طالب جامعي يتساءل موضوع قصص حب البنات للشباب اليوم

  • تاريخ البدء
بسم الله الرحمن الرحيم أنا الحمد الله 8 سنين بالجامعة تعرضت لبنات كتير و تمنيت من الله سبحانه و تعاله تجي وحدة تعمل معي علاقة شريفة بس للاسف مالقيت لأنو برجع بقول الحمد الله يلي ماشية معي ماشية مع غيري بس كمان ما شرط لذلك بقول ما بني على حرام فهو حرام و أنا عملت 3 علاقات حب بس كانت نيتي الزواج نهايتها بس للاسف بنات ما بدها تنستر انا ما بحطن بزمتي بس هادا الواقع يعني الواحد بقول الله يهدينا و يهدي الجميع و الحمد الله رب العالمين
 
الله يجيرنا نحن بآخر الزمان الذي خبر عنه سيدنا محمد صلى الله عليه وسلم : عن أبي هريرة قال: قال رسول الله صلى الله عليه وسلم:
"صِنْفَانِ مِن أهل النار لم أرَهُما بَعْدُ قومٌ مَعَهُم سِيَاطٌ كأذْنَابِ البَقَرِ يضربون بها الناس ونساءُ كَاسِيَات عاريَاتٌ مَائِلاتٌ مُمِيلاتٌ رؤوسُهُنَّ كَأسْنِمَةِ الْبخْت1 المائلةِ لا يَدْخلْنَ الجَنّةَ ولا يَجِدْنَ ريحهَا وإن ريحها لتوجدُ من مسيرةِ كذا وكذا"...وقال صلى الله عليه وسلم : عن أنس بن مالك قال: قيل: يا رسول الله متى ندع الائتمار بالمعروف والنهي عن المنكر? قال:
"إذا ظهر فيكم مِثْلُ ما ظهر في بني إِسرائيل? إِذا كانت الفاحشة في كباركم والعلم في أَراذِلكم والملكُ في صغاركم".
 
و الله معك حق باللي عم تقوله انا بصراحة كتير احيانا بقول شو ناقصني لعيش قصة حب متلهم!!!! ليش انا لاء ... برجع بقول انه اللي ناقصني انعدام الحياء و الايمان و الخوف من ربي .... و انه هذا كله مجرد لهو و لعب سيعاقبون عليه في الدنيا و الآخرة الله يثبتنا و يبعد عنا هيك قصص
 
أشكر كل من علق .. فكل تعليق أعطى شيء من السبب وشيء من الحل

وفي النهاية الأمر يتعلق بالإيمان ... الأخلاق ... القيم

هبوط القيم أمر خطير
فما كان في الماضي القريب مرفوض و غير مقبول نهائياً ... أصبح الآن عادي .. وليش لأ.؟؟!!

م تنعدم القيم .. ولم تندثر فالشباب والفتيات يعرفونها جيداً لكنهم .. يتجاهلونها .. بسبب حلول قيم جديدة بدلاً عنها

البنت المستورة صارت تقول .. ما فيها شي إذا البنت حكت مع الشب .. هذا شي كتير عادي
في البداية الحكي عادي .. وبعدا بتصير علاقة

القيم لم تذهب لكن ما ذهب هو الاعتزاز بها
زهد البنات والشباب بما لديهم من قيم ومبادئ ترفع الرأس ويفتخر بها

لكن

في الجامعة بنات وشباب .. بيرفعوا الراس ومنفتخر فيهم .. الله يرضى عليهم
 
مشكلتنا انه عقولنا مو معنا ، والإعلام مسيطر ع هالعقول.
الإعلام عم ينشر صورة الشاب والبنت الطبيعيين إنهم على علاقات ، وانه يلي ماعنده علاقات معناها مريض نفسي.
هي الصورة صارت تأثر عند هالشباب والبنات بطريقة غير مباشرة وصار الغالبية بدهم هالقصص : شي تنفيس عن فراغهم العاطفي ، وشي ليثبت لحاله إنه كبر وصار واعي وناضج ، وشي لأغراض الله يجيرنا.

الحلال بين والحرام بين ، والصح واضح والغلط واضح ، بس أحيانا بصير تطنيش لضعف بهالإنسان وهون بيجي دور الصحبة والأصدقاء.

الله يهدي الجميع .
 
أحكي لكم عن فتاة قبل دخولها الجامعة
كانت ملتزمة وعلى خلق وتداوم على قراءة شيء .. ولو قليل من القرآن .. وشيء من السيرة والحديث
وتسمع قبل النوم درس الشيخ محمد راتب النابلسي
مستورة ومهذبة
كانت تحكي لأمها كل ما يدور في خلدها .. تقول لها : ماما أنا خائفة من دخول الجامعة
أنا خائفة من هذا الجو المفتوح ... وهذه الفتن العظيمة
ماما أنا أخاف على نفسي أن تتغير .. أن تهبط
وأحياناً تقول : أتمنى أن لا أدخل الجامعة كي لا أسقط .. أخاف على نفسي
أمها تقول لها : أنت مؤمنة والله لا يضيعك
اطلبيها من الله ... وتدعو لها
اطلبي الصحبة الصالحة من الله
يا بنتي لا تخافي في الجامعة يتميز الطلاب وينحاز بعضهم إلى بعض بحسب أخلاقهم ومبادئهم
غداً سترين كيف تنضم إليك البنات الصالحات بكل بساطة وسهولة
أمها تثق بها وباختيارها
البنت دعت وصلت واستخارت واستشارت .. و .. دخلت الجامعة
سبحان الله كل يوم تنضم إليها فتاة محجبة خلوقة أهدافها عالية
حتى أصبحن خمسة
كلهن ملتزمات خلوقات طاهرات
على فكرة هن لديهن صديقات غير محجبات لكنهن خلوقات ومهذبات جداً
البنت فرحت فرحاً شديداً وسجدت شكراً لله وكل يوم تقول لأمها :
البنت التي تعرفت عليها .. لن تصدقي كأنها أنا .. نفس الأفكار وطريقة التعامل السلسة والصدق .. الصدق
مرت السنوات ولم تتحدث إلى شاب .. هي وصديقاتها .. إلا في حالة اضطرار قصوى
وكل يوم في رقي و.. اعتزاز بالقيم والمبادئ
وفهم للدين ووعي أكثر

وحتى الآن انتهت تقريباً 3 سنوات ولا زلن على أفضل مما التقين عليه
بسم الله .. ماشاء الله

الأمر ممكن الحدوث .. وقابل للتكرار
المهم .. أن تفهم البنت والشاب .. لماذا هي في الجامعة .. أو الوظيفة .. أو . أو .. .؟؟
 
جزاك الله خيرا يا اخي وبرأيي المتواضع السؤال التالت هو الاهم ويييييين الاهل وين الامهات اللي بتتابع بناتها وين راحو ومع مين قعدوا وكمان نتيجة التربية الغلط للشاب والفتاة فلو ان كل ام عودت بنتها على المصارحة من لما تكون صغيرة وتسمع منها شو بيصير معها بلمدرسة وبين رفقاتها حتى لو كانت امور صغيرة وتافهة بس رح تخلي الام تفهم عقل هالبنت وطريقة اختيارها للرفقة الصالحة ولكن للاسف امهات هالايام فاضيين يجيبو ولاد بس مو فاضيين يربو هالاولاد الا من رحم ربي
 
يمكن صعوبة الزواج والارتباط .. علما بأن معظم العلاقات التي من هالنوع في حال انتهت بالزواج يكون من أنجح الزيجات ..
أخيرا كل واحد بيعرف اللي بدو والشجر العالة مايطولها غير العالي ..
----------
بالنسبة للموضوع دينيا بالجامعة في من مختلف الأديان والطوائف والمعتقدات ..
 
الحب غريزة في كل انسان ولاننكر ذلك ابدا فلذلك ان اعجبتك فتاة لما لاتطلبها للخطبة مباشرة هكذا تصبح محللة عليك فاقتضي طول الوقت معها فلااحد يعاتبك " الحلال بين والحرام بين" وان لم تستطع خطبتها فمن حكمتك ان تتركها واسال الله ان يعوضك بافضل منها ، اما موضوع فشل او نجاح زواج فهذا يعود الى التعامل الجيد بينهما والتحلي باخلاق الاسلام
 
وجهة نظري شخصيا : التطور في عالمنا هذا له سلبيات اكثر ماهي ايجابيات واولها فساد الشباب والبنات وخاصة من التلفزة بحيث تنضج الفتاة والشاب ع قصص حب في المسلسلات والافلام ويتم تطبيقها في الجامعات وموبايلات الاكثر افساد بحيث تتم سهولة نقل الاغاني وصور والفيديو فيما بينهم# اسال الله العظيم رب العرش العظيم ان يشفي نفوسنا ويهديها الى الطريق صحيح#
 
والله اجواء الجامعات وللاسف ببلادنا متل اجواء الكبريهات والمقاصف\\ والله شي بيسود الوجه وئت منمرء من جنب الجامعات ومنلائي هل شباب والصبايا متعربطين ببعض متل الولاد الصغار وهاد لي معانئ هي وهي لي متمسكة ب ايده كانه رح يهرب منها\\وما بالكم عل تشليط واللبس يلي ما فيه جنس الحيا من هل بنات يلي هنن على اساس طالبات جامعة\\ لا حدا يزعل من كلامي بس والله شي عن جد مقرف\\ولي مو مسدئ او مفتكرني عم بالغ يروح ويوئف على باب شي جامعه ويتفرج عل بلاوي\\ او ينزل تحت شي جسر مشاة او يفوت على شي كفتيريا ويتفرج عل مناظر لي بتاشعر البدن\\شباب بلا اخلاق وبنات بلا عفة وضمير \\ وللاسف هل قلة القليلة من الطلاب الاوادم والبنات الملتزمات ضايعين بين هل واقع والجو المزري ل جامعاتنا\\
 
مهمتنا أنو كل واحد يحصن أولاده وأخوته ومن يستطيع من أقاربه ونتمنى أن يصدر قرار بمنع لبس الملابس الغير محتشمة والله إننا نرى العجب العجاب في الجامعات والله هناك فتيات يرتدين ملابس لاترتديها نساء في بيوتهن الخاصة حسبي الله ونعم الوكيل
 
التربيه البيتيه وتوعية الأهل هم الأساس في هذا الموضوع ويجب على الأهل ان يوعو ابنائهم سواء بنات او شباب حتى لكي لا يقعو في هذه التصرفات اللي لا شك نهايتها خساره لسمعة الفتاه وما هيا الا مضيعه للوقت فقط لا غير
 
والله يا اخي انا مابحط الحق عالزمن لانو الزمن من صنع البشر و الاجيال كل مالا عم تدهور و كلو فساد و كما قال الرسول عليه الصلاة والسلام بما معناه .. سيعود الاسلام غريبا كما بدء ف طوبى للغرباء .. بنسبة لاسئلتك التلاتة رح جاوبك .. ١/ ماحدا استفاد التنين خسرو واهم شغلة خسروها هيه قرابة الله لانو كلنا منعرف انو المعاصي بتبعد الانسان عن ربو ودينو إلا من رحم ربك و هداه . ٢/ بهالوقت هاد مابيتربوا ليوقعوا وسدقني في منن بيوقعوا مرة وتنين وعشرة ومابيتربو وبعدين ليك اكبر دليل كل يلي عم يصير ببلدنا واموات ودم وخراب وشي ببكي وهني مستمرين بأفعالن وماتعظوا او خافو من انو يدركن الموت بئي لحظة . ٣/ هاد السؤال بالزات المفروض تكون بتعرف جوابو ويلي هو انو ماعد في اهل قادرين على ولادن الاهالي فقدت السيطرة على ولادا و قد ماعملو ودارو بالون ( الشب والبنت اذا بدن يعملو شي من ورا اهلون الجني الازرق مابيطلعلوا قدامن ) .. لهيك اخر شي بحب قولو ( وا أسفاه على خير أمة أخرجت للناس من المفترض ان تكون المثال الاعلى للقيم والأخلاق ولكن ..!! وا أسفاه ) الله يهدي الجميع ويستر عالجميع ويجيرنا ويتلطف فينا من الجايه .
 
كﻻم سليم بس انا مالي معك في نقطة انو الاهل ما عم بيحسنوا على اوﻻدهن بهل زمن ﻻشك انوا مصادر الفساد صارت كتير والصحبة لها دور كبير لكن انا بشوف القواعد الصحيحةللتربية في جو سليم للبيت يين الوالدين وبين الاوﻻد والدعاء الدائم لهم مع المراقبة وفتح حوار ودي بين الاهل والاوﻻد كفيل بحفظهم بأذن الله والله يحمي اوﻻدنا واوﻻد امة محمد
 
طيب .. لو نظرنا للأمر من زاوية أخرى

البنت لماذا تتزين وتتلون قبل خروجها .؟؟

أليس ليراها الشباب ويفتنوا بها ..؟؟ والشاب أيضاً أليس لديه نفس القصد والنية .؟؟
طيب .. لو أن الشاب/الفتاة .. التّقيّ .. الملتزم .. لم ينظر إلى الطرف الآخر .. واعتبره غير موجود .. أي تجاهله بشكل كامل .. ولم يوله أي اهتمام ..؟؟

كيف ستكون ردة الفعل لديه .. هذه/هذا .. الآخر..؟

..؟ ؟ ؟ ؟؟ ؟... ..!!... ! ! ! ؟؟ ؟

ن كل شيء يخضع لقانون العرض والطلب
 
انا قصدي كان من درجة العقوق يلي منسمعا وغير هيك الصوت يلي بيرتفع عليهون و العصبية والعناد ويلي بدن ياه بمخن بيعملوه .. يا اختي كلامك صحيح جدا بس انو جو سليم ومافي منزل مابيخلو من الانترنت والابتوبات وهاد اول طريق للفساد غير صحبة السوء .. لاشك بأنو الدور الكبير يعود عالاهل بس في كتييير اهالي بيمنحوا ولادن ثقة مابيستحقوها بفكروهن هني أهل لهل ثقة وبقلولك خليون ياخدو استقلاليتن بس بالحقيقة هني لاء لهيك وقت بيقدموا الابناء عالغلط بكونو مرتاحين ومطمنين مفكرين حالن على صح من ورا الثقة يلي منحت لهم و من ورا الاستقلالية يلي منحوهون ياها قليل جدا تلاقي ام او اب ورا ابنن او بنتن عالدعسة وبيعرفوا كل شي عنن .. برايي بهالوقت لازم الاهالي يخرطوا ولادن بجو ديني اكتر ك دروس دين ولمحافظة عالصلاة بالمسجد
 
انا بحكيلكن عن جزء من تجربتي انا بقيت خمس سنوات بالجامعه وكنا 5 صديقات بنات ومبسوطين كتير وما حكينا مع شباب بس للاسف بعد التخرج اتزوجت ولاني كنت بنت محترمه وما الي تجارب سابقه ومتزنه وخلوقه زوجي اللي هو من شباب هالايام ما عجبه هالشي وقال بدو وحده عندها تجارب ومعرفه شو بحب الرجل وتركني واتزوج وحده عندها علاقات سابقه كتير
 
والاهل لما بيتركوا للبنت الحريه حتى توقع عريس يحبها ويتزوجها والشب بيكون غرضه يتسلى وبس وللاسف صار بايامنا البنت اللي ما الها علاقات بيعتبروها بنت هبله وناقصه
 
الوسوم
البنات اليوم جامعي حب طالب قصص للشباب موضوع يتساءل
عودة
أعلى