زوجي بيغار عليه كتير وعقليتو صعبة بس حنون وكريم ...!!!

  • تاريخ البدء

صفا النعمان

الادارة
طاقم الإدارة
انا عمري 24 وزوجي عمرو 36 كتيرر بيغار عليي ومن كل شي مثل اذاكنت معو بالطريق وطلعت على اي شغلة بيغار واذا حكيت وضحكت بيغار ...شغلة تانيه عصبي جدا من اي شي لو على غلط وعلى طول لازم قلو حاضر اذا صح اوغلط...بدون نقاش وانا على طول غلطانه بنظرو
لو سمحتو بشو بتفيدوني اعمل والله تعبت من عقليتو الصعبة وتركتو اكثر من مرة ورحت لبيت اهلي ..وطلبت الطلاق ومارضي يطلقني وماوصلت لنتيجه ..طبعو هيك وانا عندي 4 اولاد وبحس مابيثق فيني هو من غيرته اوهو محبة مابعرف مع اني. على طول بلبيت لابروح ولابجي ابدا الا اذا هو اخذني وطلعني ومنع النت من البيت مشان ماتتفسد اخلاقي ...وشغلة تانية مدايقتني مابيظهرلي محبتوابداً على طول انا بظهرلو بمحبتي وبهتم فيه .. انامليت سايرت كتير بس وصلت لمرحلة تعبت فماذا بتنصحوني مع العلم هو انسان بيصوم وبيصلي ومخلص لبيتو والي وحنون على ولادو
ومابيقصر عليي وعلى بيتو بشي شو مابطلب بيجيبلي
1397059236191.jpg

 
هذا هو مفهوم الحب الذي تربى عليه فأسلوبه بالتعامل معك هو من المسلمات بالنسبه له لانقاش فيه .. فلن تستطيعي اقناعه بانه على خطأ وان الزواج مودة ورحمة وسكينة ... فما عليك الا التسليم بهذا الواقع وبهذه الطريقة بالحب وتعودي نفسك عليها وان تنظري الى الجانب المشرق من تصرفاته كزوج ملتزم ببيته مخلص لك حنون على اولاده .. غير مقصر بمهامه الزوجية والابوية فهذه الامور تشفع له ...ومن يتق الله يجعل له مخرجاً ويرزقه من حيث لايحتسب
 
لكل شخص طريقة عن التعبير اما عن الحب او الاشياء الاخرى .... و هذه هي طريقة زوجك للتعبير عن اهتمامه بك بالغيرة ..... ليس مطلوب منك الا ان تظهري له انك محل ثقة ليطمئن قلبه ويخفف من غيرته مع الايام .... و الا تشعريه باي نقص يعانيبه او حتى يشعر به بداخله ..... بالعكس حاولي ان تقوي في نفسه الثقة لكي يتخطى مرحلة الغيرة
 
بسم الله الرحمن الرحيم
ذكرتني جزاكي الله خيرا بقصة السيدة أسماء رضي الله عنها وغيرة زوجها الزبير رضي الله الشديدة
في طريقها وهي عائدة من جمع نوى التمر من شوارع المدينة المنورة صلى الله وسلم على ساكنها نبينا محمد
و شمسها المحرقة مر بها الرسول صلى الله عليه وسلم وعرض عليها أن ينزل عن دابته لتركب هي فقالت كدت أفعل إﻻ أنني تذكرت غيرة زوجي فرفضت الركوب ولما قصت القصة على زوجها قال لها أومن الرسول صلى الله عليه وسلم سأغار ؟
لكي منه 4 أوﻻد لن يغفروا لكي تركك لهم وﻷبيهم
هل تريدين زوجا تفصيل على القالب وهل أنتي كاملة ليس لديكي عيوب؟
 
اختي انا برأيي زوجك انسان جيد جدا الله يحميه ويوفقكم مع بعض...ماذكرتيه شيء عادي والحمد لله انو مابقصر وحنون وبحبكم وبصلي وبصوم..يعني الكمال لرب العالمين..زوجك لا بخونك ولا ناوي يتزوج عليكي موضوع الغيرة والقساوة مو موضوع كبير...وانوا يكون الرجال تفصيل متل مابدنا مافي...بقى حمدي الله وشكريه وحافظي على زوجك وبيتك الله ييسر امركم ويبارك لكم.
 
انا برايي انه بما انه يكبرك ب12 سنة فهذا وحده كاف لان يعتير نفسه الاذكى والافهم

والنقطة الاخرى التي تؤخذ بعين الاعتبار انك متزوجة بعمر صغير نسبيا ولكن انا ارى ان الغيرة هي محبة واهتمام



والدليل على ذلك عدم تقصيره تجاه بيته واولاده


فاتقي الله يا اختي ببيتك واولادك ولاداعي للذهاب لبيت اهلك او للحرد الذي انا ارى ان لامبرر له
 
الغيره مرض ومرض لا شفاء منه .. احتسبي امرك لله وعندك اولاد تربيهم وتحسني تربيتهم وهو مهتم فيهم وهذا امر جيد .. اصبري وركزي تفكيرك في تربيه الاولاد وانسيه ذهنيا تجاهليه عاطفيا فلا امل منه ومن محبته المريضه وتكيفي فلك اجران ..بل مئات الاجور
 
والله لو كنت حورية بالجنة ما كنت بتمنى صفات احلى من صفات زوجك بدون حسد والله يخليكن لبعض يارب .،.شو بدك احسن من هيك بحبك وبغار عليكي وكريم وما بيخونك ولي على قامتي هادا اكيد نازل من الجنة روحي صلي ركعتين شكر واحمدي ربك ليل نهار ما شاء الله قل اعوذ برب ﺍﻟﻔﻠﻖ


رأي صريح والله هههههه عجبني
 
و من الحب ما قتل هههه بس شو بدك تساوي هي طريقته بالحب عنده أنانية و حب التملك و هذا الشئ يرجع لك إذا شاعرة أن محبته مقيدة لك و لا تقبليها عليك بمراجعة حساباتك معه ﻷنه هو و غيره من الرجال يشعرون أن وجود 4 أولاد ممكن يقيدوا المرأة و لن تستطيع التحرك من بين ايديهم لذلك يتمادون بالضغط عليها بأساليبهم و هذا الشئ يرجع لك و لقدرة تحملك على متابعة الحياة معه و الله ولي التوفيق
 
انا برايي هاد بسبب فرق العمر بيناتكون غالبة الرجال لما بحسو انو زوجاتون لسا صغار ببلشو يغاروا انت ما عليكي غير ضلي تطمني انك بتحبي متل اول يوم وتصارحي بانك عم تدايقي من شكو فيكي وﻻ تفكري بالطﻻق عندك وﻻد وحرام تخربي بيتك معلش تحملي كرمالون وانا براي كل العيوب احتمال تنحمل اﻻ الخيانة وحتى هي بوجود الوﻻد بتنحمل رغم انو بصعوبة بس كرمال الوﻻد كل شي بهون مالك غير تصارحي بجوز انت عفوية يعني ما كتير بتنتبهي ع تصرفاتك كتير مالك غير الصراحة وﻻ تفكري بالطﻻق ابدا ﻻنو خراب البيت مو حل واتنمى من الله يهدي بالك ويريح بالك
 
النذق والغيرة طبعات لايمكن التخلص منهم وبما أنه كريم ومحب لعائلتة فحاولي أن تتعودي على هذا الوضع إناستطعتي وأنصحكي ألا تتركي البيت إلا إذا إتخذتي قرار ألا عودة
 
شو بدنا نحكي .. .؟

( بغار وعصبي ) .. و .. (انسان بيصوم وبيصلي ومخلص لبيتو والي وحنون على ولادو
ومابيقصر عليي وعلى بيتو بشي شو مابطلب بيجيبلي)
وحدة بوحدة
والخير هو الراجح .. وكتير ناس من هالنوع
لكن تحتاج إلى حكمة وحنكة بالتعامل معه

ومشكلة كتير من نساءنا بتتعامل مع الرجل .. ند للند
أو وحدة بوحدة .. أنا قدمت ولازم آخد
لو أننا نتعامل معهم لنرضي الله فيهم .. لانحلت نصف مشكلاتنا

لديك 4 أولاد .. هنا تقف كل الاعتبارات
الأولاد أولاً
والزوج تعتادين على طبعه .. وبحكمتك تكسبين ثقته

أنا أعتب على المرأة التي أصبحت أم لأربع أولاد .. ولم تتعرف حتى الآن إلى دوافع زوجها .. وأسباب انفعالاته

أنصحك بالقراءة الراشدة وحضور دروس دين .. وقراءة سيرة رسول الله (صلى الله عليه وسلم)
 
عزيزتي لا يوجد انسان كامل كل واحد منا عندو ايجابيات و سلبيات و بما انو عندو هالشغلات الجيدة لازم تتعودي على طبعو خاصة انو الك منو ولاد يعني لازم تضحي و عليكي بالدعاء و الله يوفقكم يا رب
 
اولا الحياة الزوجيه عباره عن تفاهم وثقه وعطاء ومحبه وتسامح وتنازل ثانيا الان زوجك طبعه صعب جدا ولكن اولا وقبل كل شيئ لازم تهديه وذلك خليه وأعرف انه أمر صعب ان يعمل تحليل الغده لانها مسؤوله عن الانفعالات ثالثا خلي المشاريب العشبيه الطبيعيه من بابونج او مليسه او نعناع او اي مشروب عاده بالبيت وخليه يفطر عسل والشوكلا للسعاده رابعا الان زوجك يغار عليكي لذا ان قدرتي تخليكي بأقوالك وأفعالك زوجه رائعه وعند غلطه بالكلمه الحلوه وضحي له وان خانق فخذيها بمزحه ومسايره وقولي له الله ماأروعك لما تمسح وجهك بالرحمن دوما وسمعيه وسمي عليه واخبريه ان صحتك اهم من مرضك وانت تخانق خامسا لما تخرجي من المنزل غطي وجهك و إمشي بالسوق مع زوجك حتي لا يغار عليكي وبعدين حد صحله ان يغطي وماحدا يشوفه وبقول لا والتغطايه حشمه وعلي الاقل ماحدا ببصبص عليكي سادا عقل زوجك صعب ويعتقد ان كلامه صح لذا النقاش والخلطه هيه من تغير تفكيره لذا خلي زيارات اهلك له واصدقاؤه هيه السبب في تغييره للافضل سادسا خليه يتابع انتي وهو مسرحيات القديمه ودلليه حطيلوا مكسرات ولما يكون مبسوط اخبريه انكي دوما تدعي وسمعيه إياها ان الله لا يحرمك منه ودوما إفتكريه بهديه بسيطه وقولي له ماأروعك ونت سعيد وحاولي ان تتفاهمي معه بالكلمه الحلوه علي كل شيئ سابعا دوما اخبريه ان العصبيه تولد الضغط والضغط بخوف وخففي له من المنبهات وخوفيه من الامراض وراء عصبيته ثامنا الدعاء سلاح قوي ويغفل عنه الناس لذا كل يوم من قلب صادق إدعي اللهى له بما تحبين وتوكلي علي الله وطلعي صدقه وشوفي الكرم واخيرا زوجك لن يتغير إلا بدعائك وتوكلك ومخالطة الناس وبذات الاهل والاقارب ومشاهدة التلفاز فهيه تغير بطبيعة البشر ويأخذ منها الجيد
 
الغيرة ضرورية بالحياة الزوجية وهو لمى يقلك لا تضحكي او تتلفتي كتير بالطريق ما فيها شي وانا كمان بقول لزوجتي هاد الحكي لانو اختي الكريمة الانثى سواء كانت متزوجة او عزباء فاي حركة تصدر منها بالطريق محسوبة عليها ولازم تنتبه . وبرايي انك تستغلي الاوقات اللي بيكون فيها زوجك هادي ومروق وحاكيه بهداوة ولا تحاولي تعانديه او ترفضيلو طلب , ممكن تكون غيرتو زايدة شوي بس اكيد لانو بحبك , وادعي الله يهدي سره ويخفف عصبيتو
 
الوسوم
بس بيغار حنون زوجي صعبة عليه كتير وعقليتو وكريم
عودة
أعلى