#أخجلتم-إبليس-بفعالكم

[صفا النعمان]

#اخجلتم_ابليس_بفعالكم_
#مستوحاة_من_قصة_واقعية

(الجزء الاول)
مرت علي كتير مشاكل بحياتي.. وع كل مشكلة كنت قول ما في اصعب من هالمشكلة هي ..

حتى من وانا صغيرة .. وقت كنت طفلة العب بالعابي وتنتزع لعبتي كنت فكر انو هي اصعب شي بحياتي وما في اصعب منا .. ووقت المدرسة والفحوصة .. ووقت خطبت وغاب عني خطيبي .. ووقت تزوجت وصار معي مشاكل مع زوجي.. ووقت حملت وتعزبت بحملي وولادتي...

اي ولادتي.. هوون وقفت.. هون بيخلص الحكي .. وجع الولادة يلي ما في اصعب منو .. هيك كنت قول.. ما في اصعب منو..

بس لا في.. اي في.. في انو تعبك بابنك يقلب كلو ضدك.. في انو هالشجرة يلي زرعتيها وعتنيتي فيها ورويتيها من دمك تطلع شجرة علقم .. شجرة شوك .. شجرة تئذيكي بقلبك قبل ايا شي..

انا هداية.. ام لصبيين وبنت.. راجي الكبير .. ومالك الصغير.. ولبنى بنتي الوحيدة..

انا هلا عمري 65 سنة.. يعني جربت كل انواع العذاب وما ضل من عمري شي..

راجي: امي حبيبتي.. زوجي لهالاجدب وريحينا منووو

مالك: اي اي امي حبيبتي زوجيني زوجيني

وقرب منا مالك وصار يبوس بخدودا..

هداية: ههههههه لك بعد بعد هيك .. لك كبرو .. كبرو

راجي: مستحيل امي هههههههه ..الكل بيكبر الا مالك.. مستحيل يكبر

هداية: اي وكيف بدك ياني زوجو هههههه.. مين هاي يلي رح تنبلى فيه

قرب مالك منا لامو وضمها بقوة..

مالك: امي حبيبتي انت .. انت زوجيني وما عليكي.. رح اركز واتغير

هداية: الله يهديك يا ابني ههههههه

راجي: وينا لولو حبيبة قلبي.. مو ع اساس انها هون

هداية: رجعت ع بيت زوجا .. دقلا وقلا انو هو بالبيت .. باينتو ما اشتغل شي اليوم

مالك: لك الله يكون بعونا

هداية: اميييييي .. الله يكون بعون الجميع .. لا تبلشو .. فضل ما في منو.. بكفي محترما لاختكن

مالك: اي اي امي

هاي هي عيلتي.. يلي بتمثل كل حياتي.. زوجي ربنا اخدو من وقت كان عمري لسا 30 سنة.. كانو ولادي صغار..

((ابو راجي.. خالد: بخاطرك

مسكت هداية بئيد زوجا .. واطلعت فيه بنظرات حزينة..

هداية: خالد ....

خالد : شبك يا عمري

هداية: ماني حابة تتركني .. خليك حدي اليوم

اطلع خالد بوشا الحزين لهداية والدموع يلي مجمعا بعيونا وتبسملا وضما بكل حب..

خالد: هههههههههه.. شبك يا روحي .. المسا وقت ارجع بنسهر لوش الصبح.. بكرة ما عندي شي

فلتت حالا من حضنو واطلعت فيه بعيونا الدابلة والمليانة دموع..

هداية: خالد قلبي واجعني.. ماني حابة تروح .. بلا الدوام اليوم

مسك وشا بئدي التنتين واطلع بعيونا بكل حب..

خالد: حبيبتي .. يا ريت لو ضل ع طول حدك.. بس انت بتعرفي قديش نحنا بحاجة هالدوام .. لولاد عم يكبرو ومصروفن عم يزيد

هزت هداية راسا باستسلام ..

هداية:ماشي يا روحي.. بامان الله وحفظو .. انتبه ع حالك

خالد: اي وانت ضلي ستغفري .. هاد شغل شيطان

هداية: ان شاء الله يا عمري

طلع خالد من البيت وهداية توضت وصلت ركعتين ووقفت ع سجادة الصلى..

هداية: يااا رب .. حميلي زوجي وولادي.. وبعد عنن كل اذى .. يا الله

كانت عم تصلي وتدعي ودموعا عم يشرو.. قلبا واجعا وما بتعرف السبب .. وكانو ربنا عطاها هالاحساس لحتى ما تنصدم بالخبر وقت يجي..

خلصت هداية صلاتا وبلشت بترتيب بيتا .. وهي عم تنضف حست بنغزة قوية بقلبا..
تركت كلشي وركضت لتشوف ولادا.. اطلعت فيهن تلاتن.. كانو نايمين متل الملائكة..

هداية: يا ربي .. شو يلي عم يصير..

ما اطمنت .. قربت منن لتتاكد انو هني عايشين..

هداية: الحمد لله .. كلن بخير

قعدت ع ركبا .. ما عادت قدرت توقف.. ورفعت اديها للسما

هداية: يااا ربي.. يااا ربي

بعد شي نص ساعة بيندق باب البيت.. ومع دقتو بتنقز هداية..

هداية: يا رب لطفك.. يا رب

ركضت لعند الباب .. وكان رجال غريب واقف ع الباب..

هداية: تفضل اخي

مجهول: مسا الخير اختي.. حضرتك مرتو لخالد

رجف قلبا مع اسم خالد وردت عليه بصوت مبحوح..

هداية: اي انا .. خير شبو شو صاير

مجهول:............

زاد خوفا لهداية وقت سكت الرجال..

هداية: شو في اخي

مجهول: اختي....... اختي..... زوجك تعب فجاة بالدوام.. ونقلنا للمشفى.. و........

قاطعتو هداية بصوت يا دوب عم يطلع..

هداية: مااات.. خالد مااات

مجهول: العمر الك يا اختي

بهاللحظة كانو ولادا تلاتن حدا.. سحبت نفس طويل.. ومسحت بئيدا ع وشا ..

هداية: انا لله وانا اليه راجعون.. انا لله وانا اليه راجعون

مجهول: زوجك لسا بالمشفى اختي.. بس بدنا نخلص وراقو لنطالعو .. بخاطرك اختي.. شدي حيلك

سكرت هداية الباب ونزلت ع ركبا ع الارض .. سندت حالا ع الباب .. والتمو ولادا حولا وهني مانن فهمانين شي..

ضمتن وصارت تبكي .. تبكي رفيق دربا وروحا.. تبكي الايام يلي راحت وما عاد رح ترجع.. تبكي الايام يلي رح تجي ويلي رح يجي معا..))

(الجزء الثاني)

صفيت بهالدنيي مع ولادي التنين وبنتي.. ما النا غير رب العباد .. ابي وامي ميتين
من سنين .. واخواتي كلن متزوجين ..

حمايي وحماتي كمان ميتين .. واخواتو لزوجي كلن متزوجين وعندن عيلة .. يعني
كلن عندن يلي مكفيهن وزيادة ..

ويا ريت لو وقفت الحالة ع هيك .. ما تركوني بحالي لا اخواتي ولا اخوات زوجي..

ربيع (اخو زوجي) : وانت كيف رح تبقي لوحدك من غير رجال .. هالشي ما
بصير عناا

هداية: انا عندي شباب تنين .. وهني معي .. وانتو كلكن حواليي .. ما فيني
اترك بيتي .. ولا الي حدا روح لعندو

ربيع: الك اخواتك.. روحي لعندن

اخدت نفس طويل لتهدي حالا.. واطلعت بربيع ..

هداية: ربيع .. انت شو يلي بدك ياه .. ايا اخوة يلي بدك ياني روح لعندن ..
انت مانك غريب وكلشي عندك واضح .. وبتعرف منيح اخوتي ونسوانن .. عند مين
بدك ياني روح .. لا تزيدا علي ربي يخليك ويحميلك ولادك .. ماني حمل هم زيادة
.. تركوني ببيتي ربي ولادي .. ما بدي منكن شي .. بس تركوني مع ولادي

وقت بلشت احكي معو دموعي نزلو لوحدن .. وما قدرت امسك حالي .. كنت من
جديد مخلصة العدة ولساتو الحزن بقلبي ..

قرب مني ربيع .. وقعد حدي ع الكنبة ..

ربيع: خلص .. خلص.. لا عاد تبكي .. اهدي

هداية: (تبكي) ربيع بترجاك .. انت بتعرف قديش محبتي لخالد .. وبتعرف كيف كانت علاقتي فيه.. موت خالد كسر ضهري يا ربيع .. ترك فجوة كبيرة بقلبي .. ماني قدرانة اتحمل اكتر .. بترجاك..

حط ربيع ايدو ع كتفي وكمل حكي ..

ربيع: طيب خلص اهدي .. وانسي لخالد

انا نقزت وقت ربيبع عمل هيك ووقفت بسرعة ..

هداية: (بعصبية) خالد ما بينتسا .. مستحيل انساه

وقف ربيع مقابيلي واطلع فيني بعيون شيطانية..

ربيع: انا بنسيكي ياه .. بس انت قولي اي

قلبي بلش يدق من الخوف.. وما صدقت يلي عم شوفو واسمعو..

هداية: ربيع .. انت اخو زوجي.. وع طول بعتبرك متل اخي .. وانت اكتر
واحد بفشلك قلبي .. ورح تضل هيك .. رح تضل اخي لاخر نفس بعمري

ربيع: اخوكي!! .. هداية .. انا بدي ياكي .. وبالطريقة يلي بتحبيها ..
ازا بتحبي من هاللحظة بتبلش علاقتنا وازا بتحبي بكتب كتابي عليكي بكتاب براني ..
المهم مرتي ما تدرى .. والك علي ما نقص عليكي وع ولادك شي ..

وقتا جسمي كلو صار يتنتفض .. وما عرفت كيف بدي اتصرف ومن غير وعي ..

هداية: لك تفووووووو عليك يا قليل الشرف.. لك شو مفكرني .. بنت شوارع ..
لك عم قلك انت اخي .. لك لك .. لك وربي ماني عرفانة شو بدي قلك .. لك تربة
اخوك لساتا خضرة.. لك شو طينتك انت شوووووووو

وقت صرت صرخ هو كتير تلبك ..

ربيع: ولييي خرسيييي .. خرسي بلا ما حدا يسمع .. وربي ازا حدا درا لقصو
للسانك .. ومن بكرة بتلمي تيابك وبتنقلعي من هون

وقتا ربنا عطاني القوة ..

هداية: اي لااااا ... ما حزرت انت يلي نقلع من هون .. واياك شوفك عندي مرة
تانية .. يا قليل الشرف .. والا وربي لخبرا لمرتك

كنت عم احكي وجسمي كلو عم ينتفض .. ماني قدرانة اتحملو ابدااا .. ما في اصعب
من هيك موقف ..

طلع ربيع من عندي وهو يتوعد ويتهدد..

هداية: لك اي رووووح .. ربي يسطفل فيك .. ربي يسطفل فيك

طالعتو لبرا البيت وبلشت بكي ..

هداية: وينك يا خالد .. وينك رحت وتركتني .. وينك يا ضو عيوني .. يااا
ربي ساعدني لاقدر اتحمل .. يااا ربي ساعدني يا الله

حياتي كانت كتير صعبة من غيرو لخالد .. الكل صار يطلع علي وكانو انا فريسة ..
والشاطر يلي بدو يقدر يكسبني..

ليالي ما نمتا من خوفي شي واحد يدخل بيتي وانا غفيانة.. كنت تم فايقة لوش الصبح
لحتى عيني تغمض لوحدا ..

ما حدا رحمني ولا قدر كسرتي .. ربيع من وقت يلي صار بينا ما رجع لعندي ابدا
وبلش يحرض الكل علي .. كلن قلبو ضدي فرد مرة ..

ما حدا فيهن ساعدني بشي غير عن الحكي يلي كانو يطالعوه علي بالحارة..

داقت علي الدنيي كتير .. ما كان الي معيل غير رب العالمين وشوية مصاري كانت
تطالعلي ياهن الدولة لولادي اليتامى..

لبنى: امييييييي

هداية: يا روحا لامك

لبنى: امي.. بنت عمي ربيع اشترت فستان كتير حلو .. وكانت عم تجالكني ..
بدي فستان متلا

وقت حكتلي هيك حسيت بسكينة غرستا بقلبي .. وقتا ما كان معي غير كام ليرة
مصمدتن للاكل والشرب ..

هداية: حاضر يا روحي

قضيت هديك الليلة ع بكي وانا فكر كيف بدي امن لبنتي يلي بدا اياه .. وكيف هالكام
ليرة رح يكفوني لاخر الشهر..

ومن ع بكرة الصبح .. فتحت خزانتي ولميت كلشي تياب عندي .. تركت بس كام
قطعة والبقية كلن اخدتن ورحت ع السوق الحرة..

هداية: مرحبا اخي

الرجال: اهلا يا اختي.. تفضلي

هداية: عندي هالكام قطعة .. بدي بيعن

الرجال: اي ماشي.. هاتي لشوفن

عطيتو اياهن وانا كتير خجلانة من حالي..

الرجال: اي تمام اختي

اخدن وعطاني حقن .. مسكت المصاري بئيدي ونزلو دموعي .. ضميت ايدي عليهن
وامشيت.. مشيت وانا ماني ع الدنيا.. كلشي حواليي كان اسووود .. اسوود
وضباب وما في غير صوت البكي والنوااح ببالي ..

اخدتن للمصاري ورحت للسوق واشتريتلا لبنتي فستان .. واشتريت فواكه وخضرة
ورجعت ع البيت..

لبنى: امييييييي .. يخليلي ياكي شو بحبك

مالك: ممممممممم .. فواكة .. من وقت مات بابا ما اكلنا هيك فواكة

راجي: امي من وين جبتيهن هدول .. مين عطاكي ياهن

اطلعت فيه وانا مصدومة من سؤالو..

هداية: مين عطاني ياهن؟؟؟ انا شتريتن امي

راجي: بس انت ما معك مصاري

قربت منو وضميتو لحضني..

هداية: مبلا امي .. معي .. ربنا يسرا.. لا تقلق

(الجزء الثالث)

شفت ايام ما بيعلم فيها غير ربي .. وواجهت ناس قلوبن متل الصوان .. اخواتي يلي من لحمي ودمي مشيو ورا حكي نسوانن .. بدال ما يعاونوني ويوقفو حدي صارو ضدي ..

ادهم: لك انت من وين بتجيبي كل هالمصاري

هداية: هههههههه .. كل هالمصاري!! .. ايا مصاري اخي ؟

ادهم: عم تجدبيها.. لك لبس ولادك احلا من لبس ولادي .. كل يوم شي جديد .. وتلاجتكن ع طول مليانة

هداية: اخي انت جد عم تحكي!!

ادهم: اي جد عم احكي.. بس ما تكوني عم تشحدي من الناس !

سحبت نفس واستغفرت ربي بيني وبين حالي لحتى اقدر حاكيه برواق..

هداية: اخي.. اول شي ربك ما بينسى عبادو.. وتاني شي انا عم ربي يتامى ورزقتن من ربن مو منك ولا من عبادو .. وتالت شي انا ما بمد ايدي للناس ..

ادهم: اي قلتيلي .. لايمت رح تضلي عايشة بين سلافك .. في رجال محترم اجا اليوم وطلب ايدك

وقت قلي هيك حسيت قلبي رح يوقف من قهري..

هداية: رجال محترم.. ههههههه اخي الله يرضى عليك.. انا عم ربي يتامى .. ما بدي اتزوج ولا شي

ادهم: (بعصبية) لك الناس اكلت وشي .. لك سيرتك ع كل لسان .. تصرفاتك كلا مانا مزبوطة

انا وقتا ما ستحملت .. وصرت صرخ باعلا صوتي..

هداية: لك بكفيييييييييييي .. لك تركوني بحالي .. لك ايا سيرة هي .. لك ايا تصرفات.. ما حدا بيحكي فيني غيرا لمرتك .. ضبو لساناتن لنسوانك وما بدي منكن شي .. انا ولادي عندي وما حدا الو عندي شي.. وماااااا بدي شوفكن .. مساعدة ما عم تساعدو وعم تحكو علي كمان .. تركوني بحالي

ولادي كانو عم يلعبو بغرفتن .. وقت سمعو صريخي اجو ركض..

لبنى: (بخوف) اميييييييييي

راجي .. مالك : (بعصبية) امي شو صاير .. شو في

ضميتن تلاتتن ونزلو دموعي ..

هداية: اخي مو كرمالي .. كرمال هالايتام .. تركوني بحالي .. جرحي لسا ما طاب ع خالد.. بكفي اخي .. تركوني بربكن بكفي

راجي: خالي جد بكفي.. كل يوم واحد بيجي بس ليزعلا لامي وبيروح

مالك: بكفيكن خالي .. ما عم نشوفكن غير للصريخ

ادهم: خراس انت وياه.. هدول اليتامى يلي عم تربيهن.. عم تربيهن يعلو صواتن ع خالن

راجي: خاااالي .. انت يلي عم تعلي صوتك.. بكفييي

ركض ادهم لعند راجي ورفع ايدو ليضربو..

ادهم: ولاك يا ابن ال......

مسكت ايدو لادهم وبعدتا..

هداية: لهووون وبسسس .. ايدك ما بتمدا ع ابني .. بدفنكن بارضكن.. ايااااكن تلمسوهن لولادي .. بكفيييي تركني بحالي .. طلاع لبرا وما عاد بدي شوفك .. لك طلاااع طلااااع

سحب ايدو من ايدي بعصبية ..

ادهم: اي ماشي هداية .. بنتواجه .. وبرم حالو ليطلع..

هداية: الله معك اخي

طلع ادهم وقفلت الباب وراه وضميتن لولادي وبكيت لطالع كلشي بقلبي ..

مالك: امي لاتبكي .. خلص

لبنى: (تبكي) وينك يا بابا تجي وتشوف وينك

وقت لبنى حكت هالكلمة كلنا صرنا نبكي سوا ..

هاي كانت حياتي لسنين طويلة .. ووقت بلشو ولادي يكبرو بلشت هالمعاملة تقل شوي شوي .. وصارو ولادي هني يلي يوقفو بوشن وما يخلو ايا حدا يتعرضلي..

بس وقت كبرو ولادي بلشت مصاريفن تزيد .. وما عاد عرفت كيف بدي امنلن مستلزماتن..

هداية: ااخ يا ام غالي .. لك تعبت .. وربي تعبت .. ماني قدرانة كفي خلص

ام غالي: شو هالحكي يا ام راجي.. انت قدا وقدود.. صرلك سنين واقفة ورح تضلي واقفة

هداية: مصروف ولادي عم يزيد .. يزيد كتير .. وماني عرفانة شو اعمل

ام غالي: ربك بيسر .. ربك بيسر

هداية: عم فكر اعمل بالبيت مخللات ومكدوس وهيك اشيا.. قولتك بيمشي سوقن بالحارة

ام غالي: لك يا عيني عليكي.. وليش لحتى ما يمشي.. شايفة هالصبايا مالن خلق ع هيك شي .. وانا كمان اول وحدة رح اشتري ورح خبر كل الحارة بهالشي

هداية: ربي يسعدك

وهيك انفتحلي باب رزق بفضل ربنا .. صرت اعمل مخللات واشيا متل هيك.. اول شغلي كان بالحارة ومن بعدا صارو يطلبو شغلي من حارات تانية .. وتوسع شغلي للحلو والطبيخ .. وربنا باركلي فيه ..

كبرو ولادي ودخلو الجامعات.. كانت الجامعات تعطيهن منح بحكم انن يتامى .. ومن شغلي كفيلن البقية .. وهيك لخلصو ولادي دراستهن تلاتتن..

(الجزء الرابع)

هداية: لبنى يا عمري .. لك ليش عم تبكي .. ازا ما بدك خلص

لبنى: امي ماني متخيلة حالي براة هالبيت .. انت ندرتي حالك الي ولاخواتي .. انا كيف رح اتركك

قربت منا وضميتا ..

هداية: يا روحا لامك .. حبيبتي .. انا ندرت حالي لتكونو انتو مبسوطين ولكبركن وامن عليكن .. مو لتبقو هون بوشي ههههههههه

لبنى: هههههههههه .. ااخ يا امي شو بحبك

هداية: اي بلا دلع بنات .. خلص رح احكيلا لخالتك ام غالي تقلن للجماعة يجو

لبنى: ماشي امي .. متل ما بدك

وهيك اجو بيت حماها لبنتي لبنى .. يلي طار عقلن فيها

هداية: ماشي اختي .. هي الكن ان الله راد.. بس عطوني فرصة لخبر عماما وخوالا

الحماية: اي ماشي .. بس لا تطولو علينا

وقت طلعو الجماعة من عنا ..

هداية: ابني راجي .. بعتلن كلن وجمعن هون لنخبرن

راجي: امي ولشو هيك.. يعني هلا صارو هني مسؤولين عنا.. لك شكلا ما بيعرفو .. بلاها امي بلاها

هداية: لا امي .. كل واحد بيعمل باصلو .. وانا لازم خبرن .. ما بصير

مالك: فففففففففف امي .. تركيكي منن

هداية: مالك .. راجي .. ربي يهديكن سمعو مني يا امي ولا تعبو قلبي

راجي: متل ما بدك امي .. بس والله خايف يعملو طنة ورنة

هداية: لا تخاف .. ما بيعملو شي

وتاني نهار جتمعو كلن عنا بالبيت .. كانو كلن قاعدين والنار عم تطلع من عيونن .. قبل لادخل عندن سمعت صواتن من برا ..

ربيع: لك انتو ما بتستحووو .. كنتو زوجوها .. مين نحنا لندرى

وقت سمعتو لربيع قفل صدري .. قويت حالي ودخلت ..

هداية: السلام عليكم

ردو السلام من روس مناخيرن..

هداية: مين يلي ما بيستحي يا عم ولادي؟؟ .. نحنا لسا ما عملنا شي .. وجمعناكن هون لنخبركن .. يعني ما صار شي ولا قطعنا الحكي مع الجماعة .. كلو شغل حريم يلي صار

معتز (سلفي الكبير) : وليش الرجال ماتو لتشتغلو شغل حريم .. ازا خالد مات نحنا ما متنا.. ويلي عملتو ما بصير .. لازم بعتو لحريمنا ع الاقل ليكونو معكن

وقت ذكر اسمو لخالد حسيت بنغزة بقلبي ودمعو عيوني .. وقفت بينن كلن ..

هداية: ليش يا سلفي .. وقت زوجتا لبنتك بعتت ورايي .. ووقت خطبتو لابنك شاورتني انا وولادي .. ووقت بعت تيابي لطعمي ولادي كنت معي .. ووقت اديي تشققو من الملح ومن المخلل كانت مرتك حدي !! .. ما حدا فيكن وقف حدي .. لا انتو ولا حريمكن .. كلكن اخدتوني عدوة لالكن ومن غير شي .. وانا وقت بعتت وراكن بعتت لاني بنت اصل وبفهم بالاصول .. وكتر خيركن ع كلشي

حكيت هيك وتركتن وطلعت .. طلعت صواتن وبلشو يطلعو واحد واحد من بيتي ..

راجي: لك يا امي والله كنت عرفان

هداية : معلي امي .. منيح يلي صار .. ع الاقل طالعت يلي بقلبي صرلو سنين وورجيتن قيمتن

لبنى: ربي يخليلي ياكي يا امي

ومن بعدا تمت خطوبة بنتي وزوجتا بعد شهرين بحضورن كلن ..

ومن بعدا ع طول زوجتو لابني راجي بنتا لجارتي ام غالي ..

هداية: لك ربي يسعدك يا بنتي .. ربنا عوض علي .. لبنى راحت وانت اجيتي بدالا

نورة: تسلميلي خالة .. ربي يشهد قديش بحبك وبعزك متل امي

وهيك مشت حياتي .. ايامي كانت متل الصوان .. كلا صعبة .. الليالي عم تمر بصعوبة .. وحبو لخالد لسا عم يحرقني حرق .. بس وقت كنت شوف انجازي وشوفن لولادي قلبي يبرد واحمد ربي الف مرة ..

بس سبحانو يلي خلقنا .. ما في شي بيكمل .. ورجعت بتليت بابني الصغير مالك ..

هداية: مالك .. وضعك مانو عاجبني

مالك: شبك امي

هداية: سهراتك لوش الصبح عم تخوفني

مالك: لا تخافي امي .. عادي عم اسهر انا ورفقاتي ونلعب شدة

كنت باستمرار ضل خايفة عليه .. واقرا عليه قران من بعيد وادعي ربي يحميه ويبعد عنو كل اذى ..

هداية: امي راجي.. انا خايفة عليه لمالك .. سهراتو مخوفتني كتير

راجي: عادي امي.. شباب عزابية وعم يسهرو عادي

هداية: ان شاء الله يا امي

راجي: امي انا كنت عم احكي جد .. خطبيلو لحتى يركز ويبطلا لحركاتو هي

هداية: اااخ يا امي .. لك رح اخطبلو هيك.. مو لحتى اقدر امن لهالبنت شي .. انت ساكن معي هون .. وهني يا امي .. وين رح سكنن

راجي: امي .. انا واخي عم نشتغل .. بنستاجر بيت وبيسكن فيه .. ومن بعدا بنبلش تنيناتنا نبني بيت ليسكن فيه

هداية: ان شاء الله يا امي .. لشوف شو بيصير معي

مرقت الايام والاشهر ووضعن المادي لولادي صار احسن .. ومن بعدا قررت اخطبلو لمالك..

وبالفعل خطبتلو بنت من الحارة .. بنت محترمة واهلا ناس اكابر .. ومشيت امورنا والحمد لله ..

(الجزء الخامس)

وقت خطبتلو لابني كان مبلش راجي يبني ببيت منفصل .. ووقت صار موعد عرسو لمالك راجي طلع من بيتي وسكن مع مرتو وولادو ببيت منفصل..

تم زواجو لمالك من هند .. بس ما صار يلي كنا متوقعينو .. مالك بقي متل ما هو ..

هند: مرت عمي انا مليت منو ومن سهراتو .. ما عم شوفو .. تعبت وربي تعبت

هداية: طولي بالك يا بنتي .. ان شاء الله ربنا بعطيكن شي ولد ليلهيه عن رفقاتو وسهراتو

هند: والله ما عندي امل فيه .. مليت منو

حاكيتو كتير وعبث .. ما كان يقتنع ولا كان يسمع .. وحملت هند وطار عقلو ..

مالك: عم تحكو جد .. يسعدا مرتي الحلوة يااا رب

وقرب منا لهند وحملا وبلش يمشي فيها بالبيت..

هند: هههههههههه .. لك تركني .. تركني

هداية: ربي يسعدكن يا امي ههههههههههه .. بس هلا خلص اجا يلي يخليك تركز وتبطلا سهراتك

مالك: اميييييييييييي

هند: مالك جد خلص .. يعني بكفي .. والله عم اشتقلك .. لك ما عم شوفك

مالك: اييييي .. بطليها لهالحركات مرتي الحلوة .. اوك ههههههههه

مرت ايام حملا لهند وانا حدا وما تركتا ولا لحظة وحدة .. وولدت هند وجابت ولد متل فلقة القمر ..

ومشت الايام متل بعضا لبيوم .. كنت بغرفتي وسمعت صواتن طلعت.. رحت ركض لشوف شو صاير ..

كانت هند عم تصرخ ومالك شلح حزامو وبلش ضرب فيها..ركضت لعندو ومسكت ايدو..

هداية: مااالك .. لك تركاااا.. تركااا

هند: لك ضرووووب .. وربي لافضحك .. وربي لخبر الكل عن السم الهاري يلي بتشربوووو

انا وقت قالت هيك جمدت بارضي ومدري شو صرلي .. مسكت ايدو بكل قوتي وبالايد التانية ضربتو ع وشو ..

وقت ضربتو انصدم واطلع فيني..

مالك: امييي .. ليش هيك عملتي

هداية: شو يلي سمعتو هلا

مالك: كزااابة.. هاي كزااابة

هند: مرت عمي انا ماني كزاابة .. مالك بيشرب خمرة وبيتعاطى حشيش

وقت سمعت هالحكي غميت .. وما فقت غير وانا بالمشفى..

فتحت عيوني كان راجي ومرتو وولادو .. ومالك وابنو .. كانو كلن حدي..
اطلعت بمالك وبصعوبة طالعت الحكي..

هداية: وينا هند.. وينا

راجي: الحمد لله ع سلامتك امي

مالك: شو بدك فيها امي .. الله ياخدا

هداية: (بعصبية) عم اسالك وينا

مالك: طلقتاااااا امي.. طلقتااا

هداية: لك انت جنيت شي .. لك كيف بتطلقا

مالك: هاي بلا ترباية وما بتلزمني

راجي: اهدي هلا امي وبعدين بنحكي

طلعت من المشفى.. ومن بعدا ع طول حاولت انو رجعا لهند بس هي واهلا رفضو وما قبلو ابدا .. ومشت محاكم بينا وبينو لمالك .. وبعدا تم طلاقون رسمي

هداية: هيك يا مالك.. لك هيك خربت حياتك كلا.. لك وهالولد.. لك مين رح يربي

مالك: الله يخليلي ياكي امي.. انت بتربي

بقيت عندو لمالك.. عشنا سوا انا وياه وابنو لصغير .. اربع سنين وانا عم ربي متل واحد من ولادي.. وصار قطعة من قلبي .. ومالك هو هو ما تغير..

وبلية مشؤومة .. ليلة شيطانية .. كان مالك سهران براة البيت .. نيمتو للصغير وغفيت حدو .. وبعدا بشي ساعة .. فقت ع صوتو لمالك..

مالك: امي.. امي

فتحت عيوني واطلعت فيه ..

هداية: شبك يا امي .. صاير شي

مالك: لاا.. بس بدي شاي

طلعت فيه باستغراب ووقفت..

هداية: تكرم عينك يا امي

رحت ع المطبخ وعملتلو شاي وعطيتو ياها ..

هداية: مالك.. انت منيح امي .. حاسيتك مانك ع بعضك

مالك: هاااا .. لا لا ما في شي

هداية: اي ماشي

ورجعت ع غرفتي وغفيت حدو لحفيدو .. وبعد بشوي فقت ع ايدو لمالك عم يمررا ع جسمي بصورة حيوانية .. ع شوي حسيت قلبي رح يوقف..

هداية: (بعصبية) مااالك .. شو عم تعمل

مالك: ششششششششششش امي .. ششششششششش

صرت قاوم بئيدي وفلت حالي منو .. وبعدت ايدو الوسخة عني بصعوبة .. ووقفت لاقدر بعد عنو..

هداية: لك انت بعقلك شي .. لك يا حيوااان .. يا كلب

ما شفتو غير تركني وراح .. قعدت بزاوية الغرفة وصرت ابكي .. بس ثواني ورجع وحامل بئيدو سكينة..

مالك: شلحي تيابك .. بسرعة

هداية: ولاااااا يا كلب .. بعد هيييك

كنت عم اطلع بوشو لشوف ابني مالك .. بس ما شفت .. شفت شيطان.. اي شيطان يلي كان مو ابني مالك..

شلحني تيابي بالغصب .. جسمي العجوز ما قدر يدافع عن حالو قدام هالشيطان .. كان عم يفرغ شهوتو الحيوانية وصوت انفاسو الوسخة عم تخنقني.. نزلو دموعي ورحت لعالم تاني .. رجعت بذاكرتي لهداك اليوم .. اليوم يلي كنت عم اتوجع وموت لجيبو ع هالدنيي .. لليوم يلي نزفت الدم فيه لحتى يوصل لهاليوم ويخليني انزف من دم قلبي .. خلص عملتو ووقف ..

مالك: وقفي لبسي .. وقفي

هداية: الله يغضب عليك بالدنيا وبالخرة.. ريتني متت قبل لجيبك ع هالحياة .. ريتني ما كنت ولا كنت انت .. لك انت ابليس بيخجل من عمايلك يا كلب

كان كتير ملبك .. والخوف باين عليه وعيونو مليانين دموع..

هداية: رح تبكي.. مااا رح ينفع البكي يا نجس .. لك ما في شي بكل الدنيي رح يمحي يلي عملتو ولا في شي رح يطهرك .. لك الله يلعنك

صار يتحرك بالغرفة متل المجنون رايح جاي .. وعم يفرك شعرو بئيدو ووقف ..

مالك: سسسسس .. سسكتي .. انت لازم تموتي .. اي لازم تموتي .. ما لازم تعيشي .. ما لازم حد يدرا شو يلي صار

هدايةتبكي) اي اي يا شيطان .. رح تموتني بس ما رح تموت عملتك.. عملتك رح تضل تقتل فيك ليوم الدين .. غضبي وغضب ربي رح يحرقك

ما شفتو غير رجع حمل السكين .. وحطا بوشي..

مشي معي.. مشي

هداية: لك بكفيييييي

مسكني وشحطني ع الاسطوح ..

مالك: ارمي حالك بسرعة .. ارمي حالك

هداية : غضب قلبي وربي عليك يا مالك

وما شفت غير دفشني ..

(الجزء السادس) والاخير

بس ربي كتب علي كمل باقي عمري بالعذاب والوجع .. وقت وقعت حسيت بوجع .. بس هالوجع ابدا ما كان اكبر من الوجع يلي سببو ابني بقلبي .. ما بعرف كيف وقفت ع رجليي .. كان جسمي كلو مكسر ..

بس يمكن وجع قلبي وروحي هني يلي وقفوني ع رجلي .. مشيت بالشارع وانا عم ابكي.. ابكي خالد يلي راح وتركني .. ابكي اخواتي يلي باعوني .. ابكي لوحوش يلي محاوطيني .. ابكي ابني يلي تحول لشيطان .. ابني يلي ولدتو من دم قلبي كيف تحول لشيطان .. وكيف عمل عملتو يلي الحيوانات ما بتقبلا ..

كنت حاسة حالي بشي فلم رعب.. او شي كابوس .. عم ادعي ربي بلحظة كلشي يوقف .. وفتح عيوني وشوفو لمالك حدي .. مالك ابني الصغير وما شوف الشيطان بوشو .. ما كنت قدرانة اتحمل المنظر يلي شفتو فيه ابدااا..

صوت نفسو كان عم يرن باداني .. صوت شهوتو القذرة كان عم يكهرب جسمي .. ريحتو الوسخة عم تحاوطني وتكتم ع نفسي..

وقفت تكسي ..وطلعت

اطلع في السواق وهو مصدوم من شكلي..

السواق: خير خالتي .. شو صايرلك

ما قدرت رد عليه..

هداية: شيطان .. شيطان.. شيطان.. ابليس .. ابليس

كنت عم احكي بس هالكلمتين ودموعي عم يشرو ع خدودي ونفسي ع شوي رح ينقطع..

السواق: لا حول ولا قوة الا بالله .. اخدك ع المشفى؟

هداية: لا.. خدني لعند ابني .. خدني لعند راجي

وعطيتو العنوان .. وصلني ونزل فتحلي الباب ودق ع بيت ابني راجي..

فتحلي الباب ابنو لصغير.. ستييييي... شبك

وع صوتو للولد اجا راجي..

راجي: شبها ستك

ووقت شافني ركض لعندي .. وانا وقت شفتو ما قدرت اتحمل اكتر وغميت..
وقت فقت كنت بالمشفى .. فتحت عيوني..

هداية: وين انا؟؟ انا ما متت .. لك بدي موت.. ما بدي عيش

كان راجي حدي .. ركض لعندي ومسك ايدي..

راجي: سلامتك امي .. شو يلي عمل فيكي هيك

غصيت ونزلو دموعي وبلشت احكي بوجود راجي ومرتو والدكتور.. كنت عم احكي وهني يطلعو فيني وكانو شي ست مخرفنة عم تحاكيهن..

راجي: امييي .. شو يلي عم تحكي

هداية: هاد يلي صار يا ابني .. اخوك مات.. مااات

راجي: والله لادبحو لهالكلب وربي لربي

وطلع راجي لبرا ونده للشرطة .. خبرن بيلي صار قبل ليدخلو لعندي.. ما كان حدا فيهن مصدق يلي صار.. الشرطة وقت خبرن راجي توقعو انو عم يفتري عليه .. ما توقعو انو في شي بهالدنيا متل هيك ممكن انو يصير ..

دخلو الشرطة لعندي واستجوبوني وخبرتن كلشي .. وهني بحالة صدمة ..

الشرطي: حسبنا الله ونعم الوكيل

هداية:_تبكي) لا تستغرب يا ابني .. الشيطان كلشي مباح عندو .. يلي عمل هالشي مانو مالك .. الشيطان يلي عمل هيك.. مالك خلص مات .. ابني ماات

الشرطة فورا راحو لعندو لمالك ع بيتو وشحطو ع المغفر..

مالك: شو يلي عم تحكوووو .. انا مستحيل اعمل هيك شي بامي

الشرطي: ولااااا كلب .. امك يلي حكت هالشي .. امك

وقت عرف بانو انا لساتني عايشة انصدم.. خطتو ما كملت .. وانهار ووقع بالارض..

مالك: (يبكي) انا كلب انا كلب .. لك انا كلب

الشيطان مالك هلا بالسجن .. ما بعرف قديش رح ينحكم .. وانا لسا عم اتوجع .. روحي تعبانة .. خبروني كيف فيني داويها لروحي.. كيف فيني شيل هالغصة يلي بقلبي.. كيف فيني رجع ابني مالك .. لك كيف فيني عيش بعد يلي صار ..

انتهت

حادثة الاغتصاب ماخوذة من حادثة واقعية

المدرسة