احطـك وتلـقـاك فـالاهـداب

[المنسي]

احطـك

وتلـقـاك فـالاهـداب
​

الا يالحبيب المتـرف الرايـق الجـذاب​

عليك القلوب وحدب الاضلاع مكتوفـه​

سمّى الظبي يا سارق اللـب والالبـاب​

انا البارحـه مابيـن طاريـك وطيوفـه​

اسامر خيالك واتمنى واحسب احسـاب​

لو ان الرجل بأمناه ما يلحـق اشفوفـه​

ليا مرّ طيفك قلت يا ( ثورة الاعصاب)
والاغاب فاض والوجد وألحقته احسوفه
احطـــك بقلبـي وتلـقــــاك فـالاهـــداب​

تكلف خفوقـي فيـك والعيـن مكلوفـه​

لك السبق في تأكيد ياحـب يـا غـلاّب​

ولي سبق في دوامة الوقـت وظروفـه​

بعد غبت عن عيني وقلت الغياب اغياب​

بدا فالقصيد اشعاف والـروح ملهوفـه​

انا من غيابك ياحبيب الغـلا منصـاب​

صواب علاجه منك بالصوت والشوفـه​

فتح بَعد عينك عن عيونى دروب وباب​

وركّز فراقـك خنجـر البعـد وسيوفـه​

بقلبٍ عليك اليـا طـواه الحنيـن وذاب​

كما جملة من صفحة اعـراب محذوفـه​

لايلحقك لومي من غيابك وراسي شاب​

ويصبح فراقك رمـز للوقـت وحتوفـه​

بلاش الغياب الله يلومك بدون اسبـاب​

مالك حق بس ارجع ودين المحب اوفـه​

يكفيك سهري بوح شعرى مع الاعجاب​

على رغم بعدك في معانيـه وحروفـه​

وانا يكفي اني شاعرٍ من هل المرقـاب​

يسجل على صفحات الابـداع معزوفـه​

​