نفسي حدا يحطني ويفهمني شرعا وعقلا ومنطقا ووقائعا شو هية الاصابة بالعين؟!

  • تاريخ البدء

صفا النعمان

الادارة
طاقم الإدارة
نفسي حدا يحطني ويفهمني شرعا وعقلا ومنطقا ووقائعا
شو هية الاصابة بالعين؟!


يلا تابعو معنا وجهات نظر قيمة وحلوة وان شاء الله تنال اعجابكن وتقتنعوا مع الاخصائية لارا
لانو بجد موضوع بيشغل الاكترية ...
Lara Al-Barazi
 
شرعا الأحاديث كثيرة حولها ... عقلا ومنطقا اي حدا بتلاقي اموره ميسرة بدرجة كبيرة وفجأة بدون اي اسباب مبررة تدهورت للأسوء ... وقائعا التقيت من فترة بأم مسكينة عندها ولد عمره هﻷ 28 كان يدرس بكلية الطب ومن المتفوقين وهو في السنة الثالثة وكل الناس تغبطها وتحسدها على ادبه واخلاقه وتفوقه وعلمه وفي يوم كانوا باجتماع عائلي ورآه شخص مشهور عندهم انو بيصيب بالعين وبس شافو قال للمرأة كلام يدل على حسده للولد وبشكل واضح ومعلن ومن يومها الولد تدهورت احواله ، ترك الدراسة واصبح عاقا بدرجة فظيعة وأصبح عالة على اهله بكل شيئ
 
هي الحوادث بالذات يا ...يلي ماعم استوعبها.. أن ليش مثلا مايصيبو اسرائيل بهالعين تنخرب ع ناسها أو ليش في متفوقين مابيزصابو بالعين يا ترى في خلل عند هالشخص حتى اتدهور ولا بس عين وخلصت وخلصنا
 
متل ما كلنا منعرف العين حق..وممكن الواحد يصيب شخص عين وهو مو بإيدو وحدة شافت مع وحدة خاتم حلو بتقلها واو شو حلو خاتمك بعد فترة صغيرة بتلاقي الخاتم طق وبدون سبب....
مثلا شخص مدح بشخص ما قوتو البدنية بعد فترة بتلاقيه صار يتعب عأقل حركة ...هاد مفهومي للعين ومابعرف إزا صحيح بس هاد اللي بشوفو...
 
لا هو الخلل بصاحب العين وليس الخلل بالمعيون وحتى في كتير شيوخ بيقولوا قد يكون الحاسد لايعرف انو هو عندو هالقدرة بالحسد واحيانا يصيب الحسد اهله وولده ... اما ليش بتصيب ناس وناس ﻷ فلحكمة من رب العالمين والحديث الشريف واضح ' لو اجتمعت اﻷمة على ان ينفعوك بشيئ لن ينفعوك الا بشيئ قد كتبه الله لك ، ولو اجتمعت على ان يضروك بشيئ لن يضروك الا بشيئ قد كتبه الله عليك ، رفعت اﻷقلام وجفت الصحف ' واسرائيل ابتلاء من رب العالمين للامة الإسلامية اذا الرسول صلى الله عليه وسلم ما سلم من اليهود نحنا رح نسلم منهم ؟!
 
وانا رفيقتي قالتلا وحدة عيونك بجننو طالعين .. انعمت بساعتها وبطلت تشوف .. وبالنسبة لاسرائيل وغيرها العين بتكون الاعجاب بالشغله بدون ذكر اسم الله عليها.. وبالنسبة للمتفوقين اذا كانو بحصنو حالن وبيقرو القران فاكيد ما بينصابو بالعين
 
اوكيه، هذا الحكي ماعليه اختلاف

بس بتلاقي حدا مابيترك الأذكار والأوراد والقرآن الكريم
وبيقول انصبت عين
طيب العين معقول تكون أقوى من القرآن؟

أو حتى ممكن اسأل بطريقة تانية
أن يا ترى نحن كبشر عنا الصلاحية لنحكم أن هي عين أو حسد أو يلي هو
ولا علينا بس نتحصن وتشخيصها نتركه لرب العالمين
 
مسكينة عملت عملية وصارت بتقر تشوف فقط لقدام متل يلي حاطط ناضور ما بتقدر تشوف لفوق وتحت والاطراف .. يعني لو عم سلم عليها ومادة ايدي ما بتشوف الا وشي ايدي ما بتقدر تشوفا لتكون بمستوى عينها
 
فعلا في ناس عندهن هالسوسة سوسة العين ومنهن زوجي شو ماصار شوووووو ماصار بيقول عين ..
ولادي بفضل الله قليلة مرضاتهن وبس يمرضوا بيقلي عين عم تحصني الولاد أكيد ماعم تحصنيهن هههه وعلى هالحال...
 
هلق برأيي العين هي لما بتوقعي او بتمرضي او حتى بتتفشكلي بنط حدا بقلك عين وصابتك اسم الله عليكي
فبتحسي بنشوة انه والله انا موضع اعجاب والناس عبتحسدني
فبدال ما تزعلي عالوقعة يلي اكلتيها مثلاً بينتابك شعور بالرضا والسكينة وبتابعي يومك بايجابية
 
برأيي وكنت دايم افكر بهالموضوع ان صحيح الواحد ممكن يتحصن بالأذكار والقرآن لكن طاقة الحماية اللي فيها ممكن تعتمد على قوة إيمان الشخص بحمايتها
فلو كان عنده ولو شك بسيط انها ما بتكفي هذا بيفتح ثغرة بالمناعة وبيسمح لقوة العين تأثر عليه وممكن تكون عينه هو نفسه
يعني مثل ما بيحسد المال إلا اصحابه فيمكن يكون هو حاسد نفسه لما واحد بيقوله شغله بينتبه فبيصير معجب بنفسه ههههههه
فبظني مثل اسرائيل اذا بيهم قناعة داخلية بعدم تأثير هالاشيا وما حطوها ببالهم فهذا كفيل يعمل حاجز طاقة اقوى منها
هي حقيقيه لكن برأيي الشخص ممكن يصنع حاجز اقوى منها وبالنسبة لنا الحاجز مرتبط بالثقة بقوة الله وبالعلامة كلما صدقنا الثقة قدرنا نمسك زمام كثير من الأمور
 
كيف لمثل هكذا انسان سيء ( الذي يصيب بالعين ) أن يمنحه الله تبارك وتعالى هكذا قوة خارقة ... برأيي تحصين أنفسنا وأولادنا بالأذكار والقرآن الكريم بشكل يومي كافي ...
 
عزة، في ناس غير مؤمنين أصلاً ومابتسترجي العين تقرب عليهم
شوفي هالمغنيين الأجانب مثلا، شكل ومال وجاه وشهرة ولافي أذكار ولا شي ليش ليتركوهم صييبة العين ويلحقو حدى درويش معتر مسكين دوبه عم يسند حاله، والله شغلة!!

آية، ممكن ما يكون سيء، يمكن أم تصيب ولادها!!
 
مجرد قول واجتهاد على حسب خبرتي ودراستي للامور
انا مابقول عنها عين او سحر او حسد او لبس ومابحب فوت بالتفاصيل الدينية لكن كل بلي بعرفو انه لايجتمع الطين والنار ..
هي طاقات سلبية من الاخر نتيجة نظرتنا لماعند الاخر وعدم قناعتنا بمالدينا من نعم .. وكل ماكانت طاقة ونظرة الشخص ايجابية دينية وتفائل بالخير كلما كانت حياته اجمل .اما التذمر والتأفأف والكآبة وندب الحظ والمعيشة يلي كل وقت منحكي فيه هاد اكيد لح تزيد الهالة والنظرة السلبية للحياة والمعيشة ويلي لح تعب صاحبها اكيد .. وبتوهم بدخول العين والحسد و و و وبتلاقي مافي شي ينحسد عليه ..
علينا نزيد ثقتنا بربنا وديننا ومن ثم بأنفسنا ونتحصن ونعزز الانا الايجابية بالتفاؤل بالخير وبان الله هوي القادر على تغير حياتنا للافضل ..
"انا عند حسن ظن عبدي بي فليظن بما يشاء"
والله اعلم
 
الوسوم
الاصابة بالعين؟ حدا شرعا شو نفسي هية وعقلا ومنطقا ووقائعا ويفهمني يحطني
عودة
أعلى