قضاياا مشوهة

[صفا النعمان]

الجزء الاول+ الثاني+ الثالث+ الرابع+ الخامس+ السادس... انتهت

(الجزء الاول)

بانا: بترجاك بابا بترجاك ..بعد عنا بترجاك

بابا: لا تدخلي انت ..بعدي هيك بعدي.. انت ما لازم تعيشي ابدا

ماما: سامحني بترجاك سامحني

بانا: باباااااااااا.. لاااااااااا

ماما: بانا ..بانا.. فيقي امي فيقي

بانا: (تبكي) ماما حبيبتي...لا تبعدي عني بترجاكي

ماما: تعي يا روحي تعي.. ما عاد اتركك تنامي بعيد عني

انا بانا.. بنوتة حلوة وناعمة.. بحب الحياة كتير.. وبحب ماما وبابا.. هني الحياة بالنسبة لالي..

بانا: امي.. هالكابوس عم يرافقني ليلة ليلة.. ما بعرف كيف بدي اخلص منو.. تعبت كتير والله

ماما: ما بدك تحكيلي شو هو هالكابوس

وضميتا لامي وانا عم ارجف وابكي..

بانا: كان بابا ماسك سكين كبير وماسكك من شعرك ويشحط فيكي.. لوصلك للحمام.. حاولت بعدو عنك بس ما قبل ابدا.. مسك السكين وذبحك يا امي قدام عيوني ..ترجيتي كتير انو يسامحك بس ما رد عليكي ودبحك....

تلبكت ملك.. وضمت بنتا بخوف..

ملك: لا تخافي حبيبتي.. مجرد كابوس

قمت من تختي وانا لساتني مرعوبة من الكابوس يلي شفتو.. غسلت وشي ولبست واطلعت من غرفتي .

بانا: صباح الخير بابا

بابا: هلا بنبونة بابا وحياتو كلا ..تعي لعندي

قربت منو وبوستو ..

ماما: غيث حبيبي اليوم عندي مشوار كتير ضروري للسوق

غيث: خدي راحتك حبي.. بس لا اتعبي حالك.. ما بدي ارجع ع البيت وشوف هالوش تعبان

وقرب منا وباسا ع خدا..

ماما: تسلم لالبي ..ويخليلي اياك

وقت شفتن هيك ..رتحت شوي ودمعو عيوني ودعيت لربي انو يبقو هيك ع طول يحبو بعضن...

حياتنا انا وماما وبابا كتير هادية وحلوة.. انا وحيدتن ... من بعد ما ولدتني امي صار معا مشاكل بالرحم سببتلا العقم.. حاولت مع بابا كتير ليتزوج ويجيب ولاد بس هو ع طول كان يرفض وكان يقلا..

بابا: مستحيل اكسر قلبك.. وهي بنبونتي بتكفي وبتوفي ..ولا ترجعي تحاكيني بهيك موضوع

كل يلي بيعرفوهن لماما وبابا بيحسدوهن ع حياتهن..

ودعناها لماما انا وبابا وطلعنا سوا بسيارتو لبابا.. وصلني للجامعة وهو راح ع شركتو..

غيث: انتبهي ع حالك بابا.. هاتي بوسة

بوستو لبابا ونزلت..

بانا: صباح الخير

مريم: صباح الورد.. وينك لهلأ.. حبيبك جنني وهو عم يسال عنك رايح جاي

بانا: وينو هلأ

مريم: ع الاغلب بالكافتيريا

بانا: اوك حبي ..رح روح شوفو

مريم: لا تتاخري.. بلا ما تروح المحاضرة

بانا: لا تخافي حبي

بانا: صباحو

كنان: صباح الورد والفل والياسمين.. وينك لهلأ

بانا: شبك لسا الساعة 8

كنان: لك مو اتفقنا نجي ابكر لنقعد سوا

(ضربت بئيدا ع جبينا): اسفة والله نسيت

كنان: ما علي حبي

كنان هو رفيقي وحبيبي ودنيتي التانية من بعدن لماما وبابا.. بيو لكنان وبيي رفقات وبيناتن صفقات عمل.. وامي وامو كمان رفقات..

(الجزء الثاني)

*في الشركة*
غيث: صباح الخير

السكرتيرة: صباح النور استاز

غيث: دخليلي البريد فورا

دخل ع المكتب ودخلت وراه سكرتيرتو...

السكرتيرة: تفضل استاز

غيث: وينو انور؟ لسا ما وصل؟

لسا بدا تجاوبو ندق الباب ودخل انور..

انور: صباح الخير

غيث: صباح النور

قعد انور ع الكرسي وحط رجل فوق رجل..

انور: غيث انا اليوم مشغول..رح اطلع ع المزرعة بشغل مهم

غيث: ما فيك تاجلو لشغلك.. اليوم كتير مشغولين

انور: يا ريت لو بتاجل.. بس انا متفق مع ناس وما فيني قلن انو مو جاي

غيث: اي ماشي

طلع انور من المكتب وراح لشغلو بالمزرعة..

*بعد شي ساعة*

غيث: ااخ.. صار لازم ارتاح شوي.. بدي حاكي ملك لارتاح شوي.. الووو.. هلا حبيبتي.. شو وينك انت.. اي ماشي لا اتعبي حالك حبيبتي.. الله معك

*بالمزرعة*

انور: شبو ..في شي

ملك: لا بس كان بدو يطمن.. ما بدو اياني اتعب بالسوق

انور: هههههههه لك هاد جد اجدب

ملك: (معصبة) هاد بيحبني مو اجدب

انور: ايييي شبك.. ليه عصبتي.. وازا كان بحبك ليه انت هون معي

ملك: لانو ما بحبو وبحبك انت

انور: لك وانا بموت فيكي يا روحي

ملك تزوجتو لغيث وهي ما بتحبو.. كانت بتحب شخص تاني واهلا اجبروها عليه لانو معو مصاري كتير وعندو شركة كبيرة.. ضلت هالجازة عقدة بقلبها مع انو غيث مانو مقصر معا ابدا وبيحبا كتير ..

*في الجامعة*

كنان: بانا ....

بانا: اي!!!

كنان: هالعيون هدول كيف هيك

بانا: هههههه ..كيف يعني كيف هيك

كنان: لك فيهن شي مو طبيعي ابدا.. كل ما اطلع فيهن بحس بنغزة بقلبي.. لك اااخ شو بيسحرو

خجلت بانا وغطت عيونا بالكتاب يلي معا..

بانا: سكووت هلا بروح هاا

كنان: اويليييي شو بحبو الخجلان يا ربي

ومسكلا ايدا واطلع بعيونا: ايمت رح تصيري حلالي

سحبت ايدا بخوف...

بانا: كنان لو سمحت هالحركات ما بحبا.. ونحنا متفقين من قبل ع هالحكي هاد

كنان: لك والله مليت.. مشتهي عيش شي يوم معك متل العشاق

بانا: اي ازا مليت لكن بلاها علاقتني وبلا ما تمل مني

وقفت وهي معصبة وبدا تمشي.. مسكها كنان من ايدا ورجعا ع الكرسي

كنان: ولي جدبة مستحيل مل من حبك.. خلص متل ما بدك

بانا: اي هيك هااا هههههههه

كنان: اويليييييي ازكاني

(الجزء الثالث)

رجعت ملك ع بيتا ..وانور رجع ع الشركة..

انور: مرحبا.. كيف الشغل

غيث: تمام.. وانت كيف شغلك

انور: تمام التمام.. شو صار بالصفقة الجديدة

غيث: عم جهزلا

انور: عطيني الوراق لشوفا

غيث: هالصفقة ما بتخصك انور

انور: اي بعرف بس يعني ما بدك شوفا

غيث: انور انت بتعرف رايي بهالموضوع منيح.. ما في داعي نحكي فيه مرة تانية

انور: اي براحتك

*في البيت*

بانا: مسا الخير ماما.. شو وين كنت

ملك: بالسوق

بانا: وليه هيك متدايقة.. صاير معك شي

ملك: لا لا ماما.. ما في شي

بانا: لكن فردي لهالوش الحلو.. بلا ما يجي بابا ويشوفك هيك.. بتعرفي ما بهون عليه

ملك: حاضر يا روحي

ملك كانت مخنوقة وقلبا تعبان.. لانو الخيانة مستحيل تخلي صاحبا يتهنى بحياتو.. والخوف والقلق رح يضل مرافقو..

رجع غيث من الشركة ..

غيث: مسا الورد ع الحلوين

بانا.. ملك: مسا النور

غيث: شبكن..شبك حبي.. صاير شي

ملك : لا بس تعبانة شوي

غيث: سلامة قلبك.. نامي لتريحي شوي

ملك: اي والله رح نام.. تعبانة

دخلت ملك ع غرفتا وتسطحت بتختا وغطت راسا وقعدت تبكي...رن تلفونا.. وكان المتصل انور.. ما ردت ورجع رن مرة تانية..

ملك: لك انت كيف بتتصل بهيك وقت

انور: سمعيني بلا علاكك هلأ.. الصفقة يلي جاي هي اهم صفقة.. وبدي اعرف عنا كلشي.. بكرة بدي تكوني عرفانة عنا كلشي

ملك:وانا كيف بدي اعرف.. ولشو بدك ياها.. انا مستحيل ساعدك... ما فيني

انور: ملك ازا ما ساعدتيني كلشي بيني وبينك رح يوصل لغيث.. سلام

وسكر الخط بوشا..

ملك: الله يلعنك حقييير.. (تبكي) يا ربي شو اعمل

وبهالوقت هاد كنان ابنو لانور وبانا بنتا لملك كانو عايشين قصة حب بريئة..

دق تلفونا لبانا..

بانا: الوو

كنان: كيفك

بانا: تمام.. وانت

كنان: مشتقلك

بانا: .........

كنان: اووووف بانا.. لايمت رح تضلي هيك ..لك انا بحبك وربي بحبك وبدي اياكي.. وبعرف انو بتحبيني.. لك ارحميني بس كلمة.. كلمة وحدة.. لك كمان الحكي ممنوع

بانا: كنان بترجاك.. انا هيك بكون مرتاحة اكتر.. بكرة بس نخطب رح سمعك يلي بدك ياه

كنان: وايمت بدنا نخطب ست بانا

بانا: ههههههه لتتخرج كنان.. لتتخرج

كنان::لك والله ما عاد اصبر والله

بانا: هاد شرطي انا

كنان: امري لالله

(الجزء الرابع)

مشت اللية بصعوبة كبيرة ع ملك.. عم تفكر كيف بدا تخلص حالا من علقتا مع انور.. وعم تفكر كيف فيها تعرف المعلومات عن الصفقة . وما لقيت حل غير انو تسالو لغيث عن احوال الشركة ومن بعدا تحاول تسحب منو حكي عن الصفقة ..
وهاد يلي صار.. وغيث حكالا كل معلومات الصفقة ..وعرفت منو بانو الوراق بشنتايتو..

تاني نهار وبعد ما غيث طلع ع الشركة.. ملك اتصلت بانور..

ملك: اي انور ..المعلومات يلي بدك ياها صارت معي

انور: لك والله عرفان انك ذكية.. تعي بسرعة ع المزرعة.. يسلملي الفهمان انا

راحت ملك لعند انور ع المزرعة..عطتو المعلومات يلي بدو ياها.. وحطت الاوراق كلا يلي بدو ياها بعصبية ع مكتبو

ملك: انور انت واحد حقير واستغلالي.. وعملتك هاي بينتك ع حقيقتك.. هاد اخر موعد بيناتنا ..وهاد يلي طلبتو صار معك.. انا ما عاد بدي شوف وشك بنووب

انور: ههههههههه اي مو بكيفك يا حلوة.. ما رح اتركك.. لك انت ثروة بالنسبة لالي.. مستحيل اتركك

ملك: انور انا بحذرك ..والله بقتلك.. تركني بحالي

*في الجامعة*

كنان: الو ماما.. اي حبيبتي

ام كنان: كنان تعا لعندي فورا

كنان: شبكي شو صاير

ام كنان: بيك يا كنان.. بيك خاني ( تبكي)

كنان: شو هالحكي امي.. اهدي شوي ..هلا بجي لا تبكي

ام كنان: تعا وخدني بسرعة

راح كنان لعند امو ...

كنان: شو يلي حكيتي امي.. شو صاير

ام كنان: بيك.. طول هالمدة وهو يخون في وانا متل الجدبة.. خدني بسرعة ع المزرعة

راحو سوا ع المزرعة ووصلو..

ام كنان: اووعك تنزل من السيارة.. خليك هون.. فهمان

كنان: بس امي..

ام كنان: برضاي عليك يا امي.. خليك هون

كنان: حاضر امي

نزلت ام كنان من السيارة وفاتت بسرعة لجوا البيت.. بدا تعرف مين هالعشيقة يلي فضلها عليها..

ملك: انور في صوت برا

انور: بكون الحارس

اندفش الباب وفاتت ام كنان.. وقفت مصدومة وقت شافتها لرفيقتها ملك..

ام كنان: ملك!!!! مستحيل.. والله ما عم صدق.. انت يا ملك انت...

ملك: انا.... انا.....

انور: ايييي شبكوون.. انت شو يلي جابك لهون

ام كنان: لك يا خاين.. كل هالمدة وقلبي حاسسني ..الوسخ بيضل وسخ ومستحيل يتغير.. وانت يا ملك هاد اخر شي كنت اتوقعو منك.. الله يلعنكن تنيناتكن يا وسخ.. والله لدفعكن تمن خيانتكن والله

وحملت حالا وراحت...

ملك: لك شو هالمصيبة هاي.. لك كيف فيك تكون هيك مرتاح واعصابك هادية..

انور: ههههه لانو ما في شي بيهمني.. وغير هيك روحو لجوزك الغبي بين ادي.. هالصفقة هاي رح تكسرو للعمر

ملك: لك الله يلعنك ..الله يلعنك..لك انا غبية غبية خنتو لغيث ومشيت ورا واحد متلك وسخ وما عندو اخلاق

مسكا انور من رقبتا..

انور: هههههههه انا وسخ يا امورة.. يلي بشوفك مبيرحا وانت بحضني ما بصدق انو هاي انت يلي بتحكي هلأ

بعدت ايدو عنا بعصبية.. وحملت شنتتا وطلعت من عندو..

انور: ههههههههه اغبيا كلكن اغبياااا كلكن

(الجزء الخامس)

طلعت ام كنان لعند ابنا ع السيارة ..حاولت تبين حالا قوية وما تنهار بس ما قدرت.. مجرد ما وصلت السيارة نهارت.. بلشت تصرخ وتبكي: لك الله يلعنكن تنيناتكن ..لك الله ياخدكن

كنان: امي شو صار فهميني.. فهميني.. مين يلي جوا

ام كنان: ما فيني قلك يا امي ما فيني

كنان: ليه امي ..احكي مين هالوسخة يلي معو

ام كنان: ما بقدر لوما ..اللوم عليه لابوك ..كل يوم مع وحدة شكل.. الله يسطفل فيه

كنان: طولي بالك امي

ام كنان: طول الوقت وهو عم يخوني معا وانا متل الجدبة.. والله لدفعهن التمن والله

جن جنانو لكنان وهو عم يشوف امو بهالحالة منهارة وفتح باب السيارة وبدو ينزل ...

كنان: تركيني امي ادبحن باديي بترجاكي

مسكتو امو ورجعتو ع السيارة..

ام كنان: انت اهدى ولا تدخل ..انا يلي رح دفعن التمن تنيناتن.. هالموضوع بمس كرامتي انا

ركبت ملك سيارتها ورجعت ع بيتا وهي مرعوبة.. وعم تفكر شو يلي رح يصير.. وازا عرف غيث كيف رح تكون ردة فعلو.. وشو رح يصير بالصفقة ومستقبل عيلتها المادي .. وكيف رح تقدر تطلع ببنتا بانا.. وكيف بنتا رح تقدر تطلع بحبيبا ..افكار كتيرة بعقلا لملك ..خوف وقلق وتوتر...

*المسا*

كانو قاعدين سوا ملك وغيث وبانا..

ندق بابن ..فتحت الشغالة

الشرطة: غيث بيك موجود

الشغالة: اي سيدي ..لحظة لناديلو

غيث: تفضلو خير شو صاير

الشرطة: غيث بيك.. لازم تجي معنا ع المغفر.. انت متهم بقتل انور بيك

كانت ملك من ورا الباب قاعدة وبتتسمع.. شهقت وحطت ايدا ع تما.. ودمعو عيونا..

غيث: شوووو.. انور انقتل

الشرطة: اي نقتل.. تفضل معنا

شحطو لغيث معن ع المخفر.. وبلشو تحقيقاتن..

(الجزء السادس) والاخير

الكل كان متهم.. غيث رفيقو بالشركة.. مرتو ام كنان.. ابنو كنان .. ملك.. كلن تحقق معن..

ام كنان كانت كتير فرحانة بموت انور.. تعبا كتير.. خيانة ونصب واحتيال وقتل ..كل عمايلو كانت تعرف فيها ومانا قدراني تحكي ...
بس هالمرة كانت غير لانو مستقبل ابنا كنان كان بالنص

غيث كان عم يحاول يفك شراكتن بالتدريج ..لانو افعال انور الوسخة بلشت تبين ..وما كان بدو تتاثر سمعة شركتو بسبب انور..

كنان كان قلبو واجعو ع امو.. وانور ولا يوم كان اب لابنو كنان.. كان ظالم لكل يلي حوالي.. مرتو وابنو وكل يلي بشتغل معن.. ما حد سلم منو ومن افعالو الوسخة

ملك من جواتا ارتاحت بانو خلصت من انور ..ارتاحت بانو علاقتا فيه ما رح تنكشف ..بس كانت كتير مقهورة لانو جوزا غيث كان المتهم الاول بقتلو لانو اخر واحد كان معو.. ووقفو ع ذمة التحقيق

بانا هي الشخص الوحيد يلي كان براة هالدائرة السودا.. هي ابرأ بكتير من انو تكون معن بهيك دائرة..

استمرت التحقيقات شهر كامل.. لحتى بالاخر لقيو مكان جثتو زر قميصا لملك تحت الكنبا..

وبعد تحقيقات طويلة ثبتت التهمة ع ملك واندكت بالحبس..

بانا: ما عم صدق بابا.. ليش لحتى ماما تقتلو ليش

غيث: امك كانت عم تدافع عني.. غيث سرق وراق الصفقة مني... وهي عرفت.. حاولت تاخدا منو وما عرفت وتهجم عليها فاضطرت انو تقتلو..لتدافع عن حالا ولتحميني من خسارة تعب عمري كلو

بانا: يا حبيبتي يا ماما.. وهلا بابا شو رح يصير

غيث: انا حاكيت محامي.. وبما ان دفاع عن النفس رح يحلا

بانا: وكنان.. انا بحبو بابا.. ما بدي اخسرو

غيث: انت وكنان مالكن ذنب بيلي صار.. انا رح حاكي امو ونزوجكن ع اقرب فرصة لا تخافي.. نامي هلا.. عندي مشوار ضروري

طلع غيث من بيتو وراح ع الشركة.. فتح باب المكتب وكانت ام كنان عم تنطرو ...

غيث: مسا الخير

ام كنان: مسا النور

غيث: هاي هيك انا بكون خلصت كلشي.. هاي ريحتك من انور ..وملك بالحبس لتدفع ثمن خيانتها.. المهم كنان و بانا يكونو سوا.. وبانا ما تعرف شي.. وهلا بتطلعي من حياتي.. ما بدي اعرف جنس حوا بحياتي

ام كنان: انا ممنونتك كتير.. بخاطرك

غيث كان كتير تعبان.. كل الحب والتضحية يلي قدمو لملك ما نفعو معا.. وخانتو بنفسها وبشغلو كمان..

*بعد سنة*

دخل القاضي ع غرفة المحكمة.. الكل وقف..

بلشت المحاكمة.. ملك ورا القضبان عم تبكي.. بانا وغيث وكنان ع المقاعد عم ينطرو.. بلش المحامي بالدفاع عن ملك.. اعطاهن ادلة بانو ملك كانت تدافع عن حالا .. وهي كانت عندو لحتى تاخد وراق الصفقة يلي سرقها من زوجا..

بعد وقت طويل من المحاكمة.. انحكم لملك بالخروج من السجن مع دفع مبلغ من المال..

الكل فرح ..وملك وقعت ع الارض من فرحتا بانو افرج عليها من بعد ما كانت متوقعة انن يعدموها وبكيت كتير

طلعت ملك من السجن...

ملك: بتشكرك غيث لانك وقفت حدي

اخدا غيث ع جنب...

غيث: اوعك تفكري انو انا ما بعرف شي من يلي عملتيه.. كلشي عملتيه انا بعرفو.. راقبتكن وعرفت انو عم تلتقو بالمزرعة.. وانا يلي بعتا لام كنان عندكن.. واوراق الصفقة يلي اخدتيهن كانو مزيفين بس لاختبرك.. وانا يلي قتلتو لانور لانو واحد بيستاهل اكتر من القتل ..حاولت ما اقتلو واخد منو كل وراق الشراكة يلي بيناتنا واتركو .. بس هو حاول يقتلني واستعجل ع قدرو.. وانا يلي حطيت زر قميصك بمكان الحادث لتنالي شوي ثمن خيانتك..

وقفت ملك وهي مصدومة وعيونا كلن وقهر وندم وحزن..

ملك: لكن ليه طالعتني من السجن..ليه ما تركتني موت هنيك

غيث: كرمال بنتي بس.. وكرمال ما تتشوه صورتك قداما.. وهلأ كلشي بيناتنا انتهى ملك.. وانت يلي انهيتيه.. انت طالق ملك.. طالق

انتهت