حسن شحاتة ..... رئيسا لوزراء مصر bismel10.gif

حسن شحاتة ..... رئيسا لوزراء مصر filemanager.php?acti

لا محدش يصدق طبعا العنوان على انه خبر

ده مجرد جذب انتباه

لكن لنفترض ان السيد الرئيس اقتنع ان المسئول الوحيد بمصر الذي نجح في تخطيط و تحقيق و نجاح اي مشروع هو حسن شحاته صاحب انجاز حصول مصر على كأس الأمم الأفريقية ل 3 دورات متوالية

بنقول لنفترض ان الرئيس قرر ان حسن شحاته بوصفه الوحيد الذي جعل مصر تحقق نجاحا في شئ ما بعكس باقي رجال الدولة

و برضه لأن نجاح حسن شحاته ادخلت الفرحة و السعادة لقلوب المصريين بعكس باقي الوزراء الذين اذا بدأ احدهم في تلاوة بيان تظهر آثار التشنجات على وجوه المصريين خوفا من الكوارث و المصائب التي ستطولهم حتما بعد هذا البيان

فهل سينجح حسن شحاته في رئاسة وزراء مصر لو تولاها فعلا ؟؟؟

ما رأيكم ؟؟؟

اتمنى ان اسمع رأيكم في ذلك

انا شخصيا ارى انه سينجح فعلا برغم ان مؤهلاته العلمية متواضعة لهذا المنصب

و اليكم الأسباب

لو حضراتكم شاهدتم الفيديوهات التي تسجل لقاءات أهل اللاعبون مثل جدو و عصام الحضري ستكتشفون لأول وهلة انهم اناس بسطاء من ريف مصر و اعماق اعماقه

و هذا ببساطة معناه ان حسن شحاته يختار لاعبيه لكفائتهم البحتة و ليس بسبب واسطة او محسوبية او عضوية حزب معين او انتماء لرجال الأعمال او غيره

الراجل ببساطة بيختار الرجل المناسب في المكان المناسب ... و طبعا حضراتكم عارفين حكومتنا بتفشل ليه لما الفساد المتغلغل فيها بيحط الكوسة المقمعة في المكان السقع

برضه حسن شحاتة نجح في ان يجعل الطاقم كله يعمل بروح الفريق ... واضح انهم كلهم بيتعاملو مع بعض كأنهم عيلة واحدة متماسكة كل واحد عارف دوره اللي بيكمل الباقيين ... و بالمقارنة مع اداء الحكومة ستجد انها عدة حكومات بل قل مئات الحكومات المختلفة التي تضع قرارات متضاربة و متعاكسة و لا تحقق سوى المزيد من التضارب و الضبابية و الخسارة المحققة

غير كده الراجل نجح في انه يضع معايير للأخلاق و الإلتزام الأدبي و حتى الديني لكل اعضاء الفريق .... طبعا انا موش متفق مع اللي بيقول ان ده شرط للإختيار .... لكنه بوضوح شرط مهم لإستمرار اللاعب في الفريق .... يعني اللي فات مات لكن اشتراك اللاعب في الفريق الوطني معناه الإمتثال لهذه المعايير ... لو قارنا هذا بإختيار وزراء او استمرارهم لسنوات طويلة في مناصبهم برغم كل ما يثار عنهم من شبهات لعرفنا الفرق

كمان حسن شحاته اثبت انه صاحب حس سياسي يجعله يأخذ القرار المناسب في التوقيت المناسب .... لاحظو مثلا قراره بإشراك جدو في مباريات عدة في توقيت مناسب للغاية لتحقيق هدف محدد .... ز طبعا الحس ده موش موجود في حكومتنا الغير رشيدة .... خدو مثلا اصدار قانون الضريبة العقارية في اسوء توقيت من الكساد و الأزمة المالية .... بالذمة الناس هتتعاطف ازاي مع القانون و هي تشعر انه هم جديد فوق همومهم العديدة

آخر شئ هو الحافز .... يعني اللاعب من دول عارف ان الفريق لو مكسيش مفيش حوافز ... لذلك تجد استبسال منهم للمكسب و بعدا عن الأنانية في اللعب لإثبات الذات و التي قد تضر بمكسب الفريق و من ثم خسارة الحوافز .... من غير حافز مفيش شغل و لا مكسب و لا أي شئ يتحقق .... ازاي بقى حكومتنا بتطالب الناس بأنها تموت في حب مصر لله في الله و اللي بيقبض في الأول و الآخر هم برضه الشلة اياها .... ليه الطالب يتفوق و هو موش شايف اي أمل .... ليه الموظف يشتغل و هي خربانة خربانة .... الحافز هو سر التطور

اتمنى ان اسمع رأيكم كلكم و تعليقاتكم