صار أعذب الشعر أقبحه
تدرين يالعشق الأزل ماهوا لكسر وقت الفراغ
ولا هو على شاني أكون شاعر نجم أو مصلحه
ولا كتبته حب فيه أو جيت له هاوي وباغ
أو سلعه والمقصد رواج لأحقر تجاره رابحه
كتبته لك منك. وبك. بنات فكره من الدماغ
والقيته نوح ببوح قلب ,حضرة ,غيابك تجرحه
وينقسم, لك ,أو هو فيك إما ببلاغه أو بلاغ
يا أوصفك وابكي عليك أو حالي بعدك أشرحه
يالدر في غبة لجج مخـلوق ومن نوره,, يُصاغ
هاله بريحة راح و روح ريحانه عطرك تطرحه
تفداك عين أعميتها وقلب حرقت وعقل زاغ
والدمعه اللي لا طريت من قبل خدي تصافحه
ردفتها بزفره و خطفت بيديني أطراف الشماغ
وغطيت به سرٍ دفين من خوف عيني تفضحه
ياسيدة شعري الهدف أنتي ولوهو عنك راغ
فقد بفقدك قيمته وصار أعذب الشعر أقبحه
