أنا فتاة عمري 33 سنة
من حوالي ثلاث اسابيع تعرفت على شخص من موقع للزواج على النت طبعا بهدف الزواج وحكى معي كم مرة واكتشفت انه في صفات حلوة يعني انسان مثقف محترم بصلي بحترم المراة وبعاملها كويس هاد من خلال كم تلفون يعني على اساس أنه أنا أهلي خارج البلد ورح يرجعو بعد أسبوعين فأنه ازا بتحب تجي لعند أهلي بس يجو
لكن هو كان بده انه أحكي معه دايما وأنه نشيل الحواجز وصار يسالني عن تفاصيل خاصة منشان نقرب لبعض لكن أنا قلتله أنا بفضل هاد الشي يصير ضمن الأصول لبعد ماتجي عنا ويصير خطبة
المهم ضلينا شي اسبوع ما حكينا مع بعض صار يقلي انت مو مهتمة
وجافة وعم تحطي حواجز فقلتله أنا انك لسه ماصرت خطيبي كيف بدك أتعامل معك وكأنو مخطوبين
المهم بعد اسبوع قلي انه انا مابحب هيك يكون التعامل والله يبعتلك نصيب أحسن
شعرت شوي بقهر لأنه كانت مو اصفاته جيدة لكن صرت أسأل حال يعني أنا الغلط مع أني تصرفت بعقل ولو أنه عاجبني وهو عم يقلي اتركي الامور تمشي والمشاعر تتحرك بس حسيت بتأنيب ضمير انه انسان غريب
بتمنى تفيدوني بهالموضوع وأعرف شو الغلط؟؟
