ضممتك حتى قلت ناري انطفت فلم تطفى نيراني وزاد وقودها

  • تاريخ البدء

خالدالطيب

شخصية هامة
ضممتك حتى قلت ناري انطفت فلم تطفى نيراني وزاد وقودها

ضممتك حتى قلت ناري انطفت فلم تطفى نيراني وزاد وقودها

((بداية القصة))
كنت امشي بدون هدف في شوارع لوس انجلوس وان صح التعبير ضايعة في طيات الامكان محد اهتم فين اكون اوانابخير
كل واحد همة نفسة لاغير لااب يسائل عن حال بنتة ولا ام تنسيني هموم الحياة القاسية
تربيت في ظل ابو ظالم طاغية همة الفلوس وسمعتة ومكانتة الاجتماعية امي ماتت بعد ماجابتني بساعة
تزوج ابوي بوحدة نسرة اسمها هدى وبدت ايام التعذيب كان ابوي يصدقها بكل حرف تقولة وانااخد الطق
جلست على اقرب كرسي وبيدي جريدة اليوم قعدت ادور على وظيفة جزئية محترمة وراتبها سنع
دورت ودورت واخيرا رسيت على اعلان مضمونة ""العمل في مقهى من الساعة 7صباحا الى 10 صباحا او من الساعة 8مساء الى 11مساء والراتب
900دولاراذااردت العمل توجة لشارع .....يوم الغد الساعة10 صباحا ملاحظة هامة:يتم توظيف الفتيان فقط!!!!""
اخيرا شيئ محترم مضيف في مقهى وراتب شبة سنع يبغالي الحق من بكرة على الشغل
رجعت السويت الي رماني ابوي فية توجهت للحمام اكرمكم الله اخدت شور دافيئ ولبست بجامة مريحة وقت الجوال على الساعة9ونص الصبح ""لازم اكشخ قبل لااطلع""
غطيت في نوم ينسيني شوية من هموم الدنيا
<لكل حكاية بداية وراح نعرف بداية حكايتنا >
نزلت من الدرج المصنوع من الرخام الفخم توجهت لغرفة الطعام فتحت الباب لقت ابوها وهدى ياكلون
":صباحو بابا ""رحت وسلمت على راسة ""
راشد:صباح الخير
هدى بوخز:صباح الخير ياريان
ريان:اوة اسفة منتبهتلك صباح ""وبصوت واطي""الهم والغم
هدى""بابتسامة مسطنعة:قلتي شيئ حبيبتي
ريان""حبك عفريت متشنج"":لاحياتو ماقلت شيئ
راشد:السواق يستناكي برة ياست ريان""وبانظرة حادة""ياويلك لواسمع انك غبتي عن المدرسة مرة ثانية زي البارح ""وبصراخ""مفهووووم
ريان""نزلت راسي بقهرر كلة من تحت راسها الحية ذي هية الي قالتلة اني غبت ياعساها الماحي"":مفهووم يلا عن اذنك بابا لازم اروح المدرسة
طلعت جناحي عشان البس مريولي كان جناحي الوانة صيفية تفتح النفس لكل شيئ رحت للكبك وطلعت مريولي لبستة واتجهت لتسريحة فتحت شعري الطوييل
وبديت الفة بالفير خلصت اخيرا ولميتة بكليبس صغير اخدت قلوس وكحل وبديت احط فيهم خلصت اخيرااا من الكشخة اليومية
لبست جوتي تفاحي وساعة بيضة نعومة وفي نفس الوقت راقية لبست عبايتي اخدت شنطتي من على الارض ونزلت وقبل لااوصل للباب الرئيسي
تلثمت وخرجت شفت السواق يستنى برا دخلت السيارة ريان:السلام عليكم ورحمة الله
سام:وعليكم السلام ورحمة الله
ريان:سام ممكن تمر على ستار بكس تشتريلي ثلاثة كابتشينو وثلاثة كروسان
سام:حاضر
فتحت جوالي وعلى طول اسم وسنوة في وجهي رديت:هلا باوسن
وسن:هلا فيكي ها خرجتي
ريان:يب يب ترا البريك فاست عليا اليوم
وسن:اكيد موكان عليا امس
ريان:قسم انك مشفوحة المهم باتصل على راما ياويلك لوتتاخري فاهمة
وسن:اوكي سيو
ريان:سيوو تو
خلصت من الهبلة وسن واتصلت على المربوشة راما
ريان:سلاام
سمعت صوت رجال غريب توترت لانو هذا رقم راموة ومتاكدة انو رقمها كيف يطلع رجال
الرجال:وعليكم السلام
ريان ""بصوت مرتجف وباين علية التوتر"":هذا مورقم راما
الرجال:الا هو
ريان:طيب اعطيني هيا
الرجال:راحت للمدرسة بدري
ريان""تكلمت بلاوعي"":الحيواانة ولاتتصل
الرجال:...<<لاتعليق
ريان""اتبهت لنفسي يووة ذحين وش بيقول"":يلا مع السلامة
""قفلت الخط قبل لااسمع ردة""
ريان:والله ياراما لمسحبك الارض
اشترى سام الفطور وتوجهت للمدرسة
دخلت مع الباب الكبير واناحدي متوعدة في الزفت راما
فسخت عبايتي ورشيت من عطري شيكت على شكلي<<لازم اشيك
شلت شنطتي على كتفي وشلت الاكل ودخلت على فصول ثواني ""ايوة صح تراني ثانية ثنوي ^^""
دخلت الفصل ريان بصراخ:راااااامااا يامال الساحق
نطت راما من كرسيها:سلامات وش فية
حطيت الاكل على الطاولة وقلت باعصبية:توني اتصلت على جوالك يرد علي رجال اقلة جوال راما يقول اية واتفشلت معاة عساكي الفشلة
راما:ياهووو اهدي ماحصل شيئ ذا قليل الخاتمة اخوي مؤيد
ريان:ليش الحمار يرد على جوالك
راما:اكيد لانو قرا اسمك على الشاشة وحب يتاكد اذا بنت ولا ولد
ريان:ايوة صح وخلاص هذا هو تاكد ياويلة لو يرد ثاني مرة
راما:ان شاء الله عمتي ريان الى هالخبلة وسن ماخبرتك متى باتجي
ريان:الا جاية في الطريق
راما:اهااا طيب اعطيني واجب الفيزياء
ريان:ياكسلانة
راما:اخلصي ريوون
ريان:اوووف طيب طيب
دخلت وسن:صباااح الخير
راما+ريان:صباح الفل
جات وسن ورمت شنطتها على الكرسي وجلست باتعب
ريان قعدت اوزع الكابتشينو والكروسان:بنات امشو كلو ولاتبون كرت دعوة
راما:لاحشاك اكيد بناكل بلاكرت دعوة
ريان قعدت اكل واناساكتة وسن:هي رينو ايش فيكي كذا مكتائبة
ريان رفعت راسي لهم:هممم
راما:اكيد في السالفة هدى النسرة
ريان ضحكت باملل من العيشة الي انا عايشتها:هو في غيرها منغص على عيشتي
وسن:ايش سوت ذي المرة
ريان:موكنت غايبة امس عشاني سخنت راحت تخربط فوق راس بابا وتقول اني غبت كيذا واليوم جا ويصرخ علي حتى فطور مااتهنى فية في البيت
راما:ايش عليكي انتي هذا احنا نفطرمعاكي كل يوم
ريان ابتسمت لهم بحب:الله يخليكم لي يارب
راما:بدينا باحركات العجايز ذي
وسن:استغفر الله منك ومن عقليتك البنت جالسة تدعي ربي يخلينا ليها وانتي تقولي حركات عجايز
ريان ضحكت على هبالهم
راما:بناااااات نسيت لااخبركم شوفتو فرقتنا الي نحبها نونيم
وسن:يب يب ايش فيها
راما:راح تسوي كانسرت الاسبوع الجاي
ريان:طيب كالعادة ماراح يمدينا نروح وسط المدرسة للوس انجلوس بس عشان كانسرت نونيم
شفت راما تدور شيئ باشنطتها واخيرا لقت الشيئ الي تدور علية طلعتة وخبتة ورا ضهرها
راما:حزرو ايش معايا
وسن:بسكويت غريب كالعادة
راما تهز راسها بلا:نونو
ريان:فلوس اواعلان لمطعم جديد
راما:هههه لا لا جد تخميناتكم محدودة
وسن:طيب قوليلنا ياام العريف
طلعت راما الشيئ الي ورا ضهرها وطلعت تذاكر
وسن:تذاكر ايش ذي
راما قربتها مننا:تذاكر الكانسرت لنو نيم
اناووسن صرخنا لااراديا:تذاكر للكانسرت
نطينا عليها وقعدنا نبووس فيها
راما:خلااص ياخبل بعدوعني
ريان تذكرت توني:ياحمارة ردي بوساتي
وسن:ليش
ريان:عشان اكيد الكانسرت في وحدة من الدول الاوروبية
وسن:ايوة صح حتى اناردي بوستي
راما:ههههه تحلمون اصلا الكانسرت هنا راح يسوة
لحظات نستوعب الي تقولة وبعدها انطلقت صرخات الحماس
ريان:كذااابة
وسن:قولي قسم
راما:والله والكانسرت الخميس الجاي
وسن:وناااسة
بعد موجة الحماس الي اصابتنا بدؤو الطالبات يدخولو ورا بعض وبعدها دخلت مدرسة الفزياء
وبداءت تشرح درسها الممل
مر الوقت سريع وجاء وقت الصرفة اخيرراا
قعدت استنا سام يجي راما ووسن جالسين معايا جاء سواق وسن واخدها وبعدها جا مؤيد اخو راما واخدها واناقعدت لوحدي
وشوية واسمع اسمي وانط البس عبايتي واخرج الاقي سام ينطرني""ياناس احب ذا الادمي محد يهتم فيني غيرة من يوم كنت صغيرة وهو مسؤل عن روحاتي وجياتي ويساعدني في كل شيئ
احسة احسن من بابا على الاقل ذا يعتبرني انسانة واحتاج حنان صحيح راح ينقال سواق ومدري ايش بس ذا بانسبة ليا اكتر من سواق لحد يفهم غلط ترا بس اعزة""
رحت له وانامبتسمة من تحت اللثمة ريان:هلا سمانثا
سام""ابتسم":اسف على التاخير الي حصل
ريان:نو اتز اوكي ممكن تمر على السوبر مشتهية شيبسات وشوكليت
سام:تامري امر
وصلنا لسوبر فتحت باب السيارة ناظرت سام وقلت:سامانثا دقايق وراجعة
سام:خدي وقتك
خرجت من السيارة وانا احس اني مستانسة لية لحد يسائل انفتح الباب الزجاجي ودخلت كان هواء الميكيفات بااارد ويشرح الصدر
توجهت لقسم الشوكليت عاد الشوكليتات ادماااان اخدت مجموعة كبيرة منهم سنيكرز وجلاكسي وهيكا معدا الكتكات والكندر الله يعز النعمة
كانت العربية مليانة وكل من شافني تنرسم علامات التعجب على فيسة توجهت لقسم الشيبسات واخدت اول شيئ ليز حارررX___X
كنت مندمجة مع الشيبسات ايش اشتري وايش اخلي واخر روقاااان وبديت اغني اغنية (for you)لفرقتي المفضلة نونيم تراقعدت اغني
لانو مافيش حد في القسم الي انافية عشان كدا ماخدة راحتي على الاخر اخدت اخر شيبس والي هوة دوريتوس واتذكرت البرنجلز
جيت بمشي ومااحس غير بلجدار الي صدمت فية طحت على الارض وطاح الدوريتوس من ايدي ومن غير مااطالع في الي صدمت فية اخدت الشيبس
وطالعت في ساعتي بشوف الساعة كم ريان بصوت شبة عالي:يالله تاخرت على سمانثا
وقفت بسرعة وحطيت الشيبس في العربية رفعت راسي وماشوف غير ذيك العيون الحادة العسلية تصنمت من الصدمة
يعني ماكنت لوحدي كنت اغني باصوتي وحضرتة واقف هنا من اول لايكوون الي صدمت فية هوا ذا نزلت راسي بهدوء
وسحبت العربية وعديت من جمبة وانامنزلة راسي تكلم اخيرا قليل الخاتمة:ماراح تعتذري
طنشت حسبتة يكلم احد غيري لف وجهه ليا وانامعطيتة ظهري وبمشي خلاص
تكلم مرة تانية:اناقلت ماراح تعتذري يابنت
يوم قال يابنت عرفت انو انا بس سلامات ليش اعتذر ناظرت فية:نعم تكلمني انا
الولد:لااكلم العفريت الي جمبك
ريان فيني استهبال باطلعة:اهاموفق يالحبيب
الولد صرخ:تستهبلي يافاسقة ولاتستهبلي
ريان:الثانية احسن ولاانت شرايك
الولد:هي كلمة والرد غطاها اعتذري واقلبي وجهك النحيس عني
ريان:اعتذر عن ايش ياافندي
الولد:تعتذري عشنك صدمتي فيني
ريان:تخسى ثم تخسى ذ الي ناقص اعتذر لاشكالك
شفت معالم الصدمة على فيسة تركتة ومشيت سمعتة يبربر ولااعطيتة بااال
رحت حاسبت وشلت الاكياس وشفت سام ينتظرني برة جاء واخد الاكياس مني وحطها في السيارة
وركبت وهو خلص وركب بعدها حرك للبيت
نزلت من السيارة وقلت لسام يعطي وحدة من الخدم الاكياس عشان تحطها في جناحي
دخلت من الباب الرئيسي واشوف بابا قاعد في صالة الاستقبال ووجهو مايبشر بالخير
ولمحت هدى جالسة جمبة على كنبة منفردة والابتسامة خلاص باتشق حلقها بس تحاول ماتبين
انتهى البارت الاول واتمنى انو عجبكم عارفة انو قصير بس هذي البداية
البارت التاني راح ينزل يوم الاربعاء وراح يكون طوويل لاني كاتبتة مسبقا^^
مقتطفات من البارت التاني
فتح الباب باعصبية رزع الباب وراة فسخ نظارتة ورماها على الكومادينا والكاب رماه في مكان تاني وانسدح على سريرة باعصبية
:لاانت حالتك مستعصية
:اية شقلب لاافقع وجهك
انتفظ جسمي من صوتة مااحب احد يصارخ عليا
وكل هذا تحت انظار السحلية
:انتي ايش شايفة اكيد نايمة وصحاني ازعاجك



 
ضممتك حتى قلت ناري انطفت فلم تطفى نيراني وزاد وقودها

((ابتسامة نقية وضحكةانقا))
في سويت احد الفنادق المشهورة في الشرقية
فتح الباب باعصبية ورزع الباب وراة فسخ نظارتة ورماها على الكومادينا والكاب رماه في مكان تاني وانسدح على سريرة باعصبية
والاخلاق اتش عندة ثامر وهو يطالع في التلفزيون:سلامات الاخلاق قافلة توك طالع والابتسامة شاقة الحلق
فارس:يرحم والديك ثامر انكتم
ثامر رخى على الصوت :موب منكتم لين تقول ويش السالفة
فارس:ماراح اخلص من حنتك يازنان انت
ثامر نط على سريرة:يلا قول طيب
فارس:كنت رايح لسوبر ماركت القريب من الفندق واتوجهت لقسم الشيبسات ابغى اشتري شيئ
ومااشوف غير عربية مليااانة شوكلاتات ووحدة جمبها تختار شيبسات ومروقة الاخت على الاخر وتغني
اغنيتنا حقت فور يو وداخلة جو يوم جات تمشي صدمت فيني وطاحت رفعت شيبسها وطالعت في الساعة وقامت تحطة في العربية
رفعت عينها وجات بعيني وسطلت شوي بعداها مشيت قلتلها اعتذري قالت تخسى ثم تخسى اني اعتذر لاشكالك تررفع الضغط
ثامر:ياهوووو مين ذي الي تقلك تخسى المهم كيف عيونها وصوتها حلو ولاشين
فارس سكت شوي كنة يتذكر:صوتها عذاااااب يجنن ولاعيونها تسحر الواحد الاتخلية يسطل مزبووط
ثامر:لاانت حالتك مستعصية
فارس:اكيد مستعصية اجل اشوف عيون خضر في السعودية
ثامر:انكتم الي يسمعك يقول ماعمرك شفت عيون ملونة
فارس:مدري بس عيونها بنت الكلب ذيك ااخ وقسم تجنن
ثامر:خلاص انت كمل احلام اليقظة حقتك وانابكمل فلمي
فارس:اول مرة تقول شيئ صاحي يلا قم ضف وجهك
ثامر:بقوم بقوم
خرج ثامر من الغرفة وتوجه للمطبخ عشان يسوي بوب كورن شرب موية واخد البوب كورن وجاء يخرج من المطبخ بس سمع باب السويت ينفتح
راح يشوف مين طلع جاسر دخل جاسر بهدوء ودخل غرفتة راح ثامر وراة وطق الباب سمع صوت جاسر:تفضل
دخل ثامر راسة وعلى وجهه ابتسامة غبية:جسور تبي تتفرج معايافلم مرعب
كان جاسر يفسخ تي شيرتة:متى يبداء ثامر:ذحين تبي ولا لا
جاسر:طيب بس نتفرجة هنا ونادي الشباب اذا يبون
ثامر:حاضر اوامر تانية يابية
جاسر:اية شقلب لاافقع وجهك
خرج ثامر من الغرفة وراح نادا على فارس وحازم
وقعدو يتفرجو الفلم
((نرجع لريان))
دخلت من الباب الرئيسي واشوف بابا قاعد في صالة الاستقبال ووجهو مايبشر بالخير
ولمحت هدى جالسة جمبة على كنبة منفردة والابتسامة خلاص باتشق حلقها بس تحاول ماتبين
لازم امر من الصالة عشان اطلع من الدرج الي يوديني لجناحي
مريت ورميت السلام وقبل لااسمع ردهم مشيت بس سمعت بابا يصرخ
راشد:ليـــــش متاخرة ومع مين كنتي
صراحة انتفظ جسمي من صوتة مااحب احد يصارخ عليا بس تعودت على صراخ بابا
ريان بصوت فية شووية رجفة:كنت في المدرسة والسواق تااخر عليا
جاء بابا وشد شعري حسيتة راح يتقطع بين يدية بابا وهو يصر على اسنانة:تكذبين ياجليلة الحيا
واخد ذاك الكف الي من قوتة حسيت انو فكي طاح في الارض طحت على الارض بس بابا لسا ماانطفى غضبة
ورجع شد شعري"ياهوو سلامات احد قالة انو شعري مسوي جريمة ليش كل ماجاء بيطقني شد شعري"
ريان"وانااتألم":بابا فك شعري والله يعور
دفني بقوة وترك شعري بقرف وكل هذا تحت انظار السحلية هدى اناعارفة انهاعبتة عليا وطقني
الحمدلله جات سليمة بس شد شعر وكف
راح بابا ولحقتة هدى وهية شاقة الخشة قمت شوي شوي واخيرا وقفت طلعت الدرج وطوالي على جناحي رحت الحمام الله يكرمكم وغسلت وجهي
بدلت ملابسي ورميت نفسي على السرير حطيت راسي على المخدة ونمت على طوول
صحيت على صوت جوالي مديت يدي للكومدينا واخدت الجوال ورديت وانا صوتي غاالب علية النوم
ريان:الووو
راما"برجة":رووني ياتبن لساعك نايمة
ريان:انتي ايش شايفة اكيد نايمة وصحاني ازعاجك
راما:هذي جزاتي عشاني متصلة عليكي وعازمتكي انتي ووسن على مطعم
ريان:لية هو الساعة كم
راما:صحي النوم الساعة 8
ريان قمت بسرعة:كذابة
راما:والله يلا بسرعة البسي راح امرك على الساعة9
ريان:طيب بس ايت مطعم قلتي
راما:مطعم مشهور بااكل صيني لزيز
ريان:ههه اوكي يلا انتظرك
راما:باي
سكرت منها وقمت غسلت وجهي وتوضيت وصليت الي فاتني رفعت شعري بكليبس ونزلت خصل على وجهي باشكل عشوائي
نزلت تحت وعلى الصالة بسرعة اتصلت على الخدم وقلتلهم يسو كابتشينو فتحت التلفزيون
وقعدت اقلب رسيت على فلم الاسطورة ياانو ذا الفلم خطييير وتمثيل ويل سميث فية اخطر
قعدت اتفرج خمس دقايق وجات الخدامة ومعاها كوباية الكابتشينو استغربت هدوء البيت والاكثر غرابة ماشفت وجة النحس هدى
فقررت اسئل الخدامة ريان:سازانكا فين مدام هدى
سزانكا:مدام هدى روح بارتي حق شي فريند ((مدام هدى راحت حفلة صاحبتها))
ريان:اها طيب خلاص روحي شوفي شغلك
راحت الشغالة واناجلست اتفرج خلص الفلم واتذكرت انو وعدت راما اخرج معاها
وطيران على جناحي رحت للكبك وطلعت سكيني ابيض وتيشرت اصفر علية فيس سبونج بوب
وطلعت من درج التسريحة كليبس اصفر مع بكلة مطاط بيضة واسورة شوية عريضة وحدة لونها ابيض والتانية لونها اصفر وحلق اصفر ومخطط باابيض
اخدت فوطتي ودخلت الحمام اكرمكم الله واخدت شور على السريع وطلعت واناانشف شعري لبست ملابسي وتوجهت لتسريحة مسكت المشط وبديت امشط شعري
لميت شعري ذيل حصان وجبت غرتي على الجنب ومسكتها بلكليبس لبست الاساور والحلق وحطيت قلوس وكحل اسود ناظرت نفسي في المراية
شكلي ماعلية كلام بس الكف لساتة مخلي اثر فتحت علبة البلاشر وحطيت شوية لساتة باين بس خف شوية
دورت في الكبك على شنطتي الصفرة وحبلها لونة ابيض ريان:يالله فينها
دورت ودورت واخيرا لقيتها اخدتها وحطيت جواتها جوالي الجالاكسي وحاطة معقم وشوية مناديل والبوك حقي
اخدت عبايتي ونزلت وانااسكر ازرارها وصلت لااخر درجة واسمع صوت جوالي يرن اكيد ذي راما طلعت الجوال ورديت
ريان:هالو
راما:فينك ياعنز
ريان: دحين جاية ولاتشتمي لاافقع فيسك
راما:طيب طيب لايكثر وانزلي
قفلت الخط ورحت للمراية الكبيرة الموجودة في الصالة وقعدت اعدل في لثمتي اخيرا زبطت
شلت الشنطة وتوجهت للباب فتحتة وخرجت شفت سيارة لكسز سودة واقفة فتحت الباب الي ورا ورميت السلام
راما:سنة عشان تنزلي
ريان:سوري وي ماسار شي
راما:طيب اهجدي "ودارت وجها تكلم السواق":وانت روح بيت وسن
السواق:حاضر
مرينا على وسن واخدناها معانا
وتوجهنا للمطعم
وسن:بنات شورايكم نمر على باسكن بعد العشا
ريان:واناكمان رايي كدا لاني مشتهية ايس
راما:اووكي مطعم بعدة باسكن
شوية واسمع جوالي يرن طبعا حاطة النغمة وحدة من اغاني نونيم فرقتي المفضلة
طلعت الجوال وشفت الاسم اتعفس وجهي ورديت
هدى من غير مقدمات:فينك "وش تحس فية هذي"
ريان ببرود يذبح:اعتقد انو مالك خص فيني اروح محل ماروح انتي"شددت على الكلمة"مالك كلمة عليا
جات بترد سكيت الخط في وجهها
وكملت سواليفي مع البنات
وصلنا للمحل المطلوب نزلنا
ويوم دخلنا كان في اصنصير في وجهنا
دخلنا وضغطت راما حرف الاف
وسن:ليش حرف الاف
راما:لانة طابق للشخصيات المرموقة واصحاب الطبقة المخملية والمشاهير
ريان:ليش طيب ماهو لازم طبقة مرموقو ومخملية ومني عارفة ايش
وسن:اية صح مولازم كان اكلنا في اي طابق مابضر
راما:ياهبل اهجدو وخلونا نتهنا في اكلنا وجع
وسن:صراحة رمو كلامك جدا مرموق
ريان:جدا مخملي
وسن:جدا
راما صرخت:بس ياعنزات
اناووسن فقعنا ضحك على هالخبلة
ريان:خلاص اسفين ماراح نتمسخر عليكي
وسن:علشان لاتبكي علينا
ناظرتنا راما بانظرات اجرامية:هذي جزاتي بخرجكم واوسع صدوركم
نطينا عليها وحضناها
وسن:فديت الزعول انا
انفتح باب الاصنصير ودخلنا على الطابق كان المحل جدا جدا فخم
ويفتح النفس للواحد عشان ياكل
جانا القرسون وقلنا اتفضلو لذيك الطاولة طبعا الطولات بحجوزات لازم تحجزي قبل لاتجي المطعم
وراما حجزت لنا طاولة جنب الشباك شباك المطعم الجدار كلة من فوق لتحت وهو قزاز منجد عجبني
راح اقولكم كيف كان ترتيبنا كرسي وسن كان ظهرة لشباك وانا قدام وسن وجيهة اليمين كان كرسي راما
كانت في طاولة قريبة مننا جيهة اليسار وحاطين عليها ورقة ومكتوب على الورقة بالانقلش محجوز
وجيهة اليمين في طاولة كمان بس شكلها مومحجوزة مايهم جلسنا وجاب القرسون المنيو
كان المنيو متروس من طبق رئيسي على مقبلات على مشروبات على تحلية يعني كل شيئ موجود وانواع اشكال
صراحة احترت ايش اخد اخدت ماكرونة وارز وادام حار عصير فرش برتقال
راما اخدت لها شوربة وسلطة وعصير تفاح وارز وادام بارد
وسن اخدت ساندويتش غريب وماكرونة وسلطة وعصير فراولة
اعطينا القرسون طلباتنا وقعدنا نسولف
عاد نزلنا اللثمة عشاان يوم نجي ناكل
وسن:ايش ذا الي في وجهك
ريان:يعني شنو بيكون غير طراق من بابا
راما:والمرة ذي عشان ايش
ريان:تاخرت اليوم في الرجعة عشان سمانثا انشغل ويوم رجعت لقيتة معصب وذيك ماقصرت عبتة ويقولي ليش متاخرة ومع مين كنتي وطاح في شعري شد
وسن:ياقلبي انتي
راما:هههه بدت وسن الرومنسية اقول يابت اضبطي نفسك لاتنحرفي
وسن:وجع في وجهك اوووف محد يطلع رومنسيتة عندكم
ريان:هههههه ياديك انتي اقصري الشر وخلي حبيبتي وسن في حالها
وسن:ههه فديت روحك المهم اسمعو الربوع والخميس هذي ستي<<جدتي بتروح الشالية حقنا وتباني اروح معاها عاد ديني ودين الجلسة في الشالية لوحدي
ستي تقعد تتفرج على الشعار واشعارهم وانااندب حظي المنقرد
راما:مافي غيرك يروح معاها
وسن:الا في بس ماتحب تروح الى معايا وطلبتني واستحيت اردها وقلت انو صحباتي العزيزات راح يجو معانا ووافقت
"طالعت فينا بنظرات بريئة"هاموافقين تجو
ريان:اناعن نفسي اكيد بابا كل ربوع وخميس يسافر مع مرتو للبنان سوا وانااقعد لحالي
راما:اناراح احاول في بابا بس الاكيد راح يواقف
وسن:يااني احووبكم بس يبالنا نتفاهم على الاشياء الي راح نجيبها وكذا
انا وراما:اووكي
شوية واجا القرسون وشال ورقة محجوز من على الطاولة الي جنبنا وراح
بعددقيقة جو اربعة شباب اشكالهم تخقق عاد وسن سطلت وراما خقت ههه
بس جد عليهم اشكال تهبل لوماكانو لابسين الثياب والاشمغة كان قلت ذول فرقة نونيم
وسن حست على نفسها ونزلت عينها:ويخلق من الشبهة اربعين
راما:اية والله
ريان:بنات خلاص لحد يتكلم عنهم ويحسبونا ميتين عليهم بعدين
راما:وانامعاكي مزيونين على نفسهم
احنا خقينا عليهم وهمة بعيد يعني ماانتبهو علينا قربو ويوم قربو ريحة عطورهم كنها تتضارب كل واحد يقول انااحلى
ههه بس جد عطورهم ريحتها تجنن جلسو عاد احنا مسوين ثقل بس صراحة اناوراماووسن مانحب نذل نفسنا للشباب زي بنات هذي الايام
صحيح نخق على اشكالهم بس مانقرب منهم
قاعدين يتكلمو واصواتهم شبة عالية واحد منهم اسمة ثامر ذا شكلة الاركوز حقهم بس ينكت وكذا
المهم جالسين نسولف احنا كمان بس اصواتنا مهي مرة عاليا عشان لانلفت الانتباة
ريان:بنات شورايكم من باسكن لبيتي
راما:لية ناقصين احنا
وسن:انابروح معاكي مافي اي اشكال وخلي الديكة هذي تنقرد لوحدها
راما:وجع يامصاقيل انتي وهية انامني ديكة
ريان:ههههه ديكة ومن فوق خشمك ايوة وسونتي ترا اليوم رحت السوبر واشتريت مالذ وطاب وحطيتهم في الدولاب ماكلت منهم شيئ لين دحين
وسن:واااو اجل خلاص تم بجي يعني بجي
ريان:وراح نسهر سواا على بشكة من افلام العشرة الاوال ونسحب على المدرسة بكرة
وسن:اكييد بس ايش اشتريتي
ريان:اشتريت ليز حار ودوريتوس وسنكرز وتويكس وجالاكسي "جلست اعد على اصابيعي"وبرنجلز حار ومالح وباجبنة وعصيرات وبشتري من باسكن كيكة كبيرة ليا اناووسن وبس
راما:اااه خلاص مقدر غلبتوني بجي
ريان:خلاص الدعوة اتقفلت ومحد راح يجي غير وسن
راما سحبتني من ياقتي وسار وجهي قريب من وجهها وتصر على اسنانها<<مسوية بتخوف وقسم كان شكلها كيووت وفي نفس الوقت يضحك
راما تصر على اسنانها:والله ثم والله لومارحت معاكم لااذبحك هنا سااامعة
ريان"كنت مسوية نفسي خايفة:حــ...حاضر عمتي الديك الرومي
انفجرت وسن ضحك علينا
وسن لساعها تضحك:هههه هييهيهي وجع في وجهكم لعد تعيدوها
اعتدلنا وجا الطلب وسمينا بالله وبداءنا ناكل
في وسط الامسية الرائعة الي كنا جالسين فيها رن الجوال<<لازم من التنغيص
شفت الاسم السحلية كشرت ورديت بابتسامة
ريان:هلا والله هلاوغلا"طالعت في وسن وراما لقيتهم يطالعو فيني باصدمة"هلابامرت بابا العزيزة
"هنا بغيت افقع ضحك على شكل راما المنصدم بس مسكت نفسي كانت فاتحة فمها لدرجة انو حسيت فكها بايطيح وماسكة الملعقة الي فيها الشوربة
وتطالع فيني وعيونها طالعة برة سكيت فمها وقعدت اضرب خدها عاخفيف وانامبتسمة "
"كملت كلامي"بغيتي شيئ عمتو
هدى"بغت تنجلط بس قررت تكمل كلامها":فينك حبيبتي والله خفت عليكي لانك خرجتي وماخبرتيني"امحق يالكذابة بس هين والله لوريكي"
ريان:جد!! يعني ماخبرتك سازانكا اني خرجت
هدى:لا ريان:وي هي شفتي النذلة اناقلتلها تخبرك انااصلا مااخرج من البيت الى وانتي عندك خبر وكمان من بعد اذنك
هدى:خلاص حبيبتي"حبك عفريت"
ريان بسرعة:ايوة عمتو حبيت اقلك انو ماي فرند راموني ووسون راح يجو معايا البيت نسهر سوا
هدى:اوكي حياتي
ريان:وخبري بابا موتنسي ماابغاة يعصب زي اليوم
هدى:ان شاء الله
ريان"بدلع وغنج رفع ضغط هدى":يلا بايووو حياتوو
هدى"بغضب مكبوت":باي
سكرت الخط وانطلقت ضحكاتي معلنة عن انتصار هع راما"بصدمة":ياانااس البنت ذي نصااابة
ريان"غمزت لراما":اعجبك انا
راما:وبقووووة بعد
وسن:بس غريبة تتكلمي معاها كيذا
ريان:ياحبيبتي موهية اتصلت تسائل واحنا في السيارة اكيد عصبت وراحت كلمت بابا والمكالمة الي توها مليون في المية انو بابا قاعد يسمعها
وسن:وايش الي مخليكي متاكدة هيك
ريان:لانها قد سوتها قبل وانقرصت منها ومستحيييل اعيد غلطة سويتها مرتين
راما بصراحخ:والله وجبتيها على الجرح
الكل طالع فينا وسن قرصت راما في فخذها
راما:وحووو ياوسن كسر يكسر اصباعك الي قرصني
ريان:اقوول يالمهابيل كملو اكلكم
كملنا اكلنا وشوية ونسمع صوت ضحك راما
وسن:ضحكينا معك
راما:الود ودي اشوف شكل هدى وهية تسمع لكلام ريانوة تلاقيها ذحين بالعة اصابيعها من القهر
وسن:اية والله
كملنا اكلنا وحاسبنا وخرجنا من المطعم

مقتطفات من البارت الثالث
:اناخلصت فلوسي يعني بس بشوف ايش تشترو
:لاتحاتي راح نسوي اكشن من الي يحوبها قلبك
صفر:يااااهووو وش هالحلا
استغربت بابا في المجلس ليش يعني هو ماراح لبنان
انصدمت من الي شفتة بابا لاذا مو بابا
الرجال:......
بصدمة:من وين عرفتي اسمي
:واااح يااخوي ورحت ملح
 
ضممتك حتى قلت ناري انطفت فلم تطفى نيراني وزاد وقودها

((واقع يتخللة بعض من الخيال))
مرينا على باسكن ودخلنا كلنا
ريان:بنات انامالي دخل فيكم باخداكبر علبة وبااخد كيكة عاد الكيكة كلنا ناكل منها
وسن:اناباخد وسط
راما:اناخلصت فلوسي يعني بس بشوف ايش تشترو
ريان"طالعت فيها باستخفاف":العن هالوجة جايا معانا ولاتشتري والله لاادفعلك وحجم كبير بعد
وسن:قولي قسم شقلبي انابدفع
ريان:شرايك نتقاسم الدفع
وسن:حلووو ويلا اختاري ولاترا بختارلك بمزاجي
انااخترت فانليا واريو وتوفي وهيكا بس شوكلت مااخدت
ورامااخدت تشوكليت ومانجو وقهوة وفرولة وهيك
وسن علبتها اتعبت الوان تفقع العين اصفر ازرق فوشي اخضر موف وكلها حمضيات
ريان:الله وكبر ايش باتسوي بالوان الطيف ذي كلها
وسن:بابلعها زي ماانتي راح تبلعي الي في ايدك
ريان:خشتك ذي المهم الكيك وت يو وانت
تجمعنا عند ثلاجة الكيك ورسينا على كيكة باتوت والفروالة حسيت سعابلي راح تطيح من منظرها الي يشهي
اخدناها وخرجنا من المحل خطرت في بالي فكرة ليوم الشاليهات
ريان "بحماس":شورايكم نشوي يوم نروح الشاليهات بكرة
وسن:والله فكرة مش بطالة يبالي اقول لستي واشتري عدة الشوي او يمكن تكون عندنا
ريان:طبعا احناالي راح نشوي بانفسنا
راما:اكيدون لازم يكون فية اكشن
ريان:لاتحاتي راح نسوي اكشن من الي يحوبها قلبك
كملنا سوالف اخيرا وصلنا الهوم
نزلنا وخليت الخدم يشيلو اكياس الايس ويحطوها في الثلاجة
دخلناالبيت مريت باصاالة ومالقيت احد اكيد بابا رقى فوق ينام
صعدنا لجناحي كل وحدة اتصلت على اهلها عشان تخبرهم بانها راح تسهر عندي
فسخنا عبينا وعلقناها راما ناظرتني وصفرت:يااااهووو وش هالحلا
جلست ارومش بادلع:اخجلتيني
وسن:اقوول عن الهياط انتي وهية وقولي للخدم يجيبو الاكل
طلعت عيوني من الاكولة الي قدامي:سلامات وش تحسين فية انتي توك ماكلة من اكل المطعم
وسن:شسوي بدي اكل شيبسات
راما:طيب ارحمي بطنك "ناظرت فيني" كم فيلم جايبة
ريان:19 ليش
راما طلعت عيونها:ومتى نتفرج هذول كلهم
ريان:انتو اختارو كم تبون تتفرجو اليوم والباقي راح نتفرجة بكرة في الشالية شرايكم
وسن:حلووو يلا شغلو الفلم خلونا نتفرج
طفينا اللايت وقعدنا ثلاثتنا على الكنبة الموجودة قدام الشاشة البلازما وكان قدامنا فية طاولة قزاز حطينا عليها خرابيطنا
وسهرنا اليل لين الساعة ثلاثة بعدها معد ادري عن نفسي غير سازانكا وهية تصحينا قمت ولقيت الدنيا حووسة شيبسات وقراطيس
وحووسة اشرت على القرنبع واناحدي في نووم :سازنكا بلييز كلين ذيس((نظفي هذا رجاءا))
قومت الخبلتين الي جمبي ودخلنا غرفة النوم كل وحدة رمت نفسها في جيهة انا دخلت الحمام الله يكرمكم واخدت شور باارد نشفت نفسي
ولبست شورت اورينجي وبدي تفاحي توضيت وصليت قومتهم عشان يتحممو ويصلو
وسن وهية شبة نايمة:روني وين الكبك حق ملابسك
اشرتلها على مكانة وراحت اخدت لها بجامة برمودا وردي وبدي موفي اخدت شور وصلت وجات انسدحت جنبي على السرير
واخر وحدة كانت راما لبست قميص لتحت الركبة باشوي لونة ليموني وعلية رسمات فيونكات بالوردي
خلصنا من لبس البجايم ورحنا في سبااات كلنا التلاتة على سرير واحد
صحيت العصر وانا احس بانشاط موطبيعي دخلت الحمام غسلت وجهي وتوضيت وقمت صليت بعدها رحت لتسريحة
ورفعت شعري باكليبس ونزلت خصل على وجهي بشكل مهمل وعشوائي اخدت المرطب من على الكومادينا وحطيت منة وبخيت نفسي من العطر
لفيت اناظر البنات لقيتهم نايمات اشكالهم مررة تحزن قلت اصحيهم المغرب
نزلت تحت طلبت من الخدم يجيبولي كباتشينو كالعادة ماحبيت افطر لحالي قلت اصبر نفسي على ذا الكوفي
ولمن يصحو افطر معاهم قعدت اقلب في التلفيجون مريت على قناة ام بيسي3 وشفت سبونج بوب عليها
قلت اتفرج لانو يعجبني سبوونج بوب شوية وتجيني سازانكا
سازانكا:مس ريان هدا بابا في مجلس
مررة استغربت بابا في المجلس ليش يعني هو ماراح لبنان اتجهت للمجلس واناخايفة اخدلي كم طراق على شيئ ماسويتة
دخلت المجلس ريان:سلام بابا ايـــ...
رفع راسة الرجال جلسنا فترة شبة طويلة واحنا نناظر بعض
ولمن استوعبت الموقف انصدمت من الي شفتة بابا لاذا مو بابا
خرجت طيران من الغرفة ورحت لسازانكا
ريان باعصبية وصراخ:بابا هاااا بابا في عينك ليش ماتقولي فية رجال في المجلس ويبغى بابا ولاالكلجة ضربت مخك اليوم
سازانكا:انااقوول هذا بابا يبى مس راما
ريان:مس راما طيب شقلبي وروحي شوفي شغلك
طرت على غرفتي وجبت عبايتي واتلثمت
توجهت للمجلس ودخلت بكل رزة وهيبة
ريان:السلام عليكم
الرجال:وعليكم السلام
دخلت وجلست على الكنب
ريان:امر اخوي بغيت شيئ
الرجال وهو منزل راسة:مايامر عليك عدو بس بغيت اختي راما
ريان:بس رامانايمة
الرجال:لازم اردها البيت
ريان:طيب واذا قلتلك خليها معانا
الرجال:مدري
ريان:رجاءا طلبتك خليها معانا والله انها في الحفظ والصون لاتخاف عليها
الرجال:......
ريان"زل لساني":مؤيد الله يخليك خلي رموشة معانا واصلا احنا متفقين نروح الشاليهات مع جدتي
مؤيد رفع وجهة ليا بصدمة:من وين عرفتي اسمي
ريان:هاايوة راما قالتلي
مؤيد:طيب يسير خير
ووقف واتجة لباب الرئيسي
مسكت الباب وهو خرج
ريان:اضمن موافقتك على انو راما تجلس معانا
ناضر فيني:موافق بس على شرط
ريان بافرحة باينة في صوتي:امر تدلل
ابتسم مؤيد ابتسامة خفيفة:بس بغيتك تنتبهي لراما وتحطيهافي عيونك
ريان:بس كدا!!! اصلا هي من زمااان في عيوني يعني لاتحاتي راح تكون بخير
مؤيد:ان شاء الله يالله مع السلامة
ريان:في امان الله
سكرت الباب واناانطط من الفرحة يالبببيية يامؤيد طلعت طيووب
الحمدلله انو وافق رحت كملت متابعة لسبونج بوب وجا بعدة كدا فلم اتفرجتهم اذن المغرب
رحت توضيت وصليت بعدها قومت اكياس لنوم الي عندي
ريان باصراخ:قووومووو ياكسالة المجتمع قوومو
راما:....خخخخ<<شخير
وسن:هممم
ريان:جعلكم الساحق الماحق قوومو صلو المغرب
وسن فتحت عيونها وجلست:طيب هذا انا قمت صحي البقرة الي نايمة
ريان:افاا عليك ذحين اصحيها في ثواني
رحت فتحت الثلاجة الي في الجناح ولقيت جك موية بااردة اخدتة واناعلى وجهي احلى ابتسامة شريرة
قربت من راما وطشش فوق راسها
صحيت بسرعة:ها مين متى
ريان:هههههه قال مين ومتى قال قومي صلي لاافقشك باجك الي في ايدي
راما باعصبية:يااتبن انتي الي كبيتي الموية عليا
ريان:يييس يلا قومي صلي
راما قامت وشكلهاناوية على نية:بقوم بقوم ""قامت تجري ورايا""بس بعد مااخد حقي منك
سرنا نجري في الجناح زي توم وجيري حشرتني في زاوية
راماتضحك ضحكة شريرة:نيهااااهههااا والله ياريان وطحتي ومحد سمى عليكي
ريان قلت باسرعة:اذا تركتيني راح اقلك خبر يخليكي تنطنطي من الفرحة
تكتفت راما:يلا بسرعة قولي
ريان:والله مااقول لين تروحي تصلي
راما:طيب بنشوف اخرتها بس لوطلع خبر شين اقسم بالله انو موتك على ايدي
ريان:شقلبي
صلو البنات وانانزلت اقول للخدم يحطو الغدى كان الغدى اكل هندي حار مرةة شكلة كان يشهي
قلت للخدم يحطو الاكل برا في الحديقة على الطاولات الدائرية الكبيرة رتبو الاكل على الطاولات
وكل شيئ سار مرتب كان الهوا في الحديقة يشرح الصدر يعني مو مررة بارد ولامرااا حار كان وسط
تجيك نفحات هوا باردة مرة حلوو الجو كان وريحة الورود والاشجار والاضاءة شكلها حلوو كمان يعني
كل شيئ يساعد على فتح الشهية هع
نزلو البنات من الدرج وناديتهم للحديقة
وسن:وواااااو المكان خياال
راما:جد حلوو
جلسو وسمينا بالله وبدينا ناكل
راما:ايووة وايش الخبر الي راح يفرحني
ريان:اهلك وافقو انك تجي الشالهيات معانا
راما:كذاااابة قولي قسم
ريان:والله العظيم
راما:هاتي بوسة يااحلى صقيقة في الدوونيا كوولها
وسن:بس كيف وافقو
ريان:احم احم هذا سلمكم الله(وحكيتهم الي سار معايا اليوم )
راما:واااح يااخوي ورحت ملح
ريان:ليش
راما:ياقلب امك خارجتلة بشورت وبدي وماتبية يسطل
ريان وجهي سار الوان:والله منتبهت ولاكنت ادري سازانكا الزفت قالت انوبابا عشان كدا
راما:عارفة ياقلبي انو موقصدك خلاص لاتبرري"سكتت شوية وبعدها قالت"تصدقي انك خققتي اخوي من يوم رد عليكي ذاك اليوم
وحياتي اخوي زدتي العيار علية
اناووسن فاقعين ضحك
كل وحدة فيهم قالت للخدم يجهزو شناطهم حق يومين ويرسلوها مع السواق
اناطلعت جناحي وقعدت ارتب شنطتي اخدت ثلاثة سكيني وثلاثة تيشيرتات مع كابات وجكيتات
واخدت بجايم ولازم ادوات الميك اب والاكسسوارات واخدت لبسين زيادة
سكرت الشنطة نزلتهالصالة الرئيسيةمع العباية
ريان:بنات انابروح اتحمم واغير هدومي<<ملابسي
راما:طيب ياهدومي انتي شقلبي واتحممي ريحتك الخايسة واصلة عندي
ردت وسن قبلي:الله اعلم اذا ريحتها ولاريحتك
ريان:ههههاية والله يلا انابطلع
رقيت لجناحي واتوجهت للكبك طلعت برمودا اسود مع بلوزة كت لونهافوشي
اخدت شور على السريع ولبست ملابسي توجهت لتسريحة وبديت في شعري مسكتة ذيل حصان
حطيت قلوس وردي وكحل اود اخدت شنطتي الوردية وحطيت فيها بوكي وجوالي وكريم ومعقم
نزلت من الدرج وشفت الخدم يدخلو شنط لصالة
ريان:صفوها جنب شنطتي
سوزي ماقلت وصفوها
وسن:روني باطلع اتحمم انا اوكي
راما:واناكمان
ريان:انتي ادخلي الحمام حق جناح الضيوف عشان يمدينا نخلص
قلت للخدم يحطو كيكة باسكن في كيس ويخلوها في الفريز عبال مايجهزو البنات
طلعت جناحي واخدت كيس كبير معايا سحبت من الكراتين عصيراات وفتحت الدولاب وطلعت الشوكلت والشيبسات
خلصت ونزلتها تحت جنب اغراضنا خلصو البنات ونزلو لبسنا عباياتنا وشلنا شنطنا وخرجنا لسواق
ركبناواتوجهنالشاليهات عيلة وسن
وسن:بنات ستي وافقت على الشوي وقالت انهاراح تخلي الشغالة تجيبها معاها
راما:وناااسة
وصلنا لشالية كان كبييير كبير مرة وشكلة زي الاكواخ الريفية مرة شكلة عذاب والاثاث مابين الاثاث الالماني والاثاث الكلاسيكي
دخلنا وكل وحدة فينا لها غرفة دخلت غرفتي وكانت زي غرفة هايدي بس انا غرفتي مرتبة وانام على سرير مو على برسيم مدري ايش اسمو حتى المهم كان جو الغرفة يشرح الصدر
كانت غرفتي في راس الكوخ وكان الشباك دائري وكبيير مرة ويمداكي تشوفي السما مزبوط رميت شنطتي على الارض
وانسدحت على السرير اغراني شكلة وانافيني نووم مانمت زين غفيت بسرعة ماحسيت بالوقت الى وراما تصحيني
راما:ياخيشة قوومي مو انتي الي جبتي فكرة الشوي
ريان:خلاااص ياعنز قومت وخري عني واطلعي بررة
طلعت ورحت غسلت وجهي واتوضيت وصليت العشاء نزلت وانا احك شعري
ريان:يلا الهمة ياربع نبي شغل تمام مانبي شغل البنقالا الي في كافتريا عبدو
راما:نحن تحت خدمتك يااستاز حليم
شفت اقرب علبة كلينكس واصكها في خشة راما
ريان وايدي على خصري واتدلع وصوتي كلة دلع وغنج:اجل انا حليـــم لاماحزرتي انااسمي ريونة الامورة
راماتصفرر:ياهووو اروح ملح ترا
ريان واناارومش:عااتي حوبي
وسن جات من ورانا وهية لابسة مريلة الطبخ:حبكم برص انتي وهية قولو امين
ريان:اهووو جاتناالبنقالية صابرية
وسن:ياحمااااارة وش صابرية ذي
سرنا نجري ورا بعض وسن تعبت من الجري ورايا
وسن:كت كت خلاص تعبت يلا نبداء الشغل جد
اناوراما:اوكيي
خرجنا لبرة وكان الشاطئ جنااان ونسايم الهوا الباردة
شفت طاولة كبيييرة قدام باب الكوخ بس مو قدامة يعني لاصق فية لا بعيد بمسافة لاهي طويلة ولاهي قصيرة
كانت الطاولة دائرية ولونها ابيض وعليها انواع الخضار والفواكة واللحم والدجاج واصياخ الشوي وملاعق وشوكات
وصحون وسكاكين كل كل شيئ موجود لبست مريلة لونها اورينجي وراما حقتها لونها اسود وسن لون ورد وروني اخضر<<روني شغالة الجدة الجازي والجدة الجازي ذي جدة وسن^^
كانت الجدة داخل الكوخ هع تتفرج على الشعار وماالى ذالك *~^
شمرت كمومي ريان بصراخ:بنااات لازم ننوع مو بس شوي اناداخلة اطبخ جوا من حلا الى سلطات الى مقبلات وكيذا
راما:اناراح اسوي السلطة هنا
وسن:وانا راح اقطع اللحم والدجاج والخضروات واجهز عدة الشوي عبال ماتخلصو
ريان:اوكي كل شيئ تمام اناوروني جوا وانتم تخلصو الشغل هنا
دخلنا داخل وسيدة على المطبخ مررة المطبخ شكلة يفتح النفس ويخلي الواحد غصب عنة يطبخ هع
قعدت افكر وافكر شواعمل قررت استشير روني
ريان:روني انتي ايش نفسك تاكلي
روني:انامايعرف انتى ايش يبغى
ريان:يعني مررة مررة مالك نفس في شي
روني:....<<ساكتة
ريان ابتسمت:كنت دارية انو نفسك في شي اعملية وسوي كمية تكفينا كلنا
روني:بس انتي لسع متاعرف انا شو يبغى
ريان:اناعارفة انو راح يكون شي لزيز دامة من تحت يدينك ويلا شوفي شغلك خلينا نخلص
روني ابتسمت:شوكرا "وراحت تعمل الشيئ الي بدها ياة"
قعدت افكر قلت خليني اسوي باستا وحلى بارد وعصير كوكتيل
وشوربة العدس واموليت البطاطس بديت اشتغل وانا فيني همة عالية ونشااط
قعدت اطبخ منى مناك وروني تسوي طبخها وتجي تساعدني وترجع وهيك لين خلصنا بحمدالله الاكلات
جبت خمسة صحون وحطيت فيها باستا وبديت ازين انا ازين الاكل في المطبخ وروني تودية لطاولة الي برا كنا متفقين ناكل في الهوا الطلق^^
خلصنا تزين وصبيت عصير الكوكتيل في الكاسات وزينت الكاسات تزين راايق وبقي في الجك واايد عصير شلت الكاسات في صينية وروني تشيل الجك ورايا
وصلناللطاولات كانت نظييفة موزي اول حوسة والاكل مرتب بشكل انيق كانت راما جالسة على الكرسي ومغمضة عيونها
حطيت الصينية على الطاولة وبديت اوزع الكاسات على مكان كل وحدة بعدها ردت روني الصينية وراحت تنادي الجدة
دفيت راما:ياكسلانة قومي نشوي
راما:اووكي
حطينا اللحم والخضار في اصياخ وكمان سوينا دجاج مشوي شوينا وجات الجدة
خلصنا شوي وحطينا الاسياخ في صحن كبير في الوسط وبدا الكل ياكل
كان ترتيبنا كاتالي الجدة وسن راما انا وروني
راما بشماتة:وي ماتوقعت ريانوة تعرف تطبخ
طالعت فيها بنص عين:ليش تحسبيني زيك قطعتي السلطة وقلتي تعبانة
راما:انامقلت اني تعبانة يكدابة وبعدين محد اعطاني شيئ اسوية
ريان:طيب برري المهم تبو تاكلو الحلى هنا ولاجوا
الجدة:ومسوية حلا بعد تعبتي نفسك يابنتي
ريان:لاتعب ولاشي ماقلتولي وين تبوة
وسن:ناكلة هنا بس على الساعة12 بعدماينهضم الاكل ونسوي قهوة كمان
ريان:اوكي
جات الساعة 12 وطلعنا الحلى وسوينا القهوة وجلسنا لين الساعة وحدة ونص
بعدها دخلنا جوا عشان ننام

عنوان البارت الرابع
((ماضي كسير وعتاب يلية عقاب ووعيد))
سووري مااقدر احط مقتطفات من البارت الرابع لاني
توني بادية فية راح ينزل البارت الرابع يوم الاربعاء
بااذن الله اتمنى اشوف تفاعلكم وهالله هالله باردود السنعة
لاني واثقة انو البارت الرابع راح يعجبكم وراح تظهر لكم شخصيات
جديدة
 
ضممتك حتى قلت ناري انطفت فلم تطفى نيراني وزاد وقودها

((لكل حكاية اسطورة واناسوف اجعل حكايتي اجمل اسطورة))
صحيت الصبح بدري وانااحس بانشاط دخلت الحمام الله يكرمكم واخدتلي شور دافيئ خرجت وانا انشف شعري والفوطة لافة جسمي
رحت لكبك عشان اطلع ملابسي خرجتلي برمودا جيشي وبدي اورنج وعلية جكيت من غير اكمام بكاب لون الجكيت زيتي
لبست سلسال زي حق الجيش ذاك الي شكلة مستطيل ولونة رمادي وينحفر علية اسم حطت قلوس وردي وكحل اسود
وماسكرا ولميت شعري ذيل حصان صليت ونزلت تحت اشوف اذا احد صاحي معايا لقيت الكل نايم كنت جد طفشانة اصحى دايم بدري والبقية خامدين
دخلت للمطبخ وسويتلي كاباتشينو وخرجت لبرة الكوخ جلست على عتبات الدرج واشوف الشاطئ قدامي وتصادم الامواج
كان قمة بالخيال كلمة جناان قليلة كان المنظر جد حلو قعدت اشرب الكوفي بهدوء واتفرج على البحر
خلصت كوبي وحطيتة جنبي وقمت روحت العب بارمل قعدت اسوي اشكال غريييبة عجيبة
<نروح لقصر الفهيم>
كانت مسدوحة على سريرها بملل ومشغلة اغنية اجنبية وتسمعلها وعقلها مو معاها
غمضت عيونها وتركت لعقلها يعيد شريط الذكريات
كانت مسافرة مع ابوها للندن سنة عشان اعمال ابوها تركت صاحبات عمرها وسافرت كانت تتراسل معاهم وفجاءة انقطع الاتصال بينهم
ومعد سارت تسمعلهم خبر وامها والي هي امهاتركتها مع ابوها صح ابوها مومنقص عليها بشيئ بس برضها محتاجة لحنان الام بس وين راح تلاقية
امها تطلقت من ابوها لان ابوها انتكست شركتة وانخفض سوقها صحيح انهم لساع اغنيا بس موذاك الزود في اي لحظة يطيحو على الحديدة
عشان كيدا امها ماتبغى حياة الفقراء وهيك وراحت تزوجت واحد هاموور وتركت بنتها عند ابوها وابوها قرر يعوضها عن امهاويعطيها الي تبي
وسافر لندن عشان يضمن سلامة شركاتة راحت لندن مع ابوها وكانت حياتها تمشي على روتين واحد اليوم زي امس وبكرة زي اليوم مافي تغيير
بس ذاك اليوم سار الي ماتوقعتة كانت ماشية في متنزهات لندن ومرت على المولات وكانت جد طفشانة من الروتين الممل
شافت مجموعة شباب يرقصو في الشارع رقص راب ومحد لمهم الكل لاهي بااشغالة باين عليهم انهم امريكان من اشكالهم وكيدا وزيادة على كدا
البرطانين مايحبو شغل الشوارع دا كل همهم البرستيج والمظاهر راحت لهم وعلى وجهها ابتسامة عريضة
قالت وهية رافعة يدها وتلوح فيهالهم وبصوت عالي مرح:هاااي قايز
الشباب وقفو رقص وطالعو فيها كانو اربعة تقدم واحد فيهم كن شكلة يخقق
وقال بصوت هادي:هاي مين انتي <راح تكون الترجمة عربية والكلام انقلش لتوضيح اساسا هم يتكلمو انقلش بس انابكتبة عربي
تكلمت بمرح موغريب عليها:سووري ماعرفتكم بانفسي انااسمي ترنيم
الولدابتسم لها:اسمك حلو وانااسمي ثيو
ترنيم:واو ان اسمك جميل ايضا
ناظر ثيو لورا واشر على واحد قزم وقال:هذا ماثيو
ماثيو:مرحبا بك ايتها الجميلة
ترنيم:مرحبا ايها الشقي القصير
اشر على واحد لابس جكيت اصفر وعلى وجهة لصق جروح وقال:هذا تشاد
تشاد سوا حركت بيس بااصابعة ردتلة الحركة ترنيم
وفي الاخير اشر على واحد كان لابس جكيت اسود وجينز اسود وتيشيرت ابيض وكاب اسود وحدايد الي تجي على الجنب مربوطة في الحزام
وقال:هذا ستيفين
قالت ترنيم وعلى وجهها ابتسامتها المشرقة المعتادة:تشرفت بامعرفتك ستيفين
اكتفى بانة يناظرني وهوساكت بعدهاحول نظرة للعامة الي يمشو في الشارع
حط ثيو يدة على كتفي وقربني منة وقال بصوت خافت:ماعليكي منة هو دايم اسلوبة جاف كدا ومايتكلم كتير
ابتسمت لة:لاعاتي مومشكلة
ابتسم لي ولف وجهة لاصحابة:يلا نباشر الشغل
وقبل لايبداء ماثيو يعزف على القيتارة تكلمت بسرعة
ترنيم:هي ثيو ابعى ارقص معاكم كدا حمستوني لرقص ها موافق
طالعني ثيو شوي وبعدها ابتسم:اكييد حياك الساحة لك
وبداء عزف الراب الرائع كان جد حلو والي يغني كان ثيو وستيفين كان يعزف على القيتار وتشاد حق الطبل
كان عزف سريع وابداع وقفت محلي شوي استوعب الروعة وبعدها سمعت للحن وكلمات الاغنية وجسمي بداء يتحرك تلقائي
على الحان الميوزك كنت ارقص راب باابدااعية تعرفو ليش لاني دخلت معاهد تعليم الرقص الاجنبي وتعلمت رقص الراب والهيب هوب ورقص كتير لدرجة اني سرت مدمنة رقص
سرت ارقص بحرية من غير تعالي كان رقصي جدا حلوو وتجمعو الناس علينا وبداء الاغاني تعلى وازيد في الرقص وسرت اغني معاهم بصوت عالي واصرخ وارقص كان حمااس
الجو جد رهييب كنت مبسوطة لانو روتيني تغير كانو الناس يرمو فلوس لناراح الوقت واحنا لساعنا نغني ونرقص تعبت انا وخلاص جلست على الارض واناالهث من التعب
وقفو عزف وماثيو راح يلم الفلوس الي رموها على الارض لنا لمو اغراضهم وحطوها في السيارات ذيك السيارات الي زي البيوت <<ذي السيارة عبارة عن سيارة كبيرة فيها مطبخ صغنون
وحمام وسرير معلق في اخر السيارة للايضاح اكتر شوف كرتون بن تن وتعرف السيارة تشبة سيارة جد بن تن
وشفتهم متجمعين عند الفلوس ويحسبوها كم اماستيفين فكان متكي على جدار وحاط رجل على رجل وهو واقف كان شكلة جدا كووول مرة ذا الادمي علية هالة جاذبية غريبة
قطع عليا تامل ستيفين صوت ثيو وهو يناولني علبة موية ويقول وعلى وجهة ابتسامة هادية:تفضلي موية
رديت لة الابتسامة:شكرا كمل كلامة:اليوم شكلك تعبتي اسفين اذا ازعجناكي
طالعت فية ببلاهة:ايش دعوة اصلا اناالي جيتكم برجولي وكان فيني حمااس رقص وطلعتة هذي هية السالفة يعني ماازعجتوني ولاشيئ اناالي ازعجتكم وتدخلت بينكم
نط ماثيو عندنا وقال والابتسامة شاقة حلقة:ثيووو شووف جمعنا فلووس اكتر من الايام العادية
طالع فية ثيو:كم جمعتو
ماثيو وهومبسوط:1000 جنية بريطاني
حضن ثيو ماثيو وهو مومصدق المبلغ الي جمعة
بعدها طالع فيني وحضني من غير سابق انذار
 
قلت واناابعد ثيو:هية ثيو اضبط نفسك ايش فيك تحضن في الخلق
بعد عني وهوخجلان ويحك شعرة ومنزل راسة:انااسف بس حبيت اشكرك لانك السبب الاول والرئيسي في اننا جمعنا المبلغ الهائل ذا
طالعتةوانامستنكرة كلامة:1000 جنية مبلغ هائل
ضممتك حتى قلت ناري انطفت فلم تطفى نيراني وزاد وقودها
!!!
استغرب من استنكاري لة:ايوة كثييرة بانظرنا
ترنيم:وااهاا فهمت وبعدها تذكرت اني مااكلت شيئ من الصباح
ناظرت فيهم وكملت كلامي:شورايكم اعشيكم في مطعم
كلهم طالعو فيني وهمة بقمة الاستغراب وفاتحين فمهم من الصدمة
ماثيو:كيف يعني تعشينا بامطعم
طالعتة:زي العالم والناس راح اعشيكم بامطعم
ثيو بهدوء:والتكلفة على مين لاتقولي انها راح تكون عليكي
ابتسمت لهم:افكورس ياحلوين راح تكون عليا اجل على جدتي وبسرعة اشوف اختارو اي مطعم يعجبكم ونفسكم فية عشان تتعشو
ثيو:بس مانــ...
قاطعتة:بلا بس بلا بطيخ اختارو بسرعة لاني جد جوعانة من الرقص اليوم
شفتهم ساكتين ومنحرجين وروسهم نازلة في الارض شكلهم ماهم ناوين يختارو والزفت ستيفين عم الثقل كلة ولامعبرني ولابيختار معاهم مع نفسة
قلت لهم واناعازمة خلاص:راح اعشيكم في مطعم ايطالي وراح ناكل ايس كريم من محل قريب الايس الي يبيعوة لزيز
كلهم قالو:مانقدر
تشاد:اسفين ترنيم بس مانبي نكلف عليكي
عصبت منهم:هية انتم تراكم من اليوم تتكلمو عن الكلافة ومدري شنو قلت راح تاكلو على حسابي يعني على حسابي واشوف احد يناقشني
طلعت جوالي من الشنطة وانامعصبة من المهابيل الي وراي رد عليا سباستيان
رفعت صوتي وانااتكلم:سباستينيوة راح تجيني دحين الشارع .....
وابغاك تمرني على مطعم..... بسرعة لوسمحت قفلت الخط
ورجعت اناظر فيهم:مافي ولااي اعتراض فاهمين
سكتو كلهم كان ماثيو جالس على الارض بس موجلسة جلسة بس مثبت رجولة ورافع جسمة من على الارض والكاب كان مخلية جاي بالمايل ولابس جكيت فوشي غامق وبرمودا فضفاض لونة
رمادي واساور فضية كان جالس يلعب في الارض مدري ايش قاعد يسوي باضبط وقررت بانذالة اخرب الشيئ الي راح يعملة
رفعت الكاب حقو ولبستة وابتست ابتسامة واسعة شريرة وقلت:شوتعمل
ماثيو:ولاشئ بس قاعد لية
ترنيم:اممم طيب انت بوكرة مشغوول
ماثيو ابتسم:اناطوول عمري فاضي لية تبغي مني شيئ
ترنيم:يب اكييد ابي شيئ
ناظرني بعيونة السماوية بانظرات برئية:وشنو تبي ياحلوة
ابتسمت لة:اضبط نفسك استاز ماثيو ترا اذا كثرت من الكلام المعسوول حقك ذا بيجيك طرااق لليل
ضحك بهبالة:اوكي خلاص انتي اصلك متوحشة عشان كدا ماراح اتغزل فيكي
ترنيم:والله تسوي فيني خير المهم ابغاك تعلمني العزف على القيتارة بكرا
سكت وبعدين قال:مصرة تتعلمي ومني كمان
ترنيم:يب وبعدين هو في احسن منك في العزف
ماثيو:اكيد فية وكثير
ترنيم:بس اناماشفت الكثير ذول اناسمعت عزفك انت هاموافق ولاماتقدر
ماثيو وقف وقعد يتمغط:اكيد اقدر بس الله يعينك تراني شديد وقعد يحرك حواشبة بحركة استفزازية
ترنيم:ولايهمك المهم تعلمني وبس
رحنا نسولف مع البقية وضحك جد اليوم تغير روتيني تغير جذري
وبعدها جاسباستيان بسيارة لكزس سودة ومضللة خرج سباستيان منها وفتح الباب الخلفي ليا
ناظرت فيهم واشرت بيدي على السيارة:تفضلو ولاتبون عزيمة كمان
تشاد:لاحشاك مانحتاج
دخلناالسيارة والكونديشن كان هواة باارد يشرح الصدر كانت الموية الي اعطاني اياها ثيو في يدي باقي منها النص وقعدت العب في علبتها من الطفش
كان ماثيو جالس جمبي وثيو بعدة وبعدة تشاد وفي الاخير الغلس ستيفين كانت السيارة وااسعة والكل ماخد حريتة في الجلسة
تكلم ماثيو:هي انتي
طالعت فية بنص عين:نعم ياانت
ماثيو:تراني عطشاان من اليوم وانتي قاعدة تلعبي في الموية الباردة قدامي
ترنيم:وطيب شنو اسويلك
ماثيو:بابساطة لاتلعبين فيها قدامي ولاترا راح اشربها لك من العطش
ابتسمت:لهدرجة عطشان
ماثيو وهو يطالع من الشباك الي جنبي:واكثر
مديت الموية قدامة عيونة وهو يناظر في الشباك بعد يدي عن عيونة وقال بازعل:مصرة على موقفك قلتلك راح اشربها لك
مديت لة الموية مرة تانية:تفداك الموية خد اشربها
ماثيو:ماابغاها مشكورة
تخصرت:شف المفعوص لك وجة ترفض اقوول تشربها وانت ماتشوف دربك
ماثيو:منجدك تبيني اشربهامن بعدك
ترنيم:ايوة عايدي وي
ابتسم ماثيو:ياشين البراءة هاتي الموية بس
مديت الموية لة:وليش بريئة
ضممتك حتى قلت ناري انطفت فلم تطفى نيراني وزاد وقودها
!!
مارد عليا الى بعد ماخلص الموية قفل علبة الموية بعد ماخلصها
لف علي وناظرني بانظرة خبث وعلى وجهه ابتسامة شريرة:مشكورة على الموية الطعمة ترنومة
ترنيم:ويش ذي ترنومة بعد واخلص علي ليش بريئة
قال والابتسامة الشريرة مافارقت فيسة:لوقلتلك السبب قبل لااشرب الموية كان ذحين اجلس اتحلم في الموية
ترنيم اعصابي باتفلت:اخلص عليا ماثيووة ايش السبب الملعون ذا
ماثيو:لانو انتي عايدي عندك اعطاتيني الموية اشرب منها بعدك وماتعرفي انو الحركة ذي بس يسونها العشاق "كمل بهدوء"تعرفي لية
خلاص احس شعر راسي وقف من القشعريرة وقلتلة بصوت خافت:ليش
ناظرني فترةوبعدها تكلم:لانها تعتبر قبلة غير مباشرة عشان كذا قلتلك انك بريئة لانك ماتعرفي عن السوالف ذي شيئ
من الصدمة صكيت خشتة باعلبة الموية وسكت وناظرت الطريق من الشباك الي جنبي وهو بدورة سكت وقعد يلعب بعلبة الموية الفاضية
والبقية ثيو قاعد يسمع اغنية حاطط السماعة في اذنو ويسمع ولاهو داري عن الدنيا وتشاد قاعد يطقطق على جوالة وستيفين يناظر الشوارع من الشباك الي جهتة
كل واحد انشغل بحاجة يلهي نفسة بيها عبال مانوصل للمطعم
<نرجع لشالية>
مر الوقت سريع وقررت ادخل واصحي اكياس النوم اخدت كوب الكوفي ورجعتة للمطبخ
طلعت مع الدرج لدور الثاني وادخل على غرفة وسن اول شيئ دخلت وشفتها تصلي
قلتلهاواناعند الباب:استناكي تحت بروح اصحي الخيشة راما
طلعت من غرفتها وتوجهت لغرفة راما وفتحت الباب كانت الغرفة ضلااام والجو قاارص حسيت اني في القطب الشمالي قعدت ارجف هالمجنونة كيف متحملة كل هالبرودة
دخلت وسكيت المكيف وفتحت الشبابيك وطالعت فيها وابتسمت اصحيها باشويش ولاالعن خيرها
قربت منها باشويش واهز كتفهاواتكلمت بهدوء في اذنها:راما اصحي يلا حبو قومي
راما قعدت تتقلب:مؤيد شقلب لالعن خامسك هالحين
ريان ضحكت بخفيف الله يعينك يامؤيد على المتوحشة هذي حتى وهي نايمة باتلعن خامسك
قررت اصحيها بطريقة مزعجة خرجت من غرفتها وشنقلت الباب على الاخير وجريت بسرعة لدرجة اني حسيت نفسي سرت ناروتو ونطيت ذيك النطة وبطحت على سريرها
وقعدت انط واسوي نفسي اعزف قيتار وانط ومسوية حمااس
ريان:ياااااهووو فوور يووو اي لف يووو ياااااة اي لوف يو "اصرخ واغني اغنية فور يو"
راما باصراخ وغضب:رياااااااااان ياملعونة برا اشووف
ظليت واقفة واطالع في اظافري ببرود:مني طالعة الا وانتي قايمة ومصلية ومغيرة خلاقينك هذي
صرخت راما:خلاقين في خشمك اطلعي ريان بررة مني باناقصتكي
ريان واناعلى حالي:قلت نو نو
وماحس بانفسي الا وانا على الارض ويدي تالمني
نزلت دموعي غصب كانت الطيحة جاامدة
انفجعت راما ونزلت عندي بسرعة
رامابربكة:اسفة والله اسفة ماكنت ابغى اطيحك بالقوة
دخلت وسن على اصوات الصراخ :ايش فية "شافت ريان طايحة بالارض"
وجات جري:روني حبيبتي كيف طحتي ياروحي انتي تعورك ايدك
وطالعت في راما بانظرات نارية:ممكن تفهمني شنو الي حصل هنا
راما:جات تصحيني ودفيتها وطاحت
وماتحس غير باطراق على راسها
وسن:موعيب عليكي جاية تصحيكي عشان لاتطيري الفلة الي راح نساويها وانتي تجازيها باطيحة محترمة
راما:بس هيـــ....
 
وسن:لابس ولاشيئ والله ياويلك لوتعيدي حركات الاطفال ذي تاني ياديك رومي انتي
شوية ويشوفو ريان متسدحة ضحك استولت علامات الاستفهام والتعجب وجههم
وسن:شكلة الضربة جات على الراس موب اليد
راماتهز كتوفها:اية احتمال كبير
مسحت دموعي وناظرتهم:والله حلو ذا اللقب على راما الديك الرومي"ورجعت اضحك"
وسن لمن عرفت سبب ضحكي فقعت معايا
رامابزعل:وانتي تضحكي معاها ياسندويتش
ريان:وااك لقب بايخ زي فيسك
راما:برررة لابارك الله فيكم براا خلوني اغير
طلعنا برة وتوجهنا لصالة جلست انا ووسن راحت تسويلها كوفي
وبعدها نزلت راما وجات وسن ومعاها ثلاثة كوبايات كباتشينو
وحطتها على الطاولة القزاز الي قدامنا
وسن كانت لابسة شورت ابيض وبلوزة سماوي البلوزة توب وفيها حبل متعلق بارقبة وسن وكانت البلوزة طبقات قصير من عند الصدر
كانت لابسة اسورة متوسط حجمها وحدة بيضة والتانية سماوي ولبست شوراب طويل يوصل لركبة واحد سماوي والتاني ابيض مخطط باسمواي
ولبس شوز سبورت لونة سماوي في ابيض وحطت قلووس وردي وكحل ازرق ولبست عدسات رمادي وشوية بلاشر وردي سوت شعرها لف بالفير من الاطراف وسوت بف صغير من قدام
ورفعت نص شعرها باكلبيس ابيض
اماراما كانت لابسة تنورة جينز توصل لفوق الركبة باشوي لونها رمادي غاامقق وعليها بلوزة توب فووشي وعليها جكيت جينز نص كم ينربط من تحت الصدر لونة رمادي نفس قماش التنورة بعد
سوت شعرها ويفي ولمت نصة بابكلة فوشي وسيبت الباقي حر طليق لبست اكسسوارات خفيفة على شكل قلب حطت قلوس فوشي صاارخ وكحل رسمتة رسمة تجنن عيونها سارت بينت كبر بؤبؤ عينها
ريان:شومخططين لليوم
راما : انا ود ودي انام الله يرجكم فجعتوني بس صليت وقلبي هدى الله يعيني
ريان : يالله خفي علينا مسويه فيها والطيحه اللي اخذتها وين اصرفها ترا للحين اتالم
وسن : يا حياتي سلمات والله فيني ولا فيكك
ريان : من جد ليتها فيك ولا فيني
وسن ضربتها : ماتصدقي ع الله
ريان : ترا والله قويه الطيحه
راما بعصبيه : الحين قلتوا وش بتسوون
ريان بهدء وبرودة اعصاب : بننام زيك
راما : اوك يالله ننام
وسن : ماصدقت ع الله ياربي هيه ماجيناا نتسدح ونتبطح ونقابل التي في تيب
راما : بشويش استهبل مع رينو
ريان : نعم نعم وش رينو
راما : لقب يناسبك بلا روني ولا ريان رينو وااي مره نايس وه بث
ريان رمت عليها الخداديه : قال رينوقال
وسن تضحك : الديك الرومي توني انتبه انهاسارت تالف القاب
وراما بزعل : بنات يالله بسكم عاد ماهو عاجبني ذا الاسم
ريان:عساة لايعجبك
ووسن : ههههههههه الله لايفشلنا
هنا راما خلاص ودها تبكي ماتحب احد يتمسخرعليهها
طنشتهم ومشت جري للبحر ودها تصارخ بس ماتبي وصارت تمشششي شافوهها ريان ووسن وقرروا يمقلبوووا فيها ويفجعوها عشان ماتطلع تاني لحالها
خرجو واندسو ورا صخرة كبيرة ومسكو مجموعة من الحجار وبدو يرمو راما فيها بس مويعورها تجي وحدة على رجلها بشويش بس والبقية يرموها جمبها وقدامها وكدا
عاد راما مسطولة على بالها جن وخافت مررة راحت تجري زي المهبولة وبعدت عن شاليههم وهي من غير عباية
ريان باصدمة:عساها الساحق ليش شردت
وسن بانفس الصدمة:مدري تلاقيها تحسب جن كالعادة امشي نلبس عباياتنا ونجيب عبايتها
ريان:طيب يلا بسرعة قبل لاتجيب العيد
دخلنا الشالية طيران لبسنا عبينا واتلثمنا ووسن سحبت عباية راما وخرجنا ندور عليها
<نروح للمسطولة راما>
خرجت معصبة من الشالية لية يتمسخرو عليا قليلات الادب والله زعلت منهم
بعدت عن الكوخ مسافة ومااحس الى بالحجار الي تطير جيهتي وعاد انامررة خواافة خاصة من سوالف الجن
ودحين مافي احد وحجر يطير جيهتي وربي خفت يكونو جن جد شلت قشتي وادعس مية وثمانين مني عارفة وين اروح اواي طريق اخد
لدرجة اني نسيت اني من غير عباية قعدت اجري وانا مغمضة عيوني صقعت في احد وحسيت كاني صقعت في جدار
قلت ودموعي خانتني:وجعع بعينك ماتشوف انت
رفعت راسي لتتلاقى عيوني بعيونة الي تحمل معنى البرود كان رافع حاجب ومتكتف تكلم ببرود:اعتقد انك انتي الي صدمتيني موب انا يعني انتي العمية
رجولي معد هي قادرة تشيلني من الخوف طحت على ركبي وانا ابكي امسح دمعة تنزل بدلها عشرة سرت امسح دموعي بالقوة زي الاطفال وصوت شهقاتي كل مالو بيعلى
كان الوقت صباح يمكن 10 او11 يعني مافيش احد برة الشالية حقو شفتة لسع ماتحرك من مكانة جيت اقوم واناجسمي حدة يرجف من الخوف لاني اول شيئ تعرضت لحجار من جن!!
ودحين اتهزاء من واحد مااعرفة واولا واخيرا شماتة ريان ووسن مني وقفت شوية ولفيت عنة بمشي خلااص كافي اهانات مشيت لي يمكن ثلاثة خطوات او اربع ويختل توازني
بسبب الرجفة القوية الي فيني وماهي الي ثواني ومااحس بانفسي غير في الهواء صنمت شوية من الصدمة ايش ذا يافشلتاااة
رفعت راسي استوعب اناباحلم ولاعلم كان مركز نظرة على وجهي وعيوني المليانة دموع وخشمي الاحمر دفيتة من صدرة:نزلني نزلني
تكلم بهدوء:راح انزلك بس لاتصارخي وتدفدفي ترا انتي الي راح تتالمي في الاخير
سكت منجد لودفيتة راح يفلتني واطيح اناوقف جنب كراسي وطاولات وحطني على واحد من الكراسي وقعد قدامي ناولني عصير ليمون باارد
تقرفت من شكل العصير :ليموون اااه الله يعز النعمة
حطة على الطاولة وقال وهو يفتح لنفسة قزازة عصير ليمون تانية:ماتبية بكيفك بس انااحب ذا العصير وانتي موتي عطش بعد الرجفة القوية الي صكتك توها
جلست اناظر العصير واناساكتة اشربة ولا لا وبعدين اناجد عطشت بعد الجري الي جريتة سحبت قزازة العصير وحاولت افتحها بس عيت تنفتح
سحب القزازة من يدي وابتسم ابتسامة تخقق:مصيرك تحبي عصير الليمون
فتح القزازة ومدها ليا سحبتها وانااناظر الشاطئ والسماء الجو صحيح كان حر بس حلو
خلصت القزازة حقت العصير
تكلم وعلى وجهه ابتسامة:عجبك
سويت نفسي ثقل:ايوة شوية قليلة يعني مو بالمرة طعم
وشوية اسمع صوت ريان ووسن يصارخو بااسمي
ريان من بعيد وهية لسع منتبهتلي:راااامااا راموووش
وسن:رموووشة راااما وينك
وقفت وقلت باسرعة:يلا انارايحة صحباتي ينادوني
وقف وقال:طيب
وجابيروح وقفتة:مشكوور اخوي ماراح انسالك الي عملتة ليا
ابتسم:العفو
مشيت رايحة باتجاة رينو وساندويتشة
الولد في نفسة"ههه يقطع بليسها شكلها ماهي حاسة انها من غير عباية واسمها راما كمان "ابتسم ومشي يكمل طريقة
توجهت لهم وانامسوية نفسي زعلانة قابلوني بااحضان ودموع وقعدو يتااسفو وقالو انهم همة الي رمو الحجار وكانو بيخوفوني
سامحتهم لمن عرفت غلاتي عندهم
رمت وسن العباية على وجهي وقالت بامزح:ياقليلة الخاتمة طالعة من غير عباية لوشافك احد
استوعبت نفسي استوعبت لبسي واستوعبت المواقف الي سارت لي نزلت دموعي لاايرادي وصرخت:لاااااااااااة
وسن باخرعة:وشفية
راما قلت بهستيريا:يافشلتاااة يافشيلتك ياراما ااااه
ريان بافجعة:ايش الي حصل احكي
لبست عبايتي وروحت معاهم وصلنا الكوخ وحكيتهم الي صار
وسن:الله يفشل بليسك
راما:شنو اسوي
ريان نطت غلط:هاحلو
راما:هوبس حلو الا يجنن يخقق وكل شيئ
وسن:ههههه البنت راحت وطي
قعدنا نسولف لحد مااذن الظهر قمنا صلينا
وشفنا الجدة توها مخلصة صلاة رحنا نطينا عندها
وسن سلمت على راس جدتها:ستي حبيبتي بعد كلي انا اخبارك
الجدة:الحمدلله وانتو اخباركم يابناتي جيتو هنا سرتو معد تنشافون
كلنا بصوت واحد:بخير
وسن:شورايكم نتغداء بامطعم
الجدة:وشلهو مطعم والله ماكو احسن من الكبسة
ضحكنا عليها
ريان:ياجدة احنا عارفين انو الكبسة لزيزة بس نبي نغير
راما:اية ياجدة
الجدة:روحو الله يسهلكم
رحنا طيران لبسنا عبينا ونزلنا لقينا السواق مجهز السيارة وينتظرنا
ركبنا واتوجهنا للمطعم
ريان : ها وش مخططين تاكلوون
راما ووسن: كل شي الا اكل صيني ههههه
ريان : اوك نروح ونشوف مطعم حلوو وننزل له
وقعدوا يسولفواالا يدق جووال راما طالعنا فيها
راما : بشويش بتكلوني بعيونكم
وسن وريان : منو
راما : انتوا اعطيتوا الواحد مجال يطالع ابعدوا
طالعت راما ولقت اخوها
راما:ههههه هذا مؤيد مدري وش عنده
ريان : هاتي ارد عليه ودي اطقطق ع راسه
وسن : بلا قلة ادب تبينه يقول عليكي ماتربيتي
ريان : لا وي بس كنت امزح
راما : ومن قال اني بخليها ترد
ريان : ردي لاينفججر علينا بعدين
وسن :ههههههه من جد شوفي وش يبي
راما ردت : الوو
مويد : يا اختي مابغيتي تردي وش عنددك
راما بنذاله : ريان كانت مصره ترد وطفشتني ماخلتني ارد بسرعه
مؤيد دق قلبة من سمع كلام راما وبعدها سمع صوت ريان
وريان : يا كذابه يا خراشه "وسحبت الجوال" مويد هذي كذابه وياويلك تصدقها ولها حساب تاني
انفقع مؤيد ضحك على بلاهتهم
وريان ووسن يطالعوا راما بنظرات فهمتها انوا حسابك بعدين
راما : واي مويد الحقني اكيد بعد ما اقفل بيضربوني
مؤيد:احسن تستاهلين عشان تاني مرة ماتفتري ع البنت باكلام ماقالته وانتبهي ع نفسسسك وانتي ياريان اختي امانه عندك
ريان بصوت عالي وصل لمؤيد:قوليله اوك
راما : تقولك ريان اوك ومن عيونها ماطلبت شي
ريان : يا حمماره لاتتبلي علي بكلام ماقلته وصوتها واصل للمويد
مويد: الله يعينك ياراما
وقفلت راما
وصلنا للمطعم وراما فتحت الباب بسرعة وهية خايفة وبغت تنقلب بس ربكم ستر وماطاحت
ضحكت عليها وعلى غبائها:العجلة مامنها منفعة
ورحت اجري وراها وابغى اطقها بس بامزح اكيد
ووسن تضحك : الله يرج بليسكم "لحقتنا وهية تقول"احجزي طاوله ههههه
وسار كل هدا ومانتبهنا للعيون الي كانت تراقبنا وتبتسم مو العيون صاحب العيون هع
دخلنا وكان المطعم مليان شباب على عائلات
جاء القرسون:تفضلو العدد كم لوسمحتو
راما:ثلاثة منت بشايف يعني
دلنا على طاولة في الركنية اخر شيئ جلسنا وكان المنيو على الطاولة
كل وحدة اختارتلها شيئ انااخترت شوربة وروبيان مشوي ورز وعصير برتقال
وسن كباب ورز وسلطة وعصير فرولة
راما رز وسلطة ومشويات وعصير تفاح
اخد القرسون الطلبات وراح يجيبها
نزلنا لثمنا وقعدنا نسولف
راما:بنات شوراح نعمل لمن نرجع
وسن:موودري انتو ويش تفكرو تعملو
 
ريان:ايش رايكم نخرج للشاطئ باقهوة وشاهي وهيك الجو حلو في العصرية
وسن:اوك راح نخرج لشاطئ العصر مع ستي
راما:راح نشتري قاتو وبسبوسة ومعجنات
وسن:افكوورس قلبوو
جاء الطلب وقعدنا ناكل بهدوء
خلصنا اكل ويوم جينا نحاسب
القرسون:طلباتكم اندفعت
طلعت عيوني:نعمم ومين الي دفع
القرسون:الاستاز الي في الطاولة رقم 20
راما:ناده لنا خلنا نتفاهم وياة
راح القرسون للولد
القرسون:يااستاز الانسات طلبين حضرتك
وقف بكل هيبة وتوجة لهم وباين على وجهه البرود والجمود
من يوم شافتة راما انخرست من الصدمة مالها وجهه تتكلم معاه
ابتسم يوم شاف معالم الصدمة على وجة راما
ريان:يااستاذ احد طلبك تدفعلنا
الولد:والله عاد كيفي ادفع للي ابي
وسن:ياسلااام شايفنا شحاتات عند اهلك وماعندنا فلوس ندفع ولاايش
الولد بررود:اناماقلت كذا انتي قلتي عن نفسك ذاالكلام
ريان باعصبية:خد فلوسك ابركلك لاننا راح ندفع يعني حركتك مال ابو امها داعي
ومشينا وراما مسطلة للحين سحبناها معانا ومشينا للكشير وحاسبنا
القرسون:وفلوس الاستز اعمل بها اية
ريان باعصبية:اذا ماردها خذها لك
ومشينا لبرة المطعم
دخلنا السيارة وحركنا للبيت
ريان انتبهت على راما مسرحة:رموشة شفيكي
راما بتوهاان:شوفتي الي دفع لنا توة
وسن:ايوة قليل الخاتمة
راما:ذاك الي شافني من غير عبااية
فطسنا ضحك
وسن:اهاا عشان كدا ماكان لك وجه عشان تتكلمي
راما باعصبية:وجع جد انحرجت تخيلي تخرجي لرجال من غير عباية ولا لابسة قصير بعد
رفعت يدي لها:اناجربت وقدام اخوكي كمان
وسن وراما فطسو ضحك
راما:يااارب وسن تخرج لواحد من غير عبااية يارب
وسن باشهقة:وجع في وجهك ادعي حاجة سنعة مو"وهي تقلد صوت راما"يارب تخرج لواحد من غير عباية
ريان:انا وراما انشفنا من غير عبي بس بقيتي انتي
توجهنا لمحل حلويات ومعجنات واشرينا وبعدها رجعنا لشالية
وصلنا لشالية وقعدنا نتفرج وناكل شيبسات لحد مااذن العصر
ورانا سباحة وفللة
 
ضممتك حتى قلت ناري انطفت فلم تطفى نيراني وزاد وقودها

((شروق شمس وبزوغ قمر))
<عند ترنيم>
وصلنا المطعم وكان كبيير ويعبر عن الفخامة والرفاهية
وقف سباستيان وفتحت الباب وخرجت حطيت يدي على الباب وهو مفتوح استناهم يطلعو
خرج ماثيو بصراحة حزنت علية هو ماقصد شيئ وانا صكيتة وزعلت باصراحة مالي داعي
حبيت اتاسف منة بس بعدين مو الحين طلعو كلهم وانفتح باب المطعم كانت الوان المطعم ذهبي والستاير كبييرةلونها احمر غاامق والشبابيك واصلة الارض
والاضاءة ذهبية ومسيقى الكلاسيكية منتشرة في المكان كلة وكان المطعم على دورين حجزناالطاولات الي في الدور التاني
جلسنا وجانا القرسون ومعاه المنيو ووزعو على كل واحد جالس
كل واحد اختار لة اكلة معينة وانا اخترت بس زدت اكل واذا زاد راح ناخدة معانا
فتحت جوالي وقعدت اطقطق فية وهمة جالسين يسولفو وايش راح يسو ومدري ايش انسجمت مع الجوال
وشوية يرن بانغمة راب عالية طار الجوال من يدي من الخرعة والقطة باسرعة واطالع المتصل توسعت ابتسامتي
ورديت باكل حيوية:هلابابي
ابو ترنيم:هلافيك يابنتي وينك انتي ذحين
ترنيم:انافي المطعم لية محتاج شيئ كدا ولاكدا
ابو ترنيم:لايابنتي مومحتاج بس خفت عليكي لانة مو من عادتك تتاخري لهل الوقت
ترنيم وانااطالع ساعتي:وين تو الناس بابي الوقت بدري الله يهداك انت الي متعود على جيتي بدري
ابو ترنيم:اية يمكن معد سرت اقدر على فراق حبيبتي
ترنيم ضحكت ضحكة عالية وفيها غنج قلت وانا العب في خصلة من شعري واتكلم بادلع:بابي اضبط نفسك خلاص اناماراح اتاخر الساعة 10 بالكتير وانا عندك ها راضي
ابوترنيم:فديت الي يدلع انا ايوة رضيت يلا لااشغلك في حفظ الله
ترنيم:في حفظ الكريم
قفل الخط وسكيت جوالي ودخلتة في جيبي رفعت راسي ولقيتهم كلهم يطالعوني باستغراب الا ستيفين كان يطقطق على جوالة ولاهمة احد
ترنيم وانامفجوعة من نظرات الاستغراب الي على وجيههم:ايش فية ايش بكم تطالعوني كدا
ثيو:انتي تتكلمي كم لغة
استغربت سؤالة:اتنين الانقلش والعربي لية
ثيو:وانتي توك جالسة تتكلمي عربي
ترنيم:ايوة"واستوعبت توني" اهااا انتم مافهمتم شيئ اكييد
ثيو هز راسة بااية
ترنيم:هذا بابي يسائل متى ارجع البيت
ثيو:اها
ترنيم ابغى اسئلة لساني يوجعني لااازم اسئل:ثيوو
ثيو ناظرني:هلا
 
ترنيم:امم ممكن اسائلك سؤال واذا ماتبي تجاوب عاتي
ثيو:اوكي اسئلي
ترنيم:انتم اكييد فرقة صح وتعزفو بس احس مكانكم غللط وانتو تغنو في شوارع لندن انتم لوكنتو في امريكا كان عديتها بس انتو في لندن بلاد الدموقراطية والاداب
والاسلوب الراقي الي مدري ايش يبغى
ثيو سكت شوي:صح كلامك كلة صح احنا ماكنا نعرف بعض اصلا التقينا في لندن بسبب ضروف جمعتنا وقررنا نسوي فرقة بعد ماعرفنا مواهب بعض
ترنيم:والاسباب دي
ثيو:كل واحد لة سبب وظروف معينة خلتة يجي لندن ويغني في شوارعها
التمست نبرة الحزن في صوتة وقررت انخرس ولعد افتح فمي
جاب القرسون الاكل واكلنا وخلصنا وزاد من الاكل زي ماتوقعت وطلبت من القرسون يحطة لنا في حافظات وناخدة سوا الي قلت علية
حاسبناو طلعنا من المطعم لقيت سباستيان ينتضر دخلنا السيارة وهالمرة تبادل ماثيو مع تشاد جد عرفت انو زعل من حركتي البايخة
مرينا محل للايس ودخلنا احترت ايش اختاار
ترنيم وانامنسجمة مع اشكال والوان الاييس:اممم ايت اطعم هممم
وفي الاخير قررت اشتري اشرت للبايع:ممكن تحطلي ايس فرولة وايس فانيلا سوا في مخروط بيسكوت
نفد طلبي وناظرت البقية لقيت ماثيو مشتري شكلاتة ومانجو وتشاد كرز ووكوفي وثيو حمضيات واحد ليمون وواحد توت وستيفين توفي وشوكلت
حاسبت وخرجنا برة كل واحد جلس بجيه ستيفين جلس على حديدة في الرصيف وتشاد ظل واقف وماثيو متسند على جدار المحل حق الايس وثيو واقف عن السيارة
رجت لم ثيو وابتسمت لة ولمن انتبة عليا رد الابتسامة
تسندت على السيارة وناظرت فية:كيف حالك اليوم
ثيو سكت شوية وبعدين ناظر النجوم في السما:بخير
ترنيم:ممكن تعطيني رقم جوالك
ناظرني وابتسم طلع جوالة:سجلي عندك*******
ترنيم سجلت رقمة:طيب ممكن ارقام البقية املاني هية وبعدها سكرت جوالي ورديتة في جيبي
اكلنا الايس كلنا وردينا لسيارة
ترنيم:وين بيتكم
تشاد:نزلينا مكان ماكنا اليوم
ترنيم:اوك سباستيان محل مااخدتني اليوم روح
وصلناونزلو كلهم
سمعت طق على الشباك الي جنبي
ناظرت لقيتة ثيو نزلت الشباك وحط ثيو يدة على بابي وعلى وجهه ابتسامة
ثيو:بكرة راح تجينا عشان نرقص ولابس خلاص
ترنيم:افاا عليك كل يوم مبطحة عندكم وراح اكرهكم في عيشتكم
ابتسم ثيو:خلاص اجل بكرة نتقابل الساعة كم
ترنيم:اوك بكرة الساعة 10 الصبح
ثيو:اوكي تصبحي على خير
ترنيم:وانت من اهلة
وقبل لايروح ناديتة
ثيو:نعم بغيتي شيئ
مديت لة كيس الاكل الزايد من المطعم
ترنيم:تفضل اكلكم
اخدالكيس وشكرني وراح
 
صحيت من دوامة افكاري يوم سمعت طق على باب غرفتي وطلعت سونيا
سونيا:مس ترنيم انت لازم تروحي الموعد حق اليوم
ترنيم:اووكي مشكوورة على اهتمامك
سونياخرجت برة الغرفة واناقمت كيف اقدر انسالقائي اليوم مع الشلة
رحت للكبك وطلعت شورت جينز غاامق وبلوزة كمها طايح وجوتها بدي علاق كانت البلوزة بيضة ومخططة بالفوشي لبست سلسال طويل وفي نهاية تاج واسورة عريضة لونها فوشي وحلق
دائري كبير واحد ابيض والتاني فوشي ولبست شوراب يوصل لنص الساق لونة ابيض وفية فيونكة فوشية وبوت سبورتي بحبال لونة فوشي وابيض سويت شعري تكسير ورفعت نصة بكليبس
ابيض وخليت الباقي مفلوت حطيت قلوس وردي مايل لشفافية وكحل ازرق وشوية بلاشر وانتهيت اخيرا بشوية بخة من عطر شجرة الكرز
<في الشالية>
صلينا العصر وخرجنا احنا والجدة لشاطئ قعدنا شوية قريب منة فرشنا الفرشة وحطينا القهوة والشاهي وجبنا الحلا والمعجنات كانت الفرشة كبييرة مرة
اول شيئ اتقهوينا على ذاك العصر الي يفتح النفس الجو كان خيااال نسمات الهوا البارد تلفحنا واصوات ضحكاتنا العالية مالية المكان
كنا ماخدين راحتنا لانو المنطقة الي احنا فيها تقريبا خالية دخلنا جو في السوالف مع الجدة كانت قصصها تجنن تعجبني قصص الجدات
راما:يالله بكرة في اليل راح نرجع البيت وراح تبداء دوامات المدرسة
وسن:صح راح تبداء المدرسة بس خلاص ياكدابة هدا قبل اخر اسبوع يعني الاسبوع الجاي نروح ونقعد اسبوعين مذاكرة للاختبارات
ريان:وسوون بليييز لاتذكرينا باهلــ كوابيس
راما:انابكرة فالتها يعني فالتها
ريان:واناكماان بس متى راح نرجع على الساعة كم
وسن:الساعة 12 فاليل
راما:وناااسة جد يعني يمدينا نفل ابوجدها
ريان:ههه يب يب
وسن:بناات شورايكم نسبح بعد مانشرب الشاهي
راما:والله فكرة
رياان:بنوتات انابكرة مجهزتلكم مغامرة على كيف كيفكم
وسن:وايش هية
ريان:اناعارفة انها ماراح تعجبك وماراح ترضي فيها بس راح تعجب راما
وسن:لية والله لااروح معاكم سواء عجبتني ولا لا لازم اسوي اكشن
راماتصفر:كفووو والله هدي وسن الي احوووبها
قعدنا نضحك ونستهبل خلصنا شاهي والجدة تعبت من الجلسة وتبى تاخدلها قيلولة هع
واحنا قررنا نسبح رامابصراخ:اخر وحدة تدخل البحر بيضة فاسدة
من يوم قالت كلمتها وننطلق ونجري جري موصاحي رامااول وحدة فازت بالغش النذلة وانا التانية ووسن اخر وحدة
ريان:هههههاي يابيضة
كملت راما:ياافاااسدة هع
جاتنا وسن معصبة واحنا نسبح بعيد عنهامسكت راما وهتيك تغطيس فيها
وسن:اجل انابيضة فااسدة ياغشاشة هاا
وسن طلعت راس راما:والله خلاص موانتي ذي ريان
ريان:ياكلبة يانذلة ااه منك
راماتهمس لوسن في اذنها بشيئ ويوم شفتهم يناظروني بانظرات خبيثة عرفت انة ماوراهم خير ابد
حطيت رجلي واجري برة البحر خرجت من الموية من هنا واحس بالبرد القارص من هنا وماكنت اقدر امشي ملابسي لاصقة فيني والموية مثقلتني حيييل
شفتهم يلحقو ورايا والله وادعس ذول ماوراهم غير فقش في الراس الله يستر لو مسكوني كان الوقت غروب خلاص الشمس سارت اورنجي على احمر والضلام بداء يحل
 
جريت لحد مارحت محل بعيد وضيعتهم والضلام خلااص خيم على المكان عاد اناهنا جد ضرب الخوف في قلبي والبرد بداء يفرد عضلاتة عليا
كنت برداانة وخاايفة قلت في نفسي:حسبي الله على بليسهم خلوني اشرد وبعدين انا تبن ماكان لازم اجري بعيد كان دخلت الكوخ وربي يحلها بس لازم من عنادك وبلاهتك ياريان لاازم
شفتلي زي الكهف او مغارة مو مهم اهم شيئ انها حفررة كبيرة في جبل توكلت على الله ودخلت عسى ان اجد بعض الدفئ جوا
تعمقت جوا وكان سقف المغارة من جوا مكسر ومسوي زي القبة المفتوحة الي تطل على السماء ناظرت السما كانت جد صافية والنجوم معبية المكان والبدر متوسط في السما
نزلت عيني ولقيت جذع شجرة كبير محطوط على انة كرسي وقدامة خشب محروق وباين علية انة كان في احد هنا بس راح ماكترت تفكير في وضعي جلست على جذع الشجرة وحضنت نفسي
وتكورت ناظرت السما جد كان منظرها حلو وفي نفس الوقت يخوف لاني جالسة لوحدي فكرت اجلس طوول اليل هناولمن يطلع الصبح ارجع للكوخ وافقع وجهة راما ووسن
تنهدت تنهيدة طويلة انافين وعقلي فين جالسة في مغارة لوحدي وافكر افقع وجيه صحباتي والله حالة
سمعت خرفشة ورايا بلعت غصتي من الخوف ماابغى اناظر وانصدم يمكن يطلع جني اودب او اي شيئ تاني وابغى اناظر عشان اعرف يارربية ويش السوات
خلااص لازم اشوف ايش الشيئ دا والي فيها فيها لفيت وجهي لورا وانصدمـــــت!!!!
<نرجع لترنيم^^>
شلت شنطتي الي تجي طويلة وتنحط مايلة حطيت فيها جوالي وعطري ومعقم وبوكي
خرجت من القصر ولقيت سباستيان ينتظرني فتحلي الباب وركبت وصلني لمحل مالقيت الشباب فية امس
خرجت من السيارة وقلت لسباستيان يحرك واناوقت ماابغى ارجع اعطية كول مي لفيت وجهي للمكان الي رقصت فية امس
ابتسمت لاارادياقعدت ادورهم وماشفت احد لايكون انشغلو قعدت ادور باتفحص والقى واحد قصير بكاب لابسة بالمايل لونة زيتي وجكيت بكاب لونة اصفر وتي شرت احمر وبرمودا اسود فية حزام ابيض وحدايد
كان متسند على جدار وفي يدة كتاب وباين انة داخل جو مع الكتاب عرفت على طوول انة ماثيو تقدمت منة بخطوات سريعة وسحبت الكتاب بسرعة
ناظر فيني باصدمة:ترنيم لوسمحتي ردي الكتاب
خبيت الكتاب ورا ضهري:لامراح ارجعة لك الا بعد ماتجاوبني على اسئلتي
ماثيو كشر وناظر بعيد:وايش هية اسئلتك
قلتلة واناالعب في خصلة من شعري:فين ثيوماشوفة قالي انة راح يكون هنا
ماثيو باكل برود:ثيو عندة عمل في ذا الوقت
ترنيم:اها طيب وتشاد
رد وهو على نفس البرود:راح في موعد مع"وشدد على الكلمة"عشيقتة
ترنيم بلامبالاة:اهاا طيب وستيفين
ماثيو تنهد باطفش:نايم خلصتي تحقيق ردي كتابي
ترنيم:لسع ياحبيبي ماراح تاخدة دحين
ناظرني بانظرات نارية:ايش بقي كمان ياست ترنيم
صراحة خفت من نظراتة بس شسوي عنيدة وراسي يابس:تذكر الوعد الي وعدتني فية
خفف من حدة نظراتة:ايت وعد مااذكر اني وعدتك باشيئ
ترنيم بابتسامة:ياخراش تراك وعدتني تعلمني العزف على القيتارة
ماثيو:طيب مااقدر اليوم
ترنيم:لية مافي احد في ذا الوقت ويمديك تعلمني صح
ببرود يقهر:واناقلت اني ماراح اعلمك اليوم غصب الشغلة
ترنيم تنهدت يعني لازم اقوول اسفة للحمار ذا يعني مررة مايفهم من اول احاول اعتذر بس الحمار حمار:اسفة
ناظرني باستغراب:وعلى ايش تعتذري ياست ترنيم
ترنيم:اسفة عشان صكيت خشتك بقارورة الموية
ماثيو:طيب خلصتي
ناظرتة باصدمة:ماثيووة ووجع من اول احاول اعتذر منك واناولامرة اعتذرت لولد واجي اعتذرلك وكدا تجازيني
ماثيو:مااعتقد اني طلبت اعتذارك
من القهر عيوني تملت دمووع الحيوان تعبت وانااحاول فية عشان يسامحني مسكت الكتاب حقو ومن العصبية رميتة علية باقووة
وصرخت:باتسامح سامح ماتبي مععع نفسسسك "ودموعي اخدت مجراها على خدي خلاص"
لفيت عنو ومشيت وانا امسح دموعي بقهرر الملعون اعتذر لة ويقولي مو محتاج اعتذارك يقهرر
مشيت شوية عنو ومااحس غير بيد ساحبتني على ورا لفيت باعصبية باشوف مين الحيووان ذا الي لة وجه يسحبني
كنت معبية كلام جامد بس في ثواني تبخر كلامي يووم
 
ضممتك حتى قلت ناري انطفت فلم تطفى نيراني وزاد وقودها

((الحياة مليئة دائما بالمفاجاءت واحياناالنكبات))
<عند ريان>
لفيت وجهي لورا بخوف وانصدمت من الي شفتة كان في صندوق كبير وعلية ورقة ومكتوب عليها كلام وجوات الصندوق كلب كان الكلب من نوع كلاب الحراسة السودة
شلت الورقة ابغى اعرف شنو فيها رفعتها لنور القمر لانو المنطقة كانت ظلاام وكان محتواها(من شاف الكلب اترجاة رجااء شديد انة يهتم فية ويعتني بة الكلب ذا مخلص الله يخليك
يلي تقرا الورقة اهتم فية )
حزنت صراحة ناظرت الكلب كان جد شكلة يكسر الخاطر خليتة مكانة ولمن يطلع الصبح يحلها ربي تكورت على نفسي وغفيت بعدها اصحى والاقي نفسي في نفس مكاني في المغارة
حسبت اني كنت اتحلم بس الظاهر لا شلت نفسي وطالعت في الكلب قلت لازم اخدة معايا والي يسير يسير رحت لجهتة وقربت منة وهو رفع راسة حطيت يدي تحت وجهو وقعدت امسد علية
وقفت وهو وقف معايا قعدت امشية واناماسكة اذنة خرجنا من المغارة ومشيت بسرعة قبل لايخرجو الناس من شاليهاتهم وبسرعة نتحرك لحد ماوصلنا الشالية خليت الكلب عند درج الكوخ
وصعدت دقيت الباب فتحتة روني شغالة الجدة دخلت باسرعة وغسلت يدي وتوجهت للمطبخ وطلعت لحم وموية وصحن مقعر عشان احط فية الموية شويت اللحمة وحطيتها في صحن والموية بازبدية
خرجت من الكوخ والاقية جالس محلة حطيت الاكل قدامة وشفتة يااكل بشراهة يعني كان جد جوعان خلص اكلة كلة بعدها شفتة كيف وسخ قلت لروني تجيب كروانة<<طشت الي هوا
وصابون وكان فية لي<<هوز حق الموية ورا الكوخ مشيت لورا الكوخ وهو بدورة مشي ورايا حطت روني الكروانة وجابت الصابون ومنشفة محد يستعملها
دخلت الكلب في الكروانة وبديت ارش علية بالموية واغسلة بعدها حطيت لة صابون وغسلتة ونشفتة بالمنشفة نظفت روني بعدها الاشياء وخلها بعيد عشان لحد يستعملها
حطيت الكلب على عتبت الكوخ ودخلت انا لازم اتحمم توجهت لغرفتي طوالي وسحبت فوطتي ودخلت الحمام اكرمكم الله واخدت شور طوويييل ودافيئ طلعت تعب امس كلة
خرجت وانا لافة الفوطة على جسمي وباطلع ملابس من الكبك طلعتلي برمودا اورنجية كان البرموادا سكيني يعني لازق في الجسم ومبين تفاصيلة ولبست تي شيرت منجاوي وعلية رسمة فم
لون احمر لبست حزام ابيض وشوز سبورتي اورينجي مسكت شعري كعكة حطيت قلوس شفاف وكحل اسود صليت ونزلت سويتلي كباتشينو توجهت لصالة وفتحت التي في وقعدت اقلب وفي يدي
كوباية الكوفي كانت الشمس داخلة من الشباك الكبير الي في الصالة و شمس الصبح هادية مررة وعجبني الجو فرفرت في القنوات ورسيت على قانة توب موفيز وكان عليها فلم
ستار ستروك للمثل ساترلينج كينقث ياحووبي لذا الفلم اعشقة وخصوصا شخصية كريستفور وايلد بطل الفلم واغاني الفلم شيئ تاني احلى اغنيتين حقت هيرو وسن شاين بي بي
 
قعدت اتابعة باندماج كااني ماتفرجتة فوق خمسة مرات قبل سمعت اصوات راما ووسن وضحكهم العالي وكانو مستانسات النذلات راحت راما المطبخ تشرب مويا
وسن باصراخ:ياانذلة انتي هنا
ناظرتها ببرود ورجعت اناظر التي في واناساكتة
وسن:رينو ايش فيك زعلانة
لساعي اناظر التي في واناساكتة
وسن مسكت يدي وبرجااء:رينو بلييز احكي ايش الي مزعلك
صراحة حزنت عليها مااحب احد يترجاني ويذل نفسة ليا:مافيني شيئ
وسن:متاكدة
ناظرتها باحب:لامافيني شيئ
جات راما من المطبخ بعد ماطفحت لها موية :وت هابند قايز
وقفت:ولاشيئ بس بوريكم شيئ
وسن وراما:ايش هوا
ريان:انتو تعالو وخلاص
وقفنا واتوجهنا لباب الكوخ خرجنا ويوم شافو الكلب صارخو
راما واندست ورا وسن:يماااة كلب
وسن وترجع تندس ورا راما:شيلوووة بعييد
وقفت وحطيت يديني على خصري:اقووول انتي وهيا بلاش خكرنة زايدة تراة مايعض
رحت لة وسرت امسح على وبرة وهو متجاوب معايا ويتدلع
راما:وعع انتي كيف تمسدين علية
وسن:ومن ويين جبتية
ريان:شوية شوية اولا عاتي حبيبتي راح امسد علية وسار هذا الكلب من اليوم ورايح كلبي وامامن وين جبتة هذي يبالها قعدة طوويلة
وسن:ماورانا شيئ اتحفينا باقصصك
دخلنا جوات الكوخ وعلى طول على الصالة جلسنا وبديت اسردلهم ايش سارلي امس
راما:احنا اسفين رينو بسببنا انحطيتي بذا الموقف
وسن:اية اسفين ها سامحتينا
ابتسمت لهم:اكييد مسامحتكم اصلا مازعلت
راما:دامة سار كلبك شنو راح تسمية
جلست افكر وبعدين افتكرت اسم كان عاجبني حيييل:امم شورايكم في اندرياس
وسن:يب حلوو
راما:امم انا مو عاجبني
ريان:هه ومن قال اني طلبت رايك ياديك انتي
راما:وجعع ريانوة لاتقولي ديك
ريان:ههه اوك
وسن:طيب ماراح تشتري لة طوق وتكتبي علية اسمة
راما:ولمن ترجعي بيتك وين باتحطية
ريان:اكيد راح اشتري لة طوق ماراح اخلية مفلوت واما بانسبة لمن ارجع البيت راح احطة في الحديقة الخلفية ذاك المكان محد يروح لة كتيير
وسن:حلوو بس متى راح تشتري الاشياء
ريان:امم شورايكم اليلة
راما:اصلا هنا في محل يبيع اشياء الحيوانات وهيكا شو رايكم نروح لة
ريان:كويس اجل راح نروح بعد العشاء وانخد اندرياس معانا ونشتري طوق لة ونروح نشتري عشاء وناكل على البحر اليوم
راما:وطلعتي مخططة لكل شيئ
ريان ابتسمت ابتسامة شريرة:واكتتتر بعد
قمت اتجوول في الكوخ ماشفتة كلة قبل لانة كان جد كبيير قعدت افتح باب واسك باب شفت غرفة قدامي وباين على الغرفة انها وسييعة
فتحت الباب بشويش كانت الاضاءة مطفية دخلت شوية ودورت على مفاتيح الاضاءة اخيرا لقيتها فتحت الايت وبانت الغرفة كلها وصرخت ذيك الصرخة يوم شفت
ايش جوات الغرفة كانت صدمة بانسبة ليا
<نرجع لترنيم>
لفيت وانامجهزة كلاام جامد للشخص التافة الي سحبني بس في ثواني تبخر كلامي يوم استوعبت اني في حضن ماثيو كانت بانسبة ليا صاعقة
دفيتة بقوة وانادموعي متحجرة قلت باتوهان:ليش حضنتني
ماثيو بكل برود:مزااجي ويلا ماتبي تتعلمي على القيتارة
صديت عنة ومشيت وانامقهوورة اخر شيئ مشيت كم خطوة لحقني وسحبني من معصمي
لفيت علية وانا بقمة قهرري:خيير شتبغى
ماثيو رفع وجهي لة وقعد يناظر في عيوني ياانو عيونة تعذب لونها سماوي فااتح ويناظر فيني مباشرة ذا بيجلطني
قلت واناابعد نظري عنة:اخلص شنو تبى
ابتسم بهدوء:ابغى اعلمك على القيتارة ماتبين
قلت:لامعد ابغى ارتحت
ماثيو:وين الي توها صاجتني وتبغى تتعلم تعزف
ترنيم:قلت معد ابغاك تعلمني
ومااحس غيير بذيك البوسة الحارة الي على خدي صنمت من الصدمة هذا متى يخلص من حركاتة المنحرفة
حضن وجهي بكفينة وقرب مني وقال:واذا قلت ابغى اعلمك
سكت وماقدرت ارد علية حطني في موقف لااحسد علية
سكت شوية وبعدين قال بهدوء:اناالي اسف على حركاتي الصبيانية الزايدة واتمنى تستحمليني واناسويت التمثلية الي اول عشان بعرف موقفك من رفضي لااعتذارك بس
مسحت دموعي وبعدت عنة قعدت اهدي نفسي واعد من واحد لعشرة وبعدها ابتسمت لة:لاعاتي خلاص مسامحتك بس على شرط تعلمني كيف اعزف
ماثيوابتسم:من عيوني ويلا امشي اخد قيتارتي واخد لك وحدة تانية عشان نتدرب
ترنيم:اووكي انت روح وجيبها واناانتظرك هنا
راح وقعد تقريبا عشرة دقايق ورجع ومعاه قيتارتين وشكلة يضحك وهو شايلهم الثنتين على ظهرة
جلست اضحك علية جاء ومسوي نفسة معصب:خيير ليش الضحك
ترنيم مسحت دموعي:والله عاد مزاجي وقت مااضحك اضحك
ابتسم ليا:يلا امشي ويتن تبينا نتدرب
ترنيم:في اي مكان حديقة ملاهي اي حتة عاتي
ماثيو :اوك "سحب يدي وحضنها في كفة وسحبني لية وسرنا نمشي بمستوى واحد ااح حسيت بقشعريرة من لمست يدة الدافية"
توجهنا لااحد الحدائق وقعدنا نتدرب
 
ضممتك حتى قلت ناري انطفت فلم تطفى نيراني وزاد وقودها

((الحياة تحملنا الى طرق لم نسلكها قط))
<عند ريان>
فتحت الباب بشويش ودخلت الغرفة وقعدت ادور على مفاتيح الايت اخيرا لقيتهايوم انفتحت وبانت الغرفة
كان قدام الباب مباشرة جدار من اولة لااخرة يعني الجدار من بدايتة من فوق لين تحت ومن اليمين لليسار وهو شباك وجزء منة ينفتح ويخرج على برة
كيف يعني هوة زي باب للبلكونة بس ذا يخرجك على عتبات مرتفعة عن الارض تخرجك برة البيت من الجيهة الخلفية زي البيوت اليابانية
لفيت اناظر بقية الغرفة لقيت ستيج كبير في الجيهة اليمين كانت الغرفة كبببيييرة والستيج علية مكبرات صوتية وطبل وقيتارة وقيتار
اناسرت اصررخ من الحماس وحلفت لااعزف جو راما ووسن على صوتي وسن باستغراب:وشفية ليش تصارخي
اشرت لها جيهة الستيج وشافت القيتارة والطبل فتحت فمها
راما:يااانذلة ليش ماتقولين لنا انة في غرفة كدا من قبل
وسن:والله ماكنت ادري بس ونااسة جدانة في غرفة كدا
راما:وليش ماتدري انة في غرفة زي كدا في شاليهكم
وسن:تلاقي واحد من عيال عماني هو الي مسوي الغرفة ذي
ريان:انتو مجانين ولامجانين تشوفو الات موسيقية قدامكم وتطقو حنك بدل ماتنطو على الستيج وتعزفو
راما:ههه احنا مجانين مبسوطة يلا نطي انا ابغى اعزف على الطبل
وسن:وانا القيتارة
ريان:واناافكورس على القيتار
عزفنا في البداية كان نشااز بمعنى الكلمة وقررنا نتدرب على اغنية معينة من فرقة نونيم
واضاربنا شنو نعزف اناقلت ابغى اغنية ايم كريزي اباوت يو وسن قالت اغنية سم تايم وراما اختارت اغنية ان نايت ويث يو
راما:شورايكم نسوي قرعة والي تطلع اغنيتها راح نعزفها ونتدرب عليها
كلنا وافقنا على الفكرة ذي وسوينا القرعة
وطلعت الاغنية الي اختارتها وسن سم تايم
اتوجهنا للمسرح وبدينا نتدرب من الصبح لين اذن العشاء واحنا نتدرب يعني مررة ماخدين الامر بجدية كنا نصلي يوم ياذن ونرجع نكمل لحد مااتقنا الاغنية وسرنا نغني
جد كان وناااسة وفي نفس الوقت تعب جلسنا النهار كلة نغني صلينا العشاء وردينا لنفس الغرفة توجهت للباب الزجاجي المتصل مع الشباك وفتحتة دخلت نسمات الهوا الغرفة
من غير استاءذان اتسندت على الباب الزجاجي وقعدت اناظر السماء جات راما وجلست على العتبة اما وسن لساعها ماجت كنا جالسين نتامل السماء وكل وحدة فينا ساكتة
دخلت وسن الغرفة ومعاها صينية فيها بسكويتات وكيكة باسكن الي لين ذحين مااكلناها والعصيرات والشيبسات والعصيرات طبعا ساعدتها روني في شيل النص حطتها وسط الغرفة
وسن:يلا بنات خلونا ناكل شيئ يصبرنا لحد العشا
راما:اية والله بطني سارت تقرقر
ريان:هههه حلوة تقرقر ذي
دخلنا داخل وخلينا الباب مفتوح وجلسنا ناكل ونسولف كانت جلستنا حميمة جدا
 
وسن:ايووة انتي راح تشتري طوق اندرياس اليوم صح
ريان:افكورس
راما:متى بتروحو
ريان:شرايكم بعد مانخلص اكل نروح
وسن:اية والله لانو الساعة 12 راح نرجع بيوتنا
اكلنا وخلصنا ولمينا قرمبعنا وسكيت الباب الزجاجي وتوجهت لمفتاح الايت وسكرتة خرجت من الغرفة وسكيت الباب
خرجت من السيب الي يوصل لغرفة الموسيقى هذي وتوجهت لصالة الاستقبال الي كنا دايم نجلس فيها
وشفت وسن وراما كل وحدة رامية نفسها في جيهة
تكلمت وانا متحمسة للاكشن الي باسوية:بنااات هيا بلاش خموول زايد وخلونا نفلها
غمضت راما عيونها:وكيف ياعيوني راح نفلها
جلست على كنبة منفردة:هذي الي بتفلها وماتبي تضيع ثانية المهم راح اقلكم ايش راح نسوي بس انتو الحقوني على غرفتي
ناظروني باستغراب طنشت نظراتهم وتوجهت لغرفتي وماخليت لهم فرصة عشان يسئلو حتى
دخلت غرفتي وشفتهم ورايا
وسن:وماذا لديكي من خطط شيطانية يافتاة
ريان بابتسامة شريرة:لدي الكثير ياعزيزتي
توجهت للكبك وطلعت الثلاثة سكينيات والتيشرتات والجاكيتات والكابات
استغربو راما:لماذا هذة الملابس هنا
ريان:ههه عشان الخطة يابعد تسبدي انتي
وسن طلعت عيونها:ايت خطة بعد انتي وجهك
ريان:قسم انكم منسمين ولامنسمين باتجلطوني انتم كم مرررة اقوول بنفلها باطريقة اكشناوية ويلا كل وحدة تسحبلها لبس وتذلف تلبس من غير نقااش
اخدت اناسكيني اسود وتيشيرت ابيض مرسوم علية الساعة الي في لندن وجكيت احمر وفي ضهر الجكيت علم بريطانيا وكاب ابيض في اسود
وسن اخدت سكيني ابيض وتيشيرت اورنجي مكتوب علية بالاسود in sky والجكيت اسود والكاب اسود في اورنجي
راماسكيني نيلي وتيشيرت قرمزي وجكيت ابيض وكاب احمر
لبسنا خلاص وجو عندي راما:طيب وهذا احنا لبسنا ياستي
وسن:اعطي الامر الثاني بسرعة وخلصينا
ريان:امشو تعالو قدامي
جو وجلسو مسكيت شعر وسن ولميتة كعكة صغيرة وحطيت الكاب علية وبعدين فوق الكاب غطيتة بكاب الجكيت
وسوينا الحركة ذي كلنا سارت شعورنا مهي باينة واشكالنا كننا اولاد من امريكا بسبب لبسنا والحركة الي مسوينها
راما:طيب وبعدين
ريان:عاتي بنروح نشتري طوق لاندرياس ونشتري عشا ونرجع
راما:وليش ملبستنا كذا كان رحنا بملابسنا الاولية
ريان:طب مو احنا الي راح نشتري بانفسنا
وسن:مافهمت ممكن تترجمي
ريان:راح نسوق احنا ونشتري العشاء بانفسنا
وسن:لالالا حبيبتي مني بايعة نفسي
راماصفرت:والله انك خطييييرة وقسم انة فكرتكي طيرت الخموول من راسي
 
ريان:حلووو كنت متاكدة انك راح توافقي "ناظرت وسن ببرود"اذا ماجيتي معانا صومي ثلاث اام ياروح امك
وسن:ليــش
ريان:عشانك حلفتي انك تنفذي الخطة معانا سواء عجبتك ولا لا
وسن:حسبي الله على بليسك
راما:موافقة تجي
وسن:ايووة بس لوسار شيئ انتي ياريانوة الي تتحملي المسؤلية
ريان:تيب تيب
راما:ومن وين لنا سيارة
ريان:حقت السواق يامخ
توجهنا لورا الكوخ وكانت السيارة هناك والسواق غير موجود دخلت غرفتة خلسة ولقيت المفاتيح على الطاولة سحبتها سريع وخرجت من الغرفة
طلعت لهم وانا احرك مفتاح السيارة
وسن:اناليش مصاحبة مجانين لييش
راما:امشي ولايكثر حكيك
فتحت السيارة وكان نوعها بنتلي كحلية دخلت محل السايق وجلست دخلت المفتاح وراما فتحت الباب الي جنبي وجلست ووسن جلست في المرتبة الي ورا في النص
راما:اندرياس وينة
ضربت راسي بيدي:يوووة راح عن بالي
وسن:عشان الذكاء الخارق الي فيك
فتحت الباب وخرجت وخليت الباب مفتوح رحت ادور على اندرياس لقيتة مسدوح على بطنة قدام عتبت الباب المكان الي خليتة في طواال اليوم
رحت لة وجلست قدامة بهدوءوقلت:اندي امشي معايا
رفع راسة اول ماشافني وجا يتميلح عندي ويقرب مني وهيك مسحت علية وسحبتة معايا
فتحت الباب الخلفي وطلعتة على المرتبة جنب وسن وسن وشوي وتبكي:ر..ر..ريااان شيلي كلبك عني لاالعنك
دخلت وجلست محلي وسكيت الباب وحركت وقلت بررود:ماهوب ماكلك
جلست وسن ساكتة وبعدها تكلمت:شغلو سيدي فرقة نونيم ذيك اغنية ان نايت ويث يو
راماجلست تدور على السيدي:وينة
وسن:جوت الدرج هذا واشرتلها طلعت راما السيدي
ودخلتة وعبال مايشتغل سالتني راما:من وين تعلمتي السواقة
ابتسمت لها:الله يخلي لي سام هو الي معلمني
وسن:وايش معلمك كمان
توسعت ابتسامتي وركزت نظري على الطريق:فنون الدفاع عن النفس
راما:ذا موسواق ذا والله مدري ايش اقوول عنة بس ماينفع يكوون سواق
ريان:هههه
اشتغلت الاغنية وصداها سار يتردد في السيارة كان الصوت عااالي ومندمجين اندماج كامل مع الاغنية
وصلنا المحل المطلوب وسكينا الاغنية ونزلنا من السيارة ونزلنا اندرياس معانا دخلناالمحل ويوم دخلنا ريحة عطرنا انتشرت في المكان كانت ريحةالعطر جد قووية وريحتها عذاااب
العطر اخدتةمن عطورات سام هع كانت اشكالنا ملفتة شوي واندرياس كان الضؤ مسلط علية اكتر شيئ وصلنا لليبيع
البايع:امر اخوي ايش طلبك
ريان ثخنت صوتي وسار فية بحة حلووة خقيت على صووتي هه:ممكن طوق للكلاب
البايع:الشكل واللون لوسمحت
ريان:امم الطوق ابغاة عايدي بس يكون لونة قرمزي والتعليقة الي فية ابغاها على شكل الثاندر
البايع:ايش اسم الكلب
ريان:اندرياس ابغاك تكتب الاسم في الجيهة الامامية من الطوق والجيهة الخلفية ابغاك تكتب الرقم
البايع:وكم الرقم
ريان:05*****
 
البايع:طيب انتظر نص ساعة ويكون الطوق جاهز عندك
ريان:طيب
راما:وايش هوة ذا شكل الثاندر
ريان:ياعبقرية زمانك هذا الشكل الي يجيك زي شكل البرق
راما:اهااا حلو
ريان:اكييد حلوو
قعدنا نتفرج في المحل كل وحدة مننا راحت لجيهة تتفرج فيها كنت مندمجة مع الاشياء الي في المحل كانت جدا حلوووة وقمييلة
لفت انتباهي مجموعة من الاخراص<حلق اشكالها كانت حلووة مرة وتجنن>< اتجننت عندها سائلت راعي المحل
ريان:ذحين هذي الاخراص حقت الحيوانات
البايع:ايوة للحيوانات
بدت عيوني تلمع بشر هههه سحبت لي خرص على شكل نص دائرة يركب في العضمة حقت الاذن يعني في طرف الاذن واسطوانية طويلة شوي وفيها زخارف كان لون الخرص رصاصي زي الاكسسوارات العادية
ومدلل من نهاية الاسطوانة كرستالة لونها احمر تلمع على شكل معين مررة الخرص كان رهيب
جبت اندرياس وخليت راعي المحل يلبسة الخرص طلع شكل اندرياس حلوو بالخرص ذا خلص راعي المحل من الطوق ولبسة اندرياس دفعت الحساب
وناديت على راما ووسن وجوني شافو كيف سار شكل اندرياس مع الخرص والطوق الي في الرقبة اتجننو كدا سار كلب كووول هه
راما:اندرياس شكلة ساار خطيير
وسن:عذاااب هههه
ريان باتكبر:احم احم اكيد خطيير دامة كلبي
وسن:عن التكبر والغرور الي مال ابو جدة داعي
ريان:من عنوني يلا امشو خلونا نشتري عشا
ركبنا السيارة وحركت
راما:رووني بلييز خلينا نمر ستار بكس نجعص فية كدا بااشكالنا الخوقاقية ذي يمكن نرقم لنا كم بنت مخفة
وسن:كمااان ماشاء الله ناوية ترقمي
راما:ايوة بافشل البنات الي راح يتميلحو عندي
ريان:متاكدة انهم راح يتميلحو عندك انتي
راما:ايية واناويش ناقصني
ريان:موناقصك شيئ
وسن:طيب يامخ انتي وهية دحين احنا عيال وراح نجلس في ستار بكس قبل لانروح نشتري العشاويعني راح نسولف وكدا
راما:وطيب
وسن تكمل:لازم نلتقي اسم ليا انا وانتي يارامووة
راما توها تذكرت:ايية والله صح طيب شنو نختار
ريان:اختارو اسم يكون قريب من اسمكم ذا
قعدوو يفكرووو
وسن:خلاص انارسيت على اسم سامر
راما:امم اوكي انا رامي
ريان:حلووو ويلا اشوف وحدة تزل وتتكلم على اننا بنات اذبحها فاهمييين "وناظرت في وسن على طوول"
وسن:خيير مراح انسى ولاتناظريني كذا
وصلنا لستار بكس وكانت السيارات معبية الباركينج لقينا موقف بعد الدوران المكثف
وقفت السيارة ونزلنا نزل اندرياس معاناتوجهنا لبوابة المحل وفتحنا الباب
يوم شاف القرسون الكلب جانا جرري:يااستاز مايصحش كدا تجيب كلاب لمقهى
ناظرتة ببرود:واذا خليتة هنا شنو باتسوي
القرسون عصب:راح اشتكي لسيادة الرئيس
ريان:تكفى انت والرئيس حقك انت تدري اني بارنة وحدة اقدر اطيرك انت وسيادة رئيسك ورا الشمس
القرسون بلع غصتة:خلاص اتفضلو باءة
راما:ايية كذا انت سنع كان خليتنا ندخل من اول ولا لازم تسمع كلام يسم البدن
القرسون واصل حدة بس ساكت
جلسنا على طاولة قبال الشباك وكانت الانظار علينا المستغرب والمعجب والغير مهتم وال وال
رفعت رجل على الكرسي والرجل التانية خليتها على الارض وحطيت يدي على ركبت رجلي الي فوق الكرسي كانت جلسة عياال شوراع مية من مية
وسن جلست عادي وراما حطت رجل على رجل وشكلها كان متكبر ومتغطرس

جاء القرسون:عاوزين اية سيادتكم
ريان:اناابغى كاباتشينو بالكريمة
راما:اناابغى قهوة سودة
وسن:ابغى موكا حاار
ريان:وحليب للكلب اذا ماعليك امر
طالع فيني القرسون بارفعة حاجب رديتلة حركتة رفعت حاجبي وصوبت علية نظرة نارية خلتة يذلف يجيب الطلبات
وسن:يااااقووي انت
ضحكت باصوت عالي وثقل في نفس الوقت لدرجة انو الي في المحل كلهم التفتو ليا
وقلت:اعجبك انا
راما:افف ياربية بكرة دواام وصدااع راس
وسن:تكفى رااميييوة لاتفكرنا بانكد ذا خلنا مستانسين
ابتسمت لوسن:الله عليك سموور
فهمت وسن ليش ابتسمت لها:اسمي ساامر يااستاذ ريان
ريان:ااسف طال عمرك مراح تتكرر
جاب القرسون الطلب واعطاناطلباتنا وحط لاندرياس الحليب في صحن مجوف قعد اندرياس يشرب بهدوء

 
جلسنا نسولف ومن سالفة لسالفة انا نزلت كاب الجكيت وبقيت الكاب العادي كان صوتي الاعلى لانو اناالوحيدة الي كنت متقنة صوت الاولاد فيهم
جاتنا بنت تتميلح عندي قربت من طاولتنا وسوت نفسها تزلق وتطيح في حضني
البنت بمياعة لوعت كبدي:اآآآآه
ناظرتها باجمود استغفر الله يعني في اشكال حقيرة كدا
البنت ولساتها على حالها وهية في حضني:سووري بيبي ماشفتك هوون
ريان:عساك ماتشوفين ثاني اجل مسوية انة حادث ومطيحة نفسك عليا بالعانية بفهم لييش باتغريني لاسمح الله
البنت ارتبكت:انامقلت هيك انت ليش تفــهم..
ريان:افههم ماافهم مايخصك اصلا اشكالك الحقيرة والواطية ماتحرك شعرة فيني فهممتي
دزيتها وطاحت بقوة على الارض
البنت:اااه ياوجع انت على شنو شايف نفسك علية لايكون بس عشان عيونك خضرا سرت تشوف نفسك
ريان باثقة:اكييد راح اشوف نفسي اجل واحد بجمالي الرباني وماتبيني اغتر
البنت:انتــ...
قاطعتهاريان:انتي الي ذليتي نفسك ليا وانقلعي عن وجهي لاتطيحي كرمتك اكثر
الشباب الي في المحل قاعدين يضحكو عليها والي يهمس لثاني وعلى وجهه ابتسامة
عصبت البنت مررة وتوجهت لطاولتها هية وصحباتها وخرجت جوالهاواتصلت على احد وجالسة تكلمة وهية معصبة ومرخية صوتها
ماهتميت لها قعدت احرك كوب الكوفي حقي وراما ووسن يسولفو لاحظو شروذي وسرحاني
وسن:ريان وشفيك سرحان
ريان انتبهت لهم:هاا ماني سرحان ولاشيئ
راما:علينا ياهوو اذا على البنت فتراك طيحت كرامتها واكثر
ريان بعدم المبالة:البنت ماهمتني ولاراح تهمني
وسن:اجل ايش فيك كذا
ريان وانااناظر من الشباك بتوهان:مدري عندي شعوور قووي انة راح تسرلي اشيااء تخرب حياتي وتخليها فوق تحت
راما:استهدي بالله وش هالحكي الي قاعد تقولة
ريان:مدري مدري بس هذا شعور من مدة ملازمني لدرجة انة الكوابيس ماتركتني بحالي
وسن:اتعوذمن ابليس وكمل قهوتك وبطل تفكير في المستقبل
ريان:راح احاول
جت بنت تانية لم طاولتنا ويش فيهم ذوول متسدحات عندنا كنهم ماشافو كيف تهزاءت البنت الي من شوي
البنت قربت من راما البنت كانت سمررة وحاطة قلوس فوشي صاارخ وعدسات سمواية ومسوية بف كبير وشعرها لونة اشقرولافة الطرحة بشكل مغري ومكثرة مسكرة وكحل وريحة عطرها قلبت بطني من قوة تركيزة
قربت حييل من راما اناانصدمت من جراءة بنات اليومين ذي وطبعت بووسة طويلة في خد راما اقصد رامي وبعدت عنه شوي ومدت كرت لرامي
وبصوت مااايع:كوول مي حبوو
ابتسم رامي ابتسامة وسيعة:ابشري يالحلو انتي
ضحكت البنت بمياعة وتوجهت لطاولة البنت الي طيحتها وهية تتغنج في مشيتها طالعت راما بصدمة
ريان:هييية انت موقلت انك ماراح تقبل بارقام البنات وراح تذل كل وحدة تتقرب منك
ابتسمت راما:يمكن يتغير راي الواحد في دقيقة
كملت الكوفي وانا مقهوورة من راما خلصت الكباتشينو ووقفت
سارت الساعة 10 ولازم نروح نشتري العشاء ونرجع
ريان:يلا شباب تاخر الوقت لازم نروح نشتري العشاء
وسن:اووكي
 
ريان ناظرت راما بانظرة حادة:اسبقوني لسيارة انابحاسب واجي
وسن:حااضر ياسيادة الرئيس
راماماتكلمت بس وقفت وشفتها بتروح حسبتها باتخرج من المحل بس لا توجهت لطاولة البنت الي اعطتها رقمها
البنت ماصدقت على الله احد اعطاهاوجهه ابتسمت ابتسامة وسيعة وقالت بادلع:هلاحبيبي
راماوفي نظراتها خبث:هلافيك يا..ياعمري
البنت مجرد ماسمعت الكلمة وجها بغي ينشق من وسع الابتسامة نزلت راما نظرها للطاولة ولقت موكا بارد اخدتة
راماببتسامة لطيفة:ممكن اخدة
البنت بادلللع ماااصخ:يفداك حياتي انت
راماابتسمت:شووكرا وفتحت غطى العلبة ورفعت يدها انصدمممت من الي سوتة راما بس في نفس الوقت شفى غليلي
رفعت يدها لفوق راس البنت وطششش بالموكا البنت فتحت فمها من الصدمة قربت راما من اذن البنت:اسيادك لاتحاولي تغريهم مررة ثانية يا...ياولابلاش اقوول خلاص كفاية طاح وجهك
وشقت الكرت حق رقم البنت ورمتة على الطاولة ومشيت باكل كبريااء وثقة خرجو راما ووسن واسمع ضحكات الشباب من هنا رحت حاسبت وخلصت كان معايا اندرياس
خرجت من المحل وواناافكر في ذا الاحساس الغريب الي يجيني ومااحس الى واناصاقعة في واحد طوويل رفعت راسي وتلاقت عيوني مع عيونة حسيتة بس شاف عيوني الخضرا الى وهو خاق وقعد الاخ يتامل
ملامحي خفت يكشف اني بنت واروح وطي طنشتة ومشيت ومااحس الى بيدة وهو ساحبني لة قال بنبرة خبيثة:وين وين يالحبيب
رفعت لة حاجبي:خيير يالاخو مضيع شيئ
تكلم:اكييد ابي شيئ
استغرربت مرة:وايش ذا الشيئ
قال وبنبرة فيها الغضب:راح اعلمك شلون تهين بكرامة حبيبتي ثاني مررة
ضحكت بستهزاء:ذيك الواطية حبيبتك اهاا ماكان لازم استغرب لانو دايم الطيور على اشكالها تقفع
عصب ورفع يدي بعطيني بكس الى واندرياس يتدخل وينبح بصوت مرعب قرب اندرياس من الولد وجابيعضة بس الولد كان اسرع وترك يدي ويدعس لسيارتة
قعدت اضحك قال بعلمني قال توجهت لسيارة وفتحت باب السايق وجلست
راما:ليش التاخير
ريان:ولاشيئ بس كانو كثيير عند المحاسبين
رامابعدم تصديق:اهااا
حركت السيارة وتوجهت للمطعم وكانت في سيارة تلحقنا اشترينا العشا وتوجهنا لطريق الشالية كان الطريق شبة خالي لانو اهل وسن مشترين ارض كاملة لهم ويبو يبنوها شاليهات
وبين ماكنا نمشي تخطتنا السيارة الي ورانا ووقفت بالعرض قدام سيارتنا وطلع منها الولد نفسة وهو على وجهه ابتسامة خبيثة قرب من سيراتنا ولازال يقرب
وسن دموعها تجمعت لانها خوافة دايما وسن ببكى:والله ياريان لو سار لنا شيئ انتي السبب فاهمة

يتبع
 
الوسوم
منتديات. شبكة. العربية. العامة
عودة
أعلى