حدوته لطفلك

رشا

الاعضاء
كان يامكان مايحلى الكلام الا بسيرة النبى عليه الصلاة والسلام

كان فيه راجل غلبان اسمه عم جحا.. عم جحا كان بيشتغل حطاب كل يوم الصبح يروح الغابه ويقطع الشجر وياخد الحطب بتاع الشجر يبيعه.. كل يوم على دا الحال وكان بيكسب فلوس قليله
في يوم من الايام عم جحا باع حطب كتير وكسب فلوس كتير .. عم جحا اخد الفلوس وراح لمراته قالها انا كسبت فلوس كتير تحبى اجيبلك ايه.. مراة عم جحا قالتله ياجحا انا نفسى اكل لحمه او فراخ من زمان مادوقتهاش نفسى اكلهمابتسامة
عم جحا قالها حاضر انا حالا حنزل السوق واشترى اللى انتى عايزاه
وفعلا عم جحا خد بعضه وراح على السوق عشان يشترى لمراته اللى هى عايزاه
عم جحا بيبص كدا لقى واحده قاعده وبتبيع فراخ قام سئلها بكام الفرخه ياست
الست قالتله الفرخه ببلاش دى بتاعتك ياجحا خدها ليك
جحا استغرب من كلامها قالها بتاعتى ازاى.. قالتله هى بتاعتك خدها ببلاش بس حنصحك نصيحه
انك ياجحا ماتدبحهاش لازم تستفيد من البيض بتاعها الاول
جحا اخد الفرخه وهو فرحان وراح لمراته.. مراته كانت حتدبح الفرخه بس جحا منعها وقالها لاء خلينا نستفيد الاول من البيض بتاعها اللى الفرخه حتبيضه
تانى يوم الصبح جحا راح شغله وقعد يشتغل وهو بيشتغل بص لقى مراته جايه بتجرى وبتنادى عليه وبتقوله ياجحااااااا
جحا استغرب جدا وسئلها فيه ايه وايه اللى جابك .. مراته قالتله شوف ياجحا الفرخه باضت ايه؟!!
جحا بيبص على البيضه لاقاها بيضه دهـــبواو
جحا فرح اوووى واخد البيضه الذهبية وراح بعها وبفلوسها اشترى لبيته ولمراته حاجات كتييير
كل يوم على دا الحال الفرخه تبيض بيضه دهب وجحا ياخد البيضه ويبيعها
في يوم من الايام جحا فكر وقال ليه انا مافتحش بطن الفرخه واخد كل البيض الدهب اللى موجود فيها
هو انا لازم استنى كل يوم الفرخه لحد ماتبيض لاء انا حفتح بطنها واخد كل البيض..
وفعلا جحا مسك السكينه ودبح الفرخه وفتح بطنها.. يفتش يمين شمال يلاقى بطنها فاضيه بقى حيتجنن ازاى مافيش بيض دهبحزينة
مراته جت وقالتله انت عملت ايه ياجحا ازاى تعمل كدا .. جحا رد عليها وقالها انا طمعت وعرفت دلوقتى ان الطمع يقل ما جمعباعيط
وتووته تووته نومه حلوه لكل ولد وبنوته
 
الوسوم
حدوته لطفلك
عودة
أعلى