ســــافــــر حـــبـــيـــبـــي .....
بكيت وقتٍ راح عهدي به اليوم
بكيت فرقا اللي على القلب غالي
أقبل حبيبي وحمله اليوم مزموم
جاني يودعني عسى الوقت طالي
أحس في صدرة تناهيد وهموم
وأشوف في عينه ليالٍ خوالي
ضميت كفة وصابني الشوق بسهوم
جرحٍ عظيم وعلة ٍ ما تزالي
الله ياقلب ٍ بليـــــــــاه محروم
والله ياهــــمٍ يهد الجبالي
طيفه حبيبي داخل القلب مرسوم
ماغاب لحظه عايشٍ في خيالي
عزاه ياحال من الهم مسموم
بعد الوصال اليوم جالس لحالي
أقفى وخلى دمعتي تفرح القوم
كل العواذل بالشماته تغالي
الموت كل الموت لاصرت محروم
والشوق زاد الشوق حد إعتدالي
أسهرت عينٍ باكية تبغي النوم
وأبكيت قلبٍ ما طراله طرالي
ياليت كل اللي جرا أوهام وحلوم
وياليت بعده فالهوى ماجرالي
صرت أحسب الأيام يوم بعد يوم
وأنطر رجوعه أو يفيد أتصالي
أزم حملٍ قاسي ٍ وأرفض اللوم
قلبي معه وشلون ماهوب غالي
ولا نادو إسمه صحت أنا اليوم مضيوم
اليوم وينك إنبرا اليوم حالي