شرح مميز المد والممدود 2015

لوجين

الاعضاء
من أكتر الحاجات اللى بتلخبط أولادنا فى الإملاء .. وأكتر حاجة طلبتم نشرحها هى المدود ..
أولا .. حروف المد فى اللغة العربية ثلاثة أحرف { الألف _ الواو _ الياء } ..
والمد هو إطالة للحركة السابقة عليه .. بمعنى ..

# مد الألف هو فتحة طويلة .. إذن لاااااااااازم يكون الحرف اللى قبله مفتوح ..
# مد الواو هو ضمة طويلة .. إذن لاااااااااازم الحرف اللى قبله يكون مضموم ..
# مد الياء هو كسرة طويلة .. إذن لااااااااااااازم الحرف اللى قبله يكون مكسور ..

دى القاعدة الأولى اللى نقدر نفرق بيها إذا كان الحرف مد أو لأ عن طريق حركة الحرف اللى قبله .. لأن مش كل ألف هى مد ألف ومش كل واو مد واو .. ــــــــــــــــــــــــــــــــــــــــــــــــــ

القاعدة التانية للمد ..
حرف المد لا يسمع نطقه أبدا ..
يعنى لو سمعنا صوت الألف فى الكلمة فهى ليست مد ألف .. زى { فأس } ..
مد الألف فى كلمة زى { ماس } الألف هنا مد لسببين ..
* إن اللى قبلها مفتوح ..
* و إننا لم ننطق الألف .. سمعناها إطالة للفتحة ..
ملاحظة ..
يجب توافر الشرطين معا ..
فكلمة مثل كلمة { ثِياب } الثاء قبل الياء مكسورة .. لكننا ننطق الياء فليس بها مد ياء ..
ــــــــــــــــــــــــــــــــــــــــــــــــــ ـــ
حاجة كمان واللى فيه أكتر من عضو اختلفوا عليها { ياء الملكية } ..
ياء الملكية .. مد بالياء لأنها توافر فيها شروط المد ..
ولا يشترط فى المد أن يكون من أصل الكلمة ..
ــــــــــــــــــــــــــــــــــــــــــــــــــ ــــــــــــــ
الحرف الممدود ..
الحرف الممدود هو الحرف اللى قبل حرف المد مباشرة ..
واللى بياخد الحركة الملائمة للمد ..
مد الألف ==== حرف مفتوح ..
مد الواو ==== حرف مضموم ..
مد الياء ==== حرف مكسور
 
التعديل الأخير بواسطة المشرف:
شكرا انتي ساعدتيني جدا
 
الوسوم
2015 المد شرح مميز والممدود
عودة
أعلى