نجلا. عمتي بدك شي انا رايحة لعند امي
ام هشام. لا سلامة قلبك وسلميلي عليها كتير
نجلا. الله يسلمك
ام هشام. هشام بدو يوصلك
نجلا. اي ناطرني برا
ام هشام. اعطيني رغد حتى بوسا لانو رح اشتقلا
نجلا. اي خديها
ام هشام. يا حبيبة قلبي يا رغودة تبقي عندي هون رح اشتقلك انا
يلا روحي لعند ماما
علا. نجلا وين رايحة
نجلا. لعند امي
علا. اي سلمي عليها
نجلا. الله يسلمك يلا باي
ام هشام. الله معك
في السيارة
نجلا. هشام انت بتزعل مني لانو عم طل على امي كل يوم والتاني
هشام. لا حبيبتي بالعكس انا بدي ياكي تطلي على امك وماتتركيها بهالوقت لانها مريضة
نجلا. بس انا خايفة انو كون عم بقصر معك بشي
وانت بتعرف انو اخوتي مابطلو على امي ولا بيسألو عنها بسبب نسوانهن
وهزار اختي مشغولة بالتجهيز لعرسا
في بيت ام هشام
علا. عمتي ليش نجلا راحت لعند اما مو من يومين كانت عندهن
ام هشام. الله يعين نجلا امها مريضة ومافي مين يبلش فيها اخوتها كل واحد بلشان بمرتو ونسيانين امهم
علا. الله يشفيها
ام هشام. امين
الله يكون بعونها لنجلا كل ما تسوء حالة امها بتصير تبكي ومابدها تفارقها بتقطع قلبي عليها
علا. طيب ليش هزار ما بتساعدها
ام هشام. هزار عندا دراسة وعم بتجهز لعرسا
علا. العمى ليش اخواتها لئيمين هيك
ام هشام. والله ماكانو هيك وهنا صغار بس وقت تزوجو نسوانهم غيرنهم كتير كتير
هشام. السلام عليكم
ام هشام. وعليكم السلام
رجعت بسرعة
هشام. اي بس وصلتا ورجعت
شو موسى وعلي لسا مافاقو من النوم
ام هشام. موسى نايم
وعلي طلع على شغلو
هشام. لكن انا بدي اطلع ع البيت
ام هشام. لا خليك
قومي علا حطيلنا فطور خلي هشام يفطر معنا
هشام. لا امي انا فطرت بدي روح نام
ام هشام. ايمتا افطرت
هشام. افطرت انا ونجلا قبل ماتروح
ام هشام. لكن بتتغدا هون
هشام. اي امي بس تجهزو الغدا نادولي
يلا سلام
ام هشام. الله معك
ام هشام. علا حبيبتي اتركي الموبايل شوي وقومي نضفي البيت قبل ما يجي علينا حدا
علا. اي عمتي هلأ بقوم
عم احكي مع اخي بقول بدو يجي اليوم بعد العصر هوا ومرام
ام هشام. اهلا وسهلا والله اشتقنالهن يلا لكن قومي وحطي فطور وخلي زوجك يروح ع شغلو وعمك هلأ بفيق وبدو يفطر
علا. لك اي بس خمس دقايق
دء باب البيت
ام هشام. ها هي اجانا ناس والبيت مو نضيف
علا. اي مين بدو يكون متل العادة جاراتنا
ام هشام. اي واذا جاراتنا ما لازم يشوفو البيت هيك واذا كان مرتب ونظيف وريحتو ورد بقولو نيالهن ع هالكنة شو فهمانة ومرتبة ونضيفة ومافي منا
علا. الله يسامحك هلأ مابكون هيك الا وقت نظف البيت
ام هشام. لك بنتي والله انا بحكي مشانك بكرا بتصيري مسؤلة عن بيت ولازم تكوني متعلمة كل شي
وهلأ روحي افتحي الباب
علا. اهلا وسهلا بأم سليمان
ام سليمان. اهلا فيكي وينا عمتك
علا. بالصالة تفضلي
ام سليمان. السلام عليكم
ام هشام. وعليكم السلام كيف حالك
ام سليمان. الحمدلله كيفك انتي
ام هشام. الحمدلله
علا اعمليلنا قهوة
علا. تكرمي عمتي
ام سليمان. شو الشباب اليوم قاعدين
ام هشام. لا والله علي طلع بكير وموسى اليوم بدو يتأخر وهشام ببيتو شغلو واقف هالفترة
ام سليمان. الله ايسر امرهم
ام هشام. امين
ام سليمان. كأني اجيت بوقت مو مناسب
ام هشام. لا والله البيت بيتك بأي وقت
ام سليمان. الله يسلمك بس شايفكم لسا مو مخلصين شغل
ام هشام. اي هي علا الله يصلحها روحها طويلة
ام سليمان. كأنو كنتكم نجلا كانت اشطر منها
ام هشام. لا والله التنتين مليحات ومافي منهن بس هيا علا دمها بارد وبتشتغل ع مهلا
علا كانت بالمطبخ وسامعيتهن
شو بيحكو
علا. الله ياخدها جاية من الصبح لتحكي عليي لأ وفوق هاد كلو جاية من الصبح بكير والناس لسا ما افطرت العمى ما اقل زوقها انا بورجيها
ام سليمان. اي وشلون امها لنجلا اتحسنت ولا بعدها
ام هشام. لا والله كل مالها للأسوء
ام سليمان. الله يكون بعونها طيب واولادها كيفهم معها بعدهم مقاطعينها
ام هشام. اي والله نجلا بتقول مابفوتو على امهن الا كل شهرين مره ومابيقعدو الا خمس دقايق
والمسكينة امهن بتقول بشتاقلهم كتير بس قلبهم قاسي
ام سليمان. الله يحنن قلبهم
علا. تفضلي ام سليمان القهوة
ام سليمان. يسلمو ايديكي
علا. بس امانة لا تأخذينا انتي شايفة البيت معجوء بتعرفي الوقت لسا بكير والناس كلا نايمة وما توقعنا يجي حدا بهالوقت
ام هشام. عادي حبيبتي ام سليمان من اهل البيت
ام سليمان في نفسها يخرب بيتك ما اقواكي
ام سليمان. لا عادي بس الواحد مابيعرف مين بجيه بأيا وقت يعني انتي لازم تكوني مخلصة كل شغلك بكير
بتذكر سلفتك نجلا كنا نجي عليها بكير وتكون مرتبة بيتا ومجهزة بنتا وجوزا وما عليها شي بس يلا انتي اول بأول بتصيري متلا
علا. اي ياريت كون متل نجلا حبيبتي ليش بلاقي متلا
ام سليمان. قوليلها بتعلمك
علا. شو بتقصدي شو بدها تعلمني ؟
ام هشام غمزتها لعلا انو خلص اسكتي
علا. طيب عمتي انا رح حط فطور ل موسى مشان يروح ع شغلو واذا بدك شي ناديني
ام هشام. اي روحي
في غرفة علا
علا. موسى لك موسى يلا قوم
موسى. شو بدك
علا. يلا قوم جهزتلك فطور لحتى تروح ع شغلك
لك يلا بقا
موسى. صباح الخير
علا. صباح النور
قوم غسل ورح جبلك لفطور لهون
موسى. ليش هون
علا. لانو ام سليمان عندنا واذا طلعت قدامها هلأ بتستلمك
موسى. خلص لكن انا بدي روح
علا. لك ليش يعني لانو اليوم رح نفطر لحالنا انا وياك
موسى. خليها ليوم تاني اصلا مالي نفس
علا. طيب ما تتأخر لأنو مرام اختك ومنذر اخي جايين اليوم
موسى. لا مارح اتأخر
بعد مرور ساعتين
علا. عمتي مين بدو يجبلنا اغراض للطبخ
ام هشام. روحي نادي لهشام خليه يجيبهن
علا. بس هوا قال بدو ينام
ام هشام. تروح انت يا ابو هشام
ابو هشام. ليش انا قادر امشي ع رجليي
ام هشام. خلص روحي نادي لهشام بعينو الله ع هالمشوار
علا. طيب
دقت الباب علا ع هشام
علا. بس ماكون ازعجتك
هشام. لا عادي شو في
علا. عمتي قالت انو تروح تجبلنا اغراض للبيت
هشام. هلأ
علا. اي هلأ
هشام. طيب هلأ بروح سجليلي الاغراض الي بدكن ياهن
علا. اي ماشي
هشام. يالله وينكن شو بدكن خليني روح
علا. هي ورقة مسجل فيها كل شي
هشام. اف لشو كل هاد
شو عندكن عزيمة
علا. لك اي مرام ومنذر اليوم جايين لهون
هشام. ايوا ايمتا جايين
علا. بعد العصر
هشام. طيب انا رايح
علا. لحظة لحظة جبلي معك باكيت نسكافيه لانو خلص الي عندي ومابقدر اذا ماشربت كل يوم
هشام. تكرمي وانتي امي بدك شي
ام هشام. لأ بس جبلا النسكافية لانو اذا ماشربت بينضرب مزاجها مو ناقصنا اليوم عندنا ضيوف
علا. هلأ هيك يعني خلص بطلت
ام هشام. لك عم بمزح معك شو مابتلقي مزح
هشام. ههههههه
علا. اي اذا هيك عادي
ام هشام. علا اتصلي بعلي وخبريه انو اختو اليوم هون خليه يجي بكير ويجيب خطيبتو معو
علا. اي عمتي
بعد مرور ساعة
في بيت اهلا لنجلا
نجلا. هزار شوفي مين ع الباب
هزار. هاد اكيد علي لانو قال بس يخلص شغل بدو يجي لهون
نجلا. اي روحي افتحيلو
هزار. اهلا علي كيفك
علي. تمام مشتاقلك
هزار. وانا كمان تفضل نجلا هون
علي. اه والله
علي. كيفك نجلا
نجلا. الحمدلله تمام
علي. رغد ولي تعي لعند عمو
لك دخيلو انا الي بتحب عمها
هزار. خلصت شغلك
علي. لا ماخلصت بس اتصلو فيني من البيت وقالو انو مرام جاية لعنا
يلا جهزي حالك مشان نروح
نجلا. اي لكن وانا برجع معك احسن لا يجي هشام
علي. اي يلا لكن جهزو حالكن
هزار. انا بلا ماروح
علي. ليش بقا
هزار. مين رح يظل عند امي
نجلا. هلأ بحكي مع اخي سامر خليه يجي يظل هون لانو مابصير ماتروحي وهنن عزموكي
هزار. لا تحاولي مابيرضا
نجلا. بنحاول
نجلا اتصلت بسامر
نجلا. كيفك سامر
سامر. تمام انتي كيفك
نجلا. تمام سامر بدي قلك انو اليوم هزار بدها تروح ع بيت عمي لانو عازمينها ومارح يظل حدا عند امي لهيك تعال انت خليك عندا للمسا
سامر. يعني شايفيتني ماعليي لا شغلة ولا عملة وقاعد بالبيت
نجلا. طيب ابعت مرتك
سامر. مرتي عند اهلا خلص دبرو حالكن انتو يلا سلام
ام نجلا. خلص يا بنات روحو انتو وانا هلأ رح نام ومارح اصحى الا المسا
نجلا دمعو عيونا على امها
هزار. بس امي كيف رح نتركك لحالك
ام نجلا. روحو يا حبيباتي لا تخافو عليي بس خلولي المي قريبة مني مشان اذا عطشت اشرب
نجلا. يا عمري انتي يا امي ليش مابتحكي معهن لأخوتي والله مابصير هيك
ام نجلا. خلص مزالهن مبسوطين بحياتهم انا بكون كتير مرتاحة
هزار. لا انا مالي رايحة
نجلا. هزار حبيبتي امي هلأ اخدت الدوا ورح تنام ورح تروح معها للمسا تا تفيق
رجع هشام ع البيت لعند اهلو
ام هشام. الله يسلم ايديك
هشام. وايديكي امي
هشام من الملل نام
وبعد ساعة وصلو علي ونجلا وهزار ودخلو ع البيت
وسلمت هزار ع عمتها
ام هشام. تسلميلي شو فهمانة
هزار. الله يسلمك ويخليلي ياكي
علا في نفسها يا حبيبي من هلأ عم بدللوها كيف بكرا بس تصير عندهن
علي الاهبل مو لو اخد اختي احسنلو على شو اخدها مابعرف مو شايف كيف اخوتها زاتين امهن ومو سائلين عليها
يالله كلو نصيب
نجلا. ليش هشام نايم لهلأ
ام هشام. لا من شوي حتى نام
حرام اتركيه يرتاح شوي
نجلا. علا بشو ساعدك
ام هشام. نجلا اطبخي انتي بخاف علا ماتزبطهن
علا. يعني انا مابعرف اطبخ
ام هشام. مو هيك بس اليوم رح يجي لعنا ناس لهيك خلي نجلا هي الي تطبخ
علا. امرك عمتي
علا في نفسا طبعا طبخي مابيعجبهن والله مليت كلو نجلا نجلا ليش انا شو عاملتلهن
راحو نجلا وعلا ع المطبخ
علا. نجلا بعد يومين عيد زواجنا
الاول بدي شوف موسى شو رح يجبلي هدية
وانا محتارة شو جبلو
انتي شو بجبلك هشام كل سنة
نجلا. اول سنة اخدني وتعشينا بمطعم وجابلي هدية بسيطة قنينة بارفان مع وردة حمرا
علا. اممم حلو كتير
علا. وانتي شو جبتيلو
نجلا. ساعة
علا. هي الي لابسها
نجلا. اي هيا وعجبتو كتير مابقيما من ايدو
علا. بتحبيه كتير لهشام
نجلا. اي اكيد
علا. بس كيف بطاوعك قلبك تتركيه وتروحي لعند امك
نجلا. هوا مابيحكي شي وبحبا لأمي وبقولي روحي لعندا ولا تتركيها لأنو امي كتير تعبانة ومافي مين يهتم فيها
علا. الله يعافيها
بس يمكن هشام بقلبو يكون متدايق ومابيحكي وبالأخص انو قاعد مابيشتغل وانتي طول الوقت بعيدة عنو
نجلا. لك لا هشام مافي منو ومابيرفضلي طلب يعني اوقات بحس انو انا مقصرة كتير من ناحية بيتي بس انتي متل اختي قليلي شو اعمل امي مين بدو يهتم فيها لك مابتقدر تقوم ع رجليها ولا في مين يساعدها
اكيد هشام بيصبر عليي
علا. ايوا انا كنت فكر هشام غير هيك انو مابيقدر يقعد بدونك ولا لحظة
نجلا. اي هوا هيك بس شو بدو يعمل بدو يتحملني شوي هههه
علا. انا لو بعمل هيك مع موسى بطلقني وبقول مابتلزميني خليكي عند اهلك
نجلا. اي موسى عقلو صعب بعكس اخوتو علي وهشام
علا. لك انا مليت من الروتين بحياتنا ما النا الا سنة متزوجين وعايشين كأنو النا 10 سنين
يااااا الله ايمتا اطلع ع بيت لوحدي وصير متلك اكيد وقتا رح يتغير موسى ماهيك نجلا انو بصير الواحد يقدر ياخد راحتو
نجلا. اي اكيد بس بدك تصبري حتى يجهز بيتو ولسا بدو وقت
علا. لك والله تعبني بعصبيتو
نجلا. لك موسى كتير منيح انا عشت معهم بهاد البيت واتعودت عليه وعرفت شو بحب وشو بيكره
علا. انا صرلي سنة معو بس حتى انو نقعد بغرفتنا لحالنا مابصيرلنا من كتر الشغل ووقت بقلو انو نروح مشوار مابيرضى
نجلا. لك اي بكون من التعب الله يعينو
علا. هي زوجك كل يومين بروح معك عند اهلك ومابيحكي شي
وانا كل اسبوعين بروح مره ومابيرضا يروح معي مع انو اختو هنيك وبقلو بتزورها مابيرضا
نجلا. اي لانو هوا كتير خجول ومابحب الخلطة
وطبعو هادي وبيستحي من كل شي
اما علي اخوه نسونجي كتير وبحب الحكي وشخصيتو قوية
وهشام يعني فيكي تقولي كان متل علي بس بعد ماتزوجنا ترك هالعادة
كان اذا بيجو بنات عماتو او خالاتو يظل قاعد بالبيت بحجة انو تعبان وهيك
علا. كيف تركها
نجلا. زعلت منو اكتر من مره وحلف انو مابقا يعيدها ومايتطلع ع غيري ومن وقتا لهلأ مابيسترجي يعمل شي وانا واثقة فيه كتير
علا. لك ياريت موسى متل زوجك ع الاقل بتكون شخصيتو قوية شوي اف كيف لازم يبطل الخجل الزايد
نجلا. مجنونة انتي لك موسى مافي منو مابكفي انو بحبك وانتي متأكدة انو مارح يتطلع ع غيرك
علا. وجعتلك راسك
نجلا. لا حبيبتي ولا يهمك انا متل اختك شو مابدك احكي معي
علا. اي اكيد
نجلا. كأنو وصلو مرام ومنذر
علا. اي وصلو
لا تنفض غبار الزمن وتقلب اوراقي كل شي بحياتي انتهى وماضل لك باقي
مرام وزوجها سلمو ع الكل
مرام. انا بدي قوللكن خبر حلو
الكل. اي قولي
مرام. انا حامل
الكل. الف مبرووك
مرام. الله يبارك فيكن
في المطبخ بعد ماتغدو
مرام. بشو ساعدكن
نجلا. ولشي حبيبتي هلأ انتي حامل واتدلليلك شوي
مرام. ههههه
في الصالة
مرام. امي لسا ماحددتو موعد لعرس علي وهزار
ام هشام. مابعرف عن اخوكي وخطيبتو اسأليهن
مرام. شو علي ايمتا
علي. حتى تخلص هزار دراستها
مرام. اي ومطولة ؟
علي. يعني كم شهر
بالليل في بيت هشام
نجلا. هشام حاكيني بصراحة انت بتزعل ماهيك لأنو اكتر الأيام بتكون لوحدك
هشام. لا والله ليش لأزعل
نجلا. امبلا انت عم بتخبي عني اذا متدايئ من هالشي قلي الله يخليك
هشام. لك لا والله حتى كنت رح قلك انو بس يتزوجو علي وهزار رح جيب امك وسكنا معنا نجلا. عنجد حبيبي
هشام. اي والله
نجلا. يا الله عنجد كتير فرحتني
هشام. اي لكن بتفكري حالك قليلة عندي
نجلا. يخليلي ياك
بعد يومين كان عيد زواجها لعلا ونجلا كانت عند اهلا
ووضع امها كان خطير كتير وكانت زعلانة عليها
علا. هشام معليش اطلب منك طلب
هشام. اي قولي
علا. اليوم عيد زواجنا وبدي جيب هدية ل موسى اذا ماعليك شي خدني ع محل للهدايا
هشام. اي ماعندي مشكلة ايمتا
علا. هلأ
هشام. اي يلا
في السيارة
هشام. فكرة حلوة
علا. شو هيا
هشام. انو وانا رح جبلا ل نجلا هدية وفرحها فيها لانو الا يومين كتير زعلانة ع امها وحابب فرحها
علا. اي ليش لأ
علا في نفسا يا ترى شو ممكن يجبلي موسى اكيد هوا متذكر بس بدو يعملي ياها مفاجئة
وصلو ع محل هدايا
نجلا. لا ياعمري هي كتير حلوة بكفي انا منك واحلا من الدهب كمان
هشام. انا بحبكككككك
نجلا. وانا بحبك وبموت فيك
دخل موسى ع الغرفة
موسى. مسالخير
علا. مسالنور
موسى. شو و و في
علا. كيف يعني شو في ؟
موسى. بقصد انو شموع واغاني وهيك ع غير العادة يعني
علا. اكيد متذكر عم تمزح معي
موسى. لا والله عنجد شو في
علا. شو في ماهيك
شو نسيان انو اليوم عيد زواجنا
موسى. لك اي والله ناسي ليش ماذكرتيني
علا. انا بدي ذكرك ع كلا شكرا الك ع المفاجئة الحلوة
هه وانا قول اتأخر اكيد بكون عم يجبلي هدية
موسى. انا اسف والله نسيت
واتأخرت لانو السيارة تعطلت بالطريق
علا. وهي تبكي لك انا من الصبح عم جهز حالي كرمالك وانت بالاخر مامعك خبر عنجد انت بلا احساس
موسى. خلص حبيبتي والله لعوضلك ياها ماتزعلي مني
علا. لاتحكي معي ولا كلمة
ليش مابتصير متل اخوك مبارح بدون مناسبة جبلا لمرتو هدية
موسى. عم قلك نسيت نسيت يعني شو اعملك
علا. انت هاد الي شاطر فيه ليش مانك متل اخوك
تاني يوم نزلت نجلا ع بيت عمها
علا عملت حالا مبسوطة كتير وانو كانت ليلى حلوة كتير
في الصالة
علا. شو اليوم مانك رايحة لعند امك
نجلا. لا ماني رايحة
علا. اي احسن لانو اليوم الجمعة والكل قاعدين خلينا نجتمع
نجلا. اي بس كيف كانت سهرتكن مبارح
علا. وهي مقهورة كتير كتير حلوة وموسى عملي احلا مفاجأة كانت احلا ليلى من وقت الي تزوجنا
نجلا. وانا مبارح هشام حبيبي جبلي هي الاسوارة وهداني ياها شوفي عمتي كتير حلوة وجاب ل رغد كمان لعبة
الله يخليلي ياه شو حنون
شوفيها علا
علا. لك جبلي الي كمان وحده شوفي
نجلا. اي والله متلا مين جبلك ياها
علا. هشام
نجلا. كيف
علا. لك رحت انا وهشام جبت هدية ل موسى وشاف هي الاسوارة عجبتو وجبلك ياها وانا عجبتني كتير كمان جبلي ياها
نجلا في نفسا غريب هشام جايب هدية لعلا حتى ماخبرني بهالشي
يمكن لانو كانت معو استحا وجبلا ياها اكيد هيك
نجلا. اي مبروكة حبيبتي
علا. الله يبارك فيكي
ام هشام. الله يهنيكن ويسعدكن بحياتكن
علا في نفسا الله ياخدك يا موسى ليش مانك متل اخوك رومنسي وبتهتم فيني
وانتي التانية يا نجلا الله باعتلك واحد متل هشام وكل يوم تاركتيه ورايحة عند اهلك
وانا خسارتي ب موسى
والله الف شب كان بيتمناني
انا مو قاهرني الا اني احلا وحدا بسلفاتي وهوا مو مقدر هالشي
وهي نجلا مو حلوة بس زوجا بدللها وبحبها وبهتم بكل مناسبة وكل تفصيل بحياتهن
بس بسيطة يا موسى مارح انسالك ياها
بعد ساعة اجتمعو الكل عند ام هشام بالصالة
وعلا وموسى مابيحكو مع بعض
في المطبخ علا ونجلا عم بيعملو قهوة
علا. نجلا هلأ اذا تخانئتي مع هشام مين بيراضي التاني
نجلا. مابنتخانأ ابدا
علا. لك متلن صارت
نجلا. اكيد هشام بس وقت بكون انا غلطانة انا بعتذر منو بس هالشي ماصار يمكن مرتين من وقت تزوجنا
علا. احكيلي عن حياتكن خليني استفادلي شي شغلة وقوليلي كيف علقتي هشام فيكي هيك انو بدللك وبهتم فيكي
نجلا. ههههههه لك ماعلقتو ولا شي بس هوا هيك طبيعتو من وقت عرفتو
علا. ايواا
نجلا. ليش في شي ع هوا ماعم تسألي
علا. ههههه شو بدو يكون بس بحب هيك اسمع منك
نجلا. شوفي اهم شغلة انك ماتحاكيه وقت يكون معصب استني حتى يهدى وبعدا احكي معو يعني اذا كان في مشكلة بينكن وانا هيك بعمل
علا. شو اكتر شغلة بتحبيها وبتكرهيها بزوجك
نجلا. بحبووو وقت يكون معصب بسبب غيرتو بحس انو كتير مهمة انا عندو
ومابكره فيه شي كلو ع بعض حلو وبجنن
علا. اي وموسى هيك كمان وقت نكون ماشين بالطريق وحدا يتطلع فيني بجن جنانو
نجلا. اي كل الشباب هيك الله يخليكن لبعض
علا في نفسا اي والله مافي منو الحكي الي عم بقلك ياه
اخدت علا القهوة وراحت تضيفا وقت صارت عند هشام اتطلعت بعيونو بنظرات غريبة وخلتو ينتبه ع الاسوارة الي بأيدها ئديش طالعة حلوة وقالتلو تفضل
هشام. يسلمو ايديكي
وبس صارت عند موسى ضيفتو وهيا دايرة وشا ع الناحة التانية
هشام. نجلا اعطيني كاسة المي
علا مسكت الكاسة فورا واعطتها لهشام ومن السرعة لمست طرف ايدو
راحت علا ركد ع غرفتا
علا. لك تفووو عليكي يا علا شو الي عم تفكري فيه بالفعل انك مابتستحي شو صرلي جنيت بس والله مو بقصدي اني فكر بهي الطريقة خلص رح اتعوذ من الشيطان ع هالتفكير الي خطرلي واطلع
في الليل
هشام. الجو كتير حلو خلينا نروح فتلة بالسيارة وناكل بوظة
تروحي نجلا
نجلا. اي بروح
هشام. يلا كلكن جهزو حالكن
راحت علا ع غرفتا لحقها موسى
موسى. حبيبتي ليش زعلانة ومابدك تحكي معي
علا. نسيت شو عملت مبارح
موسى. انا اسف يا عمري يلا قومي جهزي حالك خلينا نروح معهن ونغير جو
علا. مااابدي
موسى. يعني لسا زعلانة
لك بالله اضحكي اذا ضحكتي بعرف انو سامحتيني
علا. مابدي يعني مابدي
موسى. ياحبيبتي انا بعترف انو نسيت بس كمان هون انا مع اهلي ومابقدر اعملك كل شي اصبري عليي حتى نطلع ع بيتنا والله لعوضك عم كل شي هي فترة وبتمرء
نحنا هون اذا عملنا اي شي الناس بتنتبه علينا
علا. بس حياتي كلا طبخ وشغل وجيران ومابعرف شو كمان
من حقي اخر الليل كون انا وياك لوحدنا لا تظلك تقلي الناس والناس وبطل الخجل الزايد يعني لو فتت ع البيت وبأيدك هدية مين رح يحاسبك اه
موسى. اااانا والله اسف
بس يلا قومي اتأخرنا
علا. طيب خمس دقايق وبجهز حالي
وطلعت نجلا ومعا رغد
هشام. يالله امي ابي وينكن
ابو هشام. ليش نحنا قادرين نروح
ام هشام. اي بنغير جو طقت روحنا من جو البيت
هشام. طيب استنوني دقيقتين
علا. موسى طالعة حلوة ولا لأ
موسى. بتجنني حلوة وقمر
علا. عيونك الحلوة
اتصل هشام ب موسى
موسى. طيب لا مابتأخر خمس دقائق وبكون عندك
الله معك
علا. وين ؟
موسى. طلعلي شغلة كتير ضرورية ومابقدر روح معكن
علا. بلا شو
موسى. علا عنجد كتير مستعجل
دخل هشام
هشام. يالله جاهزين
علا. اي انا ماني رايحة ومعد سدئك بشي
هشام. ليش مابدك تروحي
علا. اسأل اخوك
موسى. طلعتلي شغلة مهمة وهي بطلت تروح
هشام. لا بدها تروح
علا. مالي رايحة
هشام. علا بدك تروحي معنا ولا نحنا مابننفع ضروري موسى يكون موجود
علا. مابدي
هشام. لك قومي اصلا بترتاحي منو
نجلا. يلا علا امشي الكل عم يستنو فيكي
علا. انتو روحو شو بدكن فيني انا خليني مقبورة هون
هشام. يالله بلا دلال امي احكي معها
ام هشام. يالله يا علا خلينا مبسوطين ومارح نرتاح الا اذا كنتي معنا
علا. اي امشو
هشام ساء السيارة وقعد جنبو ابوه
ومن ورا نجلا وعلا وام هشام
علا كانت زعلانة ومقهورة وكل ماتقول تحسن موسى بيرجع ازود من اول
علا تطلع ب هشام بالمراية وتقول ياريتك متل هشام مابخلي مكان مابياخد مرتو عليه وحتى هلأ بكون يتمنا انو يكونو لوحدن
عنجد نيالك يا نجلا جوزك متل القمر ومابيحرمك من شي وشخصيتو قوية وبحبك
عنجد الجمال مو كل شي هي انا حلوة بس مو مرتاحة مع موسى ومانو حلو كتير
وهي نجلا مو حلوة بس زوجا حلو ومتفاهمين وبحبو بعض
عنجد كل شي بالدنيا حظ
موسى راح ع محل هدايا وجبلا ل علا هدية وجاب الكيك وشموع وجهز كل شي حتى يعوضها عن عيد زواجهن
وصلو ع محل بوظة ونزل هشام ليشتريلن
وجبلن خمس بواري بوظة
هشام. خدو خدو بسرعة ذابو
نجلا. علا خدي منو انا شايلة رغد مابقدر
هشام. لك يلا
علا ماوفرت هالفرصة وهي عم تمسكهن مسكتلو ايدو لهشام
هشام حس بهالشي بس فكر انو بسبب السرعة
هشام. وينو علي ماعاد شفناه
ام هشام. خليه مع خطيبتو شو هوا كل يوم رج يخطب
علا الغيرة دبحتها من نجلا
علا لك نجلا الغبية هاد حرام يكون زوجك انتي لازمك واحد متل موسى بتتفقي انتي وياه
مو حرام هالجمال كلو ومايلاقي اهتمام من مرتو ولا حتى بتغار عليه قال خدي منو انا شايلة رغد الله ياخدك لو عندي هالقمر هاد بمنعو يطلع من باب البيت
ياوووويلي عيونو شو بيسحرو
بعرف انو تفكيري غبي متلي بس مجرد تفكير مو اكتر
بالنهاية انا رضيانة بالواقع لو قد ماحلمت انو موسى يكون متل هشام مستحيل يصير هيك شي
عنجد القبايح بالسما لايح وحظ الملايح بالأرض طايح
رجعو ع البيت
هشام ونجلا طلعو ع بيتهن
وعلا راحت ع غرفتا وفتحت الباب
شافت الغرفة مضواية شموع ومزينة وكل شي فيها حلو
ومشغل فيها اغاني هادية
موسى. كل عام وانتي حبيبتي
علا. مووووو معقول
موسى. سامحيني اني نسيت عيد زواجنا بس هي عم حاول عوض هداك اليوم وان شاء الله يكون عجبك
علا في نفسا يا الله اديش تسرعت بالحكم عليه والله هوا كمان حباب بس خجول اكيد بس نطلع ع بيت لوحدنا رح تتغير حياتنا
انا كتير ظلمتو وقت صرت فكر ب هشام بس مو بقصدي من قهري ومعاد عيدا
علا. عنجد حبيبي الله يسلم ايديك والله كتير عجبني كل شي عاملو كرمالي
موسى. ليش كم علا عندي انا
الله يخليلي ياكي يا مجنونة
علا. ههههه حبيبي انت
لا تنفض غبار الزمن وتقلب اوراقي كل شي بحياتي انتهى وماضل لك باقي
في اليوم التاني راحت نجلا لعند اما
وهشام نزل ع بيت اهلو
قعدت علا من النوم
علا صباح الخير
هشام وام هشام. صباح النور
علا. انا رايحة اعمل نسكافية اعمللكن معي
هشام. اي ياريت
علا. وانتي عمتي
ام هشام.لا انا شربت قهوتي
علا بالمطبخ وعم تغني
صيحتلا ام هشام
ام هشام. مبين اليوم مبسوطة شو في
علا. ولاااا شي عمتي
علا. حدا بيتصبح بوجه هالقمر ومابكون مبسوط
لك علا شو حكينا مبارح مو قلنا لازم تطالعي هالفكرة من راسك
هشام. ايا فكرة
علا. من ايمتا انت هون
هشام. هلأ اجيت بدي مي
علا. تفضل هي مي
هشام. يسلمووو
علا. هشام الك مشوار برا البيت اليوم
هشام. ع الاغلب اي
علا. بدي وصيك ع شغلة
هشام. اي شو هيا
علا. استناني لحظة
علا. شايف هي قنينة البارفان هي باكيتا بتجبلي متلا
هشام. لمين هي
علا. الي افتح ايدك لقلك
هشام. ليش
علا. مسكتلو ايدو عأساس بعفوية وفتحتلو ياها ورشتلو عطر عليها
هشام. ليش هيك
علا. شوف ريحتها حلوة
هشام. اي كتير كتيرر حلوة رح جيب لنجلا وحدا منا كمان
علا. اي لا لا نجلا ماحبت ريحتها ابدا
هشام. ايوااا
علا. يلا بردت النسكافيه
ام هشام. لك يا ابني دورلك على شغلة تانية لأيمتا رح تظل قاعد بدون شغل
هشام. والله يا امي عم دور بس ماعم لاقي
ام هشام. الله يفرجها عليك
هشام. يالله انا بدي روح
علا. ايمتا بدك ترجع
هشام. بعد الظهر
علا. اي منيح بنكون عملنا الغدى
هشام. طيب يلا سلام
ام هشام. الله معك
بعد 3 ساعات رجع هشام ع البيت
هشام. هي الي وصيتيني عليه
علا. يسلمو ايديك
بعد مرور يومين علا ما شالت هشام من راسها وظلت تفكر فيه وبدها ياه طول الوقت يظل عندهم لحتى تشوفو
علا. يا الله احساس كتير حلوو
شو هاد الي عم بصير معي والله اذا عرفو اني عم فكر بهشام بيدبحوني
لك صرت حبو انو يقضي نهارو كلو هون مع اني كنت جن بس ييجي لانو ماباخد راحتي
لك ان شاء الله بيسلملي ع هالطول والجمال
دخلو هشام ونجلا ع بيت ام هشام
علا سمعت صوتهم ولبست وزبطت حالا وكانت تتقصد هالشي لحتى تلفت انتباه هشام لانو نجلا ماكتير بتهتم بحالا
في المطبخ
نجلا. كأنو في تغيير بعلاقتك مع موسى
علا. ليش مبين هالشي
نجلا. اي يعني عم تهتمي بحالك كتير
علا. اي اي
نجلا. الله يديم المحبة بينكن
علا. تسلمي وانتي وهشام كيف
نجلا. الحمدلله مافي منا
علا. بتعرفي طلع معك حق انتي لازم ما تتركي امك بهالفترة ابدا لانو مافي شي اغلى من الام ابدا
وانا من بكرا رح ساعدك لانو حمل كبير عليكي
علا. اي هاد كان بالأول هلأ ولا بتمدي ايدك على شي بعدين بدي اتعلم منك ومن رتابتك لانو كل الناس بتقلي صيري متل نجلا
ومن بكرا بتلمي كل شي غسيل عندك وانا باخدو وبغسلو نجلا. لا والله عنجد مافي داعي
علا. لك خلصصص
علا كل تفكيرها بهشام وصارت تلبس احلا شي عندا لما يكون موجود وتحسسو بأهتمامها اول بأول
وتعلقت فيه كتير وصار كل اهتمامها هشام وكيف ترضي هشام
في اليوم التاني طلعت علا لعند نجلا قبل ماتروح لعند امها
علا. نجلا مو عأساس تجيبلي الغسيل
نجلا. والله هنا مو كتار ومابدي عذبك فيهن خليهن انا بعملهن
علا. لك يلا حكينا بهالموضوع
واخدت علا الغسيل
وكان في قميص ابيض لهشام وعليه عطرو شمتو علا
علا. يا الله ما احلى هالريحة
وغسلتهن وكوتهن وحطت ع القميص من عطرا
وطلعت لعند هشام فتحلا ودخلت لعندو حتى بحجة انو بدها تعلقهن
هشام. مافي داعي عنجد تركيهن
علا. ماتحكي هيك واي شي بدك ياه قلي عليه
هشام. اي
علا. شو عم تعمل هون لوحدك مابتمل
هشام. لا عادي
علا. انزل لعنا بتتسلا
هشام. اي بنزل وبنام وع التلفزيون هيك بقضي وكتي
علا. اي بس نجلا مامعها حق انو تتركك كل هالوقت لوحدك
هشام. هي مجبورة بسبب امها
علا. طيب شو حابب تتغدا اليوم
هشام. مو مهم ايا شي
علا. لا عنجد اختار انت اليوم
هشام. والله مابعرف تسطفلو
هشام لاحظ اهتمام علا بس ماخطرلو الي عم تفكر فيه علا انو عادي يعني
علا. انا خلصت
هشام. يسلمو ايديكي
علا. هشام انت غير عن موسى يعني ولا كأنكن اخوة
هشام. كيف يعني
علا. يعني مابتشبهو بشي
هشام. اه يمكن
علا. بدك تروح ع مكان اليوم
هشام. اي بدي جيب نجلا
علا. اي
لكن ناطرينك ع الغدا ماتتأخر
هشام. اي
نزلت علا وبعد ساعة لحقها هشام
رن موبايلو لهشام
هشام. اي نجلا
نجلا. حسام امي بالمشفى ووضعها خطير والدكاترة مو قادرين يعملولها شي وبدنا نطالعها
هشام. طيب انا جاي لعندكن
نجلا. لا هشام مافي داعي
هشام. كيف مافي داعي
نجلا. هي علي معنا ورح نرجع ع البيت مافي داعي تجي بس بدي قلك انو رح ظل كم يوم عند امي
هشام. اي حبيبتي متل مابدك واذا بدك ايا شي اتصلي فيني
نجلا. اي اذا علا عندك اعطيني احكي معها
هشام. علا نجلا بدا تحكي معك
علا. اي نجلا
نجلا. علا حبيبتي انا رح ابقا كم يوم عند امي كتير تعبانة
بس امانة ظلك طلي ع البيت وشوفي اذا هشام بدو شي يعني مره كل يوم
علا. اي تكرمي ولا يهمك
نجلا. شكرا الك يالله باي
علا. باي
ام هشام. خير شو في
هشام. نجلا اما تعبت واخدوها ع المشفى
ام هشام. بدك تروح لعندها
هشام. مارضيت علي معهن وقالت رح يطالعوها
ام هشام. شو بدا منك يا علا
علا. انو طللها ع البيت مره او مرتين باليوم حتى ترجع
هشام. هيا هيك قالت
علا. اي
في اليوم التاني طلعت علا لعند هشام
علا. بدك شي اعملك ياه عنجد قول لاتستحي
هشام. لا شكرا الك والله مافي شي اذا بدي شي بخبرك
علا. لكن رح اعملك كاس عصير
هشام. علا والله مابدي
علا. امبلا رح اعملك
راحت علا ع المطبخ
هشام. الله يسامحك يا نجلا مين قلك تقولليلها انو تطل علي صارت بس بدا حجة لتطلع لهون شو قصتها مش فاهم
في المطبخ
علا. هي فرصتي خبرو لايمتا رح ظل مخبية عليه اني بحبو وهوا التاني بلا احساس معقول كل هالأهتمام وماحس بشي لك انا معد قدرت طالعو من تفكيري صرت اذا بشوفو قلبي بوقف وماني مهتمة لأيا شي لا لموسى ولا لنجلا الي بهمني هشام وبس صحيح عم بتقل حالو بس لأيمتا يعني
هشام. هي صدفة ولا شو
علا. عن شو بتحكي
هشام. صارت متكررة هالشغلة كتير
علا. شو بتقصد
هشام. مابتعرفي شو بقصد
علا. لا
هشام. طيب هي عملتيلي العصير وشكرا الك فيكي تروحي
علا. شبك ليش هيك عصبت
هشام. لانو حاسس في شي غلط ولسا مو متأكد
علا. شو هوا
هشام. اكتر من مره مسكتيلي ايدي وعم بتجي لعندي ع بيتي وع غرفة النوم تحديدا ومافي بالبيت غير انا وانتي غريب ماهيك
علا. لا مو غريب ماتنسا انو مرتك هي الي قالتلي
هشام. انا سمعت المكالمة من ونجلا قالتلك مره باليوم بس انتي قلتي اكتر من مره باليوم
ليش هيك قلتي
يعني ان شاء الله كون غلطان بتفكيري
علا. مانك غلطان انا تعلقت فيك وحبيتك
هشام. يعني جنيتي انتي شو هالحكي هاد
علا. اسمعني بالاول انا حبيت كل شي فيك صوتك ضحكتك عيونك كل شي فيك بجنن طريقة كلامك حبك لمرتك غيرتك عليها خلتني حس انك غير عن الكل ماني خايفة لا من موسى ولا من نجلا ومستعدة قول للكل متل ما قلتلك بس الي بهمني انك تصير الي
هشام. لك غبية شو تخبري الكل عن شو بدك تخبريهم
علا. اني بحبك وبعشقك
هشام. هلأ بتنقلعي ع البيت ومابتفوتي لهون مره تانية وبتطالعي كل الافكار الغبية من راسك يلا انقلعي
علا. افهمني انا بحبك
هشام. انقلعي من هون يالله
مسكها هشام وطالعها غصبن عنها
علا. لو شو ماعملت مارح اتركك لاني بحبك
هشام. لك اخرسي يلا روحي وفكري منيح قبل ماخبر زوجك وخليه يدبحك
علا. وانت فكر بأختك الي حامل كيف رح تنزت ببيت اهلها
نزلت علا ع البيت وراحت ع غرفتها
علا. الي عملتو هوا الصح وانا لحقت قلبي مو حاجتي دافنة حالي مع واحد مابيفهم بالحب وهيك احسن هي هشام صار يعرف واكيد مارح يعمل شي لانو رح يخاف ع اختو تتطلق
اساسا والله ماني خايفة ورح اتطلق من موسى واتزوجو لهشام
هشام. العمى من وين طلعتلي هالشغلة والله مو عارف شو اعمل يخرب بيتك يا علا شو كاينة مخبية بتيابك
ان شاء الله تبطل هالحركات وترجع لعقلها
المشكلة كيف رح روح لعند امي وهي موجودة هنيك
لازم لاقي حل
وهالخاينة مالازم تظل عند موسى
بس كمان رح تتطلق مرام ومابعرف شو كمان رح يصير وهي مجنون هاد غير اذا عملتلنا فضيحة وصارت تألف ع كيفها لانو مبين مو سائلة عن شي
في الليل
ام هشام. وينو هشام ليش مابين
علا. احكي معو خلو ييجي حرام يظل لحالو
ام هشام. دقيلي عليه
علا. مامعي رصيد رح جبلك موبايل عمي
اتصلت ام هشام ب هشام
هشام. ليش عم يتصلو معقول خبرتهن بشي
هشام. الو
ام هشام. وينك انت ليش مو مبين
هشام. امي انا بالبيت وكنت نايم
ام هشام. اي تعال بعدها ما أذن العشا احسن لا تظل لوحدك
هشام. لا امي تعبان شوي وبدي ارجع نام
ام هشام. خير من شو تعبان
هشام. راسي بيوجعني
يلا تصبحي ع خير
ام هشام. وانت بخير
علا. شو قلك
ام هشام. مارضي بقول تعبان ياحرام والله زعلانة عليه انو لوحدو عم بظل
علا. الحق ع مرتو كنتو تقولو ع كل شغلة نجلا ونجلا هي شوفو كيف مو سائلة ع زوجها
ام هشام. لك اسكتي انتي عارفة شو حالهم حكا معي علي وقلي الدكتور قايلو انها بأخر ايامها
علا في نفسها اي ماشي يا هشام انا عارفة ليش مابدك تنزل
طلع هشام من الغرفة ونجلا سكرت ع حالا الباب وعم تبكي وتظب اغراضا
وصارت رغد تبكي
نجلا. لك اسكتي ليش عم تبكي شفتي الي عملو ابوكي
والله عقلي ماعم يستوعب شي سلفتي وزوجي
لهيك كانت علا دائما تسألني عن هشام وعن علاقتي فيه
الله لا يسامحك يا علا متل مادخلتي ع حياتي وخربتيها
وعرفت كيف تستغلو لهشام
شو بدي اعمل اذا خبرت عمتي والناس كلا عرفت رح ينخرب بيت اختي واخوتي مارح يخلوها مع علي
طيب يعني شو اسكت ع الي صار شو اعمل يااااربي
بس مارح اتصرف بشي حتى اهدى وفكر ب الي صار
نجلا شافت ماعين هشام مغسولين ومكويين
نجلا. هه وانا قول من وين جايتها الشطارة وبدها تساعدني
مسكت نجلا القميص وشمت ريحتو كلا عطر
وراحت لعند هشام
هشام. مسدئيتني انو ما الي ذنب
نجلا. اي وهي دليل تاني شوف ريحة قميصك هاد مو عطرا لعلا
حاطيتلك ياه ع قميصك حتى كل ماتلبسو تشم ريحتها وتتذكرها
وقصة الاسوارة الي جبتلي ياها وجبتلا متلا كمان
ليش بصفتك شو عم تجبلها وانا الغبية مشيتها هيك عادي وماسالت عن الموضوع
هشام. انا مابعرف بهالشي عن العطر ع القميص هاد كلو منها والله منها
والاسوارة انا رحت معا ع المحل هي اختارت لزوجها وانا اخترتلك اسوارة وعجبتها ف قلتلها خدي وحده الك ولهزار ومرام بس مالقينا كانو اخر تنتين
اخدت نجلا تيابها وتياب رغد وطلعت من الغرفة
هشام. وين رايحة
نجلا. ع بيت اهلي روح خلي هالبيت الك ولحبيبتك
هشام. مافي تروحي
نجلا. لا تحاول تمنعني
هشام. بدي امنعك
قفل هشام باب الببت
نجلا. افتح الباب
هشام. لحتى تسمعيني
نجلا. مابدي اسمعك
بكفي الصورة الي شفتك فيها ماعم تروح من بالي
ومو حاطة الحق على علا لا ابدا الحق عليك انت
انا شو عملتلك حتى تعمل فيني هيك
هشام. لك والله مو متل ماشفتي هي بتجي لعندي كل يوم وماكنت اعرف شو بدا مبارح حتى قالتلي انو بتحبني ومابتحب موسى
نجلا. حلو كل يوم كاينة تجي لعندك والله اعلم بالباقي
هشام. لك شو عم تحكي مو انتي الي قلتيلا تجي تشوف البيت شو بدو
وهي استغلتا فرصة وصار عندا حجة
نجلا. اي اي افتحلي الباب
هشام. مارح افتحو
نجلا. لك بعد كل شي عملتو الك عين تحكي معي وتمنعني اني روح عنجد انك مابتستحي ع حالك
لك لو قلتي لو خبرتني اني مقصرة معك بس انت ماقلتلي هالشي كنت تضحك عليي طول الوقت وتقول روحي وعادي ولا تسألي ولا تهتمي كل هاد حتى تاخد راحتك مع الكلبة علا
هشام. هلأ انا هيك صرت
نجلا. لو تعرف كيف شايفتك هلأ اوسخ واحقر انسان بالدنيا
هشام. انتي ظلمتيني
نجلا. ياريت لو يكون هيك
هشام. هي المفتاح واذا حابة تسدئيني ونحكي وفهمك كل شي خليكي
نجلا. ما ظل الي حكي معك الله لا يسامحك وخطيت رغد برقبتك
وبدي تطلقني ورغد مارح احرمك من شوفتها بتشوفها كل اسبوع مره
ومنك لحبيبتك لمرت اخوك تسطفلو
هشام. لا تحكي بالطلاق
نجلا. رح تطلق مو ع كيفك والي بدي قلك ياه قبل ماروح انو كيف طاوعك قلبك تخون اخوك كيف مافيك دم انت
راحت نجلا لعند اما
هشام. الله لا يوفقك يا علا هلأ كيف بدها تسدء انو مافي بيني وبينك شي
والمشكلة لتنين واقعين بنفس المشكلة اذا انا حكيت بخرب بيت اختي واذا حكت هي بتخرب بيت اختا لكن كيف رح تنكشف الحقيقة
في بيت امها لنجلا
هزار. نجلا شو ليش رجعتي
نجلا. هزار انا تعبانة ومو قادرة احكي شي خدي رغد وخليها معك وانتبهي عليها انا تعبانة وبدي نام
هزار. نجلا شو صاير احكيلي
نجلا. هزار عم قلك مو قادرة احكي شي
هزار. طيب متل مابدك
بعد مرور ساعتين في بيت ام هشام
ام هشام. لك وينو هشام ليش معاد بين اطلعي ناديلو يا علا
علا. يمكن يكون نايم وانا بظل ازعجو مابدي
علا في نفسا ولي القصة صارت جد شو بكون صار بينهن
كيف بدي اعرف
هشام اتصل بنجلا
نجلا. شو بدك ليش متصل
هشام. بدي شوفك
نجلا. وانا مابدي تشوفني ولو سمحت طلقني
هشام. طيب بطلقك بس خليني شوفك خمس دقايق
نجلا. تعال ع بيتنا ولا تنزل خليك بالسيارة انا بجي لعندك
هشام. اي مابتأخر
وسكرت نجلا الخط
وصل هشام وطلعت لعندو نجلا
نجلا. شو بدك
هشام. بدي احكيلك الي صار
نجلا. وفر ع حالك تعب وطلقني
هشام. مستحيل طلقك
نجلا. بدك تطلق
هشام. لك والله انا ماكنت بعرف شو نيتها كانت اذا بتعطيني شي تحاول تلمس ايدي واكتر من مره صار هالشي انا قول يمكن بالغلط
لحتى بالاخر قالتلي انها بتحبني وانو بتغار منك والله وقت دخلتي انتي انا كنت عم بهددها انو تطلع من البيت بس هي مارضيت
نجلا. هاد الحكي كلو مابهمني خلص طلقني وبنرتاح انا وانت
هشام. يعني مو مسدئة
نجلا. انا مابدي اخرب بيت اختي لانو علي مو خاين متلك لهيك قول قدام اهلك انو مالنا متفقين وانو عم نتخانئ كتير ومشاكلنا ما الها حل وانو وصلت بينا للطلاق
عمتي مارح تقتنع بسهولة بس مو فوار تخبرها متل ما قلتلك كل يوم قلا في مشكلة وهيك حتى بالأخر تخبرهم
نجلا. هي رغد
هشام. بدي اخدها معي ساعة وبرجعها
نجلا. لا مافي تاخدها
هشام. ليش بقا
نجلا. مابتسكت بدوني
هشام. معي بتسكت ولا نسيتي انو انا ابوها
نجلا. والنعم والله
اعطيني البنت
هشام. طيب فكري منيح لانو طلاق مارح طلق
نجلا. لا تطلق هي انا قاعدة عند امي شو صاير عليي
هشام. لوتعرفي اديش بحبك واني ماممكن اتطلع ع غيرك مابتحكي هيك
نجلا. حب وخيانة مابيزبطو مع بعض
هشام. ماخنتك
نجلا. باااي
هزار. نجلا شوفي ليش هشام مافات لهون
نجلا. متخانئين انا وياه
هزار. على شو
نجلا. مشاكل كتير ومبين انو رح توصل بينا للطلاق
هزار. شو عم تخبصي انتي قال طلاق يعني اذا في مشكلة بينكن بتوصل للطلاق
نجلا. اي
هزار. شو في احكيلي
نجلا. هوا مابدو ياني ومابحبني وماشفتي اديش صرلي هون وماعم يسأل عني هوا مغرور واناني
هزار. ليش هيك بتحكي ع هشام والله انو منيح ومافي منو وكل يوم عم بيتصل فيكي وبكون بدو يجي وانتي مابتخليه
نجلا. اي ولو خلص رح اتطلق منو
هزار. لا تحكي كلمة الطلاق ع لسانك شو هالهبل هاد
نجلا في نفسا لو تعرفي شو عمل مابتدافعي عنو بهي الطريقة
في الليل كانت نجلا بغرفتا وعم تبكي وعلي عندهم
نجلا والله انا بحبك يا هشام ليش هيك عملت فيني كيف قدرت وببيتي كمان
لهلأ عم بدافع عن حالو والله لو ماشفتو بعيني كنت سدئتو
هزار. علي نجلا وهشام متخانئين
علي. ليش
هزار. مابعرف وصالة بينن للطلاق ونجلا هون زعلانة
علي. شو هالحكي عنجد بتحكي
هزار. اي والله
علي. اهلي بيعرفو ليش ماحدا خبرني
هزار. مابعرف انا اليوم حتى خبرتني نجلا
علي. وينا نجلا
هزار. بالغرفة
علي. قوليلا بدي شوفا
هزار. تعا معي
دءت هزار الباب ع نجلا ودخلت هي وعلي
علي. نجلا شو في شو صاير احكيلي
نجلا. ليش ماخبرك اخوك انو بدنا نتطلق
علي. لا انا مارحت ع البيت
وليش بدكن تتطلقو بالله بلا مزح
نجلا. مشاكل كتير وماعم نقدر نتفاهم والحل الوحيد الي وصلنالو الطلاق
علي. شو هالحكي ولو
كيف مشاكل كتير اي انتي وهشام اكتر تنين متفاهيمن
نجلا. كنا هيك بس تغيرت حياتنا ومعاد طقنا بعض
علي. اي فترة وبتمرء وبترجعو متل اول واحسن
نجلا. لا خلص وصلنا للنهاية
علي. لك خلص بلا هالحكي انتي اكيد زعلانة من هشام وعم تحكي هيك من زعلك
بعدين انتي متل اختنا وتعودنا عليكي كتير شو نسيتي امي وابي اديش بحبوكي
ام هشام. لك وينو هشام وين ليش ما اجا لعندي ليكون صاير معو شي
انا بدي اطلع لعندو شوفو
موسى. خليكي امي انا بروح انتي مو قادرة تطلعي ع الدرج
علا. لا لا خلي عمتي تروح احسن
ام هشام. بدي شوف شو قصتو ليش معاد طل علي
طلعت ام هشام ودءت الباب فتحلا هشام
هشام. امي
ام هشام. اي امك لك هيك بتخليني اطلع ع الدرج وتكسرو رجليي وين غايب ليش معاد شفتك
هشام. فوتي امي
كنت دور علي شغل
ام هشام. مابدي فوت يلا انزل لتحت اقعد مع ابوك واخوك وعلي بكون ع الطريق
هشام. لا امي بدي نام
ام هشام. انت دائما نايم يلا الحقني لشوف لا تتأخر
هشام. طيب
نزل هشام ودخل ع البيت
قبل مايسلم اجت عينو بعين علا بنظرة غضب بس هي تتهرب من نظراتو
ام هشام. شبك فوت
هشام. اي
ام هشام. حاسستك مو ع بعضك فيك شي
هشام. لا شو بدو يكون
دخل علي ع البيت
علي. هشام منيح انت هون احكيلي كل شي
هشام. عن شو بتقصد
في بيت امها لنجلا
هزار. وهي تصيح نجلا نجلا تعي بسرعة
نجلا. شو و و في
هزار. امي امي ماعم تحكي ولا تتحرك امي ماااتت
نجلا. شووو
هزار. وهي تبكي نجلا مشان الله انا خايفة والدنيا ليل ونحنا لوحدنا مشان الله اعملي شي
في بيت ام هشام
علي. بقصد ليش بدكم تتطلقو انت ونجلا
ام هشام. شووووو كيف وليش
هشام. اهدي امي
ام هشام. مابدي اهدى احكيلي وينا نجلا لهيك معد شفتا لك احكي شو القصة
هشام. لا لا هالحكي مو صحيح بس متخانئين
ورن موبايلو لهشام وكانت نجلا
فتح الخط
هشام. اي نجلا
شووو يلا يلا
جاية جاية لا تخافي
مابتاخر
علي وام هشام. شو في
هشام. اما لنجلا ماتت والبنات لوحدن بالبيت وخايفات كتير وعم يبكو
ام هشام. شو ياربي دخيلك
هشام. علي امشي معي بسرعة وموسى جيب امي وابي والحقونا
ام هشام. يلا بدنا نروح شو صار معكم
هشام. امي نجلا ما بدها ترجع
ام هشام. نجلا شو هالحكي الي عم اسمعو خلص اذا عم تقولو انو في مشكلة بينكن حلوها وارجعي لبيتك مابصير هيك تظلي
نجلا. عمتي الله يوفقك خلص انا وهشام اتفقنا ومشيزالحال
ام هشام. يلا حبيبتي مشاني ارجعي ع بيتك زوجك بدو ياكي يعني مستحيل مشكلة تأثر ع حياتكن والله هشام بحبك وبموت عليكي
نجلا. عمتي لا تحاولي خلص انتهى كل شي
وانا رح روح لعند بيت اخي
ام هشام. شو بدك بأخوكي يابنتي ارجعي ع بيتك
هشام. طيب امي امشي
وانتي نجلا اكيد لساتك تعبانة ارتاحي كم يوم عند اخوكي وبعدا انا بجي وباخدك واذا بدك ايا شي احكي معي
نجلا. والله كتير واثق بحالك
هشام. اي لأني بحبك وهلأ انتبهي ع حالك وع رغد
رجعو اهلو لهشام ع بيتهن
وهزار ونجلا راحو ع بيت سامر اخوهن ومرتو ناهد
ناهد جنت بس عرفت انو نجلا بدا تطلق لانو كانت مفكرة انو بس هزار رح تظل عندها فترة وبعدين تتزوج
في بيت سامر
هزار. نجلا والله انك مجنونة هشام بحبك كتير وطق قلبو وهوا يحكي معك وبلا فائدة احكيلي شو عاملك
نجلا. مو عاملي شي بس انا معاد بدي ياه
في بيت ابو هشام
هشام راح ليشرب مي ولحقتو علا
علا. ليش ما اجت نجلا معك
هشام. لسا الك عين تحكي ما انتي دمرتي عيلتنا
علا. انا شو دخلني شو انا الي كنت محاوطتك ورح بوسك
هشام. اخرسي ولك فشرتي اعمل هيك شي
علا. بالله لكن شو كنت رح تعمل
دخلت ام هشام
ام هشام. شو بدك تعمل يا هشام مع نجلا
هشام. مابعرف
وهلأ طالع ع البيت ولا تنادولي لا ع غدا ولا عشا ولا ع اشي
وطلع هشام ع بيتو
مرقو اول يومين هشام ماطلع من البيت
ومرت اخوها لنجلا كانت تعملا مشاكل لانو مابدها ياها
ونجلا كل تفكيرها عند هشام وماقدرت تكرهو ابدا
في الليل اتصل هشام بنجلا
نجلا. شو بدك
هشام..ما اشتقتيلي
نجلا. لا
هشام. انا اشتقتلك كتير
نجلا. لو سمحت احكي شو بدك بأختصار
هشام. بدي شوفك واحكي معك
نجلا. مامليت وانت تحكي
هشام. يعني شو ؟
نجلا. يعني لا
هشام..طيب بدي شوف رغد
نجلا. اي مو هلأ بكرا
هشام. انتي قلتي ايمتا مابدك ياها بتشوفها
نجلا. طيب اي تعا بتشوفها خمس دقايق وبتروح
هشام. اي
وصل هشام وكان كتير زعلان ومتدايئ ع هالوضع
طلعت لعندو نجلا ومعا رغد
بس ماحكت ولا حرف ظلت تطلع بهشام وهوا يتطلع فيها وما حكا
نجلا. وبعدين يعني
هي البنت لا تتأخر شوي وبرجع باخدها
هشام. وانتي
نجلا. انا شو
هشام. ماحن قلبك
نجلا. هشام اذا بتظل تحكي هيك حتى رغد معاد خليك تشوفا
هشام. طيب قوليلي لأيمتا هالحالة
نجلا. قول لحالك ليش مابتطلقني وبنخلص
هشام. لك كيف بدي طلقك وانا بحبك وماصار شي من الي فكرتي فيه
نجلا. اي لا تتأخر
راحت نجلا وقفت بعيد عنو
نجلا. ياعمري انت ليش هيك عملت لك كيف بدي سدئك وكيف بدي ارجعلك وانا رح ظل عايشة بشك بس لو شو ماصار ولو تطلقنا رح تظل انت حبيبي وابو بنتي ليش ياهشام بتفكرني كتير حابة ظل هون عند مرت اخي وعم تحك عليي ع الطالعة والنازلة اوووف اوف ياريت وقتا ماشفتك ياريت ظليت عايشة معك حتى لو بكذبة
هشام..بابا حبيبتي احكي مع ماما وقوليلا بابا ما الو ذنب وماعمل شي
ههههههه عم تضحكي بدل ماتدافعي عن ابوكي ما اشتقتيلي اديش صرلك بعيدة عني
اجت لعندهن نجلا
نجلا. يلا اذا سمحت تأخر الوقت ومابدي الناس تشوفنا
هشام. اي وشوفونا مو انا زوجك
نجلا. اعطيني البنت
هشام. روحي لعند ماما وقوليلا بابا بحبك كتير
هشام. تصبحي ع خير
نجلا. وانت بخير
نجلا. ولي رغد ليش ما قلتيلو لبابا اديش انا بحبو
ومرء اسبوع ونجلا وهشام ع هالحالة هشام يروح ليشوف بنتو ويحكي مع نجلا بس ماتعطيه وجه
وحاولو اهلو يصالحوهم ومامشي الحال
وبيوم كانت رايحة علا ع اهلا بتكسي وعملت حادث ع الطريق وصلت للموت بس الله تلطف فيها
وطالعوها من المشفى ع البيت
علا. الحمدلله يارب الي ماصرلي شي قبل ماخبر نجلا بالحقيقة كيف كنت رح قابل ربي وفي تنين وصلت بينن للطلاق بسببي
والي صار معي اكيد بسبب الي عملتو ودرس الي حتى توب وارجع لوعيي
هشام كان مخبرها لنجلا انو علا عملت حادث بس نجلا ما شمتت فيها
تاني يوم بالنهار هشام بعتلا لنجلا رسالة صوتية ع الواتس وصوتو كان كتير مخنوء وقلا
هشام. نجلا والله العظيم اقسم بالله ماخنتك لا مع علا ولا مع غيرها وانا والله العظيم بحبك ومستحيل خليكي تبعدي عني وانتي بتعرفي انو مره وقت زعلتي مني لاني اتطلعت ببنت ومن وقتا والله مانظرت لأي بنت تانية غيرك والقصة كلا انو ......
وحكالها هشام شو القصة وبعتها
سمعتها نجلا وقلبها عم بدء وحاسة من صوتو في صدق بكلامو
اتصلت فيه نجلا وقالتلو بدها تشوفو
وصلو نجلا وهشام ع المكان الي متفقين عليه
وعلا وصلت بس ظلت بعيدة عنهم شوي
هشام. اشتقتلك اكتر ماتتصوري
نجلا. ليش بعتلي الرسالة مبارح
هشام. اني حكمتي عليي بدون ماتسمعيني
نجلا. وشو الي بيثبتلي انو هاد الي صار
هشام. اتطلعي بعيوني شوفي وبتعرفي اذا خنتك او لا
نجلا. انا سدئتك
هشام. يعني سامحتيني
نجلا. مافي داعي اسامحك لأنك ماعملت شي
علا. نجلا هشام ماخانك انا الي خنتك وانتي كنتي بتعتبريني متل اختك
نجلا. شو جابك لهون انتو متفقين يعني
هشام. لا انا اجيت لوحدي
علا. انا شفت هشام وهوا طالع ولحقتو عرفت انو جايي يشوفك
نجلا. انقلعي مابدي شوف وجهك
علا. اسمعي شو رح قول
شايفة حالتي هلأ كيف هاد بسبب الي عملتو معكن هشام ماعمل معي شي والله العظيم انا ظليت وراه حتى خليه يحبني وماقدرت لانو كتير بحبك
ووقت دخلتي وشفتينا كان هشام عم يسبني ويبهدلني وحاول يطالعني من البيت وانا مارضيت
نجلا. بعد شو حكيتي بتعرفي انو كانت رح توصل للطلاق بينا وانتي السبب
علا. مشان الله سامحوني والله من يوم الحادث لهلأ انا تغيرت وصرت انسانة تانية والله تغيرت كتير وتبت وبتمنا انو الله يسامحني وانتو كمان سامحوني
هشام. لو ظليتي تحلفي من هون لبكرا مارح سامحك ع الي عملتيه
علا. نجلا انا وصلت للموت ورجعت وحاسبت حالي انو لو متت قبل ماتسامحوني واحكي الحقيقة شو كان رح يصير
انا تغيرت كتير انا صحيت ع حالي وندمت وعم بدعي ليل نهار الله يسامحني
ورح اطلب الطلاق من موسى لحتى معاد تشوفوني وهلأ بتمنا تسامحوني نجلا الله يوفقك شو قلتي
نجلا. مابعرف ياريت اقدر سدئك
هشام. نجلا لا تسدئيها كذابة
علا. عم قوللكن تبت والله تبت
نجلا. اذا عنجد تغيرتي الله يسامحك واذا عم تكذبي عليي الله لا يسامحك
هشام. ليش سامحتيها
نجلا. اذا عنجد بتكون تابت ف اكيد هي ندمانة كتير ومارح تعمل هالشي واذا كانت توبتها صادقة ف الله رح يسامحها
ليش انا حتى ما سامحها
علا. والله ع قد مانك طيبة هاد الي كنت متوقعتو منك وانا كنت شايفة حالي وفكرت انو كل شي بالدنيا الجمال بس طلعت غلطانة لأنو اخلائك انتي بتسوا جمال الدنيا كلا
وانت هشام مابدك تسامحني
هشام. عم حاول بس ماقدرت الأيام الي مرقت علي بدون مرتي وبنتي مو قادرة سامحك عليهن
علا. يعني مع الايام ممكن تسامحني
هشام.يمكن اي ويمكن لا
علا. وانا بوعدكن اني اليوم خلي موسى يطلقني ومعاد تشوفوني
هشام. اذا خلصتي كلامك فيكي تروحي لانو بدي ابقا مع مرتي لوحدنا
راحت علا وكانت عنجد ندمانة
هشام. ماتوقعت منك تسامحيها بهالسهولة
نجلا. هي مبين انو عنجد ندمانة ماشفت حالتها كيف
هشام. هلا المهم انو حبيبتي رجعتلي
بس كنتي قاسية كتير معي
نجلا. لك بس من برا والله قلبي كان يتقطع وقت شوفك وماقلك اني بحبك
هشام. عنجد يعني كل هاد تمثيل طيب والحكي الي تحاكيني ياه
نجلا. والله مو من قلبي بس كان بدي ياك تنقهر ع الي عملتو فيني
هشام. ههههههه
نجلا. بس حبيبي بدي منك طلب
هشام. انتي بتأمري
نجلا. بدي اليوم يتسكر الموضوع وماينفتح مره تانية
هشام. اي اكيد وانا هيك بدي
وان شاء الله مارح يتكرر هالشي ومارح نسمح لحدا يخربلنا حياتنا
وتأكدي كتير منيح انو انا بحبك انتي وبس انتي عمري وكل حياتي
نجلا. وانا بحبك كتير ومعد سدء ايا حدا بقلي عنك شي لانو هاد درس الي وما لازم سدء كل شي
لانو انا بحبككككك وبحب كتير
رجعت نجلا لبيتا
وبعد فترة
هزار وعلي تزوجو
وعلا تغيرت كتير وماتطلقت من موسى لانو طلعت حامل وغيرت معاملتها معو وصارت كل وقتا تصلي وتدعي انو الله يسامحها
وعم تحاول كتير انو تخلي نجلا ترجع تثق فيها متل اول
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
