طالب جامعي يتساءل موضوع قصص حب البنات للشباب اليوم

  • تاريخ البدء
صفا النعمان

صفا النعمان

الادارة
طاقم الإدارة
السلام عيكم
طالب جامعي يتساءل
موضوع قصص حب البنات للشباب اليوم
وعلاقات الحب اللي عم دور بيناتن لفترة طويلة .. وبدون خطوبة ولا أي رابط
وبتلاقيهن بالعامية ملتزقلين بعض طول الوقت .. وإيديهن بإيدين بعض
رايحيين وجايين قدام هالعالم .. لا خوف ولا حياء
وكلنا بنعرف الشباب ونواياهن نقطة انتهى.
وبالنهاية ينفصلوا عن بعض وكل واحد بحال سبيلوا
سؤالي مين اللي استفاد ومين اللي خسر..؟
اكيد منعرف الجواب
سؤالي تاني للبنات آلا من معتبر لهاد موضوع اسألو مجربين!
سؤالي تالت .. اهل البنت كيف عاطينا هي الحرية!
وبالنهاية انا شب وبنزعج من هي المواضيع كتير كتير .
وبنفس الوقت بزعل ع هالبنات كيف عم يصطادون الشباب ويوقعون بالشبكة
لانو بصراحة ماحدا منا بيرضاها ع اختو.
الله يهدي بنات وشباب المسلمين.


1398910649851.jpg
 
مارح نحكي بعنصرية بس نظرة للواقع ورح احكي عن البنات قبل الشباب مشان ماتقول متحيزة البنات بنطال ضيييق مع بلوزة متل اللصاقة وفوقها حجاب بقلبة هرم خوفو واذانها مبينة مع الحلق ورقبتها طالعة مع الطوق وعطر واربع خمس جوالات ومدري كم شريحة نت بالمقابل الشباب بناطلين الا نتفة رح تهر وتنزل من خصورها السااااحلة وموبايلاتون والنت والشرائح وشلل الشدة والطرنيب والتريكس والكفي نت والكفتريات وعلى اراكيل وصياعة الشريحة الاولى رب العالمين نزع من وجوهها الحياء وكون بعلمك قدما حاولو الاهل يضبطوا البنت او الشب بهالمرحلة رح صير حالة شبه مستحيلة والشريحة التانية شباب راحت منها الرجولة وصاروا اشباه رجال بالمقابل وهنن قلة في بنات منتقبات نقاب شرعي وملتزمات ومابيحبو الاختلاط وان حصل فبيكون لامر طارئ جدا وفي شباب غضوضين للبصر كل فرد من هالافراد اللي ذكرتهم غالي جدا وذلك لانو بزمانا الكرام قلائل والحب اللي عم تحكي عنو هاد مش حب هي علاقة تهييج عاطفية الحب اسمى بملايين المرات من هالعلاقات السفيفة والسخيفة والخاسر والربحان ماحدا بهالعلاقة تنيناتون خسرانين متلما تعرف الشب على بنت وتركها وتزوج وحدة تانية لعدم ثقته بالاولى فاكيد زوجته التانية كان الها علاقة او مع الايام رح يكتشف انو احتو كانت على علاقة وكلنا يعرف قصة دقة بدقة ولو زدت زاد السقا عندما يعف الشباب يحفظ الله البنات بعفة اخوتهم والعكس صحيح باذن الله طولت عليكن لكن موضوع يستحق الكلام
 
للاسف الشديد الشباب مع حرية البنات مازالت. بعيدة عن اهلهم. او بالاحرى اخواتهم والمزعج بالموضوع لبس البنات الذي لادين له حجاب مع بنطال ضيق. وتعدد الموضات فيو الذي يثير الشباب مما يزيد الى كثر الاخطاء في مجتمعنا " فلاحول ولاقوة الا بالله"
 
الموضوع يتلخص بمفاسد آخر الزمان والصحبة الفاسدة التي تقلد بعضها الآخر دون تفكير بالعواقب او استشعار لمراقبة الله في التصرفات ..,,اللهم لا تزغ قلوبنا بعد اذ هديتنا وهب لنا من لدنك رحمةانك انت الوهاب,,
 
وين الاب والاخ وين التخوة ؟؟لو كل واحد بيشوف بنتو ؟ وين الام ودرورها بتربية البنت ولباسها كل هاد مغيب ,التربية الاسلامية شبه معدومة للاسف لو كل واحد بيعرف يلي إلو ويلي عليه كان انصلح شيء من الوصع والحل الامثل هو العودة للدين وتطبيقه بشكل صحيح والله المستعان
 
برايي لازم كل بنت ملتزمة بتنصح اختا رفيقتا جارتا وارشادهم الى الطريق صحيح وع هاد الموال باول اول ان شاء الله نتخلص من هذه المواضيع ومن هذه مشاكل ومن هذه التفاهات التي يجب ان يوضع لها حد
 
بالبداية كل اناء ينضح بما فيه فتأسيس الاولاد على خوف الله والتربية الصالحة يجعل من كلا الطرفين مثال لأخلاق المسلم ولكن اذا كانت الاسرة كم يقولون حارة كل مين ايده له فهكذا نجد الجيل الصاعد والله يرحمنا برحمته ويعفو عنا
 
استاذ ..... ليش بس كل بنت ليش مو كل شب يسحب رفيقو للجامع ويشدو ويعلمه كيف يكون متل سيدنا يوسف وكل بنت بتعلم رفيقتها لتكون متل ستنا مريم والا الشباب مستثنايين من النصح
 
معضلة متعبة الصراحة..موجعة للقلب...انو كيف هيك هانت امتنا...وانحدر جيلنا بهاوية من قلة الحيا والدين والخلق...وكلو من تشبههن بالغرب...وتأثيرهن بكل جديد وحديث وغربي...مو عرفانين انهن رايدين لالهن الخراب...بكل شي عم يأنتجوه ويبعتوه لعنا...
بس مع ذلك بفرح من قلبي لما بشوف شباب وبنات غيورين ع دينهن...ورايدين لهالامة الصلاح :')
 
الفتاة تحركها العاطفة فلا يجب أن نغفل أن الشاب إلى جانب العاطفة تحركه غريزته، لذلك على الشاب والفتاة أن يكونوا على قدر من المسئولية ويتعلمون كيف يتحكمون فى عواطفهم ومشاعرهم، ويكونوا على وعى أن الحب الحقيقى لا بد أن يكون له فى النهاية هدف وهو الارتباط ، وذلك يتطلب نضج فى الشخصية وقدرة على تحمل المسئولية ، وعدم الاندفاع وأن الحب سيأتى فى الوقت المناسب .

للأهل دور كبير فى احتواء أبنائهم وبناتهم وإعطائهم الفرصة للحديث معهم وتوضيح الحدود التى يسمح بها المجتمع للصداقة داخل إطار المجموعة ، وفى النور فى وسط صحى يمارس فيه كل منهما حياته بصورة طبيعية ويحكم العلاقة الاحترام والفهم الصحيح ومراعاة العادات والتقاليد والقيم الدينية التى ستكون بمثابة الدرع الآمن لحمايتهم.

وإذا كان هناك رفض من جانب الأهل عليهم أن يعطوا أسبابا مقنعة لأبنائهم ويوضحوا لهم وجهة نظرهم، وكلما كانت الصداقة تحت أعين الأهل وبعلمهم كلما بعدت عن الشك والرفض والخوف والقلق من معرفة الأهل، الذى قد يؤدى لخلق شخصية مهزوزة وضعيفة فى المستقبل.

هل هناك فعلا صداقة بريئة بين الجنسين ؟؟؟
 
صداقة البريئة فقط في الصغر "نجمة السماء" اما في الكبر لاتوجد بتاتا اولا لاتجوز في الشرع والدين وثانيا كلا الطرفين بالغين. اي وبصراحة اكبر ينتج عن ذلك تهيج جنسي لذلك الافضل لاتكون صداقة في الكبر ..... وهاد رايي الشخصي
 
انا مش من دعاة التحرر والعلمانيه بس منهج التربيه قديم ولا يتماشى مع هذه الايام تماما متل الاحكام والدساتير تتغير كل فترة بسبب القدم وعدم تماشيها مع الواقع كنا نعرف بنات الحاره دون سن العاشره وبعدها لا نعرف عنهم شي اما الان الاولاد يقضون اكثر من خمس عشرة ساعه خارج البيت وهذا احد اسباب الفلاتان كما قيل (المال والشباب والجده مفسده للمرأ اي مفسده )
 
انا بعتقد انو الاهل هنن السبب اولا لازم من الصغر تربي الولد علا الاحساس بمراقبة الله عزوجل وكل شي حرام وحلال وتاني شي البنات لازم يتستروا. والشباب لازم يغضوا بصرهن. وهاد كلو من علامات يوم القيامة
 
يجب ان تبدأ التوعية من الأهل لمثل هذه الأمور ومن ثم تأتي وسائل التواصل الاجتماعي .. ورغم وجود تلك التوعية ..تقع هذه الأخطاء .. فلايتعلم الانسان الا من أخطائة وتجاربه فأتمنى على كل فتاة خاضت تجربة فاشلة ان تكون لها درسأ للمستقبل وان تتقي الله بنفسها وأهلها وتصبر حتى يأتي نصيبها بالزواج
 
والله بصراحة الاهل يلي بقولوا الشاب مابعيبوا شي هنن نفس الأهل يلي عم يتجنوا على بنات الناس....الغريب هل تناقد يعني ابني شاب بتركوا على كيفوا ومابسئلوا مع مين كنت ماشي وللاسف ممكن يتفاخر الاب والام انو ابني حلو وبيعرف بنات...وعلى العكس اذا اختوا بس فكرت دردش علنت بقوم البيت وبيقعد...الا تخجل ايها الاب والام عندما تسئلك بنتك ليش اخي مسموح وانا لا؟؟؟؟؟؟وهيا اكيد لن تسئل ولكنها ستفهم ان كلشيء مسموح ولكن بدون علم احد....اتقوا الله بأولادكم....والذي سيقول لي زمن الفتن والوضع كلوا هيك اقول له انظر للتعليقات تجد ان الجميع رافض لهذا الكلام إذن ماهيا المشكلة؟؟؟؟؟؟
 
على فكرة السبب وراء هذه التصرفات الا اخلاقية بين الشباب والبنات هو انعدام الوازع الديني اولا ثم انعدام الرقيب الداخلي والخارجي ايضا ... كما انا الكبت والخوف من العنوسة وصعوبة الحياة وغلاء المهور يجعل هذه الامور وهذه التصرفات والخلوات بين الشباب والفتيات هي الملاذ والمتنفس الوحيد لهم وللاسف الشديد ... وكل فتاه وكل شاب يعلم يقين العلم ان مايقوم به من مسك الايدي او الظهور مع الطرف الاخر هو ليس حرية بل في قناعاتهم هو قلة دين وقلة حياء ولكن النفس امارة بالسوء وكل ممنوع مرغوب للاسف ...اللهم ثبتنا ب لا اله الا الله واحفظنا من كيد الكائدين واسترنا فوق الارض وتحت الارض ويوم العرض عليك اللهم امين
 
الوسوم
البنات اليوم جامعي حب طالب قصص للشباب موضوع يتساءل
عودة
أعلى