يابنت ياللي تطلبين الاضافه انا اعتذر ماني من اللي يضيفون

املي بالله

نائبة المدير العام

يابنت ياللـي تطلبيـن الاضافـه
انا اعتذر ماني من اللي يضيفـون

امشي على درب النقاء والنظافـه
ولاني من اللي للحبيبه يخونـون

يابنت من يتبع هوى النفـس آفـه
والبهرج الخداع ماهوب مضمون

دربً ماهو للزين نفسـي تعافـه
خلي عساه من الحسد دوم مصيون

ما احب انا درب الخطاء واقترافه
ترفقي بالنفـس بالهـون بالهـون

حتيش لـو انـك تمـدي كنافـه
مع لوز مع تفاح بالحيل يشهـون

الله ترى فوقـي وفوقـك نخافـه
ومن لا يخاف الله يابنت محـزون

اغناني الله عـن كـلام السخافـه
باللي بها قلبي مع العقـل مفتـون

مكمله حسـن وجنـاب ولطافـه
والدين والاخلاق والعقل مـوزون

وانا اعترف فيني صمود وجلافـه
لكن مع الغالي على مـا تحبـون
 
الوسوم
اعتذر الاضافه اللي انا تطلبين ماني من يابنت ياللي يضيفون
عودة
أعلى