( مسابقة ) اختبر معلوماتك وتعلم

الامين

مؤسس و مدير الموقع
طاقم الإدارة
هي مسابقة لحتى تصير استفادة وافادة بين جميع الاعضاء

انا رح اطرح سؤال والعضو الي بجاوب رح يزيد التقيم عنده 10 نقاط

بس بشرط مو يروح يدور على الجواب بغوغل او يلطشو من شي موقع

فكر ثم اجب وجرب كمان مافي مشكلة

على فكرة الاسئلة مو من عندي وبس مسموح للكل يطرح سؤال لكن لازم

يكون جاوب على واحد من الاسئلة السابقة

السؤال الاول ...

افرض مثلا مثلا
ساعة الكومبيوتر بتكون عادة am و pm
مثلا الساعة 6:20 pm
ماذا لو صار نظام الساعة نظام 24 ساعة
وصارت تطلع الساعة على الشكل التالي :
18:20
السؤال : كيف منقدر نرجع الساعة لنظام 12 ساعة بدل 24 ساعة ؟؟؟

شغلو مخكن لنشوف
 
اول شي ندق على الساعة ونختار تغيير اعدادات الوقت والتاريخ *** تطلع لوحة دق على تغيير التاريخ والوقت تطلع لوحة فيها الايام وفي الاسفل مكتوب تغيير نوع التقويم ندق عليها بتطلع لوحة فيها خيارات في الاعلى نختار اول خيار وهو تنسيق ومن المربع نختار تخصيص التنسيق الحالي تطلع لوحة فيها خيارات نختار خيار الوقت ومن تنسيق الوقت نختار بدل الخيار HH:mm:ss الخيار hh:mm:ss tt بعدين ندق على تطبيق *** لك تحياتي ** وين العشرة نقاط ( هع )
 
التعديل الأخير:
يسلموو جنرال على العشرة نقاط والحمد لله سبقت بحر الشوق هههههههه *** وبما اني جاوبت على السؤال من حقي اسأل سؤال ** وهو سهل ***** س / كيف يمكن وضع خلفية صورة على مجلد ؟
 
نضغط بالزر اليميني على المجلد نختار خصائص من ثم تخصيص
يطلع اختيارات نختار تغيير الرمز ونختار الخلفية التي نريدها ومن ثم تطبيق
مافيها شي زيزو هههههههه
 
يسلموو ايفلين على الجواب بس انا قصدت الخلفية تكون داخل المجلد مو خارجه يعني لما تفتحين المجلد بدل الخلفية البيضاء تحطي صورة ... لكي تحياتي ..
 
شو زيزو رفعت الراية وهربت تعا تعا في سؤال وفرجيني شطارتك
في عندي برنامج بيضل بيشتغل مع بدء تشغيل الويندوز
هاد الشي كتير مزعج بالاضافة الى البطء في اقلاع الكومبيوتر
طلعت ضمن اعدادات البرنامج , مع هيك ما لاقيت شي خيار يمنع هالقصة

من وين فيني الغي تشغيل هالبرنامج مع بدء تشغيل الويندوز ؟؟؟؟


هاتو لنشوف
 
الموضوع حلو كتيررر
وفيو فائدة كبيرررة
بس مش عدل يعني الي بيسبق!!
الجواب على السؤال المطروح ..بالمراحل

بدخل على المنظفcleaner
في هناك ادوات tools
ستارت اوت start out
بيفتح قائمة البرامج الي بتفتح مع الويندز
بختار البرنامج المطلوب
بنعمل ديليت على البرنامج الي بدنا ياه
هيك الرنامج بيضل موجود في البرامج ..بس بيشتغل وقت انا بدي شغله
مجرب والجواب اكيد
بدي 20 علامة
تحياتي
 
التعديل الأخير:
ههههه جنرال ما جاوبت على سؤالي *** يبقى مين الا هرب ؟ سؤالك جوابو سهل واعتقد ان جواب سارة صح وفيه طريقة ثانية لو ماعندي برنامج كلينر ... افتح run واكتب في المربع msconfig بيطلع مربع فيه خيارات من اليسار اول مربع فوق ابعد علامة صح عن البرنامج
وبعدين تطبيق واعيد تشغيل الجهاز ... اذا الويندوز تبعك من نوع فيستا يبقى ثاني مربع من اليسار .... لك تحياتي ..
 
التعديل الأخير:
اول شي انو سارة جاوبت بس هي بجوابها عطلت برنامج ما وقفت تشغيل تلقائيا
وهاد جواب مو كافي ولانو زيزو جاوب رح اعطي الاجابة الصح وهي اقرب لكلام زيزو
هلأ في كذا طريقة ... بس أسهل طريقة رح وضحها بالصور التالية :


أولاً : نضغط "إبدأ" ونختار "تشغيل" كما هو واضح بالصورة


( مسابقة ) اختبر معلوماتك وتعلم



ثانياً : نكتب الأمر msconfig ونضغط موافق


( مسابقة ) اختبر معلوماتك وتعلم



ثالثاً : نختار تبويب "بدء التشغيل" فتظهر لنا قائمة بالبرامج والأدوات التي تعمل مع بدء تشغيل النظام ... نلغي التحديد عن البرنامج الذي نريد كما توضح الصورة التالية


( مسابقة ) اختبر معلوماتك وتعلم


 
وبدي صعبها شوي بسؤال التالي وين الشاطرين الحبابين هههههه

السؤال رقم (3)

في عندي كومبيوتر فيه مشكلة بالنظام
واجباري لازم اعمل فورمات لأنه الجهاز ما عم يشتغل بالمرة
والمشكلة انه عندي ملفات مهمة كتير ع السواقة c

عطيني طريقتين ممكن من خلالن انه آخد الملفات المهمة اللي عال c
وانزل الويندوز الجديد من دون ما يروحوا هالملفات .
ملاحظة : حتى عن طريق الوضع الآمن , الجهاز لا يعمل والنظام معطوب .


ملاحظة لانو جواب زيزو شوي مو مشروح رح ضيف 5 نقاط بس الو
 
يسلموو جنرال على الخمسة نقاط ههههه احسن من مافي *** والله يكثر النقاط كمان وكمان *** انا باعطيك الطريقتين باختصار يعني من غير تفصيل لان التفصيل يبي صور ولخبطة *** وعلى فكرة هذه القصة حصلت معي واستعملت طريقة ما تخطر على بال احد
ممكن نسميها طريقة ميكانيكية وهي :
الطريقة الاولى : نا خذ الهاردسك كامل من الجهاز وعن طريق كيبل نحطو بجهاز ثاني بحيث يفتح كقرص قابل للازالة زي الفلاش ديسك ونسوي اسكان على القرص بيطلع الفيروس بعدين نعيد الهاردسك الى مكانو ويا دار ما دخلك شر من غير فرمتة ( وهذه الطريقة طبقتها شخصيا )

الطريقة الثانية : عن طريق القرص المضغوط ندخلو في الجهاز واول ما تجي الشاشة السودة نضغط على اف 10 او اف 8 ضغطات متكررة بيفتح مباشرة القرص ونبدأ بعمل الفرمتة .. هنا ممكن نضع الويندوز في قرص d بدل قرص سي ونوقف عمله في قرص سي من غير حذف اي شي وبعد الانتهاء من الفرمتة نشغل الويندوز طبعا بيفتح والفيروس بيصير من غير فايدة بعد ذلك اسوي اسكان للجهاز بيطلع الفيروس ..

الطريقة الثالثة : وهذه الطريقة موجود في ويندوز فيستا بعد وضع القرص بالجهاز من ضمن الخيارات يجي معي خيار استعادة النظام واقوم باستعادة النظام من غير فرمتة ..

ان شاء الله تكون الاجابات صحيحة او اثنين منها على الاقل ***** لك تحياتي *****
 
التعديل الأخير:
اول شي انو سارة جاوبت بس هي بجوابها عطلت برنامج ما وقفت تشغيل تلقائيا
ارجو فحص المراحل يا شادي لانه البرنامج ما تعطل انما توقف تشغيله تلقائيا فقط
انا شخصيا جربت هي الطريقة مع كتير برامج ومنها المسنجر والبرنامج موجود عندي بشغله وقت انا بدي بعد ما كان يشتغل تلقائي وقت بفتح الجهاز
انا بقدم طلب فحص الجواب مرة اخرى وبدي 20 علامة



الجواب على السؤال التاني

في عندي كومبيوتر فيه مشكلة بالنظام
واجباري لازم اعمل فورمات لأنه الجهاز ما عم يشتغل بالمرة
والمشكلة انه عندي ملفات مهمة كتير ع السواقة c

عطيني طريقتين ممكن من خلالن انه آخد الملفات المهمة اللي عال c
وانزل الويندوز الجديد من دون ما يروحوا هالملفات .
ملاحظة : حتى عن طريق الوضع الآمن , الجهاز لا يعمل والنظام معطوب .


الطريقة الاولى
1.يبدأ بعمل الفورمات
2.خلال الفورمات يظهر 4 خيارات , اختار الخيار الرابع leave files...
3.بعدها يستمر الفورمات
4.الدخول على الويندوز الجديد
5.في قرص Cيوجد ملفان باسم ويندوز وويندوز نقطة صفر
6.الويندوز الجديد هو الي مع نقطه صفر
7.القديمة هي الويندوز ويبقى فيها الملفات السابقة


الطريقة الثانية :
1.ان يفك او يحل القرص الصلب – الهارديسك
2.ويشغله على جهاز اخر شغال
3.يدخل على الويندوز للجهاز الجديد
4.يظهر في جهاز الحاسوب قرصين اضافين غير الاصليات
5.يدخل على الملفات DECUMENTS and seting
6.يظهر هناك ملفات الويندوز الخاصة بي
7. يعمل نسخ للملفات على الجهاز الجديد
8.وبعدها يستطيع اجراء الفورمات دون الخوف على ضياع الملفات


الطريقة الثالثة.
استعمال ديسك hirien's boot النسخة الحديثة
هناك توجد خيار ويندوز ميني اكس بي
وبعدها يستطيع نسخ الملفات على القرص D او على جهاز اليو اس بي
وبعدها اجراء الفورمات دون القلق.


ارجو فحص المراحل والتاكد من الاجابات لانها مجربة
يعطيكو العافية
 
التعديل الأخير:
ههههه سارة *** هاردلك ** وتعيشي وتاخذي غيرها *** بالنسبة لجوابك الاول وهو ايقاف برنامج وقت التشغيل يمكن الجنرال قصدو الطريقة من غير برنامج يعني جوابي صح

اما السؤال الا بعده الطريقة الاولى والثانية انا قايله قبلك مع اختلاف بسيط في الطريقة الثانية انتي قلتي ننسخ البرامج المهمة وهذا غلط لانه ممكن يكون الفيروس في احد البرامج المهمة معناها ما سوينا شي الافضل نسوي فحص على الفيروسات وهو بيطلع من غير عمل فورمات **** لكي تحياتي ..
 
الطريقة الأولى : ببساطة ما بفرمت الـ c .... بس بنزل نظام جديد عالـd مثلاً وبعد ماينزل عالـ 24 بدخل عالـ c من خلال النظام الجديد وبسترجع ملفاتي الهامة وبرجع بعدين بفرمت الـc
الطريقة التانية : وهي أحسن برأيي ... بفك الهارد وبوصله slave على كمبيوتر تاني (كمبيوتر رفيقي) وبنقل الملفات يللي بدي ياها من الـ c ... بعدين برجع الهارد لجهازي وبفرمت وأنا مطمّن

وهيك بكون جواب سارة وزيزو كتير متقاربين لكن النقاط لمن سبق وهي سارة
 
يلا يا اصحاب الهمم

السؤال رقم (4)

عم حاول نزل ويندوز xp على جهاز لاب توب هارده ساتا sata
أثناء التنصيب , بيقلي انه ما عندك هارد !!!
وين المشكلة وما هو الحل ؟
علماً أن : هالمشكلة بتصير على 99 بالمية من أجهزة الكومبيوتر الحديثة
لما بتنزل الويندوز xp عليها وبيكون نوع الهارد ساتا
 
اول شي لسة ما اخدت جواب على حل السؤال الاول تشغيل تلقائي للبرنامج
تاني شي شكرا على السؤال التاني بس لسه ما اخدت نقاط..!!

تالت شي جواب على السؤال المطروح الاخير.. هالمره بسبقك زيزو

المشكلة انه اللابتوب لا يتعرف على ال sata driver وهي موجودة في اغلب اللابتوبوت الحديثة


الحلول في امكانيتين :
الطريقة الاولى: الدخول على ال bios- في هناك تعريفات , نعدل التعريفات على achi وبعدها يتم التشغيل وتكملة العمل.


الطريقة التانية : ندخل الويندوز xp sata وهو يجري التعريفات على الجهاز لوحده
وهاد من خلال ديسك يمكن تنزيله من الانتر نت ايضاا

تحياتي..
 
سارة بنسبة لجوابك الاول انتي اعتمدتي على برنامج لأيقاف البرنامج الي بنط تلقائيا
هههههههه هيك فهمت من جوابك وانا طلبت الحل يكون يدويا بدون الاستعانة ببرامج
والنقاط ليكهن كان عندك 1500 وصارو 1510
بنسبة لجواب السؤال الاخير

ضمن البيوس , في خيار اسمه
sata native support
الـ default لهاد الخيار بيكون ( تمكين ) ( Enabled )
كل ما عليك فعله هو : جعل هذا الخيار معطل ( disabled )
ووقتا بتنزل الويندوز وبتعمل اللي بدك اياه


بقصد انه الويندوز xp فيه مشكلة مع بعض هاردات الساتا
فبيقلك اثناء التنصيب انه مافي عندك هارد


ملاحظة : لما منكون عم ننزل ويندوز فيستا , مافي داعي لكل هالحكي
لأنه الفيستا ما عنده مشكلة , سواء كان الهارد ساتا او داتا
وسواء كان هاد الخيار مفعل او معطل

وسارة جاوبت نص جواب او خلينا نقول طريقة وحدة
 
يلا السؤال الخامس والشطارة هون ولا حدا يروح يلطشو من غوغل او يسأل حدا

أحيانا عند إيقاف تشغيل الجهاز تظهر رسالة تفيد أن بعض البرامج لا تستجيب، هل هناك طريقة لجعل الويندوز يغلق هذه البرامج تلقائيا؟
 
الوسوم
اختبر مسابقة معلوماتك وتعلم
عودة
أعلى