سوريا انتي في القلب

  • تاريخ البدء
بيسالوني ليش سافرت وتركت امك؟؟؟

سافرت لاني ماعاد اتحمل شوف طفل بيندبح او رجال بيختنق او شب بيحترق او شوف ختيار بيبكي يمكن السبب الكبير اني بشوف ختيار بيبكي
سافرت لاني ماعاد اتحمل كل يوم لما اطلع عالشغل ودع اهلي لانو ماعاد نعرف ياترى رح نرجع ولا لا لانك يمكن ماترجع بسبب قذيفة او هاون او مدفع او طيران او اي شي في كتير عالم بحبهن استشهدو وناس كتير بحبهن سافرو وكتير ناس بحبهن تغيرو
مرتاح بالغربة؟؟؟
صح اني بحكي مع اهلي كل يوم سكايب او فايبر او واتس بس لما تنقطع عندهن الكهربا برجع يتيم ....
كل الناس بتفتكر انك متغرب عايش بالجنة مابيعرفو انك عايش بسجن بس كبيييييير مابتحسن تتحرك مابتحسن تروح مابتحسن تجي لك حكي مابتعرف تحكي لك محروم من هوا سوريا محروم من سماع صوت بياع السحلب الصبح وهوا بيقول ياكريم انت الكريم محروم اني شوف الاطفال بتروح عالمدارس
بيسألوني مابتشتاق لبلدك لأهلك لأصدقائك ؟؟

كيف مابشتاق لأمي يلي ربيت فيها 28 سنة بيحترق دمي عليها لما بشوفها بتحترق اطفالها بالشوارع بيشحدو عائلاتها تشردو ياريت متت وماشفت بلدي هيك بحبك سوريا والله بحبك لك بكفي هيك تعبنا والله تعبنا
 
مهما عبرنا وكتبنا بس ما بنوصل للشي الي عم يصير هلاء

موضوع وكلمات اكتر من رائعة وتعبير واسلوب مؤثر

يعطيك العافية الصمت لغة الكلام

دمت مميز بمواضيعك

اطيب التحايا واعذبها
 
الصمت لغة الكلام
سلمت يمناك على هذا الطرح الجميل
وبصراحه هلئ بيحتار الواحد لمين بدوا يدعي كل الاخبار بتورجينا ناس عم بيموتوا بسوريا والعراق وفلسطين واليمن...والحال بيبكي حتى الحجر
الله ينصر الحق ويحميهم ويكون معهم يارب
خالص تحياتي
 
صديقاتي العزيزات بشكركن من كل قلبي لمروركن العطر وبدعي من كل قلبي انو ربنا يعيد الامن والامان لكل بلاد المسلمين بشكل عام والدول العربية بشكل خاص

نورتو موضوعي المتواضع
 
موضوع جميل جدا عزيزي اتمنى من كل قلبي ان يعود الامن والامان بسوريا وجميع الدول يارب ويرجع كل شخص مغترب لبلده واهله يارب ويعيش حياته كما كانت سابقا بين اهله واحبته ومايحس بفقدانهم ولايعيش ويحس انو يتيم واهلو موجودين يااارب ....
 
الوسوم
القلب انتي سوريا في
عودة
أعلى