الغيـث أولـه قطــره

المنسي · 22/12/12

بسم الله الرحمن الرحيم

السلام عليكم ورحمة الله وبركاته

الغيـث أولـه قطــره

أنا ادري إن الغيـث أولـه قطــره
ثــم ينهمـــر عليك وبل السحابة..

حروف رتبتها بـ دفتري وسطره
سمو مبـداهـ في غرور الكتـابة..

بـدع المثـايل تـرى نيـة وفطـره
ومن غطس للمحـار قالو جـابه..

عسفت لك من بد مهاري مهـره
ولجمتها في رسن عـز ومهابة ..

وزرعت في وادي الابداع فكـره
سقاها حبــر ٍ تغرطس بانسكابه ..

يا صاحبي تفهـّـم فالبيـت وشطره
وضوح معناه يعزلك عن ضبابه ..

يوم حروف الوداع شهدت عبره
دمع ٍ جرح خــد الفراق انسيــابه ..

واللي كتب الشوق وحـس جمره
كأنـه كـما عـــود ٍ تمنى شبابـه ..

عمـر ألاماني ما تجي خيط وابره
نقدر نفصّل منهـا حـلم و ســرابه ..

من طاف عليه الوقت أصبح ذكره
يوم الزمـان الجميل اقفى وغـدابه..

ولا تعـشـم النفـس وتقـول بكـره
تــرى اغـلب ايامـك تجي تشـابه ..

عش واقع واخذ فـ الدرس عبره
ومن يغيب عنـك لا تحـاتي غيابه..

ولا كل كسـرٍ ينفع بالوقت جبـره
ولا كل قلب انجرح ينقل صوابه ..

وأنا ادري إن الغيث أوله قطـره
لا شـك ما كل ســؤال ٍ له إجـابة ..