#زهرة_البيت_بقلم_روان_الشبلاق
#واقعية
الجزء الاول والثاني
ام احمد. روعة روحي ساعدي مرت اخوكي بالمطبخ عم تحط فطور للشباب اللي عم يشتغلو
روعة. والله اللي بشوفكن يا امي عم تعمرو هالطابق التاني بقول مافي حرب بهالبلد ومافي بيوت كل يوم عم تنهدم
ام احمد. لك يا بنتي البيت صغير واخوانك بدهم يتزوجو هيك كل واحد بيسكن بشقة
لأن اذا بدنا نستنى الحرب لتخلص بحياتا ما بتخلص
روعة. طيب انا رايحة ع المطبخ ساعد حنان
ام احمد. اي وانا رايحة اخد موعد من جماعة بقولو عندهن بنات للخطبة
مشان نروح عليهن بكرا
روعة. اي ان شاء الله خير
في المطبخ
روعة. الله يعطيكي العافية يا احلى مرت اخ
حنان. يعافي قلبك
روعة. بشو ساعدك
حنان. لا خلصت تعي خلينا نطلع الاكل للشغيلة
روعة. انا وانتي !!
حنان. اي مافي مافي الا زلم تنين كبار بالعمر
الحقيني بالخبز والشاي يلا
روعة. اي يلا
طلعنا ع السطح وطالعنا الاكل
نزلت حنان وانا كنت نازلة
ناداني واحد من الزلم لتنين.. ياعمي اغلبك
روعة. تفضل
ابو وسام. معليش تجيبيلي كاسة مي
روعة. اي اكيد هلأ كنت نازلة جيب المي
طالعت مي ع السطع واعطيتو ياها
ابو وسام. انتي بنتو ل ابو احمد
روعة. اي بنتو
ابو وسام. ماشاء الله عليكي .. كم عمرك
روعة. 26 سنة .. يلا عن اذنك لازم روح
نزلت وعملت قهوة الي ولحنان
وقعدنا نشربها بغرفة حنان
روعة. معقول تزبط العروس اللي بدها تشوفها امي بكرا
حنان. ياريت ان شاء الله
روعة. بس انتي ليش مابدك تسكني بالشقة الجديدة ليش حابة تبقي معنا هون
حنان. مو فارقة معي المهم كون مرتاحة
وبصراحة اخوكي ماعم يشيل فكرة السفر من راسو
عم يقول بدنا نطلع ع الاردن بس عم يستنا حتى امك تزوج اخوانك لأنو بدو ياكن تروحو معنا انتي وامك وابوكي
روعة. يعني مافقد الأمل لأن امي مستحيل توافق
حنان. وقت الجد بيقنعها
روعة. الله يختارلنا الخير .. بس ليش ع الاردن ليش مو ع الكويت لعند اخي ابراهيم
حنان. والله مابعرف
روعة. انتي حابة تسافري
حنان. بس مشان الأولاد كتير عم خاف عليهم واهكل همهم وهني بالمدرسة
روعة. اي معك حق الله يفرجها
حنان. امين يارب
روعة. لك هاد الزلما اللي عم يشتغل عنا وقف معي وسألني عن عمري .. ليش شو بكون بدو
وسألني انو انا بنتو لأبو احمد
حنان. بتكوني عجبتيه وبدو يتزوجك هههههه
روعة. ههههه الله ياخدك لك هاد اكبر من ابي
حنان. اي مزالك معندة وماعم تقبلي تتزوجي بكرا مابقى يجيكي الا بعمرو
روعة. انا ماكنت متخيلة اني اترك دراستي واقعد بالبيت لا شغلة ولا عملة
ومجرد ما اتخيل اني اتزوج وابعد عن امي بشيل الفكرة كلا من راسي
حنان. لك لأيمتى يعني اذا امك حابة تفرح فيكي وكلنا كمان مو بس هيي
روعة. ليش اجا الشخص المناسب وانا قلت لا
حنان. ليش من شو بيشكو اللي عم يتقدمولك
روعة. ولا من شي بس حتى يصير نصيب .. قولي انك حابة تخلصي مني
حنان. بالعكس والله رح يفضى البيت لك كبرنا سوا انا وياكي وتعودنا ع بعض كيف رح يجي يوم
ونفترق
روعة. اي والله خلص بطلت اتزوج هههههه
حنان. هههههه
بالليل كانت سهرانة روعة هي واهلها
ابو احمد. روعة اعطيني كاسة المي والدوا من جنبك خليني اخدهن
روعة. اي تفضل بابا
ابو احمد. يسلم هالديات يابنتي
روعة. وايديك بابا
ابو احمد. تذكرت شغلة ، اليوم الزلما اللي بيشتغل عنا اللي اسمو ابو وسام حكا معي بخصوصك يا روعة
اتفاجأت روعة واتطلعت بحنان وضحكو التنتين
روعة في نفسها العمى والله طلع حكي حنان صحيح هاد الزلما معقول بدو يطلب ايدي
ابو احمد. شو ليش عم تضحكي .. شو رأيك الزلما حابب يجي ويطلب ايدك لأبنو
شو قلو ؟
روعة. لأبنو ؟
ابو احمد. اي لكن الو قال انو ابنو عمرو 27 سنة .. شو رأيك
روعة ضحكت واتطلعت بحنان وقالت مابعرف
ابو احمد. رح قلو يجي يوم الخميس وبنتعرف عليهم واذا كان الشب مناسب ليش لأ
روعة. اي متل مابدك
دخلت روعة ع غرفتها ولحقتها حنان
حنان. والله بتكوني مجنونة اذا رفضتي هي الشب عمرو مناسب يعني اكبر منك كل مرة بتكون حجتك انو بكون العريس اصغر منك
روعة. اي طولي بالك لسا ما شفتو
حنان. الله اعلم شو العلة اللي رح تطالعيها فيه
روعة. ههههههه والله اذا كان مناسب رح وافق
حنان. اي ان شاء الله
في بيت ابو وسام
وسام. شو الشي اللي بدك تقلي ياه
ابو وسام. اليوم شفت بنت الزلما اللي بشتغل عندو بنت حلوة ومأدبة
حكيت مع ابوها اذا وافقو بنروح وبنشوفها
وسام. هيك بهالسرعة ليش انت بتعرفهن للجماعة
ابو وسام. اي بعرفهن البنت وحيدة لأهلها عندها اربع اخوة شباب
وابوها معو مصاري مابتاكلها النيران وعندو اراضي ومزارع وهي دارسة ومتعلمة
بس في مشكلة صغيرة
وسام. شو هيا
ابو وسام. انو البنت اكبر منك بسنة
وسام. اها .. اي !!
ابو وسام. شو اي .. اذا وافقو رح تتزوجها
وسام. لا مابدي قال اكبر مني
ابو وسام. لا تجن عم قلك ابوها عندو املاك وهي البنت الوحيدة عندو
بتتزوجها يعني واذا اكبر منك شو بصير
فكر منيح عاجبيتك حياتنا هيك بالفقر وانت قاعد لا شغلة ولا عملة
ع الاقل ابوها بدبرلك شغل بالكويت عند ابنو وهي بيطلعلها ورثة من اهلها بتعيشك احسن عيشة
وسام. مابدي
ابو وسام. مشان العمر يعني
وسام. هيك شي
ابو وسام. اي اتطمن مارح ترفضك لأنو قلت لأبوها انو عمرك 27 يعني اكبر منها بسنة
ع الاقل بنخبي الحقيقة لحتى تتزوجو
وسام. كمااان .. مابدي انسى الموضوع فوق مابدك ياني ادخل ع طمعة مكزب بعمري
ابو وسام. والله مشانك روح شوف عيشتهم لك الحرب مو مأثرة عليهم بشي لك العالم عم بتهرب من بيوتها وهني عم يعمرو بيوت وبيعرفو انو طيارة رايحة وصاروخ جايي ورغم هيك مو فارقة معهم
وسام. والله مابعرف انسى انو معهم مصاري بس يعني ماعم تزبط معي انو اكبر مني
ابو وسام. لك مو مبين عليها انت بس تشوفها بتغير رأيك عأساس انت لقيت غيرها واحسن منها وقلنا لا
مين بدها تقبل فيك وانت واسمك مابتعرف تكتبو
شو قلت ؟
وسام. اي بس اذا زبطت وصار نصيب مابتقولو قدام الناس انها اكبر مني
ابو وسام. ماشي
يوم الخميس كان الموعد وروعة جهزت حالها لأن وسام واهلو بدهن يجو يشوفوها
في بيت وسام
ابو وسام. خلصنا اتأخرنا ع الجماعة
وسام. في شغلة بدنا نتفق عليها قبل مانروح
ابو وسام. شو الشغلة
وسام. انا مع مرتك مارح اسكن رح بستأجر بيت لوحدي وبسكن فيه
ابو وسام. وطي صوتك .. هي اللي عم تقول عنها مرتي هيي اللي ربتك انت واخوك بعد ما ماتت امك
ورغم المنيح اللي عملتو معكم عم تحكي عليها
وسام. انا ماعم قول انها مو منيحة بس مابدي يصير مشاكل شوف اخي وسيم من لما تزوج كل يوم عم يصير مشكلة بهالبيت
ابو وسام. الحق ع مرت اخوك هي مو منيحة وكمان لا تنسى اخوك اصغر منك وتزوج قبلك كان صغير لهيك كان يصير مشاكل بس هلأ بعد ماتتزوج انت بتتغير حياتنا
ولا تقول هالحكي قدام امك بتبطل تروح معنا اليوم
وسام. كم مرة قلتلك لا تقول امي .. امي الله يرحمها
ابو وسام. لك اي خلص فهمنا .. انا قصدي انو خالتك بمقام امك ربتك من وهوا عمرك 3 سنين
وسام. طيب انا جاهز خلينا نمشي
في بيت روعة
دخلت حنان لعند روعة ع الغرفة
روعة واقفة ع المراية وعم تحاكي حالها لك الله يسعدني ما احلاني امووواه
حنان. ههههههه عم تتغزلي بحالك
روعة. هههههه من ايمتى انتي هون
حنان. انتي جاهزة الساعة صارت 9 مابقى الا يوصلو
روعة. اي جاهزة
حنان. كتير طالعة حلوة
روعة. عيونك الحلوة
حنان. نيمت الاولاد قبل مايجو مابدي يصرعونا هلأ بالسهرة
روعة. اي منيح
حنان. مابعرف ليش حاسة انو هالمرة رح يصير نصيب ويطلع الشب منيح
روعة. ان شاء الله
حنان. مانك متوترة
روعة. شو شايفيتني عمري 18 سنة
حنان. بالموقف هاد مادخل العمر .. الباب عم يندء اكيد هدول هنن
وصلو بيت ابو وسام وتعرفو ع بعض
ابو وسام. هي ابني وسام وهي مرتي ايمان
امو ل وسام الله يرحمها
وهي ابني وسيم الاصغر من وسام متزوج وهي مرتو اسراء
ابو احمد. تشرفنا اهلا وسهلا فيكم
شافو روعة وقدمتلهن القهوة وتعرفو اكتر وحكو بأمور كتير
شافت وسام وهوا كل الوقت يتطلع فيها
كانت تطلع فيه وهي محتارة وعم تفكر انو توافق او لا
بس ع الأغلب رح توافق
وسام عجبتو روعة وماكان باين ابدا انها اكبر منو
بالليل بعد ماراحو دخلت حنان لعند روعة ع غرفتها
حنان. شو فكرتي ولا لسا
روعة. والله محتارة انتي شو رأيك ؟
حنان. القرار الك بس انو شو اللي محيرك
روعة. هلأ هوا حلو وحلو كتير كمان بس يعني هوا مانو دارس وغير هيك رح نسكن مع مرت ابوه لو مع امو عادي وكمان اخوه ومرت اخوه بنفس البيت ماعندي مشكلة بس بخاف اذا صرت قارن بين عيشتنا هون وبين هنيك تخرب حياتي
ومافي فرق كبير بينا بالعمر
حنان. هلأ موضوع الدراسة مانو مهم هي اخوتك مو دارسين بس كل واحد بأيدو شغلة احسن من الدراسة
وبالنسبة لمرت ابوه معك حق يعني اكيد مارح تكون متل امو
ومشان وضعو المادي ماتهكلي هم اكيد اخوتك وابوكي رح يساعدوكم وتطلعو ع بيت لوحدكم
واهم شي انو اكبر منك حتى لو بسنة
وبعدين سمعتي حكيو باين انو محترم وفهمان وغير هيك شخصية
روعة. مرت اخوه باين انو منيحة كتير حسيتها مرحة ورح نتفق انا وياها صارت تحكي معي وكأنو بتعرفني من زمان
حنان. ع كل حال فكري منيح وان شاء الله بصير خير
في بيت وسام
ايمان. بتعرف يا ابو وسام اذا صار نصيب رح نقبر الفقر لك مامعقول اديش معهم مصاري لك باين من الضيافة اللي ضيفونا ياها ومن عفش بيتهم ومن تيابهم
ابو وسام. انتي ماشفتي شي انا اشتغلت عندهم وبعرف كل شي عنهم
ايمان. وسام شو رأيك بالبنت
وسام. هلأ انتو شو مفكرين حتى عم تخططو يعني اهلها رح يصرفو علينا
ايمان. اي وين المشكلة اذا ساعدونا
وسام. وليش ليساعدونا
ايمان. مابكفي انو كتر خيرنا قلبلنا ناخد بنتهم وهي اكبر منك
وسام. من هلأ بلشنا بقصة اكبر منك منيح حكيتو هالحكي قبل مايصير شي خليتوني ارجع فكر لحتى اعرف اخد قرار
ابو وسام. هلأ لا تعملي فيها انك الشب المثالي ومابتقبل تاخد بنت اكبر منك
كتر خيرها اذا قبلت فيك مابكفي انك لا شغلة ولا عملة
على شو شايف حالك مابعرف
وسام. انا اذا بدي اتزوجها لأن عجبتني مو مشان مصاريها بس رح خبرها بعمري الحقيقي
اسراء مرت اخوه. اي والله يا وسام اذا بتخبرها بكون احسن
ايمان. انتي اخرسي ماحدا اخد رأيك مفكريتها متلك ماسدئتي لقيتي حدا يتزوجك هي اذا خبرها مستحيل تقبل فيه
تاني يوم بالليل في بيت روعة
ابو احمد. شو روعة بدي رد خبر للجماعة صارو متصلين مرتين لأنو مستعجلين شو خبرهم
انا سألت عن الشب والكل قالو انو سمعتو منيحة بس بقولو انو مرت ابوه قوية
روعة. موافقة اذا انتو موافقين
في بيت وسام
ابو وسام. هي الجماعة اتصلو وقالو موافقين
يا وسام لا تعملي مشاكل بعد ماتكتبو الكتاب بتخبرها اللي بدك ياه
هيا كذبة صغيرة وما بتأثر عليكم اذا كنتو متفقين وحابين بعض
وحاول ماتخليها تشوف هويتك
وسام. طيب اتوكل ع الله
بعد كم يوم كتبو كتابهن وعملو حفلة خطبة عائلية واتفقو ع موعد العرس بعد شهرين لحتى يجي ابراهيم اخو روعة من الكويت
مرق اول شهر بالخطبة بسرعة و وسام كتير كان منيح مع روعة
وهي حبتو كتير وتعلقت فيه
وايمان كانت توصي وسام كل مايروح ياخد معو هدية تقيلة ل روعة
وسام كان بعاني من مشكلة وهيي انو ماعم بصيرلو يقعد مع روعة
في غرفة روعة كانت عم تحكي مع وسام
وسام. روعة والله بكفي هيك احكي مع اخوكي خليه يرجع من السفر يعني لسا بدنا نستنا شهر والله كتير
روعة. ياحبيبي والله ع قد ما بتظل تحكي بهالموضوع قلتلو لأبراهيم انو مستعجلين وقال مابيقدر يجي قبل شهر
وسام. طيب ارجعي حاولي معو
روعة. لك لحتى تجهز غرفة النوم وحتى خلص جهازي انا بكون صار اكتر من شهر
ليش مستعجل مابعرف
وسام. بدي انو نتزوج يعني بدنا نقضيها هيك ع التلفون لك وقت بجي عليكم ماعم بقدر احكي معك كلمتين فورا بيستلموني اخوتك
روعة. هي وقت روح لعندكم عم بكون لوحدي وبنظل طول النهار مع بعض
وسام. اي هني مرتين روعة. مو عاجبك مرتين بالشهر
وسام. ليكي مابقى افتح هالموضوع معك
بس بكرا جايي لعندكم وبدي نقعد انا وانتي لوحدنا
روعة. اممم
وسام. شو امممم !! شو قلتي
روعة. ههههه لك كيف بدي قلن لا تقعدو معنا
وسام. مابعرف تسطفلي
روعة. انا مادخلني مو انت اللي علمتهن ع الاركيلة ولعب الشدة وهني مابقى يقعدو بدونك
وسام. يعني صار الحق عليي .. والله صرت انا ادعيلهم انو يلاقو عرايس ويخطبو ويحلو عننا
روعة. هههههه
وسام. تسلملي هالضحكة
روعة. الله يسلمك
وسام. اففف خلصو وحداتي وانا احكي عن اخوتك
روعة. ههههه بحبككك
وسام. وانا بحبكك
روعة. طيب سكر انت وانا هلأ بتصل فيك
وسام. طيب يلا
يتبع...
الجزء الثاني
#زهرة_البيت_بقلم_روان_الشبلاق
الجزء الثاني
مرق تاني شهر من اجمل ايام حياتها ل روعة
ام احمد تبكي. ماعم سدء ياحنان انو روعة رح تتركنا وتتزوج بعد بكرا كيف رح عيش بدون ماشوفها كل يوم لك هي زهرة البيت وزهرة حياتي
الله يسعدها ويهنيها
حنان. لا تبكي مين قلك انو مارح تشوفيها كل يوم اول فترة بس رح تكون صعبة بعدين بتتعودي
مانك شايفتيها اديش مبسوطة الله يهنيها يارب
وانا والله رح افتقدها كبرنا سوا انا وهيي النا عشر سنين مع بعض مابعمرنا تخانئنا ع شي
بس شو نعمل كم يوم وبنتعود
اهم شي حياتها وسعادتها
وهي صبرت ونالت الله عوضها بوسام ابن حلال وبحبها
ام احمد. وينها هلأ جايي ع بالي ضمها لقلبي
حنان. سهرانة ع البرندا مع وسام عم يودعو العزوبية
ام احمد. واخوتها وين
حنان. هلأ بيجو حكيت معهم ع الطريق بس لا تقولي قدامهم انو وسام هون هلأ بجن نبه عليي انو مايعرفو حتى ماينزعو عليه السهرة هههههه
ماعم يخلوه يسهر معها
ام احمد. اي لا تخبريهم قولي انو روعة نامت بكير
ع البرندا
وسام. سامعة صوت الضرب
روعة. اي سامعة
وسام. هي فرحانين انو بعد بكرا عرسنا لهيك عم يضربو
روعة. ههههه هي قبل العرس وهيك لكن يوم العرس من فرحتهن رح يبعتو الطيران اللي يضرب
وسام. ههههههه انتي اعتبريهم العاب نارية
روعة. اي ممكن
وسام. ياريت الليل مايخلص حلوة السهرة تحت ضوء القمر متل مابقولو
روعة. قصدك تحت شظايا القذائف ههههه
وسام. ههههههه مافي فرق التنين اجوائهم رومنسية ماهيك
روعة. اي امبلى
وسام. انزلي انزلي ع الارض
روعة. شو في
وسام. لك اخوتك رجعو مابدي يشوفونا
روعة. مجنون هلأ خوفتني مشان هيك
وسام. ليش خفتي
روعة.اي خفت ماكنا نحكي عن القذائف وهيك اي فكرت انو صار شي
وسام. هههههه لك مو قلت لحنان انو ماتخبر اخوتك اني هون مابدي ينزعو علي السهرة
مابدي يشوفوني
روعة. ليش مطول هون ماتنسى انو بكرا الحنة ورح اتعب كتير لهيك بدي نام بكير
وسام. اي لا ماحزرتي وهي قعدة
روعة. لك وساااام والله لازم نام
وسام. ياعيون وسام .. تعي نامي ع كتفي
روعة. ههههه ما اغلظك
يوم العرس
روعة عملت عرس وعزمت ناس كتير وحلوة كتير كانت الحفلة
و وسام ماعزم ناس كتير ورفقاتو عملولو حفلة صغيرة
وقت الزفة ام احمد تبكي وماوقفو دموعها وظلت طول الوقت بعيدة عن روعة حتى ماتشوفها بهي الحالة
بالمطبخ
حنان. والله ياعمتي مابصير هيك عم تبكي بدل ماتفرحيلها
بعد شوي رح تطلع من هالبيت وانتي لسا ماشفتيها وكل شوي عم تسألني عنك عم قوللها بلشانة بالمعازيم
ام احمد. بس تطلع من هالبيت روحي رح تطلع معها
حنان. لا تحكي هيك والله مابصير
دخل ابراهيم لعندهن
حنان. هاا هي ابراهيم اجا
ابراهيم. شو في .. امي ليش عم تبكي اكيد ع روعة
يعني شو بدك تظل طول العمر بلا زواج
البنات بعمرها بكون عندهن تلت اولاد
ام احمد. والله فرحانتلها من كل قلبي بس صعبة طلعتها من هالبيت
ابراهيم. طيب مانك فرحانة لأني رجعت من السفر
حتى استقبال ما استقبلتيني منيح
يبدو انو بس روعة اللي غالية عليكي
ام احمد. والله كلكم بغلات بعض بس روعة لانو بنت بظل خايفة عليها
ابراهيم. الله يخليلنا ياكي .. يلا هلأ اهل العريس ع الطريق مابقى الا يوصلو روحي باركيلها واقعدي جنبها وما تبكي قدامها
حنان. اي حرام تبكيها
طلعت امها لعندها باركتلها ولبستها طوق ذهب تقيل
روعة باست ايد امها والتنتين نزلو دموعهم
واصوات السيارات برا لأن وصل العريس
حنان. روعة شبكي ليش عم تبكي هاد احلى يوم بحياتك
ليكي كيف نزعتي مكياجك
لك روعة والله مابصير هيك شوفي حالة امك حرام عليكي
روعة. مو بأيدي والله
حنان. خلص بكفي نزعتي مكياجك
روعة. طيب
دخل العريس ودخلو اخوتها وابوها نقطوها ولبسوها ذهب
واتصورو معها
كان منظرهن وهني واقفين جنبها كتير حلو شافت حالها فيهم هني سندها وكتير كانت مدللة منهن وبعمرهن مازعلوها
زفوها وكانت طلعتها صعبة كتير ع امها
بس كانت طلعتها بداية لحياة جديدة وناس تانيين وبيت جديد غير عن كل شي تعودت عليه
بس كان بكفيها انو وسام معها
روعة. انت احلى شي صار بحياتي شهرين الخطبة مرقو بسرعة كتير وكانو من احلى ايام حياتي
خليتني عيش بعالم تاني
والايام الجاية رح تكون حلوة اكيد .. وسام انا بحبك كتير
وسام. حلوة كتير وبتاخدي العقل متل القمر
كتير كنت اتمنى هاليوم .. انا .. وانتي ولوحدنا
تاني يوم المسا اجو اهلها لعندها ليباركولها ومعهم هدايا كتير ل روعة ولكل العيلة
ايمان واسراء بالمطبخ
ايمان. اسراء شفتي الهدايا اللي جايبينها معهم هي اول الخير هيك الناس اللي بتفهم بتعمل ولا منظر السيارات وهني مصفوفين قدام البيت اخص شي اللي نمرتها الكويت اي والله شي بيرفع الراس خلينا نشوف حالنا شوي قدام الجيران .. اسراء بدي ضيافة تبيض الوجه هااا مابدي تخجليني
اسراء. ولا يهمك
دخلت روعة لعندهن ع المطبخ
روعة. بشو ساعدكن
ايمان. لا والله مابتقربي ع شي شو هالحكي انتي عروس هي اسراء بتعمل كل شي
يلا امشي خلينا نروح نقعد مع اهلك عيب تاركينهن لوحدهن
اسراء. اي روحو وانا هلأ بلحقكن
مرق اسبوعين وايمان ماتخلي روعة تقرب ع شي كلو ع اسراء
وبيوم الجمعة انعزمت روعة عند اهلها
وسام. يلا يا روعة الك ساعة عم تجهزي بحالك بدي لحق صلاة الجمعة
روعة. يلا حبيبي بس دقيقتين
وسام. انا ناطرك برا ماتتأخري
روعة. اي
ايمان. وسام ايمتى بدكن ترجعو
وسام. يمكن نسهر هنيك .. ليش
ايمان. بما انو روعة بغرفتها .. انا قلت بلكي بتلمح قدامهم انو وضعنا تعبان وانو انت وابوك قاعدين مابتشتغلو
وسام. اي وشو كمان
ايمان. انت لا تخاف الموضوع بينفتح لحالو بس يسألوك كيف وضعك وكيف اهلك
قوللهم ابوي تعبان وماعم يشتغل وانا كمان لازم اشتغل وبدي اصرف ع البيت واخوتي الصغار بحاجة اغراض وماعم تقدر تأمنلهن ياهن يعني من هالحكي
وسام حط ايدو ع كتفها وقاللها خالتي انا رايح ع عزيمة مو رايح اشحد
ولا تتأملي انو تحصلي قرش واحد عن طريقي
بعتقد انو المصاري اللي ضابيتهن عند اهلك بكفوكي تعيشي انتي واولادك احسن من عيشة اهل روعة
ايمان. ايا مصاري بتقصد
وسام. تعب شغلي وشغل ابوي واخوي كل هالسنين
ايمان. الله يسامحك والله كلو كان يروح كل يوم بيومو اخوتك لصغار مو ملحقة عليهم وانتو زوجناكم وتعبنا عليكم
وسام. اي اي حافظ هالموال
ايمان. ماتنسى شو قلتلك سمعهم انك بحاجة
وسام. يييي علينا
ايمان عرفت انو وسام مارح يحكي شي لهيك راحت لعند روعة ع غرفتها
روعة. اهلين خالتي اتفضلي
ايمان. يا الله ريحة غرفتك بتاخد العقل مو متل سلفتك شباك الغرفة مابتفتحو من كتر مو عجقة
روعة. لا خالتي حرام والله هي كتير نضيفة ومرتبة
ايمان. بس من لما اجيتي انتي صارت هيك وغارت منك بس شو جاب لجاب
انتي بنت الحسب والنسب وهيي مو معروف اصلها من وين
روعة. كل الناس خير وبركة
ايمان. ليكي روعة مابعرف شو بدي قلك بس والله من شوي اجت جارتنا كنا متدينين منها مصاري ميت الف وهلأ عم تطالبنا فيهن
وانا قلت لوسام وقال مامعو بلكي انتي بتحكي معو وبحاول يدبرلنا ياهن لأن والله عمك ماعم يشتغل هالفترة وجارتنا مو راضية تصبر
روعة. اي والله يهمك رح حاكيه
ايمان. ضروري يدبرهن اليوم
روعة. ان شاء الله
ايمان. الله يسعدك شو فهمانة
دخل وسام ع الغرفة وطلعت ايمان
وسام. شو لسا ماجهزتي
روعة. لا جاهزة خلينا نمشي
وسام. شو كان بدها خالتي
روعة. عم تقول انو جارتكن بدها المصاري اللي دينتكن ياهن وقالت احكي معك بلكي بتدبرهن انت
وسام. اي خلص انا بأمنهن
روعة. من وين وانت ماعم تشتغل
وسام. خلص انتي شو بدك بهالشغلة .. يلا امشي
ايمان. لك اسراء يا اسراء تعي حطي للأولاد فطور ونضفي البيت الدنيا الظهر وانتي لسا نايمة
في غرفة اسراء
اسراء. وسيم انا طالعة شوف شو بدها
وسيم. وبعدين معها هي ليش عم تردي عليها
اسراء. عندك حل تاني
وسيم. ياريت لو معنا مصاري ونقدر ندفع اجار بيت كنا مابقينا هون ولا دقيقة
المشكلة انو اجارات البيوت ناار ومافي لا شغل ولا شي
اسراء. بعين الله .. رح اطلع حط فطور لأن الحارة كلها سمعت صوتها
في بيت اهل روعة
ام احمد. اجت زهرة البيت يا امي شو اشتقتلك
روعة. وانا كمان والله اشتقتلكن كتير
حنان. والله نور البيت طمنينا عنك كيف عيشتك
روعة. والله مبسوطة كتير كتيررر
حنان. وين وسام لكن
روعة. برا مع احمد وابراهيم وموسى
حنان. كيف بيت حماكي
روعة. مناح بسلمو عليكن
حنان. الله يسلمكن
روعة. اي احكولي كيف البيت بدوني
حنان. تعي معي ع المطبخ خلينا نعمل شي نشربو وبحكيلك
دخلو ع المطبخ
حنان. اي احكيلي عنجد مرتاحة يعني اتعودتي ع حياتهن وكيف وسام معك
روعة. وسام كتير منيح
وعادي اتعودت اول فترة استصعبتها يعني بتحسي مافي خصوصية الفايت فايت والطالع طالع وضجة ع طول بسبب اولاد ايمان بس عادي تعودت
حنان. وسلفتك كيفها
روعة. ماصارلي اقعد معها كتير لأن اغلب وقتي بغرفتي بس هي بنت حلال ومنيحة كتير تخيلي مابتخليني مد ايدي ع شي قال لساتني عروس
بس حرام ايمان بحسها كتير ظالميتها
حنان. ليش مع انو والله هي محترمة بس يلا منيح الحمدلله مافي مشاكل
هي اهم شي
روعة. حنان بدي اطلب منك طلب بدون ماتعرف امي
بدي ميت الف
حنان. اي تكرمي بس لشو بدك ياهن وليش مابدك امك تعرف
روعة. بصراحة مرت ابوه لوسام بحاجتهن و وسام مامعو يعطيها قال بدو يدبرهن بس انا بعرف انو مامعو ومابدي امي تعرف حتى ماينحرج
حنان. حتى لو عرفت بتعطيكي ومابتحكي شي
روعة. بعرف بس مابدي مو حلوة مشان وسام
حنان. اي متل مابدك رح جبلك ياهن حتى ما تنسيهن
روعة. اي تمام
حنان. خدي هي 150 الف
روعة. ليش كل هدول
حنان. لك خليهن معك لساتكم عرسان وزوجك لسا ماعم يشتغل بتحتاجوهن
وايا شي بتحتاجيه بتجي لعندي وبتقوليلي والا والله بزعل منك
روعة. لك الله مايحرمني منك الله رزقني ياكي اخت الي
بالليل بس رجعو ع البيت
دقت ايمان باب غرفتهم
روعة. اهلين خالتي
ايمان. شو كيفن اهلك
روعة. الحمدلله بخير
ايمان. وسام هي جارتنا اجت قبل شوي وعم تقول بدها المصاري شو نعمل
وسام. والله ياخالتي متل ماقلتلك الصبح
ايمان. امممم والحل لازم نأمنهن
وسام. خاااااالتي خلصنا
ايمان. طيب تصبحو ع خير
وسام. وانتي بخير
روعة. وسام الطوق علق بشعري ساعدني
وسام. كيف هيك انتبهي تاني مرة
روعة. يسلمو ايديك
وسام. الله يسلمك
روعة. ماقدرت تأمن المصاري
وسام. لا
روعة. بس حرام هلأ خالتي شو رح تحكي لجارتكم
وسام. مابعرف بتدبر حالها
روعة. عندي حل
وسام. حل لشو
روعة. انا معي 150 الف رح اعطيها منهن 100
وسام. من وين الك ال 150 الف
روعة. بالعرس اهلي نقطوني ياهن
وسام. اهلك نقطوكي بس ذهب
روعة. ومصاري كمان
وسام. لك روعة لا تلفي وتدوري هدول اكيد جبتيهن اليوم من اهلك
روعة. يي علينا ليش بتدقق
وسام. ماعم دقق بس احكي الحقيقة
روعة. اي هدول حنان اعطتني ياهن
وسام. هيا اعطتك ياهن ولا انتي طلبتيهن
روعة. يييي لك مو مهم المهم انو نساعد خالتي يعني طلبت مننا ماحلوة نقوللها لا
خود هي المصاري اعطيها ياهن
وسام. لك هيا مانها بحاجتهن وقصة الجارة هي كلها كذب
روعة. اذا مابدك تساعدها ماتحكي هيك
كيف عرفت انو كذب
وسام. تسطفلي لا تسدئي
روعة. قوم اعطيها ياهن ماحلوة انا اعطيها ياهن
وسام. حلي عني مادخلني بكرا بتصير كل يوم تجي لعندي
روعة. انت انااااني
وسام. بكرا بتشووووفي شو رح يصير فيكي
تاني يوم روعة اعطت ايمان المصاري
روعة. هدول وسام امنلك ياهن
ايمان. الله يرضى عليه وسام ماضاعت فيه الترباية وتعب السنين
بعرف اني شو ماطلبت منو مابيرفضلي طلب
الله يسعدك ويسعدو يارب
روعة. الله يسلمك
بعد كم يوم دخلت روعة ع المطبخ لعند اسراء لتساعدها بتجهيز الفطور
ايمان بس شافتهن بعثت بنتها الصغيرة ريم لتتسمع شو بيحكو
ايمان. ريم اذا رديتي علي وسمعتي كل كلمة بيحكوها بعطيكي تروحي تشتري
بالمطبخ
روعة. اسراء انتي كم عمرك
اسراء. 23
روعة. العمر كلو يارب
اسراء. الله يسلمك
روعة. اليوم وسام و وسيم رح يروحو يدورو ع شغل وانا وانتي بنخلص شغل بكير وبنقعد بغرفتي او بغرفتك وبنحكي صرلي شهر متزوجة وماصرلنا نقعد انا وانتي لوحدنا
اسراء. اي وانا عم قول نفس الشي
ايمان. ريم انتي متأكدة انو بس هيك حكو
ريم. اي ماما
ايمان. لكن بس تشوفيهم دخلو ع الغرفة بتروحي فورا معهم وبتسمعي شو بيحكو لأنو روعة عندها اكلات طيبة وبتطعميكي خليكي دائما معها بالغرفة حتى لو كانت هيا و وسام بتظلي معهم فاهمة
ريم. اي ماما
في غرفة روعة
وسام. يلا بدك شي انا رايح
روعة. رح اشتقلك
وسام. مابتأخر
روعة. عم قلك رح بشتقلك
وسام. ههههه وانا عم قلك مابتأخر
روعة. يي ما اسئلك
وسام. بمزح معك ولو .. انا كمان رح اشتقلك واذا بدك مابروح
روعة. لأ روح
وسام. اعطيني هويتي من الدرج لأن رح نمرق ع الحواجز
نسي وسام قصة الهوية وانو مالازم روعة تشوفها
اعطتو ياها وما اتطلعت فيها
وسام. يلا سلام
روعة. الله معك
اسراء جهزت القهوة واخدتها ع غرفة روعة وروعة حطت مكسرات وبسكويت وشبس وفواكة
وايمان بعتت ريم لعندهم
وجنت لأن مانادولها تقعد معهن ولأن شافتهن متفقين وهي مابدها هالشي
روعة. اسراء قربي خلينا نتصور صورة ذكرى لأول مرة بنقعد فيها مع بعض
اسراء. كتير حبيتك رح نكون متل الاخوات ان شاء الله
روعة. وانا والله من اول مرة شفتك فيها قلت لمرت اخي انو انتي حبابة ومنيحة وبتدخلي ع القلب فورا
اكيد رح نكون اخوات ان شاء الله
ظلو 3 ساعات بالغرفة يحكو ماخلو شي ماحكوه وصارو يعرفو عن بعض كل شي
ايمان. ريم يااا ريم
ريم. نعم ماما
ايمان. لك وينك لهلأ تعي احكيلي شو حكو
ريم. ماحكو عليكي ولا ع بابا
ايمان. بعرف كيف بدهن يحكو وانتي موجودة بس احكيلي عن شو كانو يحكو
ريم. روعة سألت اسراء كيف تعرفتي ع وسيم وسألتها اهلها وين ساكنين وليش مابيجو لعندها ولا هيا بتروح لعندهم
وسألتها انو ليش وسيم تزوج قبل وسام وحكو عن كل شي
ايمان. اي خلص روحي العبي
ايمان. هالحقيرة اسراء رح تبقى ورا روعة لحتى تخليها تكرهنا
في غرفة روعة
اسراء. يلا قومي خلينا نجهز الغدا ونكمل حكي بالمطبخ
لأن اذا اتأخرنا هلأ ايمان بتجن
روعة. ههههه اي كنت اسمع صوتها كل يوم وهي تصرخ بدها تعملي الفطور
اسراء. ههههههه اي والله كل يوم عالموعد
بالليل رجع وسام ودخل ع غرفتو كانت ريم بالغرفة عندهم حط الهوية ع الطاولة
وسام. شو ريم عنا شو القصة
ريم. بدي نام عند روعة اليوم
وسام. ليش ماتنامي بغرفتك
روعة. لا خليها اليوم عنا
وسام. اوووف من الصبح لهلأ ومالقينا شغل
روعة. معقول
وسام. اي والله الناس شو بدها تشتغل ليش ظل شغل بهالبلد
روعة. يلا بعين الله
وسام. كيف كان يومك
روعة. منيح .. قلتلي مابدك تتأخر
وسام. اشتقتيلي اكيد
روعة بصوت واطي. هسس لك ريم هون
وسام. اي ليش شو حكيت .. لكن رح نام لأني تعبان .. تصبحي ع خير
روعة. وانت بخير
ريم. انا مابدي نام مو نعسانة
روعة. لكن بنسهر انا وياكي
ريم. اي بس روحي اعمليلي شي اكلو
روعة. اي تكرمي انتي ضيفتي اليوم ورح دللك
حطتلها روعة اكل وخلتا تاكل
شافت روعة الهوية واخدتا لتحطا مكانها
اتطلعت بصورة وسام وانتبهت لتاريخ الميلاد
روعة. كيف هيك معقول مخربطين بالمواليد .. وسام .. وسام نمت ولا لسا
وسام. اي شو بدك
روعة. قوم دقيقة
وسام. شو في
شاف الهوية بأيدها
روعة. مواليدك اللي ع الهوية مزبوطة
وسام بصوت واطي. يا الله ع هالورطة
روعة. لك وسام عم بحاكيك يعني المواليد غلط ولا انت اصغر مني بسنة
وسام. غلط حبيبتي اكيد غلط
روعة. طيب اديش تاريخ ميلادك الحقيقي
وسام. هلأ فيقتيني من النوم لتسأليني هالأسئلة
روعة. اي ويلا جاوبني
ريم. ماما قالت لوسام مايخبرك عن عمرو مشان تقبلي تتزوجيه لانو هوا اصغر منك
وسام. اللي صار انو
روعة. انو شو لك انو شووو
انت كذبت عليي ولساتك عم تكذب
وسام. روقي والله مو قصدي انو اكذب وكنت رح خبرك بس نسيت القصة
روعة. لك ليش مو من البداية خبرتني ليش لتخبي علي
ماعم سدء
لك هالموضوع كتير بهمني
وسام. كنت رح خبرك
روعة. يعني انت ماحكيت لأنو بتعرف اني مارح وافق
وسام. هلأ هيك صار الحكي مو عأساس بتحبيني
روعة. لك انو بحبك شي وانو تكذب علي لتتزوجني شي تاني
وسام. هي ريم خبرتك القصة انا كنت بدي خبرك بس ايمان مارضيت
روعة. طب ليش ماحكيت خبيت عني وعن اهلي
لك انا اتقدملي اكتر من 5 شباب وكلن اصغر مني لهيك ماوافق لحتى اجيت انت وخدعتني بس برافو عليك
وسام. يي لك اي خلص مو هي نحنى عايشين ومبسوطين يعني الفرق بس ع الورق مو مأثر علينا بشي
روعة. لك لا تجنني هلأ بدك تقلي ليش خبيت عني
وسام. يعني ليش .. مشان توافقي
روعة. يعني عم تحكيها بكل برود وعادي
وسام. يي علينا ع هالليلة لا بدك احكي ولا بدك اسكت
روعة. انت اناني ومابتفكر غير بحالك ماتخيلت انو تعمل هيك شي
لك ليش ليييييش
وسام. روعة روحي لعند ايمان وهي بتخبرك ليش
لأنو هيي السبب
روعة. وليش ماتخبرني انت
وسام. قلتلك انو مشان توافقي
ايمان هي اللي كان بدها هيك
ومارضيت تروح تطلبك الا حتى وافقت انو نكذب عليكي
روعة. اي منيح انت هلأ عم تحط كل الحق ع ايمان لحتى تطالع حالك بريئ
وسام. هاد اللي صار شو اعمل
روعة. ماشي يا وسام والله مارح تمرق القصة هيك
وسام. شو بدو يصير يعني ما اللي صار صار
روعة. يا الله رح تقتلني ببرودك لك ع الاقل حس بالذنب شوي
قرب منها ومسك ايدها
وسام. روعة والله انا حبيتك لهيك ماكان بدي انو ترفضي
روعة. بعد عني وسام ولا تحكي معي ولا حرف مابدي اسمع صوتك
وسام. طيب متل مابدك بس روقي
تاني يوم ريم حكت لأمها كل شي صار بين روعة و وسام
ايمان. يي الله لا يوفقو وسام حط كل الشغلة براسي شو بدي اعمل هلأ
يارب ماتفاتحني بالقصة
اذا سألتني ليش رح قوللها لأنو حبيناها وماكان بدنا نخسرها
بعد مرور يومين روعة ماعم تطلع من غرفتها وماعم ترضا تحكي مع وسام
وريم كل الوقت بغرفة روعة
وسام. شوفي جبتلك وردة
حلوة شوفيها
اف صرلك يومين ع هالحالة لك اسف واللهي اسف
ليش ماعم تردي عليي
روعة تبكي. خلص اتركني بحالي وسام
وسام. مارح اتركك
وهي اعتذرت منك شو اعمل كمان
روعة. ماتعمل شي بس حل عني
وسام. مارح حل عنك لك مو حلوة الكل بالبيت بفكرونا متخانئين
روعة. ليش نحنى شو
وسام. نحنى مو متخانئين بس عم نمر بظروف صعبة شوي بسبب كذبة صغيرة وندمان عليها
روعة. هههه
وسام. هههههه ضحكت والله ضحكت
روعة. روح من هون
وسام. بعد هالضحكة مستحيل
روعة. مارح انسى اللي عملتو
وسام. ولا انا
روعة. هههه
وسام. شايفك عم تضحكي
روعة. اي بس هاد مابيعني انو انتهت القصة
وسام. لأ انتهت .. انتهت لانو انا بحبك وانتي بتحبيني
ومابقى نحكي بالقصة
لأن اخدت اكتر من وقتا .. موافقة
روعة. اي بس
وسام. بدون بس .. انا بحبك
يتبع...
الجزء الثالث
#واقعية
الجزء الاول والثاني
ام احمد. روعة روحي ساعدي مرت اخوكي بالمطبخ عم تحط فطور للشباب اللي عم يشتغلو
روعة. والله اللي بشوفكن يا امي عم تعمرو هالطابق التاني بقول مافي حرب بهالبلد ومافي بيوت كل يوم عم تنهدم
ام احمد. لك يا بنتي البيت صغير واخوانك بدهم يتزوجو هيك كل واحد بيسكن بشقة
لأن اذا بدنا نستنى الحرب لتخلص بحياتا ما بتخلص
روعة. طيب انا رايحة ع المطبخ ساعد حنان
ام احمد. اي وانا رايحة اخد موعد من جماعة بقولو عندهن بنات للخطبة
مشان نروح عليهن بكرا
روعة. اي ان شاء الله خير
في المطبخ
روعة. الله يعطيكي العافية يا احلى مرت اخ
حنان. يعافي قلبك
روعة. بشو ساعدك
حنان. لا خلصت تعي خلينا نطلع الاكل للشغيلة
روعة. انا وانتي !!
حنان. اي مافي مافي الا زلم تنين كبار بالعمر
الحقيني بالخبز والشاي يلا
روعة. اي يلا
طلعنا ع السطح وطالعنا الاكل
نزلت حنان وانا كنت نازلة
ناداني واحد من الزلم لتنين.. ياعمي اغلبك
روعة. تفضل
ابو وسام. معليش تجيبيلي كاسة مي
روعة. اي اكيد هلأ كنت نازلة جيب المي
طالعت مي ع السطع واعطيتو ياها
ابو وسام. انتي بنتو ل ابو احمد
روعة. اي بنتو
ابو وسام. ماشاء الله عليكي .. كم عمرك
روعة. 26 سنة .. يلا عن اذنك لازم روح
نزلت وعملت قهوة الي ولحنان
وقعدنا نشربها بغرفة حنان
روعة. معقول تزبط العروس اللي بدها تشوفها امي بكرا
حنان. ياريت ان شاء الله
روعة. بس انتي ليش مابدك تسكني بالشقة الجديدة ليش حابة تبقي معنا هون
حنان. مو فارقة معي المهم كون مرتاحة
وبصراحة اخوكي ماعم يشيل فكرة السفر من راسو
عم يقول بدنا نطلع ع الاردن بس عم يستنا حتى امك تزوج اخوانك لأنو بدو ياكن تروحو معنا انتي وامك وابوكي
روعة. يعني مافقد الأمل لأن امي مستحيل توافق
حنان. وقت الجد بيقنعها
روعة. الله يختارلنا الخير .. بس ليش ع الاردن ليش مو ع الكويت لعند اخي ابراهيم
حنان. والله مابعرف
روعة. انتي حابة تسافري
حنان. بس مشان الأولاد كتير عم خاف عليهم واهكل همهم وهني بالمدرسة
روعة. اي معك حق الله يفرجها
حنان. امين يارب
روعة. لك هاد الزلما اللي عم يشتغل عنا وقف معي وسألني عن عمري .. ليش شو بكون بدو
وسألني انو انا بنتو لأبو احمد
حنان. بتكوني عجبتيه وبدو يتزوجك هههههه
روعة. ههههه الله ياخدك لك هاد اكبر من ابي
حنان. اي مزالك معندة وماعم تقبلي تتزوجي بكرا مابقى يجيكي الا بعمرو
روعة. انا ماكنت متخيلة اني اترك دراستي واقعد بالبيت لا شغلة ولا عملة
ومجرد ما اتخيل اني اتزوج وابعد عن امي بشيل الفكرة كلا من راسي
حنان. لك لأيمتى يعني اذا امك حابة تفرح فيكي وكلنا كمان مو بس هيي
روعة. ليش اجا الشخص المناسب وانا قلت لا
حنان. ليش من شو بيشكو اللي عم يتقدمولك
روعة. ولا من شي بس حتى يصير نصيب .. قولي انك حابة تخلصي مني
حنان. بالعكس والله رح يفضى البيت لك كبرنا سوا انا وياكي وتعودنا ع بعض كيف رح يجي يوم
ونفترق
روعة. اي والله خلص بطلت اتزوج هههههه
حنان. هههههه
بالليل كانت سهرانة روعة هي واهلها
ابو احمد. روعة اعطيني كاسة المي والدوا من جنبك خليني اخدهن
روعة. اي تفضل بابا
ابو احمد. يسلم هالديات يابنتي
روعة. وايديك بابا
ابو احمد. تذكرت شغلة ، اليوم الزلما اللي بيشتغل عنا اللي اسمو ابو وسام حكا معي بخصوصك يا روعة
اتفاجأت روعة واتطلعت بحنان وضحكو التنتين
روعة في نفسها العمى والله طلع حكي حنان صحيح هاد الزلما معقول بدو يطلب ايدي
ابو احمد. شو ليش عم تضحكي .. شو رأيك الزلما حابب يجي ويطلب ايدك لأبنو
شو قلو ؟
روعة. لأبنو ؟
ابو احمد. اي لكن الو قال انو ابنو عمرو 27 سنة .. شو رأيك
روعة ضحكت واتطلعت بحنان وقالت مابعرف
ابو احمد. رح قلو يجي يوم الخميس وبنتعرف عليهم واذا كان الشب مناسب ليش لأ
روعة. اي متل مابدك
دخلت روعة ع غرفتها ولحقتها حنان
حنان. والله بتكوني مجنونة اذا رفضتي هي الشب عمرو مناسب يعني اكبر منك كل مرة بتكون حجتك انو بكون العريس اصغر منك
روعة. اي طولي بالك لسا ما شفتو
حنان. الله اعلم شو العلة اللي رح تطالعيها فيه
روعة. ههههههه والله اذا كان مناسب رح وافق
حنان. اي ان شاء الله
في بيت ابو وسام
وسام. شو الشي اللي بدك تقلي ياه
ابو وسام. اليوم شفت بنت الزلما اللي بشتغل عندو بنت حلوة ومأدبة
حكيت مع ابوها اذا وافقو بنروح وبنشوفها
وسام. هيك بهالسرعة ليش انت بتعرفهن للجماعة
ابو وسام. اي بعرفهن البنت وحيدة لأهلها عندها اربع اخوة شباب
وابوها معو مصاري مابتاكلها النيران وعندو اراضي ومزارع وهي دارسة ومتعلمة
بس في مشكلة صغيرة
وسام. شو هيا
ابو وسام. انو البنت اكبر منك بسنة
وسام. اها .. اي !!
ابو وسام. شو اي .. اذا وافقو رح تتزوجها
وسام. لا مابدي قال اكبر مني
ابو وسام. لا تجن عم قلك ابوها عندو املاك وهي البنت الوحيدة عندو
بتتزوجها يعني واذا اكبر منك شو بصير
فكر منيح عاجبيتك حياتنا هيك بالفقر وانت قاعد لا شغلة ولا عملة
ع الاقل ابوها بدبرلك شغل بالكويت عند ابنو وهي بيطلعلها ورثة من اهلها بتعيشك احسن عيشة
وسام. مابدي
ابو وسام. مشان العمر يعني
وسام. هيك شي
ابو وسام. اي اتطمن مارح ترفضك لأنو قلت لأبوها انو عمرك 27 يعني اكبر منها بسنة
ع الاقل بنخبي الحقيقة لحتى تتزوجو
وسام. كمااان .. مابدي انسى الموضوع فوق مابدك ياني ادخل ع طمعة مكزب بعمري
ابو وسام. والله مشانك روح شوف عيشتهم لك الحرب مو مأثرة عليهم بشي لك العالم عم بتهرب من بيوتها وهني عم يعمرو بيوت وبيعرفو انو طيارة رايحة وصاروخ جايي ورغم هيك مو فارقة معهم
وسام. والله مابعرف انسى انو معهم مصاري بس يعني ماعم تزبط معي انو اكبر مني
ابو وسام. لك مو مبين عليها انت بس تشوفها بتغير رأيك عأساس انت لقيت غيرها واحسن منها وقلنا لا
مين بدها تقبل فيك وانت واسمك مابتعرف تكتبو
شو قلت ؟
وسام. اي بس اذا زبطت وصار نصيب مابتقولو قدام الناس انها اكبر مني
ابو وسام. ماشي
يوم الخميس كان الموعد وروعة جهزت حالها لأن وسام واهلو بدهن يجو يشوفوها
في بيت وسام
ابو وسام. خلصنا اتأخرنا ع الجماعة
وسام. في شغلة بدنا نتفق عليها قبل مانروح
ابو وسام. شو الشغلة
وسام. انا مع مرتك مارح اسكن رح بستأجر بيت لوحدي وبسكن فيه
ابو وسام. وطي صوتك .. هي اللي عم تقول عنها مرتي هيي اللي ربتك انت واخوك بعد ما ماتت امك
ورغم المنيح اللي عملتو معكم عم تحكي عليها
وسام. انا ماعم قول انها مو منيحة بس مابدي يصير مشاكل شوف اخي وسيم من لما تزوج كل يوم عم يصير مشكلة بهالبيت
ابو وسام. الحق ع مرت اخوك هي مو منيحة وكمان لا تنسى اخوك اصغر منك وتزوج قبلك كان صغير لهيك كان يصير مشاكل بس هلأ بعد ماتتزوج انت بتتغير حياتنا
ولا تقول هالحكي قدام امك بتبطل تروح معنا اليوم
وسام. كم مرة قلتلك لا تقول امي .. امي الله يرحمها
ابو وسام. لك اي خلص فهمنا .. انا قصدي انو خالتك بمقام امك ربتك من وهوا عمرك 3 سنين
وسام. طيب انا جاهز خلينا نمشي
في بيت روعة
دخلت حنان لعند روعة ع الغرفة
روعة واقفة ع المراية وعم تحاكي حالها لك الله يسعدني ما احلاني امووواه
حنان. ههههههه عم تتغزلي بحالك
روعة. هههههه من ايمتى انتي هون
حنان. انتي جاهزة الساعة صارت 9 مابقى الا يوصلو
روعة. اي جاهزة
حنان. كتير طالعة حلوة
روعة. عيونك الحلوة
حنان. نيمت الاولاد قبل مايجو مابدي يصرعونا هلأ بالسهرة
روعة. اي منيح
حنان. مابعرف ليش حاسة انو هالمرة رح يصير نصيب ويطلع الشب منيح
روعة. ان شاء الله
حنان. مانك متوترة
روعة. شو شايفيتني عمري 18 سنة
حنان. بالموقف هاد مادخل العمر .. الباب عم يندء اكيد هدول هنن
وصلو بيت ابو وسام وتعرفو ع بعض
ابو وسام. هي ابني وسام وهي مرتي ايمان
امو ل وسام الله يرحمها
وهي ابني وسيم الاصغر من وسام متزوج وهي مرتو اسراء
ابو احمد. تشرفنا اهلا وسهلا فيكم
شافو روعة وقدمتلهن القهوة وتعرفو اكتر وحكو بأمور كتير
شافت وسام وهوا كل الوقت يتطلع فيها
كانت تطلع فيه وهي محتارة وعم تفكر انو توافق او لا
بس ع الأغلب رح توافق
وسام عجبتو روعة وماكان باين ابدا انها اكبر منو
بالليل بعد ماراحو دخلت حنان لعند روعة ع غرفتها
حنان. شو فكرتي ولا لسا
روعة. والله محتارة انتي شو رأيك ؟
حنان. القرار الك بس انو شو اللي محيرك
روعة. هلأ هوا حلو وحلو كتير كمان بس يعني هوا مانو دارس وغير هيك رح نسكن مع مرت ابوه لو مع امو عادي وكمان اخوه ومرت اخوه بنفس البيت ماعندي مشكلة بس بخاف اذا صرت قارن بين عيشتنا هون وبين هنيك تخرب حياتي
ومافي فرق كبير بينا بالعمر
حنان. هلأ موضوع الدراسة مانو مهم هي اخوتك مو دارسين بس كل واحد بأيدو شغلة احسن من الدراسة
وبالنسبة لمرت ابوه معك حق يعني اكيد مارح تكون متل امو
ومشان وضعو المادي ماتهكلي هم اكيد اخوتك وابوكي رح يساعدوكم وتطلعو ع بيت لوحدكم
واهم شي انو اكبر منك حتى لو بسنة
وبعدين سمعتي حكيو باين انو محترم وفهمان وغير هيك شخصية
روعة. مرت اخوه باين انو منيحة كتير حسيتها مرحة ورح نتفق انا وياها صارت تحكي معي وكأنو بتعرفني من زمان
حنان. ع كل حال فكري منيح وان شاء الله بصير خير
في بيت وسام
ايمان. بتعرف يا ابو وسام اذا صار نصيب رح نقبر الفقر لك مامعقول اديش معهم مصاري لك باين من الضيافة اللي ضيفونا ياها ومن عفش بيتهم ومن تيابهم
ابو وسام. انتي ماشفتي شي انا اشتغلت عندهم وبعرف كل شي عنهم
ايمان. وسام شو رأيك بالبنت
وسام. هلأ انتو شو مفكرين حتى عم تخططو يعني اهلها رح يصرفو علينا
ايمان. اي وين المشكلة اذا ساعدونا
وسام. وليش ليساعدونا
ايمان. مابكفي انو كتر خيرنا قلبلنا ناخد بنتهم وهي اكبر منك
وسام. من هلأ بلشنا بقصة اكبر منك منيح حكيتو هالحكي قبل مايصير شي خليتوني ارجع فكر لحتى اعرف اخد قرار
ابو وسام. هلأ لا تعملي فيها انك الشب المثالي ومابتقبل تاخد بنت اكبر منك
كتر خيرها اذا قبلت فيك مابكفي انك لا شغلة ولا عملة
على شو شايف حالك مابعرف
وسام. انا اذا بدي اتزوجها لأن عجبتني مو مشان مصاريها بس رح خبرها بعمري الحقيقي
اسراء مرت اخوه. اي والله يا وسام اذا بتخبرها بكون احسن
ايمان. انتي اخرسي ماحدا اخد رأيك مفكريتها متلك ماسدئتي لقيتي حدا يتزوجك هي اذا خبرها مستحيل تقبل فيه
تاني يوم بالليل في بيت روعة
ابو احمد. شو روعة بدي رد خبر للجماعة صارو متصلين مرتين لأنو مستعجلين شو خبرهم
انا سألت عن الشب والكل قالو انو سمعتو منيحة بس بقولو انو مرت ابوه قوية
روعة. موافقة اذا انتو موافقين
في بيت وسام
ابو وسام. هي الجماعة اتصلو وقالو موافقين
يا وسام لا تعملي مشاكل بعد ماتكتبو الكتاب بتخبرها اللي بدك ياه
هيا كذبة صغيرة وما بتأثر عليكم اذا كنتو متفقين وحابين بعض
وحاول ماتخليها تشوف هويتك
وسام. طيب اتوكل ع الله
بعد كم يوم كتبو كتابهن وعملو حفلة خطبة عائلية واتفقو ع موعد العرس بعد شهرين لحتى يجي ابراهيم اخو روعة من الكويت
مرق اول شهر بالخطبة بسرعة و وسام كتير كان منيح مع روعة
وهي حبتو كتير وتعلقت فيه
وايمان كانت توصي وسام كل مايروح ياخد معو هدية تقيلة ل روعة
وسام كان بعاني من مشكلة وهيي انو ماعم بصيرلو يقعد مع روعة
في غرفة روعة كانت عم تحكي مع وسام
وسام. روعة والله بكفي هيك احكي مع اخوكي خليه يرجع من السفر يعني لسا بدنا نستنا شهر والله كتير
روعة. ياحبيبي والله ع قد ما بتظل تحكي بهالموضوع قلتلو لأبراهيم انو مستعجلين وقال مابيقدر يجي قبل شهر
وسام. طيب ارجعي حاولي معو
روعة. لك لحتى تجهز غرفة النوم وحتى خلص جهازي انا بكون صار اكتر من شهر
ليش مستعجل مابعرف
وسام. بدي انو نتزوج يعني بدنا نقضيها هيك ع التلفون لك وقت بجي عليكم ماعم بقدر احكي معك كلمتين فورا بيستلموني اخوتك
روعة. هي وقت روح لعندكم عم بكون لوحدي وبنظل طول النهار مع بعض
وسام. اي هني مرتين روعة. مو عاجبك مرتين بالشهر
وسام. ليكي مابقى افتح هالموضوع معك
بس بكرا جايي لعندكم وبدي نقعد انا وانتي لوحدنا
روعة. اممم
وسام. شو امممم !! شو قلتي
روعة. ههههه لك كيف بدي قلن لا تقعدو معنا
وسام. مابعرف تسطفلي
روعة. انا مادخلني مو انت اللي علمتهن ع الاركيلة ولعب الشدة وهني مابقى يقعدو بدونك
وسام. يعني صار الحق عليي .. والله صرت انا ادعيلهم انو يلاقو عرايس ويخطبو ويحلو عننا
روعة. هههههه
وسام. تسلملي هالضحكة
روعة. الله يسلمك
وسام. اففف خلصو وحداتي وانا احكي عن اخوتك
روعة. ههههه بحبككك
وسام. وانا بحبكك
روعة. طيب سكر انت وانا هلأ بتصل فيك
وسام. طيب يلا
يتبع...
الجزء الثاني
#زهرة_البيت_بقلم_روان_الشبلاق
الجزء الثاني
مرق تاني شهر من اجمل ايام حياتها ل روعة
ام احمد تبكي. ماعم سدء ياحنان انو روعة رح تتركنا وتتزوج بعد بكرا كيف رح عيش بدون ماشوفها كل يوم لك هي زهرة البيت وزهرة حياتي
الله يسعدها ويهنيها
حنان. لا تبكي مين قلك انو مارح تشوفيها كل يوم اول فترة بس رح تكون صعبة بعدين بتتعودي
مانك شايفتيها اديش مبسوطة الله يهنيها يارب
وانا والله رح افتقدها كبرنا سوا انا وهيي النا عشر سنين مع بعض مابعمرنا تخانئنا ع شي
بس شو نعمل كم يوم وبنتعود
اهم شي حياتها وسعادتها
وهي صبرت ونالت الله عوضها بوسام ابن حلال وبحبها
ام احمد. وينها هلأ جايي ع بالي ضمها لقلبي
حنان. سهرانة ع البرندا مع وسام عم يودعو العزوبية
ام احمد. واخوتها وين
حنان. هلأ بيجو حكيت معهم ع الطريق بس لا تقولي قدامهم انو وسام هون هلأ بجن نبه عليي انو مايعرفو حتى ماينزعو عليه السهرة هههههه
ماعم يخلوه يسهر معها
ام احمد. اي لا تخبريهم قولي انو روعة نامت بكير
ع البرندا
وسام. سامعة صوت الضرب
روعة. اي سامعة
وسام. هي فرحانين انو بعد بكرا عرسنا لهيك عم يضربو
روعة. ههههه هي قبل العرس وهيك لكن يوم العرس من فرحتهن رح يبعتو الطيران اللي يضرب
وسام. ههههههه انتي اعتبريهم العاب نارية
روعة. اي ممكن
وسام. ياريت الليل مايخلص حلوة السهرة تحت ضوء القمر متل مابقولو
روعة. قصدك تحت شظايا القذائف ههههه
وسام. ههههههه مافي فرق التنين اجوائهم رومنسية ماهيك
روعة. اي امبلى
وسام. انزلي انزلي ع الارض
روعة. شو في
وسام. لك اخوتك رجعو مابدي يشوفونا
روعة. مجنون هلأ خوفتني مشان هيك
وسام. ليش خفتي
روعة.اي خفت ماكنا نحكي عن القذائف وهيك اي فكرت انو صار شي
وسام. هههههه لك مو قلت لحنان انو ماتخبر اخوتك اني هون مابدي ينزعو علي السهرة
مابدي يشوفوني
روعة. ليش مطول هون ماتنسى انو بكرا الحنة ورح اتعب كتير لهيك بدي نام بكير
وسام. اي لا ماحزرتي وهي قعدة
روعة. لك وساااام والله لازم نام
وسام. ياعيون وسام .. تعي نامي ع كتفي
روعة. ههههه ما اغلظك
يوم العرس
روعة عملت عرس وعزمت ناس كتير وحلوة كتير كانت الحفلة
و وسام ماعزم ناس كتير ورفقاتو عملولو حفلة صغيرة
وقت الزفة ام احمد تبكي وماوقفو دموعها وظلت طول الوقت بعيدة عن روعة حتى ماتشوفها بهي الحالة
بالمطبخ
حنان. والله ياعمتي مابصير هيك عم تبكي بدل ماتفرحيلها
بعد شوي رح تطلع من هالبيت وانتي لسا ماشفتيها وكل شوي عم تسألني عنك عم قوللها بلشانة بالمعازيم
ام احمد. بس تطلع من هالبيت روحي رح تطلع معها
حنان. لا تحكي هيك والله مابصير
دخل ابراهيم لعندهن
حنان. هاا هي ابراهيم اجا
ابراهيم. شو في .. امي ليش عم تبكي اكيد ع روعة
يعني شو بدك تظل طول العمر بلا زواج
البنات بعمرها بكون عندهن تلت اولاد
ام احمد. والله فرحانتلها من كل قلبي بس صعبة طلعتها من هالبيت
ابراهيم. طيب مانك فرحانة لأني رجعت من السفر
حتى استقبال ما استقبلتيني منيح
يبدو انو بس روعة اللي غالية عليكي
ام احمد. والله كلكم بغلات بعض بس روعة لانو بنت بظل خايفة عليها
ابراهيم. الله يخليلنا ياكي .. يلا هلأ اهل العريس ع الطريق مابقى الا يوصلو روحي باركيلها واقعدي جنبها وما تبكي قدامها
حنان. اي حرام تبكيها
طلعت امها لعندها باركتلها ولبستها طوق ذهب تقيل
روعة باست ايد امها والتنتين نزلو دموعهم
واصوات السيارات برا لأن وصل العريس
حنان. روعة شبكي ليش عم تبكي هاد احلى يوم بحياتك
ليكي كيف نزعتي مكياجك
لك روعة والله مابصير هيك شوفي حالة امك حرام عليكي
روعة. مو بأيدي والله
حنان. خلص بكفي نزعتي مكياجك
روعة. طيب
دخل العريس ودخلو اخوتها وابوها نقطوها ولبسوها ذهب
واتصورو معها
كان منظرهن وهني واقفين جنبها كتير حلو شافت حالها فيهم هني سندها وكتير كانت مدللة منهن وبعمرهن مازعلوها
زفوها وكانت طلعتها صعبة كتير ع امها
بس كانت طلعتها بداية لحياة جديدة وناس تانيين وبيت جديد غير عن كل شي تعودت عليه
بس كان بكفيها انو وسام معها
روعة. انت احلى شي صار بحياتي شهرين الخطبة مرقو بسرعة كتير وكانو من احلى ايام حياتي
خليتني عيش بعالم تاني
والايام الجاية رح تكون حلوة اكيد .. وسام انا بحبك كتير
وسام. حلوة كتير وبتاخدي العقل متل القمر
كتير كنت اتمنى هاليوم .. انا .. وانتي ولوحدنا
تاني يوم المسا اجو اهلها لعندها ليباركولها ومعهم هدايا كتير ل روعة ولكل العيلة
ايمان واسراء بالمطبخ
ايمان. اسراء شفتي الهدايا اللي جايبينها معهم هي اول الخير هيك الناس اللي بتفهم بتعمل ولا منظر السيارات وهني مصفوفين قدام البيت اخص شي اللي نمرتها الكويت اي والله شي بيرفع الراس خلينا نشوف حالنا شوي قدام الجيران .. اسراء بدي ضيافة تبيض الوجه هااا مابدي تخجليني
اسراء. ولا يهمك
دخلت روعة لعندهن ع المطبخ
روعة. بشو ساعدكن
ايمان. لا والله مابتقربي ع شي شو هالحكي انتي عروس هي اسراء بتعمل كل شي
يلا امشي خلينا نروح نقعد مع اهلك عيب تاركينهن لوحدهن
اسراء. اي روحو وانا هلأ بلحقكن
مرق اسبوعين وايمان ماتخلي روعة تقرب ع شي كلو ع اسراء
وبيوم الجمعة انعزمت روعة عند اهلها
وسام. يلا يا روعة الك ساعة عم تجهزي بحالك بدي لحق صلاة الجمعة
روعة. يلا حبيبي بس دقيقتين
وسام. انا ناطرك برا ماتتأخري
روعة. اي
ايمان. وسام ايمتى بدكن ترجعو
وسام. يمكن نسهر هنيك .. ليش
ايمان. بما انو روعة بغرفتها .. انا قلت بلكي بتلمح قدامهم انو وضعنا تعبان وانو انت وابوك قاعدين مابتشتغلو
وسام. اي وشو كمان
ايمان. انت لا تخاف الموضوع بينفتح لحالو بس يسألوك كيف وضعك وكيف اهلك
قوللهم ابوي تعبان وماعم يشتغل وانا كمان لازم اشتغل وبدي اصرف ع البيت واخوتي الصغار بحاجة اغراض وماعم تقدر تأمنلهن ياهن يعني من هالحكي
وسام حط ايدو ع كتفها وقاللها خالتي انا رايح ع عزيمة مو رايح اشحد
ولا تتأملي انو تحصلي قرش واحد عن طريقي
بعتقد انو المصاري اللي ضابيتهن عند اهلك بكفوكي تعيشي انتي واولادك احسن من عيشة اهل روعة
ايمان. ايا مصاري بتقصد
وسام. تعب شغلي وشغل ابوي واخوي كل هالسنين
ايمان. الله يسامحك والله كلو كان يروح كل يوم بيومو اخوتك لصغار مو ملحقة عليهم وانتو زوجناكم وتعبنا عليكم
وسام. اي اي حافظ هالموال
ايمان. ماتنسى شو قلتلك سمعهم انك بحاجة
وسام. يييي علينا
ايمان عرفت انو وسام مارح يحكي شي لهيك راحت لعند روعة ع غرفتها
روعة. اهلين خالتي اتفضلي
ايمان. يا الله ريحة غرفتك بتاخد العقل مو متل سلفتك شباك الغرفة مابتفتحو من كتر مو عجقة
روعة. لا خالتي حرام والله هي كتير نضيفة ومرتبة
ايمان. بس من لما اجيتي انتي صارت هيك وغارت منك بس شو جاب لجاب
انتي بنت الحسب والنسب وهيي مو معروف اصلها من وين
روعة. كل الناس خير وبركة
ايمان. ليكي روعة مابعرف شو بدي قلك بس والله من شوي اجت جارتنا كنا متدينين منها مصاري ميت الف وهلأ عم تطالبنا فيهن
وانا قلت لوسام وقال مامعو بلكي انتي بتحكي معو وبحاول يدبرلنا ياهن لأن والله عمك ماعم يشتغل هالفترة وجارتنا مو راضية تصبر
روعة. اي والله يهمك رح حاكيه
ايمان. ضروري يدبرهن اليوم
روعة. ان شاء الله
ايمان. الله يسعدك شو فهمانة
دخل وسام ع الغرفة وطلعت ايمان
وسام. شو لسا ماجهزتي
روعة. لا جاهزة خلينا نمشي
وسام. شو كان بدها خالتي
روعة. عم تقول انو جارتكن بدها المصاري اللي دينتكن ياهن وقالت احكي معك بلكي بتدبرهن انت
وسام. اي خلص انا بأمنهن
روعة. من وين وانت ماعم تشتغل
وسام. خلص انتي شو بدك بهالشغلة .. يلا امشي
ايمان. لك اسراء يا اسراء تعي حطي للأولاد فطور ونضفي البيت الدنيا الظهر وانتي لسا نايمة
في غرفة اسراء
اسراء. وسيم انا طالعة شوف شو بدها
وسيم. وبعدين معها هي ليش عم تردي عليها
اسراء. عندك حل تاني
وسيم. ياريت لو معنا مصاري ونقدر ندفع اجار بيت كنا مابقينا هون ولا دقيقة
المشكلة انو اجارات البيوت ناار ومافي لا شغل ولا شي
اسراء. بعين الله .. رح اطلع حط فطور لأن الحارة كلها سمعت صوتها
في بيت اهل روعة
ام احمد. اجت زهرة البيت يا امي شو اشتقتلك
روعة. وانا كمان والله اشتقتلكن كتير
حنان. والله نور البيت طمنينا عنك كيف عيشتك
روعة. والله مبسوطة كتير كتيررر
حنان. وين وسام لكن
روعة. برا مع احمد وابراهيم وموسى
حنان. كيف بيت حماكي
روعة. مناح بسلمو عليكن
حنان. الله يسلمكن
روعة. اي احكولي كيف البيت بدوني
حنان. تعي معي ع المطبخ خلينا نعمل شي نشربو وبحكيلك
دخلو ع المطبخ
حنان. اي احكيلي عنجد مرتاحة يعني اتعودتي ع حياتهن وكيف وسام معك
روعة. وسام كتير منيح
وعادي اتعودت اول فترة استصعبتها يعني بتحسي مافي خصوصية الفايت فايت والطالع طالع وضجة ع طول بسبب اولاد ايمان بس عادي تعودت
حنان. وسلفتك كيفها
روعة. ماصارلي اقعد معها كتير لأن اغلب وقتي بغرفتي بس هي بنت حلال ومنيحة كتير تخيلي مابتخليني مد ايدي ع شي قال لساتني عروس
بس حرام ايمان بحسها كتير ظالميتها
حنان. ليش مع انو والله هي محترمة بس يلا منيح الحمدلله مافي مشاكل
هي اهم شي
روعة. حنان بدي اطلب منك طلب بدون ماتعرف امي
بدي ميت الف
حنان. اي تكرمي بس لشو بدك ياهن وليش مابدك امك تعرف
روعة. بصراحة مرت ابوه لوسام بحاجتهن و وسام مامعو يعطيها قال بدو يدبرهن بس انا بعرف انو مامعو ومابدي امي تعرف حتى ماينحرج
حنان. حتى لو عرفت بتعطيكي ومابتحكي شي
روعة. بعرف بس مابدي مو حلوة مشان وسام
حنان. اي متل مابدك رح جبلك ياهن حتى ما تنسيهن
روعة. اي تمام
حنان. خدي هي 150 الف
روعة. ليش كل هدول
حنان. لك خليهن معك لساتكم عرسان وزوجك لسا ماعم يشتغل بتحتاجوهن
وايا شي بتحتاجيه بتجي لعندي وبتقوليلي والا والله بزعل منك
روعة. لك الله مايحرمني منك الله رزقني ياكي اخت الي
بالليل بس رجعو ع البيت
دقت ايمان باب غرفتهم
روعة. اهلين خالتي
ايمان. شو كيفن اهلك
روعة. الحمدلله بخير
ايمان. وسام هي جارتنا اجت قبل شوي وعم تقول بدها المصاري شو نعمل
وسام. والله ياخالتي متل ماقلتلك الصبح
ايمان. امممم والحل لازم نأمنهن
وسام. خاااااالتي خلصنا
ايمان. طيب تصبحو ع خير
وسام. وانتي بخير
روعة. وسام الطوق علق بشعري ساعدني
وسام. كيف هيك انتبهي تاني مرة
روعة. يسلمو ايديك
وسام. الله يسلمك
روعة. ماقدرت تأمن المصاري
وسام. لا
روعة. بس حرام هلأ خالتي شو رح تحكي لجارتكم
وسام. مابعرف بتدبر حالها
روعة. عندي حل
وسام. حل لشو
روعة. انا معي 150 الف رح اعطيها منهن 100
وسام. من وين الك ال 150 الف
روعة. بالعرس اهلي نقطوني ياهن
وسام. اهلك نقطوكي بس ذهب
روعة. ومصاري كمان
وسام. لك روعة لا تلفي وتدوري هدول اكيد جبتيهن اليوم من اهلك
روعة. يي علينا ليش بتدقق
وسام. ماعم دقق بس احكي الحقيقة
روعة. اي هدول حنان اعطتني ياهن
وسام. هيا اعطتك ياهن ولا انتي طلبتيهن
روعة. يييي لك مو مهم المهم انو نساعد خالتي يعني طلبت مننا ماحلوة نقوللها لا
خود هي المصاري اعطيها ياهن
وسام. لك هيا مانها بحاجتهن وقصة الجارة هي كلها كذب
روعة. اذا مابدك تساعدها ماتحكي هيك
كيف عرفت انو كذب
وسام. تسطفلي لا تسدئي
روعة. قوم اعطيها ياهن ماحلوة انا اعطيها ياهن
وسام. حلي عني مادخلني بكرا بتصير كل يوم تجي لعندي
روعة. انت انااااني
وسام. بكرا بتشووووفي شو رح يصير فيكي
تاني يوم روعة اعطت ايمان المصاري
روعة. هدول وسام امنلك ياهن
ايمان. الله يرضى عليه وسام ماضاعت فيه الترباية وتعب السنين
بعرف اني شو ماطلبت منو مابيرفضلي طلب
الله يسعدك ويسعدو يارب
روعة. الله يسلمك
بعد كم يوم دخلت روعة ع المطبخ لعند اسراء لتساعدها بتجهيز الفطور
ايمان بس شافتهن بعثت بنتها الصغيرة ريم لتتسمع شو بيحكو
ايمان. ريم اذا رديتي علي وسمعتي كل كلمة بيحكوها بعطيكي تروحي تشتري
بالمطبخ
روعة. اسراء انتي كم عمرك
اسراء. 23
روعة. العمر كلو يارب
اسراء. الله يسلمك
روعة. اليوم وسام و وسيم رح يروحو يدورو ع شغل وانا وانتي بنخلص شغل بكير وبنقعد بغرفتي او بغرفتك وبنحكي صرلي شهر متزوجة وماصرلنا نقعد انا وانتي لوحدنا
اسراء. اي وانا عم قول نفس الشي
ايمان. ريم انتي متأكدة انو بس هيك حكو
ريم. اي ماما
ايمان. لكن بس تشوفيهم دخلو ع الغرفة بتروحي فورا معهم وبتسمعي شو بيحكو لأنو روعة عندها اكلات طيبة وبتطعميكي خليكي دائما معها بالغرفة حتى لو كانت هيا و وسام بتظلي معهم فاهمة
ريم. اي ماما
في غرفة روعة
وسام. يلا بدك شي انا رايح
روعة. رح اشتقلك
وسام. مابتأخر
روعة. عم قلك رح بشتقلك
وسام. ههههه وانا عم قلك مابتأخر
روعة. يي ما اسئلك
وسام. بمزح معك ولو .. انا كمان رح اشتقلك واذا بدك مابروح
روعة. لأ روح
وسام. اعطيني هويتي من الدرج لأن رح نمرق ع الحواجز
نسي وسام قصة الهوية وانو مالازم روعة تشوفها
اعطتو ياها وما اتطلعت فيها
وسام. يلا سلام
روعة. الله معك
اسراء جهزت القهوة واخدتها ع غرفة روعة وروعة حطت مكسرات وبسكويت وشبس وفواكة
وايمان بعتت ريم لعندهم
وجنت لأن مانادولها تقعد معهن ولأن شافتهن متفقين وهي مابدها هالشي
روعة. اسراء قربي خلينا نتصور صورة ذكرى لأول مرة بنقعد فيها مع بعض
اسراء. كتير حبيتك رح نكون متل الاخوات ان شاء الله
روعة. وانا والله من اول مرة شفتك فيها قلت لمرت اخي انو انتي حبابة ومنيحة وبتدخلي ع القلب فورا
اكيد رح نكون اخوات ان شاء الله
ظلو 3 ساعات بالغرفة يحكو ماخلو شي ماحكوه وصارو يعرفو عن بعض كل شي
ايمان. ريم يااا ريم
ريم. نعم ماما
ايمان. لك وينك لهلأ تعي احكيلي شو حكو
ريم. ماحكو عليكي ولا ع بابا
ايمان. بعرف كيف بدهن يحكو وانتي موجودة بس احكيلي عن شو كانو يحكو
ريم. روعة سألت اسراء كيف تعرفتي ع وسيم وسألتها اهلها وين ساكنين وليش مابيجو لعندها ولا هيا بتروح لعندهم
وسألتها انو ليش وسيم تزوج قبل وسام وحكو عن كل شي
ايمان. اي خلص روحي العبي
ايمان. هالحقيرة اسراء رح تبقى ورا روعة لحتى تخليها تكرهنا
في غرفة روعة
اسراء. يلا قومي خلينا نجهز الغدا ونكمل حكي بالمطبخ
لأن اذا اتأخرنا هلأ ايمان بتجن
روعة. ههههه اي كنت اسمع صوتها كل يوم وهي تصرخ بدها تعملي الفطور
اسراء. ههههههه اي والله كل يوم عالموعد
بالليل رجع وسام ودخل ع غرفتو كانت ريم بالغرفة عندهم حط الهوية ع الطاولة
وسام. شو ريم عنا شو القصة
ريم. بدي نام عند روعة اليوم
وسام. ليش ماتنامي بغرفتك
روعة. لا خليها اليوم عنا
وسام. اوووف من الصبح لهلأ ومالقينا شغل
روعة. معقول
وسام. اي والله الناس شو بدها تشتغل ليش ظل شغل بهالبلد
روعة. يلا بعين الله
وسام. كيف كان يومك
روعة. منيح .. قلتلي مابدك تتأخر
وسام. اشتقتيلي اكيد
روعة بصوت واطي. هسس لك ريم هون
وسام. اي ليش شو حكيت .. لكن رح نام لأني تعبان .. تصبحي ع خير
روعة. وانت بخير
ريم. انا مابدي نام مو نعسانة
روعة. لكن بنسهر انا وياكي
ريم. اي بس روحي اعمليلي شي اكلو
روعة. اي تكرمي انتي ضيفتي اليوم ورح دللك
حطتلها روعة اكل وخلتا تاكل
شافت روعة الهوية واخدتا لتحطا مكانها
اتطلعت بصورة وسام وانتبهت لتاريخ الميلاد
روعة. كيف هيك معقول مخربطين بالمواليد .. وسام .. وسام نمت ولا لسا
وسام. اي شو بدك
روعة. قوم دقيقة
وسام. شو في
شاف الهوية بأيدها
روعة. مواليدك اللي ع الهوية مزبوطة
وسام بصوت واطي. يا الله ع هالورطة
روعة. لك وسام عم بحاكيك يعني المواليد غلط ولا انت اصغر مني بسنة
وسام. غلط حبيبتي اكيد غلط
روعة. طيب اديش تاريخ ميلادك الحقيقي
وسام. هلأ فيقتيني من النوم لتسأليني هالأسئلة
روعة. اي ويلا جاوبني
ريم. ماما قالت لوسام مايخبرك عن عمرو مشان تقبلي تتزوجيه لانو هوا اصغر منك
وسام. اللي صار انو
روعة. انو شو لك انو شووو
انت كذبت عليي ولساتك عم تكذب
وسام. روقي والله مو قصدي انو اكذب وكنت رح خبرك بس نسيت القصة
روعة. لك ليش مو من البداية خبرتني ليش لتخبي علي
ماعم سدء
لك هالموضوع كتير بهمني
وسام. كنت رح خبرك
روعة. يعني انت ماحكيت لأنو بتعرف اني مارح وافق
وسام. هلأ هيك صار الحكي مو عأساس بتحبيني
روعة. لك انو بحبك شي وانو تكذب علي لتتزوجني شي تاني
وسام. هي ريم خبرتك القصة انا كنت بدي خبرك بس ايمان مارضيت
روعة. طب ليش ماحكيت خبيت عني وعن اهلي
لك انا اتقدملي اكتر من 5 شباب وكلن اصغر مني لهيك ماوافق لحتى اجيت انت وخدعتني بس برافو عليك
وسام. يي لك اي خلص مو هي نحنى عايشين ومبسوطين يعني الفرق بس ع الورق مو مأثر علينا بشي
روعة. لك لا تجنني هلأ بدك تقلي ليش خبيت عني
وسام. يعني ليش .. مشان توافقي
روعة. يعني عم تحكيها بكل برود وعادي
وسام. يي علينا ع هالليلة لا بدك احكي ولا بدك اسكت
روعة. انت اناني ومابتفكر غير بحالك ماتخيلت انو تعمل هيك شي
لك ليش ليييييش
وسام. روعة روحي لعند ايمان وهي بتخبرك ليش
لأنو هيي السبب
روعة. وليش ماتخبرني انت
وسام. قلتلك انو مشان توافقي
ايمان هي اللي كان بدها هيك
ومارضيت تروح تطلبك الا حتى وافقت انو نكذب عليكي
روعة. اي منيح انت هلأ عم تحط كل الحق ع ايمان لحتى تطالع حالك بريئ
وسام. هاد اللي صار شو اعمل
روعة. ماشي يا وسام والله مارح تمرق القصة هيك
وسام. شو بدو يصير يعني ما اللي صار صار
روعة. يا الله رح تقتلني ببرودك لك ع الاقل حس بالذنب شوي
قرب منها ومسك ايدها
وسام. روعة والله انا حبيتك لهيك ماكان بدي انو ترفضي
روعة. بعد عني وسام ولا تحكي معي ولا حرف مابدي اسمع صوتك
وسام. طيب متل مابدك بس روقي
تاني يوم ريم حكت لأمها كل شي صار بين روعة و وسام
ايمان. يي الله لا يوفقو وسام حط كل الشغلة براسي شو بدي اعمل هلأ
يارب ماتفاتحني بالقصة
اذا سألتني ليش رح قوللها لأنو حبيناها وماكان بدنا نخسرها
بعد مرور يومين روعة ماعم تطلع من غرفتها وماعم ترضا تحكي مع وسام
وريم كل الوقت بغرفة روعة
وسام. شوفي جبتلك وردة
حلوة شوفيها
اف صرلك يومين ع هالحالة لك اسف واللهي اسف
ليش ماعم تردي عليي
روعة تبكي. خلص اتركني بحالي وسام
وسام. مارح اتركك
وهي اعتذرت منك شو اعمل كمان
روعة. ماتعمل شي بس حل عني
وسام. مارح حل عنك لك مو حلوة الكل بالبيت بفكرونا متخانئين
روعة. ليش نحنى شو
وسام. نحنى مو متخانئين بس عم نمر بظروف صعبة شوي بسبب كذبة صغيرة وندمان عليها
روعة. هههه
وسام. هههههه ضحكت والله ضحكت
روعة. روح من هون
وسام. بعد هالضحكة مستحيل
روعة. مارح انسى اللي عملتو
وسام. ولا انا
روعة. هههه
وسام. شايفك عم تضحكي
روعة. اي بس هاد مابيعني انو انتهت القصة
وسام. لأ انتهت .. انتهت لانو انا بحبك وانتي بتحبيني
ومابقى نحكي بالقصة
لأن اخدت اكتر من وقتا .. موافقة
روعة. اي بس
وسام. بدون بس .. انا بحبك
يتبع...
الجزء الثالث
