لولا البكا ( حامد زيد )

الامين

مؤسس و مدير الموقع
طاقم الإدارة
لولا البكا ماينشرح خاطر ولاينزاح ويل


خل الكدر يطفي سعير الليلتين اللي خلت







دام العيون اللي ااهملت تشفي القليل من الغليل


الله يبارك بالعيون اللي ليا ضقت اهملت





دمعة قهر تثبتلي ان اللي يحبوني قليل


ولاضحكه بوجيه ناس لا تضايقت انكلت





البارحه يوم الهموم تحط بالصدر وتشيل


والشاهد الله ماحبست بمحجري دمع وفلت





الدمعه اللي ماتهز صدور ربعي لاتسيل


اكنها مثل الجمرولايقولون انزلت





اللي وهو مافزلي كنه محملني جميل


اجيه برجولي عشان اشكي له الحال ؟اكملت





ماكل من شافك قوي يفرح ليا جيته ذليل


الناس لا من حست بضعف الشجاع استنذلت





بعيونهم ببقى مثل مال لهبوب من النخيل


على كثر ماضامها صفق اللواهيب اعتلت





وشلون احس ان العذاب اللي على متني ثقيل


وانا ادري ان اللي تصبرني على الحزن وصلت





معشوقتي لاضاق صدري من ليالي الحزن ليل


ياكثر ماشربت معي من علقم الحزن وكلت





معشوقتي ما للفرح برجوعها يمي سبيل


الا مثل مال لربيع من الزهور لي اذبلت





معشوقتي من عمر جيل ومدرسة مليون جيل


معشوقتي ورث السنين اللي تجلت وانجلت





اللي على كثر المصايب كل مافيها جميل


الناس لا كبرت تشين وذيك لاكبر تحلْت





لامن تثنت للهبوب تميّل اللي ما يميل


وان مالت عقول الخفاف من الرياجيل اثقلت





كن الكلام بثغرها مجرى سبيل للسلسبيل


مسترسله لو ماضميت ولو ضميت استرسلت





تقبل على لون المسا لاجات مفتوله جديل


غصبن عن عيون النسا مايرمشن الي اقبلت





عشقتها لاني من اللي يعشقون المستحيل


صدقتها لانها لي قالت القول : افعلت





الترفه اللي تنطح الفريس وتفك الدخيل


ما الرجال اللي تحملني مثلما استحملت





لو كل خلق الله ملوا ما تمل وما تميل


لان الرجال به الزمن قلو وهذيك استرجلت





ان كان وقفتهم معي من باب مايخدم بخيل


هذيك ماهيب وقفت جنبي هذيك تبهذلت





خانوا وهي ماهونت عالوا وعيت لاتعيل


تبدلت كل الوجوه وذيك ماتبدلت





لانه ليا عز الرجا ما للخليل الا الخليل


ماقد قرت في محجري قصةعن الحزن وسلت





كل الذي يجري معي يجري مع الطرف الكحيل


اليا رضيت ترضى عشاني وان تزعلت زعلت





تدوي بخفاقي دوي لين احيت الحلم القتيل


عشق بدويه لبدوي لاجت على البذل ابذلت





معها عرفت اني قوي حتى وانا مافي حيل


واعدها بمية خوي كان الهموم استفحلت





دام الشدايد تكشف بـ صاحبك معدنه الاصيل


ليت السنين اللي حدتني على الضياع استعجلت





الشدخ اللي تثبت ان اللي يحبوني قليل


ولا ضحكه بوجيه ناس لي تضايقت وانكلت





بنت اليا طحت تشيلك من القاع شيل


ابرك من وجيه الرجالاللي ليا طحت جفلت


/


.


/



رائعة الشاعر الكبير حامد زيد ولسماع القصيدة


لولا البكا ( حامد زيد )
 
عشقتها لاني من اللي يعشقون المستحيل



صدقتها لانها لي قالت القول : افعلت

general

ابيات روعة لشاعر اروع اقف عاجزة امامها لما تحتوي

من مشاعر واحساس رااااااااائع

تقبل مروري
 
دام الشدايد تكشف بـ صاحبك معدنه الاصيل



ليت السنين اللي حدتني على الضياع استعجلت

شادي

تسلم على اخيارك وزوءك
 
كل الذي يجري معي يجري مع الطرف الكحيل



اليا رضيت ترضى عشاني وان تزعلت زعلت




روووووووووووعه مشكور جنرال ماننحرم من جديدك ........#
 
الوسوم
حامد زيد لولا البكا معشوقتي
عودة
أعلى