#رعب
أول ما صِحيت بنتي (سيرين) من النوم ، ركضت باتجاهي
وهي بتبكي ، ورمت حالها بحضني ، بينما أنا وإمها (ميار) كنا قاعدين عالبرندة ، بنشرب قهوة ، وكل واحد عينه بتليفونه ، بما إنه اليوم الجمعة..
الحر ، والنسمة الخفيفة ، والأواعي الصيفية ، والبنت الصغيرة اللي بتتنهنه وهي بحضني ، وأنا بتطلع على (ميار) مستغرب ، وهي بتبتسم ابتسامة العارف ببواطن الأمور ، وبتأشر بطريقة أفهم منها إنه عالأغلب شايفة حلم سيء ..
شايفة كابوس !
هديتها وحملتها وبستها من خدها ، حتى راقت أعصابها شوي ..
- مالك يا بابا ؟!
- لازم تشوف بابا .. تعال ..
سألتها وجاوبتني ، وفجأة من غير ما أعرف ليش ، سحبتني من إيدها مباشرة على غرفتها ، وأول ما دخلنا أشّرت على تختها من غير ما تحكي ولا كلمة ..
وملأ كياني كله الرعب !
كان مكتوب فوق تختها مباشرة ، بخط متعرج ، وبلون أسود زي الفحم :
"بدي اياه" !
أنا صاحي من الصبح ، وما حدا كتب هالعبارة ..
ما شفت حدا كتبها ..
بسرعة وبعصبية صحيت الشغالة وصحيت إبني الكبير (سفيان)! فعلياً لا الشغالة بتكتب عربي وممكن تكتب هيك جملة، ولا (سفيان) لأنه لسة عمره تسع سنوات، والجملة مكتوبة عالحيط من فوق، يعني عالية عليه وما حيقدر يكتبها، غير إنه ما في أي سبب يخليه يكتب هيك جملة فوق تخت اخته (سيرين) !
"بدي اياه" !
كثير غريبة الجملة ومش منطقية ، والخط ، مش خط أي حدا منا .. طيب من شو ومن مين ؟! وليش تكون مكتوبة هلأ بالذات ؟!
مرتي (ميار) حضنت (سيرين) و(سفيان)، بينما أنا قربت من الجملة ..
في ريحة قوية ..
ريحة عفن قوية ..
مسحت الجملة ، وبعد صلاة الجمعة شفت واحد من الشيوخ اللي دايماً بيكونوا مع الإمام عن الموضوع ، حبيت أسأله من باب إنه الإشي مش مريح ، اشي شيطاني نوعاً ما، هيك حسيت.. لكن نظرته كانت غريبة كثير وهو بيسألني :
- الجملة كانت زي كإنها مكتوبة بفحم ؟!
- اه يا شيخ ..
- وريحة عفن قوية ؟!
- اه ، ايش يعني ؟!
- ما بعرف ، ما بعرف ..
قالها بصوت بيرجف ، واختفى من قدامي بسرعة من غير ما أفهم ..
بالليل طلبت (سيرين) إنها تنام عنا بغرفتنا ، لكن لما صحينا الصبح كان في مفاجأة غريبة بتستنانا ..
كانت نفس الجملة مكتوبة فوق تختنا إحنا ..
"بدي اياه"
هالمرة كانت بخط كبير ، حجم الجملة كبير ، ضعف حجم الجملة اللي كانت امبارح فوق تخت (سيرين) ب 3 أضعاف عالأقل !
بسم الله الرحمن الرحيم ..
شو اللي بيصير بالزبط ؟!
- (مفلح) ، شوف (سيرين) ..
قالتها (ميار) وانتبهت إنه (سيرين) شاحبة كثير ..
لونها مخطوف البنت ، مش طبيعية ، وفي صفار بوجهها ، وعيونها زايغين شوي، وكان مبين عليها كثير تعبانة ..
- تعال نوخذها عالمركز الطبي ..
قالتها لكني رفضت لإني ممرض ومبين معي شو الموضوع ، ضعف دم واضح ، طلبت منها تعمل للبنت عصير برتقال ، امبارح بالليل جبت معي من المول ..
فجأة انتبهت إنه في نقط دم عالأرض !
نقط الدم كانوا باهتين وخفيفين ، والمشكلة إنهم كانوا باتجاه الجملة المكتوبة فوق التخت كمان ..
يعني اللي كتب الجملة نزف دم مثلاً ونقط عالأرض ؟!
ولا الكلام المكتوب بالأسود واللي ريحته عفن فيه شوية دم ؟!
أول اشي عملته كان إني فحصت (سيرين)، مش عارف ليش بس خطر ببالي لجزء من الثانية إنه ممكن يكون منها، لكن لأ،! مش منها الدم ، ولا مكان بجسمها نازل دم ، بالمرة ..
بعدها رحت جبت أنبوب من جوة وحطيت نقطتين دم من اللي عالأرض وبسرعة مليون ومن غير ما أقول لمرتي اخذتهم عالمختبر اللي جنب البيت وطلبت تحليلهم، ضليت عأعصابي نص ساعة عبين ما طلعت النتيجة ..
هذا دم (سيرين) !
الدم اللي عالأرض دم (سيرين) !
رجعت عالبيت وأنا بفكر ، شو اللي صار ؟! هل في خلل معين بيخليها تعمل هيك؟! صار معها اشي معين خلاها تكتب هالجملة؟! هل في اشي بيجبرها تكتب هيك جملة مرتين؟! بس كيف؟! كيف قدرت تكتب هيك؟! وليش؟!
لما وصلت قعدت مع (ميار) وقلتلها، انصدمت كتير وما صدقت إنه ممكن (سيرين) تكتب ، لأنه في غموض كبير ، إنه شو السبب ؟!
فكرت كتير ، شو اللي صار طيب ؟!
ممكن بسبب ايش بالزبط ؟!
خطر ببالي فجأة أمسك الايباد اللي بتلعب (سيرين) فيه دايماً ، فتحته وقعدت أقلب في التطبيقات ، بلكي منزلة تطبيق مقالب ، تمثيل ، بلكي تطبيق فيه اشي بيلعب بعقول الصغار وبيقنعهم يعملوا هيك مقابل جوائز أو أشياء ..
لكني فجأة شفت حالي قدام تطبيق اسمه (لعبة الجوع) !
قرأت كثير عن هاي اللعبة بفيسبوك ، أحياناً بيقولوا في جن وراها ، أحياناً بيقولوا حكي فاضي ومجرد تطبيق ، وأحياناً بيقولوا إنها لعبة نفسية وما إلها أي أثر حقيقي وعاملينها دكاترة أمريكان محترفين بردود الأفعال البشرية ، ومرة قرأت إنه أي حدا تحت 18 سنة ما لازم يلعب فيها ..
فتحت اللعبة ، طلعتلي شاشة سوداء مكتوب فيها بالنص : "تم التحميل" !
تحميل شو ؟!
مهي اللعبة نازلة عالجهاز ..
شو بدها تكون (سيرين) نزّلت إشي ثاني من نفس اللعبة ؟!
ضلت الشاشة معلقة عالكلمة ، طلعت ورجعت فتت وما أعطاني أي إشي .. شو هاد؟! اللعبة بس شاشة كاملة مكتوب فيها "تم التحميل" ؟!
سألت (سيرين) وما جاوبتني ، هزت راسها إنها ما بتعرف ..
ليش تنكر هيك اشي ؟!
ما أخذت كثير بالموضوع بس قلقي كان يتزايد ، في اشي غلط ..
في اشي مش منطقي بس مش عارف شو هو بالزبط !
بالليل قالت (سيرين) إنها مش حابة تنام في غرفتنا ، بدها تنام في غرفتها ويكون (سفيان) عندها ..
مع إني ضد هالاشي بس ما في مشكلة اليوم ، البنت كثير خايفة ، غير إنه (ميار) قرأت قرآن كثير عليها ، ورشت من جالون زمزم اللي عنا من العمرة من السنة الماضية بكل زاوية من زوايا البيت ، هيك قرأت بجروب معدلات الهاشمية عالفيسبوك ، في بنت نزلت بوست عن هاد الاشي وإنه بعد السحر اللي مرت أبوها كانت عامليتلها اياه قدرت بالقرآن وبزمزم تتخلص منه ..
فجأة بنص الليل صحينا على صراخ عنيف ..
صراخ مرعب ، مخيف ، بصوت أقرب للزمجرة ..
الزمجرة المتوحشة !
بجنون هرعنا للغرفة أنا و (ميار) وصرخنا ..
انصعقنا بشكل لا يمكن وصفه لما شفنا راس (سفيان) مفصول عن جثته اللي بنص الغرفة ، وجنبه بالزبط جثة (سيرين)، شاحبة جداً ، ولون جلدها رمادي ، وعالحيط مكتوب بخط كثير كبير :
"شكراً" !
بعد الصراخ والبكاء والانهيار العصبي والاتصال مع الشرطة وحضور الاسعاف والطبيب الشرعي، إجا التقرير بخبر هزنا أكثر من كل اللي صار ..
.. (سيرين) ميتة من 3 أيام !!!
.
.
#كوابيس
أول ما صِحيت بنتي (سيرين) من النوم ، ركضت باتجاهي
وهي بتبكي ، ورمت حالها بحضني ، بينما أنا وإمها (ميار) كنا قاعدين عالبرندة ، بنشرب قهوة ، وكل واحد عينه بتليفونه ، بما إنه اليوم الجمعة..
الحر ، والنسمة الخفيفة ، والأواعي الصيفية ، والبنت الصغيرة اللي بتتنهنه وهي بحضني ، وأنا بتطلع على (ميار) مستغرب ، وهي بتبتسم ابتسامة العارف ببواطن الأمور ، وبتأشر بطريقة أفهم منها إنه عالأغلب شايفة حلم سيء ..
شايفة كابوس !
هديتها وحملتها وبستها من خدها ، حتى راقت أعصابها شوي ..
- مالك يا بابا ؟!
- لازم تشوف بابا .. تعال ..
سألتها وجاوبتني ، وفجأة من غير ما أعرف ليش ، سحبتني من إيدها مباشرة على غرفتها ، وأول ما دخلنا أشّرت على تختها من غير ما تحكي ولا كلمة ..
وملأ كياني كله الرعب !
كان مكتوب فوق تختها مباشرة ، بخط متعرج ، وبلون أسود زي الفحم :
"بدي اياه" !
أنا صاحي من الصبح ، وما حدا كتب هالعبارة ..
ما شفت حدا كتبها ..
بسرعة وبعصبية صحيت الشغالة وصحيت إبني الكبير (سفيان)! فعلياً لا الشغالة بتكتب عربي وممكن تكتب هيك جملة، ولا (سفيان) لأنه لسة عمره تسع سنوات، والجملة مكتوبة عالحيط من فوق، يعني عالية عليه وما حيقدر يكتبها، غير إنه ما في أي سبب يخليه يكتب هيك جملة فوق تخت اخته (سيرين) !
"بدي اياه" !
كثير غريبة الجملة ومش منطقية ، والخط ، مش خط أي حدا منا .. طيب من شو ومن مين ؟! وليش تكون مكتوبة هلأ بالذات ؟!
مرتي (ميار) حضنت (سيرين) و(سفيان)، بينما أنا قربت من الجملة ..
في ريحة قوية ..
ريحة عفن قوية ..
مسحت الجملة ، وبعد صلاة الجمعة شفت واحد من الشيوخ اللي دايماً بيكونوا مع الإمام عن الموضوع ، حبيت أسأله من باب إنه الإشي مش مريح ، اشي شيطاني نوعاً ما، هيك حسيت.. لكن نظرته كانت غريبة كثير وهو بيسألني :
- الجملة كانت زي كإنها مكتوبة بفحم ؟!
- اه يا شيخ ..
- وريحة عفن قوية ؟!
- اه ، ايش يعني ؟!
- ما بعرف ، ما بعرف ..
قالها بصوت بيرجف ، واختفى من قدامي بسرعة من غير ما أفهم ..
بالليل طلبت (سيرين) إنها تنام عنا بغرفتنا ، لكن لما صحينا الصبح كان في مفاجأة غريبة بتستنانا ..
كانت نفس الجملة مكتوبة فوق تختنا إحنا ..
"بدي اياه"
هالمرة كانت بخط كبير ، حجم الجملة كبير ، ضعف حجم الجملة اللي كانت امبارح فوق تخت (سيرين) ب 3 أضعاف عالأقل !
بسم الله الرحمن الرحيم ..
شو اللي بيصير بالزبط ؟!
- (مفلح) ، شوف (سيرين) ..
قالتها (ميار) وانتبهت إنه (سيرين) شاحبة كثير ..
لونها مخطوف البنت ، مش طبيعية ، وفي صفار بوجهها ، وعيونها زايغين شوي، وكان مبين عليها كثير تعبانة ..
- تعال نوخذها عالمركز الطبي ..
قالتها لكني رفضت لإني ممرض ومبين معي شو الموضوع ، ضعف دم واضح ، طلبت منها تعمل للبنت عصير برتقال ، امبارح بالليل جبت معي من المول ..
فجأة انتبهت إنه في نقط دم عالأرض !
نقط الدم كانوا باهتين وخفيفين ، والمشكلة إنهم كانوا باتجاه الجملة المكتوبة فوق التخت كمان ..
يعني اللي كتب الجملة نزف دم مثلاً ونقط عالأرض ؟!
ولا الكلام المكتوب بالأسود واللي ريحته عفن فيه شوية دم ؟!
أول اشي عملته كان إني فحصت (سيرين)، مش عارف ليش بس خطر ببالي لجزء من الثانية إنه ممكن يكون منها، لكن لأ،! مش منها الدم ، ولا مكان بجسمها نازل دم ، بالمرة ..
بعدها رحت جبت أنبوب من جوة وحطيت نقطتين دم من اللي عالأرض وبسرعة مليون ومن غير ما أقول لمرتي اخذتهم عالمختبر اللي جنب البيت وطلبت تحليلهم، ضليت عأعصابي نص ساعة عبين ما طلعت النتيجة ..
هذا دم (سيرين) !
الدم اللي عالأرض دم (سيرين) !
رجعت عالبيت وأنا بفكر ، شو اللي صار ؟! هل في خلل معين بيخليها تعمل هيك؟! صار معها اشي معين خلاها تكتب هالجملة؟! هل في اشي بيجبرها تكتب هيك جملة مرتين؟! بس كيف؟! كيف قدرت تكتب هيك؟! وليش؟!
لما وصلت قعدت مع (ميار) وقلتلها، انصدمت كتير وما صدقت إنه ممكن (سيرين) تكتب ، لأنه في غموض كبير ، إنه شو السبب ؟!
فكرت كتير ، شو اللي صار طيب ؟!
ممكن بسبب ايش بالزبط ؟!
خطر ببالي فجأة أمسك الايباد اللي بتلعب (سيرين) فيه دايماً ، فتحته وقعدت أقلب في التطبيقات ، بلكي منزلة تطبيق مقالب ، تمثيل ، بلكي تطبيق فيه اشي بيلعب بعقول الصغار وبيقنعهم يعملوا هيك مقابل جوائز أو أشياء ..
لكني فجأة شفت حالي قدام تطبيق اسمه (لعبة الجوع) !
قرأت كثير عن هاي اللعبة بفيسبوك ، أحياناً بيقولوا في جن وراها ، أحياناً بيقولوا حكي فاضي ومجرد تطبيق ، وأحياناً بيقولوا إنها لعبة نفسية وما إلها أي أثر حقيقي وعاملينها دكاترة أمريكان محترفين بردود الأفعال البشرية ، ومرة قرأت إنه أي حدا تحت 18 سنة ما لازم يلعب فيها ..
فتحت اللعبة ، طلعتلي شاشة سوداء مكتوب فيها بالنص : "تم التحميل" !
تحميل شو ؟!
مهي اللعبة نازلة عالجهاز ..
شو بدها تكون (سيرين) نزّلت إشي ثاني من نفس اللعبة ؟!
ضلت الشاشة معلقة عالكلمة ، طلعت ورجعت فتت وما أعطاني أي إشي .. شو هاد؟! اللعبة بس شاشة كاملة مكتوب فيها "تم التحميل" ؟!
سألت (سيرين) وما جاوبتني ، هزت راسها إنها ما بتعرف ..
ليش تنكر هيك اشي ؟!
ما أخذت كثير بالموضوع بس قلقي كان يتزايد ، في اشي غلط ..
في اشي مش منطقي بس مش عارف شو هو بالزبط !
بالليل قالت (سيرين) إنها مش حابة تنام في غرفتنا ، بدها تنام في غرفتها ويكون (سفيان) عندها ..
مع إني ضد هالاشي بس ما في مشكلة اليوم ، البنت كثير خايفة ، غير إنه (ميار) قرأت قرآن كثير عليها ، ورشت من جالون زمزم اللي عنا من العمرة من السنة الماضية بكل زاوية من زوايا البيت ، هيك قرأت بجروب معدلات الهاشمية عالفيسبوك ، في بنت نزلت بوست عن هاد الاشي وإنه بعد السحر اللي مرت أبوها كانت عامليتلها اياه قدرت بالقرآن وبزمزم تتخلص منه ..
فجأة بنص الليل صحينا على صراخ عنيف ..
صراخ مرعب ، مخيف ، بصوت أقرب للزمجرة ..
الزمجرة المتوحشة !
بجنون هرعنا للغرفة أنا و (ميار) وصرخنا ..
انصعقنا بشكل لا يمكن وصفه لما شفنا راس (سفيان) مفصول عن جثته اللي بنص الغرفة ، وجنبه بالزبط جثة (سيرين)، شاحبة جداً ، ولون جلدها رمادي ، وعالحيط مكتوب بخط كثير كبير :
"شكراً" !
بعد الصراخ والبكاء والانهيار العصبي والاتصال مع الشرطة وحضور الاسعاف والطبيب الشرعي، إجا التقرير بخبر هزنا أكثر من كل اللي صار ..
.. (سيرين) ميتة من 3 أيام !!!
.
.
#كوابيس
