نغم السماء
من الاعضاء المؤسسين
إنسى الدنيا وشجع كورة
تابع ماتـــــــش أو شجع كـــــوره دي بلدنا بالكوره مبهـــــــــوره
إفــــرح غنــي إنــت وأهـــــــــلك ورقــــــص بنتــك السنيـــــوره
بـــره الشقــــه وفـــي البلكونـــــه تليفيزيونا ياخد لك صـــــــوره
عنـدك شغـــل سيبــو بسرعــــة إلحـــق جماهيــرنــا المسـروره
أوعــى تطنــش أو تعــــــارض وإمحـي إرادتــك المسحـــــورة
عيـش في تفاهـة وإنسى أحزانك إنسـى الدنيــا وشجـــع كــــوره
إنسـى إنــك عايـش مذلــول تابـــع كـــوره شجــع علطـــــــــول
تابـــع كــل خبـــر ومقالــة تابـــع دوري أيــــام وفصــــــــــول
إنســـى كل إخواتــك الفقراء متشـــرديـــن وضحايــا سيــــــول
إنســـى مصيبتــك في الأسعــــار وأزمة مـــــرور ملـل ومـرار
إنســـى ولادك إنســـى مراتـــك إنســـى بـــلادك اللــي بتنهـــار
إنســـى أزمة رغيـــف العيـــش محشي سمـــوم وكــام مسمــار
إنســـى كمان أزمـــة أنابيــــــــب طوابيـــر مـــوت ليل ونهــار
إنســـى إنك محتاج لشقـــــة عيــش فـي الشارع عيـش محتـــار
وهات لك علـــم لبــرد الشتـــاء ولو زاد الـبـــرد إلعب بالنـــار
إنســـى فلوسنـــــا بتتهــرب بــــره كل شويـــه كــــام ملـيـــــار
إنســـى كل إخواتــك المرضى أدويــة فاســدة ومستشفى دمــار
إنســى أي تلــوث وارقــص دا السرطــــان على بــاب الـــدار
إنســـى كل همـومــك وإفـــرح لو مافرحتش تبقــــى حـمــــار
إنســـى تـــــــزور تيتـــه وجـدو إنسى وتابع محمــد جــــــدو
شجعه دا بطــــــل الأبطــــــال حقـــق نصـــــر محدش قـــده
حتى الشقــــــــة حلم شبابنـــا خدها ومعاها بوسه على خـــده
فضائيـــــات وإذاعــــة وصحافـــه غطوا بجد وحيلهم شـــدوا
بـث مباشــــر ولقـــــــاءات حــــاده أما العلـم الإعلام هـــــده
حتى الشارع نبضه إزييـــف زيــف عقله الإعــــــلام بــــرده
نسيوا جراحنا وكل آلامنا غطوا كــوره ، تنــس ، بليــــــاردو
إنســـى رســولك خلـف ميـن وإنسى كمــان صحابه طاهريـن
إنســـى كل السيـــرة العطــــرة وإحفـــظ أسمــــاء اللاعبيــن
ميـــن في الوسط وميــن هداف ميـــن دفــاع شمــال ويميـــن
ميـــن بيعلــق ميـــن بيحكــــم ميـــن معانـــا وميــن خاينيـــن
الإخـــوة مــــا بقتش إســــلام الإخوه نشجـــــــــع ميـــــــن
إنســـى إخواتك في فلسطيـــن عادي يموتوا ويشيلوا الطـيــن
ممكن رقصنــــا وإحنـــا بنلعب يجدد لينـا نصـــر حطيــــــن
غالـي علينا يا إبــن شحاتــــــه وأغلــــــى من صلاح الديــن
قـدت فريقنـــا لنصــر أفريقيــا وغلبنا إخــــوه جزائرييـــــن
بنصـــــر الكـــوره بقيت معلـــــم وفرحت قلوب الملاييــــن
هانربـــي أولادنا علــى الكــــوره وها ننسى باقي المياديــن
اوعى تخلـي إبنـــــك دكتــور أو مهنــدس يبنـــي الـــــــدور
عاوزين نبنــي جيــل غنــدور جيل أبو تريكة جيل مسحــور
يكسب ملايين من الكوره والشعب بينحـــــــت في صخـــور
لما كبــارنـــــــا رفعوا الكاس ضاعت كل أحلام النـــــــاس
نسيوا أوجاعنــا نسيوا واجبهم غنـوا وعزفوا ألحان وسواس
باعــــوا شبابنـا للأوهــــام نسيــوا الرحمـــة وأي إحســـاس
طبعــا هما عليهــــم وزر ويامــــــا إشتــرو أوهام بالمـــاس
لكن بكل صراحـــة بأقـول صلاح الحـــــال بإيديــن النــاس
صلاح الحال بإيدين الناس
تأليف / أحمد فتحي الراجي
