باتخيلك في منامي

المنسي

الاعضاء

باتخيلك في منامي


نامي فديتك ،مابقى ليل نامي
نومة هنا واحلام حلوه سعيده
وانا هنا باتخيلك في منامي
الين تشرق شمس صبحآ جديده
مثلك ينام ،بنومته ما يلامي
ومثلي توقد في حشاه الوقيده
مايعرف من الناس معنى كلامي
الا مصافح لوعة الحب بيده
ماعلمك جرح المحبه علامي
والا سؤالك ماحسبتك تعيده
يامسهر عيوني وسبة غرامي
يادم شريان الخفوق ووريده
ياللي عطيتك دنيتي في هيامي
ياراس مالي بالبنوك ورصيده
ياللي عطيتك رغبتي واحترامي
واخذت منك الحزن واشيا عديده
يا اللي عليك القلب جايع وضامي
أسير حبك ينتظر فك قيده
صاحبك جرحه في حشاياه دامي
أصبح بوسط كفوف الاحزان صيده
اموت وانا عايشآ في ظلامي
ما دامك انتي عن عيوني بعيده
 
الوسوم
باتخيلك في منامي
عودة
أعلى