خذ راحتك وانس الزمان وجراحه

المنسي

الاعضاء

خذ راحتك
خذ رآحتك في رآحتك. ليّ راحة

. . . . . . لاتنزعج يشب جــوفي حــــــريقه



خذ رآحتك مع السفر والسياحه

. . . . . . شرّق وغرّب خل نفسك طلـــــيقه



خذ راحتك وأطلق لجوَّك سراحه

. . . . . . لاتنقل همّي خل نفسي غــــــريقه


خذ راحتك وأحكم فضاي وبراحه

. . . . . . خذ فرحتي وأمسح بها كل ضيقه



خذ راحتك ماجاملك ذي صراحه

. . . . . . خذ راحتك اقولها لك حقــــــــيقه



خذ راحتك وأعط الخفوق إنشراحه

. . . . . . لايفقد الناظر وخدك بــــــــــريقه


خذ راحتك طائر وسير وسباحه


. . . . . .خذ راحتك دون الاذن والوثـــيقه



خذ راحتك يامن لقلبي صباحه

. . . . . . خذ راحتك واللي تبي من يعـيقه



خذ راحتك من يمنعك ذي وقاحه

. . . . . . خلّه يولّي وأبتعد عن طـــــــريقه



خذ راحتك كل الوسائل متاحه

. . . . . . خذ راحتك لو السفر ما أطــــيقه



خذ راحتك وانس الزمان وجراحه

. . . . . . امانه لايجرح مشاعر رقـــــــيقه



خذ راحتك واعط المولّع مساحه

. . . . . . يكفيه من ساعات يومك دقـــيقه
 
خذ راحتك وانس الزمان وجراحه
 
الوسوم
الزمان خذ راحتك وانس وجراحه
عودة
أعلى