحة_بسيطة_عن_واقع_عم_نعيشو
#قصة_من_جزء_واحد
#واقعية
كان عمري 27 سنة...لما شفتا..كانت على قدر عالي من الجمال
هاد الجمال يلي مامنشوف منو كتير ببلدنا
الجمال الاوروبي....البشرة البيضا كتير و العيون الزرق
الملامح الواضحة و المحددة و حتى جسمها كان اوروبي
مابعرف من وين مكتسبة كل هالصفات
انا و كل موظفي القسم اندهشنا فيها و الشاطر يلي صار بس بدو رضاها ليلفت نظرها
بس هيه كانت كتير تقيلة و ملتزمة بنفس الوقت
محجبة ولباسها محتشم
قلت بقلبي هي هيه يلي بتمناها
شهر كامل!!!!عم الحقها من بعد الشغل للبيت
و الصبح من البيت للشغل وهي ولاكأن في حدا ماشي وراها
هالشي زاد من اعجابي فيها
بعد شهر و بعد ماحكيت لامي عنها طلبت رقم بيتهن بشكل صريح
طبعا ترددت بس بعدين عطتني الرقم و خلال شهر تاني كنت خاطبها
سنا....حبيبة قلبي و خطيبتي وكل عمري
كانت كتير خجولة....بس هالشي مادايقني ابدا
خجولة يعني ماعندا علاقات سابقة
خجولة يعني ماحبت غيري
خجولة يعني ما عندا اختلاط مع رجال
حبيتا من قلبي....عشقتا و هيه بادلتني الحب و المشاعر
كل شي كان يبدر منها كان يزيد حبي الها
وقت شفت التزامها بدينها ارتفعت بعيني كتير
تزوجنا خلال 3 شهور....عيشتني فيهن طعم السعادة
طعم الهنا و الفرح
عشقتا و لساتني بعشقها...كل شي فيها حلو
كل شي منيح...كأنها ملاك و عم يمشي بين البشر
حتى مع اهلي كانت منيحة كتير
كل شي كان معها مثالي و ممتاز.....بعد شهرين حملت سنا
و اديش فرحتي كانت كبيرة و مو سايعتني
مرقت اشهر الحمل و عرفنا انو معها صبي
امي طار عقلها و اختارتلو الاسم و بلشت تجهزلو تيابو
بس سنا كانت تقول يلي بيجي من الله منيح
الخلقة الكاملة بتسوى الدنيا
ضمنيا انا كنت مع كلامها...بس انا بدي صبي!يحمل اسمي و هيه معها صبي فإذا" مافي داعي للقلق
و تمت اشهر الحمل و سنا ما اجاها طلق وولدت بعملية قيصرية
وجابت بنت!!!!!!
كان وقع الصدمة عليي و على امي كبير
بس سنا كانت فرحانة فيها لابعد حد....و ماتاثرت و لاتدايقت بعكسي....بس هالوضع ما طول لاني وقعت بغرام بنتي مروة...يلي شبه سنا بكل شي
وشعوري لما اجت بنتي رهف كان نفس الشي...انصدمت اول فترة بس بعدين حبيتا...ماهيه قطعة مني
بس لما اجت بنتي سلوى...انخذلت...كنت متأمل تكون صبي...بس اجت بنت
و من زن امي عالموضوع فورا بعد سلوى جابت سنا اميرة...يلي كمان طلعت بنت....و كمحاولة اخيرة لانقاذ زواجي من امي يلي عم تتوعد انها تجيب لسنا ضرة
وانها تخليني طلقها مع انو هالشي مستحيل لاني بعشقها
حملت سنا و ماصورنا ايكو وماعرفنا جنس المولود حتى شرفت راما عالدنيا!!!
انا مابكره البنات...بناتي الخمسة انا مابكرهن ابدا بالعكس هنه شمعات مضويين حياتي
(بس بدك صبي!)على طول كانت تقولا سنا
سنا يلي حنيتا وسعت البيت و وسعت البنات الخمسة و ربتهن عالاخلاق والدين....ما كانت تظهر اي استياء اني كل سنة عم خليها تحمل على امل تجيب الصبي
ولا كانت تظهر المها بعد 5 قيصريات
بس كان عندا مرض بيسموه(التصاقات)يعني من كتر الولادات القيصرية الاعضاء الداخلية التصقت ببعضها
كانت كتير تتألم و تكتم هالالم....كنت شوف كيف عيونها الزرق دبلو...وكيف جسمها صار نحيف....كيف الشخوب مغطي على جمال بشرتها...خمس اطفال يجو على الدنيا مو قليلين..
زاد الالم عند سنا....وبطنها ماعاد يهدا...راجعنا الدكتور وقال لازم عملية لفك الالتصاقات
كان عمر راما ست شهور...طلعت فيني سنا بعيون خايفة
و عرفت اني رح اطرح عليها فكرة انها تحمل وهيك منضرب عصفورين بحجر...بس الدكتور حكا قبلي و قال مانفكر بالحمل قبل خمس سنين عالاقل
لان سنا جسمها ضعف و انهد و الحمل مخاطرة على حياتها....تناقشنا كتير بالبيت...وحكينا..بس ماكانت تلاقي فايدة معي...انا بدي صبي!
و حملت سنا...البطن السادس على التوالي
بس هالمرة غير...هالمرة تعبها زايد و حيلها مهدود
هالمرة ماعاد ابتسمتلي متل اول...وحركة الجنين بالليل و بالنهار عم تقتلها...
(مو مبين!)جملتي كل ماحدا يسألني عن جنس المولود
لانو مابعرف ولا بدي اعرف
تارك الشغلة هيك ليصير وقتها بعرف
انا انسان مثقف و واعي و بعرف انو الرجل هو المسؤول عن تحديد جنس الطفل و مالمت سنا ابدا على طفلة من طفلاتنا الخمسة
(بس انا بدي صبي)
كنت شوفها كل مرة وقت بدها تطلع من البيت وهيه بطنها لحلقها....و البنات عم يتسابقو مين بتلبسها جراباتها و مين رح تلبسها كندرتها و مين رح ترشلا عطر
كنت شوف نظرات راما و الكره يلي فيهن( للبيبي يلي جواا بطن ماما)
كنت شوف كيف مروة عم تصير نسخة عن امها
ونظرات سنا يلي مليانة حب رغم كل شي
نهاية الشهر التاسع!!!...موعد الولادة تحدد بكرا
سنا حممت البنات و نيمتهن كل وحدة بتختها ووعدتهن انو اخوهن بكرا رح يكون بيناتهن
قرأت قرآن و صلت و دعت كتير
اجت لجنبي و باست ايدي و اخدت رضايي
سنا بحياتا ماتذمرت اني مابصلي...او اني موملتزم
بالعكس كانت تجي تصلي جنبي حتى قوم صلي
وكانت تخليني سمعلا السور يلي حافظتا حتى اكسب اجر التلاوة
(مبروك اجاك صبي!!)
فرحت كتير و حسيت حالي كأني حققت حلم
شعور مابينوصف وقت سمعت هالكلمة
اجا الصبي!!!
و امي زغردت....و ابي حضني وو باركلي....بس باخر الممر كانت حماتي..قاعدة وعيونها عم تدمع...وعم تدعي
تركت الكل و رحت لجنبها لهديها بينما يطالعو سنا من العمليات
(قلبي حاسسني انو سنا صرلا شي)
بين دموعها و غصتها قالت هالكلام و انا قلبي انقبض
حاولت كزب حالي و كزب احساسي بانو صرلا شي و عيش احساس انو اجاني الصبي
بس احساسي تأكد لما شفت علامات الخيبة على وجه الدكتور
(قلتلك المخاطرة على حياتها كبيرة....العمر الكن)
ماصدقت....ماقدرت صدق...كيف يعني قلي العمر الك؟
ماسنا هيه كل عمري...شو يعني ماتت؟كيف ماتت وهيه عم تولد كيف؟
لك الصبي اجا....وين ام الصبي؟
شوبدي بالصبي و ام الصبي راحت؟
من وين بدي جبلو ام.....وبناتي الخمسة يلي ناطرين امهن ترجع وحاملة اخوهن...كيف بدي خبرهن انو امهن ماعاد ترجع؟و انو اخوهن بس يلي يرجع؟
كيف بدهن يحبوه وهو سبب حرمانهن من امهن؟
او بالاحرى انا سبب حرمانهن منها......(لان بدي صبي)
وشو رح ينفع الصبي اذا ام الصبي ماتت؟
انا قتلت حبيبتي اي قتلنا بانانيتي و تفكيري بحالي و بالصبي
شو رح ينفعني الصبي اذا حبيبتي ماتت و تركتني وراها
مع خمس بنات و صبي
سنا كانت متل النسمة بحياتي...ماشفت منها الا كل شي حلو
و انا يلي قتلتا بايديي
#انتهت
#لمحة_بسيطة_عن_واقع_عم_نعيشو