خطيبي بيلف وبيدور وعم فكر اتركو ..انصحوووني

  • تاريخ البدء
صفا النعمان

صفا النعمان

الادارة
طاقم الإدارة
السلام عليكم
وردتني هذه المشكلة
السلام عليكم : أنا صبية عمري 21 سنة .. مخطوبة تقريباً من 4 أشهر .
ومكتوب كتابي
هو موجود بمدينة وأنا بمدينة تانية ,, شفتو لفترة الشهر الأول من الخطبة فقط
وعأساس يجي زيارات ليشوفني وبقينا ع تواصل عالهاتف بس .
بداية حسيت انو هو شخص مناسب لإلي حسب المواصفات اللي عرفتا عنو ( بصلي . ما بدخن , مهتم بعمله , صاحب إرادة )
بعد بفترة بلش يظهر غيرتو من دراستي ودوامي بالمعهد .
مع انو بداية ما كان عندو أي مشكلة .. خلال فترة فحصي إذا كان بيدقلي وما رد عليه ( كون مو منتبهة ) يعملي قصة طويلة عريضة
,, وبنفس الوقت دقلو انا وما يرد عليي وممكن يبقى لفترة يومين بدون ما يرد ولما يحاكيني يحكي عادي ولا كأنو صاير شي ويقلي مشان خليكي تشتاقيلي ( طبعاً هاد مو سبب مقنع )
وقلو انو هيك بتخليني اقلق عليك اكتر ورغم هيك رجع كرر القصة اكتر من مرة .. هالشي أثر على دراستي بيمر عيد ميلادي بيكتفي بس بمعايدة عالجوال مع العلم كان واعدني انو يجي
كذب عليي بكتير شغلات وحسيتو عم يلف ويدور وعرفت عنو انو صلاتو مو راكزة وطلع بدل الدخان بأركل
يمكن ما قدر يوفي بوعودو إلي لأنو أهلو ضاغطين عليه ,, بس بنفس الوقت عمرو 27 سنة يعني مانو ولد صغير لحتى يكون قرارو من قبل أهلو
هلأ ما عم نحكي من فترة أكتر من 15 يوم لأنو هو بمكان عمل وما عندو تغطية قلتلن لأهلي انو اذا بيجي بدي حط حجاب لأنو أنا ما عندي شعور بالأمان تجاهو وما بقا عندي ثقة فيه
( وعدني لأكتر من 5 مرات متتالية انو يجي لحتى نشوف بعض وما اجا ) ووصلت لدرجة حسيتا أسوأ من وعودو اللي ما عم تتنفذ يللي هي انو مالي متوقعة منو يعمل شي ممكن يسعدني .
مقررة هلأ انو أنا ما بقا بدي ياه .. ما بناسبني شخص بيلف وبيدور لأنو اللي فيو طبع ما بيتغير وما فيني عيش مع شخص ما بثق فيه
, وبنفس الوقت حاسة انو اذا بدي اتركو رح كون مظلومة لأني ما شفتو منيح عن قرب
يمكن ك قراءة لرسالتي يمكن تفكرو انو ممكن يكون عندو علاقة مع حدا .. بس أنا متأكدة انو ما عندو أي علاقة لا هلأ ولا قبل آسفة كتير عالإطالة ..
بتمنى تساعدوني وتعطوني رأيكم ولكم جزيل الشكر والامتنان .

1396958924851.jpg





 
بسم الله الرحمن الرحيم
دون أدنى تردد
ﻻ حاجة لكي به غير مأسوف عليه
عوضك الله خيرا منه
فهذا الزواج إن تم مصيره الحتمي الطﻻق فهكذا زوج ليس أهﻻ لتحمل المسؤلية
بناء اﻷسرة السليم يحتاج طرفين أسوياء
 
لا تسالينا .. اسالي الله و استخيري
و شاوري اهلك
و سبحان الله الاستخارة مو انك تشوفي منام يعني مو ضروري ابدا تشوفي .. لاء يا بتلاقي حالك يا كملتي يا فركشتي
بس انا سعيدة لانك واعية
و الخطبة فترة لنعرف هل نكمل ام لاء
في بنات اهم شي ينخطبو و بتلاقي الف علة بالعريس و مع هيك بتبقى معه خاصة لو حبته بالاخير بتجي كل حياتها مآساة

الله يختار لك الخير يرضيكي فيه
 
شوفي انتي اعطيه اخر فرصة له وقولي له انه يجب أن يأتي ليراكي وان ما أجى وما أعطاكي مبرر يخليكي تسامحيه فيه لا عد تحكي معو وبعدين ان كان أربع أشهر خطبة صار فيها هيك توتر كيف بعدين أنا رأي عدي مع نفسك وصارحي نفسك هل هذا الانسان يصلح لك زوج او أب لأولادك وكوني صادقة مع نفسك قبل كل شي
 
هاد الشب هيك طبعه٠٠ما عنده أهتمام وياحرام كتير رح يتعذب بحياته لأنه ما بيعرف انه الأنثى بتحتاج الأهتمام والحب أكتر من الخبز والمي٠٠وغير هيك الواضح انه فعلآ عنده حركات غير سوية متل موضوع الكذب واللف والدوران٠٠الواضح انك مو مرتاحة ابدآ لهل انسان ومبين من حكيك هل شي٠٠انتوا بعدكم بأول الطريق ٠٠أصحك تقولي الزواج بيغيروا٠٠هاد الأنسان مو سيئ كتير وممكن ينصلح بس هو بلذات ما بيناسبك لأنه عقلك ما عم يطبق على عقله٠٠٠انت انسانة رومانسية وعاطفية وما بتحبي إلا الصراحة والاستقامة وهو انسان جاف غير مبالي وعنده حركات ماعم تعجبك٠٠٠هل شغلات كفيلة لتهدم أي علاقة ف خليها من أول الطريق أسلم٠٠٠٠٠هاد رأي الشخصي وأنت بعدك صغيرة والمستقبل والنصيب بعدهم من يمك٠٠وهو شخص بيجوز يلاقي انسانة تتوافق مع أهوائه إذا تركتوا٠٠٠٠٠والله يقدملك لي فيه الخير
 
عزيزتى واضح انه معتبرك امر مسلم به مهما بعد او اساء التصرف معك ضامن انك ستسامحيه وخوفه من اكمال دراستك هو خوف ان تصلى الى وضع فيه استقﻻل عنه واضح انه سامحينى على هذا التعبير يقوم حاليا بترويضك لتصبحى بعد الزواج مسالمة وتحتملى كل افعاله ورغم ذلك حتى لا تشعرى انك ظلمتيه عليك باﻻستخارة وفقك الله لما فيه خير لك او لغيرك
 
السلام عليكم ... انا رئية انك تقدري ظروف عمله وشغلة وتشوفي المانع اي قبل ما تحكمي باي حاجة تندمي عليها قبل كدا انتي في الاول قلتي انه مناسب ليكي وبعدها قلتي مش مناسب ع اي اساس الكلام اللي قلتي كلها مش سبب مقنع خالص يعني علشان تقلي اسيبه انتي لازم الاول تقدر ظروفه اكيد عنده موانع بتخلي يخلف وعده .... اما بخص قلت الكلام في الفون معاكي هو ع كلامك ملوش اي علاقات قبل كدا فعديم الخبره يعني متصور انه لما مش يرد عليكي انتي تشتقيله اكتر وتحبي اكتر فانتي مش تتسرعي ومعلش كلامك متناقط جدا الاول مناسب مع ان الانطباع الاول يدوم وبعد كدا مش مناسب لاسباب معش يعني مش مهما نهائي عدم الرد ع الفون ده مش سبب السبب التاني ممكن انه بيوعدك يجي ومش بيجي ده سبب ممكن نقول علية سبب مقنع لان ايه المؤمن ثلاث اذا حدث صدق واذا وعد وفي واذا اؤتمن ادي الامانه هو ده السبب المقنع الوحيد لكن اذا كان في عزر او مبرر خارج عن ارته فنتي لازم تعزري اما بخصوص الغيره فدي حاجة حلوة لان غيرة الراجل دليل ع الحب الزيادة بس ممكن انتي تكلمي وتقنعي تتفهمه مع بعض وتقنعي يا اختي وان شاءا لله ربنا يصلحلكم الحال لو انتي شفتي الموضوع من جميع النواحي هتلقي حل مش تتسرعي نهائي علشان مش تندمي ... واسف ع الاطالة ... والافضل من كل ده صلاة الاستخارة وربنا يسعدك ويسعد الانسان ده
 
استخيري الله في امورك سيختار لك ما هو خير ..لا تتصلي به في الوقت الحاضر حتى يتصل بك وتطلبي ان يأتي متى استطاع دون اصرار وتصارحيه بكل ما يقلقك منه ..انتظري حتى تري ردة فعله ..ربما هناك ظروف في عمله ومكان اقامته ..لا تحكمي عليه من ظواهر الكلام
 
بيقولو البعد جفا ..عطيه فرصة احسن الك والو بالاول لانو كان قريب منك كنتي شايفة محاسنو وهلا لانو بعيد عنك عم تشوفي مساوؤو ...بيجوز ظروف عملو صعبة الله يكون بعون شباب هالايام
 
ماشاء الله عليكي !!! بنت واعية وواضحة وتعرفين جيداً ماتريدين ,, ولهذا فقد سألت وأجبت بنفسك ,, يجب أن تجتمعي به ولفترة معقولة حتى لا يكون حكمك عليه قاسياً متعسفاً أعطه فرصة أخرى وحاولي تمديد الخطبة لبعض الوقت ربما كان هناك ظروف وراء تصرفاته هذه ,, ثم بعدها قرري ,, نور الله قلبك وعقلك وهداكِ لما فيه خير
 
استخيري ربك و تصرفي ع هل اساس بس برأيي هيك شخص ممكن يكون مالو ضوابط بحياته اذا ما عم ينفذ وعوده و فتره الخطبه ههي الفتره الذهبيه فالمفروض تكونو متل العسل و ما تساورك كل الشكوك و المتاعب استخيري ربك و استشيري اخلك لان الزواج مو متل اذ شي تاني هي حساه بدك تعيشيها و ربي يلهمم الحكمة
 
طبعآ انا أعطيت رأي بأول التعليقات٠٠بس حابب ضيف أشيا وبشكل عام٠٠يعني بنات هل ايام بدهم شب وعريس تفصيل على قد مقاسهم ورغباتهم ولا يكون فيه ولا علة ابدآ وكأنه منزل من السما٠٠مابدخن ابدآ ولا حتى بأركل وبيسمع الكلمة وبينفذلهم كل طلباتهم عل ندهة٠٠وياريت يكون مستقل وما بيعمل أي أعتبار لأهله لأنه هو واعي وبالغ ورجل حقيقي٠٠٠ومأمن حاله من مجميعه٠٠٠وأهم الشي يكون حليوه٠٠٠٠ومن شان ما أظلم الصبايا٠٠٠بحب أحكي للشباب٠٠انه لا يكون همكم بلبنت يلي بدكم تخطبوها جمالها الصارخ ولا أنه تكون من أحسن وأكبر عيل البلد٠٠٠أو انه تكون ست بيت من الطراز الرفيع٠٠٠أو هية كمان من الندهة بتكون حاضرة٠٠أو عمرها ٠٠٠يا جماعة في شي أسمه أخلاق وتفاهم وانسجام٠٠وضروري حتى تستمر الحياة نغض بصر عن بعض المساوئ الصغيرة المقبولة يلي ممكن نقدر نغيرها أو نعدلها بطريقتنا مع شريك حياتنا٠٠٠برجع بحكي هل كلام ماله علاقة ابدآ بصاحبه المشكلة وقصتها٠٠٠هية ألها وضع أستثنائي عطيت رأي فيه سابقآ
 
شعور عدم الراحة معو يكفي انك تتركي استخفافوا بأتصالاتك وعتابة علي تأخرك وغيرتوا من دراستك هب اهم قصة لان لزم يشجعك لا تتسرعي بالزواج للتأتأكدي الغيرة من نجاحك يمكن يكون يغار من روحتك لعند أهلك بدك تنتبهي حتي تأخروا علي الرد علي تلفوناتك هاد نوع من العقاب او الأهمال لمشاعرك ادرسي شخصيتوا منيح وطباعوا واختاري القرار بس انا مكانك بتركوا لان الأهتمام مفقود بفترة الخطبة كيف اذا تملكك وصرتي زوجتوا
 
اتركيه فورا الان و سوف يعوضك الله بمن هو كفوء لك و يدعم تفوقك و نجاحك ولا يغار من دراستك او عملك! هذا الشخص يبدو انه يعاني من عقد نقص كثيرة سيسقطها كلها عليك فيما لو تم الزواج. لا تظني انك تظلميه لأنك في الواقع اكتشفتي انه كذب في أشياء ( او لنقل انه أخفى حقائق ليبدو افضل من الحقيقة) و هذا في حد ذاته خداع و مراوغة ثم ان تكرار الوعود و عدم تنفيذها هي عملية تجريبية الى اي حد ممكن تتحملي و عدم زيارتك او الرد على مكالماتك الغرض منها أشغال تفكيرك به بدلا عن المذاكرة و بالتالي يتأثر مستوى دراستك ( واضح هنا انه يغار من الدراسة و الشهادة )

أنتِ لا تظلميه ، و الأجدر ألا تظلمي نفسك مهما كان السبب! توكلي على الله و اتركيه . و الله المستعان على كل حال . دعواتي لكِ بالتوفيق
 
بنصحك ياحبيبة قلبي انك اذا حاسستيه بيلف وبيدور ومالو واضح بحياتو واﻻهم انو ماعندو اسلوب بالتعبير وﻻ اهتمام باﻷمور يلي انت بتحبي انو يهتم فيها (كعيد ميﻻدك) صدقني انو مارح تقدري تﻻقي السعادة يلي بتتمنيها وخلي باعتبارك انو فترة الخطبة اذا ماكانت مريحة فحتى بعد الزواج مارح تﻻقي الراحة رأي متواضع بس سألي مجرب
 
الوسوم
اتركو انصحوووني بيلف خطيبي فكر وبيدور وعم
عودة
أعلى